رواية كيندرا الفصل الثاني عشر 12 بقلم حليمة عدادي

رواية كيندرا الفصل الثاني عشر 12 بقلم حليمة عدادي

رواية كيندرا البارت الثاني عشر

رواية كيندرا الجزء الثاني عشر

رواية كيندرا الحلقة الثانية عشر

بعد ما شاف كل حاجه فى الكاميرا حس بالغضب من الشخص اللي اتجرأ و حاول قتل مراته
جاد محدثا نفسه:: بغضب ممزوج بألمه لعدم استطاعته حماية معشوقته محاولا التمسك مين اللي له مصلحه في موت كيندرا…..مهما كان الثمن و اكيد هوصل للي عمل كده و ساعتها مش هرحمه
انهى كلماته متوجه لوالدته و التساؤلات و الحيرة تملأ عقله
سناء بحيرة محاولتا ان تعلم شيء
سناء:: ايه اللي حصل يا ابنى وفين مراتك.
رد بألم يعتصر قلبه و اللوم باديا على وجهه
جاد :: لما سبتلك كيندرا امانة عندك دخل حد اوضتها و حاول يقتلها
سناء بصدمه:: يا ساتر يارب ازاى ده حصل واحنا هنا طيب هى كويسه..
جاد :: وعلامات الشك باديا على وجهه دخل من البلكونة هى مش كويسه خالص دخلت في حالة انهيار عصبى.
سماح :: ازاى متخليش بالك من مرات ابنك دى كانت هتموت وانتى ولا فى الدنيا…
سناء :: اديكى قولتى مرات ابنى انت مالك انتى بقى.
سماح :: جاد يبقى ابن اخويا وانا عارفه ان اللى مزعله موضوع مراته.
جاد :: اهدوا شويه ده مش وقت الخناق..أنا هروح اطمن على حالة كيندرا و اكمل تدوير على ريم مع حسام…
*********************************************
بعد يومين اتحسنت حالة كيندرا و جاد لسه بيدور على ريم وحسام الحزن بقى صاحبه..
في الصباح على ترابيزة السفرة كان جاد بيأكلها رغم انها بقت بتقدر تاكل لوحدها.
سماح:: أنا شايفه إن مراتك بقت كويسه اهى ومش فاضل غير اننا نسمع صوتها بس..
جاد :: الحمد لله الدكتور بيقول انها دلوقتي بقت تقدر تحرك اديها وبعد فترة عقلها هيرجع يستوعب كل حاجه انشاء الله.
سناء :: الحمد لله اننا شوفناها بخير
وكملت بدموع:: وأنا لسه مش عارفه حالة بنتى ايه..
وقف حسام و قام من على السفرة بحزن شديد و خرج…
سماح :: متعرفيش تسكتى شويه اديكى زعلتيه وخرج من غير فطار..
جاد :: امي مزعلتوش أنا اكتر واحد عارف هو حاسس بأيه ولحد دلوقتي الشرطه لسه موصلتش لحاجه…أنا هروح الشركه دلوقتي عشان عمى سافر وساب كل شغله عليا هروح اخلص شويه شغل و اوراق وبعدين اروح ادور على ريم.
سناء :: دور على اختك يا ابنى اديك شايف حالة جوزها و عيالها عامله ازاي..
جاد :: متقلقيش يا ماما هلاقيها.
وقف و قرب من كيندرا وباسها فى جبهتها وقال::أنا هرجع يا حبيبتي مش هتاخر. ماما خلى بالك منها..
**********************************************
في الشركة رنا على الهاتف
رنا :: ازاى هعمل كده أنا مفيش قدامى وقت.
&;: استغلي غيابهم وبدلى الورق اللى فى الملف..
رنا :: خلاص هعمل كل اللى اقدر عليه متقلقش..
&:: خلى بالك من نفسك انتى وسط تعابين.
رنا :: متخفش مفيش حد يقدر عليا و اكيد هوفى بوعدى ليك..
سمعت صوت حد جاى:: مع السلامة دلوقتي فى صوت حد جاى.
دخل جاد لقاها بتبصله بتوتر…
جاد :: فى ايه مالك متوترة كده ليه.
رنا :: ابدا مفيش انا بس عندى شغل كتير لان سعد بيه سافر والشغل كله عليا..
جاد :: تمام خلصى شغلك.. انتى عارفه ان عمى ليه نص الشركه بس معندوش سكرتيره والشغل كله عليكى.. انا هبقى اشوفلك حد يساعدك..
رنا :: لا يا جاد بيه أنا هعرف اخلص كل حاجه لوحدي مفيش داعى تجيب حد.
جاد :: تمام هاتيلى الملفات كلها و الملف بتاع عمى كمان..
و خرج تانى..
رنا في نفسها:: لازم انفذ دلوقتي
جمعت كل الملفات وخرجت راحت مكتب جاد خبطت على الباب سمح لها تدخل..
جاد :: ها قوليلى كل حاجه جاهزة عشان الاجتماع.
رنا :: كل شئ جاهز مش فاضل غير ملف سعد بيه بس.
جاد ::: هو خلصه. لما يبدأ الاجتماع هاتيه هو طلب محدش يفتحه ابقى هاتيه من غير ما تفتحيه مفهوم..
رنا:: جاد بيه انا مبقربش من اوراق سعد بيه ابدا.
جاد :: تمام دقايق ويبدأ الاجتماع هتبقى معايا لأن حسام مش هنا.
رنا :: حاضر يا جاد بيه انا هخلص شغلى قبل الاجتماع.
خرجت و سابته يكمل شغله
في مكتب سعد دخلت تتسحب بدون صوت لحد ما دخلت مكتب سعد فتحت الملف و اخدت منه الاوراق وحطت مكانها اوراق تانيه
**********************************************
في مكان ما
& :: خليكوا مرقبينه لازم تنقذوا ريم الليله من غير ما حد يعرفكوا.
الطرف الآخر:: احنا مرقبينه كويس بس هناخدها نوديها فين.
&:: لازم ريم متعرفكوش لما تنقذوها خدروها و هاتوها قدام قصر اخوها وسيبوها وامشوا على طول..
الطرف الآخر:: كل شيء تحت السيطره متقلقش وكله هيخلص النهاردة
&؛: اتمنى ميكنش فى اى غلطه.
الطرف الآخر:: احنا قدها وقدود.
***********************************************
بعد مدة في الاجتماع خرج جاد وهو على اخره متعصب و الغضب ظاهر عليه..
جاد :: رنا ازاى ده يحصل شركة عمي خسرت كل اسهمها ومش فاضلهم الا حاجات لا تذكر ابلغه ازاى بكل ده..
رنا :: جاد بيه هو جهز ملفاته بنفسه وانت قولت انه امر محدش يفتحهم.
جاد :: مين اللى ممكن يكون عمل كده.. هقوله ايه لما يرجع..
رنا :: انت ملكش اى ذنب هو اخر واحد شاف ملفاته قبل ما يمشي
جاد :: انا همشى دلوقتي الغى كل المواعيد بتاعتي
رنا :: تحت امرك يا جاد بيه..
مشى جاد من الشركه جرت رنا على مكتبها وخرجت تلفونها واتصلت..
رنا :: تم التنفيذ خلاص.
&:: دى اول خطوة خلى بالك دلوقتى وراقبى الوضع كويس ومتعمليش حاجه من غير علمى..
رنا :: سعد هيتجنن لما يعرف أنا دلوقتي مش هعمل حاجه غير لما موضوع الملفات ده يتقفل.
&:: انتى مش هتعملى اى حاجه غير لما اقولك انا.
***********************************************
وصل جاد القصر وهو حاسس بتعب لقى كيندرا قاعده في الجنينه باس راسها وقال وهو بيقعد..
جاد :: اهلا يا حبيبتي أنا اسف انى اتاخرت عليكي بس النهارده الشركه خسرت كل حاجه. انا تعبان اوى..
بصلها وشاف الدموع في عينيها
جاد ::بتعيطى ليه ياقلبي تروح كل حاجه في ستين داهيه أنا ميهمنيش غيرك انتى وبس… يلا ندخل جوا عشان متتعبيش..
جاد :: ليش شايفك خايفه انا مش عايزاك تخافي اطمني طول ما انا موجود
مسك ايدها و دخلوا
سناء :: اهلا يا حبيبي جيت امتى..
جاد :: جيت دلوقتي. احنا خسرنا الصفقه وخسرنا اسهم كتيررر..
سماح :: يا لهوى ازاى ده حصل دنتى كنت اقوى منافس فى السوق.
جاد :: عمي جهز كل شيء في الاجتماع واتفاجات بصفقات قديمة.
سناء::: خير ان شاء الله
جاد :: ماما انا جيت بس عشان اطمن علي كيندرا.. هروح ادور على ريم و اخلى حسام يرجع البيت من الصبح مرجعش خلى بالك من كيندرا.. وبصلها وقال:: انا اسف يا حبيبتي أنا عارف انى مشغول عنك بس والله هعوضك..
************************************************كانت لسه مربوطة ولونها دبل من التعب فجاه سمعت صوت ضرب نار كتير وشويه ومبقاش فى صوت ولقت الباب بيتكسر و فى واحد مكمم دخل عليها شعرت بالخوف فقالت
ريم بصوت تعبان:: ابعدوا عنى انا معملتش حاجه
٠٠٠::متخفيش احنا جايين عشان نخرجك من هنا.
و رش حاجه على وشها خلاها فقدت الوعى وقال::شلوها
*********************************************
بعد مدة من البحث رجع جاد للقصر بتعب قابله حسام.
حسام ::هااا وصلت لحاجه.
جاد ::مسبتش اى مكان نعرفوا مدورتش فيه. انا مش عارف مين اللى خطفها وعاوز ايه..
حسام ::: انا مبقتش قادر افكر أنا هتجنن بجد.
قطع حدثهم صوت الحارس و هو بيصرخ خرجوا يجروا…
جاد :: فى ايه اللى حصل.
الحارس :: الست ريم لقناها قدام القصر عالارض.
جرى حسام من غير ما يسمع أي كلام حس ان روحه رجعت له
***********************************************
زينب :: كيندرا وحشانى اوى احنا هنروح نشوفها امتى..
خالد :: مش دلوقتي أنا عندي شغل كتير.
زينب :: يعنى مش كفايه وجعى على يوسف.. وجعي يلي تحملته
خالد ::هيبقى كويس هنروح نطمن عليه بكره بعد ما اخلص شغل.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية كيندرا)