رواية عشق سام الفصل الخامس 5 بقلم سولييه نصار

رواية عشق سام الفصل الخامس 5 بقلم سولييه نصار

رواية عشق سام البارت الخامس

رواية عشق سام الجزء الخامس

رواية عشق سام الحلقة الخامسة

-بجد…بجد …
قولتها بلهفة وانا دموع السعادة بتنفـ.جر من عيوني…كان نفسي اصر.خ في الشارع وارقص من السعادة….
سمعت صوتها مخنو.ق وكأنها هتبكي وقالت:
-ايوة بجد …أنا اقنعت احمد ….وهيتجوزك….احنا اللي هنكلم اهلك….تعالي دلوقتي بيتنا…..
قفلت التليفون وانا حاسة اني طايرة…فضلت ألف حوالين نفسي في الشارع وانا بضحك بسعادة…الناس كانت بتبصلي وكأني مجنونة …بس أنا مكنتش مهتمة…أنا كنت فرحانة…فرحانة اووي!
…..
بعد ما خلصت وسام المكالمة…قعدت وهي حاسة بالتعب بصلها احمد بغيظ وقال :
-هتجوزها بس حسك عينيك تشتكي من غيرتك …فاهمة ولا لا …أنا هعاملها زيك ويومها هيكون زي يومك …
اتنهدت وسام بتعب وهي بتبص للارض وسكتت نهائي
…….
تاني يوم …
-هقتـ.لها والله هقـ.تلها….
قالها بابا وهو بيحاول يقرب مني عشان يضر.بني بس وسام وقفت في وشه وهي بتقول :
-اهدى بس ….خلاص…احسنلك تجوزها والا هتجبلك الفضا.يح …لو قتـ.لتها مش هتستفيد حاجة غير أنك هتدخل السـ.جن ….
كان ابويا بيتنفس بعـ.نف وهو بيبصلي بكر.ه شديد ….كنت بترعش وانا ببصله ….قربت امي مني وقالت’:
-يا بنتي ايه اللي بتعمليه في نفسك ده ….ليه تتجوزي واحد متجوز يا بنتي. ..ليه تقـ.هرينا بالشكل ده ….خلينا نروح يا بسمة…انتي ألف واحد يتمناكي ….
دموعي نزلت وقولت بصوت مخنوق ؛
-بس أنا مش عايزة غير احمد يا ماما مبتمناش غيره !!
نفخ ابويا بضـ.يق وقال؛
-هبقى وكيلها واجوزها واخلص منها …ده هو المناسب يا سناء…أنا اصلا عارف ان الجوازة دي مش هتنجح ومش هتجني منها الا المرار…بس براحتها بقا هي اللي هتعاني …واحنا بعد كده ملناش دعوة ….لو عملوا فيها ايه احنا مش هنتدخل !!!
…..
و بالفعل ابويا بقا وكيلي….وبقيت أنا مرات احمد …وروحت مع اهلي واتفقنا نعمل فرح بسيط عشان الاشهار….
….
عملنا الفرح ووسام بنفسها باركتلي بإبتسامة عريضة من غير ما تحس بالقـ.هر ….صحيح وصلت لهدفي بس وسام كانت زي الشوكة في حلقي …كان مفروض هي تغير مني بس اللي حصل العكس تماما…أنا اللي كنت بمو.ت من الغيرة بسببها …..
….
خرجت من شرودي وانا بمسح دموعي … حطيت المخدة على وشي …كنت فاكرة اني لما اتجوزه هفرح بس اللي حصل العكس …أنا مقدرتش اوصل لقلبه …هو بيفضل وسام وبس ….
……
مرت الايام وأحمد جالي وطلب أننا نروح للدكتور عشان جوازنا مر عليه ست شهور من غير حمل ..وانا وافقت عشان ده كان اتفاقي مع وسام …
روحنا لدكتور صاحبه وعملنا كل التحاليل والاشاعات ….واستنينا النتيجة بفارغ الصبر …
….
كنا قاعدين في عيادة الدكتور وهو بيبص لنتايج وبيقول بعملية :
-احمد انت سليم…بس للأسف مراتك مستحيل تخلف…..مراتك عقيمة!!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق سام)