رواية سهر الفصل السادس والعشرون 26 بقلم إسراء محمد

رواية سهر الفصل السادس والعشرون 26 بقلم إسراء محمد

رواية سهر البارت السادس والعشرون

رواية سهر الجزء السادس والعشرون

رواية سهر الحلقة السادسة والعشرون

وفعلا يامن راح لسمير واتفق معاه ان الخطوبه في البيت ونزلوا جابوا الشبكه بعدها بأسبوع
وجه يوم الخطوبه
ديما كانت لابسه فستان بيچ وعليه الحجاب وشكلها جميل
ويامن كان لابس بدله رصاصي وكرفته بيچ
وسهر اتفقت هي والبنات ومشيره انهم يلبسوا فساتين بينك
والرجاله هيلبسوا بدل سوداء
وبدأت الحفله ويامن كان مبهور بشكل ديما اللي مكنتش حاطه حاجه غير كحل وليب ستيك بس
وقعدوا يرقصوا شويه وبعدين جه وقت تلبيس الشبكه
وكانت عباره عن دبله ومحبس وسلسه
ديما وافقت ان يامن يلبسها الدبله والمحبس لكن موافقتش انه يلبسها السلسله واصرت ان سهر هي اللي تلبسهالها
وكملوا رقص تاني بس سهر مكنتش بترضي ترقص الا في وسط البنات بس
وخلصت الخطوبه
وكله كان فرحان ب ديما
وسهر مكنتش مصدقه نفسها انها بقت ام العروسه
ودخلت اوضتها وقعدت تعيط
زي اي ام مصريه 😂😂
سمير دخل عليها
وقال بخضه : مالك و بتعيطي لي
سهر بشحتفه : مش مصدقه ان ديما اتخطبت خلاص وكلها شويه وتسيبني وتتجوز
سمير بارتياح : طب ما دي سنه الحياه يا حبيبتي
سهر : بس انا مش عايزاها تبعد عني
سمير : طب ما انتي بعدتي عن اهلك
سهر : دلوقتي حسيت احساس ماما لما كانت بتعيط يوم فرحي
سمير : متفكريش في الزعل فكري بس في الفرح دلوقتي بنتنا بقت عروسه وكانت عروسه قمر وعايزين نبدأ نجهزها عشان الوقت بيعدي بسرعه
سهر : لا لسه بدري
سمير : ما عشان لسه بدري نجيب كل شهر حاجه لحد ما تتجوز
سهر : لا لو عملت كده هزعل اكتر
سمير : لي
سهر : عشان هفتكر كل شويه انها هتتجوز وتسيني
سمير : طب براحتك يلا ننام
وسابها ونام
وعدا شهر
كان سمير كل شويه بيحاول يقنع سهر انهم يبدأوا في جهاز ديما وهي رافضه
وبعد اسبوعين كمان اخر ما تعب
كلم اياد
اياد : ازيك يا سمير
سمير : الحمدلله انت عامل اي
اياد : الحمدلله
سمير : بقولك يا اياد
اياد : قول
سمير : شوف انت معاك كام وانا هكمل عليه ونجيب جهاز ديما عشان نلحق في السنه دي نخلص اللي علينا
اياد : ماشي انا معاك بس مش المفروض اننا اللي اتكفل بالمصاريف لوحدي
سمير : مفيش حد هيتكفل بحاجه لوحده احنا كلنا في مركب واحده ولازم نساعد بعض
اياد : كل مره بتثبتلي انك احسن مني
سمير : متفكرش في كده احنا انت ابو البنات الحقيقي وانا ابوهم اللي ربتهم يبقي مفيش حد احسن من حد
اياد : ربنا يخليك ليهم وتفرح ب نورسين وسليم
سمير : ان شاء الله انت هتكون معايا برضو
اياد : عنيا ليك
سمير : تسلم عنيك
وقفل معاه
وكلم ديما
ديما : ايوه يا بابي
سمير : انتي فين
ديما : راجعه البيت
سمير : قدامك قد اي وتوصلي
ديما : عشر دقائق تقريباً
سمير : طب عدي عليا قبل ما تطلعي
ديما : حاضر
بعد شويه
ديما وصلت عند سمير
سمير حضنها
وقال : ازيك يا حبيبة بابي
ديما : الحمدلله يا حبيبي وانت عامل اي
سمير : طول ما انا شايفكم مبسوطين هبقي سعيد
ديما : ربنا ما يحرمنا منك يا حبيبي
سمير : ولا يحرمني منكم
ديما : قولي بقي عايزني في اي ولا عايزنا نروح سوا
سمير : لا هنروح مشوار سوا
ديما باستغراب : مشوار اي
سمير : تعالي بس وهتعرفي في الاخر
ديما مشيت معاه وهي الفضول هيقتلها
سمير بص عليها لاقها قاعده تفرك علي الكرسي
قال بضحك : عماله تفركي لي
ديما بفضول : عايزه اعرف رايحيين فين
سمير : ربع ساعه وهتعرفي
ديما : ما تقولي دلوقتي
سمير : لا واقفلي موبايلك
ديما : لي بقي انت خاطفني ولا اي
سمير بضحك : لا عشان مش عايز حد يزعجك
ديما : قولي طيب احنا رايحين فين
سمير : لو قفلتي موبايلك هقولك
ديما : وعد
سمير : وعد
ديما قفلت موبايلها بسرعه
وقالت : اهو قفلته قولي بقي
سمير : احنا وصلنا اصلا
ديما بتبص حواليها شايفه محلات
قالت باستغراب : احنا جايين لي
سمير : جايين عشان ندخل المحل ده
وشاور علي محل اجهزه كهربائيه
ديما : وجايين لي للمحل ده
سمير : عشان تنقي الاجهزه بتاعتك علي زوقك
ديما : طب مش المفروض مامي تكون معانا
سمير : مامي مش عايزه تبدأ في جهازك اصلا عشان مش عايزاكي تسبيها وتتجوزي
ديما : ولا انا عايزه اسيبها
سمير : انا عارف يا حبيبتي بس دي سنه الحياه انك تتجوزي ويبقي ليكي بيت واولاد والاولاد يكبروا ويتجوزا ويبقي ليهم بيت واولاد ويكبروا ويتجوزا
ديما : هي دي سنه الحياه
سمير : اه
ديما : ماشي
سمير : يلا بقي عشان نشتري ونروح نتغدا
ديما بفرحه : انا عايزه اكل فرايد تشيكن
سمير : طب يلا نخلص هنا ونروح ناكل فرايد تشيكن
ونزلوا اشتروا الاجهزه علي ذوق ديما
واتفقوا ان الحاجه هتوصل في خلال اسبوع
سمير : يلا بقي نروح نتغدا فرايد تشيكن
ديما : بس الحاجات اللي انت جبتها دي كتير اوي
سمير : مفيش حاجه تكتر عليكي ولا علي حد من اخواتك
ديما حضنته
وقالت يلا نتصور بقي
ووقفوا يتصوروا
وركبوا العربيه عشان يروحوا يتغدوا
سهر اتصلت بسمير
سمير بضحك : امك بتتصل بيا عشان مش عارفه توصلك
ديما : وانت عرفت منين
سمير : مراتي يا بنتي وفاهمها هتشوفي
ورد علي سهر وفتح الاسبيكر
سمير : اي يا حبيبتي
سهر بخضه : ألحقني يا سمير
سمير : في اي
سهر : ديما كلمتني من شويه قالتلي انها خلصت وجايه ولما لقتها اتأخرت بتصل بيها تليفونها مقفول
سمير بص لديما وضحكوا
سمير بصوت واطي : ردي عليها
ديما : ايوه يا مامي
سهر بلهفه : ديما انتي مع سمير
ديما : اه يا قلبي
سهر : انتي كويسه
ديما : اه كويسه
سهر : بجد كويسه
ديما : والله العظيم كويسه
سهر : اومال انتي مع سمير لي
سمير : رايحيين نتغدا فرايد تشيكن تيجي معانا
سهر بصوت عالي : نعـــــــــــــم
سمير : واخدها ورايحين نتغدا فرايد تشيكن فيها اي
سهر : من غير ما تقولي
سمير : ما هي مع ابوها يعني في امان
سهر : انا بتكلم عليك انت من غير ما تقولي
سمير : حقك عليا بس بكلمها اشوفها فين قالتلي انا جعانه وعايزه اكل فرايد تشيكن اخدتها وروحنا نتغدا
سهر : طب اعملوا حسابي معاكم عشان لو جيتوا من غير الاكل مش داخلين البيت النهارده
سمير وديما ضحكوا
وقالوا : عنينا
وقفلوا معاه
ديما : دي اتحولت في ثانيه
سمير : كلمه حقك عليا في وقت الزعل بتنسي الزعل
ديما : عندك حق بس انت لي مقولتلهاش انك كلمتني عشان نجيب الاجهزه
سمير : عشان عايز اعملها مفاجأة ليها ولي اخواتك لما الحاجه توصل
ديما : طب هنحطها فين لما تيجي
سمير : هنبقي نحط سريرك مع البنات لحد ما تتجوزي ونرجعه تاني
ديما : لي ما نحطها في اوضتي وخلاص وانا فيها
سمير : لا عشان لسه في حاجات تانيه هتيجي مش الاجهزه بس
ديما : ماشي
وراحوا اتغدوا وطلبوا اكل لسهر والعيال
وروحوا
وهما طالعين
سمير : خلي بالك امك هتسألك كنتوا فين اوعي تقوليلها غير اننا كنا بنتغدا
ديما : حاضر
وطلعوا
وسمير ادي الاكل لسهر والعيال وقعدوا كلوا
وبعد شويه
سهر عملت قهوه ليها ولسمير
وحاولت تسأل ديما كانوا فين بس ديما ردت كنا بنتغدا
وعدا خمس ايام
وجه يوم استلام الحاجه
سمير اخد ديما وفكوا سريرها وظبطوا الاوضه
ونقلوا السرير الاوضه التانيه
كل ده وسهر في المطبخ مش حاسه بحاجه ريما بس اللي عرفت عشان تساعدهم لكن ريتا ويزيد كانوا في المدرسه ونورسين وسليم كانوا في اوضه الالعاب بتاعتهم
وبعد ما خلصوا
الجرس رن
سمير راح فتح
ودخل الناس
سهر سمعت اصوات غريبه خرجت تبص

يتبع….

لقراءة الفصل التالي : اضغط هنا

لقراءة جميع حلقات الرواية اضغط على : (رواية سهر)