رواية علمتيني ازاي احب الفصل العاشر 10 بقلم أمل شعبان

رواية علمتيني ازاي احب الفصل العاشر 10 بقلم أمل شعبان

رواية علمتيني ازاي احب البارت العاشر

رواية علمتيني ازاي احب الجزء العاشر

رواية علمتيني ازاي احب الحلقة العاشرة

وقفنا عند حنان لما رنت على احمد تساله فرح ما روحتش البيت لغايه دلوقتي
رنيت على استاذ احمد
جرس الوو
احمد ايوه يا حنان
حنان اسفه على الازعاج يا استاذ احمد بس فرح لسه ما روحتش من ساعه ما راحت معاك الاجتماع
احمد اه فرح لسه معايا وهي مروحه دلوقتي
فرح بصيت لاحمد وقالت له بنبر صوت مرح حنان اللي هي معاك على الفون
احمد بصلها واهز راسه ايوه امسكي الفون كلميها
فرح معاكي يا حنان…….
حنان ايوه يا زفته يا فرح كل ده كنت بتعملي ايه وقافله ام التليفون بتاعك ليه
فرح اهدي يا حنان وبطلي نرفزه مش بايدي تليفوني تقريبا فاصل شحن بعد ما خلصنا الاجتماع ورايحين نروح اليخت حصل في عطل عشان كده اتاخرت وادينا مروحين دلوقتي
حنان طيب انجزي يا هانم امك صدعتني من كتر الرنه وهي عماله فين فرح تليفونها مقفول ليه يا حنان ما يكونش انا خلفتك ونسيتك انجزي يلا وانا هرن عليها اقول لها هي جايه…..
فرح ماشي احن حنون في الدنيا
حنان ماشي يا بكاشه يلا باي
فرح باي
احمد ينظر الى فرح مرسومه على وجه ابتسامه بسيطه
فرح كانت تنظر الى اتجاه اخر كانت تعلم جيدا ان احمد ينظر اليها كانت تشعر بالخجل وهي مرسوم على وجهها ابتسامه………
نسيب فرح واحمد وناخد لفه عند كريم .
كريم كان راكب سيارته منتجه الى المنزل وهو مركز في السواقه رن تليفونه كان المتصل امجد
كريم ايه يا امجد بيه نقول مبروك
امجد بنبره صوت غرور وتكبر ومين يرفض عرض امجد بيه اكيد طبعا قول مبروك
رد علي كريم بمنتهى البرود ما تنساش بردك اللي انا كان ليا فضل اني اقنعت احمد انك تبقى شريكو في الشركه بعد ما كان رافض فكره ان حد يخش معاه شريك مهما كان مين مهما كان العرض
بقلم امل شعبان علمتني ازاي احب
رد عليه امجد هو يضحك ضحكه خبيثه على اساس انك اقنعته ببلاش ما علينا يا كريم
الفلوس اللي اتفقنا عليها هتوصل لك على الحساب بتاعك
كريم اوكي يا امجد بيه اكيد هيبقى في شغل بينا كتير
امجد اكيد طبعا يا كريم طول ما احنا مش مختلفين هيبقى في شغل بينا
نسيب امجد ناخد لفه عند نعمه مامت فرح
نعمه كانت واقفه في البلكونه كانت متوتره وخايفه على بنتها اللي اتاخرت بره مع ان حنان اطمنتها قالتلها ان فرح جايه في الطريق
كان قلبها مقبوض على فرح
ماسكه تليفونها في ايديها ترن على فرح تليفونها مقفول يوه يا فرح افتح ام التليفون طمنيني عليك يا بنتي وهي شارده في افكارها دخلت مكه
مكه لسه بردك يا ماما فرح ما جتش الساعه 12:30
نعمه بصيتلها وهي متوتره وبين على وشها الخوف
لا يا مكه يا بنتي لسه ما جاش بس انا كلمت حنان وقالتلي جايه في السكه خشي انتي نامي دلوقتي يا مكه عشان وراكي مدرسه الصبح
مكه حاضر تصبح على خير
نعمه وانتي بخير
دخلت مكه ونعمه فضلت واقفه في البلكونه عدى خمس دقائق كانت قلقانه حنان قالت لي ساعه وهتكون في البيت عدى ساعه وربع والبنت لسه ما جتش ارن تاني على حنان اشوفها وصلت لفين
لسه رايحه ترن على حنان لقيت عربيه وقفت قدام بيتهم كانت عربيه سوداء اللون فخمه بتركز على العربيه وهي مستغربه بتبص لقيت فرح نازله من العربيه
نسيب نعمه وناخد لفه عند فرح
فرح كانت تنظر الى احمد وهي خجلانه وابنبر الصوت خجل
متشكره جدا يا استاذ احمد
احمد نظر اليها متشكره على ايه يا فرح
فرح نظره الي وهي متوتره وابنبر صوت خجل
لانك ما سبتنيش لوحدي
يعني قصدي انك ما خلتنيش اروح في الوقت ده لوحدي يعني وصلتني ايه الهبل اللي انا بقوله ده بدات تشبك صوابع ايديها في بعضيها
احمد نظر اليها كان مبسوط اللي هوصلها بس في نفس الوقت كان واخد موقف منها بسبب الكلام اللي قالته في حقه
وبنبر صوت تكبر ولا شكر ولا حاجه يا فرح لان اي موظفه عندي الوقت اتاخر وهي كانت معايا في اجتماع اكيد هوصلها انتي يلا اطلعي اكيد والدتك قلقانه عل
قطع في الكلام التليفون جت رساله نظر الى الرساله بدا معالم وشه تبدو عليها القلقله
بصيتله فرح وهزه براسها يعني ماشي لسه احمد هيمشي بالعربيه فرح قالتله استنى في حاجه كمان
احمد واقف العربيه وهو مستغرب حاجه ايه يا فرح
فرح قربت من الشباك بتاع العربيه ناحيه احمد هي تنظر الى عيني وبنبره صوت توتر
انا بعتذر لك يا استاذ احمد انا عارفه اني قلت كلام مش كويس في حقك انت بني ادم كويس جدا انا بس اللي كلامي دبش ما اعرفش انا بقول ايه
قاطعها احمد في الكلام تمام يا فرح اتكلم في الموضوع ده بعدين عشان انا ورايا مشوار ضروري
نسيب فرح ونروح لنعمه مامه فرح
نعمه كانت واقفه في البلكونه وبص على فرح من فوق كانت بتاكل في نفسها ما كفكيش يا فرح راجعه في نص الليل وجايه مع واحد غريب ايه اللي موقفها كل ده تحت
نسيت نعمه وناخد لفه عند فرح
بصيتله فرح وهزت راسها تمام
احمد ماشي بالعربيه
وفرح طلعت الى شقتهم تفتح باب الشقه لقيت نور الصاله مطفي ولعته النور بتلفت راسها لورا لقيت مامتها واقفه وراها فرح برقت عينيها واتخضت بصوت عالي يا ماما في ايه واقفه ليه كده خوفتيني وهي بتاخد نفسها من الخضه في حاجه ولا ايه يا ماما
بقلم امل شعبان علمتني ازاي احبه
نعمه بصك لفرح ومرسوم على وشها الغضب نبر صوت عاليه هو انتي بتخافي اصلا اللي مخليكي بتكدبي على امك وتقولي اللي انتي في اجتماع في شغل وانتي عماله تتصرمحي مع الحيوان ده وما كفكيش كمان جايبه تحت البيت ايه البجاحه دي
يا بت
الناس تقول علينا ايه البنت ابوها مات ومحدش قادر يحكمها ده انا هربيك من اول وجديد مسكه فرح من شعرها هاتك ضرب بالاقلام على وشها
فرح مفيش غير في صدمه مش مستوعبه مامتها مالها مفيش غير دموع عماله تنزل من الضرب وهي عماله تقول لها في ايه يا ماما وحيوان مين ده اللي انتي بتقولي ايه انا مش فاهمه حاجه في ايه تضربيني ليه كده
صحيت مكه على الصوت الزعيق خرجت من الاوضه لقيت مامتها ماسكه في فرح ونازله ضرب في فرح جريه مكه على مامتها عشان تحوش فرح وهي عماله تعيط سيبيها يا ماما في ايه لكل ده
بصيت لها نعمه وهي ماسكه شعر فرح في ايديها وبصوت عالي هقول لك انا في ايه الهانم اختك عماله تلف على حل شعرها مع راجل غريب في نص الليل وما كفهاش كل ده لا وجايبها لغايه البيت عشان تخلي اللي اللي يسوى وما يسواش يتكلم علينا هتفضحين على اخر الزمن يا فرح
بصيت لها فرح بصدمه وهي منهاره من العياط رفعت ايديها شالت ايد مامتها من على شعرها ورجعت لورا خطوتين وهي موجهه نظرها الى امها واخذت نفس عميق وبنبره صوت حزن ايه الكلام اللي انتي بتقوليه ده يا ماما بدل ما نازله في ضرب من غير ما تعرف السبب اساليني مين ده
المفروض تكوني انتي عارفه بنتك كويسه انا لو حد غريب قال نفس الكلام اللي انتي قلتيه ده يا ماما
انا مش هزعل من الكلام ولا يفرق معايا اصلا لان ما يعرفنيش ولا يعرف يعني ايه اخلاقي اما انتي امي اللي مربياني وعارفاني كويس عارفه اخلاق بنتك تقولي عليا كده يا ماما
نعمه وهي تنظر للفرح مرسومه على وشها الغضب لكني من جواها عكس كده اللي هي حزينه على فرح اللي هي شده عليها بالكلام لكن بينت عكس كده خالص كلمتها بصوت عالي امال مين يا هانم اللي راكبه مع العربيه في نص الليل وقفت ربع ساعه معاه تحت
فرح بصيتلها هي مرسومه على وشها الحزن اخذت نفس عميق وبنبره صوت عاليه الحيوان اللي انتي بتقولي عليه ده بيبقى استاذ احمد مديري في الشغل كنت معاه في الاجتماع ولما اتاخر الوقت ما سابنيش اروح لوحدي
فرح وهي تنظر الى مامتها وعيونها غرقانه دموع نبر صوت حزن كلامك واجعني اوي يا ماما
سابت مامتها ودخلت على اوضتها رزعت الباب وراها
مكه بصت لمامتها ومرسوم على وشها الزعل وبنبره صوت حزن عاجبك اللي انتي عملتيه ده يا ماما
ا نعمه بصيتلها هي متضايقه جدا ما نطقتش باي كلمه راحت وقعدت على الانتريه
قربت منها مكه وهي متضايقه انا بكلمك يا ماما عاجبك اللي انتي عملتيه ده
بصيتلها نعمه وهي حزينه وكانت تمسك دموعها بالعافيه وبنبره صوت هاديه خشي اوضتك يا مكه دلوقتي واسبيني لوحدي
مكه بصيتلها وبصوت عالي لا مش داخله يا ماما غير لما تجاوبي على سؤالي عاجبك اللي انتي عملتيه دلوقتي ليه فرح

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية علمتيني ازاي احب)