رواية حرم اليزيد الفصل الثالث 3 بقلم حياة

رواية حرم اليزيد الفصل الثالث 3 بقلم حياة

رواية حرم اليزيد البارت الثالث

رواية حرم اليزيد الجزء الثالث

رواية حرم اليزيد الحلقة الثالثة

يزيد باستغراب من رده فعلها : وفيها ايه يا مروة لما يندهولها ماما؟!!
مروة : في إني على كده خلاص ما بقتش امهم الناقص تطلقني وتبقى الحربا.. ية دي امهم!!!
قمر : لا انتي اتجاوزتي حدودك اوي مسمحلكيش تغلطي عليا والا هيكون ليا تصرف تاني!!!
مروة : وريني هتعملي ايه هااا هتضر بيني مثلا
كانت قمر هترد عليها بس لقيت خديجة بتشاورلها بمعنى مترديش عليها فسكتت
يزيد بحدة : مروة شغل ال…
قبل ما يكمل كلامه بيلاقيها قامت بغضب وهي جاره أولادها وراها وطلعت على فوق
يزيد باسف : انا اسف يا قمر على اللي حصل واوعدك هخليها تتاسف لك وهعوضك
قمر : لو عايز تعمل فيا خير بجد طلقني!!!
يزيد بصلها بغضب : يووووه بقى يا قمر انتي حرام الواحد يتكلم معاكي عدل!!!
قمر باستفزاز : معلش بقى انا كده طلقني
يزيد خبط على السفرة بغضب وطلع من القصر قمر اتنهدت وكملت اكل وسط نظرات خديجة وبسنت لبعض بعدها بيخلصوا وبيلموا الأطباق
بسنت لقمر : انتِ ليه سكتيلها مردتيش عليها كده ضيعتي حقك متسكتيش عن حقك خالص والا هترجع تعملك حركات و حقك هيضيع
قمر بتفكير : عندك حق انا مكنش لازم اسكتلها بس لو اتكلمت معايا تاني مش هسكت!!!
بسنت اومأت لها رأسها بمعنى ايوة وخديجه برقتلها من بعيد بمعنى لا
علي لبسنت : ماما عبدو صحي وعمال يعيط وانا مش عارف اسكته
بسنت : خلاص خليك معاه لحد ما اخلص اللي في ايديا
قمر : لا روحي وانا هكملك شغلك
خديجة : ايوة روحي واحنا نكملك شغلك
بسنت بتروح وقمر بتبص لخديجه كل شوية وتسكت
خديجة بانتباه : عايزه تسأليني ليه قولتلك تسكتي صح؟؟!
قمر : ايوة
خديجة بتنهد : اولا وانتو بتتخانقوا في اولاد صغيرين قاعدين ميصحش تتخانقوا قدامهم كده رعبتو…هم وشتا… يمكم متصحش قدامهم بعدين لو كنتي رديتي كانت المشكلة هتكبر وتبقى كده انتي اللي غلطانه اما لما سكتي شوفتي يزيد شخط فيها واعتذرلك….. متسمعيش كلام بسنت هي متسرعة دايماً في أي حاجة ولسانها سابقها ومعندهاش غير الخنا… ق والضر… ب
قمر بتفكير : وجهة نظر تحترم برضو
خديجة ابتسمت لها وكملوا شغلهم وكل واحدة خلصت وراحت طلعت على الجناح بتاعها
بتسمع صوت طرقات خفيف على الباب
قمر : ايوة مين ادخل
بيدخل علي ابن بسنت
على : ماما بتنده عليكي عايزاكي
قمر باستغراب : بسنت عايزاني…. وبتمشي معاه على جناح بسنت وبتلاقي خديجه قاعده مع بسنت
بسنت : شكرا يا علي تقدر تروح عشان عايزاها في كلمتين
علي بيخرج وبيسيبهم
بسنت : ايه علامات الصوابع اللي معلمة على وشك دي ؟!
قمر وهي بتلمس خدها وبتبصلها باحراج
بسنت وفهمت : ضر… بك؟!
قمر بتومأ لها رأسها بمعنى ايوة
خديجة بصدمة : يزيد عمره ما رفع ايده على واحدة فينا
قمر : عشان قولتله يطلقني وقولتله انه خاين وبتاع نسوان
خديجة : انتِ ازاي تقوليله كده؟؟!
قمر بعصبيه : اصل بصراحة مش راجل اللي يكون متجوز بدل الواحدة تلاته ويجي لواحدة يقولها انوا بيحبها
خديجة بحزم : غلطانه يا قمر!!!
بسنت : غلطانه في ايه يا خديجة عندها حق فعلا في كل كلمه وانا لولا الظروف اللي اجبرتني اتجوزه والا وربنا مكنتش قبلت بيه
خديجة : اولا اتجوزني انا ومخلفتش عشان كده اتجوز بسنت عشان تخلف ومروة اتجوزها عشان بتحبه ومنصب ابوها حاجه كبيرة اما انتي الوحيده اللي حباكي!!!
قمر بسخرية : بإمارة انه رفع ايده عليا!!!
خديجة : انتي اللي استفزيتيه
قمر بعصبيه : انتِ تفكيرك ده بتجيبيه منين يا خديجه؟!!
بسنت حست أن الموضوع هيكبر ما بينهم فاردفت بمحاولة تهديئة
: صلوا على النبي كده وخلاص اقفلوا السيرة
قمر بتصميم : مش قافله مليش دعوة يطلقني
خديجة : انا الكبيرة فيكم ومن واجبي أصلح ما بينكم قمر انتي اللي غلطتي
بسنت : ابدا والله يا خديجه لو جينا للحق هو اللي غلطان اولا اتجوزها بدون ما تعرف انوا متجوز واكيد هترفض تانيا ازاي يمد ايده عليه
خديجه بعصبيه منهم : أهلها عارفين انوا متجوز……. بسنت انتي اللي بتقو.. يلها دماغها!!!
بسنت بجمود : انا بقول الحق بس يا خديجه انتي اللي بتقوليه ده مش تصليح ده تضييع لحقها و تخريب……. من حقها تطلق
خديجة : بسنت اسكتي انتي بتاعت مشاكل وخرابة بيوت
بسنت بزعل وعصبيه : انا بتاعت مشاكل وخرابة بيوت يا خديجة!!!….طب خدي التقيله بقى وبتلف على قمر مش عايزة تطلقي يا قمر روحي اعملي محضر انوا ضر… بك
قمر وكلامها دخل دماغها : عندك حق انا هعمل كده فعلا
خديجة : اوعى تعملي كده بسنت دي زي ما قولتلك لما كنا في المطبخ
قمر : لا هعمل زي ما قالت عندها حق معلش يا خديجه متزعليش مني بس لو جينا للحق انتي ضعيفه وساكته عن حقك ومعندكيش شخصية ومتفتكريش بسكوتك ده انتي كده انتي بتعملي صح كان المفروض توقفي له لما قالك انو هيتجوز عليكي بس عملتي ايه هنتي نفسك وبقيتي كل ما يتقدم لواحدة تروحي معاه تتقدمي معاه انا شوفتك لما كنتي معاه بس كنت فاكراكي قريبته ولا حاجه….. وبتسيبها وتطلع وهي مش عارفه انها سابتها وراها في دوامة من الأفكار والذكريات
خديجه بتقف وهي سرحانه في كلام قمر ورايحة باتجاه الباب بسنت بتلاحظلها وحست بالذنب والشفقه عليها بس ما لقيتش كلمة تقدر تطيب بخاطرها لأن كلام قمر كله صح
في المساء وتحديدا في العشاء بيقعد الكل على السفرة
يزيد بملاحظة : امال فين قمر؟!
بسنت وخديجة بيبصوا على بعض وهما عارفين هي فين وخديجة بتبص لبسنت بعتاب
يزيد : حد يرد عليا!!!
بسنت بشجاعة : مش موجودة في القصر خرجت!!!
يزيد باستغراب وغضب : خرجت!!!…..خرجت فين بدون ما تقولي؟؟!
كانت بسنت هترد عليه بس بيلاقوا أهل قمر داخلين عليه وهما شايلين حاجات
يزيد وبيقف باحترام بيسلم على أهل قمر
ابو قمر : معلش كان المفروض نيجي الصبح بالفطار بس تعبت شوية
يزيد : ولا يهمك يا عمي اتفضل اتعشى معانا
والدة قمر : امال فين قمر؟؟!…….. ليه مش قاعدة معاكم؟؟!
يزيد كان لسه هيرد عليهم ويقولهم بس بيلاقي صوت من ورا
: انا هنا
بيلتفت بيلاقيها قمر جاية من برا وفي ايديها ورق بس مش بيلاحظوا
والدة قمر بتسلم عليها وبتباركلها : مبروك يا بنتي
والد قمر : معلش يا قمر كان المفروض نيجي على الفطار ونجيبلكم الفطار بس تعبت شوية
قمر : الف سلامه عليك يا بابا انا مكنتش عايزاكم تيجو على الفطار ولا دلوقتي اصلا كنت جايالكم بس الحارس قالي انكم جيتو هنا
الكل باستغراب : ليه
قمر وبترفع الورقة في وش يزيد : عشان خاطر ده
يزيد بيشيل الورقة باستغراب وبيقرا محتواها وعرقه بينزل من الغضب والصدمة
خديجة بتبص لبسنت بلوم وبسنت بتبعد نظرها عنها بتوتر
يزيد بصدمة : يا بنتتتتت الكلب!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حرم اليزيد)