رواية الطفلة والوحش الفصل العاشر 10 بقلم نورا السنباطي

رواية الطفلة والوحش الفصل العاشر 10 بقلم نورا السنباطي

رواية الطفلة والوحش البارت العاشر

رواية الطفلة والوحش الجزء العاشر

رواية الطفلة والوحش الحلقة العاشرة

يزن وهو بيأكل آرين ـ مش معقول كل يوم هفضل وراكي كده لحد متشربي اللبن
آرين بتزمر ـ ومش معقول انك عارف اني مش بحبه وبتجبهولي برضو
يزن بحب وحنية ـ معلش يا حبيبي لازم تتغذي كويس عشان الدوا اللي بتاخديه
آرين بدموع ـ يزن انا بقالي شهر ونص علي العلاج ومفيش تحسن شعري كله و*قع وبقا شكلي وحش اوي
تنهد يزن بحزن وحط الاكل علي التربيزه اللي جنبه وقام قعد جنبها وشدها لحضنة وقال ـ هو فين ده اللي شكلك وحش انتي حورية الوحش وانتي جميلة اوي يا آريني وبعدين مش قولنا مش عاوزين دموع
آرين بو*جع وهيا بتد*فن وشها في عنقة ـ انا تعبت اوي يا يزن
يزن بمرح عشان يخفف عنها ـ برضو هتشربي اللبن يا اميرتي
ضحكت آرين بخفة وطلعت من حضنة وقالت ـ انت مش معقول بجد
باسها بخفة وقال ـ شوكلاته يا ناس ومد ايدة وخاد كوب اللبن وقال يلا يروحي سمي الله واشربي
خدته منه بتزمر وهيا قرفانة
ابتسم علي تعابير وشها وتمتم في سرة ـ اللهم اني احمدك علي كل شي
( ارضي بكل حاجه ربنا كتبها ليك عشان ربنا يرضيك في الاخر يا إبن آدم )
انتهت آرين من شرب اللبن وادت الكوبايه ل يزن اللي قالها
بالشفا يا روحي ان شاء الله يلا بقا عشان تتمشي شوية
آرين بتعب ـ تعبا*نه والله مش قادره امشي
مسك ايدها وباسها بحب ـ آريني قوية وبعدين انا معاكي اهو اسندي عليا
اومأت بقله حيلة وجاب ليها الطرحه ولفها حوالين راسها وانحني عند رجليها ولبسها شراب لبروده الجو والشبشب وقام وسندها
آرين بهمس ليزن ـ انزل كده عاوزه اقولك حاجه
استغرب يزن ونزل لمستواها وقال
في اي يروحي
قبلته آرين من وجنته بحب ـ ربنا يخليك ليا يا يزني
يزن بعشق ـ عمري انا…. بحبك يا قلب يزن
آرين بعشق هيا الاخري ـ وانا بعشقك يا قلب آرين
ابتسم بحب ومشي بخطوات بطيئة عشانها وهيا ماشية جنبه وبتسند عليه
♕♕♕♕♕♕♕♕♕♕♕♕♕♕♕♕♕♕♕♕♕
ماري بشر وهيا بتتكلم في التلفون ـ انا عاوزه الس*م ده باسرع وقت
ـ بس ياهم ده صعب جدا الس*م اللي انتي عاوزاه ده مش موجود في مصر وصعب جدا أجيبه
ماري بغضب ـ بقولك ايه انا مش عاوزه الهري ده قدامك يومين لو الس*م مبقاش في إيدي مش هر*حمك وقفلت التلفون بغضب كبير
ماري بشر ـ وربنا هق*تلك يا آرين عشان خدتي مني يزن حبيبي هو كان هيتجوزني لولا انتي جيتي بس خلاص أيا*مك بقت معدودة اووي هههههههه
♕♕♕♕♕♕♕♕♕♕♕♕♕♕♕♕♕♕♕♕♕
كان الجميع جالسون في غرفة الصالون
صفر رعد صفير عالي وهو بيبص علي السلم
مسكة فهد بسرعه وقال بهمس ـ رعد ابوس ايدك عدي الليله علي خير
رعد بضحك ـ سيبني ياض وبعدين قال بصوت عالي اي يا آرين اي الحلاوة دي يبت
قبض يزن علي يدية بغضب وغيرة ـ رررعد عدي الليله مش عاوز اعلم عليك
رعد بمكر ـ اي بس يا يزن يعني اشوف الجمال ده واسكت اي يا بت آري الجمال ده اكيد مامي نحلة عشان جابت العسل ده
آرين ـ ههههههه
يزن بغضب وهو بيمسك الفازة اللي جنبه وبيرميها عليه ـ يالهوي علي الخفة
جات الفازة في بطن رعد اللي تأوة بألم
ضحك الكل عليه
لؤي بشماتة ـ احسن قولنالك بس انت اللي مسمعتش الكلام لازم تتغزل فيها يعني
رعد بألم ـ والله انتو ناس حسكو الفكاهي صفر
مرفت بضحك ـ رايح فين انت وآرين يا يزن
يزن بهدوء ـ همشيها شويه يا أمي
محمد بحب ـ عاملة اي دلوقتي يا حبيبتي
غمض يزن عينه بنفاذ صبر وقال ـ آرين يا عمي آرين
ضحكت آرين وقالت ـ كويسه يا عمو الحمدلله
أيمن بحنان ـ تستاهلي الحمد يا حب…..احم يا آرين
نظر لهم ببرود ومسك ايدها وطلعو برا القصر
والكل بيضحك علي غيره الوحش الظاهرة
♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕
في المكتب
ذياد لسكرتيره ـ نادي ل بشمهندشة ندي ومستر عز روحي يلا وابعتيلي قهوتي
بدلع ـ امرك يا فندم حاجه تانيه
ذياد من غير ميبصلها ـ لا اتفضلي
نظرت له بغيظ وطلعت
ذياد وهو بيفتح السلسله اللي هو لابسها كان فيها صورة طفلته
ذياد بحب ـ وحشتيني يا قلب ذياد اسبوع بحالة مشوفتكيش واتنهد بحزن
سمع صوت رنه هاتفه بص علي التلفون وشاف الرقم غمض عينه بغضب كبير ورد
ـ نعم
ـ ………….
ذياد بكره ـ انا مش بكره في حياتي قدك
ـ …………
ذياد بنفاذ صبر ـ عاوزه اي
ـ …………
ذياد بعصبيه شديدة ـ انا مستحيل اعمل كده انتي اتجننتي
ـ ………..
غمض عينه بألم كبير وقال ـ ماشي وقفل الخط
ذياد بدموع وألم ـ اسف يا طفلتي
سمع صوت خبط علي الباب مسح دموعه بسرعه وقال اتفضل يا اللي برة
دخل عز وورا ندي
عز بمرح ـ اي يا ديزل طلبتنا ليه
ذياد بهدوء عكس البركان اللي جواه ـ احم اه تعالو عشان نناقش الصفقه ونتفق علي الشروط اللي هنقدمها
ندي بجدية ـ مستر ذياد انت بجد هتتعاقد معاهم ده الرئيس بتاعهم شخص غبي وهمجي جدا ومش بيفهم في الاصول
ذياد بدهشه ـ اي اي حيلك اي اللي حصل لده كله
ندي بعصبيه ـ في ان اللي انتو مسمينه قيصر ده واحد مش محترم تخيل بعد مخبط فيا ووقع الكوفي كله عليا بيشتمني وبيقولي مش تاخدي بالك يا اوزعه
كتم ذياد وعز ضحكتم بالعافيه وقالو ـ لا مينفعش طبعا
ندي بكره ـ انا بكرهه جدا واحد متخلف وبراس حمار كمان
هنا وعز مقدرش يمسك ضحكته وانفجر من الضحك وذياد ضحك بهدوء
ندي استوعبت اللي قالته واحمرت من الخجل ـ احم اسفه مقصدش اتعصب يعني
ذياد بضحك ـ لا لا ولا يهمك المهم دلوقتي يلا نناقش الصفقه ونشوف الحيوان براس حمار ده بعدين
عز ـ هههههههههه
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
هااا يا آرين اي رأيك في الجو
آرين بسعادة ـ تحفة بجد يا يزني
باسها من جبينها بحب وقال ـ اهم حاجه آريني مبسوطه
آرين بطفولة ـ انا بجد مبسوطه اووي وكملت بزعل ـ بس انا زعلانة منك
يزن بدهشه ـ مبسوطه وزعلانه طب ازاي ده
نظرت له بشرز فقال بخوف مصطنع ـ زعلانه مني ليه يا آريني
آرين بزعل ـ عشان انت مأهمل شغلك خالص انا سمعت ذياد وهو بيكلمك وبيقولك الشركة محتجالك
يزن بجدية ـ مستحيل اسيبك افرض تعبتي وانا مش موجود
آرين بحب ـ لو تعبت العيله كلها موجوده
يزن بنفي ـ لا مش هسمحلك تحتاجي لحد غيري انا هفضل معاكي لحد متخفي ان شاء الله
ابتسمت آرين بدموع وحضنته وقالت بحبك اوى يا يزن
حس بنغزة في قلبه لكن تجاهل الامر وقال ـ وانا بموت فيكي يا قلب يزن
آرين بقلق ـ نتيجه التحاليل هتظهر انهاردة صح
اوما يزن بهدوء وقال بحنان لما شاف القلق علي تعابير وشها ـ ايوة وان شاء الله خير متقلقيش انا جنبك
تنهدت آرين بحب وقالت ـ مش قلقانه طول منتا معايا
كانت ماري بتراقبهم من فوق وهيا بتغلي من الغيره
كان يزن قاعد علي العشب وفاتح رجليه وأرين قاعده بين رجليه وسانده بضهرها علي صدره وهو ساند راسه علي كتفها وبيتكلمو مع بعض
ماري بشر ـ افرحي دلوقتي عشان بعدين مش هتفر*حي خالص وانا اللي هكون مكانك ..!!!!
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
بعد وقت طويل انتهي ذياد وندي وعز من مناقشه الصفقه
قامت ندي وقالت ـ طيب انا هروح اجيب الملف التاني من مكتبي واسبقكم علي غرفة الاجتماعات
اوما عز وذياد بهدوء
طلعت ندي وقابلت في وشها اكتر بني ادم بقت بتكره في حياتها وكانت هتخبط فيه برضو
ندي بحرج ـ انا اس… وبعدين قالت بصدمة وغيظ انت
يامن بإستفزاز ـ اعذريني مشوفتكيش من قُصرك
ندي بعصبية ـ اسمالله عليك يا عمود الانارة وبعدين هو انا موعودة بيك ليه
يامن بإستفزاز وهو بيمد ايده ب مج القهوة ـ هدي نفسك وخودي بوق
اتعصبت ندي ومسكت المج من ايده ور*مته علي الارض بغصب كبير وقالت بصراخ
ـ انت بني آدم مستفز جدا جدا
يامن ببرود ـ عارف وبعدين انتي بتعملي اي هنا يا شاطرة حد قالك انو دي ملاهي
ندي بعصبيه شديدة وكان وشها احمر من الغضب ـ لا قالولي مراجيح المولد يا حيلتها ابعد عن طريقي جتك القرف واحد بارد وسابته ومشت وهيا بتمتم بغيظ
ضحك علي عصبيتها وكان فرحان انو شافها لاحظ ذياد وعز واقفين علي الباب وبيبصو عليه بمكر
يامن بهدوء ـ اي بتبصولي كده ليه انت وهو
عز بضحك ـ تعالي ..تعالي يا قيصر اما نشوف حكايتك
رفع حاحبه وابتسم ودخل
♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕
دخلت ندي مكتبها وهيا هتموت من الغيظ
ندي وهيا راحه جايه في المكتب ـ عاااا بارد مستفز عد*يم الاخلا*ق وو*قح وبعدين وقفت فجأة وهيا بتاخد نفسها بعصبيه وبتفتكر اول مرة قابلت فيها يامن
# فلاش بااك
كانت ماشيه بسرعة عشان تبلغ ذياد انو الوحش جاي الشركة وهو حاليا في الطريق
وفجأة خبطت في حيطه سد وقعت علي اثرها علي الارض والكوفي اللي كان معاه وقع عليها
شهقت ندي بألم وصدمة
ندي بعصبيه والم ـ اااه مش تاخد بالك
يامن بعصبيبه هو كمان ـ انا اللي اخد بالي ولا انتي اللي مفكرة نفسك راكبه قطر
وقفت ندي بعصبيه وقالت ـ وطي صوتك وانت بتتكلم معايا يا بني ادم وبعدين انت اللي غلطان والمفروض دلوقتي تعتزر
يامن بغيظ ـ لو كنت فعلا انا اللي غلطان ف ده حقي انتي مش باينه من الارض اصلا
شهقت ندي بصدمة وهيا بتبص علي نفسها وقالت ـ انا مش باينه من الارض يا بتاع انت ..وبعدين انت مفكر نفسك مين علشان تتكلم معايا بالطريقة دي
يامن ببرود ـ مش بتكلم مع اطفال
وسابها ومشي وهو بيضحك ب إستمتاع
# عودة من الفلاش باك
ندي بغيظ ـ والله لوريك يا قيصر باشا وخدت الملف بعصبيه وطلعت علي غرفة الاجتماعات وهي بتتوعد ليه
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
كان يزن قاعد مع آرين في الحديقة كانت قاعدة في حضنه وساندة رأسها علي صدرة فجأة آرين حست بو*جع في قلبها وجع شد*يد جدا لكن كتمت جواها وهيا بتعض علي شفايفها بو”جع نظرت ل يزن اللي كان بيتكلم وبيقولها علي مواقف حصلت معاه وبيضحك نظر لها وجد الد*موع في عينها
يزن بخوف ـ آرين مالك
آرين وهيا بتحاول تخفي وج*عها ـ ق..قرب احضني جامد
فورا حضنها لقلبه وهو بيد*فن راسه في عنقها وغشت الدموع عينيه وهو مش عارف ليه حاسس بغصه في قلبه
آرين بضعف ـ ي..يزن
يزن بدموع ـ قلب وروح وحيات يزن مالك يا حبيبتي حاسه ب اي متو*جعيش قلبي
آرين وهي بتقاوم الاغماء والد”م بينزل من مناخيرها ـ ب..بحبك
واديها ارتخت من علي كتف يزن
يزن بإستغراب وهو بينادي عليها ـ آ..آرين
لا رد
بعدها عن حضنه ببطي وثواني وصعق مكانه وهو شايف الد*م نازل من منا*خيرها وجنب فم*ها ووجهها شا*حب شحو*ب المو*تي
يزن بصر*اخ وخو*ف جاء علي أثره الجميع ـ آرييييين لا لا آرين
خبط علي وجهها ببطي ـ آرين حبيبتي مالك آرين
مرفت بعياط ـ شيلها بسرعه علي المستشفى
حملها يزن بسرعه وكان التيشرت بتاعه اتل*طخ بد*مها وعنقه عليه د*م
حطها في العربيه ولينا ومرفت ركبو معاها من ورا ويزن ساق العربيه بسرعه جنونيه وهو كل شويه يبص عليها وبيترجاها متمشيش وتسيبه وعيونه مليانه دموع وكل شويه يضر*ب علي المقود بقوه كبيره لدرجه ان إيده اتعو*رت
يزن بدموع ـ حاولي يا أمي ارجوكي فوقيها
مرفت بدموع ـ بحاول والله مش راضيه
يزن بصراخ ـ ااااه لا يارب عا*قبني في اي حاجه إلا دي اااااه وذود السرعه اكتر
بعد خمس دقائق وصلو نزل بسرعه ورا فتح الباب اللي ورا نزلت لينا الاول وبعدين يزن شالها بسرعه ودخل بيها المستشفى وهو بيصر*خ في الدكاتره والممرضين
يزن بغضب ـ اي حد في المخر*وبة دي يجي
الدكتورة جات بسرعه ـ يزن باشا انا
يزن بمقاطعه ـ انتييي هتتعرفي عليا الحقيها وإلا قسما بالله همو*تكم كلكم
خا*فت الدكتورة منه وحطو آرين علي الترولي وجرو بيها علي غرفة العمليات
وفي ثواني انتشر الخبر بسرعة كبيره حدا واتجمعت الصحافة علي بوابه المستشفى
وكان السؤال ـ هل يا تري آميرة الوحش هتقاوم المرض وترجع لينا تاني ولا دي النهاية خلاص
بعد مدة جات العيله كلها والصحافة حاولو يتكلمو معاهم بس حرس يزن منعوهم وحاوطوهم لحد مدخلو المستشفى وكانت المستشفى عبارة عن هر*ج ومر*ج والكل بيتكلم عن حاله الوحش اللي كانت سيئة خالص كان يزن قاعد قدام غرفة العمليات علي الارض وساند راسه علي الحيطة ومش بيتكلم كان ماسك في ايده سلسلة لآرين وكان عليها د*مها
فجأة حس بو*جع كبير في قلبه وصر*خ بأ*لم ـ اااااه آرين ما*تت

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية الطفلة والوحش)