رواية حب غير مشروط الفصل الأول 1 بقلم لولا

رواية حب غير مشروط الفصل الأول 1 بقلم لولا

رواية حب غير مشروط البارت الأول

رواية حب غير مشروط الجزء الأول

رواية حب غير مشروط الحلقة الأولى

في احد احياء القاهره يستيقظ بطلنا ( ادم ) عمره 24 في اخر سنه في كليه الطب يتميز بوسامته وجسمه الرياضي وطوله 180 وعيونه العسلي الذي تقلب برتقالي في الشمس ليصبح جذاب اكتر وشعره البني ودقنه الخفيفه المحدده
ادم وهو بيتاوب اكمل وسع كده يا مالك مش ناقصك علي الصبح
مالك بنوم ادم واالنبي سبني مش كل يوم تصحيني وانت بتقوم
ادم هو حد قال لاهلك تعالي نام جمبي ما اوضتك مرزوعه اهو
مالك بنوم كنت سهران مع صحابي بعد الكليه وابوك شافني اتاخرت استناني في الاوضه بتاعتي فدخلت اتسحبت ونمت جمبك كاني جيت من بدري بس كنت عندك بقي لان اوضتك متوحه خالص عن الصاله فمحدش خد بااله
ادم بضحك طب ايه رايك هفتن عليك علشان تبطل حركاتك دي
مالك اتعدل واكمل بخوف لالا والمصحف ماتهزر انت عارف ابوك والله مايحلني
ادم مسكه من ودنه واكمل واما انت عارف كده يا مهزق انت بترجع متاخر ليه ده منظر دكتور صيدلي
مالك بضحك هو انا لازم ابقي جد زي حضرتك لا انا بحب الفرفشه فيها ايه دكتور يعني بس بحب اسهر
ادم قام ومسك الفوطه واكمل انا مش هقولك اعقل تاني يا مالك انا عارف انك بتقعد معاهم عادي ومش بتعمل حاجه غلط بس انت مبقتش صغير زي زمان انت فاضلك سنه وتتخرج خلاص فمينفعش طريقتك دي شيل مسؤليه شويه ومتزعلش مني انا خايف عليك بابا فعلا صح انت مش كل يوم سهر وتيجي مش قادر تذاكر وتنام طب تجيب تقدير في كليتك وتشتغل في شركه الادويه اللي حلمت بيها ازاي كده
مالك بحب عارف يا حبيبي انك خايف عليا وحاضر والله هعمل كده
ادم بحب جدع يا حبيبي بس انا والله مش قصدي اضايقك انت عارف ان احنا مستوانا الاجتماعي مش اللي هو احنا علي قد حالنا وانا بتعب علشان لما اجي اتقدم مبقاش قليل قدام حبيبتي فانت كمان اعمل زيي
مالك بتفكير عندك حق وصح يا ادم
ادم قول
مالك غمز واكمل بضحك هي القمر عرفت ولا لسه
ادم بتنيهده عرفت ايه اني مش من نفس مستواها يعني ?
مالك اه اومال هيكون ايه
ادم بنفخ لا معرفتش ومش عايز اقولها لاني كلي ثقه اني هعمل حاجه بشهادتي وهقدر اعيشها نفس مستواها
مالك بحزن صعبه ها ?
ادم بصله بحزن واكمل صعبه. بس ? دي صعبه اوي اوي فاهم يعني اي تبقي اقل من حبيبتك في المستوي وفوق كل ده مش قادر تقولها
مالك انت خايف تسيبوا بعض لو عرفت
ادم بضحك لا طبعا ايه الكلام ده دي بتحبني جدا وهي شخصيتها مش كده بس انا اللي مش حابب احس اني كدبت عليها او اقل منها
مالك عرفها انت افضل
ادم بضيق مش دلوقتي يا مالك مش دلوقتي هسيبك انا وهدخل اخد شاور علشان اتاخرت
مالك ربنا معاك يا حبيبي
ملحوظه مالك نفس طول ادم بس عيونه بني وايضا شعره بني ووسيم جداا
————————————
في فيلا الشريف
في اوضه بطلتنا (منه) وهي بنت قصيره طولها 155 وتتميز بصفاء وجهها وطفولته مهما كبرت في السن وعمرها قربت علي 22 سنه في كليه فنون جميله عيونها رمادي وشعرها اسود طويل لاخر ضهرها
الباب خبط ودخلت جيسي اخت منه الاصغر بسنه وهي في كليه علوم عمرها 21 سنه وتتميز بلقصر مثل اختها لكن شعرها كاريه قصير لاخر رقبتها فقط وبشرتها بيضه وعيونها ايضا رمادي وكانت ترتدي جيبه سوده من الجلد قصيره وبلوزه بيضه وشوز ابيض
جيسي منمن انتي يابت اصحي يا منه يخربيت برودك
منه بنوم جيسي سيبيني انام شويه الله يخليكي
جيسي يا زفته قومي اتاخرنا بقي
منه قامت بنعس واكملت اممم خير
جيسي يلا مفيش وقت
منه حاضر دققتين وهخلص بس لحظه بس وبصتلها
جيسي. بتوتر ايه في ايه اوعي تقولي الميكاب بايظ
منه بضحك لا ايه القمر ده الجييه دي تحففهه
جيسي بضحك يا شيخه خضتيني هبقي اجبلك زيها يلا بس اخلصي
منه وهي قايمه اكملت بضحك في سرها اممم علشان يخلص عليا لما يشوفني كده
ودخلت خدت شاور وطلعت
منه بقولك ايه فين السولبت بتاعتي الكت السودا
جيسي وهي بتتصفح فونها راحت قامت فتحت الدولاب واديتهالها
منه بعتتلها بوسه في الهوا واكملت بحب تسلميلي يا اختشيي
ولبست ووقفت فردت شعرها وحطت ميكاب
جيسي بتصفير باعجاب ايوه بقي اجمل بشمهندسه يا ناس
منه بضحك حبيبتي مفيش اجمل منك .. بقولك ايه هو عادي اروح كت كده
جيسي اه عادي فيها ايه
منه بقلق مش عارفه بس
جيسي يابنتي في ايه
منه مفيش مفيش يلا ونزلوا
علي السفره
منه بستغراب هو بابا فين يا عمو حسن
حسن عنده اجتماع يا حبيبتي مهم في تركيا سافر كام يوم
منه وهي بتاكل امممم هي مبقيتش حاجه جديده انا غبيه اني بسال السؤال ده
حسن اصل هو يابنتي
منه بمقاطعه عادي خلاص
جيسي مالك ياحاتم
حاتم ابن عمهم مفيش يا حبيبتي كويس
جيسي قامت وقفت واكمل ايه رايك في الاوتفيت بتاعي
حاتم قمر يا جيسي وبص لمنه واكمل انتوا الاتنين قمر
منه بابتسامه بارده شكرا
جيسي قعدت تاني وهمست اتلمي عيب اتكلمي عدل
منه انا كده ويلا انا خلصت
حسن ملحقتيش يا بنتي
منه مليش نفس
حاتم استني هوصلكم
جيسي مفيش داعي معايا عربيتي
حاتم لا يلا بس ميصحش طول ما عمي مسافر انا هنا بداله
منه بشئ من الحده واحنا مش صغيرين يا حاتم
حسن معلش يابنتي علشان خاطري خليه يوصلكم علشان ابقي مطمن
منه بنفخ اووف يلا
وطلعت معاهم
حاتم بحده هي مش طيقاني ليه كده انا ممكن اهزقها
جيسي انت عارف ليه
حاتم بنفخ يعني هو بمزاجي اني بحبها يا جيسي
جيسي وهي مش بتحبك اغنيهالك
حاتم بضيق يلا يا جيسي يلا علشان اتاخرتوا
———————————–
في بيت ادم
ساميه وهي بتحط الاكل علي الترابيزه اكملت يلا يا مالك انت وادم الاكل اتحط
ابراهيم هما عيالك دول ميلحقوش يفطروا معاايا مره اديني نازل الشغل ولسه حضراتهم ماجوش اصلا ولا بتلم عليهم خالص الفتره دي
ساميه ربنا يقويك يا ابو ادم معلش هما بردو غصب عنهم بيتعبوا في الكليه
ابرااهيم كليه ااه قولتلي وابن الكل*ب الصغير ده بيروح كليات اصلا
مالك بضحك عندك لما تيجي تتكلم عني تقول دكتور مالك ماهو انا متعبش كل ده وفي الاخر اتشتم
ابراهيم بحده طب ايه رايك كل*ب وابن كل*ب ورايح ناحيه طلع ادم ووقف بينهم
ادم بضحك بس بس يا حج خلاص امسحها فيا انا المره دي
ابراهيم قال دكتور قاال بقي يتنك عليا ابني حقك منا امن في بوابه يعني زيي زي البواب وانت بقي الدكتور
مالك راس باس ايديه وراسه واكمل بحب الامن ده طلعني انا وادم دكاتره واللي قولته ده تريند طالع انا بهزر يا حبيبي طبعا. .. ده انا فخور بانك ابويا وبرغم ان ممعكش حتي تجيب كل ادويتك الا انك فضلت تعلمني انا واخويا يابابا انت تشرف اي حد واشتمني براحتك يا عم الناس
ابراهيم بحب حضنه واكمل ربنا يخليكم ليا يا حبيبي بس بطل يابني سهرك ده كل يوم ركز بقي وعوض تعبي وفرحني بيك
مالك بضحك فين ده اسال ادم انا نايم معاه من امبارح
ابراهيم علي بابا يا مالك بتكدب عليا عموما هعديهالك المره دي بس ركز يا حبيبي عايز افرح بيك يا مالك انا تعبت في حياتي اوي ونفسي ربنا يعوض تعبي فيك انت واخوك
مالك باس راسه واكمل بحب باذن الله يحج
ادم وحاول يابابا تسيب شغلك وانا هشتغل خلاص كده كده بجانب الكليه وهصرف انا علي االبيت
ابراهيم ابدا ميحصلش ومين يسد كل الفلوس اللي عليا يا ادم مينفعش يا حبيبي
ادم بحب اقعد ومتشيلش هم حاجه انت تعبت ومبقتش زي الاول ومعاك رجاله
ابراهيم بضحك لالا اخص عليك انت متعرفش ابوك متخافش عليا انا لسه متعبتش وبعدين انا عايز اخلص كل اللي عليا بنفسي نشيلك للكبيره يا حبيبي انت بس اتخرج واشتغل دي بلدنيا
ادم بحب هانت يا حج ومش هخليك تتعب تاني
ابراهيم بحب نجاحكم هيخليني مرتاح طول العمر يلا انا ماشي عايزه حاجه يا ساميه
ساميه سلامتك يا ابو ادم
ونزل
ساميه يلا افطروا علشان متتاخروش كويس لبستوا
ادم قعد واكمل حاضر يا امي تسلم ايدك
ساميه تسلم يا حبيبي
مالك ادم الطقم ده انا عايزه منك مره ها
ادم بحب ابقي خد اللي انت عايزه يا حبيبي بس مفيش خروج
مالك بضحك متقلقش مش خروج بس نظام القميص الاسود مع التيشرت الابيض الساده ده والبنطلون اسود الطقم حكايه
ادم بضحك ماتخده من دلوقتي
مالك بضحك لالا مش للدرجه دي
ادم بضحك يا راجل اديهولك لحسن اولع وانا ماشي ولا حاجه ده انت فصصتني تفصيصه كانك بتفصص حبيبتك
مالك بضحك الله ماقولنا مش للدرجه دي بقي
ساميه كلوا واسكتوا بتتكلموا اكتر ما تاكلوا
ادم حاضر اهو
وبص في الفون بتاعه فشاف التاريخ فدموعه نزلت ومسحها بسرعه
ساميه طبطبت علي كتفه واكملت. بقهر الله يرحمهم يا حبيبي
ادم بوجع امين عن اذنك
مالك كمل اكلك يا ادم
ادم وهو بيبلبس الكوتش اكمل شبعت وباس راس ساميه ونزل
ساميه بدموع موجوعه لوجعه اوي
مالك بحزن مين سمعك ربنا يربط علي قلبه
———————————
بعد شويه في الجامعه وصل حاتم بيهم في نفس لحظه وصول ادم وشافهم وهما نازلين معاه ودخل علي جوه علطول بس محدش شافه
جيسي شكرا يا حاتم تعبناك
حاتم لا ولا حاجه ابقوا اتصلوا بيا اجي اخد
ولم يكمل اكلمت منه بحده هرجع بي اوبر ودخلت
جيسي معلش حقك عليا
حاتم بحده لا عادي بس بعدين همد ايدي بجد دي شكلها بتستعبط وركب ورزع الباب ومشي
في كليه الفنون
تاليا اه وهتعملي ايه مع زفت ده
منه بنفخ معرفش وتعبت ودماغي هتنفجر من التفكير حقيقي انسان لزقه
وفاجاه لقيت ايد ادم بتشدها بتوقفها
منه بخوف ايه في ايه مالك
ادم بحده انا عايز اعرف دلوقتي حالا انا مش قايلك الواد ده ملكيش علاقه بيه ولا هو الكلام مش بيتمسع
منه بخوف اهدي اهدي وانا هفهمك
ادم بحده تفهميني ايه وزفت ايه انتي مبتحرميش كلامي خالص يا منه ودي مش اول مره وبص عليها من فوق لتحت واكمل بحده وايه القرف اللي انتي جايه بيه ده قالولك رايحه كباريه
منه بتوتر ليه ماله لبسي فيه ايه
ادم ماله. فيه ايه ?? لا قولي مفيهوش ايه ده دراعك كله باين لبساالي كت يامنه كت
منه ادم وربي تهدي علشان انت داخل فيا من كله وانا مش عارفه اتكلم
ادم بحده وانتي اصلا هتتكملي تقولي ايه غصبك هو تيجي معاه ولا حد اجبرك تلبسي كده وتعرضي جسمك للي يسوي وميسواش وخل*ع قميصه الاسود اللي فوق التيشرت ولبسهولها واكمل وهو بيمسك دراعها جامد اقسم بالله يا منه اقسم باالله كمان مره ابقي المح اهلك خا*لعه القميص شوفي هعمل فيكي ايه وشعرك ده يتلم مش فرح هو وزقها علي الكرسي واكمل بحده هو ماشي كانت ناقصه نكد علي الصبح بصراحه حاجه تقرف
منه بدموع شايفه الطريقه
تاليا انا مفتحتش بوقي ماليش اني ادخل بس هو صح
منه بدموع صح في ايه انتي عارفه انه غصب عني وحاتم هو اللي بيتلزق فيا وعارفه اني بحب ادم بقالي 4 سنين يعني مش عشره يوم ولا اتنين لا ده من ساعه مادخلت الجامعه دي وشوفته حييته فاكيد مش هحب ازعله بس عمو حسن اللي قالي مكنش ينفع اضايقه
تاليا دي تمام انا معاكي ولبسك ده ?
منه سكتت بحزن
تاليا بتنهيده متستفزيهوش يا منه هو مش جديد عليكي ومش لازم تكوني زي جيسي
منه انا مش زيها طريقه لبسي غيرها خالص كنت كده بس لما حبيت ادم اتغيرت
تاليا يبقي تفضلي متغيره ده الاحسن ليكي لو عايزه تكملي مع ادم
منه بحب ياه يا تاليا بحلم بليوم ده
تاليا بحب ربنا يسعدك يا نورعيني
منه بحب امين يارب بجد ده انا نفسي اشوف مامته حتي او اهله رافض خالص يقولي مفيش بينا حاجه رسميه هقولهم ايه لما اكون جاهز اتقدملك ماشي غير كده لا معرفش غير اخوه مالك
تاليا طب ماهو بيتكلم صح ده دكتور لازم يتخرج ويشتغل بعدين يجي يتقدملك وده احسن ليكي علشان محدش يتكلم عليكي بردو خليكم كده متدخلوش الاهل غير لما يجهز نفسه خصوصا ابوكي صعب اوي هيكفره في عيشته
منه بحزن علي رايك ولمت شعرها ديل حصان
في كليه العلوم
جيسي اه كام يوم الرحله دي
صافي دي يومين ها هتروحي
جيسي بضحك وش يابنتي طبعا رايحه
صافي بضحك ايوه بقي هي دي جيسي. هنولعها هناك
جيسي بحب اكيد يا روحي
انسه جيسي انسه جيسي
جيسي نعم
ااراجل في واحد بعتلك الورد ده
جيسي مسكته واكملت شكرا
صافي بضحك هموت واعرفه ده اللي كل يوم يبعتلك ورد
جيسي بسخريه مش فارقلي كتير
صافي انتي لسه مش قادره تنسي حبك ليه
جيسي بدموع ولا هقدر
صافي يابنتي. فوقي لنفسك ده مبيحبكش ومش بيحب حد غير نفسه اانا لو منك اشوف مين الرومانسي القمر اللي باعت الورد ده وابدا حياتي معاه
جيسي مسكت الكرت لللي في الورد قريته وكان مكتوب فيه ( اضحكي دايما علشان ضحكتك حلوه)
جيسي فضلت تبص حواليها واكملت بسخريه لا متابع اوي وخد باله اني ضحكت معاكي ورت الكرت لصافي
صافي بضحك وربي انتي فقريه ده الواد واقع ياريت انا حد يحبني كده
جيسي بحزن بس مش هو اللي اتمنيته تعرفي كل اللي بيعملوا ده اي ان كان هو مين مش فارقلي بس لو كان من الوحيد اللي حبيته او حتي كلمه كويسه مش هقولك ورد بطير بيها
صافي علشان هبله فوقي يا جيسي فوقي وعيشي حياتك انتي زي ااقمر والف مين يتمناكي
جيسي مسحت دموعها واكملت كبري دماغك يلا نكمل اللي كنا بنعمله
بعد شويه في كليه الطب
راحت منه تسال علي ادم بس ملقيتش حد هناك فتوقعت انه خلص محاضراته واكيد طلما مخنوق يبقي في جنينه الجامعه
راحت لقيته قاعد لوحده هناك والدنيا هاديه حطت ايديها علي كتفه واكملت بحزن الله يرحمهم
ادم رفع وشه بصلها بعيون حمرا من الدموع واكمل بصوت موجوع انا تعبان اوي يا منه
منه مستحملتش منظره وحضنته وفضلت تطبطب عليه واكملت بعياط كل سنه توجع قلبي يا ادم يمكن معرفهمش بس حقيقي كلي وجع لوجعك الله يرحمهم ويسكنهم الفردوس الاعلي امين ياب
ادم بوجع وعياط ملحقتش اشبع منهم يا منه ملحقتش قلبي واجعني اوي اوي بجد
منه طبطبت عليه ومسكت وشه بين ايديها ومسحت دموعه واكملت بدموع انت قوي يا قلب منه وهما اكيد فرحانين بيك وهما شايفينك بتنجح وبتكبر اوعي تخلي حزنك يرجعك لورا خليهم فخورين بيك حتي وهما مش هنا ارفع اسمهم اكتر يا ادم
ادم بعيون حمرا ووجع اكمل اكيد هعمل كده بس صعب عليا اوي بجد صعب
منه مسكت ايده واكملت وانا جمبك وهنعدي كل صعب سوا يا ادم
ادم بحب مع انك حارقه دمي باس ايديها واكمل بس مقدرش اعيش من غيرك
منه بحب حقك عليا وحياتك ده عمو حسن ربنا يسامحه هو اللي اجبرني اعمل كده قالي روحي معاه علشان خاطري مرضتش ازعله وربنا يعلم بتجاهله وبهزقه ازاي
ادم بتنهيده عارف يا منه عارف بس فكره انه معاكي بتخليني عايزه اولع فيه
منه بضحك ياخواتي علي ااقمر وهو بيغير ياناس
ادم بضحك ماتتعدلي يابت بتكلمي ابن اختك ولا ايه
منه بحب لا بكلم حبيبي وكل دنيتي
ادم بحب باس جبينها واكمل والله انت قلب حبيبك ها هتروحي ازاي بقي
منه اوبر متقلقش
ادم تمام هيبان
منه بضحك وحياتك اوبر
ادم طيب يا حبيبي هتمشي امتي
منه دلوقتي امسك ورايحه تق*لع القميص
ادم مسكه وبص حواليه واكمل بحده بس انتي اتجننتي
منه ايه هديلك قميصك
ادم. بحده علي اساس انا مديهولك علشان بردانه مثلا واليوم خلص فهتديهوني لا ده بعيد عن البني ادمين يعني وربنا يهدي الجميع بيسترك فاهمه يعني ايه بيسترك
منه بحزن ادم حقك عليا مش هلبس كده تاني
ادم شاور علي السما واكمل هو اللي بيحاسب مش ادم .. ادم بس ميقبلش علي حبيبته تلبس كده وخلاص هزقها وهي مش هتقدر تقررها تاني انما الذمب انا مليش دعوه بيه خلصيه مع ربك
منه بحزن حاضر هعمل كده
ادم اه ولحد ما ربنا يهديكي وتتحجبي شعرك ميتفرضش تاني علشان لو شوفته كده هتزعلي بلجامد
منه لماه اهو وشكلي زي الخرا
ادم مش مهم المهم انا شايفك ست البنات يخش كله فعلا يشوفك كده وبعدين انتي شعرك بسم الله مشاء الله لاخر ضهرك المفروض ميتفرضش ده اصلا من غير منا اقول
منه حاضر يا ادم اي اوامر تانيه
ادم بقالك اربع سنين بتحبيني ولسه نفس الحاضر ونفس حرقه الدم
منه بضحك بيوحشني اشوف غيرتك عليا
ادم برفعه حاجب لا والله طب ابقي اشوفك تجربي تاني يا منه
منه بضحك لا خلاص توبنا الي الله
ادم بضحك ربنا يهديكي يابنتي ويصبرني علي ما ابتلاني يلا ياختي يلا
وطلعوا
في بيت ادم
قاعده مامته حزينه اوي وبتدمع اول ماسمعت صوت الباب مسحت دموعها بسرعه
ادم حط المفتاح علي السفره واكمل بتعب اااه مش قادر بجد
ساميه هقوم احطلك الرز والبطاطس يا حبيبي تاكل
ادم مسكها واكمل لالا تسلم ايدك يا ست الكل اقعدي عايزك
ساميه بخوف خير يا ادم
ادم بوجع طلما خوفتي كده يبقي عرفتي سؤالي
ادم بدموع هساالك السؤال اللي بسألوهولك بقالي 21 سنه مين اللي قتل امي وابويا

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب غير مشروط)