رواية حضن بنكهة القسوة الفصل الحادي عشر 11 بقلم حنان حسن

رواية حضن بنكهة القسوة الفصل الحادي عشر 11 بقلم حنان حسن

رواية حضن بنكهة القسوة البارت الحادي عشر

رواية حضن بنكهة القسوة الجزء الحادي عشر

رواية حضن بنكهة القسوة الحلقة الحادية عشر

بعدما قولت ل سند ابن عمي
ان الذاكرة رجعتلي
وقلتلة …
اني مازلت مش فاهمة حاجة؟
لان مازال في حلقات مفقودة
من الحقيقة
فا بدء سند
يسردلي القصة كاملة
وصارحني بالحقيقة المرة
وقالي…
الحكاية بتبدء
من يوم ما عمي (والدك ) مات
وانتوا اكتشفتوا بعدها
انه كتب ثروتة كلها لامك…(زوجة عمي)
وعمي ساعتها عمل كده
لسببين
اولا..لانة كان بيثق في عقلية واتزان مراة عمي( امك)
وحسن ادارتها للامور
وثانيا..
لانة كان عارف..
ان امك هي الوحيدة
الي هتحافظ علي حق التؤام المعاق
( شادية وشادي) ..
ومش هتسمح لحد ياخذ حقهم
المهم..بعدما سعاد اختك اكتشفت
ان ابوكي..
اتنازل عن ثروتة كلها لامك
وكتب لها جميع املاكة بيع وشراء
عقلها طار
وكانت هتولع الدنيا
لولا انتي يا اماني
وقفتي لها
وقلتي لها ساعتها..
ان ابوكم حر في مالة
يهبة لامنا … او لاي حد
ملناش اننا نعترض
وفهمتيها ان ابوها..
خاف علي حق التؤام المعاق وده حقة
وقلتيلها كمان…
يا سعاد ابونا جوزني انا… وانتي
…وعمل لكل واحدة فينا بيت
ومكنش مخلينا ناقصنا اي حاجة
والدور دلوقتي علي اخواتك..
الي لسة منعرفش مصيرهم هيكون ايه
وطبعا سعاد اختك مقطنعتش بكلامك
ومن اليوم ده
بدات سعاد تغل منك انتي وامك
والي زاد من اشتعال النار في قلبها
لما امكم فضفضت مع سعاد
وقالتلها..
انها بتدور علي عروسة لشادي
وكمان عرفتها…
انها ناوية تكتب جزء من الميراث للتؤام
ومن هنا كانت بداية الحرب
الي اعلنتها سعاد علي الجميع
وبدات سعاد تفجر شرها
هنا وهناك
واول حاجة فكرت فيها
هي انها تخلص من التؤام المعاق نهائي ..
قبل ما امكم تنفذ الي ناوية عليه
وفعلا…
قتلت سعاد اخواتها بدم بارد
وحدفتهم من علي السطح
وبانت الحكاية علي انها حادثة
عادية
حدثت بعدما اتنين من المعاقين
االقوا بنفسهم من فوق السطح
لكن..
عشان ربنا يكشف سعاد
وقع في ايد امك
(فيديوا )
كان شادي بيصورة في اخر لحظات من حياتة…
و عرفت امك من خلال الفيديوا
ان الي قتل التؤام هي (سعاد)
وطبعا امك عقلها طار بمجرد ما شافت الفيديوا
وراحت علي سعاد
وهي … زي المجنونة
وطبعا امك يومها واجهت سعاد
وهددتها بانها هتبلغ عنها ومش هترحمها
فما كان من سعاد
الا انها احتجزت امها ..
عندها في البيت
وطحنت بعض من حبوب الهلوسة
ووضعتهم في شوية عصير
وغصبت علي امك لغاية ما تناولتهم
وده عشان
سعاد كانت عايزة
تبين ان امك …
بتخرف …وتهلوس
وتبان مجنونة امام الجميغ مجنونة
فا محدش يصدق كلامها
وفي نفس التوقيت
فضلت سعاد تقنعك وتفهمك
ان امك فقدت عقلها
والاخطر من كدة…
انها وهمتك
باانها شافت امك بعنيها..
وهي بترمي اولادها التؤام
من علي السطح
وانتي للاسف صدقتي..
ان امك قتلت اولادها…
(شادي.. وشادية)
وطبعا انتي اقتنعتي ..
لان امك كانت بتتصرف
بجنون
وبيصدر منها تصرفات بدون عقل
زي مثلا..
لما كانت بتجري في الشوارع
بملابس مكشوفة
وشعرها منكوش
وهي ..بتقول…
هي الي قتلت شادية وشادي
وطبعا حالة امك كانت بتدهور اكتر
كل ما سعاد بتزود الحرعة
وللاسف
انتي لما صدقتي سعاد
كرهتي امك ….
وبقيتي تقسي عليها
وبقيتي تعامليها علي انها مجرمة
والي زاد من غضبك وقهرتك ساعتها
ان امك كانت المجرمة الوحيدة
الي مكنش ينفع تبلغي عنها
وهنا استوقفت سند
والدموع مغطية عيني
بعدما عرفت اني ظلمت امي
وقلتلة…
يعني امي طلعت مظلومة؟
يلهووووي…
يا ويلي من عقاب ربنا
انا معلمتش شوية في امي يا سند
دنا بهدلتها …وذلتها
وكل ما كنت بفتكر انها قتلت شادية…. وشادي
كنت بزيد في قسوتي علي امي
وزاد بكائي
لما افتكرت قسوتي عليها
وفضفضت لسند
وقلت…
غصب عني قسيت عليها يا سند
سعاد خلتني اشوف امي شيطان ادامي
لدرجة اني دخلت امي دار
مسنين قذرة
عشان تتبهدل فيها
وبعدما امي اتوسلتلي عشان اخدها من دار المسنين
فا ..دخلتها مصحة نفسية عشان تتبهدل اكتر
انا ازاي جالي قلب ا عمل فيها كده؟
هو كنت ربنا عشان احاسبها؟
دنا حتي… لما اكتشفت انها اتنازلت لي عن ممتلكاتها
كلها
قلبي مرقش لها
ولا حتي نسيت الي هي عملتة لحظة
وهنا جه دور سند عشان يوقفني في الكلام
وقالي..
اهو موضوع انها اتنازلت ليكي عن الميرات ده
هو الي فتح عليكي انتي كمان
طاقة جهنم
اصل امك ساعتها عملت كده
عشان
تعاقب سعاد
بحرمانها من الميراث
لانها قتلت اخواتها
بس سعاد لما عرفت المعلومة دي
فهمت انك انتي الي خططتي لكدة
عشان تستحوذي علي الميراث كلة لنفسك
وكانت ناوية
انها تطعن في الاوراق الي المحامي فاجئها بيها
وتقول… ان امك فاقدة للاهلية
لولا… ان امك كانت هربت ساعتها من المصحة
وبعتت لسعاد
الفيديوا
الي كانت بترمي فيه اخواتها
من علي السطح
وده كان بمثابة تهديد لسعاد
انها لو طعنت في اوراق التنازل
هتقدم الفيديوا للنيابة
وهنا وقفت سند تاني عن الكلام
وقلت..
ايوه فعلا
ايامها سعاد جتلي..
وطلبت مني
اني اقسم الاملاك الي امي كتبتهالي
عليا …وعليها
لكن انا رفضت
لاني ساعتها كنت ناوية ارجع لامي كل حاجة
بمجرد ما تخف وتخرج من المصحة
لكن امي هربت من المصحة
ومن يومها معرفش طريقها فين
وهنا كمل سند سرده للخقيقة
وقالي…
سعاد مفهمتش يومها
انك كنتي ناوية ترجعي لامك املاكها
لا ..دي فهمت
انك اخدتي منها كل حاجة
وخلصتي من امك بعد ما اودعتيها المصحة
وسعاد كانت كانت بتحقد عليكي ساعتها
لانها كانت شايفة
انك انتي بقي معاكي المال… والاولاد..
وكل شيئ
وهي ربنا مرزقهاش بالاولاد
والميراث كمان ضاع ..
و فقدت كل شيئ
وعشان كدة
سعاد يومها قررت تدمرك
واول حاجة عملتها
انها شككت في اخلاقك…
واتهمتك انك امراة لعوب
وسلوكك منحرف
وفضلت تسرد الاكاذيب
والاشاعات …هنا وهناك
لغاية ما جوزك طلقك
ولما سعاد اتاكدت
من موضوع طلاقك
طلعت اشاعة جديدة
وهي…
ان زوجك طلقك
عشان اكتشف خيانتك
مع السواق بتاعك
وياريت سعاد اكتفت بكدة وبس
دي كمان فهمت بناتك
انك اطلقتي من ابوهم
عشان تتجوزي السواق
وقالتلهم…
امكم هتضيع ميراثكم علي السواق
وطبعا بناتك هبة… وعزة
كانوا افظع من سعاد في الطمع
وشافوا ان السواق هياخد الي وراكي والي قدامك
وهما هيطلعوا من المولد بلا حمص
فا فكروا في مكيدة
ليكي ولاخوهم معاذ
وبداؤا ينفذوها
واول حاجة عملوها
انهم فهموا معاذ ابنك
انك حامل من السواق بتاعك
وابوه طلقك لما شك فيكي
وطبعا بناتك كانوا عارفين
ان معاذ دمة حامي
واول حاجة هيعملها لما يسمع المصيبة دي
انه هيقتل السواق …وممكن يخلص منك انتي كمان
وهو ده الي هما كانوا عايزينة
لاان لو البنات خلصوا منك انتي ومعاذ
التركة هتبقي من نصيبهم هما
لكن الغريبة
ان معاذ لما سمع كلامهم
مصدقش ولا كلمة
وكدبهم..
وبدل ما يثور عليكي انتي والسواق
ضرب اخواتة الاتنين علقة موت واتهمهم بالكدب
وطبعا سعاد لما لقت الدنيا هديت
وابنك نصفك ووقف في صفك
مسكتتش… وقررت سعاد
تشعلها من جديد
وجابت تقرير من الطبيب بالفلوس
يثبت بانك حامل في شهرين
وانتي كنتي مطلقة من فترة اكبر من كدة بكتير
ولما معاذ اتاكد بالدليل انك حامل فعلا..
جن جنونة
وفضل يبحث عن السواق في كل مكان
عشان يتاكد
ان كان السواق ابوا الجنين فعلا ولا شخص تاني…
قبل ما يتهور و يقتلة
لكن السواق كان اختفي
وملقاش معاذ ادامة
غير انه يطلع غيظة فيكي انتي يا اماني
وساعتها
قرر انه يطفي نارة و يغسل عارة
بايدة
وفي التوقيت ده
كانت سعاد طلعت اشاعة جديدة
فا بعد ما السواق اختفي
قررت سعاد انها تخترع بطل جديد
في رواية انحرافك المزيف
وادعت ان كمال جوز عزة..
كان واحد من الرجالة الي بتعرفيهم…
ووارد برضوا يكون الحمل منه
والكدبة الجديدة دي
اخترعتها سعاد
عشان تزيد من جنان عزة عليكي
بسبب جوزها الي بتموت فيه
وتزيد من جنان معاذ علي امة .. وشرفة… وسمعتة
الي بقوا في الوحل
واثناء ما كان معاذ بيبحث عنك زي المجنون
ومش عارف يوصلك
افتكر انك ممكن تكوني
مستخبية منه في بيت عمك
فا جاني وسالني عنك انتي وجدتة
فا قلتلة ..
انا مشوفتش زوجة عمي
ولا امك
من مدة ومعرفش هما فين دلوقتي
وسالتة
وقلت..
لكن …
انت بتدور علي امك لية؟
هي مش عايشة معاك في البيت؟
فا رد معاذ بغضب
وقال…
امي هربت بعد الاشاعات الي طلعت عليها
هي والسواق بتاعها
ولا انت عايز تفهمني
انك مسمعتش الاشاعات الي مالية البلد عن امي؟
فا رديت علية
وقلتلة…
اديك قولت بنفسك انها اشاعات
يعني لازم تتاكد الاول من الحقيقة بنفسك
وقبل ما معاذ يرد عليا
جه لمعاذ رسالة مجهولة علي الموبيل بتاعة
طيرت عقلة اكتر
وبقي زي الثور الهايج
فا اخدت منه الرسالة
وقرائتها
وكان مكتوب فيها
التالي…
امك دلوقتي مع عشيقها الجديد…
بيمارسوا الحب بعيد عن عيون الناس (في المقابر)
ومتخفش العشيق الجديد مش غريب
ده كمال جوز اختك
لو عايز تتاكد من المعلومة
روحلهم حالا في المقابر
هتلاقيهم هناك
طبعا انا بعد ما قرات الرسالة
حاولت اهدي في معاذ
واقوله…
اكيد الي بعت الرسالة حد قاصد يوقع بينك وبين امك
لكن…
معاذ مرضيش يسمعني
وراح علي المقابر
وللاسف انا كنت ساعتها بهدوم البيت
وعلي ما لبست وروحت وراه
علي المقابر
عرفت اني وصلت متاخر
لاني…
لقيتة لوحدة
وانتي مش معاه
لكن…
لاحظت …ان في ايدة اله حادة
ولما بصيتلة لقيت عنية كانت زايغة…
ومش مركز….
وجسمة كلة كان بيترعش
فسالتة..
قلت…فين اماني؟
فا كدب عليا يومها
وقالي…
انا جيت ملقتهاش..
يظهر انها مشيت قبل ما اجي
وللاسف انا صدقتة
لكن عرفت انة كان بيكدب
لما انتي ظهرتي بعدها بفترة
وقولتي…
انك فوقتي ولقيتي نفسك في المقبرة
قولت…يعني الطفل الي في بطني دلوقتي ابن مين؟
كمال ؟ ولا السواق؟
وانا حملت ازاي اصلا؟
وهنا رد سند
وفاجئني با اجابة غير متوقعة
وقالي…
انا كمان لما سمعت كلام معاذ كنت هتجنن …
ومكنش فارق معايا
ان كان الجنين
الي في بطنك ابن كمال ؟..ولا… السواق؟
وكل الي كنت بفكر فبة
هو اني انزل الجنين الي في بطنك
وخصوصا ان الحمل كان مازال في اولة
وكنت ناوي لما الجنين ينزل..
ابقي اخد كام شعراية من كمال
جوز بنتك
واعملة تحليل حمض نووي
ولو مطلعش كمال هو ابو الجنين
يبفي ابوه هو السواق
وفعلا روحت لدكتور متخصص في حالات الاجهاض..
الي بتتعمل في السر
وقلتلة اني عايز اعمل لواحدة عملية اجهاض
بدون ما هي تعرف
فا قالي..انه مينفعش يعمل العملية
قبل ما يعملها شوية تحاليل
وطلب عينة من دم المريضة
عشان يجهز الحالة للعملية
فا اخدت عينة من دمك وانتي نايمة
بدون ما تشعري
وسلمت العينة للدكتور
وقلت..
قلت…تمام
كمل؟
قال…تاني يوم لقيت الدكتور بيتصل بيا وبيقولي..
انة فحص عينة الدم
واكتشف حاجة خطيرة
قلت…اكتشف ايه في عينة الدم بتاعي؟
قول…
فا رد سند
وقال. ..
الدكتور اكتشفت
ان …لا كمال ابو الجنين … ولا السواق ابوه
قلت…
قلت…يعني اية
قال…يعني انتي مطلعتيش حامل اصلا
قلت…استحالة انا مش مصدقة الي انت بتقولة ده
لان الدكتور الي سعاد اخدتني عنده اكد اني حامل
فا رد سند وهو بيبص لشخص ورايا
وقال…
تعالي قوليلها احنا عملنا لها كام تحليل
لغاية ما اتكدنا ان مفيش حمل فعلا
وفي اللحظة دي
بصيت ورايا بسرعة
عشان اشوف سند بيكلم مين؟
وفي اللحظة دي
اتفاجئت ب……..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حضن بنكهة القسوة)