رواية حب غير مشروط الفصل الثاني 2 بقلم لولا

رواية حب غير مشروط الفصل الثاني 2 بقلم لولا

رواية حب غير مشروط البارت الثاني

رواية حب غير مشروط الجزء الثاني

رواية حب غير مشروط الحلقة الثانية

ادم بدموع هسالك السؤال اللي بسألهولك بقالي 21 سنه مين اللي قتل امي وابويا
ساميه بصدمه قتلهم !! انت بردو مصمم يا ادم وبلعت ريقها بتوتر واكملت وانا يابني هقولك نفس الاجابه امك وابوك ماتوا في حادثه عربيه عادي قضاء وقدر مفيش اي حاجه من اللي في دماغك دي انت بس اللي مش عايز تصدق وبتوهم نفسك
ادم بوجع يا امي حرام عليكي بتداري الحقيقة عليااا ليه انا مش غبي يمكن زمان لما كنت عيل كنتي بتضحكي عليا انما انا دلوقتي كبرت وواثق انكم كنتوا بتكدبوا ارجوكي عرفيني الحقيقه متكدبيش عليا
ساميه بحده انا مبكدبش احترم نفسك يا ولد بتقول علي امك كدابه انا هكدب ليه يعني
ادم بدموع يعني انتي شايفه كده ?
ساميه بدموع حضنته واكملت يابني يا حبيبي انا لو امك وابوك اتقتلوا مش هقولك ليه بس فعلا هي دي الحقيقه
ادم بوجع تمام عن اذنك
ساميه قامت واكملت بدموع رايح فين يا ادم
ادم بوجع مخنوق نازل شويه
وفتح الباب
مالك وهو داخل اكمل رايح فين يا ادم … انت يابني وبص لامه واكمل ماله ده
ساميه بدموع كلعاده بتاعته كل سنه اليوم ده بيزعل مني
مالك بحزن هو ليه مش راضي يقتنع انه دي الحقيقه
ساميه بدموع مسيره يقتنع ودخلت اوضتها واكملت في سرها بوجع مش هينفع تعرف يا ادم ده واحد انت مش قده ولا هتعرف تجيب حقك منه مهما تعمل
فلااااش باااااك
ساره بحزن انا والله تعبت من مطاردته ليا يا ساميه واتخنقت
ساميه بحده ده انسان مش محترم هو مفيش دم خالص انتي ست متجوزه ومخلفه وهو راجل متجوز ميصحش كده
ساره بدموع جايبلي مشاكل مع سليم كل شويه ياساميه ومبحبش نتخانق قدام ادم لانه خلاص بقي فاهم وبيتكلم 3 سنين مش صغير وبقول لسليم كده مفيش فايده بردو خناق
ساميه بحزن حقه بردو راجل وبيحبك وبيغير ومتنسيش انه مبيحبش الراجل ده والراجل ده بيعتبر جوزك عدوه
ساره بسخريه من زمان وصداقتهم انتهت وبقيوا اعداء مش علشان سليم اتجوزني وبس لا كمان علشان الشغل والشاركات اللي ضدد بعض فيها
ساميه بتنهيده يا حزني طب والعمل هتفضلي في الوضع ده
ساره بدموع انا حقيقي تعبت يا ساميه
ساميه طبطبت عليها واكملت اهدي يا حبيبتي اهدي وهيجي سليم يصالحك والله ده بيموت فيكي بس هو اتخانق معاكي لانه حذرك ملكيش دعوه بيه وبعدين جوزك مش عشره يوم ولا اتنين لا ده بيحبك من الكليه وحتي زفت ده بيحبك من الكليه وهو عارف هو مين كويس واديكي قولتي عن كميه العداوه اللي بينهم…. متهدميش بيتك يا ساره انا كلمت ابراهيم وقولتله يكلم جوزك وجاي يصالحك
ساره بدموع وانتي عارفه انا بحب سليم قد ايه ده حبيب عمري وابو ابني بس حقيقي لما كلمت الزفت ده مكنش في نيتي اي حاجه دي كانت حفله. معزومين فيها وفيها كل الناس سلم عليا فسلمت عليه وخلاص
ساميه انتي مش في نيتك حاجه انما هو راجل ناقص وفي نيته وجوزك بيحبك وبيغير حقه
الباب خبط فقامت ساميه فتحت
ساميه ادخل يا ابو ادم
سليم بتنهيده من امتي بنسيب البيت يا ساره
ساره بدموع انت اول مره تتخانق معايا بلطريقه دي
سليم وطي لمستواها ومسح دموعها واكمل بحب حقك عليا يا ست البنات والله ما كان قصدي بس حبي ليكي هو اللي خلاني مكنتش واعي لنفسي وانا متعصب عليكي بس مهما بيحصل احنا مش بنسيب بيتنا يا ساره حصل ايه المره دي بقي
ساره بدموع كنت محتاجه اتكلم مع صاحبتي شويه مغلطش
سليم بضحك يابت يعني مكنتيش ناويه تباتي هنا ?
ساره وهي بتمسح دموعها لا مكنتش هبات انت عارفني ببات برا حضنك يا ابو ادم ??
سليم حضنها واكمل بضحك هنحاول نصدقك ولا انتي شايفه اي يا ام مالك
ساميه بضحك صادقه طبعا وبعدين هي كانت هتمشي من نفسها اصلا لولا انت جيت
سليم بضحك لا صاحبتك بتطبل اوي اختياراتك صح يابت يا ساره
ساره بحب ده كده كده كل اختياراتي صح
سليم باس خدها واكمل بحب ربنا يخليكي ليا يا حبيبت عمري ووطي باس بطنها واكمل حبيبت بابا عامله ايه
ساره بضحك قرفاني والله
ساميه بحب خلاص كام يوم وتنور وترتاحي
ساره بضحك وحياتك مفيش راحه غير في الاخري
سليم بحب بعد الشر عليكي يا نورعيني هنكبرها سوا زي ماكبرنا ادم
ساره بس بنتي تطلع شبهي بقي كفايه انت ابنك شبهك
سليم بضحك مين االلي شبهي ادم اما ادم واخد عنيكي انتي
ساميه بضحك صح يا ساره مالك ماعنيكي انتي اهو عسلي زي عين ادم زعلانه ليه
ساره بغيظ سبتوه كله ومسكتوا في عنيه طب وبلنسبه للخلقه دي ايه
سليم بضحك اه لو علي الخلقه عموما فاهو كوبي مني كفايه انتي عليكي العين في ادم انما بنوتي حبيبت بابا هتيجي عنيها رمادي لبابا وشبه بابا
ساره بغيظ متعصبنيش
سليم بضحك خلاص بقي قلبك ابيض وباس ايديها واكمل بغمز ايه رايك نخلي ادم هنا و
ساره بمقاطعه اتلم انا حامل في اخر كام يوم عديهم علي خير واسكت انا تعبانه واللي فيا مكفيني
سليم بضحك يا بنت الجزمه انتي فهمتي ايه انا كنت هقولك اوديكي نتعشا سوا برا غوري جتك الارف بومه ومش سالكه
ساره بفرح والنبي هتوديني والنبي يا سليم
سليم. بضحك اتهدي وبطلي تنطيط ببطنك دي و اه هوديكي يا ست البنات مع ان خساره فيكي
ساره ضربته في كتفه واكملت بضحك والله انت رخم
ساميه بضحك ربنا يخليكم لبعض يا حبيبتي
ساره بحب ويخليكي ليا يا ام مالك
سليم صحيح فين مالك وفين ابراهيم
ساميه ابراهيم كلعاده في الشغل ومالك نايم
ساره اومال ادم بيعمل ايه
ساميه بضحك بيرسم ياختي قاعد بيرسم. حاجات غريبه كده ويلون
ساره بضحك فنان ابني ده
سليم هو ابراهيم مش ناوي يسمع كلامي ويسيبه من الشغل ده وانا قولت هسددله اللي عليه
ساميه انت عارف صاحبك مبيحبش ابدا حد يساعده
سليم بتنهيده حقيقي عنيد اوي
ساميه ربنا يرزقه ويكرمه مفيش شغل مش متعب بس هو كده مرتاح نفسيا
سليم ربنا يقويه يارب واي حاجه يعوزها انا عنيا ليه كده كده
ساميه بحب تسلم يا ابو ادم ده العشم ربنا يخليك لينا
ساره اه يا ساميه ادم بيحب اوي المكرونه والبانيه ماشي انتي عملتيلي منها طعمها تحفه لو جاع اديلو ومش بيحب اللبن خالص ولا السمك
سليم بضحك حبيبتي احنا مش مسافرين ده ساعتين وهنفوت ناخده
ساره بضحك مش عارفه بس قولت اعرفها
ساميه بحب عارفه و في عنيا يا نورعيني متقلقيش
ساره بحب حضنتها واكلمت عارفه انك هتشيلي ابني في عنيكي يا ساميه وانتي مش محتاجه توصيه عارفه انه ادم ابنك البكري وبتعشقيه قد ايه وعايزاكي تفضلي كده
ساميه بحب عنيا يا غاليه وفعلا انتي قولتي كل اللي في قلبي ادم ده حته من روحي وهشيله جوه عنيا روحي اتبسطي مع جوزك
ساره بحب باي
ساميه بحب باي
بعد ساعتين
ابراهيم جاله فون فاكمل بحده نعم امتي الكلام ده حصل
ساميه بخوف في ايه يا ابراهيم
ابراهيم بخوف سليم وساره عملوا حادثه
ساميه بصراخ ايييه وديني ليها وديني لصاحبتي
ابراهيم بخوف يلا يلا
ادم بعياط ماما ساميه هي فين ماما
ساميه شالته واكملت بدموع هنروحلها يا ادم اهدي متعيطش يا حبيبي اهدي وحضنته وفضلت تهديه وسابت ابنها مع الجيران لانه كان عمره شهور ونايم مكانتش هتعرف تلف بيه
ابراهيم بخوف يلا انا وقفت تاكسي
ساميه بعياط يلا
في المستشفي
ابراهيم بخوف دكتور دكتور طمني
الدكتور بحزن للاسف فقدناهم
ساميه بصرااااخ ايييييه انت بتقول ايه وعياطها زاد واكملت صاحبتي وجوزها فين انت اتجننت
ابراهيم بوجع ودموع اكمل بعصبيه دكتور متعصبنيش عليك صاااحبي فين انا عايز اشوفه وبيزق الدكتور
الدكتور بحده ميصحش كده دول بيحتضروا كده هماجيه وقله ادب
ابراهيم بعصبيه وانت مال اهلك ده اخويا وانا هدخله انت اكيد بتخرف
ودخل هو وساميه اللي اول ماشافت منظرهم لطمت علي وشها
وادم شافهم وقف مصدوم مش فاهم ايه اللي بيحصل
ساميه بصدمه وعياط فين اللي في بطنها
الدكتور بحزن حاولنا نجيب الطفله بخير بس توفاها الله تقدروا تستلموها علشان تتدفن
ساميه بوجع وعياط ايييه انت بتقول ايييه … ايه اللي بيحصل ده ياااااربي وراحت عند صاحبتها واكملت بعياط وانهيار متغمضيش عينك يا ساره فتحي عنيكي انتي قويه
ساره بصوت منخفض ادم يا ساميه
ساميه بعياط ادم ابني البكري انتي قولتي كده وانا معتبراه اكتر من مالك متخافيش عليه انتي قومي بس وملكيش دعوه
ساره دموعها نزلت واكملت بتقطع وصوت منخفض لالا هو معادي خلاص يا ساميه حققي حلمي في ادم وخليه دكتور معروف وجوزيه ست البنات كلها وكوني مكاني اوعي ادم يحس انه يتيم في يوم
ادم بعياط ماماااا مااااااماااا
ساميه شالته حطته جمبها
ادم باس ساره وحضن رقبتها واكمل بعياط مااااما قومي
ساره باست خده واكملت بدموع ماما بتحبك اوي يا ادم حقك عليا يا نورعيني وصوتها ابتدي يضعف
ساميه بعياط اهدي متتكلميش
ساره بتعب ادم في عنيكي ليوم منتقابل يا ساميه هسألك عنه قدام ربنا وصح انا وفي العمليات سمعت ولم تكمل—– وصوتها اختفي
ساميه بعياط لالالا اكيد لا ساره وبتهزها ساااره ردي يا ساره — ساااااااره سمعتي ايه يااا سااااره ارجوكي عرفيني ساااااره وفضلت تصرخ
ادم حضن ساره واكمل بعياط وصراخ ماااااااماااا ماااامااا ارجوكي اصحي ردي عليا يلا نروح انا وانتي وبابا والنونو اختي. ماااماااا
ابراهيم بعياط اجمد انت يا سليم ادم هيموت من غيركم
سليم بصوت منخفض ودموع علي ساره اكمل ادم انت ابوه واياك يعرف مين عمل كده هو مش قده يا ابراهيم ابني امانه في ايديك ده راجل مش سهل لو ابني وقف قصاده في يوم هيخسر اياك يعرف ان الحادثه دي مدبره
ابراهيم بصدمه ووجع ايييه هو اللي عمل كده
سليم بتعب ااه فك فرامل عربيتي و طبعا مكنش يعرف ان ساره هتبقي معايا والا كح بتعب واكمل مكنش عملها بس ربنا كتبلي ساره في الدنيا وفي الاخرى وبصلها بحب واكمل لابراهيم بتعب وجيه وهددني بادم وطبعا انا خوفت لاني هسيبه وهمشي وخلاني مضيت ليه تنازل عن املاكي وشركتي فخلي باالك منه وبردو متنساش وصيتي ليك ادم يا ابراهيم امانه شيلوه في عنيك زيه زي مالك عندك وغمض عنيه
ابراهيم فضل يبكي بوجع علي صاحبه
وادم وقف منهار وبيعيط مابين ابوه وامه وهما مليانين دم ومش بيردوا عليه ومخضوض من المنظر جداا
ساميه بعياط وقهر ربنا ينتقم منه ربنا ينتقم منه ياااارب وفضلت تلطم وتعيط
ابراهيم بوجع وعياط غلطنا كلنا من الاول لما حطينا ايدينا في ايد كلب زي ده واعتبرناه صاحبنا وجعناا كلنا دلوقتي
ادم بعياط ماما ساميه انا عايز مامااااا وباااابا والنونه اختي ارجوكي ويعيط
ساميه حضنته وفضلت تطبطب عليه بقهر
ابراهيم بعياط ادم مكنش ينفع يجي يشوف المنظر ده
ساميه بعياط كنت هعرف ياااارب منين كنت هعرف منين ان كل ده قهر ممكن يحصل والواد يشوف اهله بلمنظر ده واكملت بعصبيه ودموع وان كلب زي ده يوصل بيه يعمل كده وفضلت تعيط وبصت لساره واكلمت بدموع ووجع ادم في عنيا يا عشره عمري في عنيا وهيبقي ابني البكري ونورعيني
باااااااك
ساميه بوجع ودموع ااااه يا ادم كل سنه تفتح عليا جرح مبيتقفلش ربنا يرحمك يا ساره يا نورعيني انتي وسليم يارب
في الشارع ماشي ادم بيعيط وبيفتكر كل لحظه شافها ومر بيها اليوم ده وقعد علي البحر وفضل يبكي بقهر
ادم بعياط سبتوني بدري ليه محتاجكم اوي بس ورحمتكم الغالين انتوا التلاته هجيب حقكم اي ان كان مين الكلب اللي عملها وطلع فونه كلم واحد من اقرب الصحاب ليه
رامز يا راجل عاش من سمع صوتك
ادم بتعب رامز انا معايا مفتاح شقتك اللي علي النيل هقعد فيها يوم ولا حاجه علشان نفسيتي تعبانه
رامز بستغراب اقعد طبعا براحتك ياا حبيبي من غير استأذن بس مالك في ايه
ادم بوجع متخانق معاهم في البيت شويه
رامز بتحور
ادم بتعب حقيقي مش قادر اتكلم احكيلك بعدين انت اي اخبارك في الغربه
رامز اهرب اهرب من الكلام عموما الحمدلله كويس وهسيبك تهدي وهنتكلم وانت ايه اخبارك في الكليه يا غالي ومع منة
ادم زي الفل متقلقش هقفل انا معاك لاني عايز اروح انام تعبان اوي
رامز مش هحلك بردو يكون في علمك بس
ادم حاضر اصحي ونتكلم
رامز ماشي يا حبيبي سلام
رامز بتنهيده سلام واكمل في سره مش هتطلع من حالتك دي ابدا يا ادم حقيقي ربنا يصبرك
ادم فضل قدام البحر شويه بعدين كرر يمشي يروح مشوار بعدين يروح شقه رامز
في فيلا الشريف
دخلت منه واكملت مساء الخير
جيسي مساء النور يا حبيبتي
حاتم بستغراب قميص مين ده
منه بصت لقيت نفسها نسيت تقلع القميص فاكملت بتوتر ده بتاع تاليا لقيت نفسي بردانه خدته من بيتها وانا راجعه
حاتم بستغراب بردانه في الصيف ?? وبتاع تاليا ??
جيسي برفعه حاجب تاليا هتلبس قميص رجالي ليه يعني
منه بحده ده ساده عرفتوا منين انتوا رجالي ولا حريمي هو اي هري وخلاص وبعدين انا مبحبش الطريقه دي انا مش في قسم ورايحه تطلع مسك ايديها حاتم واكمل بهمس مخيف عارفه لو اللي في دماغي طلع صح هعمل فيكي ايه ؟؟
منة نفضت ايديها منه واكملت بحده ولا تقدر تعمل حاجه وطلعت اوضتها
حاتم بصلها بغل ومشي علي برا تحت متابعه جيسي
وفون جيسي رن
جيسي بحب ايه يا بابا واحشتني يا حبيبي
كمال بحب وانتي اكتر عامله اي يا قرده انتي واختك
جيسي كويسه يا حبيبي متقلقش علينا وفضلت ترغي معاه
في اوضه منه
دخلت وقلعت القميص وحضنته بفرح واكملت بحب يالهوي علي ريحتك القمر اللي فيه اما قميصك بس معايا ومبسوطه كده مبالك لما تبقي انت معايا ومن حقي وقدام اادنيا كلها يااااه يا ادم ياريت بجد ومسكت فونها تكلمه
ادم بصوت واضح عليه التعب الو يا حبيبي روحتي ?
منه بستغراب اه يا حبيبي بس مال صوتك
ادم بتنهيده مفيش انا كويس يا منه متقلقيش عليا
منه انت فين يا ادم
ادم بتنهيده حزينه عند ماما وبابا يا منه ارتاحتي
منه بدموع كنت واثقه
ادم طب انتي بتعيطي ليه دلوقتي امسحي دموعك علشان مزعلش منك اتفقنا مفيش دموع ولا ايه
منه بدموع عايزني اسكت ازاي وانت موجوع الوجع ده كله
ادم بوجع صدقيني وغلاوتك في قلبي انا اتعودت علي ده وجع خلاص اصل ده نصيبي بس انتي اللي بتعوضيني عن كل ده يا منة
منه بدموع ربنا يديمنا لبعض يا نورعيني وانا هفضل اشيلك طول حياتي
ادم طب خلاص بقي وحياه ادم كفايه عياط
منه وهي بتمسح دموعها اكملت حاضر اهو
ادم جدعه يا حبيبتي
منه طب هتعمل اي دلوقتي
ادم بوجع هقعد شويه بعدين هطلع علي البيت
منه بحزن ماشي يا حبيبي هسيبك شويه بس لما تروح طمني يا ادم اوعي تنسي
ادم حاضر يا حبيبتي
منه باي يا حبيبي
ادم باي
ادم بدموع وهو بيحط ايده علي اسم ابوه وامه اللي جمبه اكمل بوجع ودموع سمعت كتير عن حبكم لبعض وفاكر منه كتير بس اللي اكتشتفه ان ربنا بيحبكم اكتر وعلشان كده مرضيش يفرقكم ابدا حتى في الموت بس النصيب خلاني انا اتيتمت بدري واتوجعت بس بوعدكم اني مش هسيب حقكم مهما يمر الوقت انا واثق ان حد قصد يعمل كده ومحرمنيش منكم انتوا بس لا من اختي كمان اللي ملحقتش تيجي الدنيا بس اعرفه وساعتها هوصله بايدي حبل المشنقه وده وعد من ابنك يابابا
وقام حط ورد وقرا الفاتحه بدموع وقهر ومشي
في بيت رامز دخل ادم ورمي نفسه علي السرير وطلع فونه واكمل مالك قول لماما انا هبات برا انهارده
مالك تبات برا ?? تبات برا فين يا ادم انت بتهزر
ادم اعمل اللي بقوله وبس انا مش ناقص رغي سلام
ساميه في اي يا مالك
مالك بتنهيده بيقولي هيبات برا
ساميه بحده برا برا فين اتصلي بيه
مالك جرب يتصل لقاه غير متاح فبص لامه بمعني اعمل ايه
ساميه قعدت واكملت بدموع كده يا ادم ماشي يا ادم مااشي لما يجي ابوك
في تركيااا
كمال قاعد في مكتبه ودخلت السكرتيره
علا حضرتك الورق اللي طلبته اهو
كمال تمام يا علا روحي انتي
علا هو حضرتك ناوي ترجع مصر امتي علشان احجزلك عيد ميلاد الهانم الصغيره قرب بعد كام يوم
كمال بصلها بعدين وجه نظره للورق واكمل بحزن كلمتها انهارده اطمنت عليها بس مش فاضي بصراحه لاعياد ميلاد كأنك مقولتليش يا علا انا ورايا ميه حاجه ربنا يعلم عايز قد اي اكون وسط بناتي بس غصب عني
علا تمام يا فندم علي راحتك اكيد عارفه انه بسبب الضغط اللي حضرتك فيه كتر خيرك عن اذنك
كمال بابتسامه اتفضلي
وطلعت
كمال لنفسه مقصر في حقهم اوي انت وفي الاخر تزعل من تصرفاتهم اللي مش بتعجبك وخصوصا جيسي
في بيت رامز
ادم خد شاور وطلع وفتح فونه شاف رن كتيرر من مالك بس كبر دماغه ورن علي منة
منه كانت قاعده مستنياه يرن ومش عايزه تنام
منه بلفهه ايه يا حبيبي انت كويس
ادم بحب بخير متقلقيش انا روحت وخدت شاور وهنام اهو
منه بحب وانا هنام ودي احلي مره هنام فيها عارف ليه
ادم نام ورجع ضهره لورا. اكمل ليه يا ست منمن ابهريني
منه بحب علشان واخده قميصك في حضني
ادم بضحك الله انتي طمعانه فيه بقي
منه بضحك طبعا اومال مش قميص حبيبي
ادم بضحك مالك لو عرف هيتشاكل معاكي للصبح
منه ايه ده ليه هو قميصه ?
ادم بضحك لا ده قميصي انا بس هو حجزه ياخده مره
منه بضحك انسي مفيش الكلام ده
ادم بضحك كل ده علشان قميصي واكمل بخبث اومال لو انا تعملي ايه
منه بضحك والله انت قليل الادب اكيد مش هحضنك زي القميص يعني
ادم بضحك طبعا اكيد حاجات اكتر
منه باحراج ادددم
ادم بضحك قلب ادم مش هبقي جوزك يا منمن
منه بابتسامه لما تبقي بقي قول اللي يعجبك .. تعرف يا ادم
ادم بحب اممم معاكي
منه بابتسامه واسعه مجرد ماقولتلي جوزك دي حسيت اني طايره اللي هو ممكن فعلا حاجه زي كده تحصل
ادم بحب مش ممكن ده اكيد انتي ليا غصب عن اي حد
منه بحزن بابا بعيد عننا اوي ومش بيفهمنا خالص ولما بيمسع سيره اي عريس بيتجنن تفتكر هيوافق
ادم لا انا اجهز اتقدملك وبنسبالي لو واقفه علي بابا انا هتصرف متقلقيش
منه بسخريه متيهالك ده طفش عرسان قبل كده كتير زي ماتقول ماما اتوفت وسابتنا احنا ليه ملوش غيرنا بقي وعايزنا نفضل في اابيت واكملت بسخريه علي اساس فرقله اصلا ولا بيعبرنا
ادم بحده لحظه بس عرسان اي اللي بيطفشها هو حضرتك كنتي بتوافقي اصلا
منه بضحك مش بيدينا فرصه اصلااا يابني نعرف اسم العريس وبعدين انا كده كده برفض … القلب واحد وانت خدته ياابن سليم
ادم بحب وابن سليم حظه من السما زي ابوه بلظبط
منه بحب وربنا بموت فيك واكلمت بحزن ياريت بابا كان زي ابوك الله يرحمه انما هو معتقدش انه بيحبنا
ادم لالا ايه العبط ده هو انتي متخيله لو احنا خلفنا وانا انشغلت يبقي مش بحبك ولا بحب بنتي عمرها ماتتحسب كده طب جربي اتعبي او تقعي في مشكله هتلاقيه اول واحد
منه بدموع تفتكر
ادم قولنا ايه يا منه
منه حاضر يا ادم ومسحت دموعها
ادم بحب واه افتكر مفيش اب يكرهه عياله مهما حصل وهو اكيد مضايق انه مقصر في حقكم بس اديه بيعمل اي بيشتغل ويتعب علشانكم
منه بحزن اختي محتجاه اكتر مني علي الاقل انت مالي عليا حياتي انما هي بتفتقده وطريقتها اخر فتره مش بتعجبني لبسها وسهرها برا وسفر وحاجه اخر مسخره
ادم شوف مين بيتكلم علي اللبس
منه بضحك لا انت مشوفتش جيسي خالص فحقك
ادم بضحك باذن الله ليا قاعده معاها لما نتخطب وزي ما ربيت اختها هربيها
منه بضحك باذن الله يا حبيبي يلا اسيبك ترتاح تصبح علي خير
ادم بحب وانتي مراتي وام عياالي يا ست البنات
منه بحب وابتسامه بحبك
ادم بحب وانا اكتر
في بيت ساميه
ابراهيم مساء الخير
ساميه بحزن مساء النور يا ابو ادم
ابراهيم بتسغراب مالك قالبه وشك كده ليه
مالك بتنهيده ادم ساب البيت
ابراهيم بحده نعممم وده ليه انشاء الله
ساميه بدموع اتخانق معايا كلعاده لنفس السبب ومشي قال هيبات برا انهارده
ابراهيم بحده ده لما يجيلي ليلته هتبقي سودا هو خلاص كبر علينا ادم
ساميه بدموع اهدي يا ابراهيم هو بردو غصب عنه
ابراهيم بحده سااااميه متدخليش بيني وبين عيالي انا هعرفه ازاي يسيب اابيت كده بلطريقه دي وميعرفناش فينه
ساميه فضلت تعيط بحزن
تاني يوم الصبح في اوضه منة
منة بتتقلب لقيت جيسي وقفالها فقامت بخضه واكلمت بسم الله ايه يابنتي حرام عليكي قطعتي خلفي
جيسي برفعه حاجب لا بس قميص تاليا حلو اوي كده انك تنامي حضناه
منه بصت علي السرير وبصت لجيسي بتوتر واكملت هو
جيسي بحده من غير كدب انتي في حد في حياتك ???

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب غير مشروط)