رواية كسرة أمي الفصل الثاني 2 بقلم منار رضا

رواية كسرة أمي الفصل الثاني 2 بقلم منار رضا

رواية كسرة أمي البارت الثاني

رواية كسرة أمي الجزء الثاني

رواية كسرة أمي الحلقة الثانية

– !معملتيش حاجة يا سلمى، بس عوزاكي تهدي تعرفي تهدي.
– ‏اهدى ازاي بس أحمد سابني ونزل ومعرفش رايح فين والمغرب قدامه ساعهة ويأذن ياريتني ما روحت هناك.
– ‏اهدي بس كدا وانا 5 دقائق واكلمك.
” دخلت لماما المطبخ ودار بينا حوار بسيط اوي”.
– أمي حبيبتي.
– ‏ايه يا نونا.
– ‏ينفع اطلب طلب ؟.
– ‏على حسب الطلب.
– ‏عوزاكي تعزمي سلمى وأحمد يفطروا معانا النهاردة.
– ‏يا بنتي ومقولتيش من بدري ليه طب نخليها يوم تاني.
– ‏لا يا ماما علشان خاطري النهاردة.
“بصتلي بأستغراب ف حكيتلها ملخص للي حصل معاهم ف قالتلي جمله جميلة زيها”.
– اطلعي لأبوكي يتصل بأحمد يجيبه وانتي اتصلي بيها خليني اكلمها رمضان بيحب اللمة ولقمة هنية تكفي الدنيا يا حبيبتي.
– ربنا يخليكي لينا يا ست الكل.
– ‏بابا حبيبي
– ‏سمعتك يا قردة هاتي موبايلي اتصل بيه.
” دار حوار طول مليان رفض من أحمد علشان مش عاوز يحي فجأه وبابا يقوله والله لتيجي مش هفطر غير لما تيجي تفطر معانا وانتهت المكالمه “.
– قالك ايه يا بابا؟
– ‏هيرجع ويجي عندنا نفطر سوا.
– حبيبي يا بابا.
” رجعت اتصل ب سلمى تاني وانا مبسوطه “.
– جهزي نفسك بقى أحمد هيجي تحت البيت وتعالي معاه.
– ‏أجي معاه فين؟.
– ‏عندنا هنفطر سوا.
– ‏هو وافق يعني؟.
– ‏اه بابا قاله خلاص.
” عارفين الفرحة اللي خارجة من القلب دي كانت فرحتها حست انها مش لوحدها حواليها ناس بيحبوها وفعلًا احنا بنحبها، قفلت معاها ولبست فستان بسيط ولفيت طرحتي واستنيتهم “.
– منار تعالي نرص الاكل يلا.
– ‏تسلم ايدك يا حبيبتي.
– ‏الأكل هيعجبهم.
– ‏طبعًا يا ماما نَفسك جميل زيك.
– ‏طب يلا نحط الأكل فاضل ١٠ دقايق زمانهم طالعين.
” مكملتش كلامها ولقيت الباب بيخبط وكانت سلمى وأحمد فتحت البيت بسرعة لقيتهم قدامي شيلت النونو حبيبي وبوسته وبعدين سلمت عليهم ودخلنا كلنا قعدنا على السفره”.
– أنا مش عارف اقولك ايه يا عمي والله.
– ‏متقولش هو مش انا ابوك زي ما بتقول؟.
– ‏يعلم ربنا انت بالنسبة ليا ايه ربنا يباركلنا في عمرك.
– ‏بيتك يا حبيبي.
– ‏متحرمش منك يارب.
” لمة بسيطة على السفرة تملى البيت حب معرفش ليه الناس تعادي بعض ليه نعمل خناقة وزعل! هل احنا ضامنين عمرنا؟ لا طب ليه بس ياربي “.
– عاوز اتكلم معاكم شويه بما اننا أهل.
– ‏اتكلم يا إبني.
– ‏أنا عملت كل حاجة في الدنيا علشان امي تحب سلمى خليتها تعمل كل حاجه علشان بس اشوف امي مبسوطه وبرضو محصلش، امي عاوزاني اتجوز حد على مزاجها بس انا بحب مراتي والله وعمري ما شوفت منها غير كل خير دا أنا شوفت منها حنية معشتهاش مع حد غيرها بوست ايد امي ورجلها علشان بس ترضى عنها وتسيبني اعيش معاها بحب مرضيتش بغبائي قولت اخدها ونروح نفطر معاهم بس امي طردتها كتفتني يا عمي والله حسستني اني قليل اوي قصاد مراتي مش عارف اجيب لها حقها بس اعمل ايه اتخانق مع امي يعلم ربنا حاولت، دلني اعمل ايه وانا والله هعمله.
– ‏قول بسم الله قلوبنا ملناش عليها سلطان يا حبيبي
مراتك ست جدعه بمية راجل واقفه جنبك ومستحمله عاوز تسيبها لمين امك اه لكن مراتك دي ملهاش غيرك اوعى يا إبني تيجي عليها ولا تكسرها ود امك وروحلها وسيب مراتك في بيتها خليها معززه مكرمه اوعى تكسرها تاني اللي عاوز يجي بيتك ينور وانا واثق أن مراتك هتشيله على راسها واللي مش عاوز يبقى شيل دا من دا يرتاح دا عن دا ربنا يوفقك في حياتك ويرزقك يرزقهم يارب.
“بصيت على سلمى لقيتها بتعيط وقام احمد باس راسها وايديها بحب “.
– حقك على راسي يا بنت الناس حقك والله على قلبي اول واخر مره دا إنتي مقامك عندي غالي اوي.
– ‏فداك يا حبيبي.
” اليوم دا كان معجزه بالنسبه ليهم في حياتهم كل حاجه بقت حلوه الاتنين مبسوطين كل يوم تطمني أن كل حاجه احسن بينهم كل يوم بحس أن احمد بينسى أو الموضوع بيتلاشى من دماغه عايش بس يبسطها وهي كذالك “.
– منار انا عاوزه اقولك حاجه مهمه.
– ‏طب يلا قولي.
– ‏لا هستناكي تيجي نقعد سوا.
– ‏هلبس واجيلك.
” لبست هدومي وشديت طرحتي ونزلت من البيت وطلعت العماره بتاعتها وفتحتلي الباب وهي مبسوطه اوي “.
– يارب دايمًا ضحكتك على وشك.
– ‏ادخلي يا وش الخير.
– ‏خير يارب.
– ‏انا حامل.
– ‏بجد؟.
– ‏اه والله أنا بقالي فتره تعبانه عملت تحاليل لقيت اني حامل في شهرين ونص.
– ‏ياربي على الخبر الحلو استني ازغرط.
” فضلت ازغرط كتير من فرحتي بيها ربنا جميل وعوضه جميل والله واتفقنا نعمل خطه علشان نبسط احمد وجهزنا كل حاجه وجبنا شوز صغننه وجهزلتها كل حاجه علشان متتعبش ونزلت روحت “.
– احمد فرح اوي.
– ‏الحمدلله.
– ‏تعرفي أنا كنت هعيط لما عرفت بس رد فعله بسطني اوي.
– ‏عمل ايه؟.
– ‏مسك ايدي وباسها ونزل حضن بطني بحب وباسها وقالي ربنا عارف اني بحبك ف قال يزود بينا موده وحب مبروك يا ست البنات.
– ‏ربنا يبارك فيه ويخليكوا لبعض.
” عدت الايام والشهور وسلمى بقت حامل في الشهر الخامس تعبت جدا ومبقتش قادرة حتى تخدم نفسها بقيت ارجع من الشغل اروح لها اشوفها لو محتاجه حاجه واروح بس جينا في يوم لقيتها بتقولي ام احمد هتيجي النهارده حطيت ايدي على قلبي بس قولت يارب تكون هديت بس انا كنت فاهمه غلط”.
– اهلا يا ماما نورتينا.
– ‏بنورك يا حبيبي.
– ‏اهلا يا ماما ازيك.
– ‏متقوليش ماما أنا مش امك مش ناقصه قرف.
– حاضر.
– قولي يا احمد مراتك هتولد امتى؟.
– أربع شهور بإذن الله.
– ‏عرفت هي حامل في ايه؟.
– ‏بنت يا حبيبتي.
– ‏خلاص تسميها على اسمي.
– ‏حاضر هنتكلم أنا وسلمى في الموضوع دا.
– ‏تتكلم مع مين يا حبيبي لا فوق كدا مين دي علشان تتكلم أو تقرر اصلا دي بنتك تسميها برلحتك.
– ‏بس دي امها برضو لازم توافق.
– ‏انا موافقه يا احمد معنديش مشكله اهم حاجه طنط تكون مبسوطه.
– ‏دا مش بمزاجك يا حبيبتي اوعي تفتكري أننا هنعمل حاجه بمزاجك انتي هنا خدامه فاهمه.
– ‏فاهمه.
– ‏بس هي مش خدامه هي مراتي وتعيش فوق راسي بعد اذنك يا امي لو هتيجي بيتي تهيني مراتي يبقي بلاها أنا هجيلك لحد عندك.
– ‏بتطردني؟.
– لا يا حبيبتي دا بيتك وامشي انا منه بس متجيش تهزقي مراتي قدام عيني لإني مش تسمح.
– ‏مش هتسمح! للدرجادي الهانم لحست دماغك روح يا احمد قلبي وربي غضبانين عليك.
– ‏ليه كدا ياما دا أنا معملتش حاجه غير اني بحاول اراضيكي.
– ‏تراضيني روح منك لله.
” لمت شنطتها وخرجت من البيت وساعتها عيون احمد غمضوا كتير كتير اوي محستش قد ايه لاني مكنتش قادره حتى اقوم من مكاني من وجعي وصدمتي فتح عينه بعدها وبصلي وابتسم”.
-هنزل اجيب عشا وشويه تسالي والنهارده هنسهر مع بعض مفيش شغل بكرا انا هاخد اجازه.
– ‏ماشي يا حبيبي.
“قومت وضبت البيت بسرعه جهزت فيلم رومانسي وجهزت المكان اللي هنتفرج فيه جهزت هدوم لابني عشان يستحمى عشان يقدر ينام بس مقدرتش اكمل تاني وشويه لقيت احمد بيفتح الباب والضحكه ماليه وشه “.
– تعبتي نفسك ليه كنت هروق أنا.
– ‏فداك يا حبيبي.
– ‏طيب يلا هصلي العشاء علشان نسيت اصليها.
– ‏وانا هقوم احمي الواد.
– ‏لا أنا هحميه سبيه وارتاحي.
– ‏بلاش علشان متتعبش نفسك أنا هقوم.
– ‏انا مرتاح كدا ارتاحي انتي يا حبيبتي.
– ‏تسلم ايدك يارب.
” قام اخد الواد ودخله الحمام يستحمى، خلص وجيه قدامي وهو لافف الواد في فوطه وبينشف شعره وعمالين يهزروا شغلت الفيلم واستنيته يجي جنبي بس هو خلص اللبس وبصلي اوي بتركيز “.
– سلمى.
– ‏ايه يا بابا.
– ‏انتي عارفه أنا بحبك قد ايه؟.
– ‏اه يا حبيبي طبعا.
– ‏لا مستحيل أنا بحبك اكتر مني عارفه أنا نفسي تعيشي عمرك كله مبسوطه أنا بحبك اوي والله بحبك اوي.
– ‏وانا بحبك اوي يارب دايما مبسوطين.
– ‏تعرفي يا سلمى أنا كان نفسي اشوف بنتي اوي.
– !‏هتشوفها يا احمد في ايه.
– ‏ولا حاجه هقوم ادخل الاوضه واجي.
– ‏هاجي وراك.
” كان سابني ومشي ناحيت الاوضه وقف قدام الشباك وبدأ يتنفس بصعوبه وانا رجلي وجعتني من الوقفه ف قعدت على السرير وريحت ضهري وقف على الكرسي قصاد الشباك في سلام “.
– عارفه يا سلمى امي دي بتكرهني اوي مستحيل ام تحب ابنها تعمل فيه كدا.
– ‏طب انت بتعمل ايه؟.
– ‏هشيل الستاره دي.
” شال الستاره كلها وفتح الشباك بص على الشارع ورجع بصلي تاني “.
– انتي اجمل حاجه شوفتها خلي بالك من نفسك ومن العيال.
” وفي لحظه لقيته بيحط رجله على الشباك وبيميل بجسمه في الشارع ملحقتش اقوم ألحقه ملحقتش أشيل نفسي من على السرير شوفته قصاد عيني بيقع من الشباك وعنيه مليانه حزن شوفت قلبي وهو بيتكسر مليون حته على حبيب عمري جريت ابص عليه لقيت واقع وسايح في دمه من صدمتي بقيت اعيط في صمت بصيت تاني لقيت مكان ايده فا بدأت اصوت زي المجنونه وانزل جري على السلم جريت بسرعه اكني روحي تحت وانا فوق “.
– يارب يكون عايش يارب يكون كويس يااااارب.
– ‏منار احمد كويس صح.
“مسكتها بايدي الاتنين وحضنتها “.
– اهدي براحه.
– ‏سبيني اشوفه والنبي هو كويس أنا عارفة.
– ‏اهدي طيب وهسيبك تشوفيه حد يطلب الإسعاف.
” ‏كل الناس اتلمت وهو كان فايق قربت منه بحزن”.
– ليه كدا يا حبيبي فوق والنبي اوعى تسبني ليه كدا بس.
– ‏خلي بالك من نفسك.
” غمض عيونه وبدأت تصوت اكنها روحها اللي ماتت الإسعاف جت وشيلناه جواها ركبت عربيتنا معانا وروحنا وراه المستشفي بابا كلم اهله وعلى ما وصلنا المستشفي كانت أمه هناك وكأنها عارفه ومجهزه هتقول ايه”.
– منك لله يا بعيده منك لله موتي ابني.
– ‏كفايه بقى كفايه حرام عليكي بتعملي فينا كدا ليه ابعدي عني.
” الدكاتره اخدوه بسرعه علشان يلحقوه بس هو طلب امه وعلى ما دخلت كان الظابط فوق رأسه احمد مسك ايد امه بضعف “.
– أنا السبب ياما أنا اللي عملت كدا في نفسي.
– ‏انت اللي رميت نفسك؟.
– ‏اه مليش حاجه اعيش علشانها تاني.
” وغمض عيونه بس المره دي للابد ”
– مبسوطه باللي حصل راضيه وقلبك مرتاح موتي ابنك بجحودك ردي عليا مبسوطه وانتي مموته حبيبي أنا عمري ما هسامحك ابدا.
تمت

لقراءة باقي حلقات الرواية اضغط على : (رواية كسرة أمي)