رواية جراح لا تنسى الفصل السادس 6 بقلم أماني السيد

رواية جراح لا تنسى الفصل السادس 6 بقلم أماني السيد

رواية جراح لا تنسى البارت السادس

رواية جراح لا تنسى الجزء السادس

رواية جراح لا تنسى الحلقة السادسة

لماذا تصر على جراحى لماذا تزيد من الآم قلبى آلام . ألم يكفيك ما انا فيه لتزيد من الجراح جراح لمتى سوف اتحمل
مؤمن: ايه اللى انت قلتله ده من امته وانت بتجرح الناس كده
عرفات: مالكش دعوه يا مؤمن ولو سمحت مره تانيه ماتشيلش الألقاب بينكم
مؤمن: هو انت بتغير
عرفات: اغير ايه انت عبيط بس بلاش تجرأها علينا
مؤمن: اعتقد انها ماتخطتش حدودها معاك ولو تخطت انا راضى
عرفات سمع كلام مؤمن حس بنار جواه
يعنى ايه لو تجاوزت معاك احنا في شركة مش نايت كلاب اى تجاوز او تعاملات غير رسمية يبقى بره الشركه
مؤمن : حاضر يا عرفات وسابه ومش
عرفات بقى نار ماشيه فى جسمه مش عارف يعمل ايه
هو ممكن يتعامل معاها بره الشركه
أه ممكن وايه يمنع خصوصا ان مؤمن مش بتاع نسوان واكيد هى اخدت بالها ايه اللى انا بهببه ده
خرج عرفات مكتب منتهى ملقهاش قاعده على مكتبها
اتخض من فكره انها ممكن تكون سابت الشغل ومشيت خالص اتصل بالامن بالغوه انها مخرجتش خرج مكتبها مره تانيه لقى شنطتها قعد على الكرسى المقابل لكرسى مكتبها لحد ما جت وكان باين عليها اثار البكاء
منتهى تجاهلته خالص ومسكت ورقه وقلم وبدات تكتب فيها حاجه
عرفات قاعد بيبصلها ومش عارف هى بتكتب ايه ولا بتعمل ايه
خلصت مره واحده الورقه وناولتهاله
عرفات: ايه ده
منتهى : اتفضل اقراها
عرفات شاف كلمه استقالة قام اتنطر من مكانه
ومين هيوافق بقى عليها
حضرتك اللى هتوافق ولو موافقتش هوديها لمؤمن بييييه يوافق عليها
عرفات: مؤمن مايقدر يعمل حاجه من غير مايرجعلى
منتهى : وانا مصممه على الاستقالة او تنقلنى من المكتب ده انا رافضه اشتغل مع حضرتك
عرفات: ولزمتها ايه حضرتك بقى والهانم عايزه تتنقل مكتب مين مؤمن صح
منتهى : عرفات بيه لو سمحت انا ماسمحش بتلميحات حضرتك دى ده أولا وثانيا ممكن اتنقل اى قسم تانى لكن شغل هنا لأ. ثالثا بقى اعتقد ان مؤمن بييييه صاحب حضرتك وحضرتك ادرى منى باخلاقه
عرفات: انا عارف اخلاق مؤمن يا منتهى وماعنديش نسبه شك ١٪ فى اخلاقه
منتهى بدموع متحجره : لكن طبعا انا اللى عندك شك فيها وفى اخلاقها ولسه هتكمل
عرفات: ابدا والله. ابدا يا منتهى مافكرتش كده
منتهى : مدام منتهى يا عرفات بيه
عرفات: لأ منتهى وعرفات بس
منتهى : نعم وده معناه ايه بقى إن شاء الله
عرفات: مش لازم تسالينى لأنى فعلا مش عارف انا عرفات عرفات بس وقام قرب منها وباس راسها حقك عليا لو فهمتينى غلط بس صدقيني انا مقصدش اللى فهمتيه انا مش عايزه هو اللى ياخد عليكى
منتهى : يا عرفات بيه مايصحش لو سمحت ابعد
عرفات: اولا عرفات عرفات بس ثانياً جوايا حاجه بتقولى انه حقى وانا واثق انك حاسه بنفس احساسى اوعى تنكرى ده
سكتت منتهى ومابقتش عارفه ترد او تعمل ايه خايفه تقوله انه جوزها حبيبها وان من حقه كده واكتر من كده كمان بس خايفه عليه نفسها تترمى فى حضنه وتقوله انا مراتك مراتك ام ابنك افهم بس عنيها بتتكلم بتترجا عينه انها تفتكرها زى قلبه
قطع تواصلهم البصرى دخول هاله عليهم
هاله بصتلهم بصت شك : هو فى حاجة ولا ايه
عرفات: لا ابدا يا هاله تعالى ندخل المكتب
دخلت هاله المكتب وهى بتبص لمنتهى بصت شك وردتهالها منتهى بنظره لا مبالاة
ممكن افهم الوضع اللى شفته بره ده ايه
عرفات: وضع ايه مش فاهم
هاله : قربك من السكرتيرة بالمنظر ده
عرفات: هاله الزمى حدك ايه كنتى قفشتينى قبل كده مع السكرتيرات ولا ايه
هاله: مهو عشان انا عارفه انك مالكش فى الجو ده فبسالك
عرفات: البنت كانت تعبانه وبتعيط فكبيعى اسالها اذا كانت هتعرف تكمل اليوم او تروح بيتها
هاله: ومن امته ده بقى
عرفات: هو ايه اللي من امته عمرك شفتينى بتعامل مع حد مريض اصلا وحش ولا كان حد من السكرتيرات تعب قدامك وشفتينى بكلمهم ازاى نها الطريقة دى مابحبهاش وبعدين انتى مش كنتى هنا انبارح وقولتى عملالى مفاجأة ايه انهارده كمان مفاجأة
هاله : لأ انا بقيت ازهق من قاعدة البيت فقلت اجى تشوفى شغل هنا فى الشركه ممكن ابقى مديره مكتبك والبنت اللى بره دى انقلها اى قسم تانى
عرفات: لأ طبعا منتهى هتفضل في مكانها وانتى هتفضلى فى البيت احنا لما اتجوزنا اتفقنا إن مافيش شغل وانتى كنت موافقه
هاله : بس انا زهقانه وانت بتوحشني
عرفات: افرضى كنت موظف حكومي في شركه مثلا كنتى هتقوليلى نفس الكلام هاله انتى عارفه انى مبرجعش في كلامى ومره تانيه مافيش خروج من البيت غير باذنى انا عدتها امبارح مش هعديها تانى
هاله : بصتله بغيظ ماشى يا عرفات حاضر مع السلامه وسابته ومشيت وخرجت بره لمنتهى
هاله : بلاش خيالك يا حلوه يصورلك حاجات مش هتحصل
منتهى : انا مش بتخيل ولا برسم احلام
هاله: قصدك ايه
منتهى : ماقصديش حاجه بس طريقتك معايا غير مقبولة بالمره
هاله : طيب هجبهالك على بلاطه يا حلوه عرفات مش بتاع سكرتيرات وخصوصاً لو متجوزين مالوش فى الحرام ها
منتهى : مدام هاله التزمى الادب معايا وانتى بتتكلمى يا اما صدقيني هدخل لعرفات بيه واقوله طريقتك معايا انا مش فاهمه فى ايه
هاله : جو التسبيل والنظرات والافلام اصلى دخت اصل ضغطى وطى اصل وفصل الحركات دى مفقوسه اوى
منتهى : فعلا طيب كويس انك قولتيلى عشان ادور على الحركات اللى مش مفقوسه واعملها
هاله : اظهرى وبانى على حقيقتك بقى انك راسمه عليه
منتهى بصتلها بقرف ودورت وشها
راحت هاله مسكتها جامد من دراعها لما اكلمك بصيلى
منتهى زقت دراعها : الحركة دى لو اتكررت تانى هدخل لعرفات بيه واعرفه انتى امبارح طلبتى منى ايه احسنلك ابعدى عنى والتخاريف بتاعتك دى خديها معاكى وعن ازنك عندى شغل وسابتها وقاعدت تكمل شغل
بصتلها هاله بغيظ وسابتها ومشيت وحلفت لتدبرلها مصيبه
عدى اليوم في الشغل بدون احداث جديده ومنتهى سحبت الاستقالة بتاعتها قبل
دخلت لعرفات عشان تعرفه انها خلصت شغلها وماشيه
منتهى : عرفات بيه
عرفات: برضه يا منتهى
منتهى ضحكت بخجل عرفات انا خلصت شغلى وماشيه حضرتك عايز حاجه تانيه
عرفات: لأ انا كمان خلصت استنى اخدك فى طريقى اوصلك
منتهى : لأ مالوش داعى
عرفات: اسمعى الكلام بس
منتهى : لأ طبعا مايصحش الموظفين يقولوا ايه
عرفات: وهما هيعرفوا منين مايمكن رايحين اجتماع بره الشركه وطبيعي تبقى معايا
منتهى : تمام بس هتنزلنى في اقرب مكان
عرفات: موافق يلا بينا
خرجت منتهى مع عرفات وركبوا العربيه
ساد صمت فى الطريق الى ان وقف عرفات بجانب الطريق مره واحده
عرفات: منتهى تتجوزيني
منتهى : افندم حضرتك بتقول ايه
عرفات: نتجوز يا منتهى زى ماسمعتى
منتهى : حضرتك متجوز ومافتكرش مراتك توافق
عرفات: ماهى مش هتعرف
منتهى : افندم
عرفات: هنتجوز عرفى
منتهى بصتله بصدمه وعيطت ونزلت من العربيه وهو نزل يجرى وراهت
عرفات: منتهى اوقفى نتكلم بس انا اسف لو كنت استعجلت في كلامى بس انا مش قادر حاجه بتشدنى ليكى غصب عنى ارجوكى ماتدخليش الشغل في كلامنا دلوقتي سواء وافقتى او رفضتى
منتهى : انت متعود بقى على كده
عرفات: والله أبدا معاكى بس حاسس اني عايز افضل جمبك واقرب منك اكتر ارجوكى افهمينى انا عمرى ماكنت كده مع حد
منتهى بصتله بدموع ومش عارفه تنطق تقول ايه تقوله فوق انا مراتك واللى يحصل يحصل بس لو قالتله هيصدقها ولا هيقول كدابه ونصابه
منتهى :
ياترا قرار منتهى ايه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية جراح لا تنسى)