رواية نعمة (العالم الآخر) الفصل الخامس عشر 15 بقلم حمادة زهران

رواية نعمة (العالم الآخر) الفصل الخامس عشر 15 بقلم حمادة زهران

رواية نعمة (العالم الآخر) البارت الخامس عشر

رواية نعمة (العالم الآخر) الجزء الخامس عشر

رواية نعمة (العالم الآخر) الحلقة الخامسة عشر

فترة كبيرة عدت بعد علاج ساميه…….
الشيخ محمود اتصل عليا وقالي في حاله صعبه جداً عندها حاله هياج ومحدش قادر عليها…….
نزلت ورحتله رغم أن أنا كنت رافضه علاج اي حالات بعد موضوع ساميه ورفضت كذا حاله بسبب ان انا نفسيتي تعبانه………
نزلت ورحت وللأسف أخدت بنتي معايا مش عارفه ايه اللي خلاني اخد بنتي معايا…….
روحت وشوفت الحاله……
شوفت واحده في سن الاربعينات قاعده بتشرب سجاير بطريقه غريبه وبتتكلم ان هيا زوجة حد من ملوك الجن وبيلبولها طلباتها وان هيا كل يوم بتروح وتيجي كان عندها هوس كأنها فعلاً مش بتكدب…….
وبدأت تتكلم عن الناس والعشائر اللي هي تعرفهم…….
قعدت مع أمها وطلبت من أمها تحكيلي وبدأت
تحكي….. قالت هاله لما اتجوزت كانت زوجه هاديه خالص وكويسه جدا كانت مديره مدرسه مفيهاش اي حاجه………
بعد جوازها بفتره خلفت ولد وبنت وبعدها حصلت مشاكل كتير بينها وبين جوزها وبقيت تاخد مهدئات……
واتكلموا عن جوز هاله بدأت تحصل مشاكل بينها وبين جوزها ممكن متفتكرش أمها أختها متفتكرش عيالها تقول دول مش عيالي انا عيالي في مكان ثاني…….
كانت ترفض جوزها كتير ووصلت للضرب والبهدله…..
وفي ناس تدخلت في الموضوع وحاولت تحل لكن وصلوا للطلاق………
بعد فتره مرضية كبيره وهنعرف ليه مرضية……..
جات في يوم هي وبتكسر في حاجه في البيت مسكت ابنها وفضلت تصرخ في وشه وبعدها رمت ابنها من شباك المنور وهي في الدور التاسع………
بنتها واتفذعت وفضلت تصرخ…….
مسكت البنت ورمتها ورا اخوها……..
الناس طلعوا وكسروا الباب امها فضلت تصرخ الولد والبنت كانوا ماتوا…….
الجيران قالوا مشفناش حاجه لكن اتهموا هاله بالاهمال…..
كانت بتتكلم قدام وكيل النيابه كلام ملهوش اي معنى كلام تخاريف…….
وكيل النيابة حس بأن فيه حاجه مش طبيعي فضل يحقق معاها لكنه موصلش لأي حاجه بعد كده حولها امراض نفسيه ومعرفوش يسبتوا ان هي اللي رمت عيالها…….
امها كانت عارفه ومتأكده ان هي اللي رمت عيالها بس طبعا مش هتقول كده…….
خلصت الام كلامها…….
واتكلمت مع هاله كتير وبدأت ان انا اتكلم معاها بطريقه ان هيا ليها زوج تاني واولاد تاني…….
قولتلها حاولي تخليني اشوفهم مع اني انا اقدر اشوفهم……
بدأت تستهزء بكلامي وتضحك بطريقه هستريه ومسكت طفايه السجاير وراحت رمياها عليا……
كنت شايله بنتي رميتها من ايدي والحمد لله ربنا سترها وعدت على خير……….
قولت لأمها بنتك دي مريضه نفسيا هي ما عندهاش اي مس او سحر او اي حاجه كل الموضوع ان هي عندها مرض نفسي ولازم تقعد في المستشفى عشان ما تضرش نفسها او تضر غيرها……….
وقومت علشان امشي حاولت الست تديني فلوس قولتلها ان هي ما تتعبش نفسها معاها واهم حاجه تتعرض على دكتور نفسي……..
طول الطريق ما عرفتش انطق بكلمه ولا انا ولا بنتي ولا الشيخ محمود…….
كان كل اللي في دماغي ان كل حاجه بتحصل وحشه في الدنيا ايه اللي بيحصل ده ليه الناس تأذى بالشكل ده……..
وبجد نفسيتي تعبت جدا جدا بسبب التفكير ده واكتئبت وقفلت عليا ومكنتش عايزه اعمل حاجه غير ان اشوف اولادي كويسين واخلي بالي منهم……
اتصالات كتير من الشيخ محمود………
وجوزي وهدى وعبد الجبار كمان بيحاولوا معايا بس ما قدرتش اعمل حاجه………
دخلت في حاله نفسيه وحشه جدا وبسبب قصه ساميه بجد كنت خلاص مش عارفه اتعامل مع حد كنت دايما قاعده لوحدي…….
جوزي والشيخ محمود وهدى وعبد الجبار كانوا دايما يحاولوا يطلعوني من اللي انا فيه بس للاسف كانت حالتي النفسيه سيئة ومش قادره اسمع حد………
وافتكرت كل حاجه حصلت فيا انا وامي واخواتي من عمامي………
بابا لما مات كان سايب عربيه اجره وتاكسي وعمي الوسطاني قال انا هشغلهم وكل يوم هديلكم فلوس……..
قولنا تمام ماشي……..
كان عمي لما يجي بالليل يطلع على شقته على طول وانا اقوله عمي هات الفلوس علشان ماما تعمل حسابها في الاكل علشان مصروف المدرسه لأخواتي……..
يقول نعمه انا جاي تعبان الصبح أن شاء الله……..
وتاني يوم ينزل يدينا الفلوس وياريت هو اللي كان بيديهالنا………
مراته كانت تنزل وتتعوج على امي وزي ما تكون بتشحتنا الفلوس اللي هي اصلا بتاعتنا………
فضل الوضع ده مده وانا كل ما اشوف امي بتبكي بتقهر نزلت عند جدتي وحكيتلها……..
عمي الكبير دخل وبعده عمي الوسطان……..
وفجأة عمي الوسطاني اللي هو واخد العربيه والتاكسي ضربني بالقلم وقالي انتي قليله ادب وشتمني بأبويا…….
قولت اخرس بابا كان احسن من الناس وانت عارف……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نعمة (العالم الآخر))