رواية برائة سالي الفصل التاسع 9 بقلم منصور سيد

رواية برائة سالي الفصل التاسع 9 بقلم منصور سيد

رواية برائة سالي البارت التاسع

رواية برائة سالي الجزء التاسع

رواية برائة سالي الحلقة التاسعة

فارس:وبعدين والله ارجع فى كلامى
سالى:يا سلام يابايخ
انت بتتكلم بجد يا فارس طب وأهلك وافقوا
فارس:لا لسه بس انا مايهمنيش موافقة حد غيرك
سالى:ازاى يا فارس هنتجوز من غير موافقتهم وانا ميرضنيش
فارس:لو موافقتيش هعرض عليكى حاجه وتختاري ياكده يا الجواز بدون موافقة أهلى
سالى:حاجة ايه
انا لازم ارد ليهم خداعهم ومكرهم ليا وارد ليهم الكف كفين
سالى:انا مش فاهمه حاجه خداع ايه ومكر ايه وكف ايه اللى هترده كفين
فارس:لا ما تشغليش بالك المهم انا محتاج مساعدتك
سالى:عاوزنى انا اساعدك ازاى مش فاهمه دا انت فارس بيه
فارس؛بصي يا ستي أمامك حل من الاثنين يا اما توافقى اننا نتجوز ونضعهم كلهم أمام الامر الواقع
يا اما انا هكتب ليكى ورقه بأنى متزوجك عرفي والورقة دى انا هبعتها لوالدى مع شخص تبعي لابس لبس صعيدى على انه واحد من أهلك الصعيده
وهفهمه ان هيهدد والدى ان يا اما زواجى منك يتم رسمي يا اما ان حياة فارس ابنك هتكون فى خطر
وانتى تكونى معاه ويقوم أمام والدى يمسكك من ايدك ويدفعك نحوه ويقول له مرات ابنك عندكم اهى لو خرجت من الفيلا دى قبل ما يتم زواجها أمام العيله كلها ابقى اترحم على ابنك
ويسيبكم ويمشي وانتى بقى تكملى التمثليه تتجهى نحوه وتمسكى ايده وتمثلي بتقبيلها وانتى بتقولى ارجوك أهلى مابيرحموش هيقتلونا انا وفارس مش مهم انا بس انا خايفه على فارس ابنك مش هيسبوه
وانا هرجع من بره وهدخل عليكم بعد ما يخرج الشخص ده ووقتها سيبي الباقي عليا
سالى:ايه اللى بتقوله ده
وازاى عاوزني اقول على نفسي حاجه زي دي وليه ده كله
فارس:عشان اخد حقي منهم واقعدك فى الفيلا غصب عنهم وتفضلي امام اعين نانسي وعمى واذلهم بيكى وخصوصا نانسي بنت عمى لحد ما اكرههم فى فكرة جوازى من نانسي واحط والدى أمام الامر الواقع وساعتها يبقى أمامهم يختاروا مابين موتى او زواجى منك
وساعتها اكيد هيختاروا جوازنا من بعض وبموفقتهم
سالى؛انا مش فاهمه اي حاجه وابقى مجنونه لو وافقت على الكلام الغريب ده
فارس:مش مهم انتى تفهمى المهم انا عارف هعمل ايه وهعمل اللى انا عاوزه ازاى وبموافقتهم كلهم
بس عشان خاطري اعملى اللى بقولك عليه انتى مش عاوزه نتجوز وحبنا يعيش للأبد
سالى؛دا احنا نتجوز من غير موافقتهم اسهل ياعم
فارس:خلاص ماشي وانا هروح اجيب المأذون دلوقتى
وقام يجري
سالى؛انت رايح فين يامجنون انت ما صدقت انا بهزر وحتى لو انا وافقة والدتى لا يمكن توافق
بس انت بتقول هقعد عندكم بالفيلا طب ووالدتى
والدتك هجيب ليها حد يقعد معاها مخصوص ترعاها وتمرضها ما تقلقيش عليها خالص
سالى:ايوه وهنقول ليها ايه هغيب عنها فين ده كله
فارس:انتى مش قولتى ليها انك هتشتغلى معايا
خلاص انا هدخل اقول ليها انك هتسافري معايا اسبوع او اكتر فى مأمورية في احد المحافظات واكيد هى مش هترفض ليا طلب انا هتصرف معاها ولما خطتنا تتم نبقى نجبها تعيش معانا
سالي؛والله انت فعلا مجنون واللى هتطوعك تبقى مجنونه
فارس:وانتى مجنونه زيي ولا لا
سالي:انا مجنونه بحبك يافارس
ضمها لحضنه وقال كنت متاكد انك مجنونه زيي وانك هتوافقى
سالى:لا بقولك احنا من اولها كده أحضان والكلام ده انت هتخوفنى منك ولا ايه دا انا رايحه عرين الأسد برجلي بقى
فارس:ايه الكلام الكبير ده تقصدي ايه بعرين الأسد ده ومين الأسد بقى
سالي:عرين الأسد فيلتك والاسد انت يا سي فارس فمن اولها كده الشرط نور
فارس:شرط ايه مش فاهم
سالى:لو حصل وقعدت فى فيلتكم زي ما انت مخطط مش عاوزه حركات من ايها دى زي اللى حصل دلوقتى
فارس:لا ما اوعدكيش اكيد هنحتاج الحركات اياها دى فى تنفيذ الخطه ما تنسيش انك هتكونى زوجتى أمامهم
سالى:لا يفتح الله ياجميل ماعطلكش
فارس:هو ايه اللى ماعطلكش انتي بتاعتى انسي
وقام شايلها من على السرير على كتافه
وهو بيقول انا خلاص اشتريت وهاخدك من دلوقتى على الفيلا
وهى تضرب على ظهره من الخلف نزلنى يامجنون نزلنى
فارس:مش منزلك الا لما تقولى موافقه
سالى:لا مش موافقه
فارس هو شايلها :هى فين غرفة والدتك انا هدخل عليها وانا شايلك وهقولها انت عاوزه البنت دى اصل انا عاوزها وهاخدها معايا وانا ماشي
سالى:لا خلاص أقف يامجنون رايح على فين ماما اخدت الدواء وماصدقت نامت من ألم العمليه
موافقه موافقه نزلنى
نزلها فارس صحيح ناس مابتحيش غير بالشيل
سالى:ياسلام يابايخ
فارس اسيبك انا ولما اظبط الأمور هاجى اكلم والدتك زي ما اتفقنا وانتى ابقى مهدي ليها انك استلمتى الشغل معايا عشان لما اجى ليها تقتنع بكلامى
وفعلا ظبط أموره وفعلا اتفق مع الشخص اللى هيمثل انه من اهل سالى الصعايده
وجاب واحده تقعد مع والدتها وقعد مع والدة سالى واقنعها ان سالى هتسافر معاه عشان هيخلصوا شغل مهم لازم تكون معاه فيها وان الواحده دى هتقعد معاها تراعيها ليل ونهار
وكان فارس بيتعامل مع أهله عادى جدا ومازال يمثل عليهم خوفه على نانسي وكل يوم والتانى يقولهم لازم نروح لأكثر من دكتور عشان نتطمن ونتأكد ان الزواج والحمل مافهوش خطوره على حياة نانسي
وهما كل مره هيتهربوا منه بأى حجه
لحد ما جه اليوم اللى اتفقوا فيه على تنفيذ خطتهم
واتصل فارس على سالى وطلب منها تنزل له وكان معاه الشخص اللى هيمثل انه عمها وجي من البلد مخصوص عشان الامر ده
وقال ليهم يالا بينا وجه عند الفيلا وقال ليهم ادخلوا انتوا وانا هنتظر هنا
دخلوا وقابلهم والد فارس وكان معه اخوه والد نانسي
وبدأ الشخص يتحدث .

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية برائة سالي)