رواية هذا ليس عالمي الفصل الثاني عشر 12 بقلم نورا سعد

رواية هذا ليس عالمي الفصل الثاني عشر 12 بقلم نورا سعد

رواية هذا ليس عالمي البارت الثاني عشر

رواية هذا ليس عالمي الجزء الثاني عشر

رواية هذا ليس عالمي الحلقة الثانية عشر

تنهد تنهيدة طويلة ثم واصل: كنت حاسس إنك نسيتيني يا نور، الفكرة نفسها كانت بتموتني ألف مرة، تخيلي كده إن الشخص اللي في بالك طول الوقت واللي بتحلمي طول عمرك إن ربنا يجمعك بِيه يكون مش فاكرك أصلًا، وإنك تكوني مش في باله أساسًا، إحساس وحش أووي، وبيوجع أوي.
ابتسم ثم واصل: بس يا ستي، وكنت في قمة سعادتي لما عرفت من جدي إنك هتيجي تعيشي معانا، يعني أقل كلمة أقدر أقولها إني كنت طاير من الفرحة.
نظر لها بعشق كبير، ثم تنهد وقال: بس كده، وأدي لفت الأيام وبقيتي بين أيديا يا حلمي الأول والأخير.
ثم أكمل بمشاكسة: وهي دي حكايتي كلها يا نوري، يلا أتفضلي المايك معاكي عايز أسمعك.
كانت الدموع تلمع في مقلتيها، فهمست له بعشق: طب أقولك أنا بقى على سر.
رد باهتمام: إيه؟!
نور بعد تنهيدة: أنا كنت باخد بالي منك يا تميم، غبي ، طلعت غبي أوي.
أنهت كلماتها ثم بدأت في البكاء: غبي لما تيجي قدام المدرسة كل يوم وتقف من بعيد وأنت بتبصلي وفاكرني مش شايفاك، غبي لما حصلت مشكلة معايا في المدرسة وكنت هترفد وأنت جيت حليتها من غير ما أحس، غبي يا تميم، أزاي كنت متخيل إني مش هعرف مين السبب في حل خناقة كانت ممكن تتسبب إني أترفد من المدرسة؟ بس تعرف
ثم زادت في البكاء أكثر، قالت ما بين شهقاتها: أنا كمان غبية، غبية عشان رغم ده كله وبرضه معرفتكش، معرفتش إنك تميم، تميم اللي رباني، تميم اللي كنت لما بعمل مصيبة بجري على حضنه وأقوله خبيني صالح هيضربني، كنت طول الوقت بالنسبالي أماني وأبويا، عمري ما حسيت إن صالح هو اللي أبويا، كان طول الوقت مشغول عننا، وكل تركيزه في شغله وبس، كنت أنت أبويا يا تميم، وبالرغم من كل ده برضه معرفتكش، بس أنا معذورة، أصل أزاي أعرفك وأنا من يوم ما سبت البلد وأنا مشوفتكش، بس تعرف، أنا كنت بحس بيك، كنت بحس بأمان وأنت جمبي، وعرفت إنك تميم ابن عمي بس كنت مستغربة أزاي أتغيرت كده؟ طب ليه مجتش تسلم عليا! ليه كنت عايز تكون جمبي من غير ما اخد بالي أو تعرفني عليك؟! كنت بالنسبالي لغز
– يعني أنتِ كنتي عرفاني؟ طب ليه عملتي نفسك أول مرة تشوفيني لما جيتي هنا؟
-أقول إيه يا تميم؟ أقول إيه وأنت مجيتش واجهتني ولا مرة، كنت طبيعي مش فاهمة، كنت خايفة أبقى غلطانة، لدرجة إني قولت أكيد بيتهيألي كنت بكدب نفسي! ده غير إنك أنت كمان عملت نفسك من بنها ولا إيه؟
-طب كملي
ضحكت وسط بكائها وقالت: تعرف إن في مرة كنت أنا وصحابي البنات هنفرج عليك الشارع.
قال لها بمشاكسة: أزاي إن شاء الله؟! إيه هتصوتي وتقولي بيتحرش بيا، بيتحرش بيا، ولا إيه؟
مسحت قطرات دموعها المتباقيه على خديها، وضحكت بخفه وقالت: حاجة زي كده، أصل أنا كنت قايلة ل “هنا” عليك، وكنت عايزة أعرف لما تكون وشك في وشي هتواجهني؟ طب هتقولي إنك ابن عمي ولا برضه هتسكت؟ وطبعًا عشان “هنا” ذكاءها خارق فَ فكرت إننا نصوت، ونقول إحممم، بيتحررش بيا، بيتحررش بيا ونشوف رد فعلك بقى.
صُدم مما قالت، فتسأل بتعجب: يخرب بيتك، وإيه اللي رحمني من تحت إيديكم؟!
ضحطت ثم قالت: أصل اليوم اللي فكرنا فيه إننا نعمل كده يشاء القدر إن شابين يجوا يرخموا علينا بجد، ونلم عليهم الناس، وساعتها أنت جيت وضربتهم، بس قبل ما أجي وأشكرك كنت أختفيت! بس تعرف ساعتها كنت مبسوطة، كنت حاسة بالأمان، الأمان اللي كنت بحس بيه بوجود تميم، كنت بحس بيه بوجودك أنت يا تميم مش حد تاني، من يومها وأنا بقيت بفكر فيك كتير، كل شوية بتيجي في دماغي، وأسئلة مش بتخلص ولا ليها إجابة عندي، أوقات كتير كنت بقول إني هروح وأتكلم معاك بعد المدرسة بس كنت بخاف وبرجع في قراري، بس برضه كنت مبسوطة، كنت مبسوطة إنك جمبي، وبالرغم من كل ده كنت كل ما بتيجي في دماغي بنفُضك منها على طول كنت بمنع نفسي إني أفكر فيك، أصل أكيد أنت أتجوزت، أكيد شوفت حياتك، أكيد ده وهم وأنا عايشة فيه، بس في كل مرة كنت بشوفك فيها من قريب كنت بفرح، قلبي كان بيطمن بوجودك، أصل أكيد أنت لو أتجوزت مش هتيجي كل يوم ليا المدرسة عشان تشوفني، عشان تحميني، عشان أنا أحس بيك ومشاعري تتحرك ناحيتك، بس في الأخر الأمل ده اختفى! اختفى أول لما شوفت أميرة مراتك! يعني كل اللي كنت بفكر فيه طلع حقيقة، أنت بجد أتجوزت وعشت حياتك، و طول ال3 سنين كنت عايشة في وهم وهبل!
تميم بتوضيح: أهو موضوع أميرة ده لوحده موال.
نور بتركيز: لا أفهم بقى لو سمحت، إحنا كده كشفنا ورقنا لبعض، ولازم نعرف كل حاجة عن بعض.
**************
NORA SAAD
هتف بملل: يا جميلة أنا لسه عايزك، وبقولك نرجع.
سخرت جميلة من حديثه فقالت:أصل يا صالح مينفعش بعد كل السنين دي وتيجي تقولي نرجع! مش بعد ما ربيت، وكبرت، وواجهت كل القرف ده لوحدي تقولي نرجع! لا ياصالح طلبك مرفوض، أنت مكسرتش لعبة وجاي تصلحها ببساطة بعد كل السنين دي!!
هتف بها بعصبية شديدة، من قساوة كلماتها على قلبه، فَهي حقًا ُمُحقه، ولكن يكفي جلده لذاته كل يوم، فهو غير متحمل كلماتها أيضًا.
هتف بعصبية : يعني هو كان مين السبب في الإنفصال من الأول؟! مش أنتِ؟ وأنتي برضه اللي طلبتي تطلقي.
ردت بسخرية ممزوجة بألم: آه فعلًا، هو أنا صحيح أزاي أصمم إني أطلق، أزاي أصمم على الطلاق بعد..
نظرت له بتحدي ثم واصلت بثبات: بعد ما حبستني في أوضة زي الكلبة، بعد ما ربطني في السرير بِ الأسبوع ومسألتش فيا، بعد ما سبت كل من هب ودب يجي يهزء و يشمت فيا! أنا غلطانة فعلا، أزاي أطلب الطلاق بعد ما دوقت كل العذاب والذل ده!
واصلت بعصبية شديدة: يا شيخ ده أنت كنت بتكهربني بالسلوك الكهرباء! كنت بتكهربني ولا كأني في سجن وبتعذب! بس تصدق أنا فعلًا اللي غلطانة، أصل كنت المفروض أعيش معاك وأرضى باللي عملته فيا، كنت المفروض أعيش معاك وأخلي بنتي تعيش مع واحد مريض زيك!
ثار غاضبًا من حدثها، فصاح بها بغضب: ما أنتِ السبب، أنتِ اللي خلتيني أشك فيكِ من الأول.
تحررت دموع فَلم تستطع أن تقيدها أكثر من ذَلك: ههه للأسف مش أنا اللي خليتك تشك فيا، أختك العقربة هي اللي لعبت في دماغك زي بالظبط ما جت ولعبت في دماغي، بس الحقيقة دي كانت الحاجة الوحيدة اللي عملتها صح، هي اللي شجعتني إني أطلب الطلاق منك، بس كان بعد إيه؟
مسحت دموعها بعصبية، ثم قالت بسخرية: هو ليه أصلًا كل الرغي ده؟! ما خلاص اللي حصل حصل.
-وأني بقولك أسف يا جميلة، الشيطان هو اللي دخل ما بينا.
-: وأنا عمري ما هقبل اعتذارك، عارف هقبله إمتى؟
اقتربت أكثر من أُذنه وقالت بفحيح: لما أشوفك مذلول بنفس الطريقة اللي ذلتني بيها.
ابتعدت عنه ثم واصلت: أنا اللي خلاني أوافق إن تميم يتجوز بنتي، هو إني عارفة إنه من زمان بيحبها، وعارفة إنه هيحافظ عليها ويحميها من ظلمك يا صالح.
صاح غاضبًا: ليه؟! هو أني لو عايز آذيها هخاف من تميم ولا إيه؟ لٱه فووقي عااد، أنتي زودتيها جووي.
هتفت وهي ترجع للخلف بعض الخطوات: هتفضل طول عمرك زي ما أنت، تعرف أنت إنسان مريض، مريض بالنقص، فاهم يعني إيه؟ روح أتعالج بدل ما تخسر كل اللي حواليك يا صالح
انهت أخر كلماتها وهي تصرخ في وجهه بعصبية شديدة، قابل كلماتها في المقابل بغضب شديد وهو يرفع يده ليصفعها: شكلك عايزة تترب**
لكن أوقفه صوت الجد من الخلف و هو يقول بحدة: إيه اللي بيحصُل ده؟!
جميلة وهي ترتجف بخوف، فَذلك الموقف جعل غيمة سوداء من الذكريات المؤلمة تمر على ذهنها، تلك الذكريات السوداء التي تكونت بعيشها مع صالح، وها هي تمر الأيام وتُعيد نفسها مرة أخرى.
-شايف يا حج دهشان، شايف ابنك، يعني أكون في بيتك وحمايتك وابنك عايز يمد إيده عليا، بس لحد هنا وكفاية أوي، وشكرًا على حسن الضيافة يا حج.
انهت حديثها ثم رحلت وصعدت لغرفتها.
نظر دهشًا لصالح بغضب، ثم هتف بحده: إيه اللي هببته ده؟!
كان الأخر يتنفس بعنف، وصدره يعلو ويهبط من شدة الفضب، أبتعد عن الجد بعض الخطوات ثم هتف بغضب: خلاص خلصنا.
ترك الجد بعصبية، ثم توجه نحو المكتب، وجلس على الأريكة، بدأ يتنفس بعنف شديد، مَرت عليه بعض دقائق على نفس الحال حتى هدأ نوعًا ما، ولكن كانت كلمات جميلة مازالت تتردد في أُذنه.
(مش أنا اللي خليتك تشك فيا دي أختك العقربة.
مش هسامحك يا صالح.
أنت إنسان مريض.
روح أتعالج أنت واحد عندك نقص)
كل تلك الكلمات كانت تتردد في ذهنه و تشعل حربًا بداخله لم يستطع أن ينهيها أبدًا.
**************
في غرفة الفتيات.
زينة: عيال تفتكروا نور وتميم بيعملوا إيه دلوقت؟
خجلت زهرا فهتفت بحياء: واه اتحشمي يا زينة.
هتفت هنا بعدم أهتمام لحديث زهرا: تفتكري أنتِ يا زينة بيعملوا إيه؟
سرحت زينة بخيالها، ثم همست بهيام: يعني مشغلين ميوزيك رومانتيك، بيرقصوا، بياكلوا حاجة خفيفة، بيدلعها كده يعني
لم تستطع هنا كبد ضحكاتها، فَنفجرت ضاحكة. ظلوا ينظروا لها بتعجب بسبب ضحكها المبالغ فيه، وهي غير قادره على التحكم في نفسها، فكانت ضحكاتها تعلو أكثر وأكثر عندما تنظر لوجهه الفتيات، مسكت بطنها من كثرة الضحك ثم هتفت ما بين أنفاسها التي تلطاقتها بصعوبه.
-: يختااااي، بطني همووت، أنتِ فاهمة غلط أوي يا زينة يا حبيبتي.
نظرت لها زينة بتعجب ثم هتفت بضيق:ليه يعني؟!
هنا وهي مازالت تضحك: أصل أنا متأكدة إن نور دلوقت تلاقيها بتتخانق مع تميم إنه ينام على الكنبة.
جحظت عيون زهرا، ثم هتفت بعدم تصديق: إيه؟! كيف عاد ده جوزها!
ضحكت زينة هي الأخري بصخب بسبب تخيلها للموقف، ثم هتفت بضحك: احية لو الكلام ده بجد، ده كده بقى الله يكون في عونك يا تميم يا أخويا.
-~ أومال أنتوا فاكرين إيه بس، واضح إنكم واخدين فكرة غلط عن نور.
توقفت زينه عن الضحك ثم قالت بجدية: بس لو نور بتحبه مش هتعمل كده ولا إيه؟
زهرا مؤكده لحدثها: أيوا فعلًا، ده الواحدة ما بتصدق إنها تجتمع مع حبيبها.
هنا: بس نور ملحقتش تحب تميم.
هتفت زينة بخبث: هتحبه متخافيش.
ثم التفت لزهرا: وأنتِ يا سهونة إش عرفك بالحب والكلام ده؟! شكلك كده بتحبي جديد.
أضافت هنا لحديثها: أو قديم!
خجلت زينة منهم، فردت عليهم بتوتر وخجل: واه، بتقولي إيه يا بت منك ليها، ولا بحب ولا حاجة واصل، دول هما كلمتين طلعوا أجده.
ضحكت زينه على خجلها، ثم سألت : ماشي ماشي، قوليلي يا بت يا هنا أنتِ في سنة كام؟
– أنا يا ستي أولى كلية ألسن، وأنتِ؟
-أنا ٢كلية آداب تاريخ، وأنتِ يا زهرا؟
حُرجت منهم، فقالت بخجل من مؤهلها، الذي يعني الأعدادية.
: أني خلصت ٣ثانوي وقعدت من المدرسة.
هنا: ليه بقى؟
-عادي مكونتش بحب العلام.
نفت زينه وقالت بتوضيح: لا يا زهرا غلط، التعليم حاجة كويسة، وهي اللي بتعلي من شأنك، نصيحة مني لو في فرصة إنك تدخلي كلية السنة الجاية أعملي كده.
تحمست زهرا من حدثها فهتفت بحماس: أنا فعلًا كنت بفكر في كده.
تهللت هنا من حماسها هذا فقالت: ايوا بقى، طب يلا يا بنات ناموا عشان نعرف نصحى بكرا نرخم على عروستنا براحتنا.
ضحك الجميع ثم ذهبوا في سباق عميق مع النوم.
**************
أما عند نور.
نور وهي تضم رجلها بيدها، فَتلك الوضعية هي وضعيتها المُفضلة مُنذ الطفولة.
-هــا يا سيدي، أحكي يلا.
رجع رأسه للخلف ثم بدأ أن يسرد لها.
-بصي يا ستي، أميرة تكون بنت عمتي، وبعد الكلية بِ 4 سنين تقريبًا جدي طلب مني إني أتجوزها، ساعتها وافقت على طلبه لأن مكنش في مساحة إني أرفض أو حتى أسال على الأسباب، وخصوصًا بعد ما أمي ماتت، أصلها ماتت بعد ما أنتِ مشيتي بِ سنتين تقريبًا، وجدي هو اللي رباني، ومسكني الشغل بعد دخولي الجامعة على طول، وبقيت أنا المسئول عن كل الشركات تقريبًا، وعرفت بعد كده إن سبب جوازي من أميرة هو إن مامتها ماتت و سابتلها فلوس كتير، ورثها يعني، وكتبت كل الميراث باسم أميرة، وعشان الميراث ده ميروحش لوالد أميرة اللي رماها أساسا وهرب على مصر، كان لازم أميرة تتجوز، ده طبعًا لأن أميرة وقتها كانت لسه مكملتش سن الرشد، ولأن مفيش أنسب مني فَ جدي طلب إن أنا اللي أتجوزها، وبعد مرور سنتين علي جوازنا عرفنا أن أميرة مش بتخلف، وقتها الحوار ده كان في مصلحتي جدًا، يعني عشان مفيش حاجة تربطني بيها أكتر مـِْن كده، بس طبعًا مقولناش قدام العيلة إن تأخير الخلفة منها، يعني عشان متبانش معيوبة قدام حد ولا تكون قليلة في نظر العيلة، وأنا معرفتش أطلقها بعد ما تمت سن الرشد بسبب موضوع الخلفة، وطبعًا لأن الموضوع ده حساس جدًا، وخصوصًا في الصعيد، و بس يا ستي هي دي كل الحكاية
تنهدت تنهيده طويلة ثم قالت: ياااه يا جدع، ده إحنا طلعنا شايلين أووي من الدنيا دي.
نظر لها بحب ثم هتف: بس تعرفي، أنا استريحت جدًا بعد ما حكيتلك.
سيطر عليها النعاس، فقالت بتعب وثقل في جفونها: طب بص هقولك، أطفي البتاع اللي هناك ده بقى، وخلينا ننام شويه قبل ما الصبح يطلع، عشان إحنا بقالنا كتير أووي بنرغي.
رد عليها وهو يأخذ وضع النوم: عندك حق، أطفي النور من جمبك بقى.
جلست على جمبها الأيمن ونظرت له بتعجب، ثم هتفت بحنق: أنت يا أخ قوم من هنا خليني أنام.
أعطي لها ظهره ثم قال: أتخمدي مكانك، يا إما عندك الكنبة هناك أهي.
ضيقت عينيها بغيظ ثم هتفت بضيق: آه يا حيوان، بقى هي دي الشهامة والرجولة؟! هتنيمني على الكنبة وأنا لسه عروسة؟!
نظر لها بخبث ثم قالت: ما العروسة الطبيعية بتنام جمب جوزها على فكرة.
ألقت عليه الوسادة بغيظ ثم صاحت بهِ بحنق: يووه، طب اوعى بقى، أدخل شوية وأنت واخد المكان كله كده.
فسح لها المكان ثم صاح بحنق هو الأخر: متقرفيناش بقى، أتخمدي.
دقائق مَرت عليهم حتى سكن جسد نور على الفراش، وبدأت أنفاسها تنتظم، دليل على نومها، راقب حركاتها وأنفاسها بترقب شديد، حتي تأكد إنها غرقت في النوم، ثم عانقها من الخلف بتملك شديد، ثم غرق في النوم هو الآخر.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذا ليس عالمي)