رواية حب غير مشروط الفصل التاسع والعشرون 29 بقلم لولا

رواية حب غير مشروط الفصل التاسع والعشرون 29 بقلم لولا

رواية حب غير مشروط البارت التاسع والعشرون

رواية حب غير مشروط الجزء التاسع والعشرون

رواية حب غير مشروط الحلقة التاسعة والعشرون

ادم من وراهم اكمل ابني انا
كلهم بصوله بصدمه
كمال بعصبيه انت دخلت هنا ازاي يا حيوان وابنك ازاي يعني انت اتجننت
حاتم اتصدم ان شهد معاه واكمل شهد انتي جيتي هنا ازاي
شهد بدموع وسخريه هتفرق معاك كتير جيت او مجتش /? فرحتك كانت هتقل او تزيد ?? انا اصلا كده كده مش فارقه عندك مبروك يا حبيبي انا جيت بس اعمل الاصول وابارك بس المفروض جايه علي خطوبه وبصتله بشماته واكملت العروسه حامل ازاي ياروحي
كمال بحده مين دي كمان
منه بدموع مراته يابابا
تاليا بصدمه مراته !!!! وكنتي عارفه !!! وكمان حامل !! ورايح تخطب ياشيخ ينعل ابو الرخص
شهد بدموع لا ده هو رخيص كده من زمان ومتعود علي الرخص ورايحه تمشي مسكها حاتم واكمل بحده شهد استني ارجوكي افهم منه حامل ازاي علشان هطين عيشه اهلها بجد ولما نروح بيتنا هفهمك
شهد بعصبيه ودموع انت تطلقني وتنساني خاالص بلا بيتنا انت مجنون ولا عبيط ارجع معاك ازاي يا بيه بعد ماخطبت وانا علي ذمتك
كمال بحده مش وقت مشاكلك انتي وجوزك دلوقتي خااالص ممكن تهدوا وبص لمنه واكمل بعصبيه انتي حامل ازاااي انطقي انا مش مصدق الواد ده .. ده اكيد كدااااب ردي علياااااا فهمينيي
حاتم كان مصدوم فيها واكمل بعصبيه ليه عملتي كده يا منه ليه تكسرينا بلشكل ده مش كفايه جيسي وهمس بدموع بصوت منه بس سمعته واكمل والله كنت هسيبك ليه بس اللي عملتيه غلط وميصحش يا منه كسرتي ضهرنا وثقتنا فيكي وحطينا شرفنا في الارض وفوق كل ده رخصتي نفسك
منه بعياط حاتم لا متفهمش غلط والله انا مش وحشه كده
ادم ضحك بسخريه واكمل كمان بتبرري موقفك !!! لا برافو ياروحي خطيبك بردو وبص لكمال واكمل بحده منه مراتي علي سنه الله ورسوله مش حامل في الحرام ومش ادم سليم الشافعي اللي يقرب من ست مش حلاله وبص لحاتم واكمل مش زيك احنا يا حاتم بيه
حاتم بحده نعم مراتك ازاي يعني
تاليا بحده يعني مراته وشرعا وقانونا وبقيت ام ابنه دلوقتي كمان
شهد بصتله بسخريه واكملت بدموع ايه احساسك بقي والبنت اللي انت عيشت تفضلها عليا وتسم بدني وتنيمني مقهوره بسببها واللي بتخرف باسمها وانت معايا حامل ومتجوزه غيرك وطارت منك
حاتم بعصبيه شهد انتي مش فاااهمه اي حاجه ممكن تسكتي خااالص وانا لما نروح هفهمك
كمال ضرب منه بلقلم واكمل بعصبيه ودموع اللي الواد ده بيقوله صححح ردي عليااااا ??? انتي فعلا اتجوزتيه
منه بعياط اه ادم جوزي وبقالنا شهرين ونص متجوزين من ساعه ماكنت في دهب
حاتم بصدمه علشان كده غبتي اسبوعين واكمل بسخريه كنتي في شهر العسل بقي ومفهمانا انك عند تاليا
تاليا ابتسمت بانتصار اااه كانت في حضن جوزها مكانتش عندي ريحتوا ??
كمال مسك منه من حجابها جامد واكمل بعصبيه اه يابنت الكلب بقي بتروحي تبيعي نفسك للحيوان ده وتتجوزي من وراناااا يا زباله
ادم راح فلت منه من ايد كمال واكمل بحده مسمحلكش تمد ايدك علي مراتي احنا معملناش حاجه غلط احنا متجوزين جواز شرعي وانت او غيرك محدش يقدر يتكلم وقولتلك منه ليا عملت فيها جامد اوي واهانت كرامتي شوفت بقي ان كلامي طلع صح وبنتك حامل في ابني اهو وغمزله
كمال رفع مسدسه علي ادم واكمل بعصبيه انا مبقتش طايقك يااالا ومش حيووان رررخيص زيك يقرب من بنت كمال الشريف هموتك وارتاح من قرفك واجوزها سيد سيدك واللي في بطنها منك ده لازم ينزل
منه بعياط وخوف لالالا يابابا ابوس ايدك لا ووقفت قدام ادم واكملت بعياط حاتم اتصرف ارجوك
حاتم شد المسدس من عمه واكمل بحده بأي حق تموته بيقولك جوزها هو اعتدي عليهااا ده حقه انت بتتكلم ازاي احنا كل مشكلتنا ان بنتك اتجوزت من ورانا مش اللي حصل بينها هي وجوزها ابدااا ده ميخصناااش
ادم بضحك لا اصل كنت هستأذنك علشان اقرب من مراتي كمان ده اللي كان ناقص بصراحه بعدين ماتخليه يموتني وبصله بثقه واكمل لو راجل موتني انا اللي بقولك
كمال اتعصب ورايح يمسك فيه مسكه حاتم مسكه واكمل بعصبيه ياعمي بس اللي انتوا بتعملوا ده مش حل
شهد بصتله بسخريه واكملت بدموع لا بس بقي حقه دلوقتي يقرب منها وجوزها وبقيت تطلع عادي اهو ولا علشان عرفت ان منه بقيت لغيرك وحامل فخلاص مبقتش عايزها ??
حاتم بعصبيه لا طبعا انتي بتقولي ايه كل الحوار اصلا ان
شهد بحده ودموع بسس بسس اااناا مش عااايزه اسمع منك غير كلمه واحده انتي طالق وخلي عند اهلك دم وقولهاااا
حاتم بعصبيه ده لو وقفتي علي شعر راسك يا شهد مش هيحصل انا مستحيل اطلقك
شهد بحده ودموع تمام يبقي انت اللي اختارت المعامله الخرا اللي هتشوفها مني
ومشيت
منه بدموع روح وراها ياحاتم علشان احنا نستاهل وكل كلمه قالتها حقها
حاتم نفخ بضيق ومشي وهو بينده عليها يا شهد انتي يابنتي يااابت استني
شهد بحده سبني وابعد عني بقييي انت معندكش دم ???
حاتم بتنهيده طب نتكلم في البيت وهريحك واعملك اللي انتي عايزاه والله ممكن
شهد بعصبيه ماقولت لا انت مبتفهمش ولا ايه
حاتم طب وغلاوه بنتك اللي مجاتش يا شيخه لاتوافقي وبعدين اعملي اللي انتي عايزاه
وفتح باب العربيه فركبت وقفلته برزع ونفخت وراح ركب جمبها ومشي
منه بدموع ادم انا
ادم بحده انا مطلبتش منك ولا كلمه علي فكره ومش عايز اسمعك
تاليا بدموع ادم جرب تسمعها ارجوك في النهايه دي هتبقي ام ابنك ولازم تنسوا اللي فات
كمال بعصبيه ده انا هوريكي يا بنت الكلاب انتي علي جوازك من ورايا للحيوان ده بس استني عليااا انا تعملي فيا كده يا منه مااشي ومين ياريت حد عدل مالقتيش غير ده تتجوزيه
ادم بحده اقسم بالله لولا انك راجل كبير كنت وريتك ده يعمل فيك ايه
منه بحده ودموع انت دايما كده عمرك مافهمتني ولا فهمت جيسي بتاخد الدنيا عافيه وخلاص بنتك الصغيره بسببك وبسبب تربيتك بقيت تسهر وتسكر وتروح وتيجي وكان واحد هيعتدي عليها لولا مالك انقذها ساعتها ومره كانت هتنتحر كنت فين انت وهي بتحاول تموت نفسها كنت فين لما كان كل اللي رايح واللي جاي يجيب سيرتها بلوحش كنت فين لما احتاجت حضنك كنت فين لما حملت وبقيت ضحيه وملقيتش حتي ايد تطبطب عليها لا ضربتها بلقلم بكل قسوه من غير ماتفهم ده حصلها ازاي ولما قالتلك انا حامل وسبني امشي علشان سمعتك في ثانيه بعت بنتك بس مبعتش سمعتك حتي انا عمرك ماخدتني في حضنك غير لاهداف معينه بتبقي عايز تقنعني بيها عمرك ماتصلت اتطمنت عليا وعلي اخباري انت بتسافر بتنسي انك خلفت اصلاااا عمرك مافكرت تشوف بناتك بقيوا تربيتهم عامله ازاي وبيلبسوا ازاي ولولا وجود ادم في حياتي ساعتها وانه ملئ مكانك ومكانه يمكن كنت جربت اموت نفسي زي جيسي عارف يابابا. احساس الوحده في الدنيا ده صعب اوي واليتم اصعب بس الاصعب من الاتنين ان يكون اب عايش بس زيه زي الميت محسسنا احساس اليتم بلظبط بس موجود ودي تقهر اكتر لانك لو ميت هلاقي مبرر لعدم وجودك في حياتنا بس انت عايش ورامينا وعياطها زاد واكملت احنا اتخرجنا من غيرك وكل واحده كتبت كتابها من غيرك وكل واحده حملت من غيرك واتعلمنا من غيرك يوم شهاده ثانويه عامه نجحنا وفرحنا من غيرك ومهنش عليك تبارك حتي لا انت اصلا نسيت يبقي طلما مشاركتش معانا اي لحظه في حياتنا ملكش اي حق تقول بناتي ولا تضرب ساعه الغلط لانك معلمتش ولا قولت الصح فاعتبر لانك مجتش ضربت وعلمت من الاول وقولت كده ميصحش وغلط يا كمال بيه جيسي كانت بتروح بارات وتسكر وتصاحب شباب وانت ساكت انا كنت بلبس عريان وبنزل وانت ساكت بنروح ونيجي وانت ساكت او بتبقي مسافر ومش بتشوف اصلا وبتكبر دماغك واكملت بعصبيه يعني لو كنت شوفت واحده فينا في شقه مفروشه كان هيبقي ملكش حق تتكلم ماهو كله من تربيتك الزباله مش جاي عايز تموت جوزي ورافع عليه مسدس علشان قربلي لمجرد انك بتكرهو
كمال ضربها بلقلم بقوه فشهقت تاليا بخضه واكمل بعصبيه انتي بنت قليله الادب ومش متربيه في واحده تقف تقول لابوها تشوفنا في شقق مفروشه يا زباله
منه حطت ايديها علي خدها واكملت بدموع هو ده اللي وجعك من كل كلامي ?? طب تصدق وتأمن بالله انت قله الكلام معاك احسن وطبعا اكيد دي اكتر جمله تعبتك نفسيا مش علشان احنا بناتك وميصحش لا علشان دي الجمله الوحيده اللي هتضر سمعتك بردو وهيتقال شاهد بنت رجل الاعمال كمال الشريف في اماكن مشبوهه وغير لائقه مش كده ?? وضحكت بدموع واكملت ماهو انت اي حاجه هتضر سمعتك بنبقي بناتك و اوعوا تعملوا كده واعملوا كده انما غير كده يخش نولع انت مش هتحس فمتجيش بعد كل السنين دي تقول انتوا ازاي تتصرفوا من دماغكم وتتجوزوا والنبي الدور ده مش لايق عليك لانك اصلا سبتنا فكل مراحل حياتنا فمجتش علي دي يعني ومش هقولك غير ربنا يسامحك .. ربنا يسامحك علي اللي عملته فيا وفي اختي ومن انهارده انا هسيب الفيلا و ملكش دعوه بيا تاني ولا ليك حكم علياااا
كمال بصلها بحده واكمل في ستين داهيه زيك زي اختك الحيوانه مش عايزكم وبص لادم واكمل بحده افتكر انك لعبت معاايا انا وحسابك هيبقي تقيل اويي استني عليا بس واكمل بسخريه يا ابن سليم الشافعي
ادم بابتسامه مش ناسي ولا انت ولا عشره زيك تقدروا تعملوا حاجه
كمال وهو ماشي اكمل بحده تماام حلو التحدي بردو
منه حضنت ادم بدموع بفرح واكملت خلاص يا ادم بقينا مع بعض وكله عرف مش مستاهله افضل مستخبيه انا هروح الم لبسي واجي معاك دلوقتي ورايحه تلم لبسها
فاكمل ادم بحده رايحه تعملي ايه معلش ??
منه وقفت ولفتله واكملت بتوتر الم لبسي يا ادم مالك
ادم بسخريه ليه وانتي مين قالك اني هاخدك معايا
تاليا بحزن ادم هو
ادم بحده بس انتي يا تاليا وبص لمنه واكمل انتي لو اخر ست في العالم انا مش عايزك تاني خلاص
منه اتصدمت واكملت بوجع ودموع انت .. انت بتقول ايه يا ادم
ادم بعصبيه بقول اللي سمعتيه ياروح امك هو مش بمزاجك ترجعي لادم وبمزاجك تسيبي ادم ولا علشان خطيبك خلع وجري ورا مراته ??? واكمل بابتسامه كلها شماته اصل في النهايه دي ام بنته يا منمن والوحيده اللي قربلها وهو كان اول راجل في حياتها انما انتي امله انه يقربلك ويفوز بيكي طاار خلاص مفروض مقولش ليكي كده بس انتي اصلا متعرفيش يعني ايه كسوف واحترام فهقولك وقرب عليها وهمس بوقاحه من الاخر احنا كشباب بنقولها بقيتي بنسباله مستعمله فاهمه قصدي ?
منه بصتله بصدمه واكملت بحده انت ازاي تقولي كده ورايحه ترفع ايديها ادم مسك ايديها وتناها ورا ضهرها وهي صرخت بوجع واكملت بدموع ووجع ااه ااه خلاص سبني
ادم بعصبيه اصل مش ادم الشافعي اللي بت زباله زيك ترفع ايديها عليه انتي اتجننتي ولا ايه ده انا اكسرهالك لو فكرت تترفع تاني …. وزعلتي ليه ماهي دي الحقيقه خلاص انتي في نظره مبقتيش تنفعي ومتجوزه وحامل هنكدب علي بعض ليه …..وفلت ايديه منها وبعدها عنه بقرف
منه لفتله واكملت بدموع ووجع انت جوزي واللي حصل بينا طبيعي انما انت بتحسسني اني غلطت معاك علشان تقولي لفظ زي ده ازاي بجد قدرت تقول عليا كده
ادم بعصبيه لا ياروحي كان زمان انا مبعتبرش نفسي جوزك خلاص ولو الزمن يرجع بيا لورا شويه كنت مقربتش منك وبصلها باحتقار واكمل انا مش فاهم ايه القرف اللي انا عملته في نفسي ده الحقيقه انا قرفان من نفسي اني في يوم لمستك وحملك ده مش فارق معايا بتلاته تعريفه زيك بلظبط
منه بصتله بدموع ووجع واكملت انت بجد بتقولي انا كده ?? انا يا ادم ??? بتقول لمنه كده ?? منه حبيبتك االي عشت بتحلم تملكها وتتمناها ?? قلبك طاوعك عادي تقسي عليا كده عادي ??
ادم بعصبيه قلبي ده انتي موتيه بايديكي و اه تهوني عليا انا اتكسرت منك كسره متكسرتهاش في حياتي كلها واللي شوفته وسمعته منك كفيل يخليني اكرهك ليوم الدين يا منه ومتقوليش حبيبتي انا محبتش حد ومحدش يستاهل ابدااا اني احبه
تاليا بدموع ادم هو انت ممكن تسمعها و
ادم بعصبيه خلصناااا ياتااااليا خلااااص وسمعت و شوفت بما فيه الكفاااايه وعنيه دمعت واكمل بوجع كفايه اوي اللي شوفته انهارده وضحكتها وهي بتلبس دبله حاتم وبص لمنه بوجع واكمل بدموع انا لما شوفت في ايدك دبله غيري حسيت بوجع وقهر عمري ماحسيته حسيت اني نفسي اموته ولا اني اشوفه قاعد جمبك وبيمسك ايدك بس انتي تفهمي ايه من كلامي ده … انتي اصلا عمرك ماعرفتي يعني ايه حب وبص لايديها بوجع وعنيه دمعت واكمل بحده لتاليا انا مبقتش عايز اسمع صوتها ولا اشوف وشها تاااني خالص يا تاليا هي خلصت كده
منه بصت علي ايديها فهمت هو اتعصب ليه فقلعت الدبله بتاعت حاتم ورميتها في الارض واكملت بعياط بطل غباء بقي انا مبحبش غيرك ولا عمري هحب غيرك ومقلعتش دبلتك .. دبلتك في ايدي الشمال اهو ومش عايزه غيرك كل اللي عملته علشانك يا ادم والله وضحيت علشان
ادم قاطعها بعصبيه ودموع واكمل علشان رخيصه وزباله وعلشاني ااه فانك تذليني علشان تقهريني علشان تكسبي ابوكي وحبيب القلب التحدي قدامي علشان تحسسيني اني قليل قدامك يا بنت الاكابر علشان اي وجع واذيه ليا مش اكتر انما متقوليش علشاني اللي انتي عملتيه ده اسمه قرف وقله اصل وطمع عملتي صفات كلاب الفلوس بلظبط وعمري ماهنسي ابدا يا منه عمري ماهنسي لا اليوم ولا الساعه اللي كسرتيني فيهم دول ابداا لانهم سبب اني افوق واتغير 180 درجه … ده كفااااايه يا حيواااانه انك روحتي اتخطبتي لكلب كان طمعان فيكي وعايزك في الحرام وانتي علي ذمتي ومهمكيش بس حاتم احلو لما ادم اتعرف انه فقير ومش زي الهانم وبصلها بوجع واكمل انا مشوفتش في وسا*ختك بجد
منه بعياط ووجع ادم ارجوك لا ارجوك متقولش كده انا عارفه اني كسرتك اوي وعارفه اني السبب فانك تتكلم معايا كده ومس هلومك علي قد ماهلوم نفسي بس .. بس انت عارف بحبك ازاي افهمني ولو لمره واحده جرب اديني فرصه واحده وانا هثبتلك اني اانا هي منه حبيبتك ونرجع و
ادم بعصبيه نرجع دي في احلامك انشاء الله وايااااكي تقولي بحبك دي تاااني سااامعه وضحك بسخريه واكمل انتي بس ناصحه عرفتي فيها حمل من ادم فتأكدتي بعد اللي حصل ان لو وقفتي علي شعر راسك حاتم مش هيقبل بيكي خلاص حتي لو انا طلقتك فابترجعي بقي لابن الكلاب ابن البواب ماهو للاسف بقي هو ابو اللي في بطنك وهو علشان غبي وعبيط هيحن ليكي ولابنه ويقولك خلاص ياروحي فداكي .. فداكي قلبي اللي اتكسر وفداكي نفسيتي وفداكي قهرتي وفداكي كل حاجه اتكسرت جوايا لميه حته ونرجع يا حبيبتي مانتي حب العمر والوحيده اللي حبيتها وكنت مستعد اموت لاجلها بس لالا انسييي يا منه انسييي ادم الغبي مات وبقي في واحد تاني خالص مكانه مش شبه غير في شكله واسمه وبس انما كل نظرته للحياه اتغيرت وطبعا الفضل كله يرجعلك وبكره هوريكي ابن البواب ده وهو اكبر منك ومن اهلك نفر نفر بس الصبر حلو
منه فضلت تعيط واكلمت بوجع وعياط انت قسيت اوي يا ادم قسيت اوي وانا عارفه اني السبب بس انا مهما تعمل مش هكرهك وعرفت اهو اني انا اللي طلعت بحبك اكتر مانت بتحبني لاني ضحيت علشانك بس انت غبي مش فاهم حاجه بس مهما تعمل هتفضل جوزي وحبيبي وحضنك هو ملجئ الوحيد ورايحه تحضنه وهي بتعيط …. ادم رجع لورا واكمل بحده ودموع مش عايزك ولا عايز حضنك تاني كان فين حضنك لما اترميت قدام قبر امي امبارح وبقولها اللي كانت بتطبطب بدالك كسرتني ??? كان فين حضنك لما سكرت وروحت البارات اللي عمري مادخلتها غير بسببك ??? كان فين حضنك لما ابوكي اهاني وشمت فيا وحسسني بلذل حتي يوم عمليه ابويا قالي زيك اتاريكي طالعه شبه كلمته استلف منه معرفش انه ابوكي قالي هو بواب وابن بواب هيرجعلي مبلغ زي ده ازاي وطبعا انا عرفت متاخر ان اللي قال كده ابوكي لما شوفت ابويا شغال هنا ??? كان في حضنك لما اتكسرت بسبب حاتم اللي كان عايز يبوسك قدامي يا مدام يا محترمه وانا وقفت مقهور وانتي ولا حتي اعترضتي وعملتي اعتبار للكلب اللي علي ذمته لا والالعن روحتي استخبيتي مني انا وراه ??? كان فين حضنك وانا بصرخ زي الاطفال وبترجي امي تيجي تحضني ولو دقيقه بسببك وبسبب وجعك ليا ???كان فين حضنك وانا مش قادر اصلب طولي امبارح وكنت بموت من الوجع??? كان فين حضنك وانتي بتطعنيني في قلبي بسكينه تلمه وكل كلمه خرجت منك كانت خنجر بيعلم جوايا سبتينس للوجع لوحدي وكنتي سبب فيه وانا قومت لوحدي يبقي متجيش تحضنيني بعد ماقسيت وقومت علي رجلي جايه متاخر اوي يا منه لان المشهد اللي شوفته انهارده اتكسر معاه اخر حته حنين وحب جوايا ليكي ….. عارفه يامنه انا ظلمت امي الست الاصيله بتشبيها بيكي امي كانت سانده ابويا وبدات بشقه دور تاني عاديه ووصلت معاه للفيلا حقيقي مفيش منها ولا هيكون وعلشان كده الكويسين بيمشوا بدري انما انتي لا انتي زباله ميتحطش اسمك جمب اسمها اصلا انتي شويه ورق عندك اهم من حب وعشره سنين ووعود وكنتي تقدري تمشي معايا وتقولي ده جوزي واضربوا دماغكم في اتخن حيطه بس انتي لا روحتي اتخطبتي لابن عمك الزباله وانتي علي ذمتي ومهمكيش كسرتي ووجعي واللي مريت بيه وممكن احس بايه
منه بدموع ووجع يااااااه للدرجه دي كرهتني يا ادم طب لو مش علشاني واعتبر اني وحشه كده استحملني علشان خاطر اللي في بطني واللي مالوش اي ذمب فكل اللي حصل
ادم بحده واكتر من كده كمان ومسك كوبايه من اللي علي التربيزات اللي كانت متجهزه وكسرها بقوه علي الارض وقعت اتكسرت لميه حته فاتفزعت هي وتاليا واكمل بعصبيه ودموع قوليلها انا اسفه واعتذري وعيطي من هنا ليوم القيامه ولو رجعت زي مكانت انا هسامحك يا منه
منه بعياط ووجع للدرجه دي وجعتك يا ادم انا اسفه يانورعيني بجد ياريتني كنت موت قبل ماوجعك كده يا حبيبي
ادم بدموع انتي موتيني بلحياه بللي عملتيه مش دمرتيني ووجعتيني بس وقولتلك انا مش حبيب حد وبلنسبه للي في بطنك انا هقولك هنعمل فيه ايه وبيشد ايديها وبيخرج
تاليا بخوف ادم انت هتعمل ايه ادم استني
ادم بحده اسكتي انتي يا تاليا وملكيش دعوه
منه بعياط ادم سبني ارجوك سبني وفضلت تعيط واكلمت هتعمل ايه ارجوك فهمني
ادم راح عند عربيتها واكمل بحده افتحيها لاني فعلا مش هكمل معاكي فمالوش ذمب طفل يتظلم بينا
تاليا بخوف يعني ايه يا ادم
منه بعياط وخوف انت تقصد ايه ها وكمان انت … انت هطلقني يا ادم !!!!! وفضلت تعيط
ادم ضحك بسخريه واكمل اطلقك ?? وانتي فاكراني اهبل علشان اعمل كده فاكره الطلاق هيبسطني بلعكس يا غبيه ده انا هسيبك كده لا منك متجوزه ولا منك مطلقه زيك زي البيت الواقف بلظبط ولا هتعرفي تتجوزي غيري ولا انا هجتمع بيكي تاني واعتبرك مراتي
منه بدموع ووجع ادم انت بتتكلم جد ??? وعياطها زاد واكملت ابوس ايدك قول انك بتهزر انت بجد هتعمل فيا كده
ادم بعصبيه ااااه هعمل كده واخلصي افتحي العربييه دي
منه فتحتها بخوف وعياط فدخلها بحده وقفل الباب برزع واكمل لتاليا اطلعي اروحك
تاليا ركبت ورا وهي متوتره وخايفه من تفكير ادم
منه رايحه تتكلم
قاطعها ادم وهو بيسوق اكمل بحده صوتك مش حابب اسمعه نهائي و اااه ده اخر كلام عندي و اه مبقتش بحبك و اه مش عايزك تاني وبردو مش هطلقك و اه مش عايز اخلف منك ….. واحده زيك تخلف ليه اصلا علشان تطلعيهم طماعين زيك و اه بقيتي تهوني علياا و اه هعمل فيكي انتي كده واكمل بعصبيه فهمتي ولا اعيدددهم تااااني اديني جاوبتك قبل ما تسألي افضلي بقي ردديهم في مخك طول الطريق علشان متنسيش اي حاجه بس صوتك مسمعوش ولا اسمع اي سؤال تاااااني
منه قلبها وجعها بشده وفضلت تعيط بهستريه علي الوضع اللي وصلتله بعلاقتها بأدم
تاليا بحزن في سرها مش عارفه اقولك ايه والومك ولا اجي معاكي بس انتي السبب فكل اللي بيحصل يا منه ادم اتحول مش اتغير وربنا يستر من اللي جاي
في بيت مالك
مالك صحي شاف جيسي نايمه في حضنه وشعرها مداري وشها فبعده بايديه براحه وقرب باسها بحب فجيسي صحيت واتصدمت واكملت بحده وهي بتبعد عنه اااه يا قليل الادب ياللي متربتش بتستغل اني نايييمه يا ماالك
مالك بضحك بستغل. !!! ليه محسساني اني مأجرك ساعتين وخايف يخلصوا انتي مراتي يابت اتجننتي ولا ايه
جيسي بحرج حتي لو اتلم كده ومتقربش مني تاني فاهم
مالك قرب عليها وحاوطها بين ايديه واكمل بضحك لا انا ميتقاليش اقرب امتي ومقربش امتي احترمي نفسك كده لحسن انا بصراحه بتلكك وبصلها بحب
جيسي بتوتر والمصحف هنادي امك ابعد عني ياقليل الادب ياللي متربتش انا لسه مكملتش شهر حامل اصلا فاتلم بعيد عني كده
مالك بضحك متخافيش كده وغمز واكمل انا مش مستعجل
جيسي بتوتر طب .. طب ممكن توعي علشان اقوم
مالك قرب باس رقبتها بحب واكمل بهيام فيها هتقومي تعملي ايه
جيسي بتوتر من قربه اكملت هاخد شاور هعمل ايه يعني
مالك مش انتي بتقولي تعبانه
جيسي اه شويه بس الحمدلله احسن
مالك ابتسم بخبث واكمل خلاص تعالي اساعدك في الشاور
جيسي شهقت واكملت بحده اه يا قليل ااربايه انت اوعي اوعي ده لما اشوفها امك دي اللي معرفتش تربي خالص
مالك بضحك انا عريس جديد فكك بقي من شغل حظر التجوال اللي انتي عايشالي فيه ده.
جيسي ضربته في صدره واكملت بغيظ وهفضل كده اذا كان عجبك هااا
مالك وهو بيقرب من وشها اكمل بضحك المشكله بتبقي قمر وانتي كياده كده وبتحاولي تعيظيني وانا مش بتغاظ فوفري طاقتك يا روحي وقرب باسها بحب وجيسي اتصدمت بس بعدين سكتت وحطت ايديها حوالين رقبته والباب خبط فاتنفضت بعيد عنه واكملت باحراج يخربيتك عجبك كده اوعي
مالك نفخ بضيق واكمل ده يحرق اهل الانسان علي الصبح حبكت دلوقتي يعني واكمل بصوت عالي نسبياااا مين
ساميه انا يا مالك
مالك قعد عدل جمب جيسي واتغطي وهي عدلت هدومها فاكمل ادخل
ساميه دخلت واكملت ايه يا حبيبي يعني شغلك معاده جيه وذياد برا وانت لسه ملبستش
مالك نفخ بضيق واكمل بالله انا نسيت الشغل اصلا
ساميه بضحك اول يوم ونسيت الشغل اومال لما تكمل سنه هيحصل ايه يخرب عقلك يا مالك
جيسي بصت في الارض بحرج
مالك بضيق بجد لو كنت فاكر كنت طلبت اجازه من المدير مليش مزاج انزل بس هضطر كده وبعدين انتي بتقولي ايه يا ماما هو ايه اللي اول يوم وسنه محسساني ليه اني كنت خاربها امبارح فنسيت الشغل ماهي متنيله حامل قدامك اهي
جيسي ضربته في كتفه واكملت باحراج تصدق انك قليل الادب بجد وبصت في الارض بحرج شديد ووشها احمر
ساميه فضلت تضحك واكملت والله انت واد فعلا مشوفتش ربايه البت وشها بقي زي الطماطم
مالك بضحك اصل هتحسدوني بلكدب هي ناقصه فقر اكتر منا فقري ده كفايه ذياد هطلع هيحفل تحفيل لسنه قدام
ساميه بضحك طب البس يلا وانتي تعالي اقعدي معايا برا
يلا هطلع مستنياكم
مالك قام دخل الحمام وخد شاور واكمل من جوه جيسي معلش يابابا هاتيلي اي قميص وبنطلون من الدولاب
جيسي حاضر وقامت فتحت الدولاب واختارتله قميص اسود وبنطلون ابيض وحزام اسود واكملت افتح امسك يا مالك
مالك فتح الباب ومد ايديه خدهم منها وقفل وهي اختارت دريس كت طويل لحد قبل الاخر بشويه ومسكته
مالك طالع لابس الطقم وبينشف شعره وهي دخلت تاخد شاور وطلعت لابسه الدريس ومالك كان سرح وجهز حاجته وبيلبس الكوتش فبصلها واكمل اه وده ايه ده انشاء الله ??
جيسي طوله حلو اهو و
مالك بحده الاسدال يتلبس وتطلعي ورايا جيسي رايحه تتكلم فاكمل بحده وعلشان عارف الحجج الفارغه متلبسيس طرحته طلما متحجبتيش لسه عادي البسيه كده واطلعي
جيسي بضيق يا مالك ما هو ده
مالك بحده انا قولت الاسدال يتلبس ومبعدش كلامي كتير ابقي الاقيه متلبسش وطلع
جيسي بضيق يووه بقي انسان بااارد ومستفززز وراحت لبست الاسدال فوق الدريس وسرحت شعرها وحطت ميكاب هادي وطلعت
في الصالون
ذياد بضحك نموسيتك كحلي يا عريس طب ياراجل اعمل حساب اننا ورانا شغل تاني يوم الصبح واصحي بدري واجهز كلعاده بدل القعده اللي قعدتهاني دي كل ده علشان تصحي يا مالك ولا علشان اول مره تنام فرحان وفضل يضحك
مالك بضحك طب بالله عارف انك مش هتعديها بس احلف لاهلك بايه اني نايم عادي زيكم كلكم بطل عدم السلكااان ده انا مصحتش لاني لاول مره فعلا انسي اظبط المنبه
ذياد بضحك ياراجل هو انت فاضي للمنبه ده حلم العمر اتحقق منبه ايه وزفت ايه بس
مالك بضحك ياذياد همد ايدي عليك. بس هو فعلا كل الحوار لما صحيت شوفت جيسي مكنتش عايز انزل الصراحه بس يلا متضطر
ذياد بضحك ايوه يا عم محدش قدك انت مش انا بصحي علي صوت عم مسعود بتاع الخضار كل يوم يعدي يصحيني من النوم الله يحرقه
جيسي كانت واقفه محرجه وحماتها فضلت تضحك علي شكلها واكملت تعالي يا قلبي اقعدي
جيسي راحت قعدت جمبها وابتسمت وسكتت
ذياد صباحيه مباركه ياعروستنا
جيسي بحرج الله يبارك فيك يارب
مالك بضحك تصدق صعبت عليا ربنا يعفو عنك ياصاحبي وتبقي تصحي علي صوت احدهم وغمزله واكمل بضحك وهو بيمسك الفون بس بالله انا مش صعبان عليا قد انكم فعلا فاكرينها صابحيه وبتحفلوا
ذياد فضل يضحك واكمل طب يلا ياخويا علشان منتاخرش علي المدير علشان مودك يفضل رايق لانه لو ظبطك مش هتروق خالص لاخر اليوم
مالك بضحك حاضر خلاص اهو وبص لجيسي برضا انها لبست الاسدال وراح باس جبينها واكمل بحب خلي بالك من نفسك يا حبيبتي وافطري وخدي دواكي
جيسي المره دي جيبلي فرنش توست
مالك نفخ بضيق واكمل ده مش اكل يا جيسي كلي زي المره اللي فاتت احسن
ساميه هي عايزه ايه يابني هاتلها
جيسي اه قوليله بجد طب هات التوست من السوبر ماركت وملكش دعوه
مالك بحده لا ده كلام فاضي كلي عيش واشبعي واسندي نفسك انتي حامل
ساميه يابني ماتشوفلها طيب عايزه ايه
مالك بحده سيبك منها دي بتدلع عايزه اكل ولا بيعمل حاجه اصلا
جيسي بضيق طب يا مالك لو مكالتوش مش هاكل.هاا وربعت ايديها
مالك بحده انتي بتتحديني يعني ولا هو لوي دراع ولا بتعملي ايه علشان اعرف بس ??
جيسي بضيق لا مش بتحداك ولا بلوي دراعك انا بعرفك بس هعمل ايه
مالك بحده طب ايه رايك انا مش هجيب توست. يا جيسي وهتاكلي زي منا هاكل من انهارده
ساميه يعني ايه يابني هتاكل زي منتا هتاكل
مالك بحده يعني اللي انا هشتريه هتاكل منه ملهاش دعوه باكل هنا خالص
ساميه بحده اخص عليك للدرجه دي يا مالك
مالك بحده ماما لو سمحتي انا عارف اتصرف مع مراتي ازاي وهجبلها اكل واسيبهولها دلوقتي و ده اللي هيتاكل وعايز ارجع الاقيه متاكلش نفسي كده تعمليها يا جيسي شوفي هعمل فيكي ايه
جيسي نفخت بضيق وسكتت
مالك بحده متنفخيش بدل ماقسما بالله هديكي قلم يعدلك
ذياد بس يا مالك خلاص اهدي هي عيني ولا ايه الله يخربيت اهلك يا شيخ علي الصبح وضحك
مالك ضحك غصب عنه واكمل لا مش انت احنا اصلا ده الطبيعي خليك ثواني هروح اجبلها تفطر
ونزل مالك جابلها جبنه رومي وجبنه مثلثات وبيض ولانشون وازازه لبن وعصير وكلم ادم اللي قاله يقفل لانه بيسوق وطلع وحط الحاجه علي السفره واكمل بضيق امسكي
جيسي ااه جبت ايه بقي
مالك برفعه حاجب والله اي ان كان هتاكليه
جيسي غمضت عنيها بغضب وسكتت
مالك يلا يا ذياد
ذياد يلا
ونزلوا
في عربيه ذياد
ذياد بتذودها ليه يا صاحبي البت اختارتك بمزاجها مش كده
مالك بتنهيده ذياد جيسي بتتريق علي نعمه ربنا وبتتنك بطريقه مستفزه و ده اه وده لا وعايشه دور مش عاجبني خالص وادم كان قالي مره هي اتعودت كل حاجه تعوزها سواء بقي اكل لبس خروج تعملها وتجيبها انما عمرها ماتحطت في موقف طب لو مش قدامي غير كذا مثلا هعمل ايه لا جيسي مش بتحب تيجي علي نفسها خالص اصلا وده مينفعش فمش كل ماتطلب حاجه هجري اجبهالها انا كده بخليها تزيد في الغلط مش تتغير وانا كنت قادر اجبلها اللي هي عايزاه عادي بس مش عايزها تتعود ان كل ما اعوز حاجه هتيجي يعني هتيجي لا لازم تتعلم تحمد ربنا علي اي نعمه غيرها مش لاقي انا جبتلها حاجات اغلي من التوست اللي طلبته بس االفكره مش فلوس قد ماهي ده اللي موجود نفترض مفيش غيره متاكلش ? وتفضل بقي تزن علشان اجبلها ماهي اتعودت علي كده فا لا ادم صح حتي لو هي غلبانه وطيبه بس عايزه حده علشان تتغير وانا هاجي عليها شويه اه بس هعمل منها بنت غير جيسي دي خالص ومش بحرمها بس بغيرها شخصيتها ومجرد ما ده يحصل اللي تطلبه عنيا ليها
ذياد بحب انت كده صح وطلما ده راي ادم كمان فخلاص وبصله واكمل صحيح عمل ايه في موضوع منه
مالك بتنهيده حزينه رنيت عليه كتير وانا بجيب الاكل لجيسي رد مره وقالي مش فاضي يا مالك سايق فمعرفش بقي
ذياد بحزن ربنا يهديهم دول مهما كان متجوزين يعني اللي حصل من منه غلط اوي
مالك بحزن اسكت بجد احنا كلنا اتصدمنا فيها اوي انا لحد دلوقتي مش قادر اصدق
ذياد بحزن ومين قادر يصدق
في بيت شهد وحاتم
شهد بحده ادينا قعدنا خير عايز ايه
حاتم قعد قدامها واكمل بتنهيده انا عايز اقولك حاجه يا شهد
شهد اممم اشجيني
حاتم نزل بركبته وتناها علي الارض وقرب منها وهي قاعده ومسك ايديها واكمل بحب وعنيه مليانه دموع انا بحبك يا شهد
شهد بصتله بصدمه ووجع واكملت انت اييه !!!!
حاتم بدموع والله بحبك والمصحف بحبك
شهد اتصدمت بشده وقلبها واجعها اوي ففعلا الحياه ليست عادله فلما كانت تسعي ان تنال حبه لم يلتفت لها ولم ينظر حتي لحبها وتوسلاتها ولما كررت ان تخرج حبه من قلبها فاحبها هو فاكلمت بدموع ووجع اتأخرت اوي يا ابو بنتي اتأخرت اوي علشان تقول الكلمه دي بس ياتارا ايه سر التغير حمل منه ??? ولا القلم اللي خدته منها ???
حاتم غمض عنيه بوجع ودموعه نزلت واكمل شهد والمصحف انا قولت لمنه اني بحبك الصبح واني هخطبها بس علشان الناس متتكلمش عليها وهنسيب بعض علطول شهد انا بحبك والله بحبك انتي ارجوكي سامحيني واديني فرصه لو مش علشاني علشان ملك
شهد بدموع وعصبيه انت كداااب ومتقولش والمصحف يتصرف فيك ربنا يا كدااااب علي الحلفان ده و عايز تفهمي عايش من يوم ماعرفتك بتحبها ومصمم عايزها ويوم ماهتخطبها خلاص عرفت انك بتحبني فاجاه كده لا يا حاتم لااا انا كنت عبيطه بس مستحيل افضل كده الحقيقه انه علشان انت اتصدمت انها حامل ومبقتش تنفعك فقولت انا ظلمت بنت الكلاب مراتي اللي شافت ذل وتعب وقهر مني وفضلت جمبي مش منه اللي حبيتها وراحت اتجوزت بس انا قولتلك حبك لمنه وكلامك عنها وقربك منها مره مع مره هيقفلني منك وانت مصدقتش واديه جيه اليوم ده ياحاتم حتي لو كل كلامك صح بعد ماشوفتك بتضحك في وشها واكملت بدموع ووجع وبتلبسها دبله عشت احلم بيها انا المشهد ده كسر قلبي لمليون حته ومش هيرجع تاني مهما تعملي واذا كان علي ملك متخافش عليها قدامها مش هبين اي حاجه بس ارجوك ابعد عن حياتي وطلما مش راضي نطلق سبني في حالي وكفياك توجعني بقي وتكدب واياك اسمع منك بحبك دي تااااني اياااك لانها حتي لو حقيقه فجات متاخر خلاص يا بشمهندس ومبقتش عايزاها ولا عايزه اسمعها انا اتوجعت منك علي قد حبي ليكك كنت فاكرني اييييه هفضل استحمل طريقتك دي طول العمررر هفضل اجي علي نفسي وقلبي وكرامتي داااايمااا محدش بيفضل يستحمل طول العمررر ابدااا مهما كان بيحب وانا شوفت بما فيه الكفايه ..فاكر انك خلاص ضمنت وجووودي علشان عايشه معاك وحامل منك لا يا حاتم لا زي ماكنت في الاول معاك بجسمي بس وروحي وقلبي مش موجودين ايام ماكنت بتجبرني عليك دلوقتي بردو انا معاك في بيتك بس مش هبقي معاك بلتلاته ولا قلبي ولاجسمي ولاروحي انت كفايه عليك تلمحني بس … وانا هفضل بلنسبالك ذكري تتمناها تبقي حقيقه تاني ورايحه تمشي
مسك ايديها واكمل بحب وتحدي واضح في عنيه هرجعك ليا ياشهد مهما تمر الساعاات والايام والسنين المهم هتسامحيني يا شهد لاني اكتشفت اني بحبك واكتر من كل الدنيا كمان ومش عايز غيرك انتي وملك خلاص
شهد بدموع ووجع لو انت فاكر ان ساعات وايام وسنين هتنسيني كل الوجع اللي مريت بيه بسببك وهسامحك ??? تبقي بتحلم يا بشمهندس حذرتك كتير بس انت كنت فاكر انك كل مره هتلف لفتك وتعمل كل اللي في نفسك وترجع تلاقيني زي منا لانك ضمنت حبي ليك ووجودي في حياتك والراجل لما بيضمن وجود الست وانه مهما يعمل مش هتسيبه وبتموت فيه بيبقي ازبل واحد في الدنيا وبيجي عليها بذيااده اووي وقولتلك ونبهتك كتييير قولتلك افعالك يا حاتم بسببها هيجي وقت عليا هتلاقيني مبقتش شهد اللي تعرفها هتلاقيني واحده تاني وهتغير كليااا لدرجه مش هتعرفني وهتقول دي شهد ازاي وازاي قدرت تقسي عليا انا برغم كل حبها ليا ده كنت بتضحك وتقولي متقدريش تكرهيني او تداري حبي اللي في عنيكي يا شهد واديه حصل يا ابو بنتي وجيه اليوم اللي عشت احكيلك عليه كتير اوي انه هيجي وهيجي وقت طاقتي هتخلص منك وهبطل اعدي واسامح واجي علي نفسي وهوصله واديه حصل وجبت اخري منك واكملت بدموع ووجع بس احب اطمنك انا بحبك اوي ومش هقدر اكرهك مهما حصل بس وصلت لمرحله قويه اوي اني احبك من بعيد ومبقاش عايزه قربك يا حاتم لان قربك اذاني كتير وسابته ودخلت الارضه وقفلت
وحاتم دموعه نزلت بشده بوجع وندم ونزل ورزع الباب وشهد سمعت الباب فهمت انه نزل وفضلت تعيط بكل قوتها تخرج وجعها اللي كتمته قدامه
في بيت عمر
عمر يعني مقالكيش هيوديها فين
تاليا بقلق لا وصلني ومشي هو وهي بس مش مطمنه ليه ابدااا يا عمر
عمر بخوف نفخ واكمل هيعمل ايه المجنون ده ربنا يستر وقافل فونه كمان
ولقي ساميه بتتصل فاكمل بقلق يانهار اسود اقولها اي ده انا قايلها هجيبهولك بكره دلوقتي اقولها معرفش فينه
تاليا بقلق مين مامته ?
عمر بنفخ اه الله يخربيت اهلك يا ادم اعمل ايه دلوقتي.
ورد واكمل بقلق الو
ساميه بقلق ايه يا عمر كل ده منا مترد ايه مجبتش ادم ليه كل ده يابني هموت واشوفه كفايه كده قلقانه عليه اوي يا عمر ومش هطمن غير لما اشوفه بعيني
عمر بقلق هو يعيني يا خالتي تعبان خالص ونام لسه مصحيش عيني يصحي وهجبهولك حاضر
ساميه بقلق انت متاكد يا ابني ولا في حاجه ومش عايز تقولي
عمر بتمثيل ضحك لا طبعا يا خالتي هيكون في ايه متخافيش عنيا يصحي هجبهولك والله شويه بس
ساميه بحزن طيب يابني سلام
عمر سلام
وتنهد بارتياح واكمل اااه اقول عليك ايه يا ادم بس
تاليا صدقتك ?
عمر بتنيهده اه بس لازم البيه يفتح فونه لان هتموت عليه فالازم يروح البيت
تاليا بخوف ربنا يستر يا عمر ادم لو شوفت منظره والكلام اللي قاله لمنه هتفكر زي منا بفكر دلوقتي
عمر فكر واكمل بصدمه يانهار اسود معقوله هيعمل كده في ابنه
تاليا بدموع ده اللي مخوفني وكلامه بيقول كده عارفه ان اللي منه عملته فيه صعب اوي وحقه بس هي قالتلي حاجات لولا حلفتني بلمصحف كنت عرفته بس لازم هي تعرفه
عمر بحده اي ان كان طفل مالوش ذمب
قدام المستشفي وقف ادم واكمل بحده انزلي
منه بخوف انزل فين انت جبتني هنا ليه
ادم بعصبيه قولت انزلي
منه بخوف حا حاضر ونزلت وهي بتعيط بخوف وهو نزل وشد ايديها جامد ومشي ودخل المستشفي
منه بعياط ادم ارجوك سبني ادم انت جايبني هنا ليه ادم ابوس ايدك سبني يا ادم علشان خاطري
وادم كان ساحبها في ايده بعصبيه وماشي ومش مهتم لولا كلمه بتقولها وخبط علي العياده ودخل
مني ازيك يا ادم عامل ايه
ادم سلم عليها بابتسامه واكمل بخير يا مني دي مراتي اللي بعتلك علي الواتس موقفنا سوا واننا هننفصل وانا عارف ان لولا اننا دفعه واحده وزمايل مدرج واحد انا مكنتش طلبت منك كده ابدا بس انا كنت عارف انك مش هتكسفيني وهتفهمي موقفي
مني بابتسامه حزينه ادم انت عارف انا اخدمك بعيني وتنهدت بحزن واكملت انا مبحبش اعمل العمليات دي بس طلما طريقكم طلع في اخره سد ومش هتكملوا فا الطفل فعلا مالوش ذمب فوافقت اجهضها
منه بصدمه ودموع تجضهيني !!!!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)