رواية كفر صقر الفصل السادس عشر 16 بقلم أم فاطمة (شيماء سعيد)

رواية كفر صقر الفصل السادس عشر 16 بقلم أم فاطمة (شيماء سعيد)

رواية كفر صقر البارت السادس عشر

رواية كفر صقر الجزء السادس عشر

رواية كفر صقر الحلقة السادسة عشر

قنديل غاضبا
المهم عملت كيف ماجولتلك واطجست على ثريا وصفية فى المستشفى وعرفت عملوا إيه
سيد غامزا له …….طبعا خدامك أنا يا سى جنديل .
قنديل بترقب …….ها وعرفت حاچة
سيد مبتسما……اه عرفت .
وحصل المراد وهيچيلك نونو إكده صغير فى الطريج.
ظهرت ابتسامة واسعة على ثغر قنديل ….أيوه إكده .
دى الأخبار الحلوة ولا بلاش .
يا حبيبتي يا ثريا يا أم ولدى الغالى
سيد مشاكسا…..جولى صوح أنت خابر دلوك عندك كام عيل
فضحك قنديل ساخرا…..ماتحسدش يا واد يا سيد . خليها فى سرك .
وأنا ماهعدهمش وخليهم إكده بالبركة .
بس هحس بيهم لما أشوفهم فى الطريج مع أمهاتهم .
بس هسكت عشان أواصل الخير اللى هعمله .
وصدق الله حين قال
في سورة الكهف قل هل ننبئكم بالأخسرين أعمالا الذين ضل سعيهم في الحياة الدنيا وهم يحسبون أنهم يحسنون صنعا
قنديل…….بس مايهمنيش حد فيهم واصل دلوك خليهم لأهاليهم .
المهم عندى دلوك _ولد الكوتشينة اللى هجش بيه فلوس ملهاش عدد وهچيب أمه ڠصب إهنه عندى
واد ثريا _ وحشتنى جوى جوى .
بس هسبها شوية تفرح بحملها ويثبت ولما تجوم بالسلامة هيكون ليه حديت تانى معاها.
حاچة إكده هتكون ضر ب نااااااااار .
وهنشوف مين اللى هيكسب فى الآخر يا بت حمدان الجناوى يا جمر أنت.
……………………………….
سکينة زوجة حمدان القناوى أصابها الحزن من كثرة شرود زوجها وابتعاده
عنها لبعض الوقت.
فحدثت نفسها
سکينة بشك….هو ماله الراجل ده
كل شوية إكده سرحان يا ترى شارد فى إيه
يكونش حن للماضى وعملته السودة بتاعة زمان وچوازه من العيلة دى زينب فى السر من ورايا .
وإيه كومان كان فاكرنى إياك نايمة على ودانى
مفيش ست چوزها يچوز عليها فى السر وماتحسش بچوزها مهما خبى عليها بتحس وبتعرف على طول .
بس أنا عملت نفسى مش عارفة حاچة واصل .
وسبته يتهنى يومين وجولت نزوة زى باجى الرچالة الدون وهتخلص .
ومسيره هيرچع لحضنى .
أنا سکينة اللى اتحملت معاه اللى محدش يتحمله من وكان هو صبى هيوزع الكيف على الناس وبعد إكده بجه معلم وريس وله جيمة وجرت معاه الفلوس فى إيده زى الرز وفى الآخر يچوز عليه .
بس أنا عملت نفسى مش عارفة وجولت أشوف أخر الحكاية إيه
فجولت أصبر عليه شوية وهيرچع ليه تانى أكيد .
لكن حضرته لما چاب الولد من حتة العيلة دى حرج جلبى وزى مايكون ڼار عششت فى چسمى.
وجولت هيكبر الواد ده وهيچى ياخد كل حاچة من بتى بالساهل إكده على طبج ورد .
لا ده كان على جثتى أحسن .
فجعدت وفكرت أعمل إيه فى المصېبة دى
وفى نفس الوجت لازم أحرج جلبه عليه زى ماحرج جلبى .
فجولت أصبر واستنى لما الولد ابنه إكده اشتد عوده وكبر جدامه إكده وفرح بيه وحس إن بحاله سند صوح اللى كان بيحلم بيه طول عمره .
بس أنا فى لحظة خليته يضيع ويضيع معاه كل حلمه فى السنين اللى فاتت دى كلاتها .
كيف بجه عشان تعرف دماغ سکينة ماشية إزاى
ومحدش واصل يجدر ينزل عينيها الأرض .
فوصيت الواد حسام ابن شلباية هتشتغل عندينا .
واد فاسد بمشيه بالكيف أنا .
وخليته يصاحبه وشوية شوية يعوده على الكيف وبالتدريج حاجة فحاجة لغاية ماجه اليوم اللى جولت هو ده وزودله فيه الجرعة اللى تقضى عليه وتخلصنى وڼار جلبى تبرد.
ويولعوا هما لما الواد يروح فيها ويدوج الڼار اللى ولعها فى جلبى من زمان ومحدش حاسس بيه .
وكومان مش بس كده فرحت جوى جوى لما عرفت إن مرته أتچننت ومشيت تهلوث فى الشارع لما أبنها الحيلة ماټ وغار فى ستين داهية .
وهو طبعا نكرها ولا كأنه يعرفها عشان الخبر مايوصلش ليه وأغضب عليه وهو خابر غضبى زين كيف .
والحمد لله فشيت غل السنين اللى فاتوا وجهرة الجلب .
ورجعلى حمدان لحضنى وبتى ربنا يخلهالى وافرح بعوضها واستريحت وڼار جلبى بردت شوية
بس منستش أبدا عملته السودة دى ولا عمرى هنساها واصل .
وشكله باين جوى إنه عمال يتحسر عليه دلوك من عمايل نسيب الفجر چوز بته .
بس أحسن خليه يتحسر وأنا أفرح فيه أكتر وأكتر
مش بيجولوا بردك إن كيدهن عظيم
وأنا كدته وهو يشرب نتيجة أعماله السودة .
……….
سمع عمران صوت ل طرق الباب ليلا فى ساعة متأخرة .
عمران بقلق…خير يارب .
مين هيخبط علينا السعادى
ثم نادى على مايسة
يا بت يا مايسة _تعالى إفتحى شوفى مين هيخبط دلوك استرها يارب .
مايسة….جاية أهو يا بوى بلبس الطرحة بس .
عمران لما رأى مايسة………..جولى الأول مين يا بتى
ماتفتحيش إكده على طول عشان الوجت متأخر
مايسة…….يعنى يا بوى أكيد حد نعرفه .
مش معجول حرامى يعنى إحنا معندناش حاجة تسرج من أساسه .
عمران بنفاذ صبر ……يا بتى _ إسمعى الكلام وجولى مين مش هتخسرى حاچة .
مايسة… ….حاضر يا بوى حاضر .
مين يلى هتخبط دلوك على الباب بيجولك ابوى
فضحك عمران…..
…مخلف هبلة بس بجلب أبيض .
فردت صفية ….أنا خالتك صفية يا بتى _ أفتحى
ارتجفت مايسة وخشيت أن تكون أتت لتشكو لها إنها بسببها طردوها من القصر .
لإنها هى من أتت بها للعمل وهى تعلم بحقيقة شكلها فكان جزاءها الطرد من القصر .
فخاڤت من تحمل إثم لا تطيقه وأيضا ليس بيديها شىء تساعدها به .
فالله وحده هو الذى يعلم بالسر وأخفى .
فتحت مايسة الباب مترقبة هجومها عليها معاتبة …….ولكن تفاجئت بإبتسامة مشرقة تعلو وجهها فتعجبت !
مايسة….أهلا يا خالة _أتفضلى يا حبيبتى .
صفية………لا مش وجته عايز اروح للعيال الوجت متأخر .
أنا بس رايدة أجولك كلمتين على الواجف إكده وهمشى .
مايسة بترقب …..خير يا خالة
صفية بمكر…….بت يا مايسة إسمعينى زين
ياسين بيه حكالى اللى حوصل بنتكم .
فاضطربت مايسة ووضعت يدها على قلبها بفزع وقلق مما ستقوله لها .
ولكن هدئت نوعا ما لما تابعت صفية قولها ….
بس خلاص هو هدى وسامحك عشان خاطر أبوك الغلبان .
وبيجولك تعالى بكرة أشتغلى عادى فى الجصر .
بس خلى بالك بعد إكده وأنت بتنضفى متكسريش حاچة تانى .
لإن سى ياسين كان غالى عليه جوى التمثال اللى كسرتيه ده وأنت هتنضفى .
اتسعت مقلتى مايسة ولم تصدق ما سمعته وتسائلت تمثال إيه ولما يرغب فى عودتها مرة أخرى بعد ما علم حقيقة وجهها
هل فعلا يشعر بقلبها أم فقط لا يريد إلا جس…….دها
صفية بتعجب …إيه شردتى ليه إكده ومش بتردى عليه
هستناك خلاص بدرى نروح مع بعض الجصر
مايسة بتوتر واضح… …..مش عارفة يا خالة
خاېفة ېغدر بيه تانى .
ده لسانه كيف الفرجلة .
صفية بضحك…….معلش يا بتى إستحملى عشان لجمة العيش .
ويمكن لما يچى ولى العهد ربنا يهديهم ويخفوا شوية عن خلج الله شوية .
مايسة پصدمة …ولى العهد !
هى مرته حبلى
صفية…….ايوه يا بتى وفرحانة جوى جوى .
بس ال مستغرباه هو !
مايسة بحب إستطلاع ….ماله هو
صفية………هو مش عرفاله ليه مش باين عليه الفرحة
مع إن الحمل چى بعد غيبة سنتين مفروض يكون فرحان جوى زى ست ثريا.
مايسة ….غريبة _ بس يمكن عشان راچل يعنى .
هيفرح من جواه وماهيبنش الفرحة عشان مرته متدلعش عليه .
ماأنتى خابرة يا خالة طبع الصعايدة إهنه مهيدوش جيمة للست جوى عشان جال إيه
ماتشوفش نفسها عليه .
بس بالعكس لما الراجل يفرح ويفرح مرته معاه هى هتجيد صوابعها العشرة شمع .
صفية….عندك حج يا بتى ربنا يهديهم .
ويلا أفوتك بعافية عشان الولد مستنينى وأنا أتأخرت كتير جوى .
أشوفك بدرى بكرة ان شاء الله.
مايسة بنفاذ صبر …إن شاءالله يا خالة ربنا يسهل .
تركتها صفية فى حيرة من أمرها
فعقلها يرفض الرجوع ولكن تبا لقلب أشتاق لمعذبه ويريد العودة لرؤيته .

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية كفر صقر)