رواية بإسم قانون الحب الفصل السابع 7 بقلم نشوة عادل

رواية بإسم قانون الحب الفصل السابع 7 بقلم نشوة عادل

رواية بإسم قانون الحب البارت السابع

رواية بإسم قانون الحب الجزء السابع

رواية بإسم قانون الحب الحلقة السابعة

– لازم تنفذ اللى طلبه منك ي محمد دى فرصتك عشان تاخد عنده بوينت ويأمنلك ويعطيك كل اسراره
محمد بصدمة: يعنى ايه ي طارق بيه انت عاوزنى اعمل فيك كده بجد!
طارق بضحك: لا طبعا اكيد مش هت*قتلنى بجد يعنى احنا هنعمل تمثيلية كده وكده
محمد: ازاى بقى؟
طارق: يعنى زى الافلام والمسلسلات كده ي محمد اهدى انت بس وانا هظبط الدنيا وانت هتكون ع التنفيذ وبس
محمد: تمام …طب رقية عاملة ايه طمنى عليها؟
طارق: بخير الحمدلله وف امان اطمن متقلقش
محمد: ايوة بس لو نفذت كلامك هى مش هتكون بأمان ولا حاجة لان كمال هياخدها غصب ويتجوزها
طارق بتفكير: امممم تمام متقلقش محلولة برضه سيبها لله وبكرة بعد ما اظبط الدنيا هكلمك
محمد: تمام ي باشا
قفل طارق ورن ع رقية كان الوقت متأخر ..رقية: الو ي طارق بيه حضرتك برة؟!
طارق: لا ي رقية انا هاجى دلوقتى اسمعى انتى بتعرفى تسوقى موتسيكل؟!
رقية باستغراب: ايوة بس ليه؟!
طارق: حلو بصى بقا هيجيلك واحد من رجالتنا دلوقتى بأوردر ع انه بتاع دليفرى هيكون معاه لبس زى بتاعه هتلبسيه وتنزلى تركبى الموتسيكل وتطلعى ع اول الشارع من ناحية اليمين هتلاقينى مستنيكى
رقية: طب ليه كل ده؟!
طارق: اعملى بس اللى قولتلك عليه ولما نتقابل هفهمك
رقية: طب ما تيجى تاخدنى انت؟
طارق: ي رقية الله يهديكى اسمعى الكلام انتى ناسية ان رجالة كمال بيراقبوكى ولولا رجالتنا اللى بيحرسوكى كان زمانهم اخدوكى من زمان
رقية بخوف: تمام ماشى
قفل طارق وجهز الملابس واتصل ع شخص يبان كجسم وجول زى رقية ووصل عندها لبست ونزلت ساقت ومحدش من رجالة كمال ولا الحرس حتى عرفها وصلت ع اول الشارع ولقت طارق بانتظارها
رقية: هو ف ايه ي طارق بيه ايه جو المغامرة والاكشن ده ؟
طارق: بصى ي رقية انا هاخدك دلوقتى ع اسكندرية عند جدتى هتعيشى معاها كام يوم وانا مفهمها كل حاجة هتكونى بأمان عندها
رقية: طب ليه؟!
طارق: عندى مأمورية مهمة هتاخد منى وقت الله اعلم اد ايه وخلال الفترة دى انا هحاول اتواصل معاكى فون
رقية: تمام فهمت
طارق: الحمدلله انك طلعتى بتفهمى
رقية برفعة حاجب: والله قصدك انى مبفهمش!
طارق بضحك: لا ي سيتى بهزر معاكى الله
رقية: ماشى ي فندم
ف نفسها : مالك ي رقية فوقى لنفسك مينفعش تحبيه انتى فين وهو فين مستحيل يبص لواحدة زيك أبدا هو بيساعدك لحد ما يقفل قضية كمال وبعدها مش هتشوفيه يعنى كلها مسألة وقت
طارق: انتى ي بنتى مالك سرحانة ف ايه؟
رقية: ابدا اصل بفضل السكوت اكتر من الكلام
طارق: امممم ماشى
بعد وقت وصل طارق وعرف رقية لجدته واستقبلتها بود ولطف كبير وبعدها استأذن ومشى
ف اليوم التالى ف مكتب طارق: ها ي ايهاب فهمت هتعمل ايه؟!
ايهاب: تانى انت خنقتنى ي عم انت قولتلك كل ده سهل خلصنا بقى
طارق: طيب خلص واعطينى الاوك عشان اكلم محمد يعمل حسابه
خرج ايهاب ونفذ كل كلام طارق وعطاه الاوك وكلم محمد وعرفه بالخطة ..طارق: عاوزك بقا تكلم كمال تعرفه انك هتعمل اللى قولتلك عليه
محمد: تمام
قبل ما يرن محمد ع كمال لقاه هو بيتصل محمد بابتسامة: حلو انها جات منك انت ..فتح: الو ي كمال بيه
كمال: ايه ي محمد مجيتش النهاردة الشغل يعنى تعبان ولا ايه؟!
محمد: لا انا منمتش طول الليل بس كنت بفكر ف حاجة وهعملها
كمال: حاجة؟ حاجة ايه؟!
محمد: هتعرف بعدين النهاردة كمان ساعة بالكتير هتعرف
كمال: طب ما ترسينى بدل ما الفضول هيمو*تنى كده!
محمد: اخدت بنصيحتك وهخ*لص ع الواد الظابط ده
كمال بخبث: عفارم عليك بس ازاى؟
محمد: ازاى دى بتاعتى ي كمال بيه عن اذنك لازم اتحرك دلوقتى
قفل محمد ومسك كمال فونه ورن ع شخص ما : الو محمد نازل دلوقتى مش عاوزه يغيب عن عيونك لحظة وتصور كل حاجة بيعملها فاهم
الشخص: اوامرك ي باشا هو نزل اهو عن اذنك
مشى محمد لعند بيت طارق اللى كان روح وعمل نفسه بيفك الفرامل وقام نفض هدومه واستنى بعربيته لحد ما نزل طارق ووصل عند مكان عالى ع جبل المقطم وقبل ما العربية تقع نزل بسرعة ووقعت العربية وانف*جرت
لف محمد وشه ورجع ع الشركة عند كمال …كمال: ها ي محمد عملت ايه؟!
محمد: ي خبر دلوقتى بفلوس كمان ربع ساعة هيبقى ببلاش
انتشر خبر وفاة طارق ع السوشيال بسرعة البرق ولما شاف كمال الخبر قام حضن محمد : والله ما يجيبها الا رجالها
محمد: عاوز رقية
كمال: اكيد هنجيبها بس اهم حاجة تهدى ومتنفعلش عليها او تمد ايدك
محمد: امال عاوزنى ايه اخدها بالحضن!
كمال: لا هتجوزها ليا زى ما اتفقنا اوك
محمد: تمام
رفع كمال السماعة وكلم واحد من رجالته: ها لسه الحرس عندك؟!
الرجل: لا ي باشا مشيوا من ساعة تقريبا كلهم
كمال: حلو اطلعوا وهاتوا رقية
الرجل: حاضر ي باشا
طلعت رجالة كمال ع الشقة وكسروا الباب واتفاجئوا ان مفيش حد هناك فاتصلوا ع كمال: كمال بيه الهانم مش موجودة ي باشا
كمال بغضب: نعم مش موجودة يعنى ايه امال راحت فين يعنى دوروا عليها ف كل مكان وتجيبوها والا هاخد انا روحكم واحد واحد
محمد بغضب: هو فيه ايه؟!
كمال: رقية مش هناك؟!
محمد: يعنى ايه مش هناك امال هتكون راحت فين انت مشغل معاك ايه به*ايم
كمال بنرفزة: انا مش ناقص منك كلمة هيلاقوها حتى لو ف بطن الحوت رقية دى بتاعتى ملكى وهلاقيها وهتجوزها برضاها او غصب عنها
محمد: اما تلاقيها ابقى كلمنى
كمال: ع فين؟!
محمد: راجع ع البيت اعصابى تعبانة
كمال: تمام وابقى تعال بكرة ف ميعادك عشان محتاجك ف شغل مهم
محمد: اشطا ي باشا سلام
عند رقية كانت بتقلب ف بوستات الفيس وشافت خبر وفاة طارق الفون وقع من ايدها وفضلت تصرخ وبتعيط بهيستريا
زينب جدة رقية: بسم الله الرحمن الرحيم مالك ي بنتى ف ايه؟!
رقية بانهيار: طارق…طارق راح خلاص طارق م*ات ي تيتة
زينب: بعيد الشر عنه متقوليش كده
رقية: والله مش بكدب ي تيتة انا عاوزة اروحله ودينى ليه عشان خاطرى
دخل طارق: لا مش لازم تروحيله هو هيجيلك بنفسه
رقية بصدمة: ط…طارق
قالت جملتها الاخيرة واغمى عليها وووووو..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بإسم قانون الحب)