رواية أحفاد النمر الفصل التاسع 9 بقلم ملك مؤمن

رواية أحفاد النمر الفصل التاسع 9 بقلم ملك مؤمن

رواية أحفاد النمر البارت التاسع

رواية أحفاد النمر الجزء التاسع

رواية أحفاد النمر الحلقة التاسعة

سكنت ملامحه قليلاً ثم زفر بهدوء عندما رأي أنه أنقذ الموقف علي اخر لحظات،فتحدث بحدة :
_حبيبة تعالي ورايا.
أبتلعت ريقها بقلق ثم تحدثت :
_خير يا جدي في حاجة؟
عثمان بحذم :
_ تعالي ورايا عاوزك في موضوع.
نظرت لها شروق ثم ذهبت من الغرفة،أما حبيبة ذهبت خلفه.
حتي أتجهت للغرفة معه أغلق الباب ثم جلس بجسده الضخم قليلاً ونبرة صوتهِ الحاده كملامحه ،تقول :
_ كنتِ هتبوظي الخطة اللي أحنا بنخطط ليها بقالنا شهور عشان خاطر حضرتك
ابتلعت ريقها الجاف بصعوبة ثم قالت :
_اسفه..انا بس كنت هقول لها عشان هي صعبت عليا.
ارتفعت نبرة صوته الساخره :
_ هتبوظي خطتنا وأخوكي يبقا في خطر عشان عواطفك صح؟؟ كويس أن لحقت الموقف في اخر لحظات.
نظرة أرضاً بأحراج ثم تحدثت :
_ أسفه يا جدي مش هتحصل تاني أوعدك .
عثمان :
_ أكيد مش هيحصل..عشان لو حصل تاني أوعدك أن مش هتعدي علي خير.
هزت رأسها له بينما أشار لها بيده أن تذهب.وبالفعل ذهبت إلي الخارج.
***********
دلف عمار إلي القصر فقابل والده بوجهُ الحاد الذي نظر له وتحدث :
_ كنت فين؟
عمار :
_ليه؟
وليد بحدة :
_ جاوبني علي سؤالي من غير ليه..كنت فين بقولك؟؟
عمار بهدوء :
_ كنت في الشغل.
نظر له وليد ثم تحدث وهو يرفع هاتفه بوجهُ :
_ في أي شغل بالضبط وانا لسه كنت بكلم مشرفين المتاجر وبيسألو علي حضرتك عشان بقالك اكتر من أسبوع مأشرفتش عليهم.
جفف حلقه بلسانه فصمت.،بينما هز وليد رأسه وهو يتحدث بشك :
_ تمام…تمام.،ثم أشار له بتحذير :
_ خالي بالك يا عمار أن لو في حاجة بتحصل من ورايا بدون علمي حسابك هيبقا كبير عندي.
هز رأسه باحترام لوالده ثم أجاب :
_ متقلقش يا بابا مفيش حاجة.
_ولمااا هو مفيش حاجة حضرتك بتقولي كنت في المتاجر ليه؟؟علي العموم انا اديتك معلومة بسيطة يا عمار وأنتَ حر.
تحدث بهذه الجملة ثم تركه ورحل،بينما زفر عمار بضيق ثم أتجه للأعلي.
************
في مكتب اللواء
كان مجموعة من الضباط يجلسون أمامه ومن بينهم ذالك الذي يسمي حسن.
تحدث اللواء بهدوء :
_طبعاً كلكم عارفين أن الفريق كله أستشهد.
تحدث أحداً منهم :
_ طبعاً يا فندم ربنا يرحمهم.
اللواء بغموض :
_و عشان كدا هنقفل القضية دي ضد مجهول.
تحدث حسن بسعادة :
_ بجد يا فندم؟
نظر له اللواء ثم هز رأسه له ببسمة غامضة .
أما تحدث أحداً منهم يسمي جمال بغضب :
_ يعني أي يا فندم؟هنسيب حق أخواتنا اللي راحو كدا بالساهل.لا طبعاً مش هيحصل؟؟؟
نظر له اللواء ليطرق المكتب بيده بقوة :
_ جمااااال،مش عاوز اي نقاش في الموضوع دا ،وتاني مره وانتَ بتكلمني ابقا حاسب في كلامك.
نظر جمال أرضاً ليتحدث بأسف :
_ انا اسف يا فندم ، انا أنفعلت شوية.
اللواء :
_ تمام تقدرو تتفضلوا علي شغلكم.
************
كان سعيد يجلس في غرفته وهو يعمل علي حاسوبه،قطع تركيزه هاتفه الذي أرتفع رنينه.
أغلق الحاسوب ثم وضع النظارة الذي يرتديها علي المكتب وألتقط هاتفه ليتحدث بتعجب :
_ أنسه نجار..خير؟
تحدثت نجار من الناحية الأخري ببكاء :
_ سعيد… ألحقني.
نهض سعيد ثم تحدث بلهفة وهو يتجه للخارج :
_ أهدي بس فهميني في اي؟
نجار ببكاء :
_ أنا دلوقتي في العنوان****
سعيد وهو يصعد لسيارته :
_ تمام …دقائق وهكون قدامك.
***********
أما أحمد كان يتحدث مع صديقه في الهاتف :
_ اه فاكر..كانت ايام والله.
زياد :
_ أعمل حسابك انتَ معذوم عندي بكره
أحمد :
_ للأسف مش هينفع لأن عندي شغل
زياد :
_ لا مفيش أعذار أنتَ معذوم عندي بكره علي الغدا ،وخلصنا بقا.
تنهد احمد ليجيبه بعدم فائدة :
_ حاضر.يا ذياد باشا.
ضحك ذياد ثم أغلق الهاتف ليستدير لشقيقته التي تحدثت باستغراب :
_ ذياد كنت بتكلم مين؟
ذياد :
_ دا أحمد صاحبي .
منه :
_اااه.. دا اللي ركب معانا لما عربيته كانت عطلانه ؟
ذياد :
_ أيوا هو دا.
منه :
_ امممم.
ذياد بتذكر :
_ اه نسيت أقولك أحمد معذوم بكره عندنا علي الغدا.تمام.
تحدثت بأندفاع :
_ بجد؟؟؟
ذياد باستغراب :
_ أيوا يا بنتي …هو في حاجة ؟
هزت رأسها بأحراج ثم تحدثت وهي تدلف للغرفة :
_ لا مفيش..
************
وصل سعيد ذالك العنوان ،رأي نجار تجلس علي مقدمة السيارة وتبكي بطريقة غريبة،جعلته يهرول عليها ليتحدث بقلق :
_ نجار في اي؟
أتجهت إليه نجار وهي تتحدث بصوت مبحوح :
_ بابي سابني وسافر.
نظر لها وهو يرفع حاجبه ثم وضع يده علي مقدمة رأسه ليحاول ألتماس الهدوء بنبرة صوته :
_ أيوا وفيها اي يعني مش فاهم؟وبعدين دا اللي حضرتك خلتيني أنزل جري من البيت عشانه،دنا فكرت حرامي سرق منك حاجة ،عفريت طلعلك في وسط الطريق أكلك،لاكن أجي المسافة دي كلها ونا في ١٠٠سناريو في دماغي وكلهم ألعن من بعض وفي الأخر تقوليلي بابي سابني وسافر.
قال اخر جملة بنبرة رفيعة تشبه صوتها.
أما هي نظرت له لتصيح بوجهُ بأنفعال :
_ بابي ساب البيت وسافر وقبل ما يمشي باع البيت اللي عايشين فيه، ونا دلوقتي مش عارفه هتزفت أروح فين ،وحضرتك واقف بتتريق عليا بكل برود.
نظر لها ليتحدث باستغراب :
_ اؤمال مامتك فين؟
سكن الحزن معالم وجهها وهي تجيبه بصوتٍ خافت :
_ مامي الله يرحمها.
نظر أسفله ثم نظر لها مره أخري وهو يجلس بجانبها :
_ ودلوقتي هتروحي فين يا نجار،انتِ ليكي قرايب هنا في البلد؟
نجار بصوت مبحوح :
_ كلهم مسافرين.
سعيد :
_ طب واي السبب اللي خلي بابكي يعمل كدا؟.
هزت رأسها وهي تبكي :
_ معرفش.
نظر لها بحيرة من أمرها ثم نظر لها مره أخري وقد أتت في باله فكرة ما ،نظرت له بريبة ثم تحدثت :
_ في اي ؟انتَ بتبصلي ليه كدا؟؟
أبتسم لها ثم تحدث بحماس :
_ يلا..
نجار بعدم فهم:
_ يلا اي؟
_تعالي معايا .
وضعت يدها بيده ثم اتجهت لسيارته .
************
في القصر كان جميعهم يجلسون بالبهو،وجميعهم يجلسون علي شكل دائرة يترأسها شريف النمر وعثمان النمر وحولهم الفتيات والشباب عدا سعيد.
تحدث أدهم وهو يهمس في أذن عمار :
_ اؤمال هو فين الواد سعيد؟؟
عمار بنفس همسه :
_ معرفش ،مختفي بقالو شوية كدا.
أدهم :
_ ربنا يستر الحيوان دا أختفائه مبيطمنيش.
عمار بسخرية :
_ ليه هو الحيوان أدهم.
رفع أدهم رأسه له وكاد أن يوبخه بصوت مرتفع،ولاكنه. تفاجيء بنظرات شريف الحادة والمحذرة له بأن يصمت.فصمت وهو يزفر بحنق،غمز له أحمد بمشاكسه بينما أخرج هو لسانه بعند له.
أبتسم عصام علي طفولة أولاده.
***********
في ذالك المكان الغامض :
نهض فؤاد وهو يتحدث بهدوء :
_ يلا.
_ يلا اي يا فؤاد؟؟
فؤاد بغموض :
_ هنتسلي شوية.
حسام :
_ هنتسلي ازاي يعني؟
فؤاد :
_ تعالي ورايا ومالكش دعوه بالباقي ،ثق فيا..
زفر حسام بحنق :
_ لا انتَ والثقة مينفعش تتجمعوا مع بعض في جملة واحدة أصلاً.
***********
كان مازال الجميع يجلس في البهو منهم من يتحدث،ومنهم من ياكل،ومنهم من يبتسم بمجاملة ومنهم الحزين،،
كان عمار يجلس هو وأدهم بجانب بعض.
تحدث أدهم بمشاكسه :
_ تعرف أن ندي أختك دي مش شبهك خالص.
نظر له عمار بتحذير :
_ ولا ..متجبش سيرة اختي علي لسانك.
أدهم :
_ طب علي الاقل هي رقيقة،مش شبه….اي داااا ؟اي اللي انا شايفه دا.
نظر عمار في نفس الزواية الذي ينظر بها أدهم ولاكنه صدم هو الأخر وهو يهمس بصدمة :
_ يا أبن الأيه يا سعيد.

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية أحفاد النمر)