رواية من نظرة حب الفصل الثالث 3 بقلم الكاتبة الصغيرة

رواية من نظرة حب الفصل الثالث 3 بقلم الكاتبة الصغيرة

رواية من نظرة حب البارت الثالث

رواية من نظرة حب الجزء الثالث

رواية من نظرة حب الحلقة الثالثة

بالليل في الحارة الشعبية
كانت نسمة في المطبخ هي وملك بيحضروا العشا طلعوا بالاطباق وحطوها علي السفرة
ملك : يعني اداتك العنوان
نسمة : ايوة انا كنت كاتباه في ورقة عشان منساهوش
ملك : طب وهتروحي امتي
نسمة : انا هروح بكرة وشوف لو هيقبلوا بظروفي اشتغل من بكرة حتي
ملك : وهي ايه الظروف دي
نسمة : ما قولتلك هما عاوزيني ابات عندهم وانا مش هقدر اسيبك لوحدك ابدا
ملك : خلاص بقي ي نسمة انتي شيلتي كتير اوي اشتغلتي وانتي عندك لسة يدوب 15 سنة عشان تقدري تربيني وحتي مكملتيش تعليمك عشاني انا مش هقبل اني اقف في طريقك تاني
نسمة : ايه الكلام دا ي ملك انتي عارفة اني بعتبرك بنتي مش بنت عمي وفعلا انتي من مسؤولة مني انا وانا مش هسيبك الا لما اتطمن عليكي واسلمك للراجل اللي هيقدرك ويحافظ عليكي لاخر العمر
ملك : بس ي نسمة
نسمة : مبسش ي ملك اوعي تقولي الكلام دا والا قسما بالله ما هكلمك تاني وكملت بدموع انا بعمل كدة لاني بحبك ومستحيل اسيبك انا كان نفسي اشوفك حاجة حلوة واهو انتي بقيتي مدرسة وشاطرة مش مهم انا بقي
ملك حضنتها : انا اسفة مكنتش اقصد ابدا اني ازعلك انا بس حاسة اني تعبتك معايا بس براحتك بقي لو عاوزة تتعبي انتي حرة
نسمة : اه عاوزة اتعب متتدخليش انتي ويلا نتعشي وننام عشان شغلك وانا هبقي اروح البيت دا واشوف الست هانم لو رضيت اهلا وسهلا ولو مرضيتش الشغل مبيخلصش
ملك : يلا بسم الله
🥀🥀🥀🥀🥀🥀🥀🥀🥀🥀🥀🥀🥀🥀🥀
في القصر كان مالك قاعد علي سفرة الاكل اللي كانت مليانه اكل من كل الانواع وجمبه حمزة ومكة قاعدة قبالهم وثريا قاعدة في مقدمة السفرة
ثريا : اومال فين زين مش من عادته يعني انه ميكونش موجود
مالك : تلاقيه روح اصل هو كان تعبان
ثريا بقلق : ايه اللي تعبه
مالك : متقلقيش ي امي كان دماغه مصدع بس
ثريا : لسة بردوا مش ناوي يسكن معانا
اتكلم حمزة : انا ومالك بنكلمه في الموضوع دا كل يوم كل شوية يقول مسيره في يوم هيتجوز وهو مش عاوز يتقل علينا اكتر من كدة
ثريا : طب استنوا عليا ايه الكلام اللي الواد دا بيقولوا هو كدة كدة هييجي بكرة انا هتكلم معاه وي انا ي هو
مكة بضحك : بدال ماما حطت الحكاية في دماغها يبقي مش هتسكت الا لما تخليه يعيش معانا
مالك : صحيح ي حمزة هي البنت اللي كنت ودتها المستشفي عملت ايه
حمزة : اسكت ي مالك دي مجنونة اكيد اول ما شافتني جمبها في المستشفي صرخت الدكتور دخل وهداها بالعافية تقولش انا اللي عملت فيها كدة
مالك : ايه اللي كان عندها
حمزة : الدكتور قال ان دا من قلة الغدا بس بعد اللي عملته ادلها مهدئ وقال انه جالها انهيار عصبي وهي في المستشفي خلوها هناك تحت الملاحظة
ثريا : طب مفيش حد من عيلتها جالها
حمزة : هي قبل ما يغمي عليها قالت ان والدها مات وسابها لوحدها فاظن ان مالهاش حد
مكة : ايه رايك اروح معاك بكرة لو كنت هتروح لها
حمزة : اكيد هروح غصب عني كمان انا اللي ودتها ولازم اروحلها بكرة واشوف لو هتخرج
حمزة : اه انتوا عملتوا ايه في الاجتماع
مالك : اكيد اخدنا الصفقة وبشروطنا كمان انت عارف ان مفيش حد يقدر يرفض
ثريا : ربنا يخليكم ي ولادي ويحرسكم
مكة : الحمدلله انا هقوم بقي
ثريا : ي بنتي انتي مكلتيش حاجة
مكة : انا شبعت والله ي ماما
🥀🥀🥀🥀🥀🥀🥀🥀🥀🥀🥀🥀🥀🥀🥀
فوق في اوضة مكة
كانت لسة هتتصل بصحابها لكن قاطعها وصول رسالة فتحتها واستغربت من اللي فيها
(ازيك ي مكة )
مكة : مين الاهبل دا
وصلت رسالة تانية (عيب انك تشتميني علي فكرة)
قامت بسرعة من مكانها واتلفتت حوليها لكن ملقتش حد
وصلت رسالة تانية (متتلفتيش كتير حوليكي لانك مش هتلاقيني)
مكة بعتت له : انت مين
الرسالة (واحد معجب)
مكة : انا قولت انه مجنون من الاول انا كنت ناقصة مجانين في حياتي
الرسالة (مجنون بيكي ي مكتي)
مكة : بقولك ايه انا تعبانة ومش ناقصة هبل بلوك ي ظريف
الرسالة (انتي مفكرة لو عملتيلي بلوك مش هقدر اكلمك تاني)
مكة : اللهم طولك ي روح بقولك ايه ي عم روح استظرف علي وحدة تانية
عملت له حظر من غير ما تشوف رده كانت متوترة من اللي حصل دا
مكة : انا كنت ناقصة العبيط دا كمان انا اللي فيا مكفيني طلعلي دا منين ان شاء الله انا مش هفكر كتير انا هنام وبكرة يحلها الف حلال
🥀🥀🥀🥀🥀🥀🥀🥀🥀🥀🥀🥀🥀🥀🥀
في الناحية التانية
كان قاعد بيضحك عليها وبيفكر في كلامها
_ اكيد نامت انا متاكد دي احسن حاجة فيها مهما حصل حوليها ميهمهاش المهم انها تنام وترتاح والدنيا تولع دا شيئ ميخصهاش متقلقيش ي مكتي هنتقابل وقريب اوي ووقتها مش هخليكي تنامي زي ما بتعملي معايا
🥀🥀🥀🥀🥀🥀🥀🥀🥀🥀🥀🥀🥀🥀🥀
تاني يوم الصبح صحيت نسمة هي وملك وجهزوا فطار وقعدوا يكلوا
نسمة : انا همشي دلوقتي بقي اشوف حكاية الشغل دا وايه النظام
ملك : انتي متاكدة من العنوان ي نسمة
نسمة : اه الورقة اهي عيناها عشان متضيعش
ملك : طب انا هقوم بقي عشان الحق شغلي
نسمة : طب كلي الاول كويس
ملك : انا اصلا مليش نفس ومش عاوزة اتاخر عن الشغل
نسمة : طيب انا هقوم اشيل المواعين والبس واروح اشوف كدة هشتغل ولا لا

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية من نظرة حب)