رواية حب غير مشروط الفصل التاسع والثلاثون 39 بقلم لولا

رواية حب غير مشروط الفصل التاسع والثلاثون 39 بقلم لولا

رواية حب غير مشروط البارت التاسع والثلاثون

رواية حب غير مشروط الجزء التاسع والثلاثون

رواية حب غير مشروط الحلقة التاسعة والثلاثون

عندنا عروووسه انهاارده اهو من غير نكد 😂😂😂♥️🫶
شهد الكوبايه وقعت اتكسرت منها فلف شافها واتصدم انا سمعته وواقفه عنيها مليانه دموع ومصدومه
كمال بعصبيه انت وهو تحت رجلي يا كلاب وريني اخركم
حاتم بحده هنوريك بس الصبر حلو وقفل السكه في وشه
شهد بدموع ووجع انا ايه اللي سمعته ده عمك … عمك هو اللي حاول يقتلك! !!!! وعلشان انت بتهدده بتسجيل بيقول انه قتل اهل ادم وعياطها زاد واكملت ادم تعب اوي بسببك انت وعمك حرام عليككم لييه لييه يقتل اهله وازاي يا حاتم ادم طيب اوي بجد ميستاهلش كده مش كفايه اللي منه قالتهوله والكسره اللي كسرتهالو
حاتم بحزن حبيبتي ممكن تهدي انا والله مبلغتش لاني حاطط في دماغي اعرف ادم .. لازم اساعدو يجيب حقه يا شهد ادم اتيتم من وهو 3 سنين بسبب عمي
شهد بصدمه اييه وعنيها دمعت واكملت وليه ليه يقتلهم
حاتم بتنهيده هقولك الحكايه وقص عليها كل شئ
شهد بعياط حتي لو ده يديه حق يقتل جوزها ?? مهما كان بيحبها طب اديه يتم طفل وكسره لا وتمر السنين يحب بنته يالهوي يالهوي لما ادم يعرف يا حاتم بجد كتير عليه كده كتير اوي
حاتم بحزن والله هساعده يسجنه هو بس يرجع بلسلامه ولحد ما ده يحصل ده هيفضل سر بينا يا شهد منه هتدمر لو عرفت ان ابوها اللي قتل اهل جوزها
شهد بدموع اكيد طبعا مش هقول حاجه زي كده بس انا .. انا خايفه عليك يا حاتم عمك راجل شراني ومش سهل
حاتم مسح دموعها واكمل بحب ممكن تهدي هو ميقدرش يأذيني تاني خلاص
شهد بحده ودموع اهدي ايه ده معندوش قلب قتل اهل ادم وشغله مش مظبوط وجرب يقتلك واللي يقتل مره يقتل الف مره ومسكت ايده واكملت بدموع ارجوك انا مليش غيرك حاول ابعد عن اي حاجه تخصه خليه يحل عنك
حاتم يا حبيبي افهمي اه جرب يقتلني بس لما الحمدلله عدت وقولتله ان لو موت هيتحبس لاني سايب كذا نسخه مع كل اللي اعرفهم هيخاف يكررها والله العظيم ممكن تهدي بقي
شهد بدموع يا حاتم انا خايفه عليك والله انا غصب عني
حاتم بحب عارف يا قلبي بس عايزك تطمني انا عارف تفكيره ووالله هيخاف يقربلي تاني
شهد حضنته واكملت بدموع وحب ربنا يستر بجد يا حبيبي وينصرك عليه
حاتم بحب يارب يا ام ملوكه
—————————————–
تاني يوم الصبح في امريكا قاعده ساالي والميكاب ارتيست بتحط اخر اللمسات النهائيه وطلعت حلوه جداا وخلاص جهزت وكانت لابسه فستان ابيض بكام شيفون وفي تطريزه ولامعه رائعه وضيق من عند الصدر وواسع لتحت بنفشه جميله اوي وفارده شعرها اللي كان طويل ومموج بطريقه رائعه والتاج مع الاكسسورات كانت حرفيااا وكانها من عالم ديزني بجمالها
ادم خبط
ساالي ادخل
ادم دخل كان لابس بدلته وجهز شافها انبهر بشكلها واكمل بحب حقيقي زي القمر
سالي بدموع فرح ربنا يخليك ليا يارب يا حبيبي
ادم راح باس جبينها ودموعه نزلت بفرح وحضنها واكمل بحب وهو بيطبطب علي ضهرها ربنا يسعدك ويفرح قلبك ويعوض ايامك بجد يا سالي
سالي بحب ودموع ويسعدك واشوفك احسن واحد في الدنيا يا قلب اختك من جوه
ادم مسح دموعها واكمل بابتسامه من غير دموع عايزين القمر ده يبتسم وبس اجهزي بقي علشان خلاص هاجي اخدك
سالي هزت راسها ب تمام واكملت بحب هي الطرحه بس انا خلصت كله
ادم بحب طيب يا قلبي يلا هروح اشوف رامز وجايلك ها
سالي ابتسمت واكملت ماشي يا حبيبي. واكملت وهي بتدور بعنيها بس هو فين مارو
ادم بضحك مع ابوه ياختي وراسه والف سيف يلبس نفس بدله رامز فنزلوا دوروا لغايه مالقي واحده زيها بس صغيره
سالي فضلت تضحك واكملت بجد مروان ده مشكله لا والتاني بيمشي وراه
ادم بحب ابنه الوحيد ميفرحوش ليه يعني
سالي ابتسمت بحب واكملت عقباال ما اشوف عيالك يا حبيبي ويهديك انت ومراتك علي بعض
ادم ابتسم بحزن واكمل الحق انا اروح بقي اشوف رامز يلا. باي
ومشي
سالي بحزن ربنا يهديكم ويجمعكم يا ادم
في اوضه رامز الباب خبط
رامز وهو بيعدل اللايقه قدام المرايا اكمل ادخل
ادم دخل واكمل بحب ايه الشياكه دي كلها يا حضره الظابط
رامز ضحك واكمل بحب واحنا نيجي جمبك ايه بس يا دوما
ادم بحب تسلم يا حبيبي واكمل هو فين القرد ابنك
رامز بضحك كفر اهلي يا ادم بجد منا مالقيتله بدله شبهي يخربيت امه
مروان خرج من الحمام ووقف قدام المرايه واكمل لرامز بابتسامه هااا ايه رايك فيا كده
ادم بضحك ايه يا ماور الكاريزما دي كلها
رامز بصله واكمل بحب زي القمر يا حبيبي
مروان بحماس لادم ها حلوه صح يا بابا
ادم وطي شاله واكمل بضحك وهو بيبوس خده جميله اوي يا قلب بابا ده انت غطيت علي العريس نفسه
مروان بضحك خلاص هتجوز انا ماما
رامز بصله في المرايه واكمل بضحك علشان اعلقك في المروحه
ادم بضحك تقولش الجوازه دي مبصوص فيها من زمان بتبوظ اهو ابنك عايز يتجوزها
رامز بضحك يا جدع دي حاجه فقر بجد
مروان بحماس انا هتجوزها دي امي انا
رامز بضحك لا ياراجل وانت جبت منين الكلام ده وهو طبيعي ان الواحد يتجوز امه يعني ولا ايه
مروان بضحك معرفش بس انا عايز اتجوزها علشان هي حلوه وجميله واميره روبانزل
ادم فضل يضحك واكمل لا بابا يزعل كده يا مارو
رامز لفله ومسكه من هدومه ورفعه واكمل بضحك انت يالا انت بتعاكس مراتي اعلقك في المروحه وارتاااح منك
مروان بضحك مش انت قولتلي ان ماما اميره
رامز بضحك انا اقول انما انت يا شبر ونص واقف تقول جميله وحلوه جبت منين الكلام ده يااالا
مروان بضحك علشان هي جميله فبقول عليها جميله بس نزلني بقي يابابااا
ادم بضحك هو مصمم قسموها مع بعض وخلاص بقي يا رامز
رامز بضحك طب مش هنزلك قبل ماتقول مين هيتجوزها
مروان بضحك انا
رامز بضحك بردو ? طب خلاص خليك ومش هجبلك مسدس
مروان بحماس لالا خلاص انت هتتجوزها بس هاتلي المسدس
ادم بضحك بعت امك بمسدس يا مروان اخص عليك خساره فيك التسع شهور
رامز فضل يضحك ونزله علي الارض واكمل ايوه خليك مؤدب كده وانا اجبلك اللي انت عايزه
مروان بحماس طب يلا عايزين نروح الفررح
ادم بحب خلاص بابا هيخلص اهو وهنروح
مروان بحماس هي ماما فين يا بابا ادم
ادم بحب هجيبها وجاي دلوقتي يا حبيبي وبص لرامز واكمل بقولك
رامز وهو بيلبس الجزمه اكمل ايه يا حبيبي
ادم لو سالي انهارده خافت ومش جاهزه ل
رامز بمقاطعه عيب عليك من غير ماتقول استنيتها سنين واستناها عمري كله وفاهم انت بتفكر في ايه
ادم بحزن اه اصل مجرد قربك منها ممكن يرعبها انت فاهم
رامز بحب عارف والله وبراحتها انا مش مستعجل نهائي المهم بجد اني هتجوزها يا ادم
ادم بحب ربنا يخليكم لبعض يا حبيبي
رامز بحب ويخليك لينا يا غالي وبص لمروان واكمل بحب يلا يا حضره الظابط
مروان بحماس يلا يا عريس
ادم فضل يضحك فاكمل رامز بضحك مش طبيعي الواد ده مش فاهم 3 سنين ونص ازاي
ادم بضحك ربنا يحميه بجد
ونزل رامز ومروان القاعه وطلع ادم يجيب سالي
في الاوضه ادم خبط ودخل
ادم بحب ها جاهزه
سالي بحب وفرح اه جاهزه ومسكت ايد ادم زي العريس والعروسه وراحت القاعه وابتدت تنزل سلالم القاعه مع ادم والاغاني اشتغلت والناس سقفت لما شافوها ورامز كان واقف اخر السلم باصصلها بانبهار واعجاب وحب كبير اوي
سالي بصتله بدموع فرح وهي بتقرب منه مع كل خطوه بتنزلها وبلفعل نزلوا وادم سلم عليه وحضنه واكمل بحب مش هوصيك انا عارف مدي حبك ليها قد ايه
رامز بحب في قلبي ونن عيني والله متقلقش عليها ومسك ايديها مكان ادم وكمل مشي في الممر وهي بتدمع من الفرح والناس بتحدف عليهم ورد وراحو قعدوا علي السفره عند المـأذون وادم قعد قدام رامز وتم عقد القران رسمياا واطلق المأذون كلمته الشهيره بارك الله لكما وبارك عليكما وجمع بينكما في خير
وهنا رامز قام حضنها بفرح وحب كبير وضمها اوي ودموعه نزلت بغزاره وهي حضناه وبتطبطب علي ضهره ودموعها بتنزل زيه بفرح
رامز بهمس وحب وعنيه مليانه دموع اكمل اخيرااا يا سالي يااااه والله العظيم مش مصدق اقسم بالله حاسس اني بحلم ده لقد هرمنا من اجل هذه اللحظه بجد انا عشت عمري كله بحلم بليوم ده والحضن ده وانت لابسالي الابيض وحلالي ومراتي انا بجد بحبك اوي يا سالي اوي ومبسوط ان ربنا استجاب لدعائي كل يوم وجعلك نصيبي وجبتيلي اجمل هديه في حياتي مروان
سالي بدموع وحب عمري ما كنت اتخيل اني هلبس فستان ابيض تاني ويكون ليك انت ونوصل لهنا وابقي مراتك بس انا بحبك اوي بجد يا رامز بحبك اوي وفكره اني بقيت ليك وحلالك دي لوحدها مخلياني طايره من السعااده وضمته اكتر واكملت مش عايزاك تبعد عني تاني بعد انهارده خلاص
رامز بحب ودموع اااه ياا سالي طلعتي عين اهلي وتعبتيني علشان اوصل لهنا والله ما قادر اخرجك من حضني لحد دلوقتي مش قادر استوعب انك بقيتي مراتي وحلم السنين اتحقق وبقيتي معايا وبين ايديا
سالي بحب ودموع دلوقتي بس هقول ابتديت أحب عمري⁦⁩ علشان انت فيه وهتكمله معايا يا قلب ونورعين سالي
رامز بحب ودموع وهو حاضنها اكمل فعلا صدق اللي قال كانت الحرب من اجلك صعبه ولكنك تستحقي وتعب المشوار والصعوبات اللي شوفناها خلال الرحله خلتني احس بقيمه وحلاوه حضنك دلوقتي يا سالي انا احب اقول دلوقتي بكل الحب اللي فى العالم اني اخدت نصيبي الحلو كله فيكي انتي
ساالي ابتسمت بحب ودموع واكملت اخره الحدوته طلعت حلوه والدرا اصبح امان
رامز بحب امان طول مانتي فيه
مروان بضيق احضنوني شويه معااااكم بقي واقف بقاالي كتير
كلهم ضحكوا عليه فشاله رامز وخلاه بينه هو وسالي واكمل بضحك ولا تزعل يا حضره الظابط وباسوا خدو سوا واتصوروا صور كتير مع بعض ورقصوا سلو مع بعض واليوم كان حلو جداا واتحفر في ذاكرتهم وكانوا في قمه سعادتهم
بعد الفرح في الفيلا عند رامز في الصالون
رامز يابني اسمع الكلام الفيلا كبيره هتقعد لوحدك ليه انت عبيط
سالي خليك يا ادم مش معني اني جيت هنا فانت متفضلش بيت اخوك علي فكره
ادم يابت عارف بس علشان تبقوا براحتكم
رامز لالا ملكش دعوه بينا الفيلا واسعه هي الاوضه اللي انت هتاخدها هتضايقنا يعني وغمز واكمل بضحك بعدين خليك علشان تاخد مارو
سالي ضربته في كتفه واكلمت اتلللم
ادم فضل يضحك واكمل اذا كان كده فعنيا الاتنين يلا يا مارو
مروان يلا فين
ادم بحب ننام مش عايز تنام مره مع بابا ادم
مروان انا عايز انام مع ماما وبابا
ادم بضحك مش بقولك حد باصص في الجوازه اتصرف فابنك بقي
رامز بضحك اقول ايه بجد مش عارف مقدرش اقوله لا
ادم بضحك عارف متبقدرش تزعله انت
رامز بحب ده حقيقي بجد
سالي هات الواد بينا واتلم هاا
رامز بضحك لا حلوه بينا دي يعني مش جمبي او جمبك لا بينااا عايزه تعملي فواصل من اولها
سالي بتمثيل اكيد مش هيهون عليك تزعل ابنك يا رامز ده بيحبك اوي
رامز بضحك يابت متخلنيش اضعف
ادم بضحك دي سوسه دي بتخلع بلطريقه بس عموما يا مارو انا زعلان منك
مروان بحزن ليه
ادم بتمثيل علشان انت مش راضي تيجي تنام مره مع بابا ادم وعمل نفسه بيعيط
مروان حضنه واكمل بحزن لالا متعيطش خلاص هنام مع بابا ادم يا ماما
سالي بتوتر ليه مش انت قولت
ادم بصلها واكمل بضحك اتلمي هاا وشال مراون وباس خده واكمل يلا يا قلب وروح بابا وبص وهو طالع لرامز واكمل بضحك عد الجماايل هاا
رامز بضحك تسلم يابرو
سالي مسكت طرف الفستان وبتطلع السلالم فشهقت لما لقيت رامز شالها بين ايديه واكمل بضحك مالك يا عروسه قلبك خفيف كده ليه
سالي ابتسمت باحراج واكملت لا متوقعتش بس
رامز دخل بيها اوضتهم ونزلها علي الارض واكمل بحب عايزين نصلي سوا في بدايه حياتنا
ساالي ابتسمت بحب واكملت موافقه جداا
وبلفعل حضروا نفسهم للصلاه و وقف امام ليها وصلي بيها وبعد ماخلص صلاه حط ايديه علي راسها وقرا ليها ادعيه وهي كانت بصاله بابتسامه مليانه حب
رامز وهو بيقوم اكمل بحب حرما
سالي وهي بتقوم اكملت بحب جمعا يا حبيبي ولفت واكملت بتوتر وخوف هو ممكن ..ممكن تفتح السوسته معلش يا رامز
رامز بحب ممكن طبعا وفتحها وحضنها من ضهرها واكمل بحب ممكن انتي تهدي لان مفيش اي حاجه هتحصل انتي مش عايزاها
سالي لفتله واكملت بدموع وخوف انا غصب عني خوفت بس مش عايزاك تزعلي مني والله غصب عني
رامز بحب بس بس اهدي يا قلبي ومسح دموعها واكمل عمري ما ازعل منك والله انا مقدر اللي انتي فيه اوي ومتحطيش في بالك اني ممكن اضايق والجو ده خدي وقتك وبراحتك
سالي بدموع وحب انا عارفه لو ادتلك فرصه هتمسح الذاكره دي من حياتي وهيبقي مكانها حياه جديده خلاص وتنهدت واكملت فهحاول اعمل كده
رامز لالا متحاوليش ولا تفكري خدي شاور وغيري هدومك وتعالي ننام
سالي مسكت ايده واكملت بحب رامز انت تعبت اوي منا ماوصلتك لهنا مش عايزه اضيع فرحتك بس انت ساعدني
رامز حضنها وفضل يطبطب علي ضهرها واكمل بحب اولا انا مفيش حاجه في الدنيا كلها هتيجي تضيع فرحتي انهارده فمش عايزك تقلقي ولا تفكري فكده خالص ثانيا بقي عايزك تطمني وانتي في حضني كده ولو ده حصل تبقي نقطه مهمه اوي انك قربتي تبطلي تخافي مني وواحده واحده هترجعي تاني كويسه واحسن
سالي وهي حضناه ومغمضه اكملت برغم كل اللي مريت بيه بس حضنك فعلا اكتر مكان انا مرتاحه فيه يا رامز
رامز باس ايديها واكمل بحب ربنا يخليكي ليا يا روح قلبي وميحرمنيش منك ابداا
سالي بحب ولا منك يا روحي … هدخل اخد شاور ها
رامز بحب ماشي يا حبيبي روحي
وبلفعل سالي دخلت تاخد شاور وبعد شويه رامز طلع من الاوضه في اتجاهو لاوضه ادم وخبط
ادم استغرب بس اكمل ادخل
رامز دخل واكمل بحب مارو نام ولا لسه صاحي
ادم كان في بلكونه اوضته بيرسم فاكمل لا نام الحمدلله واستغرب واكمل انت ايه طلعك
رامز دخله البلكونه واكمل جيت اشوف الواد بس عادي
ادم وهو مركز في اللوحه اكمل بضحك اممم تبقي الليله اضربت يا معلم
رامز بضحك لا والله مش كده اصلا سالي بتاخد شاور بس انا اللي مش حابب اضغط عليها
ادم بصله واكمل من غير ضغط والكلام ده هي بتحبك بس خايفه شويه وغمز واكمل مش هفهمك بقي طمنها وواحده واحده باذن الله كل حاجه هتبقي كويسه
رامز ااه اكيد منا عارف والله وبلنسبالي براحتها انا مش مستعجل يا ادم طول مابقيت مراتي خلاص مش عايز حاجه تاني وقعد جمبه وبص للوحه واكمل بتنهيده منه دي مش كده
ادم ابتسم بحب وهو بيكمل واكمل اه هي
رامز بحزن انت ليه مصمم توجعني عليك
ادم تنهد بوجع واكمل انا بخير يا رامز متقلقش وروح لمراتك علشان ممكن تزعل لما تلاقيك طلعت من الاوضه
رامز بحزن ادم انت مش بخير انت هتموت من شوقك ليها
ادم ابتسم بحزن واكمل مكدبش عليك انا فعلا بموت من شوقي ليها وبحبها وواحشتني بس مفيش حل تاني
رامز بحزن انت ممكن تكملها وتقولها ان
ادم بمقاطعه روح يا رامز لمراتك وملكش دعوه بيا
رامز بحزن انا مضايق اني مش عارف اعملك حاجه
ادم ابتسم بوجع واكمل ادعيلي يا رامز دي احلي حاجه ممكن تعملها
رامز حضنه وطبطب علي ضهره واكمل بحب عنيا يا غالي بدعيلك وهفضل ادعيلك
ادم حبيبي تسلم يا غالي واكمل ضحك يلا بقي روح يا عريس ولا انت ناوي تكسفنا ولا ايه
رامز بضحك يا جدع قول كلام غير ده ومروان ده مش مالي عينك
ادم بضحك غمز واكمل سيبك من مروان وروح خاويه
رامز بابتسامه قول يارب
ادم طبطب علي كتفه واكمل بحب ربنا يسعدكم يا حبيبي ونفرح بعيالكم
رامز بحب واشوفك ناجح ومرتاح البال ومبسوط يارب يا ادم
ادم بحب اللهم امين يارب ورجع يكمل الرسمه واكمل يلا روح بقي
رامز بحب تصبح علي خير
ادم بحب وانت من اهله
وخرج لقي مروان نايم فراح باس خده وغطاه كويس وخرج
في البلكونه ادم دموعه نزلت بحزن ووجع
فلااااش باااااك
منه بضيق يعني مش هتساعدني
ادم بضحك مقدرش يا عمري انا بهزر معاكي وريني عايزه ترسمي ايه
منه فرحت وجابت المشاريع حطيتها قدامه واكملت بحب بص بقي انا عايزه ارسم زي دول بس يكونوا حلوين يعني شبهه بلظبط عايزه اطلع مركز اول يا ادم
ادم بضحك اه يا غشاشه انتي
منه بضحك لا امسك ايدي وارسم بيها علشان الضمير بس
ادم بضحك ايه شغل كتابه الواجب بتاع الاطفال ده هو ايه اللي امسك ايديك وسعي كده يا قمر وبصلها واكمل لو مسكت ايدك مش هركز في الرسم اصلا
منه بضحك اتلم واحترم نفسك طب خلاص انت حته وانا حته
ادم بحماس موافق ابدائي
منه مسكت الادوات وبدات ترسم باتقان واكملت بحب ها ايه رايك
ادم باعجاب خياال بجد … هاتي بقي وخد منها الادوات وكمل وخلي شكل الرسمه فعلا اكتر من رائع
منه بابنهااار يخربيتك انت واخد كورس صح ده انا مهندسه مش بطلعها كده
ادم بضحك لا موهبه مخدتش كورساات
منه باعجاب وفرح بجد تسلم ايديك يا روح قلبي واكملت بحب ادم بالله لترسمني في مره ومفيش نقاش
ادم ارسمك تاني ?
منه ليه هو انت رسمتني اولاني
ادم بحب مش مرسومه في قلبي
منه بضحك لا ياراااجل اهرب من الكلام اهرررب .. ااادم
ادم بضحك ايه يا قلب ادم
منه اوعدني انك مره ترسمني
ادم مسك ايديها باسها واكمل بحب عيوني والله هرسمك
منه بحب انا بجد بحبك اوي وباست خده
ادم ابتسم بحب واكمل وانا اكتر يا ست البنات
منه بحب ربنا ميحرمنيش منك لحظه يارب وتفضل مالي عليا حياتي
ادم بحب ولا يحرمني منك يا نورعيني
باااااك
ادم تنهد بوجع واكمل واحشتيني اوي بجد اوي
في اوضه رامز وسالي
رامز كان خد شاور في اوضه تانيه ولبس بنطلون بيتي وتيشرت وفرد جسمه علي السرير وقاعد ماسك الريموت وبيتفرج علي الشاشه ودقايق وطلعت سالي وكانت لابسه قميص احمر حمالات قصير لقبل الركبه وفارده شعرها
رامز شافها انبهر بيها واكمل بضحك طب ارحمي اهلي اه قولتلك خدي وقتك بس من غير ماتعذبيني كده
سالي ضحكت وراحت قعدت جمبه واتغطت واكملت اخص عليك ده بدل ماتقولي رايك
رامز بحب لا هو معلش انتي اصلا امتي كنتي وحشه مادايما بسم الله مشاء الله عليكي قمر ..لا قمر ايه احلي من القمر كمان
سالي بضحك لا ياراجل
رامز بضحك اه والله مش بجامل علميااا القمر جسم معتم وبينور من انعكاس اشعه الشمس عليه يعني زي حجر اسود انما القمر بتاعتي بتنور من غير حاجه اهو
سالي ضحكت واكملت بحب ازاي بقي هو مش في راجل بينور الست وراجل بيطفي
رامز بضحك بسمع انتي بقي شايفه ايه
سالي بحب انت نورت حياتي كلها مش انا بس يا رامز حقيقي ربنا يخليك ليا وميحرمنيش منك ابداا يا احلي ابو مروان في الدنيا
رامز بضحك طب وبمناسبه مروان والكلام الحلو ده غمز واكمل مش ناويه نخاويه
سالي ضحكت بخجل واكملت بحب ناويه اومال انا جيتلك ليه كده دلوقتي بس المره دي بقي يطلعلي انا كفايه مروان واخد كل حاجه فيك حتي عينيك القمر دي
رامز بضحك وربنا يعني انتي موافقه عادي وبعدين مالها عيني ياست ساالي ماهي حضرا وحشه الخضرا
سالي بضحك اه موافقه وبعدين لا ياروحي جميله وحياه طبق الملوخيه اللي في عنيك ده بحبهم
رامز برفعه حاجب طبق ايه !!!
سالي بضحك خلاص متتقمصش كده ايه رايك في الاماكن الطبيعيه تشبيه الطف اهو
رامز بضحك وربنا انتي مهزقه اوعي كده
سالي بضحك الله ماهما اللي لونهم زي الاكل والزرع مش عارفه اكون رومانسيه واقولك زي الناس بتاعت عيونك زي موج البحر وبغرق فيهم والجو ده انت اللي عينك زي الملوخيه والسبانخ والزرع اجبلك منين تاني وضحكت واكملت اه والباميه والكوسه والكرمب والجرجير…تصدق ده فيه حاجاات كتير يا واد يا رامز
رامز بضحك اه كملي يا حبيبتي نسيتي الخيار والخص والخضره والبقدونس
سالي بضحك ايوه برافو عليك منتا مركز معاياا اهو
رامز بضحك منك لله انتي ورومانسيتك مش عايز اسمع ولا كلمه تاني
سالي بحب بس ميمنعش بردو عاجبني وحلوين اوي وبغرق فيهم بردو مش لازم يكونوا زرق
رامز بحب والله ما عارف اقولك ايه اكتر من بحبك قد الدنيا بس فعليا مش عارف ادي فرحتي لحد بوجودك جمبي وشدها لحضنه وباس راسها واكمل بحب ربنا يباركلي فيكي ويحفظك ويخليكي ليا يانورعيني
سالي بحب ويخليك ليا يا حبيبي
رامز بحب متاكده انك مش خايفه ?
سالي بحب ممزوج بتوتر اكيد متوتره شويه بس علشان اتغلب علي ده لازم اواجه خوفي وانسي الماضي
رامز بحب وانا معاكي وهنسيكي كل ده…. وقرب باسها بحب وهي حطت ايديها علي رقبته وتجاوبت معاه بحب ولما كان بيحس برعشتها كان بيطبطب عليها ويهاديها لحد ما اطمنت
———————————————-
بعد مرور 7 شهور ادم بيتشغل علي تحقيق حمله ومركز في ده جداا وبيتصل كل يوم يعرف اخبار منه من عمر ومالك ونتيجه ممتازه في دراسته وماشي حلو جداا وبيتكرم …. منه في الشهر التاسع بعد ماعرفت انها حامل في بنت ومبسوطه ان حلم ادم اتحقق واول بيبي بنت .. جيسي ومالك اللي بقيت حياتهم وردي اوي وبيحبوا بعض بس جيسي منطقتش كلمه بحبك لمالك بس بتعمل معناها كتير اوي واعترفت بحبها ليه لنفسها بس لحد الان مش قادره تبوح بمشاعرها لانها كتومه جداا حتي انها اتعالجت نفسيا وبقيت مؤهله تعيش حياتها مع مالك وتخطت حاتم بنسبه 100% بس ولا مره مالك قربلها وسايبها تتعافي من اللي حصل بينهم براحتها وكمان لان حملها صعب فمقربش منها خالص وولدت في السابع من اسبوع ولد وسمته سليم علشان يفرحوا ادم اللي اول ماعرف فعلا دموعه نزلت من الفرح واتبسط جداا …. شهد وحاتم حياتهم بقيت اجمل وجابو ملك وبقي عمرها 3 شهور … عمر وتاليا واقفين جمب بعض وحبهم بيزيد ولحد الان تاليا ربنا مكرمهاش بس عندها امل في يوم هيحصل … سالي ورامز حياتهم اتبدلت وبقيوا مبسوطين اوي هما التلاته وبقيوا اسره حلوه اوي .. وصافي وذياد اتخطبوا بعد ماذياد راح اتقدملها ووافقت لانها بتحبه اوي
في بيت ساميه صباحا وتحديدا اوضه مالك وجيسي
جيسي بضيق يا حبيبي نام يا قلب امك حرام علي اهلك نااام من امباااارح صاااحيه يخررربيتك علي بيت الزن يخسارتك في المرمطه يا جيسي
مالك صحي واكمل بنوم ماله يا جيسي الواد بيصرخ كده ليه
جيسي بدموع مش ابن سبعه خلقه ضيق وقارفني معاه
مالك اتعدل واكمل بضحك بس بس يا حبيبتي في ايه يخليكي تعيطي
جيسي بدموع يا مالك الواد عنده اسبوع بس والمفروض انه ينام الفتره دي بس هو من امبارح صريخ وعياط تعبت
مالك وده ملفتش نظر اهلك انه ممكن عنده مغز وتعبان
جيسي تصدق صح ممكن
مالك هز راسه بيأس واكمل بضحك هاتي هاتي ده انتي اللي عملك ام ظلمك
جيسي بتعب والله يا مالك تعبانه اوي ومن امبارح سهرانه جمبه ولسه مش بقالي غير اسبوع والده يعني يادوب الجرح قفل بس لسه بنزف فمش قادره بجد
مالك هي الساعه كام دلوقتي
جيسي وهي بتتاوب اكملت 9
مالك يااه كل ده سهرانه وباس جبينها واكمل بحب ربنا يقويكي بجد يا حبيبتي كتر خيرك عايزه تنامي نامي هقعد انا بسليم بس رضعيه
جيسي بحب تسلملي يارب ..المهم انت عيدت علي ادم اوعي تنسي ان عيد ميلاده انهارده
مالك وهو بيدي سليم الدوا اكمل بحب اه طبعا عيدت ومش ناسي وكمان انا عيد ميلادي بكره فانا بعديه بيوم فمميزين ورا بعض
جيسي بحب عارفه ان عيد ميلادك بكره كل سنه وانت طيب يا احلي ابو سولي في الدنيا وعقبال العمر كله وانت جمبي يا غالي
مالك بحب وانتي طيبه يا قلب ابو سولي ويخليكم ليا يارب
جيسي بحب يارب
مالك امسكي بقي وانتي بتاخدي الواد سمي ورضعيه وهو خد الدوا هينام دلوقتي منمش نامي انتي وانا هطلع اخده منك
جيسي بحب بسم الله وشالته منه وحطته علي رجلها وابتدت ترضعه واكملت بحب خلاص ماشي
مالك بصلهم وابتسم بحب
جيسي بضحك اتلم بتبص علي ايه هاا
مالك بضحك علي ابني ياللي مش سالكه بجنيه انتي
جيسي بضحك اممم بحسب
مالك ضربها بخفه علي دماغها واكمل لا متحسبيش انا قايم اخد شاور ها
جيسي ماشي خد هدومك معاك بالله علشان كل مره تنسي وانا برضع الواد مش قادره اقوم
مالك حاضر وقام باس خد سليم وراس جيسي ودخل الحمام
وجيسي ابتسمت بحب
في اوضه ادم اللي منه قاعده فيها
منه خرجت من الحمام لابسه دريس بيتي ولامه شعرها وتعبانه اوي وحاسه انها هتقع بصت علي شكلها في المرايه وبطنها الكبيره اوي ابتسمت بحب ومشت ايديها علي بطنها بحب ودموع وفاجاه حست بتعب فاكملت ماما .. ماااماا واكملت بصرااخ ماااااماااا
ساميه دخلت واكملت بخوف ايه يا حبيبتي في ايه مااالك
منه بدموع ووجع مش قادره بطني بتتقطع مش قااادره وحست بمياه بتنزل عليها فاكملت بدموع ووجع نزل عليا مياه انا بولد يا ماما مش قااادره وفضلت تعيط
ساميه بخوف استني طيب اساعدك في اللبس يا بنتي واكملت بصوت مسموع يااا جيسيي بت ياااا جيسي
جيسي جات بخوف واكملت ايه في ايه يا ماما
ساميه بخوف ساعديني البس اختك بتولد
جيسي بدموع وخوف حاضر حاضر وقفلت الباب وساعدوها تلبس ولفولها الحجاب
منه بصراخ وعياط مششش قااااادره ااااه ياااارب مش قاااادره يا ماااماا مش قااادره
ساميه بدموع وهي بتمسح ليها عرقها اكملت اهدي يا بنتي خدي نفسككك اهدي يا حبيبتي
جيسي بخوف ماااالك يااا مااالك
مالك جيه بسرعه واكمل بخوف ايييه في اييه مالها منه بتصرخ ليه
جيسي بدموع وخوف بتولد
مالك بخوف طب روحي روحي حضري عربيتك بسرعه هجيبها وجاي
جيسي هزت راسها ب اه ولبست بسرعه عبايه فوق هدومها وخدت ابنها ونزلت حضرت العربيه
مالك بقلق اهدي اهدي يا حبيبتي هتعدي والله متخافيش خدي نفسك حاولي خدي نفسك واهدي
منه بعياط ووجع مش قادره يا مالك والله بموووت مش قاادره اااه
مالك وطي لبسها الكوتش واكمل بخوف وهو بيسندها خلاص هنروح اهو اهدي يا حبيبتي باذن الله خير
ساميه بدموع يلا يا ابني انجز
ماالك نزل بمنه وقعدها وجيسي وساميه جمبها
وهو قدام وساق باقصي سرعه علي المستشفي
منه كانت عماله تعرق واكملت بعياط اااه يااارب مش قادره يااارب مش قااادره والله وفضلت تعيط واكملت في سرها فينك يا ادم ياريتك جمبي محتجاك اوي
ساميه بدموع اهدي يا بنتي هتقومي بالف خير وهتبقي زي الفل والله اختك اهي بقالها اسبوع والده وكانت كده واكتر وبقيت كويسه اهو متخافيش
منه بصراخ وعياط مش قادره يا مالك ارجووك انجر يااا مااالك مش قااادره والله
جيسي طبطبت عليها بدموع واكملت اهدي يا حبيبتي اهدي باذن الله خير
وجيسي كلمت عمر وتاليا وعرفتهم ان منه بتولد وزيهم حاتم وشهد
في المستشفي وصل مالك وسند منه واكمل بلهفه لريهاام الحمدلله لقيتك منه بتولد ومصممه انتي اللي تولديها
ريهام بخوف اهدي يا حبيبتي اهدي تعالي معايا وبصت للممرضات واكملت معلش ساعدوني نجهزها ودخلوا الاوضه جهزوزها وهي بتصرخ وبتعيط ولبست لبس العمليات وخرجت وهما منيمنها علي السرير
وكانوا كلهم وصلوا فمسكت ايد مالك واكملت بدموع لو مخرجتش قول لادم اني بحبه اوي بجد ومكنش قصدي اوجعه كده
مالك بدموع بس يا هبله اي حد بيدخل عمليات بيفكر كده هتقومي انتي وحبيبت عمو بالف خير والله وهتشوفي وطبطب علي ايديها واكمل هتعدي والله وساب ايديها ودخلت العمليات
تاليا بدموع انا خايفه عليها اوي
عمر حضنها واكمل بقلق اهدي باذن الله خير يا حبيبتي ربنا معاها يارب
جيسي كانت واقفه بلعافيه وشايله سليم وبتعيط وخايفه مالك راحلها وخد منها سليم واكمل بحب ممكن متعيطيش والله هتقوم وهتبقي زي الفل واقعدي انتي لسه تعبانه فقعدها وقعد جمبها
جيسي بدموع الجمله اللي قالتهالك رعبتني اووي يا مالك
مالك بدموع حبيبتي انتي بردو قولتي كده هو اي واحده بتحس بكده من رهبه اوضه العمليات بس وطبطب عليها واكمل ارتاحي انتي بس وهتشوفي هتقوم بالف خير
جيسي نامت في حضنه واكملت بدموع وخوف يارب
ومالك مسك فونه وجاب القرأن وفضل يقرا وبيدعي لمنه وزيه عمر وحاتم كانوا عاملين كده
ساميه بدموع وخوف يارب يارب قومها هي والبت بالف خير يارب وفرحنا
شهد وهي قاعده بتسكت ملك اكملت بقلق يابنتي مش وقتك ارجوكي كفايه عياط انا اعصابي تعبانه لوحدي .. حاتم خلص قرأه في القرأن وخد بنتك انا بجد تعبت اوي ومش نايمه من امبارح
حاتم هز راسه ب تمام وهو عنيه في الفون
تاليا كانت قاعده جمبها فاكملت بابتسامه هاتيها عنك يا شهد
شهد ابتسمت بحب واكملت بضحك امسكي يا قلبي والله تسلمي رحمتيني شويه
تاليا ابتسمت بحب ودموعها نزلت بفرح وهي باصه لملك واكملت بحب بجد ملك جميله اوي بس مش واخده منك حاجه هي كلها لحاتم وقربت باست خدها واكملت بابتسامه ربنا يخليهالك يارب
شهد عارفه حكايه تاليا لان الفتره اللي فاتت شهد راحت لمنه وقعدت معاها وتاليا كانت هناك وجيسي قعدت معاهم وكلهم بقيوا صحاب وقريبين لبعض فتعرف بتعبها فاكلمت بابتسامه حزينه والله انتي سكر ربنا يشفيكي ويعافيكي ياتاليا ويديلك زيها يا حبيبتي
تاليا بدموع وحب اللهم امين يارب وقامت وقفت وفضلت تسكت في ملك لحد ماسكتت خالص وابتدت تنام
وعمر كان سامعها ودموعه نزلت فصعبت عليه تاليا وغمض عنيه باالم وفضل يدعي ربنا يراضيه ويكرمه علشان بس تاليا تفرح كده وكمل قرأه في القرأن بيدعي لمنه
——————————————–
في امريكا
سالي بضحك هتفضل قالب وشك كده كتير اشحال مش انهارده عيد ميلادك
ادم بدموع متعود بقضيه مع منه قلبي واجعني اوي يا سالي مش قادر اصدق اننا بعدنا عن بعض 7 شهور وانا اصلا مببعدش عنها 7 ايام فمش قادر بجد
رامز طبطب عليه واكمل بحزن عارف صعبه بس هانت خلاص عدي 7 شهور بكره الاربع سنين يخلصوا وترجع لحياتك بس وانت محقق حلمك
ادم بدموع هو المشكله في حلمي بس يا رامز .. انا علاقتي بمنه اتدمرت بسبب اللي حصل بينا يعني مش هنرجع بس انا مقدرش اكرها
سالي بحزن هتنسي وهتسامح
ادم بدموع مسامح بس مش هنسي يا سالي لا مش هنسي
رامز بحزن طب ممكن تهدي انت تعبت كده علشان انهارده بيفكرك انك بتفضل معاها فيه صح
ادم بدموع منه مفارقتش قلبي وخيالي لحظه من ساعه ماجيت بس حاسس انها محتجاني او بتعيط يمكن علشان انهارده عيد ميلادي فقلبها واجعها .. بس لالا هي يوجعها ليه هي محبتنيش وعياطه زاد واكمل انا قلبي واجعني ومعرفش ليه حاسس انها مش بخير او حزينه او تعبانه معرفش معرفش بس هي مش كويسه
سالي بحزن طب اتصل بمالك اسأله عليها
ادم بلهفه فعلا هو ده احسن حل
مروان بابا هو كده صح وكان بيوريه الواجب بتاعه
رامز باس راسه واكمل اه يا حبيبي برافو
ساالي مارو اطلع ذاكر فوق
مروان حاضر وخد شنطته وطلع
رامز اهدي بقي والله هتطلع بخير
ادم بوجع ودموع يارب يا رامز يارب بجد
بعد شويه ريهام خرجت بلبنت واكملت بابتسامه الف الف مليون مبروك سمي وشيلي يا طنط
ساميه زغرطتت بفرح وزيها شهد واكملت بعياط وفرح وهي بتشيلها بسم الله الرحمن الرحيم هاتي يابنتي تسلمي طمنيني ومنه عامله ايه
ريهام بحب زي الفل نقلناها اوضه عاديه شويه بس وتفوق من البنج
حاتم بدموع فرح الحمدلله بجد اشكرك يارب
مالك تنهد بارتياح واكمل بدموع فرح اللهم لك الحمد وراح لامه واكمل بدموع فرح هاتيها اذن في ودنها
ساميه مسكاها واكلمت بعياط وفرح مش قادره اصدق ان شوفت خلفه ادم والله مش قادره وباست. ايديها واكملت امسك يابني اذنلها
ابراهيم جيه واكمل بقلق. طمنوني خرجت ولا لسه
جيسي بدموع فرح خرجت الحمدلله ومالك بيأذن للبنت
ابراهيم دموعه نزلت بفرح واكمل الحمد والشكر ليك يارب والله جاي جري من الشغل لما عرفت
ابراهيم اشتغل ماسك حسابات شركه لانه خريج تجاره بس مكنش لاقي شغل ومالك لما بقي ليه معارف كتير صاحبه وافق يشغل ابوه في شركته علي حسب رغبه ابراهيم انه عايز يشتغل
تااليا فضلت شايله ملك ووقفت جمب مالك باست البنت بحب ودموعها نزلت بفرح ومالك خلص اذان ليها فحاتم راحله واكمل بحب وريهاني
مالك بحب سمي
حاتم بسم الله عليكي يا حبيبتي وشالها منه واكمل بدموع فرح سكر خالص وباس جبينها وهمس بوجع في سره اسف اني سبب بعدك عن ابوكي في اول يوم جيتي فيه يا حبيبتي بجد شايل ذمبك انتي وامك ليوم الدين
عمر مالك فونك عمال يرن كل شويه انت مش واخد بالك
مالك بص لقاه منور اكمل لا علشان صامت ومسك فونه اتصدم واكمل ده ادم
عمر بقلق اطلع بعيد و رد
مالك بقلق ربنا يستر ومشي لقدام اوي
حاتم باس جبينها وراح اداها لابراهيم واكمل بحب امسك الحفيده التانيه يا حج وعقباال مايملولكم البيت عياال
ابراهيم شافها دموعه نزلت بفرح واكمل تسلم يابني وتفرح بملك وتخاويها وباس ايد البنت واكمل لساميه بدموع فرح بذمتك مصدقه ان بنت ادم بين ايدينا دلوقتي
ساميه بدموع فرح هموت من فرحتي والله يا ابراهيم ومش مستوعبه لحد دلوقتي
عمر بضحك بس من اولها قرعه كده وشعرك خفيف
تاليا بضحك لا ومنه تقولك حموضه كل شويه بلذمه فين الشعر
جيسي بضحك ياختي انتي وهو هتطلع لون شعر ابوها بني فاتح فاهي فيها شعر بس مش باين اوي بسبب انه فاتح
ساميه ضحكت واكملت اه والله فعلا يابت يا جيسي ادم اتولد نفس اللون كده
شهد بحب ربنا يرجعه بالف خير يارب
عمر بحب يارب
ابراهيم بحب امسك يا حبيبي شوفها
عمر ابتسم بفرح واكمل بسم الله وشالها وباس ايديها واكمل بحب ياخواتي علي السكر يا ناااس
برا المستشفي
مالك بتوتر يابني والله زي الفل متقلقش

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)