رواية نعمة (العالم الآخر) الفصل العاشر 10 بقلم حمادة زهران

رواية نعمة (العالم الآخر) الفصل العاشر 10 بقلم حمادة زهران

رواية نعمة (العالم الآخر) البارت العاشر

رواية نعمة (العالم الآخر) الجزء العاشر

رواية نعمة (العالم الآخر) الحلقة العاشرة

اول ما شافتني صرخت وقالت اطلعوا بره وفجاه جريت على الشباك…..
امها قالت بنتي الحقوني هتموت…..
كانت بتحاول تنط……
انا قولت كلكم اوقفوا مكانكم هي مش هتقدر تعمل حاجه… قولتلها نطي…..بقولك نطي…… صرخت في وشها وقولت يلا نطي…..
اغمى عليها ووقعت على الارض……
قولت لجوزها معلش اطلع انت بره…..
قالي انتي عملتي فيها ايه…..
قولت معلش اصل اللي عليها حضر…..
قال لا اله الا الله واقتنع فعلاً وخرج……
الشيخ محمود قال في ايه يا بنتي عرفتي مالها….
قولتله دي كذابه……
قال يعني ايه…..
قولت كذابه…..
قال ايوه يعني ايه…..
قولت دلوقتي هتشوف…
امها واختها مش مبطلين بكي……
روحت جنبها وقولتلها هتقومي من نفسك ولا مطوله في لعبتك دي……
مسكتها من شعرها بأيد واحده ورفعتها من على الارض قامت وقفت تتوجع وتقول اه شعري…..
فضلت تصرخ وتقول اطلعوا بره فيه عفريت ألحقنوني……
قولتلها اهدي عشان ما تتفضحيش…..
قالت يعني ايه…..
قولت انتي ست قليله الربايه…..
قالت ايه ده انتي جايه تشتميني في بيتي…..
“ضحكت” وقولت ما انتي حلوه اهو ومفيش عفريت ولا فيه حاجه…..
قالت انتي عايزه ايه…..
قولت ايه اللي انتي رسماه ده……
قالت ده جوزي انا متجوزه تحت الارض…..
قولت طيب اتعدلي احسنلك علشان لو جبت جوزك وعرفته اللي انتي بتعمليه هتخسري كل حاجه……
قالت قصدك ايه……
قولت قصدي ده ومسكت تليفوني بتاعي انا وقولت مش ده اللي على تليفونك……
قالت ايه ده يا نهار اسود ازاي ده جي عندك…..
قولت انتي متستاهليش الراجل اللي بره اللي خايف عليكي ولا تستاهلي بكاه عليكي……
امها قالت في ايه يا بنتي فهميني……
قولتلها بنتك كذابه بصي كده……
وريتها اللي على التلفون بتاعي رساله خاصه من واحد صاحب جوز بنتها متفقه معاه انها تلعب اللعبه دي علشان تتطلق وتتجوزوا……
أمها قالت يا نهار اسود…..
البنت قالت ابوس ايدك ما تعليش صوتك ابوس رجلك….. قولتلها انتي واحده واطيه وخساره فيكي جوزك وابنك….. قالت والله العظيم حرمت بس اوعي تفضحيني ابوس رجلك…….
قولت انا مش هقول حاجه بس لو سمعت انك فكرتي تعملي كده تاني هقول لجوزك واخواتك الرجاله……
قالت والله العظيم خلاص حرمت بس جوزي هتعملي معاه ايه…….
قولت ما لكيش دعوه بس صاحب جوزك ده زباله بلاش شيطانك يعميكي سامعه…..
قالت حاضر حاضر والله حاضر…..
الشيخ محمود واقف مصدوم وقال هو في ايه هي كل ده علشان تطلق وتمشي مع واحد تاني…..
قولت ولا كلمه يا شيخ محمود اوعى….
وفتحت الباب وناديت على جوزها…..
قال خير هي كويسه……
قولتله انت شايف ايه…..
كانت قاعده بتبكي حضنها وقال حبيبتي انتي كويسه…..
قالت اه الحمد لله……
جوزها قالي ايدك ابوسها يا ست الكل……
سحبت أيدي قولتله الحمد لله ربنا ستر……
قال طيب هي مالها كان فيها ايه…..
قولتله كان مس بس الحمد لله…..
قال يعني الحمد لله….
قولت اه تمام بقيت كويسه…..
وطلبت منهم يخرجوا كلهم بره……
امها بعد الكل ما خرج قالت ربنا يسترك يا ست الكل زي ما سترتي بنتي…..
قولت ربنا كريم…..وخرجت الام…..
انا والبنت بقينا لوحدينا قولتلها انا همشي بس عيني عليكي “وده طبعاً كان مجرد كلام تهديد”
لو عايزه تطلقي يبقى بمعروف مش كده انتي شكلك بنت ناس وأهلك طيبين وجوزك محترم وبيحبك حافظي عليه وعلى بيتك…..
بس انا بحذرك لو عرفت انك عملتي حاجه غلط كل اهلك وناسك هعرفهم كل حاجه…..
قالت حاضر والله العظيم مش هعمل اي حاجه غلط تاني…. وخرجت لجوزها وقولتله مراتك بقيت زي الفل كل حاجه هتكون كويسه وربنا يصلح حالها بس خلي بالك منها…..
قال أؤمري يا ست الكل…..
قولت ولا حاجه والله أبدا ورفضت……
بس الشيخ محمود قال احنا هناخد حق المواصلات بس….. قولت ماشي لكن جوزها اصر على الزياده ومشينا…….
رجعت البيت وكنت مبسوطه بس لما قعدت بالليل وفكرت في جوز البنت زعلت زعلت من نفسي اوي علشان كان لازم يعرف مراته بتعمل ايه من وراه……
ظهرت هدى وقالت ألبسي طرحه علشان انا وعبد الجبار عايزين نتكلم معاكي شويه…..
قولت ماشي ولبست وظهر عبد الجبار وبدأ يتكلم معايا…… قال ما شاء الله عليكي اتصرفتي كويس جدا…..
قولت الحمد لله ربنا وفقنا…….
قال هو انتي لسه خايفه مني…..
قولت بصراحه من غير زعل اه لسه بفتكر كل حاجه انت عملتها فيا ومش عارفه انسى……
قال انا اسف واختفى
هدى قالت ليه كده بس يا نعمه عبد الجبار تاب خلاص وربنا بيغفر لازم تسامحي…..
فضلت ابكي هدى قالتلي اهدي كل حاجه وحشه عدت وانتي الحمد لله بقيتي كويسه وربنا عوضك خير وانعم عليكي وبتساعدي الناس……
انا هخليه يحضر تاني وفعلا حضر وقال هو وباصص في الارض انا اسف يا نعمه…….
قولت خلاص كل حاجه من الوقت ده هتكون تمام بس ما تزعلش مني غصب عني والله……
قال طيب نبدا صفحه جديده……
قولتله ماشي……
هدى قالت ليه كنتي بتأنبي في نفسك……
قولت علشان انا خدعت جوز البنت وهو ما يستاهلش كده….. قالت طول ما انتي بتعالجي ما ينفعش تفتني على حد علشان كده مش هنكون بنساعد لا ده هيكون بنخرب بيوت… قولت تمام عبد الجبار قال ده عهد علينا……
قولت عهد ايه….
هدى قالت نعمه اوعي وانتي بتعالجي تتشتتي لازم تكوني مركزه كويس…….
قولت حاضر……
قالت طيب بالليل هنصلي قيام الليل وعبد الجبار هيقرا قرآن تحبي تقعدي معانا……
قولت يا ريت انا أصلا حبيت صوت عبد الجبار حلو اوي اوي في القرآن……
بالليل كنت نايمه وجوزي جنبي قالي نعمه هو انتي شامه حاجه….
قولتله اه بس قول انت شامم ايه…..
قال ريحه حلوه جدا
قولت طيب نام وفعلاً جوزي نام…..
شويه وطلعت قعدت بره عبد الجبار كان قاعد وراه عيال صغيره وهدى قاعده وكان بيقرأ القرآن الكريم وكلهم يقول وراه كأن في دار تحفيظ القران……
الصوت جميل ومريح جدا جدا وانا بسمع نمت من كتر الراحه النفسيه……
تاني يوم الشيخ محمود رن بيقول يا نعمه يا بنتي في حد محتاجلنا…..
قولت طيب هقول لجوزي ونروح……
فعلاً رحنا والمكان كان شقه ارضي……
أول ما دخلنا شوفت واحده ست واختها وازواجهم وخمس اولاد لما دخلنا عيني لمحت واحده شكلها وحش اوي اوي شعرها طويل ومنكوش وريحتها وحشه جدا……
شوفت طفل عمره تقريباً 5 سنين باصص عليا بخوف وترقب وانا كنت باصه علي اللي واقفه ومتابعه الولد……
ام الواد قالت ابوس ايدك انا مش عارفه ابني ماله زي ما يكون في عالم تاني…..
قولت هو ليه كده واقف بعيد……
الام قالت هو انتي عرفتيه….
قولتله تعالى يا حبيبي قرب……
قال ماما بتقول لا…..
امه قالت انا قولت لا…..الولد سكت……
قولت تعالى متخافش……
في الوقت ده الواقفه دي بصت للواد…..
قال لا لا مش هاجي…..
قولت طيب انا عارفه انت خايف من ايه وشايفاها كمان….. الولد قال انا خايف……
قومت من مكاني ورحت عليه بدأ يخبي وشه ويصرخ……
قولت تحب تشوف هعمل فيها ايه……
قال ايوه…..
قولتله طيب تعالى اقعد جنبي…..
واخدته وقعدته جنبي وقولت بص كده عليها……
قال لا لا والنبي يا طنط……
قولت حبيبي متخافش ده انا هضربها بالقلم بص عليها…..
بص عليها وفجأة نط من مكانه واستخبى ورايا….
قال اضربيها هي بتضربني…..
الولد مسك في هدومي وبيبص عليها…..
هدى ظهرت الولد ابتسم وقال ايه ده في واحده حلوه….. ضحكت وقولت طيب تشوف طنط الحلوه هتعمل ايه….. الكل واقف متنح ومش عارفين ايه اللي بيحصل….
والشيخ محمود واقف مبتسم وبيقول ما شاء الله…..
هدى ضربتها بالقلم والولد قال الحقي عرفت تضربها…..
قولت لسه هتشوف…..
ظهر عبد الجبار الواد قال طنط الحقي عمو واقف…..
قولت طيب شكله ايه…..
قال لابس قفطان ابيض وشعره طويل وشكله حلو…..
قولت شاطر وعلشان انت شاطر شوف عمو وطنط هيعملوا ايه……
عبد الجبار وهدى سلسلوها وهدى ضربتها تاني…..
الولد قال الحمد لله ماما الوحشه اتضربت…..
قولت انت لسه خايف قال لا……
قولتله انت شاطر تعالى نتكلم مع بعض شويه ووعد مني انا هاخدها معايا وانا ماشيه….
قال ماشي بس انتي يا طنط هتاخديها صح….
قولت اه والله هاخدها…..
قال ماشي…..
قولت مين دي وازاي دي ماما…..
الواد قال انا كنت نايم من 1-2-3 يوم ولما صحيت شوفت ماما الوحشه واقفه وقالت انت ابني….
فضلت اصرخ……
قالتلي اسكت واسمع كلامي…..
وبعدين انا يا طنط عملت حمام على نفسي مش قصدي…. ماما الحلوه جات وقالت ليه كده مالك وهي واقفه ورا ماما الحلوه وانا خايف…..
قولتله طيب خلاص هي وحشه وانا هاخدها معايا وانت مش هتشوفها خالص تاني…..
باسني في خدي وقعد…..
قولت لأمه مش عايزه اي اطفال هنا….
قالت ماشي وخرجتهم…..
قولت ممكن اعرف ايه اللي كان بيحصل……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نعمة (العالم الآخر))