رواية طفله في عرين الشيطان الفصل الثالث 3 بقلم ميادة السيد الجزار
رواية طفله في عرين الشيطان الفصل الثالث 3 بقلم ميادة السيد الجزار
رواية طفله في عرين الشيطان البارت الثالث
رواية طفله في عرين الشيطان الجزء الثالث
رواية طفله في عرين الشيطان الحلقة الثالثة
جاسم : نعم يا داده
الداده ( بنت من الخدم ) : مروان بيه تحت
جاسم : ماشي روحي انتي جهزي السفره
الداده : تحت امرك
الداده نزلت
جاسم بيبص لي مِسِك ببرود : امسحي الدموع دي وقومي البسي علشان ننزل
مِسِك بتعيط وهي جواها خوف منه
جاسم بنفاذ صبر اتعصب : ماقولتلك إتزفتي قومي وبطلي عياط والا اخلي ايامك كلها سوده
مِسِك بدموع وخوف : ح حاضر
مِسِك قامت وهي بتمسح دموعها بخوف
جاسم : استني
مِسِك بصتله بخوف
جاسم قرب منها بتحذير : احنا قدام الناس مبسوطين اي حاجه تانيه لا انتي فاهمه
مِسِك هزت راسها بخوف
ثم اكمل كلامه بسخريه : والاحسن بلاش تاخدي على المدام اماني وده الاحسن علشان متحكيش حاجه ما بينا ليها وساعتها اتندمي
مِسِك دموعها نزلت بضعف
جاسم ادالها ضهره : يلا اخلصي اجهزي علشان ننزل
مِسِك بدموع دخلت الحمام
جاسم ظل واقف مكانه بشرود
ــــــــــــــــــــــــــــــــــــــــــــــــ
نعيمه بابتسامه : كل دي غيبه يا ابني
مروان بابتسامه : داده نعيمه عامله اي
نعيمه بحنيه : الحمدالله يا ابني وانت عامل اي بقالك فتره مش بتيجي
مروان : غصب عني والله يا داده مضغوط من الشغل
ثم قال بصوت واطي : وبعدين كله بسبب جاسم المفتري بيخليني اشتغل من غير ما اخد اجازه والله حتي الاكل مش بعرف اكل بسببه
نعيمه بضحك : انت موطي صوتك كده لي
مروان بصوت واطي : الحيطان ليها ودان
نعيمه بضحك : الحيطان برده
مروان بضحك : دايما فاهماني يا داده
نعيمه ضحكت
ثم قالت وهي بتبص لي اماني : مش هتعرفني على القمر اللي جنبك
اماني ابتسمت بكسوف
مروان بابتسامه بيبص لي اماني : اماني مراتي يا داده
نعيمه بابتسامه : انت إتجوزت وبرده متقولش
مروان بابتسامه : والله ظروف يا داده غصب عني
نعيمه بابتسامه : ربنا يقويك يا ابني
ثم قالت بحنيه وهي بتنظر لي اماني : بس ما شاء الله قموره
اماني بابتسامه خجل : شكرا لي حضرتك
نعيمه بحنيه : حضرتك اي بس يا بنتي قوليلي يا داده نعيمه من غير كسوف
اماني بابتسامه : حاضر يا داده
مروان بابتسامه : اماني الداده نعيمه بتكون ام ليا انا وجاسم وهي اللي ربيت جاسم برده وبالنسبالي هي امي التانيه
نعيمه بحنيه : وانتم ولادي ربنا يبارك فيكم يارب ويحفظكم
اماني بابتسامه : انا فرحانه انِ شوفتك يا داده
الداده نعيمه بحنيه : يا حبيبتي والله انتي سكر ماشاء الله
اماني خدودها احمرت من الكسوف
مروان بابتسامه على خجل اماني : احم داده نعيمه اماني بتكسف ها
نعيمه بابتسامه : بس يا واد سيبها براحتها
ثم قالت وهي بتنظر لي اماني : انتي من انهارده بنتي ولو الواد ده زعلك تعالي قوليلي بس اتفقنا
اماني بابتسامه وبراحه : اتفقنا
مروان بمرح حط ايده فوق راسه وقال بطريقه مضحكه : اااه ياربي انا ماليش حظ ابدا دايما وحداني كده ما بين الناس يا حظك يا مروان دايما منسي
الداده نعيمه نظرت لي اماني وظلوا يضحكوا على مروان
الداده نعيمه بحنيه : انت عمرك ما تكون وحداني وبعدين ده انت معاك القمر والعسل كله
اماني ابتسمت بكسوف
مروان بضحك : احم اماني اتكسفت تاني يا داده
الداده نعيمه بضحك : خلاص انا مش هكسفك تاني يا بنتي
ثم قالت بحنيه : ربنا يسعدكم ويبارك فيكم يارب
مروان بابتسامة قام مسك ايد الداده وباسها بحب : ويباركلنا فيكي يا ست الكل
ثم قال بمرح : قوليلي بقا عامله اكل اي انهارده ؟
الداده نعيمه بابتسامه : كل انواع المحاشي وبط وفراخ
مروان بجوع : يا سلام والله واحشني اكلك اوي يا داده
نعيمه بحب : يا حبيبي يا ابني تعال كل يوم انت والقمر اللي جنبك وانا عملك كل الاكل اللي بتحبه
مروان : ياااارات لو ينفع يا داده
ثم نظر لي اماني بحب : بس انا بروح بليل من الشغل وباكل من ايد اماني
اماني نظرت له بخجل
مروان اكمل كلامه بابتسامه : اه صح يا داده على فكره اماني اكلها جميل برده
الداده نعيمه بابتسامه : ربنا يسعدكم يا ابني وبعدين اكيد طبعا مهو واضح انها شاطره كمان واحسن مني في عمايل الاكل
اماني : لا طبعا يا داده استحاله هكون احسن منك وبعدين انا من غير ما اكل وانا متاكده انِ اكلك احسن حاجه
الداده نعيمه بابتسامه : ربنا يبارك فيكي يا بنتي
ثم قالت بحنيه : بس قوليلي بقا اوعي يكون بيزعلك
مروان بمرح : انا برده هزعلها ده انا طيوب وكيوت جدا
اماني بابتسامه : لا والله يا داده مش مزعلني
مروان بمرح : واخيرا ظهر الحق شوفتي يا داده نعيمه علشان تعرفي اني طيوب ومش بزعل حد
اماني ابتسمت على كلام مروان
نعيمه بابتسامه : ماشي انا هروح هشوف الاكل بقا
مروان بجوع : هو لسه بدري يا داده على الاكل
نعيمه : اا
جاسم مقاطعا : انت مش بتشبع ابدا
مروان بمرح : الله اكبر في عينك انا بقول برده لي اكلي بقا قليل اتاري القر شغال عليا
جاسم بسخرية : اها انت هتقولي
مروان بمرح : بطل اقر بس علشان اعرف اكل
نعيمه بابتسامه : كلها ثواني والاكل هيكون جاهز
ثم نظرت لي جاسم وقالت بابتسامه : خلي مروان ياكل براحته يا ابني وبعدين ده بقاله كتيره مش بيجي
مروان بابتسامه : حبيبتي يا داده دايما واقفه معايا ثم قال وهو ينظر لي جاسم : وبعدين مش كفايه انك بتسلمني شغال قد كده ويارات كان عاجب
جاسم نظر له بشراره
مروان بخوف مصطنع : احم بس انا عجبني الشغل اكيد
الداده نعيمه بضحك : طب انا هروح بقا هشوف العشا
ثم ذهبت للمطبخ
مروان ينظر لي اماني بابتسامه : احم اماني مراتي ؛ وده بقا يا ستي بيكون جاسم صحبي انتي شوفتي يوم كتب الكتاب فاكره !
اماني بتذكر : ايوه اهلا بحضرتك
جاسم هز دماغه بهدوء
ثم نظر لي مِسِك ببرود : مِسِك مراتي
اماني بابتسامه : الف مبروك وربنا يفرحكم يارب
مِسِك تنظر لي جاسم بخوف ودموع محبوسه : الله يبارك فيكي
مروان لاحظ نظرات مِسِك لي جاسم وكلها خوف وتوتر وفهم وإتاكد انِ صاحبه قاسي عليها
اماني بابتسامه : بس انتي صغننه اوي يا مِسِك
صمتت مِسِك بدموع محبوسه ونطراتها مواجهها لي جاسم
جاسم ببرود : اي اللي مخليكم واقفين اتفضلوا
اماني جلست بجانب مروان بهدوء
مروان بصوت واطي بجانب جاسم : عملت اي في البنت مخليها خايفه منك كده
جاسم بصوت واطي هو الاخر : مالكش دعوه يا مروان وخليك عارف انها مراتي
مروان بغيظ : مش علشان مراتك تعاملها وحش دي البنت خايفه منك اوي والله هي صعبانه عليا
جاسم نظر لي مروان بحده
مروان : جاسم انت اخويا وانا نفسي تعيش حياتك صح وتنسا اللي فات
جاسم : لولا انك صاحبي بقالك سنين مكنتش سكتلك دلوقتي علشان كده اسكت وخلي الليله تعدي على خير
مروان هز راسه بياس من صديق عمره
اماني بتنظر لي مِسِك بابتسامه : بما انكم بتتكلموا بصوت واطي ينفع نقعد انا و مِسِك نتكلم احنا كمان
مِسِك بتنظر لي جاسم بخوف
جاسم بهدوء : تمام بس بعد ما تأكلوا
مروان بجوع : هو الاكل أساسا قرب يخلص
نعيمه بابتسامه : السفره جاهزه يلا
مروان بفرحه : ياااااا يا داده دايما حاسه بيا
نعيمه بحنيه : بالهنا والشفاء يا حبايبي
كلهم قاموا وجلسوا على السفره
بعد الغدا
خرجوا جلسوا في الجنينه
جاسم يجلس مع مروان ولكن نظراتُ موجهه باتجاه مِسِك
اماني بابتسامه بتنظر لي مِسِك : قوليلي يا مسك انتي في سنه كام
مِسِك بتوتر بتنظر لي جاسم اللي عينه عليها
مروان بضيق من صاحبه : بلاش تكون مخوفها منك كده
جاسم ببرود : عايز اي يا مروان
مروان : عايزك تكون مرتاح
جاسم ببرود : ما انا مرتاح
مروان بضيق : جاسم انت مش صحبي وبس لا ده انت اخويا احنا كنا دائما مع بعض من واحنا اطفال وحالك مش عجبني
جاسم : مروان مش عايز كلام في الموضوع ده تمام
مروان بضيق : لا هتكلم لما حالك ميكونش عجبني يبقا لازم هتكلم يا صاحبي لانك اخويا مش صاحب وبس
جاسم بضيق : وانا كويس اطمن
مروان : انت مش ملاحظ طريقتك مع البنت الغلبانه دي ده هي خايفه منك
جاسم بضيق : انا حر هي بقيت مراتي خلاص
مروان بضيق : انت نسيت طريقه جوازك ولا اي
جاسم ببرود : لا منستش بس انت متنساش انِ ابوها خد فلوس قد كده علشان بس يبيعها
مروان بضيق : علشان اهلها باعوها ليك تروح انت تعاملها كده وتخوفها منك لدرجه انها من اول ما قعدنا وكل ما اماني تقولها حاجه تروح باصه ليك وهي خايفه منك
جاسم بضيق : هي مراتي وانا حر
مروان : جاسم انت اخويا علشان كده مش عايزك ترجع تندم بعدين اسمع مني البنت مش قد اللي انت بتعمله فيها ولو انت مش عايزها سيبها بس بلاش تبهدلها معاك كده
في الطرف الآخر
اماني : مِسِك يلا قوليلي انتي في سنه كام
مِسِك بدموع محبوسه : في تانيه ثانوي
اماني بحنيه : يا روحي والله اول ما شوفتك قولت انك صغننه لسه
صمتت مِسِك
اماني بحنيه : طب انتي لي اتجوزتي دلوقتي وفين اهلك
مِسِك بدموع محبوسه : انا معنديش حد
اماني بحنيه : لا متقوليش كده مش احنا بقينا اخوات
مِسِك بابتسامه ونسيت كلام جاسم : ايوه طبعا انا لوحدي وكان نفسي الاقي اخت زيك
اماني بابتسامه : انا ليا الشرف والله انك تكوني اختي الصغننه
طول الوقت جاسم عينه على مِسِك مش بتتشال
مروان بيبص في المكان اللي جاسم بيبص فيه : متقلقش اماني مش هتخطفها
جاسم بضيق : انا خلصتها من ابوها ومراته
مروان : بس انت بتعمل نفس اللي هما عملوا فيها مينفعش تكون قاسي عليها كده مينفعش
جاسم بشرود : بس ده الصح
مروان : انت شايف قسوتك على عيله في سنها بيكون صح ده انت المفروض اللي تكون حنين عليها يا صحبي لانها مشافتش حنيه من اهلها
نظر جاسم لي مِسِك ويراقبها بصمت
مروان ينظر بنفس الاتجاه : جاسم انا والله مش عايزك تندم بعدين
جاسم بتنهيده حاره : وانا عمري ما هندم ولا ندمت على قرار خدته قبل كده يا مروان
مروان بضيق من صاحبه : بس
جاسم : مروان انا عارف انك عايز مصلحتي بس انا مش صغير وعارف انا بعمل اي
مروان بضيق : ماشي يا جاسم بس نصيحه مني لو انت مش قادر تكون حنين عليها يبقي تطلقها احسن ويمكن يتجوزها و
جاسم بحده مقاطعا : مروان كلمه زياده مش هتكون صاحبي واخويا ولا هعرفك فاهم
مروان بضيق : ماشي يا جاسم خلاص هسكت اهو
جاسم بضيق مغيرا للموضوع : قولي صح اي اخبار المشروع
مروان بتنهيده : كله تمام لما نروح بكره الشركه يبقي نتكلم في الشغل بقا
جاسم : ماشي بس خد بالك في اجتماعات كتيره الفتره اللي جايه
مروان : تمام
ثم قال وهو يقوم : يلا بقا انا همشي عايز حاجه
جاسم : لا يا مروان بس بلاش تنسا بكره عايزك من بدري
مروان : متقلقش مش ناسي ، وانت كمان بلاش تنسا كلامي
جاسم بضيق : امشي يا مروان
مروان بتنهيده : ماشي
الطرف الآخر
اماني بابتسامه : أن شاء الله تفرحي بشهادتك
قالت مِسِك بحزن طفولي : معتقدش ان حلمي هيتحقق
اماني : وانتي عايزه تدخلي كليه اي
مِسِك بحزن : نفسي هدخل كليه طب حلمي انا وماما ربنا يرحمها .
ثم قالت بدموع محبوسه : تعرفي ماما كانت دايما تقولي نفسي اني هشوفك دكتوره من وانا عندي 7سنين وده حلمي انا وماما
اماني بحزن حضنت مِسِك : ربنا يرحمها يا حبيبتي وان شاء الله تحققي حلم والدتك
مِسِك دموعها نزلت غصب عنها
اماني بمرح : بزمتك في برده قمر يعيط ها وبعدين والله مفيش حاجه مستاهله انك تعيطي علشانها ثم قالت بابتسامه : ولو حابه تحكيلي انا موجوده اعتبريني اختك الكبيره اتفقنا
مِسِك بابتسامه : اتففنا
اماني بابتسامه : اشطا بس قولي
مروان مقاطعا : يلا يا اماني بقا
اماني : ماشي
مِسِك بحزن وبصوت واطي : انتي هتمشي خلاص
اماني بابتسامه : ايوه بس ان شاء الله هجيلك تاني
مروان بابتسامه : باي يا مدام مِسِك
صمتت مِسِك بحزن
اماني : مالك يا حبيبتي لي زعلانه انا أن شاء الله هاجي تاني
مروان بصوت واطي لي جاسم : شايف مراتك خايفه ازاي منك
جاسم بنفس الهمس : مروان اخرس ويلا خد مراتك وامشي
مروان هز دماغه بيأس من جاسم
اماني بابتسامه : انا هاجي هشوفك تاني
مِسِك ببراءه : بجد
اماني بابتسامه : طبعا بجد انتي اختي الصغيره خلاص
مِسِك ابتسمت بفرحه وسعاده حقيقيه
مروان بابتسامه : يلا بقا احنا لازم نمشي
مروان مشي هو وأماني
مِسِك لاحظت نظرات جاسم بخوف
جاسم بنظرات قاسيه تركها ودخل مكتبه
في الطرف التاني
مروان باستغراب : مالك سرحانه في اي
اماني شارده
مروان باستغراب : امااااني
اماني بتفيق : نعم
مروان : نعم اي؟! من ساعه ما خرجنا وانتي سرحانه في اي مالك
اماني : مفيش
مروان بتنهيده : عارف انك مش معتبراني زوج بس حتي اعتبريني كصديق واحكي اللي جواكي
اماني ساكته
مروان : اماني احكيلي في اي
اماني : هي اي حكايه جواز صحبك و مِسِك
صمت مروان
اماني كملت كلامها : من ساعه ما انا شوفت مِسِك وأنا لاحظت الحزن في عينها
مروان ساكت
كملت اماني بحزن : نفس الحزن اللي جوايا بس اكيد كل واحد مشكلته بتختلف
مروان بيبصلها بحزن
اماني بحزن : هي مِسِك وصحبك مش مبسوطين مع بعض صح
مروان بصلها بنظرات حزن
اماني : ساكت لي يا مروان
مروان : لا
اماني باستغراب : لا اي ؟! اي اللي يخلي صحبك يتجوز بنوته صغننه ده غير كمان انها متكلمتش على دراستها خالص
صمت مروان بحزن
اماني : طول الوقت كنت حاسه اني مِسِك خايفه تتكلم ده كفايه نظرات عينها الحزينه والخوف فيها طب انت تعرف هي حلمها تدخل كليه طب بس قالتلي مش هتعرف تحققه هي لي قالت كده
مروان محاولا الابتسامه قال : مفيش اي حاجه ولو فيه اكيد هحكيلك المهم انتي انبسطي انهارده
اماني بابتسامه : انا فرحت انِ إتعرفت على داده نعيمه و مِسِك بجد شكرا ليك
مروان بابتسامه : وانا فرحان اني شوفت ابتسامتك بعد فتره طويله وعايز دايما اشوف الابتسامه والفرحه اللي في عينيكي
اماني ابتسمت بخجل
ثم قالت مغيرا الحديث : هو فين أهل مِسِك
مروان بصلها وسكت
اماني بحزن : مروان انا كل ما هسالك على حاجه تخص مِسِك و صاحبك تسكت وده مخليني متاكده انِ صحبك هو سبب وجعها .
مروان بحزن : جاسم شاف كتير في الدنيا دي يا اماني
اماني : يعني اي ؟! علشان هو شاف كتير يخلي بنت رقيقه زي مِسِك وكمان لسه صغيره نعيمه في حياتها وتكون حزينه دايما
مروان : لا طبعا ومين قال إنها تعيسه وحزينه
اماني بحزن : نظراتها لي صحبك هي اللي بتقول وباين عليها كمان مغصوبه على الجواز
مروان بتنهيده : كل حاجه هتعرفيها في وقتها
اماني بحزن : امته وقتها
مروان : مش دلوقتي
اماني بحزن : صاحبك لي غصب مِسِك على الجواز
مروان بتنهيده : ابوها ومراته كانوا بيعذبوها
اماني بسخريه : وهي دلوقتي مش متعذبه يعني ؟!
صمت مروان
اماني بحزن : انا شوفت في عين مِسِك الحزن والخوف اللي جواها ، لو هي عاشت مع اهلها في عذاب معتقدش انها دلوقتي عايشه في جنة مع صحبك
مروان بحزن : اماني كل حاجه هتعرفيها في وقتها وبعدين مش انتي حبتيها اعتبريها اختك وخليكي جنبها
اماني بحزن : انا حبيتها والاكيد انها زي اختي الصغيره ، انا بس عايزه اعرف لي هي موجوعه وحزينه كده بس عرفت السبب وهو صحبك
مروان بحزن : والله يا اماني جاسم شاف كتير زي مِسِك بس جاسم مخبي وجعه وحزنه وراء قسوته بس هو غير كده وهتعرفي في الوقت المناسب كل حاجه صدقيني
اماني بحزن : ماشي
مروان بحزن : بالله عليكي بلاش الحزن ده مقدرش هشوفك حزينه كده
اماني دموعها نزلت غصب عنها : مِسِك فكرتني بنفسي اوي انا برده زيها وحيده ماليش حد
مروان بحزن خدها في حضنه : اي الكلام ده انا معاكي انتي مش لوحدك
اماني بدموع : هيجي يوم تزهق مني وتسيبني
مروان بحنيه : لا استحاله انا مينفعش هزهق منك اصلا او حتي هسيبك انتي مراتي
اماني بدموع نظرت في عيون مروان العاشقه لها
مروان بحنيه بيمسح دموعها ثم قال بحب وعشق : هو في قمر بيعيط وبعدين يعني انا خرجتك وجيبتك هنا زي ما وعدتك وانتي برده زعلانه وبتعيطي اهو متخلنيش هندم اني جيبتك هنا بقا
اماني : انا فرحت انِ شوفت مِسِك دي احسن حاجه انت عملتها ليا انهارده
مروان بابتسامه : طل كويس يعني بقيتوا صحاب خلاص
اماني : طبعا انا عايزه اشوفها كل يوم كمان
مروان بابتسامه : لدرجادي
اماني : واكتر انا شوفت البراءه في مِسِك وحبيتها كا اخت ليا وعايزه هخرجها من الحزن اللي هي فيه
مروان بتنهيده : ان شاء الله
ثم قال مروان في سره : ربنا يهديك يا صحبي وقلبك ينور وتبدأ تفرح من جديد ويحنن قلبك على البنت الغلبانه ومش انا وبس اللي لاحظت حزنها وخوفها لا كمان اماني اللي لاحظت يارب تكون البنت دي سبب فرحتك ورجوعك لينا من تاني
ثم قال وهو ينظر لي اماني : هوعدك اني انسيكي كل الماضي واخليكي سعيده دايما .
ــــــــــــــــــــــــــــــــــــــــــــــــ
حنان بطمع : بس قولي صح انت مش ناوي تروح تشوف بنتك
عادل بقسوه : انا ما صدقت انها اتجوزت وخلصت منها
حنان بضيق : افهم الفلوس اللي معانا ممكن تخلص في اي وقت ومفيش غير الباشا اللي ناخد مره الفلوس
عادل : بس احنا خلاص خدنا تمنها
حنان : افهم يا راجل احنا معانا كنز كبير وجوز بنتك هو البنك بالنسبالنا وخصوصا لو الفلوس اللي معانا خلصت ساعتها هنرجع نشحت من تاني
عادل بتفكير : كلامك صح يا حنان انا بيعت البت دي علشان الفلوس ولازم اكسب اكتر من كده
حنان بطمع : يبقي تجهز بكره يا حبيبي علشان نروح نشوف بنتك المصونه
عادل هز راسه بطمع
ــــــــــــــــــــــــــــــــــــــــــــــــ
جاسم دخل الجناح وسمع صوت عياط في البرندا
مِسِك بدموع : يا ماما انتي فين وحشتيني اوي ، لي سبتيني لوحدي انا محتاجلك اوي ، شوفتي يا ماما بابا باعني لي شخص غني حتي انا افتكرت اني الشخص الغني ده هيكون احن عليا بس ازاي إذا كان ابويا نفسه بيكرهني وعمره ما كان حنين عليا
جاسم بيسمع كلامها وغصب عنه قلبه بيوجعه علشانها
مِسِك بدموع : يا ماما تعالي خديني انا تعبت اوي من بعدك
جاسم خرج من القصر كله وهو موجوع
ــــــــــــــــــــــــــــــــــــــــــــــــ
اشرف : اهلا انتي مش بتروح ولا اي
عاطف بضحك : لا بروح اكيد بس الصبح
اشرف بيشرب : طب هي بوسي جات ولا لسه
عاطف : ايوه جات من شويه بس مع زبون استنا وهتلاقيها جايه
جلس اشرف على مقعده ومنتطر بوسي
عاطف بوقاحه : اه صح هو الراجل اللي اتجوز اختك مقالش هيرميها امته
اشرف بشر : لا مش عارف بس اه صح انت فكرت في خطه ولا لسه
عاطف بوقاحه : لا لسه بفكر اهو علشان بس اخد اختك
اشرف : اممممم ماشي فكر وانا برده هفكر ازاي اخد الفلوس من جوزها
عاطف بشر : انت لازم تخلي يثق فيك وندخل انا وانت بيته ويكون في ثقه
اشرف بشر : انا بفكر ازاي هخلي يثق فيا اهو بس اصبر وهتلاقي خطه محدش يعرفها
عاطف بضحك وهو سكران : هي دي الصحوبيه فعلا
بوسي بدلع : هاي يا روحي عامل اي
اشرف : بخير يا قلبي سالت عليكي عرفت انك مع زبون
بوسي بدلع : ايوه فعلا
اشرف بغمزه : طب اي مش يلا
بوسي بضحك صوت عالي : يلا يا قلبي
عاطف بسكر : ايوه ياعم
اشرف قام مع بوسي
ــــــــــــــــــــــــــــــــــــــــــــــــ
في مكان لا يوجد فيه احد يقف جاسم وذكريات الماضي بتلاحقه
جاسم بوجع : اعمل اي يارب انا تعبت ازاي هنسا اللي فات ، ازاي هعرف هرجع زي ما كنت ازاي ، من وانا صغير لسه وانا تعبان ومن ساعه اللي حصل وانا بقيت قاسي وده الصح كنت زمان لسه عيل مش فاهم حاجه بس دلوقتي انا خلاص كبرت وبقيت راجل اعمال وعارف كل حاجه ، جاسم الاسيوطي مستحيل يضعف او يحن افضل طول عمري فاكر الماضي علشان قلبي ميعرفش الرحمه ابدا .
ثم قال بقسوه : عمري ما هحن لي اي شخص دايما هفضل قاسي حتي معاها لازم هكون قاسي هي لازم تخاف مني
ظل واقفا يتذكر ماضيه وتظل المعركه بين قلبه وعقله
ــــــــــــــــــــــــــــــــــــــــــــــــ
– انا جاي والله اهو دلوقتي في الطائره
مروان بسعاده : بجد احسن خبر ده جاسم هيفرح اوي
– حاولت هكلموا بس موبايله مقفول
مروان بتنهيده : ايوه لما هتيجي هتعرف كل حاجه المهم اودامك قد اي كده
– الطائره لسه مطلعتش اصلا
مروان بابتسامه : تمام مستنيك وهكلم برده جاسم هقوله
– ماشي وقولوا انِ حاولت هكلموا بس فونه مقفول
مروان بابتسامه : تمام متقلقش تيجي بالسلامه
واه صح انا هاجي اخدك بكره من المطار اشطا
– اشطا يلا باي
مروان : باي
مروان اغلق الخط
اماني : ممكن سؤال
مروان : اكيد
اماني : انت لي فرحت لما كلمك الشخص ده
مروان بتنهيده : علشان بقالوا كتير مسافر واحنا صحاب جدا
اماني : طب هو لي سافر
مروان بتنهيده : بسبب قصه حصلت زمان وهو لما سافر علشان ينسا اللي حصل
اماني باستغراب : قصه اي
مروان بتنهيده وهو يتذكر : خطيبته توفيت من زمان علشان كده هو سافر
اماني بحزن : لا حول الله ازاي ؟!
مروان بحزن : حادثه
ثم قال بابتسامه : وبعدين سيبيك من كل ده انتي مش عايزه تنامي ولا اي
اماني : احم لا هنام تصبح على خير
مروان بابتسامه : وانتي من اهله
ذهبت اماني الي غرفتها
وذهب مروان هو الاخر الي غرفته ولكن وهو شارد
ـــــــــــــــــــــــــــــــــــــــــــــــ
جاسم وصل القصر ثم ذهب الي جناحه ولكن رأي مِسِك نائمه في البرندا وعلى خدودها اثر دموعها
جاسم نظر لها بنظره مطوله ثم حملها ووضعها على السرير ولكن هي فتحت عيونها بخضه
مِسِك بخوف : انت بتعمل اي
جاسم ببرود : لقيتك نايمه جوه قولت هجيبك هنا احسن
مِسِك : بس انا مش عايزه مساعدتك شكرا
جاسم ببرود : انتي فاكره انِ علشان بس دخلتك من البرندا علشان سواد عيونك بتكوني غلطانه وبعدين انا كنت هصحيكي دلوقتي اساسا
مِسِك بدموع : بدل انت مش بتحبني لي إتجوزتني ما كنت تسيبني مع ابويا احسن
جاسم بسخريه : على اساس انك كنتي عايشه في جنه مع ابوكي
مِسِك بدموع : بس كنت بكمل تعليمي
نظر لها جاسم : يعني انتي مستعده تضحي علشان دراستك
صمتت مِسِك بخوف
جاسم بعصبيه : ما تنطقي ها ؟!
مِسِك بدموع : طلقني ارجوك
جاسم بعصبيه قرب منها : اياكي تنطقي الكلمه دي تاني فااااااهمه
مِسِك بخوف : حـ حاضر
جاسم ببرود : ايوه كده شاطره ولا قومي علشان تنامي في الارض يلا
قامت مِسِك مسرعه بخوف وهي تبكي لكي تنام علي الارض
ــــــــــــــــــــــــــــــــــــــــــــــــ
يوم جديد
جاسم : مروان اياك تتاخر انهارده ها
مروان بابتسامه : ماشي بس صح في مفاجاه ليك
جاسم : مفاجاه اي
مروان بابتسامه : هتعرفها في الشركه يلا سلام اه صح انا هاجي الشركه الساعه 10ونص كده
جاسم : مروان اياك تتاخر
مروان بابتسامه : متقلقش انا هجيلك قبل الساعه 1 والله
جاسم : ماشي اما نشوف يلا سلام
جاسم اغلق الخط مع مروان
جاسم نزل من الجناح
الداده نعيمه : صباح الخير يا ابني
جاسم : صباح الفل يا داده
نعيمه : اي ده مش هتفطر
جاسم : لا هشرب القهوه في الشركه
نعيمه : طب و مِسِك صحيت
جاسم ببرود : معرفش ومش تهمني في حاجه وانا مصحتهاش زي كل يوم مش علشان سواد عيونها يا داده لا علشان انا بس مستعجل انهارده يلا سلام
ذهب جاسم الي الشركه
نعيمه حزن : يارب ريح قلبه ويحن على المسكينه اللي فوق يارب
ــــــــــــــــــــــــــــــــــــــــــــــــ
نزل من الطائره وهو يبتسم
– واخيرا رجعت لي بلدي بعد خمس سنوات
ــــــــــــــــــــــــــــــــــــــــــــــــ
اي اللي هيحصل ؟!
اي اللي حصل في حياه اماني علشان كده مروان اتجوزها ؟!
وهل مروان هيسيبها في يوم ولا هيفضل معاها ؟
مِسِك هتكمل دراستها ولا لا ؟!
جاسم لي كل ما يفتكر الماضي بيتوجع واي سبب قسوته دي ؟
مِسِك وجاسم قصتهم هتكون مع بعض فعلا ولا هيحصل حاجه تفرقهم قبل ما تبدا قصتهم ؟؟
اشرف وعاطف خطتهم هتكون اي وهل هتنجح ولا لا ؟!
اي حكايه صاحب جاسم و مروان واي قصته ؟!
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية طفله في عرين الشيطان)