رواية غرام الفصل الحادي والعشرون 21 بقلم زهرة الربيع

رواية غرام الفصل الحادي والعشرون 21 بقلم زهرة الربيع

رواية غرام البارت الحادي والعشرون

رواية غرام الجزء الحادي والعشرون

رواية غرام الحلقة الحادية والعشرون

غرام ضمت نفسها على زاويه ودموعها نزلت وقالت…انا..انا مش عايزه اتكلم في الموضوع ده خالص
بدر كان متفاجأ جدا ومتلخبط ومستغرب بشده بس لما شاف دموعها قلبو وجعو عليها قعد جمبها على السرير وقال بحنان..احكيلي ياغرام انا حابب افهم لو سمحتي انتي مش كنتي فاكره ان الزفت عماد ده جوزك وهو قلي انكم كتبتو كتابكم من الصبح وانك بقيتي مراتو ولما طلعتي من الاوضه كنتي لابسه هدوم نوم يعني ازاي مقربلكش مش فاهم
غرام قالت بحزن…هو كان ..كان هيقرب مني بس انا ..انا موفقتش
بدر استغرب اكتر قال…..انتي موافقتيش…ليه
غرام بحزن شديد…انا ..انا كنت زعلانه جدا اني اتجوزت من وراك انت وعمي وقولتلو اني مش حابه تحصل بنا حاجه الا لما يبقى جوازنا في النور قولتلو انكم هتزعلو مني كام يوم وبعدها هتوافقو على جوازنا وساعتها نبقى نتمم جوازنا
بدر بصلها وقال باستغراب…وهو وافق على كده ..
غرام بصتلو بكسوف وقالت..لا موافقش وكان عايز يعمل كده باي طريقه بس لما لقاني بعيط جامد بعد عني وقالي براحتك وقال مش هيعمل حاجه انا مش عيزاها وكملت بسخريه..هه كنت فكراه بيحبني بس طلع كل ده علشان ينتقم منك كان عايز يعمل معايا كده في الحرام الوا.طي الس.افل بس لما منعتو قالي خلاص نتكلم في الموضوع ده لما تهدي وبعدها انا نمت شويه وصحيت لما انت جيت تاخدني
بدر بصلها بسعاده كبيره وحاسس انو هيطير من الفرحه بقى مرتبك ومش مصدق نفسو ضحك بفرحه وشدها ليه وضمها بقوه وقال…انا مش مصدق…يعني…يعني مقربش منك انا عمري ما فرحت قد انهارده .انا كنت متأكد انك ليا انا وبس يا غرامي
غرام قالت…يعني الموضوع فرق معاك اوي كده
بدر بصلها وابتسم بسعاده وقال…طبعا واكتر من ماتتخيلي …انتي مش فاهمه انا كنت بحس بنار جويا كل ما فكر ان الكل.ب ده لمسك او قربلك انا ببقى هموت واقتلو باديه بس خلاص انتي بقيتي ليا انا وبس يا غرام… حببتي انا وبس
غرام كانت بتبصلو وبتحاول تفهم اي حاجه بتتمنى لو تقدر تقرى افكارو قالت…طب انت يعني مش هتقولي انت مخبي ايه عني انا حاسه ان فيه حاجه.
بدر حضن وشها باديه وقال…انا عايزك تثقي فيا يا غرام خليكي متأكده اني هعمل الانسب ليكي تمام ان هحل كل حاجه بس…
غرام قاطعتو وقالت…بس مسألكش على حاجه ..حفظتك انا….بس على فكره انت كل ما بتقولي ثقي فيا بتحرقلي قلبي فاكر اخر مره قولتلي كده جهزت جوازك من سحر
بدى ابتسم عليها وقال…ايوه بس شوفتي الي حصل في النهايه زي ما قولتلك صلحت كل حاجه
غرام قالت بكسوف …ايوه صلحت بس بعد ما فضلت اسبوع اتعذب وانا فاكره انك هتتجوز
بدر حس بحزن شديد من ناحيتها كان هيرد بس غرام دفنت نفسها في حضنو ومسكت فيه جامد وقالت…بس خلاص انا مش زعلانه منك ابدا المهم انك جمبي ومش هتسبني ابدا مش كده
بدر قال بحزن…احم…اكيد وحاول يغير الموضوع وقال…طب ايه مش هتقوليلي بحبك بقى
غرام بضحك…تؤ ..لا
بدر بابتسامه…ليه بقى كل الي حصل ده ومحبتنيش مش معقول
غرام بكسوف…بس بقى يابدر وانبي
بدر شدد من حضنو ليها وباس راسها وقال بتنهيده ربنا ما يحرمني منك ابدا
في صباح يوم جديد
عصام وسحر قاعدين بيفطرو سوا وبيضحكو وفرحانين جدا
سحر قالت …والله تعبت من الاكل حرام عليك كفايه وانبي
عصام وهو بيأكلها كمان…طب اخر واحده اهوه
سحر قالت…يوووه مش قادره ..خليني انا ااكلك انت مكلتش حاجه
عصام بصلها بحب وقال…انا اتمني تأكليني باديكي بس خايف السكر يعلى عندي
سحر ضحكت بكسوف وقالت…على فكره انا مش هقدر اجاريك في الكلام ده واضح عليك مش سهل…والله اعلم قولت الكلام ده لكام واحده
عصام ضحك بقوه وقال..انا….لا من النحيادي اطمني
سحر كانت هترد بس فاجأهم خبط شديد على الباب
عصام فتح الباب وكان كمال وهشام
عصام قال باحترام ..اهلا يا عمي اتفضل
كمال بصلو بقرف وقال …ناديلي سحر خلينا نمشي يلا
عصام استغرب جدا وسحر جات وقالت صباح الخير يا بابا فيه حاجه ولا ايه
كمال بضيق…ادخلي البسي ويلا نازلين القاهره دلوقتي
سحر بعدم فهم…. اجي معاك فين يا بابا انا اتجوزت دلوقتي و
بس قاطعها هشام وقال بسخريه..اتجوزتي بتسمي دي جوازه بقى ابن السواق ده يناسبنا احنا بلاش كلام فارغ والبسي يلا
بقلمي..زهرة الربيع
عصام اتضايق جدا منو بس سكت علشان سحر بس سحر مسكتتش وقالت بحده…انت ازاي تتكلم عليه بالطريقه دي عصام جوزي ومسمحلكش تقلل منو فاهم
كمال قال بزعيق….يوووه مش هنخلص ولا ايه بقولك ادخلي البسي وبص لعصام وقال..وانت لازم تفهم ان جوازكم امبارح كان علشان منظرنا قدام الناس مش اكتر من كده.. وانا هاخد بنتي دلوقتي ونستنى شهر كده الناس تنسى وتطلقها… انا مصرفتش على تعليمها واكلها ولبساها دم قلبي علشان اجوزها لواحد هلف.وت زيك في الاخر
سحر قالت بحده…بابا..بس عصام قال بغضب سيبيه يا سحر خليه يقول الي عايزه كلو ..الهلف.وت الي مش عاجبك ده شئت ام ابيت جوز بنتك ..وطلاق مش هطلق…ولا هيه هتتحرك خطوه من هنا الا على جثتي
هشام قال باستهزاء على فكره جثتك متفرقش معانا ابدا ولو بتقول كده عايزلك قرشين ..احنا موافقين..المهم تطلق ونخلص ولواني شايف ان اليله الي قضتها معاها كفايه اوي على واحد زيك
وهنا بقى عصام مقدرش يتمالك اعصابو اكتر وضرب هشام بوكس وقعو على الارض ونزل عليه ضرب شديد وكمال وسحر بقو يبعدوه عنو بالعافيه سابو وسحر كانت واقفه قدامو بتمنعو وهو بيقول بعصبيه..انت لو راجل مكنتش تقول كلمه زي دي عن اختك لاكن والدك خلف بنتين بس ولاخر مره هقولهالكم سحر مراتي وهتفضل معايا واتفضلو من غير مطرود
كمال قال بغضب وان ممشيناش هتعمل ايه يعني هتروح تتصل بسي بدر بتاعك ولا هتعمل ايه
عصام بغضب …لا مش هتصل ببدر هتصلكم بالبوليس يجي يلمكم اصلا ملكمش غير كده
كمال قال بعصبيه…سامعه يا ست سحر عايز يسجن ابوكي واخوكي والله يا سحر لو ما مشيتي معايا لا انا ابوكي ولا اعرفك وتنسي ان كان ليكي اب او اخ في يوم قولتي ايه
سحر وقفت بصدمه شديده وهيه في موقف لا تحسد عليه
عند بدر كان قام من النوم ورتب فطار جميل على البحر لغرام
غرام قامت من النوم ملقتوش جمبها بصت من القزاز ولقتو بيجهز الطاوله على البحر ابتسمت بسعاده ودخلت اخدت دش
وطلعت تفطر معاه
غرام ابتسمت بحب وقالت…صباح الخير ايه النشاط ده كلو
بدر ابتسم وقرب عليها باسها برقه وقال…صباح الجمال اتفضلي يا هانم فطارك جاهز وشد الكرسي وقعدها عليه بطريقه شيك وقعد على كرسي قصادها
غرام بصت حواليها وقالت باستغراب…هو المكان ده في شرم..ده مفيش حد هنا خالص الشاليه مفيش حواليه غير البحر
بدر ابتسم وقال…مش انا خاطفك يبقى لازم اجيبك مكان مفهوش حد…
غرام ابتسمت وبقت تاكل وهيه مبسوطه جدا بس بدر قال بتوتر…احم غرام انا كنت عايز احكيلك حاجه مهمه
غرام باهتمام ..طب قول انا سمعاك
بدر اتنهد وقال…لما تاكلي الاول وغرام بقت تفطر وبدر فضل سارح فيها وبيبصلها بانتباه لكل حركاتها
غرام قالت..الحمد لله شبعت ايه الموضوع بقى
بدر اتنهد وقال…بصي يا غرام انتي اتربيتي معايا صحيح بس فيه حجات كتير متعرفيهاش عني من ضمن الحجات دي ملك …اختي
غرام بصتلو بحزن وقالت…ايوه طنط صفاء قالتلي انها اتخطفت وهيه اصغر من تلت سنين زعلت عليها بجد ان شاء الله تكون عايشه وتلاقوها
بدر قال بحزن…هيه فعلا عايشه وانا قربت الاقيها…. هيه ماما قالتلك مين كان خاطفها
غرام قالت…لا…قالتلي حد من منافسين بباك
بدر بحزن…فعلا ..واحد من اعداء بابا وكان خاطفها علشان فيه صفقه كبيره كانت هترسي على بابا وطلب منو ينسحب بس بابا فعلا انسحب وهو اصر انو ملوش دعوه ومرضيش يقوول على مكانها واحنا مقدرناش نأذيه لانو الوحيد الي يعرف مكانها بس فقدنا الامل في رجوعها لما اتوفي الراجل ده من عشر سنين وفضلنا فاكرين ان عمرنا ما هنلاقيها عارفه الراجل ده مين
غرام باهتمام..مين…
بدر بضيق…… رأفت السيوفي
غرام بتفكير…رأفت السيوفي…زي ما كون سمعت الاسم ده قبل كده
بدر بتنهيده …اكيد سمعتيه…ده والد عماد
بقلمي..زهرة الربيع
غرام برقت بصدمه وقالت ايه والد عماد انت متأكد
بدر بحزن..ايوه متأكد بعد ما فقدنا الامل مع موت رأفت فاجأني عماد وقلي بعدها بسنين ان ابوه قبل ما يموت عرفو مكان ملك ..طبعا معنديش دليل يثبت صدقو بس ده بانسبالي الامل الاخير
غرام بحزن…علشان كده انت مقتلتوش ولما ضربت عليه نار وديتو المستشفى علشان كده مستحملو لحد دلوقتي
بدر بغضب..ايوه ولو الاقيها بس ..انا مش هخليه عايش ثانيه واحده بعدها …وكمل بحزن…بس هو عندو شرط علشان يقول مكانها
غرام قالت بسرعه..يقول الي عايزه دي اختك لو عايز اي فلوس وافق يا بدر
بدر نزل راسو بحزن شديد وقال..بس هو مش عايز فلوس …ياريتو كان عايز كل الي عندي كنت وافقت وانا مرتاح…بس هو عايز روحي…عايزك انتي يا غرام
غرام بصتلو بصدمه وقالت بزهول…انا…ههه..ده بيهزر صح..وهو يعني..فاكر انك ممكن توافق
بس سكتت بصدمه اشد لما شافت دموع في عنيه وبيبصلها بحزن شديد كانت هتتكلم بس لمحت عماد جاي ناحيتهم
غرام وقفت بصدمه واتسعت عنيها بشده وقالت وهيه بترتعش بتوتر…انت..انت جاي هنا تعمل ايه اتفضل امشي ونزلت دموعها وقالت مشيه من هنا يا بدر
بدر وقف بحزن شديد ودموعو حابسها بالعافيه مش عايز يبان في موقف ضعف قدام عماد فضل يتحاشا يبصلها وهيه بتبصلو برجاء وصدمه ودموع
عماد قال بابتسامة شماته…ها على الله متكونش جايبني على الفاضي هتنفذ الي قولتو وتطلق ولا ايه
وقعت الكلمه على غرام زي الخنجر قعدت على الكرسي بانهيار شديد بس دموعها وقفت كأنها رفضت تنزل ولزمت الصمت بطريقه تخوف
بدر بصلها وخاف عليها جدا بس باانسبالو كان ده الحل الوحيد قال بقوه مصتنعه انا موافق اتفضل قول الي عندك في الاول
عماد ضحك بقوه واستفزاز وقال…لا يا حلو تطلق اتكلم ده كان اتفاقنا اتفضل وريني صدق كلامك الاول…سمعني الكلمه الي بتمناها
غرام رفعت عنيها ليه وبدر بصلها بدموع وقوه مصتنعه وقال بجمود مزيف…انتي طالق يا غرام ووووووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)