رواية أحببته من أجل حبه لفلسطين الفصل الخامس 5 بقلم أمل محمد
رواية أحببته من أجل حبه لفلسطين الفصل الخامس 5 بقلم أمل محمد
رواية أحببته من أجل حبه لفلسطين البارت الخامس
رواية أحببته من أجل حبه لفلسطين الجزء الخامس
رواية أحببته من أجل حبه لفلسطين الحلقة الخامسة
كانت أمل لابسه چيبه سودا وبليزر اسود وشيميز أبيض وطرحه بيضه وكوتش أبيض وخرجت من أوضتها وهي بتلف حوالين نفسها / ايه رأيك فيا يا مامتي
الأم / قمر ياقلب أمك ماشاء الله تبارك الله
عدي وهو ساند بكتفه على باب أوضته / هنفضل في ايه رأيك يا ماما ايه رأيك يا ماما هو انتي راحه تتفسحي انتي راحه تشتغلي
أمل / ايه ياعدي بتسد نفسي ليه
عدي وهو بيتعدل في وقفته وبيبص لأمل بجديه / بصي يا أمل انتي هتشتغلي معانا في الشركه مفيش حاجه اسمها أخوكي ولا الكلام ده كله أنا عاوزك تبني نفسك بمجهودك وتجتهدي في شغلك والكل يقول الأستاذه أمل عملت مش أخت مدير الشركه فاهماني يا حبيبتي
أمل / فاهماك
عدي / تمام يلا توكلنا على الله
الأم / ربنا معاكم يا حبايبي ويجعلكم في كل خطوه سلامه
في الشركه كان عبيده وصل متأخر لأول مره وهو ماشي شاف أمل واقفه مع المهندس بيتكلموا بصلهم وغير وجهتة لمكتب عدي وفتح الباب ودخل بانفعال / انت برضه نزلتها الشغل
عدي ببرود / أختي وأنا حر فيها
عبيده / وأنا قولتلك اني بحبها وعاوز أتجوزها
عدي وهو ثابت على بروده / وأنا قولتلك لما تجوزني أختك
عبيده بغضب / انت ليه بتعند معايا ماهي لسه بتفكر
عدي / خلاص على أما أختك تخلص تفكير بقى
عبيده / طب اسمع بقى فرحي على أختك الخميس الجاي
عدي ببرود / مع فرحي على أختك
عبيده / تمام اتفقنا
عدي بفرحه / اتفقنا
وبدأت تجهيزات الأفراح وتعلوا الزغاريط وهاهو اليوم الموعود ورقصة السلو
عدي / ايه ياختي سنه بتفكري
ريهام بضحك / الله مش بعرفك قيمتي
عدي بغمزه / قيمتك محفوظه من غير حاجه يا عسل
ضحكت ريهام على أخرها
عند والد عبيده وريهام / بقولك ايه انتي أكيد أخت أمل الصغيره مستحيل تكوني أمها أبدا
حبيبه بضحك / يوووه ربنا يسترك ياسي رأفت
رأفت بهيام / تتجوزيني يا عسل انتي
حبيبه بابتسامه هزت راسها بمعنى موافقه
الفرح خلص وكلهم ماشيين
رأفت / استنى يا عدي عاوز أطلب منك طلب
عدي / اتفضل ياعمي انت تؤمر
رأفت / أنا طالب ايد أختك العسل ليا
عبيده بصدمه / واد ياعدي هو انت عندك اخوات غير أمل ؟
عدي بصدمه / لأ .. انت عندك عم أهبل ؟
عبيده بصله بتوهان / معتقدش
عدي / احم احم أختي مين بس ياعمي ماهي عندكم أهي
رأفت وهو بيبص لحبيبة بهيام / أنا بصراحه مش مقتنع أن القمر دي تبقى أمكم
عدي وهو بيحاول يفلت من ايد عبيده / أبوك بيعاكس أمي يا عبيده سيبني الله يسترك
عبيده / معلش امسحها فيا
حبيبه بخجل وابتسامه / يووه متكسفنيش ياسي رأفت
عبيده / لأ روح ياعدي ربنا يسهلك أنا غلطان اني بمسكك
عدي واقف بصدمه وزهول مش فاهم حاجه / هو فيه ايه
أمل وريهام واقفين يضحكوا وبس
رأفت / عاوز نكتب الكتاب ونعلي الجواب ونفرح بقى
عدي / رأي حضرتك ايه يا ماما
حبيبه وهي باصه في الأرض / اللي تشوفه يا عدي
أمل / هي أمي بتعيش جو الصغيره على الحب والا أنا بيتهيألي
ريهام بضحك / سعاد حسني في نفسها أوي حماتي
أمل بضحك / وحمايا ماشاء الله عبدالحليم حافظ
عدي / موافقين ياعمي دي سنة الحياه ومش حرام ولا عيب ولا غلط زي ماهي ربتنا وكبرتنا وفرحتنا وفرحت بينا من حقها تفرح وتعيش حياتها هي كمان
أمل وريهام زغرطوا في صوت واحد
بعد مرور ٩ سنين
عبيده / فهمتوا يا حبايب بابا
أبو بكر / فهمنا يا بابا
عبيده / طب فهمتوا ايه
عمر / فهمنا إن تحر’ير فلس’طي’ن مش قضية الفلس’طين’يين فقط بل قضية العالم كله
أبو بكر / لأ ياعمر إنها قضية إسلام وقضية كل مسلم
أمل بابتسامه / وعشان كده حبيته (أحببته من أجل حبه لفلس’طي’ن)
تمت بحمد الله
لقراءة باقي حلقات الرواية اضغط على : (رواية أحببته من أجل حبه لفلسطين)