رواية دق قلبي الفصل الثالث 3 بقلم نورسين

رواية دق قلبي الفصل الثالث 3 بقلم نورسين

رواية دق قلبي البارت الثالث

رواية دق قلبي الجزء الثالث

رواية دق قلبي الحلقة الثالثة

روحت البيت ومافتش ساعتين ولقيت رقيه بتكلمنى
~ايه يا ليلو عمله ايه بعد الحصل انا اسفه والله انى مكنتش معاكى انا لسه عارفه بالحصل دلوقتى الشركه كلها بتتكلم عنك
_انا كويسه يا حبيبتى ببتأسفى على ايه يا عبيطه انتِ ده وكويس انك مكنتيش موجوده كان زمانك فتحتى دماغو
ضحكت على كلامى
~نفسى تتبطلى هزار وقت زعلك
اخت نفس طويل
_يا ستى محدش واخد منها حاجه
عدى تلت ايام وانا قاعده فى البيت مش حابه انزل لحد ما زينب عزمتنى عندها انا ورقيه واكدت عليها ان ادم مش هيكون موجود
~ما تكملنا كيكه بالشوكولاته يا ليان
_انا عرفت كنتى عايزانى اجى ليه وعمله انى وحشتك
ابتسم على كلامى وتكلمت مناغشه ليا
~امل انتِ فكرانى بعزمك عشان سواد عيونك يعنى قومى اعملى بلقمتك يلا
ضحكت على كلامها وفعلا قمت اعمل الكيك بس جريت ورايا رقيه ما انا مش هقف لوحدى
_محمد عامل ايه معاكى ياروكا
:بيستعبط المفروض اننا متفقين على خطوبه وبس انما ده عايز جواز
كنت هرد عليها لكن افتكرن فيلم حب البنات
_وانتِ بتعملى ايه لما بيستعبط
:انا كمان بستعبط
ضحكت بصوت عالى على هبلها
_يعنى نقول مبروك كتب الكتاب اخر الشهر
:تؤ اخر الاسبوع
خلصت كلامها وحطتلى حته من عجينه الكيك على وشى
بصتلها بغضب
_نعم يا ختى اخر الاسبوع وانا يعنى اخر من يعلم
:ما انتِ الى عملالى فيها محمد محى ومكنئبه
شورت على نفسى
_انا عمله فيها مكتئبه يا رقيه انا
كان قدامى مقص كنت بقص بيه كيس الدقيق
جريت وراها بيه وهى جرت منى
_تصدقى انك صحبه عره بدل ما تقفى جمبى فى محنتى تتريقى عليا
اتكلمت وهى بتجرى عند السفره
:محنت ايه يا وليه انتِ دى الشركه كلها بتتكلم انك هزقتى الراجل
_انا هزقته هو انا لحقت لولا ان الى اسمو ادم ده دخل كان زمانى كسرت دماغى بس شكلى هكسر دماغك انتِ
كنت رايحه نحيتا بس لاحظت ان زينب لابسه حجابها وفتحه باب الشقه كانت بصالى وعماله تضحك
~تعالى يا ليلو سالمى على زين لسه راجع من الحضانه
قربت من باب الشقه وانا الكيك لسه فى وشى وحجابى غير مرتب
_عامل ايه يا دود..
لما قربت من الباب لقيت زين ومعاه حازم وادم كمان كان بيضحكه
جرى زين عليا وحضن وسطى
:وحشتينى يا ليلو
كمل بتكشيره
:بس انا زعلان منك
شيلت عينى من على ادم وبصيت لزين
_ليه بس يا دودو
:عشان كنتى عايزه تكسرى دماغ روكا
ابتسمت ليه وانا بحاول ادارى احراجى من الموقف
_لا يا دودو انت فهمت غلط انا كنت بهزر معاها وبعدين انت واقف من امتى
ادخل ادم وهو بيربع ايده
=من لولا بس الى اسمو ادم ده ادخل
بصتله وسكت مافيش كلام يتقال
اتكلم حازم
:هى دى يا زوزو الى كنتى عايرانا نسيب زين معاها وتقوليلى دى اعقل من رقيه
~مين دى الى اعقل منى انت مشوفتهاش وهى عايزه ت..اه
ضربتها بكوعى فى معدتها عشان تسكت
كله ضحك على الموقف
~يلا يا جماعه ندخل هتسبونا على الباب ولا ايه
وقفت على جمب كان الى بيدخل الصالون بيعدى عليا الاول كله عدى وكان ادم اخر واحد قرب منى
=امسحى الى على وشك ده وكفايه شقاوه ودارى شعرك ده
كان بيتكلم وهو بيضحك
دخلت الحمام بسرعه لقيت وشى كان عليه شوكلاته وحجابى متبهدل وشعرى طالع من قدام
ظبط نفسى ودخلت المطبخ تانى وجبت رقيه وزينب
_مين فيكم الكان عارف انه هيجى
الاتنين بصو لبعض وسكتو
_اكيد رقيه
اتكلمت بسرعه وانفعال
:لا والله مش انا دى زينب
~اعترفتى من اول قلم كده
~بصى يا ليان والله انا مكنتش اعرف هو حازم كلمنى من ساعه وقالى انه عازم ادم وهو مكنش يعرف انكم عندنا
حطيت ايدى فى وسطى
_يا سلام و كان عازمه على ايه بقا وانتِ اصلا من امتى بتطبخى يا ست زينب
~عشان امبارح ماما كانت عندى و طبختلى فا حازم لقاها فرصه
اخدت نفسى
_طب انا همشى
:يا ليلو انتِ جيتى وشوفتيه وخلاص بقا عدى اليوم
خرجت رقيه من المطبخ وقربت عليا زينب
~بصى انا عارفه انك زعلانه منه وحقك بس انا عارفه ادم من سنين عمره ما يشوف الغلط ويسكت ممكن كان وقتها بس متعصب وانتِ مدتهوش فرصه تشوفى هى هيتصرف ازاى
حاولت اعدى اليوم وطلعت قعدت معاهم عينه متشلتش من عليا كان موترنى
ميلت على رقيه عشان كانت قاعده جمبى بعد ما عدى وقت
_هنمشى امتى
:امشى انتِ انا مبسوطه
:تفتكرى هيعترف بحبه امتى
_هو مين
سألتها بإستغراب
:ادم هيعترفلك امتى انتِ مش شايفه نظراته
_ما ده الى موترنى انا عايزه اختفى
:لا امشى انتِ انا مستانيه الواد حمو
_حمو! محمد طبع عليكى خالص
اخدت شنطتي ووقفت
_انا همشى بقا يا جماعه ومرسى على العزومه دى
سلمت عليهم بعد محيلات انى اقعد شويه
~استنى ادم هيوصلك هو كمان نازل
مش عارفه ليه حسيت بخبث فى نبره حازم
كنت لسه هعترض لكن زين نط عشان يحضنى مره واحده
:متمشيش يا ليلو
_هاجى تانى يا دودو متقلقش
بسنى من خدى
:ماشى هستناكى
نزلنا مع بعض حسيت نظراته بقا فيها عصبيه مش عارفه ليه
=يلا اركبى
ربعت ايدى وبصيت النحيه التانى
_ومين قلك انى هركب معاك اصلا
=نعم يختى ما من واحنا فوق حازم قال انى هوصل
_وهل انا قولت اه ؟
=طب اركبى بس وهنشوف حوار هل ده بعدين
وكمان انا عايز اتكلم معاكى شويه
ركبت معاه وساق شويه طلع على البحر كان الجو فى نسمه هوا بترحب بدخول الشتا
=ثانيه هجيب حاجه وهاجى
فات خمس دقايق ولقيته جه كان معاه ايس كريم جبهالى بالمانجا والشوكلت زى ما بحب
_عرفت منين
=عرفت ايه
_انى بحب الايس كريم بالمانجا والشوكلت مع بعض
=دى قدرات خاصه
غمزلى اخر كلامه السافل
= انا عايز اتكلم معاكى
_اتفضل
=حقك عليا انى زعقتلك او اتكلمت معاكى بالطريقه دى بس لما دخلت المكتب وشوفتو وهو كان بيحاول يمد ايده عليكى وقبلها كنت شايفه وهو واقف قريب منك كده ورغم ده كله لازم امسك اعصابى عشان مخسرش
_متخسرش ايه
=مخسركيش اول حاجه او اخوفك منى ومخسرش الشركة
اخد نفس عميق وكمل
=الشركه دى بتاعت ابويا وعمى انا عديت بمراهقه صعبه كلمه طايش ومستهتر دى كانت قليله عليا لدرجه انى خسرت الشركه قبل كده صفقه كبيره ومن ساعتها وابويا طردنى من الشركه لما اتغيرت وراجعت رجعنى بس بشرط انى ابقا مجرد رئيس قسم فيها ولو عملت مشكله هيطردى منها خالص لخد ما اثبتله انى اتغيرت
خلص كلامه وبصلى
=عشان كده اتعصبت حسيت انى مربوط ومش عارف اكسرلو ايدى الى حاول يمدها عليكى انا طردته من الشركه وخليته ميلقيش شعل فى اى شركه تانيه عملت كده علشانك
مكنتش عارفه اقول ايه او اعمل ايه
_انا اخدت موقف منك عشان انا معرفكش معرفش ردود فعلك ايه افتكرتك هتعدى الموضوع
=طب ايه رأيك تعرفى
_اعرف ايه
=ردود فعلى
ابتسمت ليه وحاولت اغير الموضوع
_الايس كريم بتاعتك بأيه
=بالمونه
بصتله بتقزز
_حد ياكلها بالمون ده مر اوى
=ما دى حلاوته برغم مرارته بشتريه برضه ومستحمله
روحت اليوم ده وانا حاسه براحه وانه مخيبش ظنى انا تقريبًا كده حبيتو اكتر بقينا صحاب رجعت تانى الشغل بقينا بناخد بريك مع بعض
_هتيجى كتب كتاب رقيه النهارده
=لو انتِ رايحه هروح
_اه اكيد هروح رقيه حبيبتى
اتكلم بهمس
=يا بختها
_افندم
=لا ولا حاجه هعدى عليكى باليل اخدك
روحت اخدت شور بما ان كتب كتاب لسه هتعمل احتفال بكام يوم لبست طقم بسيط بنطلون اسود كلاسك وعليه بلوزه نبيتى وطرحه سودا مع ميكب خفيف
=يلا انزلى انا على اول الشارع
نزلت كان لابس قميص ابيض على ينطول بيچ وحاجه اخر حلاوه
بصلى بأعجاب كان باين فى عنيه
=مش عارفه اقولك ايه حتى وانتِ لابسه بنطلون وبلوزه جميله
جاوبته بإحراج
_شكرا وانت كمان
=وانا ايه
_شكلك حلو
وصلنا هناك سلمت على صحابنا واتصورت معاهم وطبعًا عيط وقت كتب الكتاب قابلت حمزه ده كان جرنا زمان بس عزلو كانت طفلتى كلها معاه
~انتِ ليان صح
_اه وانت حمزه
~اه كبرتى خالص واحلويتى
ابتسمت ليه
_وانت كمان اتغيرت
~مش مصدق ان الارنوبه كبرت وبقت عروسه
ضحكت بصوت بسيط افتكرت اللقب ده عشان كانت سنانى من قدام شبه الارانب
_مبلاش انت
=ليان
بصيت ورايا كان ادم باين عليه العصبيه استأذنت من حمزه
_فيه ايه بتزعق ليه
=مين ده
_ده حمزه كان جارى واحنا صغيرين
=ايوا يعنى واققه تضحكى معاه بتاع ايه
_فى ايه يا ادم مالك انا بس عشان بقالى سنين مشوفتهوش وهو جه سلم عليا
=متقفيش معاه اعملى نفسك مش بتشوفى ولا بتسمعى
_وده ليه بقا ان شاء الله وبعدين انت بتزعقلى ليه انت مين اصلا
=انا مين
_اه انت لا ابويا ولا اخويا وجوزى ولا خطيبى بتزعقلى ليه
=يعنى دى مشكلتك
_انت فهمت ايه
يلا عشان اروحك
روحنى اليوم ده وعدى بعده ٤ ايام عرفت فيهم انه سافر تبع الشغل
النهارده كان احتفال بتاع كتب كتاب رقيه
بعتله مسج على الواتساب
“مش هتيجى النهارده حفله رقيه ومحمد”
بعدتها ومستنتش رد
لبست دريس روز منفوش كان رقيق ولايق عليا ولابست هيلز روز نزلت عشان اركب تاكسى
بس لقيته هو ساند على العربيه لابس بدله سوده وتحتها قميص اسود وكوتشى ابيض كان مثالى
زى ما بحب
نظرته ليها بتخلينى انسى ازعل
=ماشاء الله ايه الجمال ده
ابتسمت بإحراج من نظراته
_شكرا وانت كمان شكلك جميل
فتحلى بابا العربيه و ركبت
_هو انت مكنتش بترد عليا ليه
=كان ورايا كام حاجه مهمه كنت عايز اخلصهم الاول عشان اكلمك
هزيت راسى بمعنى ماشى
وكملنا الطريق فى صمت
وصلنا الكافيه
دخلت بس المكان كان هادى كان فيه جزء على البحر طلعت على الرمله لاقيت قلب معمول بالورد الاحمر وحاوليه شموع و ادم واقف فى النص معاه بوكيه ورد احمر
=بصى من الاخر كده انا بحبك وبحبك اوى كمان ومش هقدر اضيعك من ايدى او اسيبك لغيرى انا حبيتك من قبل ما اشوفك من كلام زينب وحازم عليكى لحد ما قبلتك فى الشركه واعجبت بيكى والاعجاب ده اتحول لحب انا بحبك وعايز اكمل حياتى معاكى انا مش مستنى اجابتك عشان هخليكى توافقى غصب عنك
عينى اتملت بالدموع وهو قرب منى
=انتِ متعرفيش انا تعبت قد ايه عشان اقف قدامك هنا
طلع خاتم من جيبه فيه فص رقيق
=موافقه
_بس انت على طول بتزعقلى وانا مبحبش حد يزعقلى
=مقدرش اوعدك انى مش هزعق او هتعصب بس اوعدك ان عمرى ما هسيبك نايمه زعلانه
=ها يا ستى موافقه
بصيتله بدموع وهزيت راسى وانا ببتسم
_اه موافقه
مسك ايدى عشان يلبسنى الخاتم بحركه عفويه منى حاول اسحبها
=متخفيش انا مستأذن
بصتله بعدم فهم
قرب هو خطوه
=عايز اقولك ان ابوكى بيحبك جدا هو ممكن يكون قاسى شويه انما هو واخوكى ملهمش غيرك تصورى ده خايف يجوزك ليا
بصتله بصدمه
_انت عرفت منين
=رقيه صحبتك متتوصاش اعترفت من اول قلم
_وهى القالتلك برضو ان كان نفسى ان حد يعملو مفاجئه كده
ابتسم ليا
=لا ده إجتهاد شخصى زى ما عرفت الايس كريم المفضل ليكى الفيس ميتوصاش وانتِ مش سايبه بوست مش عملاله شير ده انا لبست الكوتشى ده على شانك
بصتله وضحكت من قلبى على قد ايه هو شخص لطيف وجميل
بصلى وانا بضحك
=رقيه عندها حق وانتِ بتضحكى من قلبك غمزاتك بتبقا تجنن
اتكسفت وبطلت ضحك
همس فى ودانى
=بصى وراكى كده عشان المفاجئه تكمل
التفت ورايا وشوفت بابا واحمد اخويا من بعيد كنتى هجرى على بابا احضنه بس خفت لقيته فتح درعاته ليا جريت عليه حضنتو وانا بعيط احمد وماما قربو منى وحضنونى وانا مش مصدقه اللحظه دى
وبدأنا الاحتفال كان عازم كله حتى حمزه وده طبعا بعد ما عرف انه متجوز ورقيه اجلت احتفالها عشانى
بعد مرور ٦شهور
=يا عمى حتى نعمل كتب كتاب والفرح بعد سنه
~لا انا بنتى لسه صغيره
=صغيره ايه يا عمو دى رقيه صحبتها حامل
بابا خلاه يعانى وانا الصراحه كنت فرحانه عشان حسيت انا ليا سند
=ايوا يعنى وانتِ تخليه يبوسك ويحضنك ليه
_ده زين يا ادم يعنى طفل
=بلا طفل بلا بتاع ده انا لسه محضنتكيش حته يوم هو نايم فى حضنك وسيباه يبوسك من خدك ده انا معملتهاش
كلمته بتحرير
_ادم
=عيونه
كانت غيرته جميله
بعد شهرين اخيرا قدرنا نكتب الكتاب بعد معاناه مع بابا
=انا مش مصدق انك بقيتى مراتى خلاص
ضمنى ليه وهمس فى دانى
=تعبتينى معاكى بس على قلب زى العسل بحب يا قلب ادم
_وانا كمان بحبك اوى شكرًا على كل حاجه عملتها على شانى انا ممكن اكون مش مثاليه وفى عيوب بس هحاول اتغير على شانك
همس جمب ودنى
=وانا عايزك كده انتِ ميثاليه فى عينى
بعدنى عن حضنه ابتسمت ليه بإحراج
=لو تفتكرى فى مره قولتلك فى حاجه عايز اعملها بس هعملها بعدين
قرب منى وطبع بوسه رقيقه مكان غمزاتى
وغمزلى
=هو ده كنت هموت واعمله
وشى طلع سخونيه وقلب فراوله من الكسوف
_عيب يا ادم اتلم
بصلى وابتسم
=اموت انا فى الفراوله
_ادم
=عيونه
كنا قاعدين فى صاله بيتنا
=احكيلى تانى كده كنتى معجبه بيا من امتى
خبيت وشى فى حضنه بإحراج
خلاص يا ادم بقا بتحرجنى
بسنى من واسى
=ما هو ده هدفى
رفعت وشى ليه
=اموت انا فى الفراوله
“انت من دقه له قلبى”
تمت

لقراءة باقي حلقات الرواية اضغط على : (رواية دق قلبي)