رواية خادمة الصقر 2 الفصل الثاني والثلاثون 32 بقلم يوستينا سامي

رواية خادمة الصقر 2 الفصل الثاني والثلاثون 32 بقلم يوستينا سامي

رواية خادمة الصقر 2 البارت الثاني والثلاثون

رواية خادمة الصقر 2 الجزء الثاني والثلاثون

رواية خادمة الصقر 2 الحلقة الثانية والثلاثون

مختار / بص يا عاصي هو في تعديل بسيط قوي هو هيبقى كاتب كتابي انا ولارا مش انت

تامر بص العاصي بصدمه و قام من علي الكرسي بوجع بسبب الجرح و اتكلم بعصبية
وقاله / انت هتتجوز لارا لا ده مكانش اتفقنا يا عمي

مختار ابتسم بخبث / و انت هيفرق معاك ايه . انا عايز لارا تبقي علي ذمتي علشان عساف تفضل عينيه مكسورة العمر كله هو و كل عيلة الحديدي

تامر بعصبية / و لارا ذنبها ايه في القرف ده كله ده حتة عيلة ملهاش ذنب في كل الصراعات دي

مختار بعصبية / ايه هو انت جايب صاحبك علشان يصحي ضميرك دلوقتي .. اسمعوا انتوا الاتنين انا جدعنة مني هخليكم تقعدوا لحد كتب الكتاب لكن بعد كدة مش عايز اشوف خلاقكم دي تاني

وسابهم مختار نبه على رجالته ان هما يشددوا الحراسه على الفيلا ويمنعوا اي حد من الخروج
_______________________________________________

في الجراج الفيلا ✨
في العربية صقر 🌺

خالد قاعد و ساند راسه لورا و بيفكر في مكان نغم

صقر بارهاق / هنفضل قاعدين كدة كتير يا خالد . ممكن نطلع و بكره الصبح نتقسم زي ما اتفقنا .. العيال كلهم مشيوا حتي كريم

خالد / مش هاين عليا ادخل الفيلا و انا مش عارف فين مكانها … نغم مش بس ام عيالي دي حب عمري يا صقر و خايف اوي من فكره خسارتها

صقر بتعب / بعد الشر عنها .. طيب تعالي بس نروح نرتاح و بكره صدقني هنلاقيها

خالد حط ايده علي راسه و فاجاه اتعدل
و قاله بحماس / صقر انا هروح مكان كدة قديم
و لو وصلت لحاجة هكلمك

صقر بصدمة / خالد استني .. طب اجي معاك

خالد مستناش يسمع باقي كلام صقر ونزل بسرعه من العربيه واخذ عربيته مع حرسه و مشي و طلع علي اسكندريه.

________________________________________________

في الاوضه 😔

تامر بعصبيه / يكون في علمك بقى انا مش هكمل في اللعبه الو..سخه دي تاني انا مش هكون سبب ان واحده تتدفن بالحياه وهي ما عملتلكش حاجه

عاصي قرب من تامر اللي كان بيلم هدومه / انت اكيد مش هتسيبني في الظروف اللي انا فيها دي ..وبعدين انا زي زيك ما كنتش اعرف ان ممكن يعمل كده …انا مش عايزه اذي لارا

تامر بعصبيه / واللي انت عملته فيها ده يبقى اسمه ايه مفكرتش ان انت عندك اخت ممكن يحصل فيها زي اللي انت عملته

عاصي بعصبيه / تفتكر تانيبك ليا دوت ممكن يحل حاجه
هل هتخلى عن ورثي اللي عمي تكرم ورجعلي جزء بسيط جدا منه واتشرد انا واختي

تامر بعصبيه ممثله لعاصي/ لا يا عاصي انا عارف انك ما عندكش قلب بس انا مش قادر اسكت على كده

عاصي بحزن قعد على الكرسي وبصله/وطبعا هتمشي من هنا وتروح تبلغهم مكانها مش كده يا صاحبي يا اقرب واحد ليا

تامر بصله ومقدرش يرد عليه وقعد قدامه على السرير وقاله / صدقني يا عاصي الفلوس اللي جايه من ورا دمار انسان بتروح بسهولة اوي

عاصي زعق بصوت عالي / بقولك ايه ما تحاسبنيش انت ماعشتش اللي انا عشته ، انت اختك مكنتش بتموت قدامك في المستشفيات و مكنش معاك فلوس تعالجها و اسمك حفيد السيوفي

تامر /صح وانت بتحاسبها هي على الظروف الوحشه اللي انت عشتها بسبب عمك ده بدل ما تفكر ازاي تاخد حقك منه ولا عشان مش قادر عليه يعاصي

عاصي بصله بحزن و قعد علي الكنبة بتعب و مكنش قادر يفكر
_______________________________________________

في اوتيل مش معروف في اسكندرية دخل خالد و هو متسربع الريسبشن

خالد بستعجال / انا عايز اسال عم اوضة باسم المدام نغم

الشاب الريسبشن قاطعه/ اه المدام نغم الحديدي مش كدة

خالد ابتسم بسعادة / ايوة كدة .. كدة اوي
هي موجودة هنا في الاوتيل ده مش كدة

الشاب بستغراب/ ايوة يا فندم بس هي قاعدة علي الشاطئ.

خالد مستناش و جري ناحية البحر و كان بيدور عليه بخوف و اشتياق و اخيرا شافها .. ايوة هي نغم قدامه و سليمة جري خالد عليها و شافها قاعدة علي صخره قدام البحر .

خالد بتانيب / ليه حرام عليكي ليه عملتي فيا كدة يا نغم ده انا قلبي كان هيقف من خوفي عليكي

نغم بستغراب / خالد .. انت ايه اللي جابك هنا

وقامت نغم من مكانها و كانت هترجع للاوتيل بس لقت خالد بيشدها بعصبية و اتكلم بنبره حدة و امتلاك / هو ايه اللي جيت ليه .. انتي مراتي و عمرك ما هتبعدي عني ابدا سامعة يا نغم

نغم بعياط / بس انا مبعدتش عنك .. حتي لما سبت الفيلا و بيت عساف جيت للاوتيل هنا اللي قضينا في اسعد ايامنا بس انت اللي سبتني ..ايوة انا كنت بدور عليك في الشوارع كان نفسي اترمي في حضنك و احكيلك اللي حصلي بس ملقتكش يا خالد

خالد مقدرش يسمع لباقي كلامها و شدها لحضنه و فضل يطبط عليها بخوف/ انا اسف .. انا غبي علشان سبتك و سافرت بس كنت خايف لما تواجهيني تفتحي في ذكريات زمان و تسيبيني تاني يا نغم .. كنت خايف اخسرك

نغم غمضت عينيها في حضنه و كانت مش سامعة اغلب كلامه من كتر ما هي كانت محتاجه للدفي ده و خالد اخدها و طلع بيها الاوضة و قرر انه يواجها و يقفل كل الماضي ..

______________________________________________

في قصر الحديدي ✨
في اوضة صقر 🌼

صقر كان بيتكلم مع خالد في التليفون وطمنه انه لقه نغم وهيقضي اليوم في اسكندريه

قمر بفرحة / معقول لقاها .. يا اخي ده انا كنت فقدت الامل

و خايفة اقول كدة قدام كارمن او فهد

صقر بفرحه/ الحمدلله لقاها كانت في الاوتيل اللي كانوا بيروحوه قبل ما يخلفوا فهد تقريبا .متخلفه نغم دي عمرها ما هتتغير ابدا نشفت دمنا انا قولت اتخطفت ولا اتقت*لت

قمر مسكت المخده وضربت صقر بيها وقالتله / بعد الشر عليها ما تفولش على نغم وبعدين هي مش متخلفه اخوك
هو اللي عمره ما هيعقل

صقر / بصراحة الاتنين عيال و اغبي من بعض و عمرهم ما هيتغيروا ابدا .. المهم دلوقتي نقول للعيال علشان ميصحوش

و بصت قمر في الساعة و ضحكت / هما تقريبا هيصحوا الساعه 7:00 الساعه دلوقتي 6:30 الصبح
يعني زمانهم قربوا يصحوا

صقر قام من على السرير/ ايوه برده اروح اقولهم علشان مايفقوش ويكملوا نوم ويطمنوا .. الا صحيح فين ميرا
نايمة مع كارمن و جميلة علشان ميصحش برضو افتح الباب

قمر اتصدمت من سؤاله ما كانتش عارفه ترد تقوله ايه وخصوصا اني صقر لو عرف ان هما نايمين في نفس الاوضه هيخرب الدنيا

صقر مستغرب/ ايه يا بنتي انا بكلمك هو انا بكلم نفسي

قمر/ بصراحه اصل ميرا نايمه مع يزن في اوضه خالد

صقر بعصبيه وصوت عالي / نععععععم نايمة معاه في نفس الاوضة … ليه حد قالك اني فاتح بيتي شقه مفروشه انت اتهبلتي يا قمر

خرج صقر وهو متعصب جدا من اوضته وراح اوضه خالد اللي هي في الطابق الاعلى وقعد يخبط على الباب وبعصبيه بدا يفتحه ..

صقر بصدمه/ اه يا ابن الكلاب وكمان قافل الباب عشان ما حدش يزعجهم ..

وعلى صوت زعيق صقر خرج فهد وكارمن من اوضهم لانهم في نفس طابق خالد و نغم وهم مستغربين اللي بيحصل

فهد / في ايه يا عمي بتخبط كده ليه في اوضه بابا هو تعب جوا ولا ايه

كارمن بخوف / يالهووي بابا تعب ازاي بس .. ماله يا عمي

قمر / اهدوا بس ما فيش حاجه خالد اساسا مش هنا خالد في اسكندريه مع نغم الحمد لله لقاها بس عمكم بيخبط على يزن وميرا

كارمن بفرحه جريت على قمر وحضنتها / معقولة بابا لقاها طب انا داخله اكلمهم تعالى معايا يا قمر ..وانت يا فهد تعالي نطمن علي ماما

فهد بحماس / استني بس يا كارمن لما نتفرج اللي هيحصل في يزن

قمر ضربت فهد علي كتفه / شمتان فيه يا جزمه ده صقر
لو قفشوا هيعمل منه بفتيك روح هدي عمك بقي

فهد بتريقة / اهديه ليه . ده انا هموت و اتفرج

وفجاه قطع كلامهم صوت صقر وهو ما يزعق جامد
و نزل جاب مفتاح استبن للباب و فتحه و كانت الصدمة ان يزن نايم جمب ميرا علي السرير و واخدها في حضنه و هو قالع التيشرت بتاعه كالعادة 😂

صقر و هو بيقلع الشبشب و بيحدفه عليهم / و كمان يا سافل مش سامع صوت الخبط و لا مكسل تقوم تفتح .. قوم يا جزمة يا ابن الجزمة

ميرا فاقت و هي مخضوضة و اتصدمت ان يزن جمبها و قامت جري/ والله يا اونكل كان نايم علي الكنبة معرفش ايه الي جابه هنا

صقر حاول يمتص غضبه علشان ميخوفهاش / اوعي يا ميرا من وشي علشان ابن الجزمة لازم اربيه .. باين ان كريم مدلعه اوي

و اخد صقر الماية اللي في الاوضو و دلقها عليه و يزن قام
و هو بيكح بخضة

يزن / اي الغباء ده .. يا نهار اسود صقر

و قام يزن من علي السرير بسرعة و بعد عنه

يزن / في ايه بس يا عمي انا كنت نايم والله معملتش حاجة

صقر بعصبية/ عمك في عينيك .. انا مش عمك يلا
وبعدين دي اخرتها يا يزن امنلك على الفيلا واقولك خلي بالك منهم اجي الاقيك عامل كده …طب تصدق وحياه امك لاطلبك بوليس الاداب

و طلع صقر التليفون بتاعه و هو متعصب اوي و يزن جري ناحيته و حاول يمسك منه التليفون

يزن / يا فضيحتي .. يا فضيحتي .. والمصحف يا عمي ما عملت حاجة انا كنت نايم بس

صقر بغيظ / نايم بس يا جزمة .. يا كلب امشي من وشي يا يزن غوور البس هدومك و اتنيل ادخل اوضة معاذ اتخمد فيها .. جاتكوا القرف

يزن بقلق/ ننام ايه بقي .. الساعة سابعة اهي احنا مش هنتحرج ولا ايه

صقر بحده / لا يا حنين مش هنتحرك خالد لقه نغم خلاص في اسكندية

ولسه هيخرج صقر من الاوضة لقه ميرا حاضنة قمر بخوف

صقر بهدوء / متثقيش فيه يا بنتي و متخليش باب يتقفل عليكم و انتوا لسه مش متجوزين

و بص صقر ليزن / وانت يا حيوان اعمل حسابك كتب كتابك النهاردة علي البت دي .. عندك اعتراض

يزن ابتسم/ لا طبعااا … ده كان نفسي اطمن علي نغم و بعدها اكتبه علطول عاب الاقل اخلص منكوا

كارمن اخدت ميرا معاها اوضتها .. صقر و قمر راحوا يرتاحوا

فهد كان واقف علي باب اوضة خالد و بيبص علي يزن و هو بيلبس التيشرت و مضايق اوي

فهد بشماته / تستاهل و ربنا احسن علشان انت واد بجح ..
لا و قال ايه بيقوله عليا مش متربي يجوا يشوفوك يا حضره الضابط انت

يزن بغيظ مسك شبشب صقر و رماه علي فهد / اطلع برا بدل ما اطلع اللي صقر عمله فيا فيك و اخليك تغني ظلموه

وجري فهد للاوضه وهو عمال يضحك على يزن ويزن لابس التيشرت بتاعه ونزل اوضه معاذ علشان ينام جنبه عشان لو رجع خالد ونغم .

_______________________________________________
في اوضة معاذ ☺️

دخل يزن ينام و معاذ بحركة لا ارادية حط ايده و حضن يزن اوي و حط رجله عليع

يزن رفع حاجبه / اي الواد ده .. انت يا معاذ انت يلا فوق كدة يا حبيبي و نزل ايديك هما قالولك عني ايه .. ولا يا معاذ هو انت سنجل بقالك قد ايه

و زق يزن ايد معاذ لكن معاذ رجع حطها تاني عليه و يزن اتغاظ اوي و ضربه بالكوع في بطنه

معاذ حط ايده علي بطنه بوجع / اعاا . اي الغباء ده يا بني ادم .. اي ده انت ايه اللي جابك هنا في اوضتي مش كنت نايم في حضن ميرا

يزن / ذلونا بقي .. و بعدين ابوك قفشني و فرج عليا الفيلا كلها ..اوعي اتاخر و حوش ايدك دي عني علشان اناملي ساعتين قبل ما اروح القسم

معاذ بص قي موبيله / تنام اي قوم . الساعة 7,30 احنا المفروض نتحرك

يزن و هو بيقلع التيشرت/ اتلهي و نام خالد لقه نغم خلاص نام بقي

معاذ رفع حاجبه / انت قلعت التيشرت ليه .انا قلقت منك علفكره الاوضة دي طاهره

يزن ضحك بتريقة / لا متخفشي يا عسل و نام .و ايدك لو قربت مني هطعهالك يا معاذ احسن انا مش مطمنلك

معاذ بهزار / لا يا بيضة متخفشي . اطفي النور ولا بتخافي من الضلمة

يزن ضحك / لا يا اختي مش بخاف اطفي اطفي محدش واخد منها حاجة

وقعدوا يضحكوا هما الاثنين و ناموا

_____________________________________________

عند نغم و خالد ✨✨

خالد / انا عارف ان كل اللي قولتهولك ده مش مبررات اني اطلقك بس صدقيني انا اتصدمت في فهد صدمة عمري يمكن علشان انتي معشراه اكتر مني و انه قريب منك انتي عني كنتي مصدقة انه ميعملش كدة … انما انا لا .. انا كنت مصدق و ده اللي كان واجعني اوي

نغم / برضو مش من حقك .. اشمعنا لما عرفت انك تعرف واحدة عليا وافقت ارجعلك و سامحتك

خالد / علشان انا كنت عارفها لظروف وانتي عارفة كدة كويس .. يمكن غلط اني مقولتلكيش الحقيقة و سيبتك تعرفي من برا زي الغريب بس مخنتكيش
لكن انتي عملتي ايه بقي افتكري ..رفعتي قضية طلاق و وافقتي ان واحد غيري يدخل حياتك .. فاكره

نغم حطت ايديها علي ودنها / لا و مش عايزة افتكر يا خالد لان برضو انت السبب في ده و لو جاي تحاسبني علي اللي حصل من عشر سنين يبقي امشي احسن انا مش محتجالك

نغم قامت من علي الكرسي و لسه هتخرج من الاوضة خالد قرب منها / لا مش جاي احاسب علي اللي فات لان المفروض دي صفحه واتقفلت من زمان بس انتي اللي فتحتيها ..
نغم احنا مش صغيرين علي الكلام ده ..تعالي نقفل كل اللي فات و نفتح صفحة جديدة

نغم / موافقة يا خالد بس بشروطي

خالد سمع من نغم شروطها و وافق علي اغلبها و قرروا انهم يرجعوا القاهرة علي الضهر يردها لعصمته و بعدها يروحوا الفيلا .

تفتكروا ايه حكاية خالد و البنت اللي حبها مصلحة و نغم لجات لمييين ؟؟

_______________________________________________

في فيلا مختار .

تامر شال شنطته و لسه هيخرج من الاوضة

عاصي/ انا بجد مش مصدق انك لسه بتفكر انك تسيبني وتمشي .. اومال لو مكناش متواعدين ان احنا مع بعض على الحلوه والمره يا تامر

تامر/ انا لسه عند وعدي انت مش صاحبي انت اخويا بس انا مش هقدر اعمل كده فيها صدقني لو عملت كده عمري ما هسامح نفسي ابدا انا اسف يا عاصي

واخد تامر حاجته وخرج من الاوضه وساب عاصي لوحده و اتفاجاه بمختار قاعد تحت في الصاله اول ما شافه
قاله/ رايح فين بس يا استاذ تامر ايه ده وكمان واخد شنطه هدومك ليه قالولك عليا مش بكرم ضيوفي

تامر بصله بقرف/ لا ما تقلقش خيرك سابق قول للبلطجية بتوعك يبعدوا من قدام الباب

مختار ضحك بتريقه/ بسهوله كده ده على اساس ان دخول الحمام زي خروجه يا بابا انت مش هتخرج من هنا ولا انت ولا عاصي لحد ما اكتب كتابي على لارا .. يلا اطلع اوضتك بدل ما اطلعك انا

ولسه تامر هيزعق اتفاجئ باربع رجاله شكلهم يخض جم وقفوا قدامه تامر ابتسم بتريقه /هي فين الاوضه بس معلش يا مختار باشا اصل نسيتها تقريبا

واحد من الرجاله بصوت تخين قاله/ احنا نفكرهالك

تامر اتفاجئ بالاربع رجاله بيشلوه وبياخدوه على الاوضه
و عاصي اول ما شاف شكلهم و هما شايلينه قعد يضحك ..

تامر/ ربنا يخليكوا يا رجاله والله تعبتكم مش عارف
من غيركم كنت هطلع السلم ازاي لوحدي

الرجاله حطوه على السرير وخرجوا من باب الاوضه من غير ما يتكلموا وعاصي كان عمال يضحك

تامر بص العاصي بقلة حيلة وقاله/ عمك ده يا اخي ابن كلب بصحيح طلع حبسنا هنا لحد ما يتجوز لارا شفت الحلاوه اللي انا فيها

عاصي بضحك / امال انت فاكر يا ابني .. مختار حاسبها صح قوي و رمي لينا طعم واحنا زي الهبل اضحك علينا

تامر بتريقه/ انت عارف يا عاصي غالبا في الظروف دي البطل بيضحي بحياته وعمره عشان البطله عشان بيحبها والكلام ده انت ناوي تعمل كده

عاصي ضحك بطريقه/ عايزني احب تاني انت عبيط يا تامر ولا الخطفه هنا خليتك تتخيل حاجات مستحيل تحصل

تامر/ ياه للدرجه دي انا اعمي معقول تكون ما حبتش لارا
ولا حتى لفتت نظرك يا اخي دي لفت نظرك و اعجبت بيها

عاصي قام وسند على السرير عشان ينام وقاله/ انا ما بقاش يلفت نظري الا مستقبلي واختي وبس .. يلا بقى تصبح على خير

ونام عاصي هو وتامر لكن كانوا بيفكروا هم الاثنين في نفس الحاجه ايه اللي ممكن يحصل للاناره لا ما مفعول المخدر يخلص وتفوق ..

________________________________________________

في المستشفى عند كريم وياسمين 🌼

ياسمين نايمه على السرير تعبانه وكريم واقف جنبها

كريم / وبعدين يا دكتور ياسمين حالتها بقت تسوء اكتر وبقى يجيلها نزيف

الدكتور سبق وقلتلك/ يا كريم الموضوع مش سهل واننا لازم نعمل عمليه في اسرع وقت

كريم بخوف /بس انت برده قلتلي العمليه دي خطيره وانا مش عايز اضحي بيها ارجوك يا دكتور مفيش اي حل ثاني لو ادويه من اخر العالم هجيبها لها لو تسافر

الدكتور قاطعه / يا كريم ارجوك اهدى وحاول تتقبل الوضع عشان نعرف نسيطر على الحاله ولازم تعرف ان كل حاجه في ايد ربنا سبحانه وتعالى .. فكر في اللي قلتك عليه وابقى بلغني بردك

خرج الدكتور من الاوضه وساب كريم قاعد مع ياسمين

كريم بخوف حط ايده علي شعرها و حاول يبينلها انه كويس / ما تخافيش صدقيني هتبقي احسن من اول بكثير قوي ده دكتور حمار..انتي بصالي كده ليه مش مصدقه كلامي

ياسمين/ كريم علشان خاطري انا مش عايزة يزن يعرف حاجة .. و نفسي تسرع قي موضوع جوازه عايزة افرح بيه

كريم قرب و باس راسها / بلاش كلامك ده هتفرحي بيه.
و هتشيلي عياله كمان و اطمني انا مش هقول لحد المهم انا هروح اسال الدكتور دلوقتي امتي هتخرجي …

خرج كريم من اوضة ياسمين و بمجرد ما خرج مقدرش يسيطر على دموعه و خوفه و سند رأسه علي الحيطة بتعب و بدا يكلم نفسه / يارب ده اختبار صعب اوي انا مش هقدر استحمله و مش هقدر اعيش من غيرها .. انا معنديش حد تاني انا طلعت بيها هي و يزن من الدنيا بس

و فضل كريم علي الوضع ده بيكلم نفسه و بعدها راح غسل وشه علشان ميبنشي اي حاجة و اخد اذن من الدكتور بخروج ياسمين مؤقتا .

_____________________________________________

في فيلا الحديدي 💪

كانوا كلهم قاعدين يتغدوا مع بعض بعد ما صحيوا من مشاكل الصبح 🤣

صقر كان قاعد و بيبص ليزن بغيظ

يزن/ يا ساتر يارب هو ايه نظرات الانتقام دي يا صقر هو انا عملت ايه لكل ده بس

معاذ و هو بيضحك / ُكل يا يزن وانت ساكت بدل ما يتحول عليك

فهد بتريقة / اه والله احسن هو مش بيعمل حاجة من الصبح غير انه بيشتم فيك

يزن و هو بيقلد طريقة ضحك فهد/ يلا يا بن الظريفة

كلهم ضحكوا علي طريقة يزن ماعدا ميرا اللي كانت مكسوفة و نفسها حرفيا الارض تنشق و تبلعها

صقر بهدوء/ على فكره كلمت كريم وقال ي ان هم كانوا في مشوار وزمانهم جايين في الطريق

يزن باستغراب /ايوه مشوار ايه يعني اللي كانوا فيه

صقر باستغراب/ ما اعرفش ما سالتهمش يا يزن

يزن بستعجال/ ايوه يعني ايه مسالتهمش مشوار ايه ده اللي من بليل لحد دلوقتي

صقر بحده / وانا ايه هيعرفني .. بلاش غباء بقي واحد بمراته انا مالي و مالهم ..ولا عايزني ادخل في حياتهم

يزن باحراج / طب خلاص يا عمي متزعش كدة .. مخدتش بالي يعني

كارمن بضحك / على فكره خالد كلمني وقالي احتمال ان هما يرجعوا بالليل و قولتلوا علي حوار كتب الكتاب ده .
صح يا يزن

يزن / اه بس اطمن علي ياسمين و كريم الاول

و في نفس الوقت دخل كريم و ياسمين كانوا بيتعاملوا عادي خالص .

كريم شد كرسي لياسمين من علي السفره و قعدت و كريم بيهزر / انا و امك و موافقين بس انت شد حيلك و متتلككش بينا يا اخويا

يزن / علفكره انتوا قلقتوني عليكم بجد …كنتوا فين
مالك يا ماما انتي كويسة

ياسمين ببتسامة بتداري بيها تعبها / اه يا حبيبي انا كويسة بس فرحني بقي و قولي انك هتكتب كتابك النهاردة

يزن بغرور / واضح ان في اجماع علي كدة عموما يا جماعة انا اتنازلت و وافقت اتجوز

ميرا بصدمة / اتنازلت يا يزن

فهد بتريقة / هههه البس يا لذيذ ..علشان تستخف بقي

يزن / لا و المصحف انا مقصدش .. هي القافية حكمت كدا
و بعدين هو انا اطول القمر ده يبقي مراتي

صقر / اححم .. استني لما تتجوزها ابقي اتغزل فيها براحتك هااا و اتلم علشان معانا بنات .

و قعدوا كلهم ياكلوا مع بعض و عدي اليووم و خالد رجع الفيلا هو و نغم و كان فرحتهم اكتملت و بدوا يجهزوا الجنينة علشان كتب الكتااااب .

استووووووب تفتكروا هيتم بجد و لا ممكن يحصل حاجة ؟؟ و تفكروا عاصي ممكن يعمل ايه ؟؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر 2)