رواية أنشودة كارمن الفصل السابع 7 بقلم لينا بسيوني

رواية أنشودة كارمن الفصل السابع 7 بقلم لينا بسيوني

رواية أنشودة كارمن البارت السابع

رواية أنشودة كارمن الجزء السابع

رواية أنشودة كارمن الحلقة السابعة

رواية “أنشودة كارمن الفصل السابع والاخير
بعنوان “الكردى”
حوالى الساعه 2 باليل , صحيت على صوت ضرب نارعامل زى المطر , بصيت من البلكونه لقيت بلطجيه كتير بيهجموا على الفيلا وبيشتبكوا مع الامن اللى بره .
Lina Basyouni
هايدى أجرت بلطجيه ! ,وقدروا يتغلبوا على أمن الفيلا الى بره ودلوقتى داخلين الفيلا ومعاهم رشاشات وأسلحه علشان يقتلونى و يهربوا آسر!!
كلمت الكردى فى التليفون وقولتله وانا بصرخ :
Lina basyouni
ألحقنى ياكردى …هيموتونى .
الكردى قالى فى التليفون :
أنا سايق على سرعة 170 فاضلى نص ساعه وأوصل , أهربى أو أستخب….
سمعت ضرب نار جوه الفيلا !!!
جريت قفلت عليا باب أوضتى بالمفتاح ..
قعدت أدور علي قطى فى الاوضه, وبنادى عليه :
باستيت … باستيت
لقيته تحت سريرى ,شيلته ورميته براحه من بلكونة الاوضه , مشى باستيت ولف دخل الفيلا .
Lina basyouni
شوفت بعينه كل اللى بيحصل جوه الفيلا ..
شوفت حوالى 7 بلطجيه شايلين رشاشات , وواقفين فى الرسيبشن ,واحد منهم تقريبا الريس بتاعهم , رفع التليفون على ودنه وقال :
أيوه ياهايدى هانم … خلاص أحنا جو الفيلا ممكن تيجى دلوقتى من العربيه ..
Lina basyouni
عدت دقيقه بالظبط وشوفت هايدى بعين قطى وهى بتجرى ناحية الفيلا .
أول مادخلت الفيلا جريت فوق وجريوا وراها .
قالتلهم :
هيا دى الاوضه أفتحوها , قعدوا كتير يكسروا باب الاوضه , لحد مانجحوا يكسروها
Lina basyouni
أول ما أتفتحت الاوضه , جريت هايدى جوه الاوضه .
فخليت قطى باستيت يمشى فوق درابزين السلم علشان أشوف كويس لأن البلطجيه كانوا سادين الباب .
شوفت هايدى وهيا بتعيط و بتقرب من آسر اللى بيبعد عنها وخايف منها .
Lina basyouni
قالتله وهى بتعيط :
انا هايدى يا آسر وجيت علشان أخرجك
قالها :
وهو مرعوب أنتوا مين …… أنتوا … أنتوا …
حاولت تلمسه ..بعد عنها وجرى فى ركن الاوضه وهو بيصرخ ومرعوب منها .
بصتله وهى مش مصدقه اللى حصله !!!!
صرخت فى البلطجيه وقالت :
هاتولى الكلبه دى حيه قدامى !!!!! يلالالالالالالالاه
Lina basyouni
قعدوا يكسروا كل بيبان الاوضه .
تليفونى رن !!!
سمعوه رنته فجريوا على أوضتى وقعدوا يكسروا فى الباب بتاعها .
برمت ملايه وكنت عايزه أنط من البلكونه , بس كان فيه بلطجيه تانيين تحت البلكونة .. وعند بوابة الفيلا !!!
كسروا الباب..فصرخت بصوت عالى وقعدت أستنجد .
3 شالونى فقعدت ألطش فيهم وأخربش فيهم , حاولوا يطلعونى بره الاوضه فمسكت فى الباب المسكور و تشبثت فيه بأيدى
Lina basyoun
وبصيت جمبى
لقيت 3 بلطجيه تانين بيحاولوا يخرجوا آسر بره الاوضه وهو مش راضى يخرج من سجنه ومتشبث زيى بالظبط بالباب المكسور
فضلوا يضربونى على أيدى جامد لحد ماسيبت الباب من أيدى و وجرجرونى من شعرى على الارض ونزلونى تحت .
وشوفتهم وهما بيفكوا أيدى آسر وشايلينه هو كمان ومنزلينه تحت .Lina basyouni
هايدى كانت قاعده على كرسى فى رسيبشن الفيلا رمونى تحت رجليها
شاطط وشى برجليها وهى بتقول :
ياو… ياواطيه.. أنا هخليكى تتمنى الموت يابن..
فجاه أتقطعت الكهربا على الفيلا , ومبقناش شايفين حاجه !!
Lina basyouni
واحد منهم شدنى من على الارض وحط سكينه على رقبتى وزعق فيهم وقال :
حد يشوف من اللى فصل الكهربا بسرعه , وكل واحد يطلع كشاف موبايله وينور حو….
قطع كلامه لما سمع حد من عصابته صرخ صرخه وبعدين سكت !!
فقال :
مين اللى صرخ من شوي….
قطع كلامه لما سمع صرخة واحد تانى وبعدين سكت خالص
أترعب و أيده اللى ماسكه السكينه على رقبتى بتترعش وقال :
كله يدى تمام أنه سليم و موجو….
سمع صرخة واحد تالت من رجالته وبعدين سكت خالص !!!
النور رجع
فشوفت تلاته من البطجيه مدبوحين , ومش باقى غير 3 تانيين و فى وسطهم آسر فى عالم تانى .
ده غير اللى حاطط السكينه على رقبتى
كل البلطجيه وجهوا رشاشتهم ناحية الكردى اللى حاطط سنجته على رقبة هايدى وبيبص على اللى حاطط السكينه على رقبتى وبيقوله :
مرعى!!! …. أنت مش كنت شغال فى الدعاره … مالك أنت ومال البلطجه … تبدل ؟ …
خد الاموره اللى تحت سنجتى وهات الهانم وأخلع .
مرعى اللى حاطط السكينه على رقبتى قاله :
الله!! .. جاى لوحدك يعنى ياكردى , امال فين رجالتك !!؟
قاله :
رجالتى دقيقه وهيبقوا هنا ..وبص عليه وعلى التلاته اللى معاه
وقاله وهو بيهدده:
بص يامرعى .. أو يا معرى … زى ما كنا بناديلك ولا ناسى؟ !!…
رجالتى عددهم أكتر من عدد رجالتك 4 مرات ولو جم ولقوك هنا هتتدبح أنت ورجالتك..
فأخلع أحسنلك .
رد مرعى عليه بصوت من انفه وتف على الارض وقاله:
خليهم يجوا وهيلاقوا جتتك متخرمه هنا …
وبص لرجالته اللى شدوا أجزاء رشاشتهم وأتهيئوا يضربوا الكردى !!
فالكردى قاله :
أيه مضحى برقبة السينيوره يعنى أدبح حلال الله أك…
الكردى عمل نفسه هيدبح هايدى
فقاله مرعى :
لو قتلتها …. هقتل اللى معايا !!
الكردى قال :
أنت غبى ياله مانا بقولك من الصبح تبدل ؟
خد صاحبتك وسيبلى الهانم ويادار مادخلك شر ..
وبص على آسر وقاله :
وخد ده كمان معاك مش عايزينه خلاص
هنا صرخت هايدى وقالت لمرعى :
أقتلها …. أنا دفعالك علشان تقتلها …. سيبه يقتلنى … بس أهم حاجه هيا تموت
أقتلها !!!
أقتلها!!!!!!!!!!!!!!
مرعى قالها وهو بيحضر نفسه علشان يدبحنى :
بشوقك ياهايدى هانم وعلى أتفاقنا .
وبدأ يمشى بسكينته على رقبتى بس وقف !!!
وكله وقف وبص ناحية الباب اللى دخل منه
راجل لابس بدله
Lina basyouni
دخل بهدوء خالص وجرجر كرسى برتابه وبملل
,كله كان بيبصله بأندهاش , وفيه اللى كان موجهه رشاشه عليه , فضل يجرجر فى الكرسى لحد مابقى فى وسط الرسيبشن ومابينا !!
قعد على الكرسى وحط رجل على رجل وطلع سيجاره وولعها وخد نفس وبص لمرعى اللى حاطط السكينه على رقبتى وقاله وهو مبتسم :
سيب بنتى يامرعى وأمشى أنت ورجالتك وليكم الامان
مرعى كان هينفعل عليه وهيشتمه فحذره الكردى
وقاله :
Lina basyouni
أوعى…. ده ياسين باشا ,أهدى يامرعى الحوار كده كبر أوى أوى عليا وعليك .. أهدى يامرعى .. ها .. أهدى
مكنتش عارفه أندهش من أيه !!!؟ أندهش من بابا اللى موجود هنا ولا أندهش من الكردى اللى طلع يعرف بابا !!!
نسيت صح أعرفك على بابا وليه مش هتلاقى صور ليه فى اى حته . Lina basyouni
بابا ياسين عوده بجانب شركاته والبيزنس بتاعه شغال فى جهه سياديه عليا , علشان كده مش هتلاقى صوره ليه بتتنشر فى الجرايد , وممكن مايكونش أسمه الحقيقة ياسين عوده أصلا , أنا أعرف عن بابا حاجات كتير , حاجات أنا بس اللى أعرفها .
بابا ليه أوضة مكتب فى الفيلا , حاطط فيها مقتنيات غريبه من كل القضايا اللى نجح فيها
مثلا خنجر عليه دم , بيحفتظ بيه بدمه .. سيف عليه نقوش غريبه , كنت بشوفه دايما بعين قطى باستيت وهو بيحط الحاجات دى فى أوضه مكتبه ويقفل المكتب بالمفتاح.
أوضه فيها كل أسراره واللى دخلتها وعرفت عنه كل حاجه حتى أسمه الحركى فى الجهاز ” مستر أكس”.
Lina basyouni
بص بابا على مرعى وشاورله على شباك من شبابيك الفيلا , فظهر ليزر أحمر على راس مرعى
, وبعدها ظهر ليزر أحمر على راس كل واحد من عصابته , فعرفوا أنه فيه قناصه بره وممكن يقتلوهم فى ثانيه !!!
بابا قال وهو مبتسم :
أنا مبكررش كلمتى مرتين .
كل رجالته اللى معاه سابوا رشاشاتهم وجريوا وسابوه لوحده !!
Lina basyouni
نزل السكينه من على رقبتى وأيده بتترعش وبص على هايدى وجرى وأتشنكل على الارض وهو بيجرى .
بص بابا للكردى اللى حاطط سنجته على رقبة هايدى واللى كانت مرعوبه ومذهوله من اللى حصل .
وقاله :
سيبها ياكردى
هز راسه بالطاعه وسابها !!
بابا قال لهايدى وهو بيبص على أسر التايه :
بصى يابنتى قدامك حليين يا تخديه وتمشى وتنسى كل اللى حصل ..ياتموتى أنتى و هوه ونفضها سيره خالص .
وخد نفس من سيجارته وقال :
يكون فى علمك لو أختارتى تعيشى , وفكرتى … بس فكرتى تأذى بنتى هخليكى تتمنى الموت فى كل ثانيه .
وشخط فيها وقالها :
فاهمه !!!
جسمها كل أرتجف وراحت على آسر وسندته بصعوبه لحد ماخرجت بيه بره الفيلا .
Lina basyouni
بص لكردى وقاله :
روح أنت … بس خليك بره أنت ورجالتك متبعدش.
هز الكردى راسه وقاله :
اللى تؤمر بيه يا باشا وخد نفسه وطلع بره .
أستغربت من رد فعل الكردى
فبصلى بابا وقالى :
Lina basyouni
هو أنتى كنت مفكره الكردى أتفق معاكى من ورايا !! الكردى سئل عليا وجالى الشركه وأدانى المليون جنيه اللى أدتهمله كأثبات لحسن النيه !! الكردى مابيعملش أتفاق مع حريم و أنااللى وافقت وأتفقت معاه علشان يراقبك ويحميكى …
جاله تليفون فقطع كلامه ورد على التليفون وقال:
أها خلاص … نزل العيال من السطح وادى لكل واحد 200 جنيه زياده …. مش مشكله اديهم الليزر يلعبوا بيه !!!!
قفل التليفون وقالى :
تعالى ورايا
روحت وراه ففتح أوضه المكتب بتاعته واول مادخلت لقيته قفل الباب و أنفعل عليا وقالى :
أنتى مش هتبطلى اللى بتعمليه ده !!!
قولته وأنا بعيط :
يابابا هما اللى خدعونى وخانو….
قطع كلامى وقالى بعصبيه :
ماهو بسبب اللى عملتيه فى أدم !!
أستغربت أنه عارف موضوع آدم !!
فقالى :
هو أنتى مفكره انى مش عارف كل اللى بتعمليه !!
قولته وانا بزعق فيه :
كلهم خانونى وآدم خانى !! كلهم يستاهلوا الموت ..
قالى :
وعرفتى منين أن آدم خانك !!؟
قولتله :
سمعته بودن قطى باستيت وشوفته بعينه وهو بيخونى ..
قالى :
سمعتيه بأيه يختى ؟!!! Lina basyouni
كان لازم أسمع كلام الشيخ
تعرفى قالى أيه .. ها … قالى قصة سيدنا الخضر اللى قتل غلام صغير علشان بيرهق أبوه أمه وهيضلهم ..
قالى أنك قتلتى اعز أنسان ليكى وانك هتقتلى ومش هتبطلى قتل لان ده علاجك الوحيد والحاجه الوحيده اللى بتهديكى !!!
ماسمعتش كلامه وطردته
بس كنت عارف أنه صادق وانك قتلتى اعز أنسان ليكى صديقتك ثريا
قولتله :
ثريا مين ؟!!
قالى :
حتى اعز صديقه ليكى نسيتيها , نسيتى ثريا اللى سممتيها وداريت على جريمتك , نسيتى سعاد الخدامه اللى طعنتيها بالسكينه فى ضهرها وانتى بتقوليلها ياخاينه , قال أيه سمعتى أفكارها وعرفتى أنها بتخون جوزها مع البقال ..
نسيتى عفاف الخدامه اللى جات بعدها وقتلتيها برده
كل ما أجيبلك خدامه تقتليها , لحد مابطلت أجيب خدم .
قولتله :
أنت كداب , أنيتا موجوده وعايشه معايا من وأنا صغيره .
قالى وهو بيحاول يهدى نفسه ومينفعلش :
الدكاترة نصحونى موجهكيش بالحقيقة بس انا لازم اوجهك بيها علشان تعبت خلاص وجبت آخرى و يمكن صدمتها تعقلك ,
انتى مريضة محدش قدر يشخص حالتك, كان اقرب تفسير لتصرفاتك انك مريضة ذهان , فشلت انى اعالجك بعد ما وديتك لاحسن دكاترة فى العالم كان مفروض تعيشى فى مصحة …… بس كنت همحى تاريخى ومستقبلى بأستيكه , كانوا هيقولوا بنت ياسين عوده مجنونه !!!
حاولت أحبسك …بس كنتى كل مره بتحاولى تنتحرى , وقلبى مجابنيش أقتلك وأخلص منك.
ماقدرتش أوقف الغول اللى جواكى , داريت على كل جرايمك وبقيت شريك معاكى فيها.
طول عمرك سفاحه ومجنونه وانا كان لازم اغزى الغول اللى جواكى علشان تعيشى .
Lina basyouni
حالتك أتحسنت لوحدها فتره و أتحسنت أكتر لما أتجوزتى آدم وأنبهرت أنك كنتى طبيعيه الفتره اللى أتجوزتيه فيها فعرفت أنك ممكن يكون ليكى علاج تانى وهو أنك تلاقى حد تحبيه. .
أى حد جالى علشان يتقدملك عرفته حالتك , فيه اللى رفض, وفيه اللى وافق يتجوزك بحالتك دى ودول فيه منهم اللى كان صريح معايا زى آدم اللى تراجع عن فكرة أنه يتجوزك لما عرف حالتك , وبعدها بيومين, جالى وعمل صفقه دنيئه بس وافقت عليها .
وهو انه يتجوزك فى مقابل انه اساعده بعلاقاتى يوصل ويبقى كاتب كبير .
وافقت , بس أنتى قتلتيه زى ماقتلتى غيره , ومعرفتش أمنعك لانك بعد ماتوهمتى خيانة آدم ليكى جاتلك نوبات الصرع تانى وأشد وكنت بتموتى منى
كان لازم اغزى الغول اللى جواكى علشان تعيشى,
Lina basyouni
لحد ما جيه اسر وساعتها قلت خلاص مشكلتك اتحلت وعقلتى بس للاسف طلع بيلعب علينا كلنا عشان ينتقم لادم واضطريت اتدخل لما لقيته سجلك كل حاجة و هيوديكى فى داهية ضربته واخدت التسجيل .
أنا سفاح زيك عشان سيبتك تقتليهم وان مكنتش سيبتك تقتليهم كانت حالتك هتسوء انتى سفاحة بتتغذى بالقتل .
أنا خونت وظيفتى وخونت شرفى المهنى,
أنا هربت من العداله سفاح و قاتل زيك علشان ماقدرتش اعاقبه و احاسبه وهو عنده دوافع منطقية للقتل , كان الاولى عاقبتك أنتى وعاقبت نفسى على الناس اللى قتلتيهم من غير ذنب .
صرخت فيه وقولته :
أنت كداب كل اللى بتقوله كدب , ومتستاهلش اللى عملته علشانك , تستاهل الخيانه , تستاهل خيانة ماما ليك مع السفرجى .
بصلى بأندهاش وقالى :
ماما !!؟ سفرجى أيه !!؟
قولتله بغل :
ماما كانت بتخونك مع السفرجى وانا اللى زقيتها من فوق الرووف علشان أغسل شرفك وخبيت عليك عشان مجرحكش , مش زى ما انت بتجرحنى دلوقتى وبتقول عليا مجنونة !!
قالى وهو مصدوم وبيحاول يفهم :
أنتى اللى رميتى أمك من فوق رووف الفيلا !!؟ مش هى اللى وقعت لوحدها !!؟
قولتله :
اها أنا اللى قتلتها وانت متستهالش اللى عملته علشانك .
أنفعل ونزل فيا ضرب بأيده وهو بيقولى:
قتلتى امك يامجنونه يا بنت الكلب !!!, أحنا عمر ماكان عندنا سفرجى يا مجنونه !!!
قولتله وأنا بصرخ :
أنت اللى مجنون بقولك شوفتهم بعين قطى باستيت وهما بيخونك فوق السف…..
سابنى وطلع بره وشويه ورجع وهو ماسك باستيت ورماه جمبى على الارض وفتح الدرج بتاعه مكتبه وطلع مسدسه وهو بيقول :
كان لازم اسمع كلام الشيخ ..
وضرب باستيت بالنار !!!
Lina basyouni
صرخت بصوت عالى وجاتلى نوبة صرع بعدها أغمى عليا .
فوقت وفتحت عينى لقيت بابا نايم على الارض وجمبه عصايا خشب تخينه وراسه بتجيب دم جامد .
قومت مفزوعه من مكانى وبصيت عليه لقيت جمجمته مكسوره !!!
قعدت أهز فيه وأنا بصرخ وبعيط وبنادى على الكردى
اللى جه جرى ناحية أوضة المكتب وبص عليا وعلى بابا وعلى العصايه التخينه وقال وهو وهو مندهش :
أيه اللى جاب نبوت قيصر هنا !!!!
قولتله وانا بصرخ فيه :
ألحق بابا بسرعـــــة
حط أيده على بوقه مالقاش نفس طالع , قالى :.
مات !!
قولتله وانا بصرخ :
مات !!! مات ازاى !! مين اللى قتله !!
لف بعينه فى الاوضه وشاورلى على كاميرا متعلقه على الحيطة.
جريت على مكتب بابا وفتحت الاب توب بتاعه و شوفت تسجيل كاميره المكتب
واتصدمت من اللى شفته ..
شوفت بابا وهو مدينى ضهره بعد ماقتل باستيت ..
شوفتنى وأنا باخد نبوت من ركن الاوضه وبخبط راسه من ورا وبضربه لحد ما مات !!!
بدئت اشوف ادامى مشاهد كتير .. مشاهد للحقيقة اللى بدئت تنكشفلى .
أنا اللى قتلت بابا … زى ما قتلت ماما … زى ماقتلت صاحبتى .. وقتلت كل اللى حواليا وانا بتوهم انهم بيخونوا ..
صرخت فى الكردى وطردته بره الاوضه وقفلت الباب وشغلت أنشودتى
………………………………………………………………………………………….
الكردى ….
شوفتها فى الكاميرات وهى بتقتل أبوها بنبوت قيصر , ريس العصابه اللى قبلى واللى كان بيدك بنبوته اى حد يعارضه
طردتنى بره الاوضه وحبست نفسها جوه .
بس فضلت على الباب مارضتش أمشى , وقعدت على الارض وسندت ضهرى على بابها
كنت بخبط عليها كل شويه , وكنت بسمع صوتها وهى بتزعقلى وبتشتمنى هى بتقول :
سيبنى …. أمشى …. بطل تخبيط مش عارفه أسمع أنشودتى !!!
انا عارف انها مجنونه , ومكنش فيه صوت لا أنشوده ولا أغنيه شغال فى الاوضه !!
فضلت مستنى على الباب , كذا ساعة
لحد ماخبطت عليها ولقيتها مابتردش عليا ولا بتزعقلى , خبطت جامد مردتش برده!!
كسرت باب الاوضه ودخلت لقيتها مقطعه شرايين أيديها بالسكينه والدم حواليها
جريت عليها ودموعى سبقانى وبقولها :
ليه كدا يا ست البنات !!!!
شيلتها وجريت بيها
قالت بصوت ضعيف :
هو انت حقيقى يا كردى ؟!!!
قولتلها وانا بجرى بيها:
انا حقيقى ومعاكى ومش هسيبك تموتى .
قالتلى:
أنت بتحبنى ياكردى ؟!
قولتلها وانا بعيط و ببصلها :
عمرى ماحبيت فى حياتى غيرك … من أول يوم شوفتك فيه من أول مرة لمستك فيها ..
قالت بصوت ضعيف:
أنا غبيه عمرى ماشوفت الحقيقه …….. دورت على الحب والاخلاص وماشوفتكش .. خونت كل اللى حواليا وكنت مفكراهم هما اللى خايني…
صوتها قطع حطيتها فى العربيه وجرييت بيها على المستشفى وانا مش شايف الطريق من الدموع الى فى عينى قولتلها :
مش هسيبك تموتى …. لازم تعيشى …. ورحمة أمى ماحبيت فى حياتى قد ماحبيتك …. ورحمة أمى ماهسيبك تموتى ولو هديكى روحى .
نفسها كان قاطع لما وصلت بيها المستشفى , جريت وانا شيلها فى وسط المستشفى زى المجنون , وبصرخ بعلو صوتى وأنا بقول :
دكتورررر .. دكتور بسرعه ياولاد الكلب هتموت منى ….. هتموت منى …. ألحقونى !!
جرى عليا دكتور وكام تمرجى وخلاونى أدخلها الطوارئ … طلبوا منى أخرج بره
أتخناقت معاه , قرب منى دكتور وقالى:
وجودك هنا هيضرها أتفضل حضرتك ادى بياناتك فى رسيبشن المستشفى .
أفتكرت أنى محكوم عليا بالاعدام مرتين , وممكن أتمسك حالا وساعتها مش هعرف أطمن عليها .
كلمت واحد صاحبى مش سوابق وخليته يجى يحط بياناته ويطمن عليها ويطمنى عليها , القلق كان ساحب روحى والحمد لله عرفت انها عاشت ..
Lina basyouni
روحى رجعتلى تانى بعد ماكانت أتسحبت منى .
البوليس جه المستشفى بعد مالقوا جثة أبوها فى المكتب , وشافوها فى الكاميرات وهيا بتقتله وكلبشوها فى السرير لحد ماخفت .
بعد كده ا حبسوها فى مستشفى العباسيه بعد ماعرفوا انها مجنونه , عرفت انهم حبسوها فى أوضه زى الى كانت حابسه فيها آسر علشان يهدوها بعد مافشلت جلسات الكهربا فى انها تعالجها .
كل الكلام ده عرفته لما دفعت رشوه لدكتور من اللى شغالين هناك علشان يطمنى عليها وينقلى أخبارها , ساعات كان بيدخلنى باليل أشوفها وأطمن عليها .
كانت نسيانى وناسيه هيا مين وناسيه كل حاجه , بس لما كانت بتشوفنى كانت بتفرح اوى و بتقول :
أبو جاكيت جلد جه أهوه !!!
تمت بحمد الله

لقراءة باقي حلقات الرواية اضغط على : (رواية أنشودة كارمن)