رواية رسايل في منتصف الليل الفصل الخامس 5 بقلم ندى حسين

رواية رسايل في منتصف الليل الفصل الخامس 5 بقلم ندى حسين

رواية رسايل في منتصف الليل البارت الخامس

رواية رسايل في منتصف الليل الجزء الخامس

رواية رسايل في منتصف الليل الحلقة الخامسة

-بعد منتصف الليل
– انت واخدني علي فين
– هاخدك للمكان الي تستحقيه
– انا مش فاهمه حاجه انا مش هروح في حته
– مش بمزاجك ,حط لازقه علي بؤها يكتم صريخها ,شالها وحطها في العربيه
– بتحول تصرخ تعمل صوت مش عارفه تتحرك من الحبل الي مربوطه بيه والازقه الي علي بؤها
*في الصحراء في مكان مهجور *وقفت العربيه وفتح الباب نزلها قدام حفره
– نور بصتله برعب وبتحاول تجري مش عارفه تتحرك وقعت علي وشها حاولت تتحرك ناحيه العربيه وبدوس علي مزمار العربيه يعمل صوت في المكان
– جري وراها وجابها وحطها في الحفره وبيغطيها بالرمله ,ده مكانك وده الي تستحقيه وادى اللزقه من علي بؤقك بقي مهما تصوتي محدش هيسمعك
– والله ما عملت حاجه والله ما انا مليش ذنب ,حد يلحقني ,الرحمه فين الرحمه صدقني لو لمره واحده
– مش هسمع تاني كلامك ملوش لازمه ومتحلفيش بربنا يا فاجره ويغطيها بالرمله وهي بتحاول تاخد نفسها وصريخها بيزيد
– دفنها وساب المعدات وركب العربيه وبيتحرك
– سمعت صوت العربيه بيتحرك وكأن صوتها رجع تاني صرخت اكتر وصوتها يعلي اكتر مش عارفه تاخد نفسها مش عارفه تتحرك استسلمت لدموعها وبتقول الشهاده بنفس متقطع
****
-نزل من علي الجبل وراجع لطريقه
-في كمين واقف في الطريق كشفوا علي الرخصه وشافوا رقم العربيه والعسكري بلغ الظابط ,ونزلوا من العربيه ومشوا باقي الطريق
الظابط عمل مكالمه يتاكد من رقم العربيه الي مبلغين عليها ,تم التحفظ عليه
-خالد :عرفتوا حاجه
-مسكوا علي طريق مصر اسكندريه الصحراوي احنا قرايبين جدا منه هنبدا نتحرك
-انا هاجي معاك
-يلا
وصلوا,خالد شافه مسك فيه هي فين ودتها فين انطق البت فين
والظباط خدوا خالد بعيد والمقدم محمد بيسأل العربيه كانت راجعه منين وبيشوفوا كاميرات الطريق
-انتو لسه هتشوفوا كل ده هيكون حصلها حاجه
-انتو فعلا بضيعوا وقت كبير هي م ا ت ت اصلا
-الكل بصله بصدمه
-خالد :انت قتلتها
-لا دفنتها
-دفنتها صاحيه
– عملت الي تستاهله
– الظباط خدوا في العربيه يوريهم المكان
– خالد نزل من العربيه جري لقي كلاب ملمومين علي حاجه وبيأكلوا فيها ,خالد شاف المنظر اغمي عليه
– الظباط بيشوفوا الجثه ملهاش ملامح خالص الكلاب اكلوا كل حته في جسمها ملامحها مش باينه مش باين غير شعرها والطرحه الي كانت لابسها في نفس المكان
– بعتوا يجيبوا الطبيب الشرعي ونقلوا خالد للمستشفي واتحفظوا علي عماد ورحلوا للنيابه
*******
-ممكن اعرف حضرتك عملت اي في القضيه
– عملت المحضر وارفقت فيه كل المستندات الي معانا شات واتساب صور كل حاجه وطبعا ارفقت الرقم معاه الفكره بس ان احنا محتاجين الرقم الي اتبعتت عليه الصور لخطيبها لان انا متاكد هيكون رقم مختلف وده هنيساعدنا اسرع في التتبع ,هو اخر وصله الصور مين
– مش عارفه هو اول حاجه الي عارفته نور بعد كدا شيماء وخطيبها لا ثواني صحاب
خطيبها في الشغل الاول واخر حاجه بيتهيقلي بابها
– معني كلامك ده الي بيبعت الصور ده عارفها ميه في الميه يعني مجتش معاه كدا ده عارف دايرتها واشمعنا مبعتش لمامتها مبعتش ليكي مثلا
– مش عارفه
– تعرفي حد من صحاب خطيبها ده ناخد الرقم الي اتبعتت الصور عندهم
– انا هتصرف وهرد عليك بليل بس عايزه اقول حاجه مش عارفه ده هيفدنا ولا لا
– اتفضلي
– انا شوفت شيماء الصبح هي وياسين في مطعم مع بعض بيتغدوا وكان شكلهم قعدت تعارف اوي ولما سألتها قالتلي انه قابلته بالصدفه وكدا وكانت بتتكلم عادي وبعدين مشيت
-تمام
– بس كدا
– يعني ايه
– يعني متفاجئتش مسألتش
– بعدين بعدين
– ماشي
– ***
خرجت من المكتب وبترن علي خالد مش بيرد راحت زارت والدة نور وخلت حور تدخل تشوفها
-هي مش بترد عليا ليه واي كل الحاجات دي
– عشان نايمه حببتي والحاجات دي عشان تاكل
– بس هي بقالها كتير نايمه ماما مش بتنام كل ده وعلي طول لما بنادي عليها وهي نايمه بتصحي علي طول
– معلش حببتيي هي عشان تعبانه شويه مش هينفع نصحيها بكرا هنيجي تاني اصحيها
– ممكن تسيبيني النهارده انام في حضنها
– مش هينفع عشان السرير بياخد واحد بس
– طيب ممكن احضنها بس ونمشي
– ماشي بس براحه
– انا همشي يا ماما دلوقتي وهجيلك الصبح اصحيكي وهنمشي سوي نروح البيت عشان انتي وحشتيني اوي ومحدش معايا دلوقتي خالص عايزاكي تصحي تسرحيلي شعري وتوديني لحد باب المدرسه زي كل يوم بحبك اوي يا ماما باست ايديها وعلياء خدتها في حضنها ومشيوا سوي
– حاسه انك احسن دلوقتي
– الحمدلله ,عارفه
– نعم
– انا لما اكبر عمري ما هتصور خالص
– ليه بتقولي كدا
– عشان نور لو مكنتش اتصورت مكنش كل ده حصل
– انتي فاهمه اي الي بيحصل حور
– لا بس كل الي اعرفه ان نور اتصورت ف انا عمري ما هتصور
– حببتي مش عيب ان احنا نتصور ونوثق اللخظات الحلوه بس نحتفظ بيها لنفسنا منبعتهاش لحد ابدا مهما كان احنا بثق فيه لان محدش عارف اي ممكن يحصل فهمتي
– مش عارفه
– بصت لحور وصعبانه عليها حالتها جدا يومين قدروا يخلوا البنت تكبر 20 سنه
– ********
– علياء وصلوا البيت ودخلت نيمت حور وافتكرت حاجه
-مسكت الفون
– الو
– الو
– ازيك يا لمياء عامله اي اسفه اني برن عليكي في وقت متاخر زي ده
– علياء حببتي ولا يهمك انتي وحشاني جدا اصلا بجد
– وانتي كمان حقيقي اخبارك اي
– الحمدلله في نعمه وانتي كله تمام
– اه الحمدلله
– كنت عايزه اسألك علي حاجه معلش
– اسالي حببتي
– انا عرفت موضوع ياسين ونور
– اه بجد زعلت عليها البنت دي جدا يارب تبقي برئيه بجد عمري ما اتعاملت معاها بس عارفه انها محترمه جدا مش عارفه حصل اي بجد
– اه والله يا لمياء
– حتي انا اتكلمت مع ياسين كتير وهو راافض يتكلم خالص في الموضوع مش عارفه اعمل اي
– هو انتو اصلا شوفته الصور ازاي
– اتبعتت لينا يبنتي في جروب التيم بتاعنا
– والجروب ده لسه موجود
– تصدقي مش عارفه
– طيب بصي كدا مره
– شافت الفون ولقت الجروب اتمسح وكل حاجه اتمسحت
– مش لقيه حاجه خالص ,مش عارفه اتمسح ازاي بجد
– بس استني ممكن ألقيه مع عز عشان هو اول واحد اتبعتتله الصور
– وانتي هتعرفي تجيبي ازاي منه الرقم
– هو رغاي بس استني ان شاء الله هعرف اتصرف استني مني مكالمه الصبح
– خلاص هستناكي ان شاء الله
– قفلت معاها المكالمه وبترن علي خالد برضو مش بيرد راحت نامت من التعب
*********
– عامل اي دلوقتي يا عم خالد
– نور فين نور فين يا باشا
– البقاء لله انت راجل مؤمن وحد الله
– ماتت ,نور ماتت دي كانت معايا وفي ايدي كانت عايزه تشوف امها كانت عايزه تثبت حقيقتها ماتت ازاي ماتت ازاي بس
-وحد الله انت راجل مؤمن , الظابط خرج من الاوضه وساب خالد لوحده
– خالد قعد وبيفتكر كلام نور في ودنه (يا خالو والله بريئه ,انا بحبك اوي يا خالو شكرا انك مصدقني شكرا انك جمبي ,خالو انت عارف ااني عمري ما هعمل كدا صح ,تفتكر يا خالو انا مذنبه ,تفتكر هلحق اثبت حقيقتي ل ابويا ,انا السبب في الي حصل ل امي صح يا خالو ,والله ما عملت حاجه )وعياطه بيزيد لا اله الا الله سبحانك اني كنت من الظالمين لا اله الا الله سبحانك اني كنت من الظالمين ,والله يا نور ل اجبلك حقك وعد مني ارتاحي انتي يحببتي فراقك صعب علي قلبي يا حبيبة خالك الله يقويني الله يقويني ويصبر امك يارب
– خرج برا للظابط وبيمسح وشه هو فين
– مين
– عماد
– اترحل علي النيابه النهارده
– عايز اشوفه
– حاول تهدى انت لسهه تعبان
– لا عايز اشوفه
– اهدى يا استاذ خالد
– انهي نيابه يا باشا
– تعالي معايا انا رايح
– يلا
– وصلوا هناك وقعد في المكتب وبعتوا يجيبوا
– حاول تتملك اعصابك
– خالد شافه وعينه احمرت جامد راح ناحيته بحذر :كدا ارتاحت كدا ضميرك مرتاح,كدا قلبك هيطمن بس هقولك علي حاجه ه ح رق لك قلبك لما تعرف انها مظلومه ه ح رق لك ضميرك اكتر واكتر واوعدك هخليك تتمني الموت ومش هتلاقيه واقولك علي حاجه قرب من ودنه د م بنتك في رقبتك و ه م و ت ك بنفس الطريقه بالظبط وبأيدي انا
– الظابط وقف بينهم ورجعه علي الحبس
– وخالد مشي بيحاول يتملك اعصابه ودموعه الي سابقهه تيلفونه بيرن
– الو يا عمو طمني عليك فينك من امبارح
– ونور عامله اي
– نور ماتت يا علياء ماتت
– هي مين انت بتقول اي اكيد لا لا والله انت فين وانا اجيلك لا لا متهزرش معايا
– قفل الفون
– الو الو لا لا يا نور يا نور لا ممتش في حاجه غلط مستحيل
– دخل بابها علي صوتها وحضنها اهدي يحببتي في اي اهدي يا علياء
– نور يا بابا نور يا بابا ماتت ضحييههههه عملت اييه يا بابا ذنبها اي في كل ده فين ذنبهااااا قولي يا بابا نور
– اهدي يحببتي مش ختعز علي الي خلقها ادعيلها يجببتي بالرحمه
– لا لا ممتش متقولش كدا والنبي لا يا بابا عشان خاطري اههههههههه يا نور
– لا حول ولا قوه الا بالله هيجرالك حاجه كدا
– عايزه اشوفها عايزه اروح
– تروحي فين احنا مش عارفين حاجه اهدي وانا هوديكي
– حضنت بابها وقعدت تعيط كتير صريخها كل مره بيزيد ,عايزه اروحلها عشان خاطري اشوفها
– حاضر اهدي هوديكي ,بابها بيحاول يكلم خالد وخالد مش بيرد
– مش بيرد
– رن علي الظابط قريبهم
– سلام عليكم ازيك يا محمد
– الحمدلله يا فندم
– نور فين دلوقتي
– للاسف في الم ش رح ه والطبيب الشرعي لسه مخدناش منه تقرير الج ث ه مش مجمعنا للاسف
– لا حول ولا قوه الا بالله خلاص يبني ماشي ربنا يعينكم
– ها يا بابا
– مش هينفع نروحلها لسه الاجراءات مخلصتش مش هينفع نروح الا علي الدفنهه
– خدني وديني المستشفي
– نروح فين يا علياء
– خلاص انا هروح انا
– انا هوديكي مش هينفع تسوقي بالحاله دي
– خالد قاعد في ال م ش ر ح ه مستني اجراءات الدفنه ,لو سمحت يا باشا كفايا كدا انا عايز ادفنها كفايه كدا ده اكرام الميت دفنه مش ت ق ط ي ع ه الله يكرمك ياباشا
– وصل ابو علياء وعلياء وادخل خلي الظابط يسرع الاجراءات وميكملش وطلع تصريح دفنه واتذاع خبر وفاه نور وبدأت الصحافه تكتب وينزلوا سوشيال والخبر وصل للكل
– طلع تصريح الدفنه وخدوها يدفنوها خالد دفنها بقلبه قبل أيده صلوا عليها وعلياء بأبها نقلها المستشفي والمحامي بيسند خالد والنبي يا متر كمل الاجراءات خليك ماشي في القضيه كأنها عايشه بالظبط عايز اخد حقها روحها مش هترتاح ابدا
– المحامي حضنه شد حيلك انت وانا هكمل كل حاجه زي ما احنا متشلش هم
– عملوا العزاء والكل حضر وعلياء اصرت تحضر العزاء ولمياء جت عزتها شدي حيلك ,انا عرفت حاجه انا عارفه ان ده مش وقته بس جبتلك الرقم من عند ياسين وعز وبعتهملك من شويه
– شكرا يا لمياء الف شكر
– شيماء دخلت العزا ,قعدت علي جمب
– علياء شافتها وعينيها كلها حمرا
– اهدي يا علياء ,هي هتاخد واجب العزا وهتمشي
– جت سلمت علي علياء البقاء لله
– علياء ممدتش ايديها ,عقبالك
– شيماء بصت بصدمه وانسحبت من العزا
– حور جت حضنت علياء وساكته مش بتتكلم خالص
– خلصوا العزاء وعلياء خدت حور معاها وهي ماشيه تبات معاها وخالد قفل باب الشقه وراح ل اخته المستشفي حقك عليا اني مقدرتش احافظ عليها حقك عليا يا اختي ,قومي بالسلامه بقي الدنيا صعبه من غيرك انا لوحدي
******
– عايزه ادخل للاستاذ قوليله علياء
– حاضر ثواني
– اتفضلي
– انا جبت الارقام
– هاتي بسرعه
– بص علي الارقام لقها مختلفه عن بعض خد منها الارقام وبعتها لشخص
– الدعوي هتتحرك امتي
– هشوف التتبع بتاعت الارقام دي وهنوصل هانت ان شاء الله
– انا عايزه دلوقتي قبل بكرا انا عايزه حق نور يرجع ارجوك عشان نار قلبي تهدي
– هيرجع بأذن الله
– خرجت من عنده وهو عمل كام مكالمه وخرج كمن مكتبهه
– *******
دي كل الارقام الي اتبعتت منها الصور عايز اوصل بص من اول واحد اتخلق ومسك الخطوط دي عرف اسماء اخر حد مسك الخط ورن عليه كخدمة عملاء ولقي نفس الرقم ليه علاقه بأول رقم بعت الرسايل
الو سلام عليكم يا فندم
-وعليكم السلام مين معايا
حازم خدمة عملاء من شركة اتصالات حضرتك الرقم بتاعك 011
-لا
-البيانات الي قدامنا بتاعنا
-مش بتاعي انا بعت الخط ده من اسيوعين تقريبا شهر مش فاكر
-مين يفندم
معرفش واحد صحبي بياخد الخطوط بيبعها معرفش
– محتاجين نعرف بيانات يا فندم كدا الخط هيقف
– يقف هو كدا كدا مقفول
– نعم
– يعني قصدي انا بعته معرفش عنه حاجه
– المحامي شاور لحازم يقفل الكلام
– تمام يفندم شكرا
– الواد ده بيكدب انا عايزك تقرابه الواد ده هو الي بيبع الخطوط وبيديها للشخص عايزك تهاك الفون بتاعه
– ازاي
– دي بتاعتك بقي
– هحتاج اكلمه تاني حتي لو ثواني
– رن عليه اكد بيانات انا الي هقولك يعني
– رن عليه تاني
– ايوه
– معلش كنت عايز اعرف المده الي بعت الخط ده هبعتلك مسدج فيها بيانات الرقم اكدلي عليه بس عشان ابلغ الشركه (بعت المسدج وكان فيها لينك دخل عليه وهو بيتكلم معاه عمل هاك للفون )
– اللينك مش بيتفح
– ايوه يا فندم ثواني قولي كدا البيانات
– بقولك معرفش ي استاذ معرش قولك الحوار ده من شهرين
– خلاض يا فندم سلام
– قفل معاه وكان فعلا عمل هاك للفون وكان تيلفونه كله مفتوح علي تيلفونه
– جامد قعدوا مستنين حاجه جديده تحصل,انا ماشي واي حاجه جديده كلمني
– بعد منتصف الليل
– استني استني اسمع كدا بيرن علي حد من رقمه التاني
– الو يا زفت انا مش هجبلك خطوط تاني انتي كل شويه تعمليلي مصيبه مره رنوا علي ابويا ومره انا فكك مني انا مش عارف بتعملي اي بالخطوط دي كلها انا مش هجبلك حاجه تاني بقولك اهو ومترنيش عليا تاني
– عادي يعني ولا كأن حصل حاجه دي بيانات شركه متخافش
– شيماء بقولك اي حوارتك دي مش عليا و
*****************************
-طمني يا دكتور عليها
ادعيلها
– مفيش تحسن خالص
– ان شاء الله خير احنا ماشين علي العلاج وان شاء الله تفوق قريب
– يارب
– الفون بيرن
– استأذنك
– اتفضل يا دكتور
– رقم غريب بيرن وخالد بيكنسل
– الرقم رن تاني
– الو
– الو يا خالو انا نور و

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية رسايل في منتصف الليل)