رواية نور الحياه الفصل التاسع 9 بقلم مجهول

رواية نور الحياه الفصل التاسع 9 بقلم مجهول

رواية نور الحياه البارت التاسع

رواية نور الحياه الجزء التاسع

رواية نور الحياه الحلقة التاسعة

وصلنا لغاية أن نور مع سيف في العربيه بعد ما اتخانق مع جدها و عمها اللي عملوا ل نور فضيحه في الشارع و خلوا الناس تصدق أكتر موضوع الصور و ده اللي خلا سيف يقولهم أنها مراتوا
فلاش باك
نور بضيق و خذلان : هو أنتو ليه كلكم مصرين تكملوا عليا ………أنت ليه كذبت و قولت أني مراتك !!!!!! أزاي هنفي حاجه زي دي بعد ما أنت قولت كده قدام الناس في الشارع………..هرجع أعيش في بيتنا أزاي أنا دلوقتي ……….بعدها كملت بعياط بقهره : أنا مكنتش عارفه هرجع أزاي أعيش هناك بعد الصور اللي بعتهالهم علي …..و فوق كده كملت بأنك قولت أني مراتك و بالفضيحه اللي عملها عمي و جدي ………هو أنتو في حد مسلطكم عليا ………..هو أي الصعب في أنكم تسيبوني في حالي……..
سيف : نور ……أهدي و متعيطيش………بعدين مين قالك أني كنت بكذب
نور بصت ل سيف بعدم فهم : يعني أي !!!!!!!!
سيف : يعني هنتجوز ……
نور ب ضيق : سيف أنا قولتلك أحنا مبقاش ينفع نبقي ل بعض ……..هو أنت ليه مصُر بالشكل ده ………أنا شكلي مش وحش بس أنا مش جميله للدرجه دي ……في ناس أجمل مني كتير ……و مستواها أحسن مني كتير ………و معندهاش مشاكل في حياتها……..يعني أنت ممكن ترتبط بحد ظروفه أحسن مني بكتير ….ف ليه كل ده
سيف بخذلان : ليه كل ده …….سيف سكت شويه بعدها قال : عشان بحبك و عايزك مثلا…… تنفع الأجابه دي يا نور …….بعدها كمل بعدم فهم : هو أنتي كملتي في موضوع أرتباطنا ده ليه يا نور …… هو أنتي في الفتره اللي كنا فيها مع بعض مكنتيش بتحسي بأي حاجه ناحيتي ……..مكنتيش بتحبيني مثلا……يعني أنا مثلا اللي كنت بوهم نفسي أنك بتحبيني
نور :مين قال أني محبتكش……..حبيتك و مفهمتش أنا عملت أي ف حياتي عشان حد زيك يحبني……… لكن أنا مش هتجوزك ……..أنت ليه تتجوز حد زي ……..و في فرص كتير غيري متاحه ليك ………
سيف : يا نور أنا راضي و بقولك عايزك ………و مش مهتم بالفرص التانيه اللي أنتي بتقولي عليها ……..أنا عايزك أنتي هو أنتي ليه مصُره تصعبيها علينا أحنا الأتنين …….أنا مش بحاول أضغط عليكي يا نور لكن لازم نتجوز……. أنتي مبقاش ينفع تعيشي في شقة باباكي …..الناس مش هتسيبك ف حالك …..يعني الشقه دي خلاص مبقاش ينفع ترجعيها ده غير لو أجرتلك شقه غير دي هتعيشي فيها أزاي لوحدك ………..مجتمعنا مفيهوش الكلام ده حتي لو اللي حواليكي عارفين موضوع الصور أو مش عارفينو …..لمجرد أنك عايشه لوحدك مش هيسبوكي في حالك …….بعدها كمل بهدوء : نور أنا مش بستغل وضعك عشان نتجوز …….لكن أنا مش عايز أسيبك تعيشي في شقه لوحدك في وسط مجتمع زي ده ….. أنتي من بعيد ممكن تكوني شايفه الموضوع سهل أو عادي لكن الحقيقه هتبقي غير كده خالص يا نور …..
نور : و أنت زنبك أي طيب في كل ده
سيف ب ضيق : نور ……زنب أي يا نور ……أنا بقولك عايزك ……أنا مش فاهم مالك…….. بتقولي بتحبيني و عايزاني و ف نفس الوقت بتحاولي ترفضيني بأي شكل ………نور أنتي لو بتحبيني المفروض تبقي عايزه تكوني معايا………لكن أنتي كل ما تجيلك فرصه تقوليلي مش عايزاك………….و مش هكمل معاك…………….
نور كانت بتسمع الكلام و مبتردش
سيف : نور
نور : سيف عايزه أنزل……. أركن العربيه
سيف مردش ع نور و فضل مكمل في طريقه
نور :سيف …
سيف : أنزلك تروحي فين يا نور
نور : متشغلش بالك بيا أنا هتصرف
سيف بضيق : هتتصرفي تعملي أي يعني
نور: هروح أقعد كام يوم عند أي واحده من أصحابي لغاية ما الناس تنسي الموضوع و بعدها هبقي أرجع شقه بابا
سيف بهدوء : نور أنا عارف أن معندكيش أصحاب غير أسماء اللي أخوها مش هيقبل أنك تقعدي عندهم ………… يعني بعد متكذبي عليا و تنزلي…….. هتروحي فين ………..هتقعدي في الشارع…………هو أنا حتي فكرة أني أساعدك تقيله أوي عليكي يا نور……..
نور بعصبيه و غضب: هو أنت عايزني أقولك أي ……….عايزني أقولك يلا نتجوز …………..أنا أبويا أتوفي النهارده يا سيف ………..و اللي كان أسمو خطبيبي ركب صور ليا و بعتها لكل الناس اللي تعرفني………. بردو النهارده ………ده غير الفضيحه اللي عملها عمي و جدي قدام الناس في الشارع اللي شبه قالوا بيها لكل الناس أن الصور حقيقيه ……ده غير أني كنت بتعالج عشان دايما كنت حاسه أن مستحيل حد يقبلني زي ما أنا …….هو أنا المفروض أقولك لما تعرض عليا الجواز أني هبقي أسعد واحده و يلا نتجوز …….بعدها كملت بأنهيار : أنا أنسانه ع فكره……..
سيف لما شاف نور ف الحاله دي قلبه وجعه عليها لأن هو مكنش هدفه أبدااا أنو يضغط عليها و يوصلها للحاله دي ……..هو بس كان عايز يفهمها أن فكرة أنها تعيش لوحدها مش هتبقي سهله و رجوعها للشقه بقي شبه مستحيل لأن بعد اللي حصل ممكن أي حد يتعامل معاها ع أنها واحده مش كويسه و يحاول يأذيها و هي لوحدها………
سيف: نور متعيطيش ……….كل الي عايزك تفهميه أني عايز أساعدك
نور مردتش لكن دخلت ف هستيريا عياط بس رغم كده قدرت في دقايق تسيطر ع نفسها و تهدي نفسها خصوصا بعد ما لا حظت أن سيف بيدخل كومباوند في فلل كتير شبه بعض في التصميم
نور : سيف أنت واخدني ع فين ؟
سيف مردش ع نور و كان مكمل طريقه لغاية لما وصل عند بيت و دخل من البوابه الرئيسيه اللي كانت بتتفتح بشكل ألكتروني و بتقفل ب نفس الطريقه …… البيت كان بتصميم حديث يشبه للفيلا بس ع أصغر شويه و حوليه في زي حديقه صغيره ……………..
نور قبل ما يدخل من الباب الرئيسي : سيف أحنا فين
بس سيف بردو مردش عليها و كمل سواقه لغاية لما وصل عند بابا البيت الداخلي ركن العربيه و نزل و بعد ما نزل فتح الباب اللي كان ناحية نور لأنها مكانتش بتنزل
نور و هي لسه في العربيه : أحنا فين يا سيف
سيف : في بيتي ……..سيف بعد ما قال الكلمتين دول لف ضهره و سابها و ابتدي يمشي ناحية الباب الداخلي لبيته
نور بسرعه و هي بتحاول تلحقه : سيف …….
بس هو مكانش بيرد عليها و سابها و دخل البيت و هي وقفت عند الباب للحظات لكن بعدها دخلت وراه
نور : سيف …….أنا مش هقدر ….
سيف بمقاطعه : نور ………. أنا اللي هتكلم المرادي ………. شقة باباكي هيدخل فيها ورثه اللي هما عمك و جدك و هما أكيد مش هيسيبوهالك ده غير أن حتي لو الكلام ده مش موجود ف زي مقولتلك المنطقه دي مينفعش تعيشي فيها ممكن أي حد يأذيكي هناك و أنتي هتبقي لوحدك ……….حتي فكرة أنك تأجري مكان و تعيشي في لوحدك مش هتنفع خصوصا في مجتمع زي ده……….و لو حتي أنا أتصرفت و شوفتلك مكان أمان تقدري تعيشي فيه لوحدك أنا واثق أنك هتسيبي المكان و تمشي و قت ما أنا مش موجود و هتختاري تبقي في الشارع ……….و ده لأنك أقنعتي نفسك أن أرتباطك بيا………يعني مش فاهم أزاي بس في ظلم ليا …….نور أنا مبقتش فاهم بالمره أنتي بتفكري أزاي أو ممكن تعملي أي ……….. عشان كده أنا معنديش أي خيار تاني غير أنك تعيشي هنا ………
نور :…………….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية نور الحياه)