رواية غرام الفصل السابع والعشرون 27 بقلم زهرة الربيع

رواية غرام الفصل السابع والعشرون 27 بقلم زهرة الربيع

رواية غرام البارت السابع والعشرون

رواية غرام الجزء السابع والعشرون

رواية غرام الحلقة السابعة والعشرون

المجهول ابتسم وقال بمكر …اهلو ميعرفوش مكانهم..قولتيلي..خلاص انا عرفت هما فين
وقفل معاها وابتسم بخبث وقال…..خدها مكان ما انت عايز لو اخر الدنيا هحسرك عليها يا ابن القاضي
عند بدر كان قاعد بيتحايل على غرام علشان تاكل قال بملل…..يا غرام انتي مش صغيره بقالي ساعه بتحايل عليكي لازم تاكلي علشان تاخدي علاجك
غرام كانت مش بتبصلو حتى وقالت بعند…مش هاكل انا حره ولا عايز علاج ويارب اموت وارتاح منك بقى
بدر ابتسم وقال قاصد يغيظها..بعيد الشر عنك يا غرامي دانا احصلك على طول
غرام بصتلو بضيق وقالت بغيظ…طب ما تتكل انت واحصلك انا ….هحصلك متقلقش
بدر كان حابس ضحكتو بالعافيه من منظرها وقال بابتسامه جميله…طب كلي بقى ..طب عارفه لو اكلتي هخرجك افسحك وهوديكي الملاهي كمان
غرام قالت بضيق شديد وتريقه…لا والله ومش هتجبلي مصاصه كمان هو انا عيله بتحايلني وبعدين انا مبحبش الملاهي اصلا ريح نفسك
بدر بصلها بدهشه وقال…في بنت مبتحبش الملاهي غريبه دي بالعاده البنات بتشدها الحجات التافهه دي
غرام قالت بغيظ شديد..فعلا البنات بتشدها الحجات التافهه علشان كده بيتشدو لصنفكم
بدر ضحك وقال..طيب يعني هتفضلي من غير اكل على طول كلي وهوديكي اي مكان تختاريه قولتي ايه
غرام بصتلو وقالت علي طول… موافقه عايزه اروح مكان حضرتك متكونش موجود فيه ها هتوديني
بدر اتنهد بتعب منها وقال بنفاذ صبر …بصي بقى هتاكلي زي الشاطره ولا ااكلك بالعافيه
غرام قالت بعند شديد …طب وريني نفسك كده
واول ما قالت كده بدر شدها قعدها على رجلو بالعافيه وثبت ايدها وحطلها الاكل في بقها بالعافيه
غرام حاولت تفك نفسها منو مقدرتش ولقتو بيأكلها بسرعه كل ما تحاول تتكلم يحطلها الاكل في بقها قالت بضيق…خلاص خلاص هاكل..هاكل سبني
بدر قال بعند…لا هتاكلي كده… وقال بصوت عالي شويه ..يلا افتحي بوقك
غرام بقت تسمع كلامو عيزاه يسيبها وبدر فضل يأكلها بأيده وهو سارح في عيونها وجمالها الساحر
غرام بصتلو لقتو بيبصلها جامد ومركذ فيها وهيه كمان فضلت شويه مركذه في عيونه وكانت ما بينهم نظرات جميله جدا بدر نسي نفسو وقرب من شفايفها براحه وغرام غمضت عنيها ولسه هيبوسها قامت غرام دفعتو بشده بعيد عنها ووقفت وقالت بزعيق…انت بتعمل ايه
بدر غمض عينه بضيق وقال …هعمل ايه يعني يا غرام ..يا حببتي انتي مراتي وانا..
غرام قاطعتو بغضب وقالت …بقولك ايه متقربش مني خالص فاهم
بدر اتنهد وقال…. فاهم..ممكن بقى تاخدي العلاج …لو سمحتي
غرام قعدت على السرير وخدت منو العلاج و شربتو وراحت تنام
بدر قال بهدوء …هو انتي هتنامي ..
غرام مبصتش عليه وقالت بضيق…ايوه عندك مانع ولا ايه
بدر قال..لا ابدا بس الدنيا بدري شويه قولت نخرج نروح مكان نقعد فيه او اي حاجه يعني
غرام ابتسمت بخبث وقعدت وقالت…تمام…عايز اروح السينيما اشوف فيلم رومانسي جديد
بدر بلع ريقه وقال ..اه..يعني..مينفعش نروح مكان تاني اصل يعني.
غرام قاطعتو وقالت باستفزاز…ليه…خايف
بدر قال بضيق..وهخاف من ايه يعني
غرام قالت بتسليه…من الضلمه ..مثلا
بدر اتنهد بضيق وقال …يا غرام ميت مره قولتلك مش بخاف من الضلمه ..انا بس نفسي بيضيق شويه منها وبطلي تقولي بتخاف دي
غرام قالت…خلاص مش هقول بتخاف ..بس انا بقى يا اروح السنيما يا مش رايحه مكان خالص
بدر اتنهد وقال..اه..هيه غلاسه يعني مش اكتر..قومي هوديكي السنيما
غرام قالت باستغراب…بجد هتروح..وهتدخل يعني لو مش عايز ممكن ادخل لوحدي
بدر بنرفزه بيحاول يداريها …عايزه تحضري فيلم رومانسي لوحدك …واستناكي انا بره بالفشار…قومي يا غرام ربنا بهديكيي متختبريش صبري
غرام كانت جاهزه بس حبت تدايقو اكتر قالت فيه طقم عجبني في الدلاب ده هلبسو واجي
بدر قال تمام…متتاخريش وغرام خدت الهدوم ودخلت الحمام وبدر فتح التليفون وكلم بباه
محمود قال بلهفه وعصبيه شديده..انت فين يا زفت انت ..مش هتبطل التهور ده عايز تجلطني يعني
بدر قال بهدوء..بعيد الشر عنك يا حوده فيه ايه مالك هو انا صغير لقلقك ده
محمود بعصبيه..مهو المصيبه انك مش صغير والمفروض تبقى فاهم حالة بنت عمك ومتعملش عمايلك دي
بدر قال بضيق…بابا غرام مش بس بنت عمي دي مراتي وانا مش هخليها ترجع المستشفى وكل الي في بالك تنساه طلاق مش هطلق
محمود عارف ان التهديد والعصبيه مبتجبش مع بدر قال…طيب يا بدر الي عايزه هعمله المهم ارجعو احنا قلقانين عليكم ومماتك قلقانه
بدر قال بهدوء..طيب يا بابا يومين كده وهنرجع متقلقش سلملي على ماما وعصام وسحر سلملي عليها قوي لانها وحشاني بجد وقفل معاه واتفاجا بغرام واقفه وراه
بدر بصلها واتجمد مكانو كان منظرها مغري لاابعد الحدود لابسه فستان سهره ضيق مبين منحنيات جسمها طويل ومفتوح على جمب مبين رجلها الشمال كلها ومفتوح بسخاء على الصدر ورافعا شعرها بطريقه حلوه بدر بلع ريقه وقرب عليها وقال ..احم…ايه..ده..قصدي ..الفستان حلو قوي عليكي .
غرام قالت …شكرا كنت بتكلم مين بقى
بدر ابتسم وقال..يعني معرفتيش مين .وانتي واقفه بتتصنتي
غرام قالت بضيق…وهتصنت عليك ليه اصلا..على العموم انا خرجت بالصدفه من ساعت ما قولتلو عايزو يسلملك على سحر قوي لانها وحشاك
بدر ضحك بقوه لانو افتكر ان غرام لسه معندهاش فكره عن موضوع سحر قال…انتي غيرانه ولا ايه
غرام بصتلو بضيق وقالت بغيره بتحاول تداريها…واغير من مين..من سحر..على فكر لو مش واخد بالك سحر بقت مرات عصام صاحب عمرك وده سبب يخليك لو عندك دم متبصلهاش اصلا
بدر ابتسم وكان فرحان انو شايفها غيرانه عليه قال..تؤتؤ فيه تلت اسباب مش سبب واحد..اولهم فعلا عصام..والتاني انتي ..انتي الي تكوني في حياتو مستحيل يشوف غيرك
غرام ابتسمت بفرحه معرفتش تداريها وقالت…طب والتالت
بدر قال بابتسامه…التالت بقى اهم من ده كلو ومحتاج وقت على مل تستوعبيه بس هقولك علشان ترتاحي..سحر طلعت ملك اختي
بقلمي..زهرة الربيع
غرام اتسعت عنيها بشده وقالت بتهته…از.ازاي ده..انت بتهزر ولا بتتكلم جد..ولا ايه
بدر قال..لا ازاي دي قصه طويله اققولهالك بعدين وبصلها كده من فوق لتحت وقال بضحك..ايه انتي قررتي ترحميني وتخلي السهره هنا ولا ايه
غرام ابتسمت وقالت…لا احنا خارجين يلا قبل الفيلم ما يبدأ
بدر قال بغضب مكتوم…. فيلم ايه الي يبدأ انتي عايزه تروحي بقميص النوم ده
غرام بتحاول تضايقو قالت..اولا ده مش قميص نوم ده فستان سهره وحلو قوي وانت الي جايبو كمان
بدر بغضب ايوه انا جايبو علشان تلبسيه هنا على سهره على البحر لوحدنا مش علشان نطلع بيه وافرج الناس جسمك ادخلي غيريه
غرام قالت بعند …مش هغيره هطلع بيه
بدر راح ناحية الدلاب بغضب وجاب درس شيك جدا وطويل ومقفول وقال…خدي البسي ده يا غرام وعدي ليلتك على خير
غرام قالت بعند شديد..مش هغير..و بس فاجأها بدر لما شدها عليه وبقى يفتح سوستته الدريس الي لبساه وقال …شكلك انهارده عيزاني اعمل كل حاجه بنفسي
غرام كانت بتحاول تبعدو وبتضربو بس طبعا ولا مأثره فيه واول ما نزل الفستان شويه قالت بسرعه…هغير هغيرو والله …ابعد
بدر سابها وهيه خدت الفستان ودخلت الحمام بغيظ شديد وبدر ابتسم عليها
بعد شويه طلعت وكانت زي الحوريه بالظبط الفستان كأنو اتعمل لها طله انيقه وجذابه زي العاده وسابت شعرها على اكتافها وكانت طالعه جميله جدا
بدر كمان كان لبس وكان شيك جدا واول ما شافها اتنهد وقال…مفرقش كتير برضو مفيش حد هيشيل عينه من عليكي
غرام كانت متغاظه منو بس عجبها كلامو ابتسمت برقه ومسك ايدها وخرجو سوا وراحو السنيما ودخلو فيلم وقعدو واول ما بدأ الفيلم والنور اتقفل بدر حط ايده على ايدها بطريقه عفويه وغرام كانت هتموت وتضحك
بدر شال ايده وفضل يسمع معاها وبيحاول يكون هادي بس غرام في نص الفيلم حست انو متوتر وبيحاول يهدى علشانها غصب عنها حست انها خايفه عليه.. بصتلو وقالت ..
يلا نطلع الفيلم مش عاجبني
بدر كان هيموت ويطلعو بس عرف انو هيه هتطلع علشانو مسك ايدها وضغط عليها وباسها برقه وقال…لو حابه تكمليه انا كويس
غرام سحبت ايدها براحه وقالت…لا هو مش حلو اصلا يلا بينا
وفعلا طلعو وبدر وقف في الهوا شوبه بيحاول يتنفس كويس غرام بصتلو بقلق وقالت بدموع…انا اسفه….غصب عني بحس اني عايزه اضايقك يا بدر انا فعلا مش طبيعيه مهو مهما اكون مضايقه منك مينفعش ااذيك كده انت كنت مش عارف تتنفس وانا..
بدر بص في عنيها بحب شديد وابتسم وقال…انتي بكلامك ده بتعذبيني انا مستهلش انك تخافي او تزعلي عليا يا غرام وبعدين انا زعلت انك مكملتيش الفيلم بسببي وقال باسف شديد…حتى دي مقدرتش اعملها علشانك
غرام كانت عايزه تقولو ان بنسبالها كفايه وجودو وانها منبسطتش بالفيلم وهو تعبان بس كرامتها مش مخلياها تسامحو بسهوله لازم ياخد عقابو الكافي بالنسبالها
بدر قال بقولك ايه خلينا نروح نتعشى في مطعم اهو نعوض الفيلم بالاكل
غرام ابتسمت وقالت تمام وفعلا راحو مطعم شيك جدا وقعدو شويه ولسه هيطلبو اكل جاله الجرسون وقال ..حضرتك عربيتك بره مش مركونه كويس والناس مش عارفه تركن خالص
بدر استغرب لانو فاكر انو ركنها كويس بس قال…ثانيه واحده يا غرام وراجعلك اطلبيلي على زوقك
غرام هزت راسها وهيه وبتختار جالها نفس الجرسون وقال حضرتك ده درنك ترحيب من المطعم اتفضلي ولسه هتاخد منو الكبايه وقعها على فستانها
غرام وقفت ولسه هتتكلم قال بدموع..انا اسف يا هانم معلش والله ما كنت اققصد اتفضلي الحمام من هنا نضفيه
غرام وافقتو وراحت ناحية الحمام بس مشي وراها شاب كان قاعد وفضل يعاكسها ويضايقها جدا وغرام خافت حبت ترجع الطرابيزه بس وقف قدامها وقال بوقاحه..الحلو زعلان ليه تعالي معايا وانا انطفلك الفستان والي تحت الفستان
غرام كانت مرعوبه منو قالت بغضب وخوف…ابعد عني يا جدع انت احسنلك
لاكن قرب عليها وغرام صرخت وفجأه ايد قويه زقتو بعيد عنها وضربتو بقوه شديده لحد ما جري بسرعه
غرام بتبص لقت شاب في العشرينات وسيم جدا بملامح جميله متوسط الطول والعرض قال بنبره واثقه مهذبه…انتي تمام يا انسه
غرام قالت بتوتر..شكرا لحضرتك
قال بابتسامه..لا شكر على واجب ومد ايده وقال…انا اسمي سامي…سامي نصر
غرام سلمت وكانت هتسحب ايدها بس هو فضل ماسكها وقال..متعرفتش بيكي يا انسه
بدر وصل هو بيقولها كده وماسك ايدها قال بغضب اعمي…اعرفك انا
سامي بصلو باستغراب وقال…وحضرتك مين بقى علشان تتدخل اصلا
بدر وقف قصادو بظبط وقال باستفزاز وغضب شديد…انا جوز الانسه وووووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)