رواية البنات زينة البيت الفصل الثاني 2 بقلم نهى عادل

رواية البنات زينة البيت الفصل الثاني 2 بقلم نهى عادل

رواية البنات زينة البيت البارت الثاني

رواية البنات زينة البيت الجزء الثاني

رواية البنات زينة البيت الحلقة الثانية

🌺من يُقاسمنا لحظات عمرنا لا يأخذ منا نصفنا بل سٓكينتنا وأماننا، فنحن لا نعطي الأخرين من وقتنا، بل من روحنا، وياليتهم يُدركون ..!!!🌺
🌺🌺🌺🌺🌺🌺🌺🌺🌺🌺🌺🌺
_بالفعل كانت آسيا حزينه شارده تفكر هل هذا هو حبيبها زوجها شريك حياتها كل تفكيره فى ولد ،هى تملك بنتين ايه من الجمال والذكاء ….. فكل واحدة منهم لها جمال خاص بها ولكن خديجه كانت قويه وتحبها ولم تتحمل عليها كلمه واحده ،كلما رأت دموعها كانت تجرى إليها وتمسح دموعها ،اما بدور فهى طيبه القلب
_آفافت على دخول الخادمه تبلغها بأن يوسف وزوجته وابنهم ادهم وصلوا ….
_خرجت إليهم وقامت بترحيب وجلسوا جميع
_كان يجلس ادهم بجانب الحاج مندور …. نظر الحاج مندور إلى ولده يوسف قائلاً:ا توحشتك يا ولدى ،الحمدلله انك نقلت كل حاجه هنا ،علشان تراعى شغلك مع اخوك ،وكمان ولدك لازم يكبر وسطنا ،ده هيبقى حضره الظابط ادهم يوسف مندور …..
_وانت كمان يا حاج وحشتنى اوى ..بس لسه بدرى على الكلام ده يا حاج لما ادهم يكبر يشوف هو عايز ايه…ولا ايه يا ادهم…
_هتف ادهم قائلا: لا يا بابا انا هكون ظابط زى جدى ما قال بالظبط…
_ضحك الحاج مندور ونظر إلى ادهم قائلا: عفارم عليك يا ادهم هو ده الكلام …
_هتفت ايناس قائله : أما فين بناتك يا آسيا ،انا عاوزة اشوفهم …..
_اكيد فوق يا ايناس ،هخلى حد من الخدم ينادى عليهم …..
_بعد قليل دخلوا البنات ،وذهبوا إلى عمهم يوسف وقاموا بتقبله ثم ذهبوا إلى ايناس ،التى انبهرت بجمالهم الغربى فهم مثل آسيا فى جمالهم ولكن خديجه جمال عينيها يسحر كل من رآها..
_اخذتهم ايناس فى حضنها فهى تحب البنات وكانت تتمنى أن يرزقها الله بالأطفال ،ولكن حدث لها مشاكل بعد إنجاب ادهم منعتها أن تنجب ثانيه
_جلسوا الفتيات بجانب ايناس وآسيا وكان ينظر إليهم ادهم ،ولكن ظل نظره معلق بتلك الشرسه التى كانت تنظر إليها بمكر وكبرياء…
_هتف رفعت قائلا: تعالوا سلموا على ابن عمكم ادهم …..
_ذهبت بدور إليه وسلمت عليه ،ولكن تلك الخديجه لم تتحرك من مكانها… ولو لحظه ….
_ كاد أن يصرخ فيها رفعت إلا أن سمعوا الخادمه تقول بأن الغداء جاهز …..
🌺🌺🌺🌺🌺🌺🌺🌺🌺🌺🌺🌺🌺
_كانت تجلس خديجه ومعها بدور اختها فى الحديقه تشاهد ادهم ابن عمها يلعب بكثير من المسدسات والبنادق اللعبه.. جرت إليه قائله: ممكن يا ادهم نلعب معاك ؟!
_نظر إليها ادهم صاحب العشر أعوام ،برفع حاجب قائلاً: مفيش بنات تلعب بالمسدسات انتم اخركم العرائس اللعبه
_وبعدين انا هبقى اكبر ظابط فى البلد كلها وانتى اخرك قاعدة فى البيت زى ما جدى قال؟!
_نظرت له بغضب قائله: بس انا كمان عاوزة ابقى زيك ….
_ضحك بشده عليها قائلا: انتى عبيطه ،هو فى بنت هتبقى ظابط ،يلا يا شاطرة أجرى بعيد وتركها وذهب
نظرت إليه خديجه واقسمت بداخلها أنها سوف تكون احسن منه ….
_جرت إليها بدور قائله_ديجا سيبك منه ده ولد بارد وانا مش بحبه وبعدين هو فى بنات تنفع تكون ظابط ….
_اه فى ،اما انتى عاوزة تكونى ايه بقا ،،،
_اممممم دكتورة ،وأعالج قلب جدو يا ديجا….
كل هذا كان يسمعهم الجد مندور كان غاضب ولكن عندما سمع كلمه بدور تبسم ولف إلى السرايا …..
🌺🌺🌺🌺🌺🌺🌺🌺🌺🌺
فى جناح ايناس ويوسف…
_تعرف يا يوسف انا مبسوطه انى رجعت تانى هنا ويا هاااا ادهم هيكون عنده اخوات بنات زى ما كنت اتمنى ،انت عارف انى صعب احمل تانى بعد أدهم
_ضمها يوسف قائلا: يا حبيتى انتى عارفه انه مش صعب وربنا هيرزقنا اكيد بالذريه الصالحه
_يارب يا يوسف ،انا حبيت بنات اخوك جدا وبالذات خديجه جميله فى كل حاجه ،انت شوفت عيونها بتقلب ازاى ،وطيبه زى آسيا ،اتمنى لما تكبر تكون من نصيب ادهم ،بس انا ما حبتش تحكم عمي فيه ،انا عاوزة ادهم يكون قراره من نفسه …
_ما تقلقيش يا ايناس ادهم صغير ه بكره يكبر ويفهم كل حاجه
🌺🌺🌺🌺🌺🌺🌺🌺🌺🌺🌺
فى جناح رفعت وآسيا
_كان يرتدى رفعت ملابسه للخروج من البيت نظر إلى آسيا وجدها حزينه ،نظر إليها بغضب قائلا:
_انتى هتفضلى وشك قالب كده على طول ،روحى شوفى دكتورة ،تقولك فى بطنك ايه ،بدل ما انتى قاعدة كده …
_بكت آسيا بشده من كلامه ونظرت له بحزن قائله: انت ازاى بقيت كده يا رفعت ،انت لا يمكن تكون رفعت حبيبى وجوزى فى ايه غيرك ،مالهم بناتك ،دول زى الفل
_ انا عاوز ولد يا يا آسيا ،عاوز ولد يورث كل ده ،اما ادهم ابن يوسف ،هو اللى يا خد كل ده واحنا نطلع من غير ولا حاجه ..
_يارفعت كل حاجه بأمر الله ،وبعدين من امتى انت كنت كده ،ليه الطمع ملا عينك اكيد فى حاجه غلط ،وبعدين يوسف اخوك طيب ولا يمكن هياخد حاجه من نصيبك ..
_بقولك ايه بلاش وجع دماغك انا خارج ….
_بعد.خروج رفعت ظلت تدعى ربها بأن يصلح حال زوجها..
🌺🌺🌺🌺🌺🌺🌺🌺🌺
فى أحد الشقق المفروشه…
_يوجد الكثير من الرجال والنساء يفعلون ما حرم الله من شراب الخمر ولعب القمار والزنا….. كان يجلس رفعت على طاوله وبجانبه صحابه والكثير من النساء يشربون الخمر ويلعبون القمار وتجلس بجانبه فتاه كانت ترتدى ملابس أقل ما يقال عنها قمصان نوم…..
_همست له قائله: كافيه كده يا رفعت وتعال نفعد نتكلم ،انت خسران كتير انهارده مالك يا حبيى بس
_ماليش يا مهجه سيبيني اعوض الخساره انا خسران اكثر من مليون جنيه لحد دلوقتى
_ لا كافيه يا رفعت وتعال نفعد مع بعض شويه …..
_بالفعل قام رفعت معها ودخلوا إلى إحدى الغرف ….
_مالك يا رفعت فيك ايه ….. وكانت تلعب فى ازرار قميصه تعطيه كاس من الخمر…
_اخذ منها رفعت الكاس وشرابه دفعه واحده قائلا:
_انتى عارفه يا مهجه أن مراتى حامل واكيد حامل فى بنت كمان ،بس انا عاوز ولد يورث كل ده …
_نظرت له بمكر قائله: طيب ما الحل بسيط خالص يا رفعت اتجوز واحدة تجيب لك الولد ولا تزعل نفسك يا حبيبى …..
_بس انا بحبها ….
_بتحبها ،يا راجل قول كلام تانى غير ده ،حب ايه ،ده انت كل يوم سهر هنا ….
_بس عمرى ما لمست غيرها يا مهجه ولا انتى عندك رأى تانى بدليل انتى معايا اهو وعمرى ما لمستك فى الحرام …
_طيب ما انا قولتك نتجوز واجيب لك انا الولد يا رفعت وانت اللى رفضت وقولت نكون اصحاب ….
_انت عارف انى خلفت ولد قبل كده ومات بسبب أبوه لما طلبنى فى بيت الطاعه الولد تعب ومات ،يعنى انا بخلف اولاد يا رفعت ،فكر وشوف لما نتجوز واجيب لك ولد انت اكيد صاحب كل حاجه انت الكبير بعد ابوك الحاج مندور …
_ظلت مهجه توزع سمها على رفعت وكان هو مستمع لكل كلمه تقولها…..
🌺🌺🌺🌺🌺🌺🌺🌺
بعد مرور حوالى ثلاثه شهور …
_الوضع كما هو والكل علم بحمل آسيا وكانت أمنيه الحاج مندور ورفعت أن تجلب آسيا لهم ولد …..
_الكل مجتمع فى غرفه السفره لتناول الإفطار ……
كان يجلس فى المقدمه الحاج مندور وبجانبه رفعت ويوسف وفى الجهه الاخرى تجلس آسيا وايناس وبجانبهم أدهم وخديجه وبدور …..
_هتف الحاج مندور قائلا: باذن الله انا قدمت ورق الحج السنه ده طالع وهاخد يوسف وايناس معايا ……
_عبس وجه ادهم قائلاً:وانا يا جدو انا عاوز أروح معاكم …
_ لا انت هاتقعد مع عمك ومراته وبنات عمك تخلى بالك منهم … ونشوف دراستك يا ادهم…
_وانتى يا آسيا ،اجدعنى كده وهاتى لنا الواد …..
_كله على الله يا عمى والف مبروك وربنا يتقبل …
_نظر رفعت إلى الحاج مندور قائلا: بس انت كده يا حاج مش هتحضر ولاده آسيا …..
_البركه فيك يا رفعت وخلى بالك من ولد اخوك ادهم ….وبعدين لسه فاضل حوالى ست شهور ربنا يسهل الحال ….
_بعد انتهاء الفطار خرج الحاج مندور وأولاده آلى العمل وظل على السفرة آسيا وايناس وأولادهم …
_هتفت خديجه إلى آسيا قائله: تعرفى يا ماما انى حلمت بكى انتى وطنط ايناس …
_ضحكت ايناس قائله: وياترى ديجا العسل حلمت بايه ؟!
_حلمت أن ماما جابت بنت وانا سمتها ونس …..
_طيب وانا يا ديجا….
_انك يا طنط هتجبى نونو حلو اوى وهتكون بنت وهتسمها حور ….
_بكت ايناس على كلام خديجه فهى تتمنى أن يرزقها الله ولكن جميع الأطباء قالوا لها انها من الصعب ان تحمل ثانيه…..
_كانت آسيا شارده تفكر في كلام خديجه ،فخديجه تملك موهبه فريده من نوعها وهى إذا حلمت بحلم تحقق فخافت أن يكون فى بطنها بنت
_صرخت فى وجها قائله: خديجه اوعى اسمعك تتكلمى فى الموضوع ده مع حد ،خدى اختك واطلعى الجنينه العبى بره ….
_اخذت خديجه بدور وخرجت مسرعة تبكى على حال امها…….
_ام ادهم حزن لحزن خديجه وخرج ورائهم….
_بعد خروجهم ،هتفت ايناس قائله: فى ايه يا آسيا ليه عملتى كده فى خديجه ،
_لان لو حد سمعها بتقول اللى فى بطنى بنت ،مكنش هيحصل كويس يا ايناس ،انتى شوفتى بعيونك هم عاوزين ايه
_الصراحه انا مش عارفه ليه عمى ورفعت بيعملوا كده ،الحمدلله معاكى بناتك ايه من الجمال والاخلاق وحامل مرة تانى ،اما انا اعمل ايه انا مش معايا اللى ادهم وبس
_ بس معاكى ولد يا ايناس وهو ده اللى مقوى مكانك عندهم وغير كده انتى بنت اخوه الحاج لايمكن يجى عليكى …..
_وبعدين يا عالم بكره فى ايه مش يمكن تجبى اولاد تانى … زى ما خديجه بتقول …
_اتمنى يا آسيا انا نفسى فى اولاد تانى ….
_ان شاء الله يا حبيتى …..ربنا كبير …
🌺🌺🌺🌺🌺🌺🌺🌺🌺🌺🌺
فى حديقه السرايا كانت تجلس خديجه تبكى بشده لأنها تعرف مدى حزن أمها لا تبكى لأنها صرخت فيها …
_ضمتها بدور قائله : خلاص يا ديجا ماما مكنتش تقصد تزعلك …
_انا مش زعلانه منها يا بدور انا زعلانه عليها ،علشان بابا على طول مزعلها ….
_سمعوا صوت مزعج نظروا إلى الصوت وجدوا حصان جدهم يجرى بسرعه شديد اتجاة ادهم الذى لم يأخذ باله جرت إليه خديجه قائله …
_أدهم خلى بالك …..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنات زينة البيت)