رواية مغامرات ابناء العاصي الفصل الثامن عشر 18 بقلم كنزي حمزة

رواية مغامرات ابناء العاصي الفصل الثامن عشر 18 بقلم كنزي حمزة

رواية مغامرات ابناء العاصي البارت الثامن عشر

رواية مغامرات ابناء العاصي الجزء الثامن عشر

رواية مغامرات ابناء العاصي الحلقة الثامنة عشر

وصلوا بسيارتهم الي بيتهم في الجمالية وجدوه قد فتح الوكاله وجلس امامها، كادت ان تذهب إليه هي واختها الا ان صوت الجد اوقفهم
فضالي: اطلعي فوق يا غمزه انتي وغزل يلا
غزل: حاضر هنطلع بس نطمن عليه حتي
حمزه: ماتبقوش اوڤر بقي، ما هو كويس قدماكم اهو اطلعوا دلوقتي وهو هايطلع لكم فوق.
غمزه: طب حتي ناخده معانا ياكل حاجه، ده رجع من غير ما يفطر
نظر لها هو نظره غاضبه فهمت معناها جيدا ولم تتكلم
زين: خلاص بقي يا جماعه اطلعوا واحنا هانجيبه ونطلع وراكم انا وعدي
أومئوا له برأسهم واتجهوا الي داخل البيت خلف والدتهم والفتايات، واتجه الي داخل الوكاله الجد وهم من خلفه
فضالي: ايه يا عاصي فتحت لوحدك الوكاله يعني
عاصي الصغير: عادي يا جدي، قولت افتحها وارص الحاجه علي بال ماتيجي
حمزه: ولازمته ايه اللي انت عملته ده، ايه اللي خلاك تغضب زي العيال وتمشي كده
عاصي الصغير: انا مش عيل، انتوا فاهمين غلط، بطلوا تقولوا عليا كده..
_الواحد بيبقي راجل بتصرفاته مش بالكلام وانت كل تصرفاتك تصرفات عيال: قالها عاصي الكبير بسخريه وهو يجلس علي مقعد والده خلف مكتبه داخل الوكاله
استشاط منه الاخر غيظا ونظر له بعدائيه ولكن زين جذبه من يده: تعالي معايا يا عاصي نطلع فوق نقعد مع بعض شويه واهو بالمره تطمن مامتك وخالتك عليك
عدي: اه وتاكل عشان هايتجننوا عشان مأكلتش لغاية دلوقتي
عاصي وهو ينظر لعمه: انا مش عايز حاجه من حد، فككم مني كلكم بقي
حمزه بغضب: لم الدور يا عاصي وماتعملش ليك حوار من غير ولا حاجه واطلع يلا معاهم
جزبه زين من يده وصعدوا الي اعلي وجدوهم جالسين وجرت طمطم عليه وحملها وجلس علي الأريكه وكانت جلسته مقابل عنيدته التي زبل وجهها من الحزن علي ما يفعله
ليصيح زين: هاتي بقي يا غمزه كل الاكل اللي عندك للأستاذ
غمزه: ياسلام، عيوني له هو انا عندي اعز منكم يعني، لتجد غزل قد احضرت له الطعام وجلست بجانبه.
غزل: كل يا حبيبي بألف هنا
عاصي: مش عايز يا ماما، في ايه انتوا مالكم بتعاملوني كده ليه، ماتسيبوني براحتي.
لتصيح جدته بغضب: براحتك دي اللي هي ازاي يعني، عايز تفاجأنا كلنا وتمشي لوحدك وتخضنا كلنا عليك وتخلي الكل يتخانق مع بعضه وخوفنا وقلقنا عليك يزيد وتقول سيبوني براحتي، ايه انت خلاص مابقاش يهمك احساس حد فينا
عاصي: لاء يا تيتا طبعا انا ماقصدش كده وكمان مش عايز حد يتخانق ولا يزعل عشاني
جلس زين بجانب ليا التي تنظر إليه بحزن ليلف زراعه حول عنقها ويقربها منه
وهو يتحدث إليه: طب بقولك ايه يا معلم احنا اتفقنا اننا هانروح كلنا السخنه بكره
نظر له عاصي بغضب: كلنا اللي هو مين يعني، انا مش رايح في حته
جلس عدي بجانبها هو الاخر وجذبها من بين يدي زين ليفعل ما فعله بمشاكسه هو الاخر: مش رايح ايه ياض، لاء هاتروح طبعا داحنا رايحين من غير الكبار و هنبقي براحتنا
عاصي وقد اغتاظ مما يفعلاه هم الاثنان: عايزين تروحوا روحوا لوحدكم، انا مش رايح
تيا وقد جلست بجانب زوجها: الله في ايه يا بني، ماتخليك جدع بقي وتبطل غلاسه
عاصي: لمي لسانك يا بت انتي احسنلك
زين بمشاكسه: ولد عيب احترم نفسك وكلم مدام زين السيوفي عدل
عاصي: حصلنا الرعب يا سيدي، بردو لاء
غزل: طب لو قولتلك ان باباك مش رايح معانا، ايه هاتسيبني انا وأختك نروح لوحدنا
عاصي: لوحدك ليه مانتي هيبقي معاكي شاحطين اهو
ليا وقد نفذ منها الصبر ووقفت من وسطهم: وسعولي بقي انتوا الاتنين كده، وانت بقي انشالله عنك ماروحت ولاعنك روحت، انت ايه يا اخي فاكر نفسك رشدي اباظه، لو وفقت هنقول النجم اتعطف واتنازل ورضي يروح معانا، خليك قاعد هنا وشك في وش حمزه وعاصي، يارب ياكلوك هما الاتنين ونخلص من عندك ده
ثم تحركت لتصعد الي الاعلي وهي تكمل: ال ايه مش هاروح والكل بيتحيل عليه، مانشالله ماروحت يا راجل، هي ناقصه كأبه
ظلوا يضحكون جميعا بصوت مرتفع علي ما قالته وسط زهوله وانفراجة ثغره غير مستوعب ما قالته تلك اللعينة
ليكركر عبد الرحمن الصغير
بوده: ههههههههههههههه ليا هزقتك يا عاصي، دي خليتك عامل زي الكتكوت قدامها
عاصي: بس ياض، ثم نظر الي زين وهو يفرق رأسه من الخلف وتحدث: هي البت دي كانت بتكلم مين كده
زين بكركره: ههههههههههههههه كانت بتكلم امي
عدي وقد فقد السيطره علي نفسه: ههههههههههه طب وربنا جدعه بصراحه خلت منظرك زباله
عاصي وقد هم للخروج خلفها: عشان ماتبقوش تلوموني لما أفتح لكم دماغها دلوقتي حالا
غمزه وقد امسكته قبل ان يخرج وهي تضحك ايضا: هههههههه تعالي بس يا عبيط، دي بتنكشك عشان عارفه عندك كويس
عاصي: طب بطلي ضحك الاول وبعدين اتكلمي وبالعند في بنتك بقي هاروح معاكم وهوريها الكأبه علي حق ربنا
ليضحك الجميع بصوت مرتفع علي هذا الثنائي العنيد
//////////////////////////
تركهم زين بعد فتره وذهب الي ڤيلا والده لكي يحضر اخته ووالدتها حتي يأخذوهم معهم و داخل الڤيلا دار بينه وبين والده هذا الحديث
احمد: لاء يا زين، لا دراين ولا دانا هايروحوا معاكم
زين : ليه بس يا بابا، ده هو اسبوع هانقضيه كلنا مع بعض وكمان ابويا وحمزه يومين كده وهايجولنا وانت كمان لوعرفت تيجي تعالي اقعد معانا يومين
احمد: قولتلك لاء، روح انت واتبسط مع عروستك وكده كده هما لسه راجعين ومقضين الصيف كله هناك
زين: طب لو قولتلك عشان خاطري، طب قولي لو في حاجه ضايقتك، عرفني وانا هاتصرف
جلس خلف مكتبه ونظر الي ابنه وصمت
زين: ماتتكلم يا بابا في ايه، انت كده بتقلقني اكتر
احمد: انا مش عجباني تصرفات عدي مع اختك
زين: عدي، ماله عدي، عدي ولد مؤدب وفي حاله، طب قول عاصي اهو ده بقي اللي بيشاكس الكل
احمد: لاء انا اقصد عدي، انت كنت مركز امبارح مع عروستك وماشوفتش اللي حصل
زين: ايه اللي حصل يا بابا
احمد: لما بدأت الرقصه بتعاتكم جيه حسام ابن اللواء نشأت وطلب مني انه يرقص مع دانا وانا وافقت وراح فعلا وأخدها وقربوا عشان يرقصوا معاكم لكن فوجئت بيه لما قرب منه قبل ما يحط ايده علي كتفها وشدها بكل عنف منه ووقف اتكلم معاها شويه وبعدين هي رجعت قعدت مكانها وهي عماله تبص له بخوف وطبعا حسام بصلي بأستغراب وراح قال لوالده حاجه فضل طول الفرح يراقب تصرفاتها
زين: حسام ده اللي هو ظابط في الطيران مش كده
احمد: ايوه هو
زين: طيب يا بابا انا بأكد لك ان عدي لما عمل كده عشان هو بيعتبرها زي تيا وليا وماتخافش علي اختي، هي هتبقي معايا وانا اعرف احافظ عليها كويس، وده ما يمنعش بردو اني هاحاسبه وافهمه انه مكانش ينفع يعمل كده
أحمد: انا كان ممكن اقول لعاصي واخليه هو يحاسبه، بس عارف انه كان ممكن يتعصب ويعمل مشكله خصوصا انه كان علي اخره من تصرفات عاصي الصغير مع بنته
زين: لاء سيب الموضوع ده عليا انا، بس بردو بأكد لك ان عدي ولد مؤدب وأتصرف بحسن نيه، اومال هما فين
احمد: راحوا المول يشتروا لدانا لبس محجبات، اصلي غصبت عليها تلبس الحجاب
زين: وليه بالغصب يا بابا
احمد: عشان امبارح لما سألتها ليه عدي شدك كده، قالتلي انه بيقول انه شاف حسام وهو بيحط ايده علي ظهرها العريان وانه زعقلها
زين وهو يعض علي شفتيه السفلي: كنت متأكد
احمد: بتقول ايه يا زين
زين: يا بابا الواد حسام ده واد و….. مقضيها في النادي مع البنات وفرحان بلمتهم حوليه وعدي مكانش هايعمل كده من فراغ
احمد: بس بردو مكانش ينفع يتصرف كده قدام الناس، كان جيه وقالي علي الاقل
زين: طب خلاص اهم وصلوا، عشان خاطري بقي وافق اني اخدهم معايا وصدقني هاخلي بالي منهم وعيني مش هتنزل من على دانا
احمد: يوه طيب موافق بس يباتوا في الشاليه بتاعنا وانت تبقي معاهم
زين: حاضر، طبعا اصلا انا كنت هاعمل كده
وقفت دارين امامهم وهي معها تلبس حجاب انيق وفستان طويل زهري ولكن يظهر الغضب علي وجهها ليقف زين منبهر من جمالها
زين: بسم الله ما شاء الله، ايه الجمال ده يا بت يا دانا
دارين: شوفت يا زين، قولها والنبي احسن دي زعلانه ومش مقتنعه
ليصيح احمد: ان شالله ما اقتنعت، من هنا ورايح كل لبسك لازم يبقي كده والحجاب مش هيتقلع تاني
نظرت له بحزن وجرت من امامهم وصعدت الي غرفتها
زين: الله ما تهدي شويه بقي يا بابا، كده هتكرها فيه وانا بصراحه عاجبني اوي، يارب الهبل اللي هناك يقلدوها فيه
دارين: طب اطلع لها انت يا زين وحاول تتكلم معها
زين: ماشي هاطلع لها بس بقولك ايه يا دودو، حضري نفسك، وضبي الشنط عشان هانسافر بكره
دارين: نسافر فين يا زين
احمد: اطلع انت لأختك وانا هأقولها علي كل حاجه
زين: ماشي انا هاطلعلها، وتركهم وصعد اليها، دق علي بابها ودلف داخل الغرفه ليجدها خارجه من غرفة ملابسها وقد ابدلتها وحررت شعرها
زين: لحقتي تقلعيه، مع ان شكلك كان حلو اوي فيه
دانا بتهجم: ممكن تبطل تريقه، البتاع ده اصلا خانقني ومش طايقه البسه
اسند جزعه السفلي علي ظهر مقعد مرأتها وضم يديه الي صدره: ومين قالك اني بتريق، بالعكس والله انا شايفه جميل جدا عليكي، انتي مش طياقه ليه بقي
دانا: مش استايلي يا زين، مش اللوك بتاعي، انا كده اصحابي كلهم مش هيعرفونيد كله من الزفت عدي هو السبب، وجلست علي فراشها بغضب واضعه يدها تحت ذقنها
زين: ايوه هي المشكله كلها في اصحابك، الشله البايظه وشوية العيال الهايفه اللي انتي ملمومه عليهم، والزفت عدي ضايقك في ايه بقي وايه اللي شافه بابا خلاه ياخد القرار ده ومايرجعش فيه
دانا: شافه وهو بيشدني من ايد حسام ابن انكل نشأت والبيه قالي انتي بنت مش محترمه لمجرد ان فساتني مش عاجبه عشان كان فيه فاتحه صغيره من الظهر ولما قولت لبابا، بدل ما يروح يزعقله هو ويقوله انه مالوش دعوه بيا، لقيته بيزعقلي انا وبيفرض عليا لبس الحجاب
زين: بصي يا دانا، انا مش هاقولك ان تصرف عدي صح، يمكن هو غلط في طريقته في الكلام معاكي بس هو عمل كده بدافع الخوف عليكي، وانا متأكد انه شاف علي حسام ده حاجه مش كويسه، اكيد انتي عارفاه كويس اوي من النادي وعارفه سمعته عامله ازاي وده مايمنعش انك جميله جدا في الحجاب ودلوقتي ولا بعدين كنتي هاتلبسيه
دانا: ايوه بس الكلام ده لما انا اللي اقرر مش اتغصب عليه وبعدين حضرتك ماغصبتش تيا عليه ليه، هي مش بقت مراتك
زين: ومين قالك اني مش هاقولها، وكمان عايزها تشوفك بيه عشان تقتنع على طول واكيد ليا هيا كمان هاتلبسه لما تشوفك، يلا قومي بقي وفرفشي كده عشان تحضري شنتطك
دانا: شنطة ايه هو احنا مسافرين
زين: ايوه انتي لسه هاتسألي، قومي قومي ياشيخه، داحنا رايحين كلنا السخنه بكره
هبت واقفه علي الفراش وهي تقفز: بجد براڤو يا تياااااااا، انا قولت ان تأثيرها جامد عليك، محدش صدقني ههههههههه، وذهبت سريعا الي غرفة ملابسها
زين في سره: الله يخرب بيتك يا تيا، انتي كنتي قايلة لها، يافضحتك يا زين باشا.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)