رواية حب غير مشروط الفصل الخمسون 50 بقلم لولا

رواية حب غير مشروط الفصل الخمسون 50 بقلم لولا

رواية حب غير مشروط البارت الخمسون

رواية حب غير مشروط الجزء الخمسون

رواية حب غير مشروط الحلقة الخمسون

منه شهقت بصدمه ولطمت علي وشها وادم اتصدم بشده ودموعه نزلت بوجع
ادم بصدمه ودموع انت كداب
كمال بضحك ده اللي انت بتتمناه بس للاسف مش كداب
منه بعياط وعصبيه انت ايه ياشيخ حرام علييييك خليت منظري قدام جوزي زي الزززفت انت عااايز تخرب بيتيييي هو انت بتعمل كلللل ده ليييه علشااان ايييه ادم واخته اذوك في ايييه
كماال بعصبيه لما تتكلمي معايا اتكلمي بادبك يا حيوانه واهو انا كده بكرهه سليم واي حته منه ودول عياله كفايه ان جوزك الحيوان بيفكرني بسليم وبتوجع لفكره انه في يوم قرب من اللي بني ادمه الوحيده اللي حبيتها
ادم راح مسكه من هدومه واكمل بعصبيه ودموع انت انساااان زباااله واياااك يا ابن الكلب تجيب سيره امي علي لسااانك وانا يا تقولي علي مكان اختي لو هي فعلا عايشه يا هقتلك ورفع المسدس علي دماغه
كمال بضحك تقتل مين بس يا جوز بنتي استهدي بالله كده وابعد انا وانت عارفين انك متقدرش تقتلني علشان لو عملت كده مش هتلاقي اختك عمرك كله وسرها هيموت معايا ولا هتعرفها اصلا لو فضلت تدور فنزل مسدسك يا ادم عيب
منه بعياط والله حرااام عليك منك لله يارب اشوف فيك يوم انا قرفانه اني بنتك وبكرهك
كمال بسخريه حلو والله بتكرهي ابوكي علشان جوزك متربيه الصراحه
منه بعياط جوزي ده عمل اللي انت معملتوش ولا هتعرف في يوم تعلموا وانا مش عايزه من الدنيا كلها غيرو
ادم نزل مسدسه بضعف ودموعه نزلت بوجع واكمل بوجع هي فعلا عايشه ??
كمال ابتسم بانتصار واكمل اااه عايشه هتصدقني لو قولتلك والله العظيم عايشه
ادم بدموع ووجع لا مش هصدق علشان انت متعرفش ربنا اصلا بس ثباتك قدامي هو اللي اكدلي انك مش بتكدب علشان انا متخلقش ولا هيتخلق اللي يقف قدامي كده
كمال بضحك لا اتخلق وواقف قدامك اهو … شايف منظرك قدامي داخل بمسدس وعامل فيها بطل زمانك وبتعلي صوتك دلوقتي بتتكلم بهدوء شوفت اني هرجعك تتذللي
ادم كور ايديه بعصبيه وغمض عنيه بوجع فاكلمت منه بعياط وديت البنت فين وكويسه ولالا
كمال بضحك اكيد مش هقول يعني بس اه كويسه او مؤقتا كويسه ((وكان قاصد يخوف ادم))
ادم بخوف ودموع متعملهاش حاجه وانا بكره هديلك اللي انت عايزه
كمال قعد وحط رجل علي رجل واكمل بابتسامه اااه عشت وشوفت ابن سليم بيترجاني زي ما ابوه اترجاني وهو بيموت بلظبط وانا وعدته مقتلكش بس بيني وبينك انا ضميري مش هياكلني لو خلفت وعدي عادي يعني وضحك
منه بخوف وعياط تقتل مين انت اتجننت والله ماهسمحلك تقتله حتي لو اخر يوم في عمري
ادم اتعصب من كلامه اوي واتوجع بس سكت علشان اخته واكمل بدموع ووجع بس يا منة وبص لكمال واكمل موتني انا مش مهم ورجعها دي بنت وملهاش ذمب في اي حاجه وحقك اللي انا معرفوش خده مني انااا وفش غليلك انما اختي لا
منه بعياط حرام عليك بجد والله مش قادره اصدق انك يطلع منك كل ده ليه ياشيخ ليه كل دده وعلشان ايييه علشان واحده محبتكش واتجوزت صاحبك واللي مفروض زي اخوك واصلا كانت خطيبته وبيحبوا بعض انت شايف ان كل اللي عملته من قتل وخطف وقرف مبرر ??? ده بلعكس انت اللي دخلت حياتهم وخربتها
كمال بعصبيه علشااان انا حبيت و مش حبيتها بس ده انا عشقتها ومش متقبل فكره ان الحيوان ده اللي كان صاحبي ياخدها مني حتي لما مات ماتت معاه وابراهيم نجح يخبي ادم مني لاني كنت هقتله هو كمان عادي
منه بعياط يا شيخ حسبي يالله ونعم الوكيل فيك ربنا ينتقم منك امي كانت عايشه تحت رجليك قبل ماتطلب كانت تنفذ وعمرها ماعصت ليك كلام ليه تموت وهي مشافتش منك حنيه وضيعت عمرها كله بترضيك وانت بتحب غيرها وغيرها دي بتعشق جوزها انت مريض مش طبيعي لان ده مستحيل يكون حب ولازم تتعالج
كمال اتعصب وقام رايح يضربها بلقلم ادم مسك ايديه واكمل بعصبيه احترم نفسك ونزل ايدك لا عااش ولا كااان اللي يمد ايده علي مرات ادم الشافعي
كمال بضحك وانت بقي هتمعني اضرب بنتي
ادم بعصبيه متقولش بنتك علشان انا مش بعتبرها ولا هعتبرها بنتك يا حيواااااان
كمال بابتسامه خبيثه اممم فعلا مقولش بنتي ماهو بردو صعبه عليك يا دوما ان حب العمر تبقي بنت اللي قتل ابوك وامك وذل ابوك علي فراش الموت اكيد مش عايز اقولها لانها بتوجعك
منه بعياط وخوف انت بتقول ايه انا ماالي بيك انت عمرك ماعتبرتني بنتك ولا انا اعتبرتك ابويا ولا عملت اصلا اي حاجه بيعملها الاب انت عايز ليه خراب بيتي يا شيخ ربنا ينتقم منك اشد انتقام وبصت لادم لقيت دموعه بتنزل بوجع ومش بيتكلم فاكملت بعياط ادم والله انا ماليش دعوه سيبك منه ومن كلامه انت عارف انا بحبهم قد ايه
ادم بدموع ممكن تهدي وتبطلي عياط متخافيش يا منة انا مش هاخدك بذمبه ولا كلامه هيأثر فيا ولا هقدر اعمل كده اصلا انتي حبيبتي ونورعيني يا منة فبطلي هبل وخليكي واثقه شويه فيا وفي حبي ليكي وخدها في حضنه بيطبطب عليها وهي عياطها زاد
كمال يا عيني يا عيني علي الحب واتعصب واكمل بقولك اييه يااالا املاكي ترجع هقولك اختك فين املاكي مش هترجع انسااها خاالص ومش مهم اشحت بس افضل قاهر قلبك عليها عمرك كله مش ابوك ياخد حبيبتي وانت تاخد بنتي واتجوزتها من ورايا وانسي كل ده لااا مش ناسي كل حاجه ولا هنسي وهذلك صح وكرهي ليك زاد لما عرفت انك ابن اكتر انسان بكرهو
ادم بعصبيه وانا مش عايز حبك يا حيوان وزي ماخدت بنتك وحرقت دمك وقولتلك ساعتها هقف بمراتي وعيالي وانا حاجه كبيره ضحكت عليا وقولتلي مش هيحصل واديه حصل وقال ايه انت متقدرش تقرب من بنتي واصلا يوميها كانت حامل وغمز واكمل وبقيت جدو اهو زي ما وعدتك وبوعدك دلوقتي كمان نهايتك علي ايدي ومش هتطول
كمال بعصبيه اااه يااا كلب يا زبااااله ماهو الغلط مش منك الغلط من بنت الكلب دي انها راحت باعت شرفها لحيوان زيك
منه اتصدمت من كلامه ودموعها نزلت بوجع فاكمل ادم بعصبيه باعت شرفها مين يا راجل يا ناقص دي مرااتي … انا اتجوزتها قبل مايحصل بينا حاجه هو انت فاكر كل الناس وس*خه زيك ولا ايييه لا فوق كده انت بتتكلم عن مدام منه الشافعي مش حيوان زيك يتهمها في شرفها وهي انضف منك ومن اهلك نفر نفر وربنا اصلا كان رحيم بيك اوي انه ادالك بنات زي بناتك بس انت زباله ومتستاهلهمش
كمال بعصبيه اتجوزتها او لا … راحت عملت كده من ورايا زي الحيوانه التانيه اللي ابن ابراهيم اعتدي عليها وكانت حامل منه في الحرام ولا دي مكانتش حامل ?? بس طوز ولا يفرقولي هما الاتنين
ادم بعصبيه ما كله من تربيتك الزباااله اللي خلت جيسي توصل للمرحله دي من لبس وعيشه ووصلتها انها تبقي كده وتفكر تأذي اختها بس هي اللي اتأذت وبعدين اخويا كان مش في وعيييه لما عمل كده وصلح غلطه وبنتك محدش يقدر يتكلم عنها
كمال بضحك يعني ايه مش في وعيه مش فاهم هو ده مبرر ما المصيبه حصلت وخلاص وبعدين هو انا لو جبت مالك وخدرته ودخلته لاختك الاوضه وسبتهم مش هتزعل لما تعرف انه خسرها شرفها خصوصا انك بتقول اخوك ?
ادم دموعه نزلت بوجع واكمل ميخصكش هزعل ولالا انت كده كده مش فارقلك مشاعري كتير بس اختي تفضل في امان وانا هديك اللي انت عايزه
كمال بضحك مين قالك كده بلعكس بيفرقلي مشاعرك لانه مثلا لما اختك يتم الاعتداء عليها دي هتكسرك يا ادم وانا بحب اشوفك مكسور وضعيف
ادم دموعه نزلت واكمل بعصبيه طب خليك راجل وواجهني انا وطلعها هي من حسبااتنا بس انا ايه يضمنلي بعد ما اديك الاملاك ترجعلي اختي انت متضمنش اصلا
كمال قعد وحط رجل علي رطل واكمل بعصبيه انا معنديش ضمنات يا روح امك انا كلمتي ضمان مش كمال الشريف اللي يقول كلمه ويرجع فيهاا وكنت اقدر اذلك من زمان بس قولت اسكت احتياطي لحد ما اشوف رده فعلك علي موت اهلك اصل انت مهما طولت كنت هتعرف
ادم بوجع تمام انا هجيلك بكره واديك الورق بس اختي تكون هنا
كمال بابتسامه لا مش هتشوفها ولا هنطق قبل ماخد ورقي منك
ادم بعصبيه اه وانا اصدقك ازااي يعني
كمال بضحك لا متقلقش هقولك عارف ليه ? علشان بعد كده هتتكسر لما تشوفها واانا بحب اشوفك مكسور اصلك متعرفش الفتره اللي فاتت حصل فيها ايه
ادم بخوف ودموع انت عملتلها ايه ?? ارجوك هي ملهاش ذمب فلوسك هرجعهالك عايز تنتقم انتقم مني انا
كمال بابتسامه خبيثه ده كده كده هيحصل بس هي مسأله وقت
منه بدموع ووجع انا فعلا ندمانه علي كل يوم قولتلك فيه يا بابا وكنت بترمي في حضنك ومن انهارده اعتبرني موت
كمال الله يرحمك يا حبيبتي مش فارقلي كتير
منه بصتله بوجع ودموعها نزلت فاكمل ادم بجمود يلا منة وشد ايديها وطلع وكماال قعد يبتسم بفرح انه كسره وذله
—————————————-
في العربيه
منه بدموع باذن الله هتلاقي اختك متخافش
ادم ——
منه بدموع ووجع ادم انت مش بترد عليا ليه
ادم بدموع منة ارجوكي انا مش قادر اتكلم
منه بدموع وخوف ادم انت مش بتكلمني ليه هو انت هتاخدني بذمبه وهطلقني ??
ادم بعصبيه ودموع قولت مش هتنيل ومش هقدر اعملها اسكتي بقي انا دمااغي فيهاا دوشه مش طبيعيه وقلقان ومكسور ومش فاضي لكلامك اللي مالوش لازمه ده واللي انتي عارفه اجابته خلاص كفياكي سؤال في الموضوع ده
منه قلبها وجعها ودموعها نزلت بصمت واكملت بصوت منخفض انا اسفه مش هزعجك تاني وبصت للطريق وصعبت عليها نفسها وعيطت
ادم انب نفسه انه زعقلها واكمل في سره بحزن طب هي ذمبها ايه طيب تطلع عصبيتك عليها دي اختارتك علي ابوها وملهاش اهل غيرك وخايفه تسيبها لانها حاسه بوجعك وانه فعلا الموضوع مش سهل وانك مرعوب علي اختك وجواك وجع وصدمه كبير وبسبب ابوها
ادم وقف العربيه علي جمب وبصلها واكمل بحزن تعالي وفتح ايديه
منه بصتله بعتاب وعيطت
ادم بوجع ده مكانك وقت زعلك مش كده ?
منه بدموع وشهقات ولو ا نت اللي س بب زعلي
ادم ابتسم بحزن واكمل بردو ده مكانك وتيجي تستخبي في حضني وانا اللي اصلح زي ما بعمل معاكي علطول احنا ملناش غير بعض
منه اترمت في حضنه وفضلت تعيط واكملت بوجع وعياط انا خايفه تسبني يا ادم ومش قصدي ازعجك بكلام مالوش لازمه زي ماقولت بس انا بحاول اهون عليك وبقولك هتلاقي اختك انشاء الله بس انت مردتش عليا و كرهتني علشان بنت كماال وحقك وبصتله بوجع واكملت بعياط بس انا بحبك
ادم حضنها اكتر وهي سندت راسها علي صدره واكمل بحب ودموع قولتلك وهقولك انتي ملكيش ذمب وانا مش بعتبرك بنته ولو البحر نشف والسما واطبقت علي الارض ادم مش هيبطل يحب منة وميقدرش يكرها يا عبيطه ده انتي مراتي وحبيبتي وام بنتي هو انا ليا غيرك ايه الكلام ده انا بس اتعصبت شويه علشان بفكر اختي ممكن يكون حصلها ايه ومصدوم من فكره انها طلعت عايشه ومش مستوعب لحد دلوقتي ان ده حصل ومأكدلك انك حاجه تانيه عندي وبردو بتجيبي سيره انك بنته وخايفه اطلقك فعصبتيني
منه بدموع وحزن يعني انت مش زعلان مني
ادم رفع وشها ليه ومسح دموعها واكمل وازعل منك ليه اختارتي انه يكون ابوكي ولا حتي معاه في اللي بيعملوا بلعكس انتي اختارتيني انا فكل مره حطيت نفسي في مقارنه معاه
منه بحزن ووجع منه لله انا مكسوفه منك ومش عارفه اتعامل طبيعي وطول الوقت حاسه اني بكسرك لما تشوفني وانه مينفعش تبقي معايا بسبب اللي عرفته ماهو مش سهل عليك اكون بنته ولا سهل عليا بردو يكون ابويا اللي وجع جوزي كده وقتل ناس ملهاش ذمب
ادم طبطب علي ضهرها واكمل بتنهيده كلها وجع ميشغلكيش حاجه انا وابوكي نولع في بعض متدخليش وحاولي انسي انه ابوكي
منه بدموع حاضر وبصتله واكملت انت مش هترجعله الاملاك صح
ادم رجع يسوق واكمل وهو باصص للطريق انا عامل حساب اي غدر منه وقولت ممكن يجبرني ارجعله الاملاك علشان اي حاجه فعملت خطه بس اي ان كان مال العالم كله مش هيكفيني قصاد اختي دي حته مني ودموعه نزلت واكمل بوجع انا اصلا مش متخيل انها عايشه ومع ابوكي الفكره دي بتموتني اوي فيتارا عدي 25 سنه هي عاشت ازاي وغمض عنيه بالم وفتح واكمل فاحتي لو خد الاملاك مش مهم المهم هي
منه بخوف بس اكيد مش هتعمل كده تبقي كل اللي عملته مالوش لازمه
ادم بدموع واكيد مش هسيب اختي تحت رحمه ابوكي وتنهد بوجع واكمل سبيها علي الله انا عملت خطه كويسه ولازم يقولي
منه بدموع هيقولك علشان قالك بحب اشوفك مكسور ربنا يستر يكون حصل ايه
ادم تنهد بوجع ودموعه نزلت بصمت وباصص للطريق
———————————————–
في بيت مالك
مالك صباح الفل يا ست الكل
ساميه بحزن صباح الخير يابني
جيسي لفت حجابها وطلعت واكملت بتعجب انتوا منمتوش ولا ايه !!!
ابراهيم بتنهيده وهيجلنا نوم بعد اللي اتقال يا بنتي
ساميه صعبت عليها نفسها ورجعت تعيط
جيسي بحزن طب اهدي طيب وحضنتها واكملت بدموع والله ادم طيب وقلبه ابيض وهيسامحكم ده بس كان متعصب
مالك بحزن والله قولت كده ادم احن من انه يقاطعكم هو بس خد صدمات كتير في حياته بصراحه وحقه
ساميه بدموع هقوم البس وتوديني لاخوك انا معرفتش تغمضلي عين وهو موجوع بسببي
مالك حاضر البسوا ويلا انا اصلا جهزت انا وجيسي علشان كده
ابراهيم ماشي يابني هنجهز وجايين
سليم ماما اربطيلي الكوتش
جيسي رايحه توطي علشان تربطه فاكمل مالك استني انتي متوطيش ووطي يربطه هو
سليم بابا هو احنا رايحين فين
مالك وهو بيشيله اكمل عند عمك
سليم سقف بفرح
جيسي بضحك عارف انت اخرك مع ادم هيعلقك تاني
سليم بضحك لا انا قدامه هبقي ساكت خالص
مالك بضحك انت بتعرف تسكت انت ده لسانك مترين
جيسي بضحك بجد بيعصبه اوي احنا نروح ادخل اوضه ساره والعبوا سوا سيب عمو في حاله انهارده علشان علي اخره
سليم بمرح حاضر اصلا انا مش عايزه يشوفني بلعب مع ساره علشان بيقولها روحي لخالتو منة
جيسي بضحك ايوه خليك محترم ده ابوها بردو
سليم مش مهم عادي وانا هتجوزها
جيسي فضلت تضحك فاكمل مالك طب وانت عايز تتجوزها ليه
سليم علشان هي قموره وصاحبتي الوحيده وبتلعب معايا انا بس من الولاد كلهم في الحضانه ولما جيه واحد يلعب معاها ضربته
جيسي ضحكت بشده فاكمل مالك بصدمه ايه عملت ايه يخربيت ابوك ضربته ازاي
سليم بضحك زقيته ووقعته علي الارض وقولتله دي بنت عمي مش بتلعب مع حد غريب
جيسي بضحك ياخواتي علي ابني يانااس راجل يا سولي محدش يلعب مع بنت عمك
مالك بضحك مخلف بلطجي يارب ايه يابني ده لسه مكبرتش وبتعمل كده واكمل بخبث بس تعرف مروان
سليم اه لعبت معاه
مالك بضحك وخبث قالي انه هيتجوز ساره وعمو ادم موافق
سليم بضحك انت بتضحك عليا علشان مروان هيتجوز ملك بنت خالو حاتم سمعته بيقول كده وفضل يضحك
جيسي بضحك يخربيتك بس كفايه ضحك حاسه هتنكد من كتر ما ضحكت
مالك بضحك شعب امره غريب بيضحك وبردو بيفكر في النكد
جيسي بضحك طب والله يابني بتحصل
مالك ضحك واكمل لسليم علي فكره مش بضحك عليك احنا عادي نتجوز اربعه فمروان هيتجوز الاتنين
سليم هز راسه ب لا واكمل لا علشان اصلا لما كنا بنلعب في الجنينه وهو جيه يلعب مع ساره انا قولتله ساره هتلعب معايا وانت ملك علشان دي بنت عمي فبعض كده قولتله انا هتجوز ساره وبقينا صحاب فمش هيعمل كده
جيسي بضحك ده انت ناقص تقوله البت دي تخصني وبعدين يا ابن الك ومالك بصلها فاكملت بضحك يا ابن الكلبه يعني ساره بنت عمك وملك مش بنت خالك
مالك بضحك ايوه ارجعي في كلامك كده وبعدين في فرق دي خطيبته ودي مش خطيبته
سليم بضحك بلظبط كده واصلا ملوكه قالت هتتجوز مروان
جيسي بضحك والله اذا كان انت ولا ملوكه ولا ساره ماشفتوش تربيه بجنيه
مالك بضحك اتفق بشده
ساميه طلعت واكملت يلا يا بني
مالك بحب يلا
ونزلوا كلهم.
———————————————–
تحت بيت ادم
ادم ومنه وصلوا واكمل يلا انزلي
منه نزلت بحزن
واثناء ما هما داخلين العماره طارق كان نازل شافهم فبص للارض وادم بصله بقرف وخد منه وراه لحد ما طلع من العماره وطلعوا
منه بستغراب مين كان نازل وشدتني وراك ليه
ادم وهو بيفتح اكمل ده طارق بس اتربي وشافنا بص للارض وضحك واكمل منا ايدي كانت تقيله بردو تلاقيه لسه منسيش العلقه علمته الادب
منه بضحك والله انت فظيع
ودخلوا
ساره كانت صحيت وجريت عليهم واكملت كنتوا فين يا بابي كل ده
ادم شالها واكمل بحب كنا في مشوار يا قلب بابي علي فكره جبتلك حاجات حلوه كتير وسبتها علي السفره شوفتيها
ساره بفرح لا نزلني اشوف
ادم باس خدها ونزلها
سالي بقلق ها عملتوا ايه
منه بتنهيده متساليش احسن
ادم بحزن هاخد شاور وجاي وبص لساعته واكمل يكون رامز وحااتم كمان جم علشان اعرض عليهم الامر
سالي بقلق هو في حاجه كبيره
منه بدموع معرفش حقيقي ولالا بس كمال بيقول لادم اخته طلعت عايشه وهو عارف مكانها
سالي شقهت واكملت بصدمه ودموع عايشه ازاي ده اكيد كداب وبيقولك كده علشان ترجعله املاكه ايه يضمنلك انه صح
ادم بوجع ودموع وايه يضمنلك انه مش صح ?? لا يا سالي مش كداب الثبات والانتصار اللي شوفته في عنيه بيقول انه مش كداب وانا اكيد مش هخاطر بحته مني علشان الفلوس
سالي بدموع ادم ده حقك وفلوس ابوك متصدقهوش اختك الله يرحمها ماما ساميه وبابا ابراهيم دفنوها
ادم بدموع وعصبيه يحرق ابو الفلوس كلهاا بقولك اختي انتي مش بتحسي ليييه ياخد املاكه او لا هو كده كده ميت ومنه وجيسي يورثوا الموضوع مش صعب وشوفتها لما اتولدت ميته بس ما ممكن تكون واحده غيرها ايش ضمنا ان دي اختي
سالي بدموع انا مقصدش محسش بيك وفاهماك كويس بس انت بعد ماخدت حقك وكسرته عايز ترجعه تاني يهينك ويذلك حتي لو كان هيموت كفايه هتبقي خسرت قدامه
ادم بدموع ووجع سالي حقك عليا وباس جبينها واكمل بدموع مقصدش اتعصب عليكي عارف انك بتتكلمي عليا انا بس انا هخسر صح لو حد لمسها كفايه اوي سبت حته مني عمري كله يا عاالم شافت ايه وحست بايه ودموعه زادت واكمل بوجع كمال عرف يلعبها صح ومسكني من ايدي اللي واجعني وخلاني ضعيف واللي حسبته لقيته
منه بدموع بس انت ادم الشافعي لا هو ولا غيره ولا عاش اللي يكسرك
ادم وهو بيمسح دموعه معلشان كده عملت حسابي زي ماهو خبيث انا مش سهل ابداا وبحسب كل حاجه ويجي رامز وحاتم واقولهم عملت ايه ودخل ياخد شاور
منه بدموع متزعليش حتي انا اتعصب عليا بس غصب عنه
سالي بدموع لا انا عذراه كتر الف خيره لسه واقف علي رجله بعد كل ده
———————————————–
في بيت حاتم
شهد واقفه بتعمل اكل وحاتم جيه حضنها من ضهرها واكمل بحب القمر بيعمل ايه
شهد بحب بحضر الفطار .. ملك صحيت ??
حاتم بضحك اه صحيتها بتقولي مش قادره اروح الحضانه. تعبانه قولتلها قومي يابنت الكلب انهارده الجمعه قامت نطت من السرير
شهد منها لله بقي اللي كانت السبب حسبي يالله ونعم الوكيل
حاتم بضحك قلبك ابيض بقي ام ملك ما اطردت طرده الكلاب وجبت حق البت
شهد بحزن اه يا حاتم بس بردو عملتلها عقده
حاتم بحب بنتك كرامتها اتردت قدام كل صحابها وحضنتني فرحانه وخلاص الموضوع عدي هي بس كسلت انهارده
شهد ربنا يخليك لينا يا حبيبي
حاتم باس رقبتها بحب واكمل ويخليكي ليا يا ام ملوكه يا قمر انتي
شهد لفتله واكملت بضحك طب وبعدين هعمل الاكل كده ازاي يعني
حاتم شد وسطها ليه واكمل بحب ماتعملي الاكل يا قلبي هو انا منعتك
شهد بضحك لا قربك مني بيوترني فابعد لو سمحت علشان اخلص الاكل
حاتم قرب منها اكتر واكمل بحب بيوترك ازاي يعني
شهد بضحك يا حااتم
حااتم بضحك نورعيونه
شهد ابتسمت بحب ووقفت علي اطراف صوابعها باست خده واكملت بحب برا بقي علشان بنتك لو جات
حاتم بحب لا بنتي بتتفرج علي الشاشه ومندمجه فمتقلقيش وبصلها بحب واكمل ده انتي واحشتيني اوي
شهد حطت ايديها حوالين رقبته واكملت بحب وانت كمان
حاتم بتفاجئ وضحك نعم انتي بتقولي وانت كمان
شهد بضحك شوفت بقي
حااتم رايح يبوسها اكملت بضحك لالا البت صاحيه وبعدين مش تعرف بقولك وانت كمان ليه
حاتم بحب واحشتك بسيطه اهي
شهد بضحك وهي بتمسك خده علي نياتك انت ياروحي
حاتم اه في ايه بردو مش فاهم
شهد حاوطت رقبته بايديها واكملت بحب علشان ضامنه انك مش هتقربلي وضحكت
حاتم بضحك ليه بقي ماسكه عليا ذله ولا طلقتك ونسيت اصل كل يوم بتقوليها
شهد ضحكت وسابته وخرجت راحت اوضتهم
حاتم راحلها واكمل بضحك بجد في ايه ماسكه عليا ذله ? واكمل وهو بيمشي ناحيتها اوريكي هقربلك ولالا
شهد بضحك وهي بترجع لورا اكملت حاتم البت صاحيه وخبطت في الحيط
حاتم حاوطها بين ايديه في الحيط واكمل بضحك يعني هو ده ضمانك ?
شهد بحب لا وكانت مكوره ايديها واكملت بحب بوكس
حاتم بستغراب اعمل ايه مش فاهمه
شهد بضحك اضرب ايدك في ايدي بوكس ايدي هتفتح
حاتم بضحك ده علي اساس اني لو جيت افتحها طبيعي مش هتفتح
شهد بضحك يا حاتم ده تريند بتضرب ايدي بلبوكس فايدي بتفتح وبتلاقي هديه
حاتم بضحك اه بورص بقي او حشره طلما هديه في ايديك اللي قد ايد ملك دي وضرب ايديها فتحت كانت شكولاته
حاتم بتمثيل تفاجئ لالالا مش معقول انتي جيبالي شكولاته !!!! وكمان جلاكسي !!! لالا كلفتي نفسك يا قلب حاتم وحضنها واكمل ليه التعب ده بس
شهد فضلت تضحك بشده في حضنه واكملت يا حاتم بوظت التريند
حاتم بضحك بوظته ايه انتي اصلا سرقاها من حاجات ملك اللي جيبهالها امبارح هنحور وعماله بوكس ومش عارف ايه طب انا قولت هتطلع حشره كويس. طلعت شكولاته والله وقال كده وهو بياكلها وضحك واكمل ملك لو عرفت هتعيطلك بس مقدرش ماكلش حاجه شوش جبتهالي وكلفت نفسها وغمز واكلمت كده وكده يعني هاا كانك جبتيها
شهد فضلت تضحك واكملت طب افتح ايدي التانيه
حاتم بضحك منا ملاحظ قفلاها بردو ايه هنا بقي شكولاته بابلي ?? بس انا مجبتش بابلي فا ايه حشره المره دي ??
شهد فضلت تضحك واكملت وربي انت خساره فيك التريند وقافله ايدي وفتح هدايا وحاجات افتح بس
حاتم بضحك طب ده انا برفع من معنوياتك علي فكره انتي نادله بس لو كانت حشره بتطير هعلقك يا شهد وضرب ايديها بلبوكس
شهد فتحت ايديها واكملت بابتسامه مليانه حب مش عيب تقول علي ابن حاتم الشريف حشره
حاتم اتصدم ومسك التيست واكمل. بصدمه ممزوجه بفرح ايه ده ???
شهد بضحك تيست هيكون ايه يعني طب انت مهندس مش دكتور اجبلك مسطره وارسم عليها خطين حمر بقلم احمر علشان تفهم ايه يا حبيبي وفضلت تضحك
حاتم بدموع فرح انا فاهم طبعا بس هو … شهد انتي حامل بجد ??? يعني مش بتهزري وده بتاع ملك علشان انتي شيلاه
شهد بضحك طب بلذمه الخطين حمر اوي هو ده سؤاال وههزر في حاجه زي كده بردو يا حاتم
حاتم حضنها ودموعه نزلت بفرح واكملت بفرح الف الف مليون مبروك يا نورعيني بجد ده اجمل خبر سمعته انهارده ودموعه زادت واكمل بحب ودموع بجد متتصوريش فرحان قد ايه واكمل بلهفه طب بقولك ايه ننزل نتاكد احسن يلا البسي
شهد بضحك يا حبيبي والله حامل انا مش جايبه اي تيست ده غالي وبعته لدكتورتي وقالتلي حامل وبعدين جربته ساعه ملوكه
حاتم ضحك بفرح وحضنها تاني وضمها اوي واكمل بحب ودموع الحمدلله بجد كنت هشيل ذمبك عمري كله يا شهد لو مخلفتيش تاني بعد ملك احمدك واشكر فضلك يارب وباس خدها بحب واكمل بدموع وحب الف الف مبروك بجد يا اجمل ما رات عيني وحبيبت قلبي ودنيتي كلها
شهد بدموع فرح مبروك لينا يا روح قلبي عارف يا حاتم شكلك دلوقتي يختلف تماما عن شكلك ساعه ملك ياربي بجد كنت بتنفض من الخوف منك وانت بسم الله مشاء الله ضربتني بلقلام
حاتم بضحك يابت انتي غاويه نكد طب اللي عملت في حملك فيها كل ده مقسماكي في قلبي دلوقتي ومبستحملش عليها الهوا وباس جبينها واكمل كانت تتقطع ايدي قبل ما امدها عليكي ياست البنات
شهد بدموع بعد الشر وضربته في صدره واكملت وانا مقدرش اشوف فيك حاجه وحشه
حاتم مسح دموعها واكمل بحب بجد ربنا مايحرمني منك وياخد من عمري ويديكي ويديمك نعمه وفرح في حياتي ويباركلي فيكي يارب
شهد بحب ويخليك ليا يانورعيني وبعد الشر عليك ربنا يديك طوله العمر
حاتم وطي وباس بطنها بحب ودموعه نزلت بفرح وبصلها واكمل بضحك من بين دموعه يا بنت الجزمه اتاريكي واثقه انك في امان وبتقوليلي وانت كمان وانا اقول شهد من امتي جريئه قمر كده اخص عليكي وقام
شهد حضنته اكملت بضحك طبعا لازم تشك اني مش طبيعيه يابني معلش بقي يا تومي نعوضك لما اخلف
حاتم بضحك تخلفييي يا قاادره يا طموحك هو مش كان بيبقي اول 3 شهور بس بردو ولا انتي خلتيهم 9
شهد بضحك ايوه انا خليتهم 9 لاني مش مستنغنيه عن ابني يا سكر وده جيه بمعجزه يعتبر انا مفروض كنت حالتي خطر وربنا سترها بعد ملك
حاتم بحب والله وجودك في حياتي وحملك في ملك وحملك في البيبي الجديد كلهم معجزه واجمل معجره في الدنيااا
شهد بضحك بتقول كلام صح في اوقات غلط فاوعي كده اكمل الفطار
حاتم بحب خليكي وانا هكمله وجاي
شهد بحب لا يا قلبي متتعبش نفسك انا خلاص قربت اخلص
حاتم تؤ قولت خليكي وانا هكمل مش هتاخر تعبك راحه يا ملوكه
شهد بحب ربنا يخليك ليا يارب
حاتم بحب ويخليكي ليا يا غاليه
وخرجوا
ملك بضيق هو انتوا مشيتوا وسبتوني وروحتوا فين
شهد بضحك كنا في الاوضه يا ام لسانين
حاتم راح شالها واكمل بضحك اما انا عندي ليكي حته خبر بمليون جنيه
ملك ببراء بس انا مش معايا فلوس علشان صغيره
شهد فضلت تضحك فاكمل حاتم بضحك خلاص بابي يدفعلك وابتسم بحب واكمل مش انتي قولتي نفسك في اخ او اخت
ملك ااه
حاتم بحب مامي حامل وهتجيلنا نونه جديده
ملك بفرح بجد وسقفت بفرح واكملت بلهفه امتي ياا باابي امتي. ياريت دلوقتي بليز
حاتم بضحك دلوقتي ايه لسه 9 شهور يعني 270 يوم او 260 في الرنج ده بس هي مش هتكتر عن 270 مستحيل
ملك بحزن ده كتير جداا هي مامي سابت النونه فين كل الايام دي
شهد بضحك يا قلبي هو لسه مجاش هو في بطني
ملك فتحت عنيها بصدمه واكملت بدموع انتي كالتي اخويااا وحطت ايديها علي بوقها
حاتم فضل يضحك بشده لدرجه انه اختل توازنه وهو شايلها
شهد بضحك كالته ايه يابنت الجزمه ده هو بيفضل يكبر في بطني بعدين بيجي
ملك بخوف يعني انا كالتيني وكنت في بطنك
شهد بضحك بردو هتقولي كالتيني شوف بنتك يا حاتم
حاتم فضل يضحك واكمل طب اقول ايه طيب ومسح دموعها واكمل بضحك يا ملوكه اهدي كل دي دموع بصي يا قلبي هو انتي مش بتشوفي في الشاشه ناس كده بطنها كبيره اوي
ملك هزت راسها ب اه فاكمل حاتم بحب بس هي ماما بطنها هتفضل تكبر كده لحد ماتجيب النونه
ملك بحزن اخويا راح بطنها ازاي
حاتم فضل يضحك واكمل بحب بصي ربنا بيبعته جوه بطنها يا قلبي بس بيبقي صغنن خالص وماما بتاكل وبيكبر بعدين بيجي
ملك بضحك ااه علشان كده بياكل زي مامي يعني وبيكبر
حااتم بضحك اه كده
شهد بضحك بركه ياختي انك فهمتي
حاتم ضحك واكمل هحضر انا الاكل ها وراح حضروا وقعدوا علي السفره
شهد مسكت الشطه ورايحه تحوط
ملك بصريخ لا ياااامااامي
شهد بخضه في ايه يا ملك مالك
ملك بحزن الحق يا بابي ماما عايزه النونو يعيط من الفلفل ده علشان حراق خالص وهو هياكل زيها
حاتم وشهد فضلوا يضحكوا فاكمل حاتم بضحك لا ياروحي مش هخليها تحط ومسكها من شهد واكمل وهو بيبصلها بحده من امتي بناكل شطه في الحمل يا شهد
شهد منتا عارف بحبها في الاكل ومش بعرف اكل كده وبقالي من ساعه ماولدت ملك كده
حاتم برفعه حاجب تمام بس ده قبل ماتحملي دلوقتي ايه الوضع هو انا اكلتك زفت في ملك
شهد بضيق خلاص يا حاتم مش عايزه
حاتم وهو بياكل اكمل برافو يا حبيبي شاطره كده كده مفيش شطه ليكي وسرح بحزن
شهد بقلق مالك يا حبيبي
حاتم نفخ واكمل وهو بيبص لساعته ادم لسه مكلمنيش ومش عارف ممكن يكون حصل ايه مع كمال
شهد بتوتر باذن الله خير اهدي
ولقي فونه بيرن فاكمل بلهفه اهو رن و رد واكمل ايه يا ادم كل ده طمني حصل ايه
ادم بتنهيده والله ماعارف اقول ايه تعالالي يا حاتم ونتكلم
حاتم بقلق حاضر هو حوار ولا ايه
ادم بحزن ووجع حوار وكبير اوي كمان
حاتم نفخ واكمل بقلق قولتلك ده مش سهل طب اقفل هلبس واجيلك بسرعه انت بيتك ربع ساعه من بيتي
ادم تمام باي
شهد بقلق خير ايه في ايه طمني
حاتم بضيق مش خير ابدا يا شهد ادم صوته مش كويس وبيقولي حوار كبير
شهد لوت بوقها واكملت بحزن يبقي كسره وقدر عليه يا حاتم ربنا يسترر
حاتم بقلق لالا باذن الله خير يلا علشان نلحق رايحه
شهد اه يلا
وقاموا يلبسوا
——————————————–
بعد شويه في بيت ادم
ادم قاعد وحاطط راسه مابين ايديه
رامز بحزن اهدي طيب كل حاجه وليها حل
ادم بدموع حل ايه بس يا رامز دي حاجه خارج توقعاتي خالص
سالي بحزن انت لازم تهدي وتفكر ضعفك ده مش حل ابداا
ادم بدموع مش مستوعب فكره انها عايشه ومع كمال كل ده وغمض عنيه واكمل اااه ياربي انا تعبت اوي يااارب كده الشيله تقلت علي الاخر لحد ماكسرت ضهري ازاي ابقي عايش وباكل وبنام وبسافر واختي الله واعلم عامله ازاي
رامز بحزن اهدي يا صاحبي كلنا حاسين بيك والموضوع مش سهل بس ضعفك فعلا مش حل
منه وهي بتمدله السندوتش اكملت بدموع ادم انت مكالتش من امبارح يا حبيبي امسك
ادم بدموع مليش نفس يا حبيبتي كلي انتي
منه بدموع ارجوك متوجعش قلبي عليك وكل كويس انت وشك اصفر خالص مش كده
ادم بوجع ما صدمات ورا صدمات يا منه انا مبلحقش افوق بجد
سالي بحزن ربنا اذا احب عبده ابتلاه يا حبيبي وانت علي قد شيلتك هيكون عوضك اوعي تفقد ايمانك ورجائك بربنا ومش هيشمت فيك كمال ابداا ده بلعكس انت خدت بنته وكسرته وحرقت دمه بعدين املاكه واخره هتوصله للموت
ادم بدموع كمال مينفعش يموت قبل مايقولي فين اختي وهعمله اللي هو عايزه
رامز بحده تبقي مجنون لو اديته املاكه بعد كل ده وهو اصلا راجل مش مضمون
ادم بحده لا اسيبله اختي يا رامز وبعدين انا مش هرجعله املاكه مستحيل ده يحصل وكنت عامل حساب انه يهددني لما اوجه بأي حاجه واضطر اهاوده لحد مايتقبض عليه فعملت حاجه جامده اوي
منه بستغراب ايه هي
والباب خبط
ادم افتحي لحاتم بعدين اقولكم او ممكن يكون عمر وتاليا
منه بفرح هما جايين
ادم اه تاليا هتجنن عليكي
منه فتحت فكان فعلا عمر وتاليا
تاليا حضنتها واكملت بدموع فرح واحشتيني اوي اوي بجد نحمد ربنا انك بخير يا قلبي
منه بدموع انتي اكتر بس ليه جيتي كنتي متقوميش من السرير يا تاليا انتي تعبانه وحامل
تاليا بدموع مقدرش اعرف كل اللي مريتي بيه ومجيش اشوفك بعدين انا من يوم ماحملت وداليا وحماتي وعمر شايلني علي كفوف الراحه لحد مازهقت من القعده
منه بحب ودموع ربنا يقومك بلسلامه يا نورعيني
تاليا بدموع بس واخده علي خاطري منك كل ده يا منة يحصلك وانا معرفش ازاي ده احنا اخوات وقبل ماكنتي تقولي لادم تقوليلي
منه اما انا بقيت فل اهو وعملتي مناحه كنت هقولك ازاي بس وانتي حامل وتعبانه والله خفت عليكي يا تاليا حتي قولت لعمر لو حصلي حاجه حاول تقول مسافره اي حاجه ومتعرفهاش لحد ماتقوم بلسلامه
تاليا عياطها زاد واكملت بعد الشر عليكي يا حيوانه ايه الكلام ده متقوليش كده
منه حضنتها واكملت بضحك يابت اهدي منا فل قدامك اهو
عمر بضحك والله قبل ماحكيلها قولتلها ادم ومنه كويسين دلوقتي هاا اسمعي للاخر وهي كل ما اقول كلمه علي الوضع ده اما زهقتني
منه ضحكت واكملت قلبي دي والله ومسحت دموعها وحضنتها واكملت ربنا يخليكي ليا يارب
تاليا بحب ويخليكي ليا يا عمري
منه بحب هتفضل واقف تعالوا ادخلوا في الصالون
ودخلوا
عمر بحب عامل ايه يا رامز وحضنه
رامز بخير يا حبيبي
عمر بحب ايه اخبارك يا سو ومروان عامل ايه
سالي كلنا بخير يا عمر والله بس النفسيه مش بخير خالص
عمر لاحظ ان ادم ساكت وحاطط ايديه علي راسه اكمل بقلق هو في ايه
ادم بتنهيده كلها وجع مش قادر اتكلم تتجمعوا واقول مره واحده
تاليا بقلق خير ربنا يستر
منه دموعها نزلت والباب خبط فراحت فتحت كان حاتم ومعاهم علطول كانوا وراهم مالك وجيسي وساميه وابراهيم
منه بحب اتفضلوا نورتوا
كلهم دخلوا ادم شافهم فاكمل بوجع وحزن اتفضلوا اقعدوا
قعدوا فاكمل حاتم بقلق وهو بيقعد ايه حصل ايه طمني عملت ايه مع كمال
ساميه بصدمه هو انت روحتله
مالك بضحك هو راحله وبس ده ابنك طلع معلم وخد كل املاك كمال
ابراهيم بصدمه نعم ازاي ده حصل
مالك بضحك ده حوار نحكيه بعدين المهم المواجهه كانت انهارده طبعا صدمته
ادم بدموع تؤ هو اللي صدمني ولو وصلت فعلا اترجاه هترجاه
عمر بقلق هو في ايه
حاتم بصدمه للدرجه دي
مالك بقلق يابني ماتنطق في ايه
ادم بدموع ماما انتي متاكده انكم دفنتوا سيلين
ساميه فرحت انه قال ماما بس استغربت السؤال واكملت اه يا قلب ماما دفناها طبعا هو ده سؤال
حاتم بستغراب سيلين مين
عمر بقلق اخته ياحاتم .. ادم هو في ايه
ادم بدموع ووجع في ان بعد 25 سنه تعب وقهر عرفت مين قتل اهلي ورجعته شحات زي ما كان ووانا بواجهه وبذله هو اللي ذلني وقالي مش هتقدر تقتلني واملاكي هترجعها لان اختك عايشه وانا الوحيد اللي اعرف مكانها
كلهم اتصدموا بشده وساميه شهقت وضربت علي صدرها واكملت بحده ودموع انت بتقول ايه ده كداب وبيسرح بيك اختك ماتت يا ادم ماتت وابراهيم بايده دفنها
حاتم بصدمه نعم عايشه ازاي ادم لا اكيد فعلا ماتت اهلك بيقولوا دفنوها انت بتقول ايه
ادم بعصبيه ودموع لا مامتتش الثبات والقوه اللي كمال بيتكلم بيها قدامي بيقول انه عنده حق ومش بعيده عليه يعملها عادي ده يطلع منه اي حاجه اللي خلاه قال علي منه وجيسي طوز مايفرقوش ده باع عياله مبالكم بلغرب
ابراهيم بصدمه يابني ازاي الدكتور اداهالنا وقالنا نزلت ميته
ادم بدموع اي حد يا بابا يقدر يعمل كده علشان الفلوس
منه بدموع ووجع كمال مش كداب ده للاسف ابويا وانا اعرفه كويس وطريقته وكلامه بيقول انه مالي ايده من الموضوع وقال لادم طولت او قصرت انت كنت هتعرف اني موت اهلك بس قولت اقولك لما تعرف افضل بمعني علشان تبقي سيلين نقطه ضعف ادم
جيسي بعياط هو ازاي بلحقاره دي ده حرمها من اهلها يوم ماتولدت بعدين من اخوها الوحيد واكيد اصلا شافت عذاب بسببه ومش اسمها سيلين ده لو اتسجلت اصلا والله واعلم حصلها ايه تاني
عمر بدموع وهو مصدوم ادم الموضوع غريب وميخشش عقل هيخطفها 25 سنه ليه وازاي
مالك بدموع وصدمه انا مش مستوعب كميه الصدمات دي بصراحه حاسس نفسي في مسلسل ازاي في حد ممكن يعمل كده
ادم بصلهم واكمل بدموع لا يعمل كده ده معندوش قلب ولا يعرف ربنا يعمل كده لانها بنت سليم وهو مش بيكرهه حد قد سليم وبيتمني يشوف عياله متذللين ليه ويموتهم عادي
ساميه بحده ودموع موته تاخده الحيوان ونرتاح منه وفضلت تعيط واكملت اقابل ساره ازاي وانا سايبه حته منها تتبهدل يارب هقولها ايه وفضلت تعيط
ادم كلامها وجعه فاكملت شهد بدموع اهدي يا طنط وباذن الله خير وهترجع
منه بدموع ما اللي حصل حصل يا شهد الواحد مش مستوعب ازاي حبسها 25 سنه
حاتم بتفكير يا جماااعه اهدوا انا قاعد بفكر ودماغي مش ساكته والموضوع ده في حاجه مش طبيعيه ومش مفهمومه
رامز ايه هي
حاتم عم ابراهيم انت مش وصلت لبدر ان ادم بعد الشر مات من 25 سنه من حزنه علي اهله
ابراهيم بدموع حصل يا ابني
حاتم طب بي الصلاه علي النبي كده انا عايز مخ وناس بتفهم اما ادم مات في نظر كمال ورا اهله علطول من 25 سنه هو هيخطف سيلين ويحبسها لييه هتبقي نقطه ضعف ميين
منه بدموع فعلا هو قال لادم انا كنت فاكرك موت
حاتم يابنتي مابيقول في التسجيل مش منطقي يحبسها علشان بنت سليم طب كان قتلها زي ما قتل اهل ادم وكان عايز يقتل ادم بس عم ابراهيم قال بعد الشر مات يعني هو هيقتل اهلك وكان عادي يقتلك ويسيب سيلين 25 سنه هل ده منطقي وهو فاهم ومتاكد ان ملهاش حد ????
رامز انت صح بجد ازاي تاهت عن بالنا دي
عمر ياصاحبي بيسرح بيك علشان ترجعله املاكه والله فوق وفكر صح بلاش مشاعرك توديك في داهيه
مالك بص يا ادم كلام حاتم 100% مظبوط ومنطقي اما اللي مش منطقي ابدااا كلام كمال هو هيسيب سيلين ليه صح وعلشان يذل مين طب لو كان يعرف انك عايش ماشي ممكن يقول العمر يعدي وانت تعرف فتبقي نقطه ضعف انما ده فاكرك ميت
ادم بدموع في حاجه مش طبيعيه في الموضوع ده انت كلامك صح بس انا كاخ مش عارف اشوف الموضوع كده لالالا هو اه معاك ان في حاجه مش مفهومه نهاائي بس فعليااا انا اختي عايشه
مالك بحده يا ابني افهم هو قالك كده ليه دلوقتي ?? ما كان يقدر يذلك من زمااان ليه سكت كل ده هو بس لعب علي عواطفك لما انت رجعته شحات ماحلتوش جنيه علشان ترجعله فلوسه
شهد بدموع بلظبط ده رايي انا كمان
حاتم بتنهيده انا فعلا مش مقتنع ده عمي وبقولك اخبث من الحيه
ادم بعصبيه ودموع قسماا بالله وغلاوه بنتي ومراتي واقف قدااامي مش خايف من المسدس ويقولي اقتلني انت هتخسر لان سر اختك هيموت معايا ولو دورت عمرك كله مش هتعرفها يا جماااعه متجننونيش انا مش غبي ومش هيضحك عليا بسهوله سيلين عايشه وانا متاكد لالا انتوا مشتفوش شكل كمال
ساميه بدموع يابني كلام حاتم صح انت مقتنع ازاي بس هو يا قلبي علشان انت يعيني ماهتصدق لو هي عايشه انما مش منطقي نهائي وسكتت ثواني واكملت بتذكر صح يا ادم ساره يوم الحادثه كانت بتقولي ساميه انا وانا بولد سمعت صوت بس مكملتش وامر الله نفذ معقول يكون صوت البنت وبتقولي انها عايشه وملحقتش
ادم هز راسه ب اه كتير واكمل بعياط ووجع سمعتوا انا متاكد انها عايشه وواثق من ده وبكره هوريكم بس يطلع راجل ويقول لما ياخد املاكه
كلهم بصدمه نعمممم
حاتم بعصبيه تبقي متربتش ومشوفتش يوم ربااايه لو عملت كده بعد كل ده علشااان كلام فارغ هو سم ودانك بيه ولعب علي مشاعرك
شهد بدموع ما ده اللي هو عايزو يا ادم
سالي بدموع والله يابنتي قولتله كده بس مش مصدق
جيسي بدموع انت اصلا ايه يضمنلك انه يقولك
حاتم بحده عمي وبقولك ابن ستين كلب ومش هيقول حاجه هو مجرد ما هيمسك الورق هيقولك بلسلامه
ادم بحده يا جماعه والله هيقول ومتخافوش انا بردو مش سهل
رامز بحده انت جااايب الثقه دي منين ده قتال قتله ده لو حلف علي المصحف متصدقوش
ادم بدموع ووجع علشان بصلي لما قولتله ايه يضمنلي واحد زيك مايكونش كداق قالي هقولك ومن غير ضمنات علشان مجرد ماتعرف هي حصلها ايه هتتكسر وانا بحب اشوفك مكسور فهيقول
مالك بحده هو معلش يعني ده سبب طب ما ممكن ده كلام متزوق يحسسك انه صح انما مش منطقي انا رايي من راي حاتم
شهد بدموع ده كلنا والله فعلا مش طبيعي
ادم بعصبيه ودموع وانا ضددكم كلكم واختي عاايشه انا اللي شوفته ميقولش ابداا كداب ولا حتي خايف
حاتم بحده خلاص يا ادم روح اديله فلوس ابوك وتعبه وخليه يذلك شويه بس مترجعش تقول ياريتني وتستغبي نفسك
ادم لا مش هيحصل لان زي ماهو خبيث انا اخبث و امر منه ودماغي توزن بلد وفكرت فكل الاحتمالات قبل ما خلي علا تمضيه وعملت حسابي كويس اوي انه ممكن يهددني بأي حاجه لما اوجهه وفكرت لو هددني هسكته ازاي مؤقتا لحد مايتحبس واهلي يفضلوا في امان فجات في بالي فكره
رامز بستغراب ايه هي
ادم هقولكم وفضل يحكيلهم
حاتم بصدمه وضحك انت عملت كده فعلا يخربيتك دماغك سم !!!!!
في باقي اي تواقعتكم وهل فعلا كمال كداب ??
طب لو كمال صح خبى اخته ليه كل السنين دي مع انه فاكر ادم مات زي ماحاتم شرح
مين هي اخته ??
ادم هقولكم وفضل يحكيلهم
حاتم بصدمه وضحك انت عملت كده فعلا يخربيتك دماغك سم !!!!!
ادم اومال انت فاكر هسيبه ياخد تعب ابويا بعد كل ده وكده هجرب ومش هخسر حاجه بس هي عايشه
سالي بضحك عليا الطلاق انا صدقت لما قولت كينج ابن كينج
مالك بضحك علي شكل منة المصدوم اكمل متفكريش تحوري عليه في يوم ادم بقي يتخاف منه
منه بضحك لا هو ده فعلا جوزي يخربيتك هو السفر خلاك كده بجد ازاي يجي في بالك تعمل كده
ادم بصي يا منه اخد الحقه حرفه وانا لازم قبل ما اخطي خطوه اعملها حساب ومش اي حساب
ابراهيم بدموع وحب ربنا ينصرك عليه يا ابني
ادم شوفتوا اني اقدر عليه عادي
شهد بضحك تقدر ايه ده انت بكره هتجلطه
رامز بضحك حرفيا انا كمقدم مبهور بيك المهم هتعمل ايه كده
جيسي بضحك ده حصل بجد محدش يجي في باله اصلا
ادم اللي هيحصل كالاتي انا عارف ان حاتم معاه تسجيل بس الحكومه ممكن ترفضه وتطعنه وتقول تزوير لانه مش متسجل باذن نيابه
رامز ده حقيقي هو دليل بس مش قوي
ادم بتنهيده فا حاتم هيروحله الفيلا وهيجرجره في الكلام وهتكون انت برا يا رامز بلعساكر بتسمعوا وبتسجلوا كلامه مباشر وطبعا باذن نيابه علشان يبقي مصدق وبعدها انا هدخل وهديه ورقه واقوله اختي فين اديني اديتك املاكك ومجرد مايقولي تعالي انت والقوه واقبضوا عليه
حاتم بضحك اعتبره حصل يا برنس
ادم لو سيلين موجوده فعلا هيقولي علشان يكسرني لانها 100% اتبهدلت 25 سنه ده عمر تاني ودموعه نزلت واكمل بوجع ولو مش موجوده انا مخسرتش وهو اتحبس
مالك بضحك حلو اوي فعلا عاش يا دوما
حاتم بضحك والنبي لاخليه يقول علي تجاره السلاح والمخدرات كمان بلمره مع ان القتل كفايه توديه حبل المشنقه
منه وجيسي بصدمه نعم
ادم اااه دول لسه بيتصدموا في ابوهم ومش مستوعبين انه كده عادي
جيسي بدموع مش مستوعبه ايه ده انا حاسه نفسي بحلم
منه بدموع يارب بلذمه نحط وشنا في وشكم ازاي الواحد اتسكر قدامكم كسره مش طبيعيه
ادم قولتلك ولا عاش ولا كان اللي يكسرك وانتي مش اي حد ولا حد كاسر عينك ده حقي وقولتلك انتي واختك مالكوش ذمب بلاش كلام كتير في الموضوع. ده يامنه علشان منزعلش من بعض قولتلك وهقولك محدش هنا بيلومك انتي وجيسي
رامز بلعكس متعاطفين معاكم جداا علي كميه الصدمات اللي خدتوها انتوا فعلا مالكوش ذمب
جيسي بدموع مالك انا عايزه اروح اشوفه بكره قبل مايتقبض عليه
مالك بحده ده عند امك الكلام ده الراجل ده ملناش علاقه بيه واعتبريه مات
ادم مااالك متجيش عليها مهما عمل ده ابوها وحقهم يتعاطفوا معاه الدم عمره مايبقي مياه ياخويا وانا زيك قولت لمنة كده اعتبريه مات بس طلبت تيجي معايا ممنعتهاش مش عايز ابقي انا وصدمتها من اللي عمله عليها فاسيبها تشوفوا بكره لاخر مره
منه دموعها نزلت بوجع واكملت بخوف ادم و
ادم بمقاطعه هتشوفيه زيها لان مجرد مايتحبس ملناش علاقه بيه تاني نهاائي بينا وبينه الجلسات بس لا غير
مالك بتنهيده خلاص يا ادم هخليها تشوفه
ادم بتنهيده تمام كله يجهز بكره
عمر باذن الله خير
ادم بوجع طب بالله انا اهونلي يكون كداب علي انها تكون معاه 25 سنه
رامز بحزن باذن الله هيطلع كداب
ادم بدموع ووجع ياااارب ياااارب ارجوك مش حمل اي صدمات تاني تعبت وقلبي واجعني اوي وفضل يبكي بوجع
ساميه راحت قعدت جمبه وخدته في حضنها واكملت بعياط سلامتك من وجع القلب يا حبيبي وانت مظلوم وربك مبينساش ولا هينسي المظلوم وحقك هيجي دنيا واخره يا قلبي اهدي بس
ادم بدموع حتي انتوا هونت عليكم يا ماما طب ليه كده هو انا ليا غيركم ليه اتصدم فيكم انتوا كمان
ساميه بعياط وهي بتضمه اكتر اكملت صدقني يا قلب ماما والله العظيم من حبي ليك وخوفي عليك شايف كل شويه يتثبتلك انه مش سهل ازاي كنت عايزني اقولك وبطلقه مسدس ولا غيره يقهرني عليك ويموتني بحسرتي اني فتحت بوقي
حاتم بحزن طنط معاها حق ده يعملها عادي اللي خلاك كنت طفل 3 سنين وكان بيدور عليك علشان يقتلك
ساميه بعياط شايف حتي حاتم اهو بيقولك انا صح حقك عليا يا حبيبي سامحنا انا وابوك يابني كنا خايفين عليك و والله يا ادم ماعرفت انام ولا غمضتلي عين من كتر وجعي من كلامك هو انا يابني ليا اغلي منك انت ومالك وحياه ربنا ماقصدي ابداا اكسرك كنت اموت اهونلي من ان يجي يوم ادم يقول كده
ادم مسح دموعها وباس جبينها واكمل بدموع وهو بيبوس ايديها حقك عليا يا حبيبتي انا والله كنت لسه عارف وجيتلكم مشحون وكلي غضب ومصدوم اوي فطلعت كلام مينفعش يتقال
ساميه بدموع فرح يعني انت خلاص مش زعلان مني يا ادم ومعبترني امك صح
ادم بدموع وحب طبعا امي هو انا ماشي غير بدعواتك يا غاليه وباس ايديها تاني واكمل حقك علياا انتي يخش كان لساني اتقطع ولا اجرحكم كده
ساميه بدموع فرح بعد الشر عليك يا نورعيني متقولش كده ومسحت دموعه وباست خده وخدته في حضنها واكملت بحب ودموع حبيب ونورعين امك والله يا ادم
كلهم ابتسموا علي شكلهم بفرح وحب
مالك بضحك اغير كده يا ست الكل
ساميه ضحكت من بين دموعها واكملت بحب ده علشان كان زعلان مني انما انتي عيني وهو التانيه مقدرش اعيش من غيركم
ادم باس ايديها واكمل ربنا يخليكي لينا يارب وميحرمناش منك ابداا
ساميه بحب ولا يحرمني منك يا نورعيني
ابراهيم راحله واكمل بحزن حقك عليا يا ابني
ادم قام حضنه واكمل بحب انت اللي حقك عليا يا حج وقفت قصادكم وعليت صوتي وكنت اخر قله ادب وضحك واكمل بس انت سقعتني قلم هز كاريزمتي
كلهم فضلوا يضحكوا فاكمل ابراهيم بضحك من بين دموعه وانت هتكبر عليا يا حيوان ولا ايه
ادم باس ايديه واكمل بحب هو انا اقدر ابنك يا حج وضربته ده انت عارف غلاوتك عندي قد ايه ومش بستحمل عليك الهوا بس هي العصبيه وحشه والشيطان اتحكم فيا ساعتها قولت هان عليهم يسبوك بتتوجع كل ده
مالك بضحك تاني قلم في حياتك علي فكره
ادم بضحك تالت وحياتك باابا مره ساعه لما سيبت البيت وجيت قعدت هنا في بيت رامز ايام الجامعه وماما بعديه في المستشفي لما بابا تعب وكنت مشحون من كمال ومتوتر بسبب ابويا لانه كلمني بيسال عليه وكده وطلبت منه فلوس اهاني وقالي بواب وابن بواب هيرجع مبلغ زي ده ازاي فزعقت لمنه واتعصبت عليها لما رنت كتير وقولتلها كلام صعب وهي ملهاش ذمب واخر قلم امبارح
منه بضحك ياروحي اضربت كل ده اتاريك امبارح بتقولي هاتيلي تلج يا منه وشك كان مورم
كلهم فضلوا يضحكوا فاكمل ادم بضحك لا مش للدرجه دي يا بنت الكلب محصلش قسما بالله دي بتحور دي … ورايح ناحيتها جريت منو
ادم بضحك طب تعالي بالله مش هعملك حاجه
ساميه بضحك يابت كفاياكي جري لحسن تكوني حامل
منه بضحك حامل ايه ياست الكل ده الراجل مدمر نفسيا قدامك هو في وقت للمرار ده
كلهم فضلوا يضحكوا فاكمل ادم بضحك طب تعالي متجريش صح لو حامل مش هيبقي الايام دي فعلا هيبقي من فتره قريبه فطبيعي مش هيبان
شهد بحب والله فعلا انا بلصدفه حسيت بس بقرف وانا باكل جربت التيست لقيته حامل
ادم بفرح وضحك ده بجد ??
(( حاتم فهم انه استغرب بسبب انه كان يعرف حاله شهد ))) فاكمل بحب اه الحمدلله حامل
ادم بحب وفرح مليون مبروك بجد يا شوش وحضن حاتم واكمل الف الف مبروك ياخويا
حاتم بحب الله يبارك فيك يارب
شهد بحب الله يبارك فيك يا دوما
ساميه زغرطتلها واكملت مبروك ياست البنات مبروك يا حاتم وعقبال ماتقوملك بخير يارب
شهد بحب بجد تسلميلي يا ماما بجد ربنا يخليكي لينا
حاتم بحب الله يبارك فيكي يا امي
ساميه بحب يا قلبي كلكم عيالي وبحبكم وانتي جدعه وطيبه ربنا يفرح قلبك يارب
وكلهم باركولهم بحب وفرح
منه بفرح وهي واقفه بعيد اكملت بضحك معلش علشان اخر واحده باركت بس عماله اشاور نفسي اجيلكم وقلقانه من ادم مش ضمناه مليون مبروك بجد مليون يا قلبي مبروك يا تومااا بقي عندنا تلاته حوامل اهو سو وشهد وتاليا
حاتم بضحك الله يبارك فيكي يا حبيبتي عقبالك انتي بقي
ادم بضحك تعالي ومش هكلمك قولت حلفت يا مهزقه
منه بضحك لا انت مش سهل صحيح وبعدين لا مش دلوقتي يا حاتم خلفه ايه لما الراجل نفسيته تتعدل الاول ده شاف مرار
مالك بضحك والنبي متنبوريش علشان متتعبش اكتر بكره
ادم بضحك لا متخافيش علي نفسيتي ده شئ وده شئ تاني خالص
حاتم بضحك يا جدع هتجيب روقان منين صح
منه بضحك قوله قليل الربايه ده احترم نفسك يا قلبي سنه كده ولا حاجه موف اون
جيسي بضحك ده كده انتي عايزاه نفسيته تعبانه علطول
ادم بضحك شايفه خليتي اختك قالت ايه
منه بضحك طب بص هجيلك بس متغدرش
ادم بضحك قسما بالله ماهكلمك يخربيتك مالك
منه راحت حضنته واكملت بضحك وحب مقدرش طبعا ياروحي سيبك من كلام جيسي هي منمن تقدر تستغني عنك
ادم ضما وباس راسها واكمل بحب الشهاده لله لا
منه بضحك شوفت بقي
ادم لا بس انا علشان وشي كان مورم وقولتلك هاتي تلج صح
منه بضحك والله اجري
ادم بضحك مش هعملك حاجه ومسكها من قفاها واكمل بضحك بس ده حصل اصلا يا بنت الجزمه ?
منه بضحك لا طبعا يا كبير انت الحمدلله ميحوقش فيك حاجه
حاتم بضحك هتحسده اهي
منه بضحك اخص عليك ده حبيبي احسده ايه بس وجابت الكرسي الصغير اللي كان جمبها ووقفت فوقيه وعملت فوق راس ادم بايدها واكملت بضحك خمسه عليك من الحسد ياروحي علشان متتعبش يقولوا منة
كلهم فضلوا يضحكوا فاكمل ادم من بين ضحكه وربنا انا مش مفطسني ضحك قد الكرسي اللي جبتيه علشان تطوليني
حاتم بضحك اااه بجد يخربيت الضحك علي كده انت لما منه بتتكلم الكلام بيوصلك بعد قد ايه
منه بضيق ني ني ني دمكم خفيف
مالك بضحك ده بيقولوا الحقيقه فعلا
تاليا بضحك والله يوم ماقالتلي بتحبه قولتلها منظركم هيبقي يضحك بسبب فرق الطول وفضلت احفل عليها
منه بتمثيل حزن دومي انا قصيره ?
ادم بضحك انتي شبر ونص يا حبيبي ده سوسا كام سنه وتبقي طولك قصيره ايه بس
كلهم فضلوا يضحكوا فاكمل عمر بضحك طحن الخواطر
منه بضحك بقي كده طب متكلمنيش تاني مش ضحكتهم عليا
ادم شالها ونزلها علي الارض وحضنها واكمل بحب ياخواتي هو انا اقدر طب ده كل ما اجي ابوس راسك بنحني في اكتر من كده تضحيه
كلهم فضلوا يضحكوا فاكملت منه بضحك بتصالحني انت كده صح
رامز بضحك طب اما راسها بتنحني بتعمل ايه لما تيجي تبوس خدها
ادم بضحك لاما بنحني او بتتعلق في رقبتي الواحد بيعاني والله بس مش مهم
كلهم فضلوا يضحكوا فاكملت منه بضحك اوعي كده متكلمنيش تاني. مخصماك
ادم بضحك ياروحي مقدرش علي زعلك اصلا متحاوليش وباس ايديها واكمل بحب انتي عارفه اني بهزر انما حتي طولك بحبه وبحب كل حاجه فيكي
منه بحب خلاص مصلحاك ووقفت علي اطراف صوابعها وباست خده
سالي بضحك تثبيت في اقل من ثانيه كينج في كل حاجه
ادم بضحك هو انا من يوم ماعرفتها علي كده
تاليا بضحك علي يدي يكونوا متخانقين ايام الجماعه وانا قاعده معاها يابنتي استهدي بالله يابنتي كلميه تقولي ابداا ميحصلش ولا هرد عليه حتي لو رن ومجرد ما الفون ينور باسمه ترد وتتصالح وتقفل اقولها ليه بقي شغل التقل والتمثيل ده تقولي لا انا بس كنت متعصبه شويه انما ادم لو مرضتش هيطين عشتي اسااسا
كلهم فضلوا يضحكوا فاكمل ادم بضحك ده حقيقي انا معودها زعلنا كده كده بلعافيه مش بمزاجنا هو لحظات غضب وهتروح وهنرجع نتكلم انما مفيش في قاموسنا كل واحد يروح لحاله في يوم لا فلما ارن ومتردش انا بنكد عليها فعلا
ساميه بحب ربنا يخليكم لبعض يا حبيبي
ادم بحب اللهم امين يارب
رامز الا فين العيال اختفوا
منه مع ساره في اوضتها بيلعبوا
جيسي بضحك خليهم بلاش وش
منه بحب يلا انا هروح احضر الغدا وناكل سوا
تاليا استني اعمل معاكي
شهد استني اساعدك كمان
سالي اه يلا
منه لالا انتوا حوامل خليكم
جيسي خليكم انا كده كده معاها
شهد لا منا مش هفضل في السرير معقوله
تاليا يلا يا منة بس علشان نخلص متخافيش انا بقالي كتير مبتحركش
سالي يلا
ودخلوا الستات حضرت الاكل واتغدوا سوا وعدي اليوم
——————————————–
تاني يوم الصبح رامز خد اذن نيابه وجهز وراح العنوان هو والقوات وحاتم دخل الفيلا
في الفيلا حاتم فتح لانه كان معاه نسخه ولقي كمال قاعد
كمال بحده انت ايه اللي جابك ياحيوان
حاتم بضحك اللي جابني كدبك فكرك ادم هيصدق ان اخته عايشه صح بعد كل العمر ده
كمال قام وقف وابتسم بخبث واكمل لا صدق ياروح امك وهيجيب الورق ويجي شويه كده وفعليا انا مبكدبش وهقوله بس علشان حاجه واحده اكسره
حاتم بصدمه يعني فعلا عايشه
كمال اه عايشه اومال انا هقوله كده ليه
حاتم علشان يرجعلك املاكك طبعا
كمال بضحك تبقي غبي ومتعرفش عمك انا كنت اقدر اموته مجرد ماعرفت انه عرف وساعتها الورق اللي معاه يبلوه ويشربوا مايته ويروح لبنتي الورث وكنت هاخده بطريقتي تاني ومحدش هيشم خبر اني قتلت ادم وفعلا انا حاطط في دماغي اموته بس لما احرق قلبه في موضوع اخته ده وده لوحده اصلا هيموته بلحيا
برا الفيلا
ادم بدموع شوفت اني صح يا رامز
رامز نفخ بضيق واكمل باذن الله خير
والبنات كانوا بيعيطوا بصمت
مالك ده بني ادم حقيقي زبااااله
جوه الفيلا
حاتم هو معلش يعني انت فاكرني برياااله انا مش ادم ومش هتعرف تلعب علي مشاعري ازاي انت كنت فاكره مات وخبيت اخته كل السنين دي خبيتها من مين وتذل بيها مين
كمال بضحك لا خبيث زي عمك سؤال ذكي بس مش هجاوبك عليه ده ادم يعرفه لما يجيب املاكي
حاتم لا مفيش اخبث منك فعلا واحد تاجر مخدرات وتاجر سلاح وقتل دكتور سليم الشافعي وساره مراته وحاول يقتل ادم وحط علي صدره قنبله مش هيخبي اخته كل ده
كمال بضحك برافو مانتا فاهم اهو انا معنديش قلب ولا عيني من ازاز علشان حد يكسرها بلعكس امبارح انا اللي بعد ما كان جاي شايف نفسه كسرته وبعدين صح انا تاجرت في المخدرات والسلاح وقتلت سليم وساره مش هقدر وقلبي هيحن علي بنتهم ومخبيهاش لا عادي انا عملت الاوسخ
حاتم ابتسم بانتصار واكمل بس نهايتك وحشه
كمال انا محدش هيقدر عليا متخلقش ولا يتخلق اللي يوقعني
حاتم بضحك خدها مني بقي كلمه ادم اللي هيوقعك بعد ربنا وهيوصلك للموت
كمال بحده ده كلب ولا انت ولا هو تقدروا تعلموا حاجه بس متزعلش لما الغالين عليك يتأذوا
حاتم بعصبيه انت متقدرش اصلاااا تعملهم حاجه يا كلب
برا الفيلا
رامز ادم ادخلوا يلا خدت اعترافو خلصوا براحتكم واحنا هندخل نقبض عليه
ادم تمام يلا
جوه الفيلا الباب خبط فتح حاتم واكمل بتمثيل تفاجئ ادم
ادم بسخريه انت هنا وزقه واكمل اوعي كده
كمال بضحك الله ليه المعامله دي ده حتي توما اللي عرفك بس عرفك اللي يكسرك ويخليني اكمل عليك في الوجع انما فلوس واملاك وحق اهلك انسي يا ابن سليم وبعدين مالكم جايين كلكم ليه للدرجه دي
جيسي بدموع انت ازاي تعمل كده يا بابا
كمال بحده عملنا وخلصنا جايه ومعاكي جوزك ليه
جيسي اتصدمت وعيطت بوجع
مالك بحده اما انت راجل ناقص صحيح الحق عليها قالتلي عايزه تشوفك فجبتها
ادم خلاااص يا جماعه ورقك اهو يا كمال ورماه قدامه واكمل اختي فين
كمال مسك الورق واتفحصه كويس واكمل بضحك لا جدع ياروح امك الورق سليم ومش مزور ولخصت عليك وعليا كتير ومسك الولاعه ولع في الورق قدام عنيهم
ادم بدموع ووجع قولتلك الفلوس مش مهمه عندي بس عرفني هي فين
كمال بضحك من عنيا بس كده انت جيت من كام سنه عايرتني بجيسي وقولتلي متقدرش متجوزهاش ابن ابراهيم علشان سمعتك هتبقي في الارض لانه اعتدي عليها مش كده
ادم بحده انا معيارتش حد لاني عارف ان غصب عنهم بس دي حقيقه هما غصب عنهم
كمال بضحك طب خد الصدمه الاولي امك كانت حامل في تؤام مش واحده
كلهم اتصدموا وشهقت جيسي بصدمه ومنه حطت ايديها علي بوقها وعيطت بصمت
ادم بوجع ودموع وازاي معرفتش
كمال بضحك لا منا اتفقت مع الدكتوره وكانت بتديها سونار غلط ولما سليم يكون في الكشف بتركز علي طفله واحده بس قدامه لانه دكتور وفعلا مخدش باله وكلمت دكتور الاشاعه وزورت الاشاعه بتاعتها كمان
ادم بعصبيه ودموع وليه كل ده هيفرق معاااك ايه
كمال بحده لا يفرق انا اصلا مكنتش عايزك انت تيجي تقوم تروح تخلف منه تاني فاتفقت مع الدكتوره تقولها هي طفله واحده وحالتها خطر ولازم اجهاض. بس ساره اتمسكت بلعيل وخبت علي سليم حقيقه تعبها اللي مش حقيقي انا قولت لو لقيتهم اتنين تمسكها بيهم هيزيد فقولت واحده وحالتها صعبه بس هي صممت وجم البنتين
ادم بصدمه ووجع فينهم بقي انت كلمتني علي واحده بس
كمال بضحك لا متقلقش عايشين واقربلك من الوريد انا بس حبيت اشمت فيك لما تعرف ان الاولي جيسي اللي اخوك اعتدي عليها والتانيه شهد اللي حاتم اعتدي عليها ونفس عين سليم هما الاتنين
كلهم اتصدموا بشده وسكتوا بيحاولو يستوعبوا وجيسي شهقت بصدمه واكملت بعصبيه ودموع انت بتقول اييه انت اتجننت ادم اتصدم بشده وكان هيقع من الصدمه والذهول حس بلغبطه وانه مش فاهم اي حاجه ووجع شديد اوي في قلبه ودموعه نزلت بانكسار ومالك سنده بخوف

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)