رواية هل نلتقي الفصل الخامس 5 بقلم هاجر عصام

رواية هل نلتقي الفصل الخامس 5 بقلم هاجر عصام

رواية هل نلتقي البارت الخامس

رواية هل نلتقي الجزء الخامس

رواية هل نلتقي الحلقة الخامسة

في القاهره
مكالمه تلفونيه
مامت نيللي. ازيك يا امل عامله ايه بقالنا كتير متكلمناش
مامت كريم. وحشتيني كتير ايه اخباركم واخبار نيللي قطعتي الاتصال ليه ده انا بتونس لما تكلميني مش عارفه اعمل صداقه في أي مكان زي ما عملت معاكي
نسرين. معلش يا حبيبتي مشاغل الحياه بقى انتوا مش ناويين ترجعوا تاني
امل. صعب شغل عماد مخلينا نسافر هنا وهنا مش عارفين نستقر في حته
نسرين. غيرتوا مكانكوا بعد اسكندريه
امل. لا الحمد لله لسه فيها اهو ربنا يستر ،كريم عندكم قالي هينزل هو وأصحابه يغيروا جو
نسرين. بجد والله وحشني اوي ده لو لسه فاكر العماره وزارنا هشيله فوق راسي
امل. كان عايش عندكم على طول اتعلق بيكم اوي
نسرين. كبروا ونسيوا كل ده بقى
امل. عايزين نبقى نتقابل
نسرين. ده يا نهار ابيض يلا اول ما نيللي ترجع من اسوان هكلمك ونتقابل
امل. راحت اسوان ليه كده
نسرين. رحله في الجامعه مع اصحابها وكانت عايزه تروحها فوافقنا
امل. تفتكري بيدوروا على بعض
نسرين بتجاهل. لا لا دي رحله عاديه
امل. اكيد يا حبيبتي انا مبسوطه اني سمعت صوتك تاني مش هقطع الاتصالات اكيد
نسرين. وانا هستناكي يلا سلام
امل. سلام
في اسوان
يوسف بعد ما نور سابته قعد يفتكر هجر لبنى له وازاي اتأذى منها
فلاش باك اخر سنه في الجامعه
يوسف. لبنى حبيبتي انا لخصت الفيزيا اللي خدناها طول الترم الملخص ده هيخلي اي حد يجيب امتياز حتى لو مفتحش الماده
لبنى. تمام يا يوسف
يوسف. هنتقابل بعد الجامعه طيب عشان تاخدي الملخص
لبنى. لا لا ابعته وانا هطبعه
يوسف. ليه طب مش نازله الجامعه
لبنى. لا مش نازله انت ملخص المواد كلها صح
يوسف. ايوه
لبنى خلاص ابعتلي كل المواد مش هقدر انزل
يوسف بتعجب. اللي تشوفيه بس أنتِ مبتحضريش من اول الترم في حاجه
لبنى. بحضر يا يوسف كل المحاضرات بس مش لازم نفس الجروب بتاعك
يوسف. ممكن سلام
لبنى. سلام
بعد ١٠ دقايق بعتلها كل الملخصات اللي عملها ومبعتهاش لحد غيرها تاني يوم لقاها مع صاحبه انس
يوسف . ده ايه اللي معاك ده يا انس
انس. ملخصات يا صاحبي نينچا تدخلك الامتحان وانت حاطط رجل على رجل
يوسف. ده مين اللي عاملها
انس. بيني وبينك صاحبتي
يوسف بصدمه. هو انت مصاحب
انس. اه طالبه انضمت للجروب بتاعنا من اول الترم اتقربت مني وبقينا دايما مع بعض اي ورق أو محاضرات بنبعتها وبصراحه هي مظبطاني ملخصات جمدان
يوسف. وانت واثق في الملخصات دي
انس. جامد جدا كمان دي كل سنه امتياز يا عم
يوسف. ربنا يوفقك يا صاحبي
انس. انا وانت يا حبيبي بس معلش مش هقدر اقولك خدهم هي محلفاني
يوسف بابتسامه مكسوره. ولا يهمك يا حبيبي بحب اعمل ملخصاتي بمجهودي
انس. تمام يلا انا بقى عشان عندي سكشن
يوسف بإنكسار. اعرف صاحبك وعلم عليه يا صاحبي اوعى تتكسر هنروح لتيته والدنيا هتتحل انت عارف انها من الاول مقربه منك مصلحه انت اللي حبيتها علقتك وانت كنت خفيف انت السبب في اللي حصلك
روح البيت دخل البلكونه وهو مركز على العربيات اللي ماشيه بسرعه
ياريت لحظات الوجع دي بتمر بنفس السرعه ياريت الإنسان ينسى بنفس السرعه
الجده. ياهلا بالغالي راجع بدري ليه
يوسف وهو بيداري وشه . مفيش محستش اني احسن حاجه قلت اروح
الجده. ليه يا حبيبي
يوسف. أنتِ ليه ربيتيني اني اتعامل بالنقاء ده واني اصدق أي حد والتمس للناس اعذار
الجده. مالك بس فيه ايه
يوسف. ليه مش قادر اخد موقف ولا أقول إن كل ده مجهودي انا وإنها معايا بس مصلحه واكيد معاه مصلحه
الجده. ممكن تهدى عشان افهم
يوسف. كل السنين اللي فاتت بترتب على الدفعه بسببي انا وهي عامله بتحبني عامله إنها اقرب حد ليا معرفتش اصاحب حد في الجامعه بسببها كانت معايا في كل وقت وكل مكان خدت مجهودي وتعبي وقلبي والمشكله اني بكل حسن نيه بعتلها المنهج كله قلت مش كويسه مبتنزلش عشان عندها مشاكل طلعت مغيره الجروب بتاعها وانا معرفش
الجده. حبيبي انا مش هقولك اني مكنتش مرتاحه لها عشان ده مش وقته ولا هقولك نقاء قلبك ده غلط الناس هي اللي مؤذيه ما ينفعش نبقى زيهم يا حبيبي هي ربنا فضحها قدامك انت متفضحهاش قدام حد سيبها تعمل اللي هي عايزاه بس تقفل صفحتها ازعل عليها الوقت اللي انت عايزه ابدء صاحب اه ناقص ترم وتتخرج بس انت حد جميل ناس كتير تحب تتعامل معاك وناجح
يوسف. مش عايز ابقى ناجح بيقربوا مني عشان كده
الجده. انت فاكر يا واد انك وحش ده انت زي القمر تتخطف خطف بس انت مش بتفكر في كده ان لازم تصاحب وتحب ده غلط انت بتصاحب عشان تكوّن صداقات كتير ولما تقع تلاقي عكاز بيسندك البنات مش زي ما انت فاكر لا هما طيبين ولا قلبهم مخلص الا من رحم ربي مش كلهم وحشين ومش كلهم حلوين
يوسف. طب ليه وقعت في الوحش
الجده. مين قال إنها وحشه ممكن تبقى اطيب خلق الله بس نشأت في بيئه كده هتعمل ايه سيبها لطريقها بس اوعى تتغير
محمد. يوسف يوسف فك ايدك يوسف
يوسف. هاا ايوه ايوه انا معاك
محمد من غير تفكير حضنه. مش مضطر تضغط على نفسك حاول تطرد كل ذكرياتها اطردها من دماغك
يوسف. تعبت لسه بترجع كإنها معملتش حاجه لسه فاكراني يوسف الاهبل اللي حبها انا مبحبهاش انا محبوس في الالم اللي عيشته
طبعا مش بس عشان محبتوش دي كانت هتوديه في داهيه
محمد. الموضوع اهون من كده يا صاحبي صدقني متضغطش على نفسك
يوسف. انت مش عارف حاجه
محمد. ايدك بتنزف جامد ممكن تهدى اشرب
قام وقف كان بياخد نفسه بالعافيه
العميد انت ازاي تسرب الامتحان يا استاذ ازاي الطلبه كلهم يكونوا معاهم الامتحان
يوسف. انا مش فاهم حاجه تسريب ايه
العميد. وعلى كده بقى نجاحك كل سنه من الغش ده
يوسف. صدقني انا مش فاهم حاجه
العميد. انت متحول للتحقيق
يوسف. ليه انا عملت ايه ممكن تفهمني
العميد واعتبر نفسك محروم من دخول باقي الامتحانات
يوسف. انا مظلوم
العميد. قول الكلام ده في التحقيق
……..
محمد. الناس هتاخد بالها يا هندسه
يوسف. انا كويس خمس دقايق وجاي وراك
محمد. اللي يريحك
جميله- نور انتِ فين مختفيه ليه
نور- لا هختفي فين بس كنت بصور المكان شكله حلو اوي والمناظر تجنن
جميله- عندك حق المكان يهبل
نور- امال فين نيللي
جميله- قاعده هناك مصدومه كده مش عارفه مالها
نور- شكلها مش كويس من الصبح
جميله- تعالي نشوفها
يوسف بإبتسامه لمحمد بعد ما فاق – هتفضل صاحبي اللي ف عز ما كنت ضايع ومش عارف اتصرف كنت جمبي أنا بقيت احسن
محمد- اتمنى نكون زي الاول واتمنى تكون بخير
يوسف- شكرا على وجودك يا صاحبي
نيللي- كنتوا فين انا لوحدي هنا وانتوا بتتصوروا
نور- معلش لقينا واحده مش عايزه تقول مالها وبعدت عنها احترمنا قرارها وبعدنا
نيللي- ايه الكلام ده انا بس خايفه شويه وبعدين كلام استاذه لبنى مضايقني شويه
جميله- سيبك منها مشكلتها مع يوسف وافتكرت انك بتحبيه
نيللي- دخلت جوايا وعرفت يعني هو ايه هبل
نور- وبعدين مالها بيوسف قالها صراحة مبيحبهاش يكتبها في ورق ويوزعه عشان تعرف وشكله اتأذى منها جامد
جميله- وأنتِ ايش عرفك
نور- نبرة صوته كلامه ليها بيدل على كده هي اصلا مش مريحه محبتهاش
جميله. مريحه مش مريحه لنفسها احنا جايين نغير جو سيبك منهم
نور. عايزين نطير طيارات لما نوصل الضفه التانيه الاولاد شكلهم مبهج
نيللي. انا مبسوطه اوي
جميله. اللي يشوفها من شويه وهي دايخه ومتوتره ميشوفهاش وهي بتتنطط
نيللي. ثواني دي ماما بتتصل
نور. يا بنتي شغلى صوت التليفون ده نفسي تردي عليا مره
نيللي. اسكتي شويه، السلام عليكم ازيك يا ماما
نسرين. الحمد لله يا حبيبتي عامله ايه قلبي واكلني عليكي أنتِ كويسه
نيللي. جدا يا ماما المكان حلو اوي
نسرين. استمتعي يا روحي بس طمنيني يا نولا متسيبيش قلبي قلقان كده
نيللي. انا اسفه حقك عليا يا حبيبتي
نسرين. خلاص يلا شوفي بتعملي ايه وكلي كويس
نيللي. عيوني
نسرين. يلا سلام
نيللي. سلام
وصلنا الضفه التانيه والمركب وقفت ونزلوا
يوسف حاول يدور على اقرب صيدليه عشان جرح ايده بعد ما حس بهبوط
يوسف. معلش يا اولاد هتعبكم تعرفوا اقرب صيدليه هنا
رد واحد منهم ووصفله المكان ومشي
نور. بيشتروا الطيارات دي منين
نوح. بتحبي تلعبي بيها
نور. اه جدا
عايزين كام طياره
جميله. انت هتطير معانا ولا ايه
نوح اللي عايز، هجيب على عددنا ونقضي وقت حلو مع بعض ولا عندك مانع
نيللي. هو انتوا مبتبطلوش خناق في المشاريع بتتخانقوا على الجروب بتتخانقوا حتى السفريه الجامده دي هتتخانقوا ارمي نفسي في النيل
نوح. لا يا ست عايزينك مين اللي هيلملنا الوصفيه بس
نيللي. ارحمونا وكفايه خناق هطق منكم
جميله وهي بتضحك على شكلها. خلاص يا ستي بقى هنسكت اهو روح يا ابني هات الطيارات
نوح. اهو شوفتي مين بيجر شكل التاني
نيللي. انا اللي هروح اجيب الطيارات ده انتوا عيال مستفزه واقولكم حاجه هجيب لنفسي بس
نوح. اقعدي بس هروح انا
جميله. ما كان من الاول
نوح. نيللي ارميها في النيل متستاهلش تعيش دي
نيللي لجميله. انتوا بتتعاملوا كده ليه حاسه الخناقه الجايه هتجيبوا شعر بعض
جميله. صدقي مش عارفه بس كل ما بشوفه بحس اني عايزه اتخانق معاه
نيللي. وده ملفتش نظرك لحاجه
جميله. حاجه ازاي يعني
نور. أنتِ بتتكلمي مع مين دي مش بتفهم بالتلميحات دي
جميله. لااا مسمحلكوش انا اه مش فاهمه بس مسمحلكوش
نوح. انا جيت يلا يا شباب كل اللي عايز طياره يجي هنا
كل واحد اخد طياره وبدأ يربط الخيط فيها ويطيرها
نيللي كانت طايره بيها اللي علمها ازاي تطيرها كريم وساعدها في صنعها من أول ما كانت عصيان وأكياس بلاستيك وخيط لحد ما بقت طياره في السما مخدتش بالها أنها على الطرف وخطوه واحده لورا هتبقى في النيل
نور. نيللي حااسبي
شاب غريب نزل وراها. حاولي تمسكي الحبل ده
نيللي وهي بتحاول تطلع . مش مش شايفه حاجه اه مسكته
وصلت لارتفاع طايله الأرض برجلها خدت نفس وهي بتنهج وشكرت الشاب
نيللي. شكرا مش عارفه اقول لحضرتك ايه
الشاب .العفو على ايه
نيللي. بصدمه كريم وبدأت تتخنق نفس خنقة الحلم
اصحابها طلعوها وهدوها والولد مشي
نور وجميله. أنتِ كويسه
نيللي بعياط. عايزه امشي من هنا انا مخنوقه هنا
محمد. ممكن تهدي باشمهندس يوسف لو عرف اللي حصل هيقلب علينا كلنا
لبنى. ويقلب علينا ليه حد قال للهانم تلعب وتروح قرب النهر
نور. أنتِ معندكيش دم ليه هي يعني كانت شايفه
لبنى وهي بتشاور بإيدها ناحية النهر .كل ده ومش شايفه ليه هي عاميه
محمد بغيظ. احترمي نفسك
الشاب. ممكن تبعدوا شويه خدي الشال ده عشان متبردش
نيللي. انت السبب في خنقتي دي انا بكرهك
الشاب. ليه بس انا حتى معرفكيش
نيللي. لا تعرفني تعرفني كويس اوي كمان
جميله. نيللي احنا اول مره نشوفه أنتِ شكلك بردتي وسخنه ممكن تهدي ،احنا اسفين ليك جدا اكيد مقصدش
الشاب بإعجاب. ولا يهمك
لبنى. هو فين البشمهندس يوسف ييجي يشوف المهزله دي
محمد. يارب الصبر يارب ،ممكن يا استاذه لبنى تسيبي بشمهندس يوسف في حاله
لبنى . اولا انا مش استاذه انا مهندسه بردو ثانيا يوسف زميلي انت مين عشان تتكلم معايا كده
محمد…..
يوسف. في ايه يا شباب دي مبقتش رحله
لبنى بدلع. محدش ملتزم خالص يا يوسف كإنهم شوية عيال والاستاذ محمد كمان بيعلمني اقول ايه واعمل ايه
يوسف تجاهلها وجري ناحية نيللي وده ضايقها جدا
يوسف. نيللي انت كويسه مالك في ايه
نور بإستغراب وزعل حست من لهفته بحبه لنيللي وبتصنع الضحك. مفيش دي حاجه بسيطه حماس شباب بقاله كتير مطيرش طياره ورق
يوسف. أنتِ كويسه صح
نيللي وهي بتتعدل. اه انا كويسه جدا مفيش حاجه
الشاب . احلى شاي اعتذار بقدمه للست الغاليه دي عشان تسامحني معرفش على ايه بس مبنحبش نزعل حد
جميله. واللي فيك الخير الواحد نفسه في شاي بالنعناع
الشاب.ده احلى نعناع يجيلك مخصوص
جميله. تسلم
قامت نيللي وراه
نيللي. انا اسفه على طريقتي انا فعلا مش عارفه قلت لحضرتك كده ازاي
الشاب .لا عادي ولا يهمك المهم انك بخير
نيللي. شوفتك في الحلم
الشاب بإبتسامه. انا!! هاجي لحضرتك في الحلم ليه بس وانا اول مره اشوفك
نيللي. مش عارفه يا… هو انت اسمك ايه
الشاب. مراد
نيللي . اسمك حلو يا مراد، المهم انا شفتك في احلامي انا كنت بدور على صاحبي
مراد. كريم
نيللي. عرفت منين
مراد. اول ما شفتي وشي قلتي كريم هو انت شبهه
نيللي بحزن. مش عارفه ،يلا نرجعلهم

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هل نلتقي)