Uncategorized
رواية أنت مرادي الفصل الثالث والعشرون 23 بقلم علا عبدالعظيم
رواية أنت مرادي الفصل الثالث والعشرون 23 بقلم علا عبدالعظيم
 |
| رواية أنت مرادي الفصل الثالث والعشرون 23 بقلم علا عبدالعظيم |
رواية أنت مرادي الفصل الثالث والعشرون 23 بقلم علا عبدالعظيم
و في يوم جديد و كانت ملك بدأت تفوق ..
ملك بتعب : ااه
مراد فتح عينه بفرحه : ملك انتي كويسه ؟
ملك : عاوزه انام.
مراد : استني هجيبلك الدكتور .
خرج مراد و بعد شويه رجع بالدكتور ..الدكتور بدأ يكشف على ملك .
الدكتور : الحمدلله هي بقيت كويسه وبعد يومين تقدروا تخرجوا.
مراد بفرحه : الحمدلله .. شكرا يا دكتور .
الدكتور : الشكر لله ، عن إذنكم ..
خرج الدكتور وقعد مراد جمب ملك : وحشتيني اوي
ملك بتعب : وانت كمان .. عاوزه أخرج من هنا يا مراد .
مراد: هما يومين بس يا حبيبتي وهنخرج.
ملك وهي بتنام : طيب .
وفي بيت محمود و عبير.
عبير بصراخ : يالهوي يالهوي انا كنت حاسه .
محمود : انا غلطان اني قولتلك .
عبير : وهو انت ينفع تخبي حاجه عليا زي دي ؟
محمود : طالما بتفضلي تصوتي وتهللي كدا يبقا مينفعش اقولك .
عبير وهي بتطلع هدوم : انا هلبس واروح ل بنتي.
محمود في نفسه: انا اللي جيبت الهم دا لنفسي .
لبست عبير وخرجت وطلبت من مريم تلبس عشان تروح معاهم .
وبعد شويه خرجوا هما التلاته للمستشفى .
في بيت هدير ..
رانيا (ام هدير) : لسه مش بترد ؟
هدير بقلق : لا يا ماما .
رانيا : طب هتعملي اي !
هدير : مش قدامي غير اني اكلم مريم واسألها عليها.
رانيا : طيب كلميها.
اتصلت هدير على مريم .
مريم : الو ..
هدير : ازيك يا مريم .
مريم : الحمدلله بخير ..انتي عامله اي؟
هدير : انا كويسه ، كنت عاوزه اطمن بس على ملك .
مريم : ملك تعبانه و في المستشفى ..
هدير بخوف : اسمها اي المستشفى دي انا جايه .
مريم :******
هدير : تمام انا جايه .
مريم: تمام .
وفي قصر ابراهيم السيوفي ..
ابراهيم : يلا خلصوا
روز : خلصنا اهو يا بابا يلا .
ابراهيم : بتعملي اي يا ولاء !
ولاء : كنت بجيب الشنطه يلا بينا .
و في المستشفي وكان الكل وصل .
هدير : سلامتك يا حبيبتي .
ملك بتعب : الله يسلمك يا هدير .
عبير بـ لوم : ينفع اللي حصل دا يا مراد !
مراد بحزن : انا بجد اسف ومكنتش اعرف ان هيحصل كدا .
روز وهي بتدافع عن اخوها : بصراحه انا السبب ، انا اللي عزمت فاطمه .
ملك : محدش السبب و الحمدلله انها جات على قد كدا .
محمود : عندك حق المهم أن ربنا ستر .
و بعد شويه الباب خبط ..
هدير : انت ؟؟؟؟؟
و في اسكندريه
سحر: هتفضل كدا لحد امتى يا عبده ؟
عبدالرحمن بحزن : احنا لازم نخلص مريم من الموضوع دا .
سحر : ربك كبير يا عبده .
ووقتها الباب خبط .. وعبير قامت تفتح .
الشخص : سلام عليكم.
سحر : وعليكم السلام ياخويا انت مين ؟
الشخص : خدي بس الشنطه دي ومتسأليش كتير .
سحر : طب على الأقل اعرف مين اللي بعتها ..
الشخص : هادي بيه .
سحر بقلق : طيب ياخويا اتفضل اشرب حاجه .
الشخص : تسلمي .. بالإذن بقا .
سحر قفلت الباب و خدت الشنطه و دخلت الأوضه عند عبدالرحمن .
عبدالرحمن : مين يا سحر ؟
سحر : واحد بيقول أنه تبع هادي و جاب الشنطه دي .
عبدالرحمن : طب افتحيها كدا .
سحر فتحت الشنطه و كان فيها فلوس و ورقه. مكتوب فيها (انا اسف على اي حاجه حصلتلكم بسبب ابويا و دي الفلوس اللي مداينكم بيها و الوصلات هتبقا عندكم في خلال يومين .)
عبدالرحمن : احمدك يارب .