رواية خطيبتي واخواتها التوأم الفصل الثلاثون 30 بقلم رحاب القاضي

رواية خطيبتي واخواتها التوأم الفصل الثلاثون 30 بقلم رحاب القاضي

رواية خطيبتي واخواتها التوأم البارت الثلاثون

رواية خطيبتي واخواتها التوأم الجزء الثلاثون

رواية خطيبتي واخواتها التوأم الحلقة الثلاثون

#خطيبتي_واخواتها_التوأم
_الحلقه الاخيره
ـــــــــــــــــــــــــــــــــــــــــــ
_ بعد مرور اربع سنوات…
“الحب الاول هو مجرد ذكري بتيجي علي بالنا بعد سنه من البعد بعد اتنين بعد خمسين سنه ممكن تكون اغنيه مكان اكله او اي حاجه بتفكرك بحاجه كانت حلوه او وحشه المهم انها لسه بتأثر فينا، بس الشاطر اللي ما يقفش علي الذكري دي لانه لو وقف عليها هيبص يلاقي العمر عدي عليه والكل سبق معادا انت وذكرياتك،قولي هتفضل تحاسب نفسك لحد امتي اللي عدي، اللي عدي خلص خلاص بص للجديد واتعلم منه عشان تبقي شاطر وتفوز في الاختبار الاخير لحياتك ودي مش انانيه بالعكس ده نُضج واننا خلاص كبرنا واتعلمنا من كل حاجه حتي الوجع اتعلمنا منا وما استسلمناش ليه”
سكتت ناني شويه وقالت
قطعت اجازة شهر العسل بتاعي وجيتلكم حسيت اني عايزه اقولكم كده وبس مش هقدر اكمل معاكم الحلقه النهارده وهيكملها زميلي محمد شيمي واشوفكم بعد الاجازه ان شاء الله ونطلع لفاصل ويرجع معاكم محمد بااي..
_ وشالت السماعه من علي ودانها وطلعت بره اوضة التسجيل وراحت لمكتب فؤاد اللي كان واقف مع الموظفين وقالت..
ناني
يا سلام يعني جيبتك معايا بالعافيه وفي الاخر انت اللي تنشغل؟…
فؤاد ابتسم وقال للموظف
اطلع يا ابني بسرعه قبل ما نتضرب انا وانت..
ضحك الموظف وقال
ههههه تمام يا فؤاد بيه بعد اذنك والف مليون مبروك مره تانيه..
فؤاد بص لناني وابتسم وقال
الله يبارك فيك يا حسن…
طلع حسن وفؤاد قام وقرب منها وقال
خلصتي يا اختي وقولتي الكلمتين اللي كانو محشورين في زورك…
ضحكت ناني وقالت
ههههه ايوه قولتهم يلا بينا بقي نرجع لشهر العسل بتاعنا…
فؤاد بحده
اممم بس عارفه لو قولتي نقطع الاجازه تاني لحد الشهر ما يخلص هنفخك مش كفايه ابوكي اللي حكم عليا اقعد خمس سنين خطوبه..
ضحكت ناني وقالت
هههههه هو حد قالك تستغفله وتخليه يساعدك تشقط بنته من غير ما يعرف..
مسك فؤاد ايدها وقال
ومين قالك اني زعلان مدام خلاص في الاخر اتجوزنا يبقي كده زي الفل ولو كان صمم علي اكتر من خمس سنين كنت هوافق برضو المهم تبقي ليا يا حبيبتي..
ناني ابتسمت وقالت
ما انا اهو خلاص بقيت ليك ولاخر عمري يا احلي اختيار في حياتي…
ــــــــــ
_ وفي القاهوه…
وقف اياد بعربيته قدام الفيلا اللي ساكن فيها وقفل الراديو اللي كان بيسمع فيه ناني من شويه، وبص للمرايه قدامه ومسح دموعه ورسم ابتسامه هاديه ونزل وهو ماسك شنط كتيره واول ما دخل لقي منه قاعده مدايقه وعلا ومريم بيتخانقو…
مريم
يا وليه ما تسبيني انا ومرات ابني في حالنا ايش حشرك وسطينا…
علا بحده
هو ايه اللي اسيبكم دي منه تبقي بنتي واياد ابن اختي هااا انتي ايه اللي جابك اصلا..
مريم بغيظ
ااه يا بت الصفرا بتكديني وبعدين ايه ابن اختك دي هااا لا يا عينيا ده ابني انا لا هي اختك طلعت من قبرها وربت وكبرت وضيعت عمرها عليه..
منه بتعب
اياد كويس انك جيت تعالي خد الولد من علي ايدي وطلعني فوق..
اياد بغيظ
والله يا ماما انتي وخالتو فاضين وبعدين منه ليها ست ايام والده وتعبانه وانتو جايين تتخانقو قصادها..
مريم
ما تقول لخالتك..
علا بحده
لا قولها هي، وبعدين السبوع بكره هيكون بطريقتي انا…
مريم
طريقة ايه دي لا يا سكر السبوع هيكون بطريقتي انا…
قرب اياد من منه وقال
لا انتي ولا هي هتزعلو براحتكم بس ما حدش هيختار كل حاجه لبكره غير منه..
ابتسمت منه وقالت
حبيبي ربنا يخليك ليا يارب..
مريم قامت وقالت
طبعا ما هي الكلمه كلمتها والشوري شورتها زيك زي الخايب التاني اللي المعصعصه ممشياه علي مزاجها…
علا وقفت وقالت
معاكي حق يا مريم وافتكري اللي حصل ده يا منه انا رايحه لملك مرات ابني طيبه وبتحبني وبتسمع كلامي…
مريم
ايوه انتي ازاي اصلا تسيبي البت وهي حامل كده وحملها صعب كمان..
علا
خلاص يا مريم هروح تعالي بس نروح نشتريلها شوية حاجات وهاخد ذوقك فيهم..
مريم
والله ما في حد بيعمل لذوقي قيمه غيرك يا شقرا انتي ما قولتش صفرا اهو يلا بينا…
_ ضحكت علا وطلعت هي ومريم وطلعو، ومنه واي كانو بيضحكو عليهم واياد قال..
اياد
اقسم بالله الستات الكبيره دول دماغهم لاسعه، المهم انتي كويسه يا حبيبتي..
منه بجمود
هو انت مبسوط معايا يا اياد؟..
باس اياد علي راسها وقال
طبعا يا حبيبتي وهنبقي مبسوطين اكتر بالصغنن ده..
منه بسخريه
مش باين علي عينيك بصراحه، انا عارفه انك لسه متابعها ولسه بتحبها..
اياد بضيق
هو ايه اللي فتح السيره دي النهارده بس يا منه..
منه بدموع
ما فيش حاجه بس هو احساس وحش اني ابقي مع راجل قلبه مع واحده غيري…
اياد بحده
انا ما قصرتش معاكي في حاجه عشان تقولي كده ولا انتي عايزه تتخانقي وخلاص…
_ قامت اخدت ابنها ومشيت من قدامه وطلعت فوق ودموعها علي وشها…
ــــــــــ #بقلم_الكاتبه_رحاب_القاضي ــــــــــ
_ وفي الاسكندريه ..
كانت نسمه قاعده قدام قبر ودموعها علي وشها وهي لابسه اسود في اسود وبنتها قاعده جنبيها، وقالت..
نسمه
انا مسمحاك ومش زعلانه منك بالعكس كل ما بفتكرك بدعيلك…
جه احمد وقعد جنبيها وقال
لو انتي سامحتيه انا مش هسامحه يا نسمه علي االي عمله فينا وهفضل زعلان منه عشان كان ضعيف..
نسمه بضيق
هو كان بيعمل كده عشان كان خايف عليك يا احمد.، عمي لما طلب مني اروح مع امجد عشان امجد وقتها كان ممكن يعمل اي حاجه ويرجعني ليه وانت ما كنتش هتقدر تقف قصاده..
احمد بجمود
ابويا قبل ما يموت قالي اطلب منك تسامحيه واخليكي تيجي تزوريه هنا، واستغربت لما روحت لجوزك وطلبت كده منه انه وافق وكمان خلاكي تيجي معايا..
ابتسمت نسمه وقالت
امجد اتغير زي ما زمان كان كويس واتغير بسببي انا كمان كنت سبب في انه يرجع للاول، ما كنتش شايفه اني بحبه بس لما حسيت امه هيروح مني كنت ممكن اموت فيها وراه فضلت قاعده شهر من غيره وكان في العنايه المركزه الشهر ده كان كفيل يثبتلي اني ما حبيتش غيره في حياتي بالطريقه دي..
احمد بدموع
فعلا الحب الاول اوقات كتير مش بيبقي هو النصيب، بس بيبقي مجرد ذكري كنت لسه بسمع في الراديو حاجه زي كده، بس انا هفضل احبك يا يا نسمه ومدام انتي مبسوطه معاه فربنا يسعدك..
نسمه ابتسمت وقالت
ربنا يسعدك انت كمان يا احمد ويخليلك ولادك توأم هما مش كده؟..
احمد
ايوه توأم والحمد لله حياتي بقيت مستقره..
وقفت نسمه وقالت
طيب اشوفك علي خير بقي انا لازم امشي يلا بينا يا صافي…
_ واخدت نسمه بنتها ومشيت ورجعت بيت امجد البحيري، واول ما دخلت قابلتها صفاء اللي قالت..
صفاء
انتي جيتي ما لسه بدري..
نسمه
في ايه يا ماما صفاء، ما امجد اللي قالي اروح..
صفاء
مش بتكلم علي كده، انا اقصد البنت اللي في المكتب جوه مع جوزك قال ايه عميله عنده في الشغل..
نسمه بغيظ
نعمم ابنك ده يومه مش هيعدي علي خير…
ودخلت نسمه المكتب وصافي قالت
يوووه هيتخانقو تاني انا زهقت..
صفاء
لا بس دي خناقه حلوه تعالي احنا نلعب فوق…
_ ودخلت نسمه المكتب ولقيت امجد قاعد والبنت قصاده وقريبه منه اوي ولما شاف نسمه زقها بعيد. عنه وقال بخوف…
امجد
عجبك كده اهو هيبقي يوم اسود علي دماغي..
نسمه شمرت اكمام ايدها وقالت
البت دي كانت بتعمل ايه هنا يا امجد؟..
امجد
جايه ننقاش المشروع الجديد ولقيتها قامت وقربت مني ولسه بتصدم لقيتك دخلتي والله..
نسمه قربت من البنت وقالت
ده انتي يوم اهلك مش معدي معايا عشان تعرفي تقربي من جوزي تاني..
_ وبعد شويه كان امجد قاعد مدايق ونسمه بتاكل في بنتها وبتقولها…
نسمه
كلي يا حبيبتي ما تبقيش انتي وابوكي عليا..
امجد
اللي يسمعك وانتي بتقولي كده يقول ملاك نازل من السما مش مطلعه البت من شويه عينها اد كده..
نسمه بغيظ
عدي ليلتك علي خير يا امجد بدل ما اقوملك…
ضحكت صفاء وقالت
صدق اللي قال الحب بهدله..
امجد
انتي عارفه انا خسرت الصفقه يا حبيبتي..
نسمه ببرود
فدايا يا جوجو…
امجد بحده
ما تتكررش تاني يا نسمه ويبقي في شوية ثقه بينا..
نسمه
ما انا واثقه فيك يا حبيبي والا كان زمانك دلوقتي مكانها..
امجد قتد حنبيها وقال
زمان كنت بتمني بس تغيري عليا، دلوقتي انا نفسي تكرهيني..
نسمه ضحكت وقالت
ما حدش قالك تحببني فيك، وتخليني اعشقك..
امجد ابتسم وقال
ما انا كان لازم يعني اتضرب بالنار وادخل العنايه المركزه عشان تبطلي عند…
نسمه بضيق
بس والنبي بلاش تفكرني الله لا يعيدها الايام دي، المهم اننا وقتها خلصنا من فوزي وربنا خده…
امجد
بقولك ايه ما تيجي نسيب البنت بس مع ماما وهنطلع شرم نقضي يومين ايه رئيك..
صافي
هطلع معاكم..
ضحكت نسمه وامجد قال
حبيبتي هو انتي كان لازم تخلفي يعني..
_ ضحكو كلهم وكانت حياتهم كلها سعاده والبيت اللي كان مصدر عذاب نسمه زمان وبعشق امجد ليها بقي مصدر لسعادتها دلوقتي..
ــــــــــ #بقلم_الكاتبه_رحاب_القاضي ــــــــــ
_ وتاني يوم في القاهره
وقف انس بعربيته قدام بيت اياد وقال لجني اللي راكبه جنبيه بهدوء..
انس
هنبات هنا يا حبيبتي ما تنزلي…
جني وهي بتبص في موبيلها
تمام بص في سوبر ماركت قريب من هنا اللوكيشن بتاعه اهو روح هاتلي الطلبات بتاعت سُهيل وسيليا..
انس بغيظ
هي الدنيا طارت ما نجيبهم واحنا مروحين يا جني..
جني
لا طبعا لاننا هنروح متأخر والاولاد هيكونو نامو هنفضل نلف بيهم وبالعربيه بس هو كده فعلا هو انت بيهمك حاجه..
انس بغيظ
امممم شامم ريحة عزه في الموضوع ما انتي كنتي عندها..
جني
لا ماما مالهاش دعوه بص لتصرفاتك وبص لولادك يا كابتن…
انس قرب منها وقال
للاسف وانتي معايا مش بقدر ابص غير ليكي..
ابتسمت جني وقالت
هننزل نسبقك علي جوه تجيب الحاجات وتخليهم في العربيه تمام..
انس ابتسم وقال
تمام اي اوامر تانيه يا حبيبتي؟..
جني
لا شكرا يلا يا اولاد..
_ وراح فعلا انس وجاب الطلبات وبعدين دخل الحفله اللي عاملها اياد لسبوع ابنه ولقي اياد بيلعب مع ابنه بعيد عن المعازيم شويه..
انس
سيب عمك ياد ده الليله ليلته..
اياد
مالكش دعوه سيب حبيب عمو يعمل اللي هو عايزه..
انس بضيق
ما تاخدوش وتكسب فيا ثواب..
_مشي سُهيل يلعب مع الاطفال وقرب اياد من اخوه وقال بقاق…
اياد
مالك يا ابو الكباتن من لما خلص عقد احترافك وجيت مصر وانت مش عاجبني..
انس بسخريه
عارف الغلط فين اني اتجوزت بدري…
اياد
يا جدع حرام عليك طيب ده الجواز ده احلي حاجه في الدنيا..
انس ضحك وقال
ههههه ما انا كنت زيك وبدأت من بعد ما جني خلفت المسخوط الصغير ده وهاتك عياط ليل نهار لا عارف انام ولا عارفين نسكتو ومش هو بس اللي بيعيط هو وجني، ومش مسموحلي ارتاح لا لازم انزل اشتغل عشان بقي اوربا ما فيش هزار ده غير اني بقيت مسؤال عن الولد وامه بامبرز وسيرلك وعصير وهدوم شتا وهدوم صيف وكشوفات وعلاج و.. بس والنبي يا اياد عشان هعيط والهانم مش تاخد بالها لا بعده بكام شهر تحمل وتخلف وتجيبلي القرده الصغيره واشرب المر يا انس دي المفتريه بتنيمهم وسطينا علي السرير ده انا ما بقتش عارف اا.. خليني ساكت احسن..
كتم اياد ضحكته وقال
تخليك ساكت ايه ده انت شردت للبنت وعيالك ادي اخرة العيال لما تتجوز بدري…
انس
والنبي ما هزعل انت معاك حق، كنت متجوزها طموحه وبتحب الحياه فقلبت بومه زي امها..
اياد
بس عشان ما ارزحس اخد الواد من ايد منه اوديه ملجأ الله يسد نفسك يا شيخ..
انس بجديه
طيب سببك مني وقولي ايه اخبارك انت ومنه…
اياد بجمود
هو انا ظلمتها لما اتجوزتها وانا بحب واحده تانيه ومش عارف انسي، وعلي فكره انا ما قصرتش نعاها في اي حاجه؟..
انس
كونك بتحب غيرها لسه دي بالنسبالها جريمه، قربت منها ليه طيب وانت بتحب ناني؟
اياد بضيق
للاسف كنت فاكر اني كده هقدر انسي ناني، هي نسيت او عدت اللي حصل وعاشت حياتها انما انا لسه واقف عند حبي ليها ولما اتجوزت منه بقيت بحاول اخفي حزني عنها وديما بحاول احسسها اني بحبها ونسيت لان. مالهاش ذنب غير انها صدقتني…
انس بسخريه
انت ما ظلمتش غير نفسك علي فكره يا اياد واوحش حاجه انك تنسي حد بحد ده ظلم ليها هي كمان…
اياد بضيق
انا ما ظلمتش حد، انا اكتر حد اتظلم في الحكايه دي من كل حاجه الكل بقي مبسوط وتمام وانا اللي لسه بدفع حساب حاجات ماليش ذنب فيها…
انس
لو بطلت تقول كده لنفسك وبصيت لمراتك ولابنك ولحياتك الجايه مش اللي عدت هترتاح، اعمل زي ناني ما خلتش اللي عدي اثر عليها بالسلب..
اياد اتنهد وقال
انا مش اناني زيها وو..
_قبل ما يكمل كلامه جات جيلان وهي ماسكه هديه صغيره وقالت…
جيلان
الف مبروك يا اياد يتربي قي عزك..
اياد ابتسم وقال
الله يبارك فيكي يا جيلان تعالي انا داخل جوه انا كمان..
انس قرب منها وقال
طيب سلمي طيب او قولي ازيك يا انس..
جيلان ضحكت وقالت
كنت لسه هسلم عليك بس انت اللي ديما مستعجل، حمدلله علي سلامتك..
انس
الله يسلمك يا جيلان…
_ ودخلو كلهم جوه واياد راح وقف جنب منه وكان فعلا لطيف معاها وانس جنب مراته وولاده وكان الكل مبسوط باستثناء مشاكل الحياه العاديه اللي اي حد بيمر بيها…
_ ان حصلنا علي ما نريدهُ او لم نحصل عليه ستكون هناك عواقب في طُرق حياتنا، ولكن من الافضل ان لا نجعل هذه العواقب سبباً لتعاستنا سوف نمر بها ونأخذ منها القوه لكل ما هو قادم…
ــــــــــ #باقي_القصه_في_اول_كومنت ــــــــــ
_ في الاسكندريه..
في شقة ملك كانت سما واقفه في المطبخ وملك قاعده في الصاله وقالت..
ملك
سماا اعمليلي نسكافيه وهاتيلي كيكه من عندك..
طلعت سما وقالت
بت انتي لمي نفسك انا علي اخري ومش عايزه اتعصب عليكي وحماتك نايمه جوه..
ملك ببرود
الله هو مش انا حامل والمفروض اني ما اتحركش. وانتو تخدموني..
سما بحده
ما تصدقيش نفسك يا حلوه بس بطلي اكل والله الواد هيتحشر في بطنك وقومي اتمشي شويه انا حاسه انك لاسقتي في الكنبه دي…
ملك بهدوء
طيب اعمليلي اللي قولتلك عليه وبطلي كلام يلاا..
سما بغيظ
والله هضربك يا ملك مش عامله حاجه طيب…
في الوقت ده دخل خالد وقال
في ايه صوتكم عالي ليه؟..
سما
كويس انك جيت انا ماشيه الله يعينك عليها..
وقفت ملك وقالت
كنت فين انت كمان؟..
خالد بهدوء
كنت في الشغل يا حبيبتي هكون فين يعني؟..
ملك
وكلمتك مش بترد عليا ليه؟..
خالد يهدوء
عشان كنت في شغل يا ملك..
ملك بحزن
ومالك بترد عليا كده ليه ما بقتش تحبني ما بقتش عجباك يا خالد خلاص…
سما
طيب همشي انا بقي واسيبكم في حياتكم الخاصه…
وفعلا سما مشيت وخالد قال لملك
في اكل ولا اطلب من بره؟..
ملك بحده
اهو ده اللي انت فالح فيه عايز اكل عايز كل حاجاتك تكون تمام وانا اخر اهتمامك…
خالد بهدوء
ما رديتيش علي سؤالي في اكل ولا لا؟..
ملك بغيظ
في يا خالد بس مش هتاكل بس، روح للي كنت عندها وكل..
خالد
اسكتي ما شوفتيش اللي حصل النهارده؟..
ملك بفضول
ايه اللي حصل احكي احكي..
خالد بخبث
جهزي الغدا لحد ما اغير هدومك واحكيلك كل حاجه…
ملك بحماس
اوكي بسرعه اهو…
دهلت المطبخ وخالد قال
ربنا يكملك بعقلك يا ملك…
ودخل يغير هدومه وراحت ملك وراه وقالت
انت بتستعبطني صح طيب مش مجهزه حاجه ومش عايزه اعرف حاجه..
خالد بضيق
هو في ايه يا ملك بقي هو انتي فاكره اني ممكن ابص لحد غيرك؟…
ملك بغيظ
ايوه..
خالد ابتسم وقال
ده ايه الرد السريع ده، انتي لو قفشاني مع حد مش هيكون ردك بالسرعه دي…
قرب منها وقال
انا اسف بعد كده لما هترني عليا كل يوم 150 مره هرد عليكي فيهم كلهم تمام…
ملك ابتسمت وقالت
هو انا مش قصدي اخنقك بس انا بهتم…
ضحك خالد وقال
هههه واحلي اهتمام والله كفايه انك مخلياني كل لحظه ما افكرش غير فيكي بقيت بتمني اخلص الشغل بسرعه عشان اجي واقعد معاكي..
ملك فرحت بكلامه وقالت
بص هي سما عامله بانيه ومكرونه سيبك من الاكل ده انت نفسك في ايه يا حبيبي…
خالد
اي حاجه يا ملك المهم هتاكلي معايا…
ملك
طبعا البت سما سيباني من غير اكل اصلا وامك نايمه..
خالد بسخريه
ايوه ايوه عارف معلش روحي جهزي الاكل يلا..
ملك
من عينيا يا ابو اكجنكي..
خالد بعدم
ابو مين ياختي..
ملك
لا ده اسم تركي هسميه لابني هرزح اجهزلك العشا بقي…
مشيت ملك وخالد قال
هي قالت ايه الاسم انا غلطان اني خليتك تعملي العمليه وتخلفي اصلا…
_ وان كان الجميع يراها غير منضبطه وغير مناسبه رآها هو زوجته وعاملها كطفلتهُ، كانت لهُ عوضاً عن ما مر بهِ قلبهُ وجعل هو لها السعاده دربٌ تسيرُ فيهِ…
“خالد&ملك”
ــــــــــ #بقلم_الكاتبه_رحاب_القاضي ــــــــــ
_ دخلت سما بيتها…
لقيت محمد قاعد مدايق وهو بيتفرج علي التلفزيون، قربت منه وقالت..
سما
مالك شايل طاجن ستك ليه كده يا دكتوري…
محمد بضيق
لا ابداً يمكن عشان من لما رجعت من الشغل لحد دلوقتي وانا مستني مراتي ما جاتش…
سما
حقك عليا معلش ما انا خلصت شغل وروحت لملك وبعدين جيت علي بابا عشان اعمله الغدا والعشا وطلعت علي طول اهوو..
محمد
انا فين طيب من كل ده، فين واجبك عليا ولا كل حاجه اعملها لوحدي عادي ولو روحت عند ماما تقوم القيامه..
سما بضيق
عشان حضرتك لو روحت عند مامتك هتفضل تقولي ابني ما اكلش ابني ما شربش ويتفتح عليا باب نكد انا في غني عنه مش كفايه واخده بنتي مني وانت ساكت..
محمد بحده
امم اهربي من الموضوع اللي بنتكلم فيه وادخلي في موضوع البنت…
سما اتنهدت وقالت
انا ما بهربش يا محمد وبعدين فعلا موضوع ث.. ثريا مدايقني مش كفايه امك سمتها علي اسمها وكمان وخداها مني…
محمد بسخريه
ما انتي واخده منها ابنها وما حدش اتكلم يعني..
سما ابتسمت وقالت
احنا فيها روح لامك وهاتلي بنتي من عندها واغير اسمها عشان الاسم تقيل علي قلبي بصراحه..
محمد بجمود
نتلم وهي بطلت تتكلم عليكي بحاجه وحشه نتلم احنا كمان..
سما بسخريه
صدقتك انا كده عارف يا محمد لو الدنيا كلها اتغيرت امك هتفضل زي ما هي ومعايا انا بالذات ده بنتي بقيت نسخه منها والله..
محمد
خلاص استعوضي ربنا في بينتك وخلينا نجيب غيرها بقي..
ضحكت سما وقالت
لا لا مش وقته عندي غسيل دلوقتي مش فاضيه…
قامت سما من جنبيه ومحمد قال
طيب اعمليلي شاي الاول..
سما بحده
بقولك. عندي غسيل حس علي دمك وقوم اعمل واعملي معاك…
ضحك محمد وقال
زعقي زعقي ما انتي خلتيني انسي الخناقه اللي من الصبح برتبلها…
سما قعدت جنبيه تاني وقالت
عارف زي النهارده من خمس سنين انت جيت تشوفني وكانت اول مره نشوف فيها بعض…
ضحك محمد وقال
ايوه فاكر ده انا اتعمل فيا مقلب والله كويس وعرفت اجيب عيال…
سما ابتسمت وقالت
ذكريات حلوه بجد يعني كل العرسان اللي كانو بيجو كانو فعلا بيطفشو معادا انت اللي مسكت فيا…
محمد
لا والغريبه ان انتي اللي عجبتيني من غير ما اعرف من فيكم العروسه…
حضنته سما وقالت
ربنا يخليك ليا يا احلي نصيب في الدنيا…
_ حتي ان اُغلقت قلوبنا واصبح خارجنا صلب وقاسي، سياتي من يكسر ذلك القفل القاسي ويبهج قلوبنا بوجوده….
ــــــــــ #بقلم_الكاتبه_رحاب_القاضي ــــــــــ
_ وعلي شاطئ اسكندريه كانت جيلان ماسكه الفون بتاعها وبتسجل كلام بهاء اللي قاعد جنبيها وقال..
بهاء
بس اطمنت علي بناتي وعلي كل اللي حواليا، بقيت مرتاح وانا شايف الكل مرتاح تقدري بقي يا جيلان تقفلي الروايه بتاعتك علي النهايه دي بس قوليلي بقي مين البطل؟…
جيلان قفلت التسجيل وابتسمت وقالت
دكتور بهاء ما شوفتش في حياتي زيك ولا هشوف، شخص زيك اتأذي من اهله ومن ناس كتير فقد حبيبته وعاش علي ذكراها والتعب والوجع اللي حصلك ما كسركش ما بقتش وحش وبتعامل الناس زي ما اتعاملت، بالعكس بنيت علي وجعك احلي حكايه وكنت سبب في سعادة ناس كتير اووي..
بهاء مسح دموعه وقال
اللي داق الوجع بيخاف يشوف غيره موجوع، كان نفسي حكايتي تكمل بندي ونقعد انا وهي قصادك كده ونحكيلك النهايه بس قدري كاتبلي ابقي لوحدي للنهايه..
مسحت جيلان دموعها وقالت
بقولك ايه هو انا مش عروسه حلوه ولا ايه انا موافقه اتجوزك يلا بينا نطلع علي اي مأذون..
ضحك بهاء وقال
لا انا كبير عليكي جيلان هتقابل العريس اللي اتقدملها وهتدي نفسها فرصه تنسي انس اللي حضرتك حابسه نفسك في ذكرياته، وما تقوليش انا زيك لا انا ندي ماتت النصيب هو اللي اختار كده وسابتلي امانه كان لازم افضل كده عازب عشانهم، انما انتي ليه تعيشي علي ذكريات واحد شاف حياته واتجوز وخلف…
جيلان
معاك حق اصلا لما شوفته هو وجني وولادهم من كام يوم في اسبوع ابن اياد وانا لومت نفسي علي حبي ليه حسيت ان مش من حقي افضل احبه بظلم نفسي وقلبي وفعلا لازم ابص لحياتي وهقابل العريس وهبدأ من جديد..
وقف بهاء وهو ساند علي العكاز بتاعه وقال
لو كل واحد فينا شاف اللي بيحبه قبل ما يشوف هو بيحب مين ما كانش هيبقي في وجع، بس عيب الانسان بيدور علي اللي شايفه مناسب ليه من وجهة نظره مع ان ربنا لما بيبعد عننا حاجه بتكون خير والله وفرصه عشان نختار صح…
_ وبكدا خلصت روايتنا اللي عشنا فيها مع كل الابطال بحزنهم وفرحهم، وما تزعلوش مني في اي مشهد حزين او حاجه دايقتكم بس انا بحب اميل للواقعيه اكتر في قصصي…
_ ونتقابل في روايتي الجديده

لقراءة باقي حلقات الرواية اضغط على : (رواية خطيبتي واخواتها التوأم)