رواية اسيري الفصل السابع 7 بقلم نورين هاني

رواية اسيري الفصل السابع 7 بقلم نورين هاني

رواية اسيري البارت السابع

رواية اسيري الجزء السابع

رواية اسيري الحلقة السابعة

جوري:- مش هنزل يـ ريان وامشي من هنا.
ريان:-قدامك 10 دقايق تنزلي فيهم يـ إما بالله هطلعلك نا.
جوري:- وهتعملها ازاي دي يخفيف؟
ريان:- خفيف، مَ علينا، شايفه المواسير دي هطلع عليها.
جوري بلامبالاه:- اي شغل الحراميه دا، هما علموك كد ف المانيا يـ ابو سيليا، صحيح مقولتليش هي مامت سيليا كانت شغاله معاك ف شغل المواسير دا ولا انت بس!
ريان بضحك:- ابو سيليا وشغل مواسير وحرامية، هتنزلي ولا اطلع واوريكي شغل الحرمية ع اصوله.
جوري:- الل عندك اعمله، يلا اتشاو يـ ابو سيليا.
ريان:- عاجبك كدا يعني البهدلة دي مش كنتي نزلتي.
جوري بصدمه:- انت، انت ايه الل طلعك هنا.
ريان:- مش قولتلك انزلي بدل م اطلعلك، ونتِ مش سمعتي الكلام ونزلتي ف طلعتلك سهلة اهي، وبعدين لسه زوقك زي مَ هو يجنن ، شكل الاوضه تحفه كد اطمن ع ديزاين بيتنا.
جوري:- نت دماغك تعبانه يبني، امشي من هنا بدل م اصوت والم عليك الل ف البيت كله.
ريان باستفزاز:- طب م تصوتي وتنادي عليهم كد اصلهم واحشني بصراحه ونفسي اشوفهم.
جوري:- يماااماااا
ريان باستعجال:- نتِ غبية، بتنادي عليهم بجد، استكي بق خليني اقولك الكلمتين الل جاي عشانهم وامشي، بطلي فرك بق هشيل ايدي بس مسمعش صوتك لحد م اخلص كلام فاهمه، فاهمه ان شاء الله.
جوري:- عيل تنح وسع كدا، انجز عايز ايه
ريان:- بت بت ايه الفاظك دي، دي مش جويرية الل نا اعرفها بقيتي سوقيه.
جوري:-ولا انت ريان الل اعرفه، كلنا اتغيرنا، بس انت اتغيرت اوي، اتغيرت لدرجة اني معرفتكش ولا كنت متخيلة انك تكون الشخص الل فضلت مستنياه طول السنين دي عشان يرجع، لما بفتكر انك رجعت بقعد اسأل نفسي انت رجعت ليه طالما شوفت حياتك واتجوزت وخلفت، ليه ظهرت تان في حياتي، كنت بحلم باليوم الل هترجع فيه عشان نكون سوا وننفذ الوعد الل وعدناه لبعض واحنا صغيرين بس انت هدمت كل دا ف لحظة، يوم ما اتخليت عن كل حاجه ومشيت، اليوم الل شوفتك فيه انت وسيليا مكنتش متخيلة انه حقيقية وانك فعلا ممكن تكون اتجوزت ونسيتني، هو انت فعلا نسيتي يريان، انا هونت عليك للدرجة دي.؟
ريان بدموع:- ممكن بلاش دموعك دي، دول غاليين عندي اوي، وبعدين نسيتك، انساكي ازاي وانا اصلًا راجع عشانك.
جوري:- عشاني ازاي، ومراتك وبنتك.؟
ريان:- بس انا مش متجوز اصلًا.
جوري بصدمة:- اه يقليل الادب يسافل، امال سيليا دي ايه، طنط كانت فين وقت تربيتك كانت بتعمل شوبينج؟
ريان بضحك:- شوبينج اه كانت بتعمله مع your mother، يـ ام دماغ مش سالكه سيليا بردوا مش بنتي، انا متجوزتش لسه اصلًا، بس ناوي اتجوز قريب يعن ولا ايه رأيك.
جوري:-…
ريان:- لا فقدان لمراكز الاحساس دا مش وقته خالص، نتِ يبنتي فوقييي.
جوري:- هااا، مين بيودي ع فين، يعن نت محترم ومش اتجوزت عليا، اقصد مش اتجوزت يعن لسه ولسيليا دي مش بنتك، امال اشتغلتني لييه وازاي اصلا بتقولك يبابا، ولا انت شكلك بتحور وانا خلقي ضيق اصلا.
ريان:- ايدك يخربيت كدا، دروس الملاكمة عامله معاكي شغل، وسعي كدا خليني اقعد وافهمك كل حاجه.
جوري:- تقعد فين، بيت ابوك هو، قوم امشي.
ريان:- لا وحياة خالتك بيت حماتي واقعد فيه براحتي، اسمعي بق، من 5 سنتين لما سافرت المانيا اتعرفت علي يوسف ومارود وتينا وبدأنا شغل سوا بجانب دراستنا واسسنا شركة لينا احنا الاربعة وكانت ناجحه جدا وليها منافسين كتير وخلال الفترة دي يوسف وتينا قراروا انهم يتجوزوا، بس كان اهل تينا مش موافقين علي يوسف لان تينا مسيحية ويوسف كان مسلم واختلاف الديانات دا كان عامل عقبه عند اهلها، بس حب تينا ليوسف خلاها اتنازلت عن كل حاجه عشان تبق معاه ويتجوزوا بعد فترة عرفنا ان والد تينا اتوفي ولكن قبل ما يتوفي كتب كل املاكه باسم تينا، ف الوقت دا عرفت تينا انها حامل ف سيليا وكانت حابه تأمنلها مستقبلها ف كتبت كل املاكها الل ورثتها من والدها ونصيبها ف الشركة باسم سيليا، بس قبل وفاة تينا ويوسف عرفنا ان ابن عمها بيدور عليها لانه عايز ياخد ورثها ليه بعد ما عرف ان نصيبها من الورث كبير واكتر حتي من الل معاه، وهددها انه لو مش كتبت كل حاجه باسمه هيتسبب ف موتها، بس حنا مش اقتعنا بكلامه وافتكرناه بيهدد وخلاص لحد ما في يوم لقيت يوسف بيرن عليا وبيصرخ وبيقول انه ف العريية هو وسيليا وتينا والعربية مفهاش فرامل وعرفني المكان الل هما فيه، بس علي ما وصلت كانوا عملوا حادثه وماتوا، بس كانت سيليا بخير لاننا كنا عاملين ليها كرسي أمن يحميها طول م هي جواه، وقتها ابن عمها افتكر ان كدا الفلوس هتبق بتاعته لانه مفيش وريث ومكنش يعرف ان سيليا هي الوريث الوحيد لابوها وامها.
جوري:- ازاي مكنش يعرف انها الوريث الوحيد مش هي بنت تينا ف اكيد هي الوريث .؟
ريان:- لا هو ميعرفش ان تينا خلفت اصلًا، لان وقت ما تينا ولدت سيليا متسجلتش بإسم يوسف وتينا دي اتسجلت باسمي انا .
جوري بعدم فهم:- اتسجلت بإسمك ازاي؟
ريان:- لما عرفنا بتهديد ماركو لتينا اقترح مارود علينا اننا نسجل سيليا بإسمي، لاننا كنا قلقانين من ان ماركو يعمل حاجه ف سيليا لما يعرف انها بنتهم.
جوري:- واشمعنا انت، ليه مش انكتبت باسم مارود.؟
ريان:- لاني كنت اقرب شخص ليهم وعشان يوسف كان عايزها تتسجل بإسم اب مسلم، كان الاتفاق دا بس لحد ما نطمن علي حياة تينا وسيليا وكنا بعد كد ناوين نرجع اسم سيليا ليوسف وتينا تان، بس ملحقناش لان قبل حتي ما تكمل سيليا سنتين كان يوسف وتينا اتوفوا، عشان كد هي بتقولي يبابا لانها فاهمه اني والدها.
جوري:- طب سؤال، نت ازاي سجلت سيليا بإسمك انت كـ اب بس، طب والام سجلت مين؟
ريان بصوت مهزوز:- مهو….
جوري بشك:- مهو ايه لا متقولش، نظراتك دي بدأت تأكدلي شكي، ريااان انطق سجلت مين الام بدل م ارتكب جناية دلوقتي.؟
ريان بخوف:- انتِ
جوري:- انا مالي، لا ثانيه كدا، انت بتقول انتِ يعن انت سجلت سيليا بإسمي انا وانت.
ريان:- اه.
جوري:- اه، دا الشارع الل وراه يعنيا، اه ايييه يلا.
ريان:- طب استأذن انا بق واجيلك وقت تان اكملك فيه.
جوري:- خد هنا يلا، دا انا هجطعك جطيع.
ريان بخوف:- لا مضمنكيش، غدارة وتعمليها.
الام:- جوري.. جوري، يبنتي
جوري:- ايوا ايوا يماما جايه اهو، نت يلا… اه يغدار لحقت تهرب .
ريان بغمز:- اطير نا بق يـ ام سيليا يعسل، هشوفك قريب.
الام:- اي الل موقفك ف البلكونه كد يجوري بتعملي ايه.
جوري بخضه:- ماما، ها لا مكنتش بعمل حاجه كنت بشم شويه هو.
الام:- طيب يحبيتي ادخلي عشان مش تتعبي، قولت اطمن عليكي قبل م انام، محتاجه حاجه.
جوري:- لا يحبيبي تسلميلي متحرمش منك، تصحبي ع خير.
الام:- ونتِ م اهل الخير.
جوري:- فاكر نك كدا هربت، يومك اسود يـ ريان.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية اسيري)