رواية طلقت مراتي الفصل الأول 1 بقلم ماء البحر

رواية طلقت مراتي الفصل الأول 1 بقلم ماء البحر

رواية طلقت مراتي البارت الأول

رواية طلقت مراتي الجزء الأول

رواية طلقت مراتي الحلقة الأولى

كان زوجها واقف قدامها وقال بعصبية: بقى بتعمليلي سحر وطلعتي بتاعت عمولات يا نادره؟
لأ ومش بس كدا كمان بترشي لأختي قدام بابها عشان يحصل مشاكل بينها وبين جوزها ويطلقها
كانت نادره واقفة بتعيط مش عارفه تقول، مسك دراعها بغضب وقال: أنتِ حرام تفضلي على ذمتي ولو للحظة واحدة
نادره بصدمة وعياط: اسمعني يا عمرو أنا ماعملتش حاجة صدقني، يعني عمرك شوفت مني حاجة زي كدا
عمرو بعصبية: أنا ماكنتش مصدق لما قالولي كدا، بس صدقت لما شوفت مراتي اللي بعمل كل حاجة عشان تبقى مبسوطة بتدمرني أنا وأختي، دا كله ليه عشان بجيبها عندنا على طول، ولا عشان جوزها بيحبها وطلعتي بتكرهيها وعايزه تدمري حياتها
دي بتحبك وتفضل تقولي عنك دي أختي اللي ماخلفتهاش أمي، وتجيبلك هدايا كل لما تيجي، وأنتِ في الآخر تردي محبتها ليكي بالكره والدمار إيه يا شيخة ماعندكيش ضمير ولا قلب
طب لما بتفكري تأذي الناس وتروحي تعملي الحاجات دي وترشيها مش بتخافي من الموت مش خايفه من ربنا
دا ربنا بيقول في كتابه الكريم واتقوا يوما ترجعون فيه إلى الله ثم توفى كل نفس ما كسبت وهم لا يظلمون
وكل واحد هيموت على معصية هييعث عليها، دا حتى اللس بيروح يعمل الحاجات دي مش بيصلوا عليه ولا بيندفن مع الملسمين، مش خايفه لما يحطوكي في قبرك وتلاقي عملك في الدنيا مستنيكي، ليه تخلي الحقد والغل اللي في قلبك يعميكي ويخليكي تخسري دنيتك وآخرتك
نادره بعياط: يا عمرو اسمعني أنا عمري ما أعمل كدا
بقلم ماء البحر
عمرو بسخرية: بجد لا أنا كدا صدقت، تعرفي أنا شوفت الازازة اللي كنتي بترشي منها في الفيديو لقيتها ورا البوتاجاز بالصدفة لما المعلقة وقعت وروحت أشوف إيه الأحمر اللي في الازازة دا واستغربت وقولت يمكن حاجة للحشرات وأنتِ مخبياه عشان محدش يلمسه ويكون سام ولا حاجة
وقبلها كنتي طالعة من المطبخ متوترة قبل ما أنا أشوفه أتاري الحلوة بتدمر فيا أنا وأختي، طب أنا عملت ايه وحش يخليكي تضريني ولا أختي الطيبة اللي بتحبك وكل شوية توصيني عليكي
وخد نفسه وقال: أنتِ طالق يا نادره
حطت إيدها على بوقها بصدمة ماكنتش متوقعة إن دا يحصل ويطلقها، كانت دموعها بتنزل على وشها بدون ما تقف
وقالت بتعلثم في الكلام: أنت طلقتني يا عمرو
قال بجمود: لمي هدومك ويلا على بيت أهلك، وورقتك هتوصلك على بيت أهلك
سابها ومشي من البيت مابقاش قادر يشوفها قدامه لغاية ما تلم هدومها وتمشي، راح قعد عالقهوة طلب قهوته أعصابه تعبانة ماكنش يتوقع إن بيته يتدمر كدا وإن حياته تنقلب
دخلت نادره تلم هدومها ولسه دموعها على خدها، وخلصت وراحت على بيت أهلها
فتحت والدتها الباب انصدمت من حالة بنتها دخلتها بسرعة وقالت: مالك يا بنتي إيه اللي حصلك؟
نادره بعياط: عمرو طلقني يا ماما بيقول إنه شاف فيديو وأنا برش قدام بيته أخته سحر وإني بعمله هو كمان عشان يكرهها ويحبني أكتر
والدتها بصدمة: شاف الفيديو
ياترى فعلا نادره ممكن تكون عملت كدا فيهم وهل والدتها كمان تعرف وليها يد في الموضوع دا؟

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية طلقت مراتي)