رواية حب غير مشروط الفصل الرابع 4 بقلم لولا

رواية حب غير مشروط الفصل الرابع 4 بقلم لولا

رواية حب غير مشروط البارت الرابع

رواية حب غير مشروط الجزء الرابع

رواية حب غير مشروط الحلقة الرابعة

ادم بتنهيده طب خلاص هتنيل اروح معاكم امري لله
مالك بفرح ايوه بقي يا عم هو ده الكلام
ذياد بفرح حلو اوي احضر العربيه بقي
مالك اه يلا يا ادم بقي نلحق نروح نجهز شنطتنا
ادم قام واكمل يلا
عند باب الجامعه
منه ادم
ادم لف شافها ف راح ناحيتها
مالك بهمس لذياد بضحك ايوه محدش قده ده
ذياد بضحك ياض احترم نفسك وبطل تحفيل يا سنجل يا بائس
مالك بضحك لعلمك انا اللي مش في دماغي
ذياد بضحك اه علي يدي
ادم ايه يا حبيبي في ايه
منه بتوتر انا .. انا مش هاجي بكره الجامعه فمتجيش الكليه تسال عليا
ادم بستغراب ده اشمعنا يعني
منه بتوتر امم اصل ..اصل
تاليا بسرعه بصراحه يا دوما هي تعبانه اوي فاهمني ?? فمش هتقدر تصحي وتيجي اليومين دول
ادم بتفهم ااه طبعا فهمت خلاص وباس جبينها بحب واكمل سلامتك يا حبيبي خلاص ارتاحي اليومين دول وانا هخلي الدكتور يشيلك نسخه من المحاضرات بتاعت اليومين دول تبقي تاخديهم لما ترجعي بس ارتاحي دلوقتي
منه بحب تسلملي يا حبيبي
مالك جيه واكمل طب اي يا روميو مش يلا علشان نلحق نكلم ابوك ويصالحك ونشوف هنعمل ايه
منه بستغراب ليه عمل اي يا مالك علشان عمو زعلان منه
مالك سا
ولم يكمل شاف ادم بصصله برفعه حاجب
مالك بضحك مفيش خلاص
منه بجد بطل بواخه حصل ايه يا ادم
ادم بتنهيده ماشي يا مالك صبرك عليا وبص لمنه واكمل سيبت البيت يا منه كنت مخنوق شويه ومش حابب اقعد مع حد
منه بصدمه سيبت البيت انت من امتي بتعمل كده يا ادم وتعمل كده ليه اصلا
ادم بتنهيده اهو اللي حصل شديت مع ماما شويه المهم اللي فات مات مش مشكله انا هروح اصالحهم دلوقتي
منه بعتاب اخص عليك يا ادم بجد اياك تعمل كده تاني والله ازعل منك
مالك بضحك ضمنا انك مش هتعمل كده تاني خلاص يا برو
ادم بضحك يابني مش عايز امد ايدي عليك
مالك بضحك حبيبي يسطا
منه مالك بيه يا واد انت بتحفل عليه ليه ها
مالك بضحك الله ده انا بتكلم عن حبه ليكي انه من كتر ما بيحبك مش هيعملها تاني غلط
منه بضحك اذا كان كده ماشي وطلعت لسانها لمالك واكملت وهي بتغيظه وعلي فكره القميص اللي انت عايز تلبسه معايا
مالك انهي قميص ده ومعاكي ازاي مش فاهم
منه طلعت فونها ووريته صورتها هي وادم اللي اتصوروها وهي لابسه القميص واكملت ده
مالك بص لادم واكمل بضحك اخص علي الاخوه اديتهولها وبيعت اخوك يا ادم
ادم بضحك بيعت اخويا !!!! اوعي تفهمني غلط ده هي مهزقه كانت لابسه كت فا كنت عايزني اعمل ايه يعني
مالك بضحك اه صح فتبيع اخوك يعني انا اقولك هاخده تديهولها ماهي بقي الحب والكنتلوب وانا ابن البطه السودا ماشي يا ادم ماشي
ادم بضحك اه هي الحب والكنتلوب ريح بقي يا سنجل واقعد علي جمب
مالك بضحك لا مرارتي يلا بينا يا ذياد
ذياد بضحك يلا
ادم بضحك مبسوطه انك حرقتي دمه ياختي
منه بضحك جداا
ادم بضحك يلا هروح انا خلي بالك من نفسك وروحي طمنيني عليكي اوعي تنسي
منه بابتسامه حب حاضر
ادم باس جبينها ومشي معاهم
تاليا يلا احنا ولا ايه
منه بتوتر والله قلقانه
تاليا متخافيش لو كان طالع كان قالك اصل طلما مش طالع هيشوفك فين صح
منه بتوتر معرفش بس خايفه لاني عمري ماعملت كده
تاليا هتعدي علي خير باذن الله
منه بتوتر يارب يارب بجد واكملت باحراج وانتي يا جزمه تقوليله تعبانه بجد احرجتيني
تاليا بضحك ياستي اهو اللي جيه في دماغي فضلتي تقولي اصل .. اصل كنتي هتفضحينا مبتعرفيش تكدبي جتك نيله
منه بتوتر ده حقيقي مبعرفش وخصوصا عليه فربنا يستر دي اول مره في حياتي اروح مشوار من وراه
تاليا خير باذن الله متخافيش بقي
بعد شويه في بيت ادم
ادم دخل هو ومالك وكان في اتجاهو انه يدخل اوضته
ابراهيم بحده استني عندك يا ادم
ادم وقف قدامه فساميه حضنته بدموع واكملت كده يا ادم كده هان عليك تسيب امك ومتعرفنيش مكانك ولا تطمن قلبي يابني
ادم باس جبينها واكمل حقك عليا يا حبيبتي كنت مخنوق شويه والله وبص لابوه واكمل بتنهيده نعم يا بابا
ابراهيم ضربه بلقلم فشهقت ساميه
ساميه بدموع لالا يا ابراهيم متمدش ايدك علي ابني وواقفت ادم وراها واكملت بدموع اخص عليك يا ابراهيم اوعي تمد ايدك تاني هو مش صغير علشان تمد ايدك عليه
ابراهيم بحده اوعي انتي يا ساميه ملكيش دعوه ومتدخليش بيني وبين عياالي قولتلك كده 100 مره
ادم بحزن اوعي انتي يا ماما
ساميه بعدت ووقفت وهي بتدمع
ابراهيم بحده كبرت مش كده يا ادم ?
ادم حط عنيه في الارض واكمل بدموع مقدرش مهما اكبر اني اكبر عليك يا بابا
ابراهيم بحده لا ماهو واضح ادم اللي كان رجله تخطي البيت يعرفنا ويقولنا وانا هتاخر برا متقلقوش وبيحترم كلمتنا يسيب البيت وميعرفناش طريقه ويقفل التليفون وطوز في اهله دول عاملين ازاي من غيره
ادم بس مالك كان عارف
ابراهيم بص بحده لمالك
مالك بتوتر ايه مالك مين اللي عارف انا بقولك توقعت يااللي منك لله هتخليني كنت عارف
ادم بتنهيده يبقي توقع معرفش عموما انا كنت في بيت رامز
ابراهيم بعصبيه اه واستفدت ايه انا من توضيح حضرتك دلوقتي منتا حقك نمت وقفلت تليفونك مشوفتش الغلبانه امك وهي سهرانه طول الليل تعيط وياتارا اكل ولالا نايم ولالا بيعيط ولالا وفينه اصلا وعنيها مغمضتش
ادم بدموع انا اسف يابابا بس انا حقيقي تعبان اوي ومحدش فيكم فاهمني
ابراهيم بوجع فاهمك يا ادم زي منتا خسرت ابوك انا خسرت صاحبي واخويا بس قدر الله ومشاء فعل في بايدنا ايه نعمله غير ندعي بلرحمه
ادم بدموع وبحده : ونعم بالله بس منقولش قضاء وقدر اسمها حد قصد يعمل كده
ابراهيم بحده انت بردو مصمم
ادم بوجع ودموع وهفضل مصمم ومش هرتاح غير لو جبت حق ابويا وامي واختي بايدي يا بابا ووصلت اللي عملها بنفسي لحبل المشنقه ولو ده محصلش قول علي ابنك مش راجل
ساميه بدموع يابني يا حبيبي انت ليه مش راضي تقتنع اننا مش بنكدب عليك
ادم بدموع علشان كبرت يا ام ادم …. كبرت وعقلت وكلامكم بتاع زمان مبقاش ينفع دلوقتي ..تقدري تقوليلي املاك سليم سعد الشافعي صاحب اكبر شركات ادويه في مصر راحت فين ?? فلوسه في البنك ?? ڤيلته ?? ازاي مات ومفيش محامي طلع واعلن اني الوريث الوحيد و الشرعي ليه ?? ازاي تعب ابويا طول السنين دي فأنه يبني كيان اتبخر وكانه لم يكن لا يا امي لا ده ملعوب وملعوب كبير اوي وهعرفه يعني هعرفه بس هي مسائله وقت ومش هستني اجابتكم علي اسئلتي لاني مش هستحمل اي كدب
ودخل اوضته
مالك استني يا ادم
ودخل وراه
ساميه بدموع سمعت اللي اتقال يا ابراهيم وحلها ايه بقي دلوقتي ادم مش هيسكت … مش هيسكت وهيخلي وعدنا لسليم وساره يتخلف بسبب تمسكه بانه يعرف الحقيقه
ابراهيم بحزن كبر يا ساميه ادم كبر وبقي راجل وفعلا كلام زمان مبقاش ينفع وتنهد واكمل بس عايزك تطمني هو مش هيعرف يجيب اي دليل مين ده هو ميعرفش انه بيتحدي شخص زي الشبح عايش وسطنا بس يكاد يكون مش موجود ولا حد بيعرفله طريق اصلا وبيروح فين وبيجي منين اذا كنت انا مبعرفلوش طريق واديني بحاول اوصل لاي خيط وكان سره معايا قبل ما يتغير كده ادم اللي هيعرف
ساميه مسحت دموعها واكملت في دي عندك حق
في الاوضه
مالك طب ايه انت مسبتليش فرصه اعرفهم اننا مسافرين
ادم برفعه حاجب والله انت اصلا لسه معرفتهمش ???? لا اقفل الباب بقي كده … انا هتخمد وبيفرد جسمه
مالك قومه واكمل لا والنبي متهزرش ذياد وعمر جايين دلوقتي قوم كده واخلص
ادم عايز اي من اهلي يعني
مالك بضحك قولهم انت
ادم برفعه حاجب وليه مش انت ??
مالك بضحك انت لسه مضروب وكده فهيخافوا يزعلوك تاني فهيرضوا
ادم بحده ماتحترم نفسك يا حيوان اي مضروب دي
مالك بضحك يا عم نشوف موضوع كاريزمتك ده بعدين يلا اخلص
ادم طيب جتك الارف يخش يطمر وطلع واكمل ماما
ساميه بلفهه ايه يا قلب امك احطلك تاكل
ادم باس ايديها واكمل لا يا حبيبتي انا هروح انا ومالك وذياد وعمر دهب يومين نغير جو علشان انا مضغوط اوي
ساميه بحزن يومين ايه لا ده يومين ده كتير اوي ده انا يوم بعدت عني كنت هموت
ادم بحب والله هيعدوا هوا يا ست الكل بس انا مخنوق شويه ونفسي اغير جو
ساميه بحزن سلامتك من الخنقه يا قلب ماما وبصت لابراهيم واكملت انت شايف اي يا حج
ابراهيم بتنهيده خليهم يروحوا يا ساميه اهو يغيروا جو شويه
ساميه بحزن خلاص روحوا يا حبيبي بس خلي بالكم من بعض
مالك طلع الشنط واكمل بضحك يبقي اتكلنا علي الله جدع ياض يا ادم والله بشك انك عاملهم عمل بعض الاحيان يلا بقي الشباب تحت مستنين
ابراهيم برفعه حاجب بقي يا ابن الكلب منك ليه محضرين كل حاجه وعاملين نفسكم جاين تاخدوا رأينا
ادم بضحك هو بجد فعلا منك لله يا مالك مفيش مصداقيه خالص
مالك بضحك يا عم عارف معايا ام واب سكر مش هيزعلونا غلطت اني واثق فيهم
ساميه بضحك كُل يا واد بعقلنا حلاوه كُل
ابراهيم خلي بالكم من بعض يا ادم
ادم حاضر يابابا
ابراهيم بحزن استني يا ادم
ادم بصله واكمل نعم
ابراهيم بحزن حقك عليا يا حبيبي مقصدش امد ايدي عليك بس ده من الخوف اللي مريت بيه بسبب غيابك امبارح والله
ادم راح باس ايديه واكمل بحب ابنك وغلط يا حج يمكن انا فعلا متخيلتش ان بياتي برا هيتعبكم كده خصوصا انه مقولتش انا فين بس بردو غلطت او مغلطتش مينفعش مهما يحصل الكبير يعتذر
ابراهيم حضنه واكمل بحب ربما يحميك ويخليك ليا انت واخوك يا حبيبي
ادم بحب امين يارب ويخليك لينا يارب
ساميه حضنتهم واكملت بحب خلي بالكم من بعض اوصلوا كلموني
ادم حاضر
ونزلوا وركبوا العربيه
ادم بضحك الله انت عرفت فيها تاليا جيت
عمر بضحك ودي فيها كلام
ادم بضحك طب اطلع ياخويا اطلع
ذياد يلا بينا
في الفيلا
جيسي منا قولتك تعالي بس العناد اديكي هتأخرينا يا منه
منه خلاص والله اهو يعتبر خلاص ووقفت عدلت الدريس بتاعها كان طويل لبعد الركبه ونص كم ولونه رمادي في اسود وسابت شعرها وحطت ميكاب هادي
تاليا ها خلاص
منه اه يلا بينا
في الصالون
حاتم بستغراب علي فين هي مش جيسي بس اللي هتسافر
منه لا وانا وتاليا
حاتم اممم وده ليه انشاء الله
منه بحده وانت مالك يا حاتم هو انت ولي امري
تاليا بضحك صحيح هي هتاخد رايك ولا ايه يلا يا بنتي
منه بضحك يلا يا اختشي
جيسي بتنهيده اكيد انت اتعودت وعموما بعتذرلك بلنيابه عنها
حاتم وهو بيحاول يكتم غضبه اكمل لالا عادي يا جيسي
جيسي ماشي ياروحي باي
حاتم باي يا حبيبتي اوصلوا طمنيني
جيسي حاضر
حاتم ماشي يا منه مااشي حسابك تقل اوووي
في الاتوبيس ركبوا البنات مع بعض وكان معاهم شباب بس الشباب جمب بعض والبنات جمب بعض وكان في كابل من ضمنهم قاعدين مع نفسهم وفعلا الاتوبيس اتحرك وبدأ الكلام الجماعي والهزار اللي كان يقصده ادم ومش بيحبه
منه دقات قلبها عليت اوي واتوترت
جيسي مالك يا حبيبتي
منه بتوتر هو انا بجد خلاص مسافره
تاليا بتفهم اهدي يا حبيبتي اهدي هاا مفيش حاجه
فون منه رن في ايديها شافت انه ادم فتحت عنيها بصدمه وعملت كتم للصوت ومرديتش ترد
تاليا جمبها همست بضحك هو حس ولا ايه
منه بتوتر طب تصدقي وتأمني بايه
تاليا بالله
منه لو كان جوزي وعملت فيه كده كان طلقني
تاليا بضحك يخربيت فقرك
منه بخوف انا مرعوبه يا تاليا اول مره من يوم ماحبيته اروح مكان هو قالي عليه لا انا حتي بطلت اطلب منه اسافر لاني عارفه الاجابه
تاليا انا مش قادره افهم وجه نظره بجد
منه بتنهيده لا ركزي قدامك علي المسخره والمعاكسه والهزار وانتي تفهمي وبنبقي كلنا اوتيل واحد شباب وبنات وبنتجمع كتير وكل الجامعه فهو مش حابب كده بقي خصوصا ان في شباب مش كويسه وبتضايق البنات
تاليا في دي عنده حق بس باذن الله هتعدي المره دي وعلي الاقل لو حد ضايقك كلنا موجودين معاكي غير لما تكوني مع حاتم لوحدكم عمك بينام مش بيحس بلدنيا
منه بتوتر علي رايك وبصت علي اافون وقالت بخوف اووف انا استغبيت بجد اني مرنتش عليه لما روحت تلاقيه قلق اوي لانه منبه عليا اروح اطمنه والمشكله مش هعرف ارد دلوقتي
تاليا اهدي نوصل كلميه
جيسي كانت باصه للطريق بحزن ودموعها نزلت واكلمت يارب ساعدني بقي لاني حقيقي تعبت وقلبي واجعني اوي
في العربيه عند ادم
ادم بحده يا بنت الكل*ب يا جزمه ماشي يا منه لما اشوف وشك
مالك يابني تلاقيها نايمه
ادم نومها خفيف عمرها ماسبتني كل ده من غير رد
عمر تلاقيها بتاخد شاور او نامت وعملته سيلند اعزر اكيد في سبب هي مش هترد ليه يعني
ادم بتنهيده انا كنت بس عايز اطمن عليها اول مره متقوليش انها روحت كلعاده وبرن مش بترد
عمر اهدي يا حبيبي نوصل كلمها تاني تكون صحيت او شافت الفون
ادم هعمل كده وفونه رن وكان رامز فرد عليه
ادم ايه يا رامز اي اخبارك يا حبيبي
رامز سيبك مني انا انت ايه الدنيا معاك ومن غير كدب
ادم بتنهيده يعني انت مش عارف ?
رامز عارف واحب اسمع منك
ادم رجع راسه لورا واكمل بصوت موجوع واحشوني اوي يا رامز وتنهد بوجع واكمل اوي بجد وفكره ان حد مش عارف تشوفه يوحشك دي صعبه اوي وبتحصل وهو عايش عادي بس ممكن مع الوقت هتشوفه ولو لمره انما انا مش هشوفهم تاني للابد ومشهد واحد محفور في ذاكرتي معاهم وهما مليانين دم وبيموتوا قدام عيني و تنهد بوجع اكتر واكمل مهما تعدي السنين واضحك وافرح قادر اايوم ده بكل تفاصيله يرجعني نقطه الصفر من تاني انا اه عايش وبضحك بس جوايا وجع ونار مش هيهدوا … ومش هيهدوا شويه غير لو جبت حقهم من اللي عمل كده
رامز بحزن الله يرحمهم يا حبيبي وانا معاك في اي حاجه واي وقت تعوزني بحكم اني ظابط ولو عرفت اي حاجه اكيد هكون اول واحد يقولك ويساعدك
ادم بحب انك مصدقني دي لوحدها بلدنيا مش زي كل الناس تقولي محدش قتلهم لا انا واثق انهم اتقتلوا وحقيقي منه وانت وماما وبابا ومالك وعمر كل دنيتي ومليش غيركم اهل ربنا يديمكم ونعم السند
رامز بحب ويديمك ليا يا حبيبي اقرب وقت عايزين نشوفك بقي كليه الطب خدتك مننا خالص
ادم بحب حاضر يا حبيبي اقرب وقت والله هسافرلك اجي عندك كام يوم
رامز طب يا غالي تنور اي وقت اسيبك بقى دلوقتي علشان انا في القسم بعمل حاجه
ادم ماشي يا حبيبي ربنا معاك باي
رامز باي
مالك بضحك لا بس اسم منة اتقال قبلنا كلنا اخص
ادم بضحك ده انت واد بارد صحيح مركز معاايا ليه
عمرضحك وغمز واكمل الحب بقي هو انت هتجيبنا كلنا لمنه طب ده وقفتنا احنا كلنا معاه واحتوائنا ليه كوم وغمز واكمل واحتواء منه كوم تاني خالص
ادم بضحك حدد علشان متتهزقش علشان دول نيتهم في المريخ احساسا صح ?? انت تقصد منه احتوائها كوم لوحده علشان احساسي معاها اكيد مختلف
عمر بضحك هو مش احساسا بس …. بس مهما كان احنا صحاب وعشره وانا اللي ستره ربه مفضحوش
ادم بضحك يا ابن الجزمه حدد تقصد ايه والمصحف يفهموك غلط وغمز واكمل لم نفسك موضوعك معايا انت حر
عمر بضحك لالالا خلاص والنبي انا اقصد علشان اول امبارح يوم ذكري وفاه اهلك الله يرحمهم انت مكنتش طايق نفسك وانا عارف روحتلك الجنينه لاني عارف انك بتبقي هناك علشان اهون عليك واحتويك واكمل بضحك اكتر لقيت منه بتحتويك وواخدك في حضنها وبتطبطب فقولت لالا ياض يا عمر انت مهما تعمل مش هيكون زي الاحتواء ده
مالك بضحك الله اتحضنت يا ادم يانهار. مش فايت ضيعت شرف العيله خلاص
ادم بضحك يا حيوان منك ليه احترموا نفسكم ماشي يا عمر ماشي اللي ميزعلش
عمر بضحك ياباشا احضن براحتك بس متحطنيش في دماغك اافتره دي الله يرضي عنك سهلي الدنيا كده وخليك سالك
مالك بضحك لالالا ده الدنيا حظوظ صحيح طبيعي يعني يبقي احتواء منه مختلف
ادم بضحك والله انتوا الاتنين عايزين تتهزقوا وانا فعلا مش فايقلكم واه يا مالك فعلا احتوائها مختلف طبعا وغمض عنيه ورجع راسه لورا وابتسم بحب واكمل ده هي العوض الجميل مش عن سنين لا ده عن عمري كله اللي عدى انا معرفتش طعم حلاوه الدنيا غير لما حبيت منه … منه دي حقيقي كل دنيتي بحب فيها كل حاجه شعرها طولها عنيها كل حاجه فيها قادره تخليني اقع في غرامها فكل مره اشوفها كاني لسه بحبها من جديد بفضل ابصلها واقول قد ايه محظوظ اني عندي في حياتي ست متواضعه وجميله ورقيقه ومحترمه كده وبتعملي حساب وبتخاف علي زعلي ومقدراني كويس وصاينه غيابي قبل وجودي وشيلاني جوه عنيها وغيرت حياتها وطريقتها ولبسها علشاني فا منه مش مجرد حبيبه لا دي اخت وصاحبه وام وبشوفها بنتي الاولي دايما وحضنها ده قادر ينسيني اي وجع وزعل …. بحس براحه فعلا عمري ماحسيتها وانا معاها بس الاكيد اني مستحيل احسها مع بنت في الدنيا غيرها … اااه ده انا بحلم بليوم اللي هتشيل اسمي فيه اكتر من اي يوم تاني ونفسي ربنا يحقق دعايا ويجعلها نصيبي لانها حقيقي اختياري الصح والحلو من الايام
مالك بحب انا بجد مبهور بكلامك انا اول مره اشوفك كده بس هي منه فعلا تستاهل بت جدعه واصيله وبتموت فيك ربنا يفرحنا بيكم بجد يا حبيبي
عمر بضحك ده انت طلعت واقع واقعه سودا
مالك بضحك اه من الدور الخمسين
ادم بضحك واكتر والله هي ميوفيهاش كلام وبرغم كل الحب ده الا اني لو قلبت عليها
مالك بضحك يبقي الله يرحمها
عمر بضحك ايوه بلظبط كده قلبته وحشه اوي
ادم انا يمكن فيا مميزات كتير بس مفيش حد كامل االكمال لله وحده وانا بقي عيوبي اني لما بتعصب مبشوفش قدامي ببقي وحش اوي بجد وساعات بقول كلام يزعل
مالك بضحك عارفين انت هتقولنا محنا معاشرينك وحافظينك ومنه نفسها عارفاك وعارفه عصبيتك
عمر بضحك ايوه معلشان كده بتتجنب انها تعصبه
بعد شويه في الاتوبيس
منه بتوتر هو فاضل كتير ???
تاليا لا خلاص وصلنا اهو
منه بصدمه اي لحقنا نوصل ده انا قولت لنفسي بفكر ارجع
تاليا بضحك ايه ترجعي ربنا يهديكي يابنتي يلا ننزل
جيسي يلا منه انتي وتاليا وصلنا
وفعلا نزلوا من الاتوبيس وكل واحده شالت شنطتها ودخلوا الفندق
تاليا فين اوضتنا لو سمحت باسم چيسي كمال الشريف الحجز
الشاب اداها المفتاح واكمل اهي اتفضلي ب 4 سراير زي ماطلبتوا
صافي اه كويس احنا سوا
جيسي اه منا قولتله كده
يلا بينا
وطلعوا
الشباب دخلت اافندق وراهم علطول
ذياد حجز الاوضه اربع سراير باسم ذياد محمد
الشاب اهو اتفضل يا فندم
ذياد شكرا يلا يا شباب
مالك يلا
بعد ساعتين في اوضه البنات
منه خدت شاور وطلعت لابسه دريس ابيض نص كام وطويل لحد الركبه بلظبط وشيك جدا هو بتاع شاطئ اصلا
جيسي بحب زي ااقمر بس ليه نص كم بلاش تخنقي نفسك احنا في رحله
منه بتنهيده عيبك فاهمه الدنيا غلط هي الستره بقيت خنقه يا جيسي
جيسي بضحك بس بس انتي هتفتحيلي مواعظ ليه ربنا يهدي الجميع يا حبيبتي
تاليا امين يارب
صافي ها بقالنا ساعتين خدتوا شاور و لبستوا وفطرنا ننزل نتمشي علي البحر بقي
جيسي حاضر يلا بينا
منه بتوتر روحوا انتوا وانا هاجي وراكم
تاليا فهمت انه علشان تكلم ادم فاكملت بهمس تعالي واتمشي مع نفسك وكلميه
جيسي وهتفرق ايه ما ننزل سوا
منه خلاص يلا بينا
وجيسي دخلت لبست دريس كت ولحد الركبه طلعت حطوا ميكاب سوا وفردوا شعرهم وتاليا محجبه فالفت حجابها ونزلوا
عند الشباب
ادم لبس قميص ابيض وبنطلون كلاسيك ابيض وخلي القميص من برا وفتح اول زرارين ورش برفيوم وسرح شعره وجهز
مالك رايح فين يا دوما
ادم هتمشي شويه واكلم منه كده طولت اوي لو نايمه كل ده
مالك ماشي يا حبيبي واحنا نازلين معاك اهو استني بس عمر يخرج من الحمام
ذياد بضحك متخافش مش هنرخم عليك هنسيبك تتكلم لوحدك
ادم بضحك مش خايف يا خفيف متقدروش اصلا يلا
مالك كلمت ماما طمنتها ?
ادم اه متقلقش
وعمر طلع ونزلوا
علي الشاطئ كانت ساعه الغروب وشكل البحر مع تدرج الوان السما في الغروب وصوت الامواج كان فعلا هدوء نفسي
منه بنات هقوم انا اعمل مكالمه ها
تاليا ماشي ياروحي
وقامت منه تتمشي ولسه هتكلم ادم لقيته رن عليها
منه بحب تصدق انك بتحس بيا لسه كنت رايحه اكلمك
ادم بحده تكلميني ايه بس فينك يا منه كل ده قلقتي اهلي عليكي يابنتي مش قايلك روحي رنيلي كلعاده يا منه
منه بتوتر حقك عليا يا حبيبي من التعب روحت نمت نسيت نفسي خالص
ادم بحب الف سلامه عليكي يا حبيبي طب شربتي حاجه سخنه
منه بضحك ادم اتلم
ادم بضحك حبيبتي انا دكتور مالك في ايه
منه بضحك اه بس مش نسا
ادم ولنفترض انا مقتنع بطبيعه دراستي ان لا حياء في العلم انا مش بقولك حاجه عيب وبعدين انتي مش غريبه يعني
منه بحب تسلميلي يا نورعيني بجد انك بتهتم بيا كده بس متخافش اناا كويسه
ادم بحب لا يا حبيبي ده واجبي ها شربتي حاجه سخنه واتحسنتي ولا لسه
منه ااه متقلقش عليا كويسه
ادم بحب لو تعبانه اوي يا حبيبي قوليلي متتكسفيش وانا عارف نوع مسكن كويس مش مضر اديني عنوانك ووالله لو فين ارجع اجبهولك
منه مخدتش بالها انه قال ارجع بسبب انها اتوترت لانها بتكدب فاكملت بضحك وتوتر لا يا حبيبي مش للدرجه دي انا كويسه والله ومش عايزه اتعبك تسلملي
ادم منه انا بتكلم جد متضحكيش عادي انا دكتور وبكلمك يا ستي بصفتي دكتور اهو من غير احراج بجد عايزه اي حاجه عرفيني يا حبيبتي وملكيش دعوه
مالك بصدمه لعمر هي مش دي منه اللي واقفه هناك دي
عمر بص علي منه بعدين بص لادم بصدمه واكمل بتوتر وهو بيحاول يمشي ادم بعيد علشان ميشوفهاش : اكيد شبه يا عم مش هي يلا بينا احنا
ادم استغرب كلامهم وبص وراه اتصدم اوي انه شافها واقفه قدام البحر فعلا وراح مشي ناحيتها بهدوء مخيف
مالك بخوف اهدي يا ادم واتفاهم براحه
عمر بتوتر ادم متتسرعش
منه وهي مدياه ضهرها اكملت بحب في الفون لا يا حبيبي حقيقي انا كويسه وحياتك عندي كويسه تسلملي مش عايزه اتعبك يا نورعيني
ادم من وراها وتتعبيني ليه يا حبيبي هو انا هجيلك مشوار مثلا منتي قدامي اهو
منه اتصدمت وفتحت عنيها بصدمه ولفت شافته من صدمتها فونها وقع في البحر
منه بخوف شديد وتوتر ااادم

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)