رواية عشقتها رغم تمردها الفصل الخامس 5 بقلم ياسمين رجب

رواية عشقتها رغم تمردها الفصل الخامس 5 بقلم ياسمين رجب

رواية عشقتها رغم تمردها البارت الخامس

رواية عشقتها رغم تمردها الجزء الخامس

رواية عشقتها رغم تمردها الحلقة الخامسة

خرجت من مكتب اللواء محمود باحثة عن غرفتها وجدت ندى في انتظارها
ندي: ايه يا بنتي كل ده في مكتب اللواء
نور: كان في موضوع مهم لزام اتكلم فيه مع سيادة اللواء المهم سيبك منى عرفتي فين الاوضه الي هنعيش فيها
ندي: كل حاجه تمام في اوضه لكل خمس بنات مع بعض
و انا وانتي بما أننا متأخرين مفيش حد يشاركنا في الاوضه يعني احنا الاتنين بس
نور: كده احسن انا اصلان مش بحب حد يشاركني في اوضتي
ندي: بس ايه ده انا مكنتش اعرف انك بالقوة دي كسرتي ايد الواد في غمضة عين
نور: يستاهل انا نبهته بس هو الي مسمعش الكلام
ندي: بس شوفتي المدرب يالهوي علي جمال امه حاجة كده تركي علي هندي من الاخر كده مز المزميز
نور: يا بنتى عيب الكلام ده
ندي: يا ها لو يلقي عليا نظرة واحدة ده انا كنت اموت وانا مرتاحة
نور: الله يخرب بيت الأفلام الي واكله دماغك دي
ندي: بحلم يا ستي هو الحلم حرام وبعدين فكرك يعني واحد زي أسر الجارحي ده مش مرتبط لحد دلوقتي ده اكيد مرته زي القمر
نور: تب يلا يا اختي نروح ننام علشان التدريب بكره الصبح
ندي: يلا انا جسمي اصلان مكسر من السفر
في مكتب أسر الجارحي
جلس يتذكر كيف اتي الي هذا المكان اول مرة لقد جاء الي هنا كأي طالب يريد الالتحاق بالمخابرات تذكر كيف قابل زوجته ملك
فلاش بك
من سبع سنين
كان أسر لسه شاب عنده 23 سنة متخرج جديد من الكلية وراح معسكر تدريب المخابرات في الوقت ده كان اللواء محمود هو القائد بتاعه
القائد محمود : اسمع يا اسر انت واتنين كمان معاك مهمتك انك تحمي المدرسة الي هنا في المنطقة دي علشان في مجموعة من التلاميذ اختفوا من كام يوم والمسؤول عن اختطافهم مجموعة بتسرق الأعضاء البشرية بتاع الاولاد الي في السن ده انت هتعمل تحقيق مع كل المدرسين والطلاب والعاملين في المدرسة وكمان اهل العيال الي اتختطفوا
أسر: تحت امرك يا فندم أوعدك في ظرف أسبوع هيكون ملف القضية خلص وموجود علي مكتب حضرتك
محمود : ،وانا واثق من ده علشان كده اخترتك انت
أسر: بعد إذنك وان شاء الله أكون عند حسن ظن حضرتك
ابتداء أسر التحقيق مع اهل العيال الي اتخطفوا وبعدين اهل البلد وأثناء التحقيق مع المدرسين والطلاب في بنت تعبت جامد تقريبا كان عندها حالة تسمم وقتها أسر اخدها وراح المستشفى علشان يطمن عليها وصل بيها المستشفى وفعلا ساعد البنت وصلت اخت البنت وعرفت بالي أسر عمله مع أختها ورحت علشان تشكره
البنت: مساء الخير حضرتك الملازم أسر
أسر: مساء النور افندم
البنت : أنا ملك محمود اخت ليلي الي حضرتك ساعتها
أسر: أهلا بحضرتك
ملك: انا مش عارفه اشكر حضرتك ازي بجد الف شكر
أسر: مفيش داعي للشكر ده واجبي
ملك: بس حضرتك لسه هنا في المستشفى ليه
أسر: كنت حابب اطمن على اخت حضرتك
ملك: هي احسن دلوقتي وبجد شكرا مرة تانية
أسر: لا شكر على واجب
ملك: بعد إذنك لزام امشي
أسر: اتفضلي
بعد ما ملك مشيت
أسر: يا ها اي ده فعلا ملك وانتي ملاك اسمي علي مسمي
رجع أسر للتحقيق تاني وقدر يعرف أن في حد من اهل البلد بيتعامل مع العصابة دي بس مين هو ده الي مش قادر يوصله
تاني يوم أسر كان مشغول بملف القضية وفجأة افتكر ملك وأبتسم وقرار انه يروح يطمن على أختها وتكون حجه علشان يشوفها تاني وصل المستشفى وكان متردد يدخل ولا لا
فجأة وهو واقف سمع صوتها
ملك: صباح الخير
أسر: صباح النور
ملك: أنت هنا ليه
أسر:كنت جاي اطمن على اخت حضرتك هي عامله ايه النهاردة
ملك: بخير الحمد لله وأن شاء الله هتخرج بكرا
أسر: الحمد لله الف سلامة عليها مرة تانية
ملك: الله يسلمك تعالي معايا بصراحة بابا عايز يشكرك
أسر: مافيش داعي للشكر
ملك: هزعل منك بجد لو ماجتش علشان تتعرف على بابا
أسر: لا لا كلوا إلا زعلك انتي اتفضلي معايا
ملك اتكسفت جدا من نظرات أسر ليها
راح أسر مع ملك علشان يتعرف على والدها
ملك: بابا انا عايزة اعرفك علي الملازم الي ساعد ليلي اختي
محمود: هو فين علشان اشكره
ملك: حاضر دقيقة واحدة أنادي عليه
ملك: اتفضل يا حضرت الملازم ارعرفك يا بابا الملازم أسر
محمود: ايه ده هو انت الي انقذت ليلي بنتي يا اسر
أسر: تمام يا فندم بس مكنش اعرف انها بنت حضرتك
ملك: هو انتو تعرفوا بعض
محمود: طبعا أسر ظابط عندي تحت التدريب اعرفك بقه يا اسر دي ملك بنتي في تانية كلية طب والتانية تبقى ليلي ودي بقه اولي ثانوي
أسر: اتشرفت بمعرفتك يا انسة ملك
ملك: ده الشرف ليا انا
محمود: شكر يا اسر أنا مش عارف اشكرك ازاي
أسر: العفو يا فندم مفيش داعي للشكر
محمود: عملت أيه في القضية
أسر: خلاص يا فندم احنا قدرنا نوصل لطرف الخيط في حد من اهل البلد بيساعد العصابة لان هو عارف كل كبيرة وصغيرة عن البلد ده غير انه عارف كل حاجه تخص المدرسة ومواعيد خروج الطلاب ده بقه غير أن المدرسة في مكان معزول عن البلد يعني الي عايز يخطف حد هيكون المكان مناسب ليه جدا
محمود: ربنا معاك يا اسر انا عايزك تخلص القضية دي بسرعه فاهم
أسر: أوعدك يا فندم اني هحاول بأقصى سرعة اخلص منها
انا لزام امشي دلوقتي
محمود: اتفضل
ملك: وانا كمان يا بابا لزام امشي علشان عندي محاضرة علي الساعة 11
محمود: خلاص خلي أسر يوصلك
ملك فرحت اوي ان أسر هو الي هيوصلها بس خبت الفرحة دي
ملك : مافيش داعي يا بابا أنا مش عايزه اتعب سيادة الملازم معايا
أسر: لا لا مافيش تعب ولا حاجة انتي تعبك راحة اتفضلي انا هوصلك
فاق من شروده علي صوت حد في المعسكر بص في الساعة كانت 4 الفجر استغرب جدا من الصوت قام من مجلسه واتجه الي شرفة مكتبه قام بفتحها ونظر بالأسفل وجدها تركض في ارض المعسكر
أسر: ايه ده مش دي نور وبتعمل أيه دلوقتي معقولة تكون بتجري دلوقتي بس دي عندها تدريب الصبح وهي اكيد ما نامتش لحد دلوقتي ازي هتركز في التدريبات
عند نور
حاولت انها تنام معرفتش فضلت صاحيه لحد الساعة 4. قرارت انها تقوم تجري و تتدرب شويه
لبست لبس رياضي وأخذت الموبايل بتاعها ونزلت تجري وكل تفكيرها في شكل حياتها الجديدة هيكون عامل ايه وازي هتقدر تنفذ وعدهاوتجيب حق أخوها ولا مش هتقدر
جريت لمدة 3 ساعات وهي مش حاسه بنفسها
دقايق والكل ابتدأ يخرج علشان التدريبات وهي كانت خلاص فصلت من الجري كانت هتروح علشان تنام وافتكرت التدريب علشان كده راحت جابت قهوة علشان تفوق شوية وتقدر تركز
فضل واقف مكانه متابعها وهي بتجري وازي هي عندها لياقة عاليه كده كان هيتجنن ازي هي بنت وعندها كل الشجاعة دي
أخذ قرار في نفسه انه لزام يشوف اخرها أي كانت الساعة 7 راح غير هدومه ولبس لبس رياضي ونزل ارض المعسكر
الكل كان واقف في انتظار أسر
أسر: أولا كده احب اعرفكم بنفسي أنا المقدم اسر الجارحي واكيد معظمكم سمع عني بس الي سمعتوا حاجة والي هتشفوه معايا حاجة تانية خالص اول حاجة عندي هي الانضباط اهم حاجه موعيد التدريب الي هتكون الساعة 6الصبح مش 7 ثانيا ممنوع الشرب طول ما تاني يوم عندكم تدريب ثالثا عايز منكم تنسوا اي خلافات شخصية أثناء التدريب رابعا انتوا هتكونوا مقسمين علي هيئة مجموعات عبارة عن كل فريق 4 ولاد وبنتين وبالنسبة الظابط الي دراعه اتكسر هو يقدر يعمل معنا كام تدريب والصعب هينسحب منه
دلوقتي بقه نبدأ التدريب
هتجروا تلاتة كيلو كده علشان تفكوا عن نفسكم شوية
وبعدين نبدأ التدريب الجد
أسر: حضرت الملازم نور انتي تقدري متعمليش التدريب ده انا شايف انك تعبانه انا اقدر اعفيك منه
نور: اظن ان انا ما طلبتش من حضرتك ترفع عني التدريب
أسر: خلاص ولا يهمك انتي بقه هتجري خمسة كيلو
نور: وده شئ يسعدني
علي الرغم انها كانت هتموت من التعب إلا أنها مش بتحب حد يشوف ضعفها اصرت انها تكمل التدريب لحد اخر نفس
اما أسر اخد قرار أنه لزام يضاعف التدريب على نور علشان يكسر تمردها
يا تري نور هتقدر تكمل التدريب ولا هتستسلم
أسر هيعمل ايه تاني في نور
عادل هينتقم ازي منها علشان ياخد حقه،،،،،،
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها رغم تمردها)