رواية الزواج الإجباري الفصل السادس 6 بقلم مريومة

رواية الزواج الإجباري الفصل السادس 6 بقلم مريومة

رواية الزواج الإجباري البارت السادس

رواية الزواج الإجباري الجزء السادس

رواية الزواج الإجباري الحلقة السادسة

انا مش عارفه هو ليه حظي من الدنيا مع ناس بتفكر في مصلحتها وبس…
الاول اتجـوزت علي وقلت عشان خاطر بابا ميتحبسش وعشانه هعمل اي حاجه..
و بعدين علي يطلع متجوز و عايش عادي و بكل بجاحه يقولي هعدل بينكوا..
و بعدين امه تقولي اتجوزية عشان تجيبلنا حته عيل… هو انا الحيطه المايلة بتاعتهم ولا اي…
مفيش اي حد بيحس بيا.. ليه حاسين اني جبل ممكن استحمل و لا اتجـرح..
رجعت بيتي و قـعدت قدام التليفزيون بتفرج علي المسلسل لحد ما لقيت مالك بيرن بصيت للرقم بضيق و بعدين رديت..
علي: ازيك ي ملك!
ملك: الحمد لله انت أخبارك اي!؟
علي: بخيـر الحمد لله.. كنت عاوز اشكـرك عشان جيتي لندي لما كانت تعبانه..
ملك: مفيش داعي للشكـر.. ألف سلامه عليها وربنا يعوض عليكم ي رب..
علي: ي رب.. و ماما قالتلي علي الموضوع اللي كلمتك فيه.. انا اسف اوي والله ي ملك هي اكيد ضايقتك بس انا قولتلها متفتحش الموضوع دا تاني لا معاكي ولا مع غيرك..
ملك: علي.. خليك جنب مراتك.. لازم تبقي انت اول حد هي تفكر فيه في موقف زي اللي حصل.. موبايلك ليه مبتردش عليه وقت الشغل افرض حصل حاجه ضروريه معاها مهو الشغل مش أهم منها.. خليك معاها..
علي: معاكي حق.. انا اسف بجد
ملك: اعتذر ليها هي.. يلا سلام عشان ورايا مسلسل..
علي: سلام..
قعدت اتفـرج علي المسـلسل و قدامي طبق الفشار بتاعي لحد ما لقيت بابا و ماما جايين ورا بعض..
ملك: اي مالكوا!
محمود: كنا عاوزين نقولك حاجه..
ملك: قولوا.. في حاجه ولا اي!
عزة: فاكرة في فرح اختك من اربع شهـور ام أحمد اللي جت سلمت عليكي..
ملك: ااااه.. امم مالها ام احمد ي ماما..
عزة: ابنهـا طالبك للجواز..
ماك: مين احمد!
عزة: هيكون مين يعني!
ملك: اه.. طيب ابنها طالبني اعمل اي.. عاوز اي يعني..
محمود: ي بت بطلي اللماضة.. ارد ع الراجل اقوله اي!
ملك بهدوء: قوله يجي ي بابا و اللي فيه الخير يقدمه ربنا..
عزة بفرحه: بجد..
ملك: علفكرا انا موافقتش.. لسه بدري ع الموافقه..
عزة: المهم ان المبدأ موجود.
ملك: حاسه اني قاعده علي قلبك ي عزة..
عزة: اه الصراحه زهقت منك.. مبتعمليش معايا حاجه و مقضياها اكل طول النهار..
ملك: انا بتهان في بيتك ي حاج..
محمود بضحك: الله ي عزة لو متدلعتش في بيت ابوها يعني هتدلع فين!
عزة بغضب: عند الست ندي.. كنتي بتعملي اي هناك ي بت..
ملك: كانت تعبانه و ملقتش حد غيري تتصل بيه اسيبها..
عزة: لا الف سلامه ي حنينه..
ملك: اسكتي ي ماما دي خسرت الجنين..
عزة: بجد.. لا حول ولا قوة الا بالله.. مكنتش اعرف..
ملك: زعلانه عليها والله ي ماما برغم اني لا بحبها ولا مالك بس زعلت عليهم..
عزة: مهو من اللي عملوه فيكي..
ملك: لا ي ماما.. اوعي تكوني شمتانه فيهم.. ربنا يرزقهم بالذرية الصالحه دي حاجه صعبه ي ماما…
عزة: عارفه ي بنتي.. ربنا يكملك بعقلك و توافقي ع العريس ي رب..
ملك: شوف بردو.. طب اي رايك بقي علي قلبك..
عزة: م انتي كدا كدا علي قلبي لحد ما اموت يعني بعد ما تتجوزي ما انا هفضل شايله همك..
ملك: بعد الشر عليكي ي ماما…
حاسه ان أهلي شايلين فوق طاقتهم و خايفين عليا ب زيادة.. خايفين اني ارفض فكرة الزواج بسبب تجربتي.. بس لا أنا عاوزة اعيش حياة مستقرة ويكون ليا بيت و اطفال و زوج محب..
بس الوقت.. حسيت اني محتاجه وقت لنفسي ارتاح فيه…اخد هدنه و لما حسيت ان حد مناسب اتقدم قولت اي المانع…
انا عارفه أحمد دا انه شاب كويس و عيلته محترمه.. صحيح معرفش عنه كتير وعشان كدا مقولتش موافقه ولو حتي مبدأيه.. لان قراري لازم يكون سليم..
يوم الرؤية الشرعية كان جـاي ومعاه اخته و والدته و عمه…
والدته: انتي بتشتغلي اي ي ملك!؟
ملك: مصممه في شركه دعايا..
أخته: الله ديزاينر..
ملك ب ابتسامه: اه..
أحمد: هي عاوزة تبقي مصممه و انا بصراحه بشجعها انها تدخل الحاجه اللي حباها..
والدته: بس دي جايبة مجموع طب..
أحمد: اي المشكله ي ماما هي تدرس اللي حباه..
والدته: طيب.. خلاص مش وقته..
عزة: طيب نسيبكم تتكـلموا..
قعدت معاه لوحدي و كنت متوترة مع اني حاسه اني اخر فترة شخصيتي كانت شديدة مش حساسة زي الاول…
أحمد: متوترة!
ملك: لا.. لا انا تمام..
أحمد: علفكـرا أنا كنت خاطب من فترة او كنت كاتب كتابي عليها بس توفاها الله..
ملك: ربنا يرحمها.. من قد اي!
أحمد: يعني من خمس سنين كدا..
مبك: أنت عندك كام سنه..
أحمد: 30.
ملك: أنا 26..
أحمد: طيب كلميني عن نفسك..
ملك: انا.. يعني انا معنديش حاجه اقولها اوي.. اهم حاجه طبعا اني كنت متجـوزة و اتطلقت.. كان ابن عمي ف هتشوفه كتير لو حصل نصيب…
و انا اشتغلت بعد طلاقي و حابه اكمل في الشغل بتاعي…
أحمد: علفكرا بحس شغلك ممتع.. برغم انه متعب شوية..
ملك: اه.. اغلب الناس فاكره شغل الديزاين تسليه وقت..
أحمد: معتقدش.. بيبقي عاوز شغل و تفكير و فن كمان..
ملك: أيوا..
أحمد: أختي عاوزه تدخل كليتك اوي بس ماما مش راضيه.. انا موافق بس يعني هو قرارها و بصراحه براقب من بعيد اشوفها هتصمم عليه ولا لا..
ملك: لو صممت!!
أحمد: هتطمن عليها أنها تكون قوية في شخصيتها بس طبعا من غير ما تضايق ماما يعني تحاول تقنعها.. اااممم قوليلي بتحبي الخـروج و السفر و كدا…
ملك: بحب البيت اكتر بصراحه بفرهد بسرعه بس في نفس الوقت اما بخرج بحب اقضي وقت حلو..
أحمد: اااه.. طيب أنا عـرفت انك أنتي اللي طلبتي الطـلاق و كدا.. وو
ملك بمقاطعه: عرفت انه كان متجـوز عليا.. بس مش اكتر ولا اقل من كدا..
أحمد: تمام.. ااه عاوزه تسأليني في حاجه تانيه يعني اي سؤال يخـطر علي بالك خليكي تلقائية..
ملك: لا.. أنا معنديش اسئلة كتير الحقيقه..
أحمد: تمـام…
بصراحه هو انا مقدرتش افهمه اوي.. يعني كنت حابة اعرف عنه بس مكانش عندي سؤال معين اسأله ليه..خليت بابا يسأل عنه تاني و عن عيلته و أهله و صليت استخـارة و حسيت اني مرتاحه ليه.. ف أخدت الخطـوة…
عزة: يلا ي ملك المأذون خلاص هيوصل وانتي لسه ملبستيش..
ملك: بقولك اي هو أحمد جه!
عزة: أيوا كله برا.. انتي اللي متأخره..
ملك: خلاص ي ماما هخلص اهو..
لبست فستـاني و خرجـت كان قاعد جمب بابا و بيتـكلم أول ما شافني ابتسم ليا و يلهووي اي دا في اي..
انا كنت مبسوطه اوي و مرتاحه بشكـل كبير..و خلاص كدا من اللحظه دي اتجـوزت!
أحمد: مبروك عليا والله..
ملك بإبتسامه: مبروك..
بعد 8 سنين..
.
ملك: قمرررر.. انتي بت ي قليلة الأدب تعالي هنا..
أحمد: هششششش… مين دي اللي قليله الأدب.. دي مش قمر دي رانية.
ملك: رانية اااه.. رانيةزي ابوهـا.. بتاعتك شدت شعـر جنة بنت أختي عشان بيتخـانقوا علي ابن ندي..
أحمد بصدمه: ابن ندي دا االي هو ابن علي..
ملك: مهو علي متجوز ندي ف اكيد ابنهم هما الاتنين..
أحمد بصدمه: بنتي انا بتتخانق عشان واحد… عشت وشوفت اليوم دا ي أحمد..
احمد: اتفضل بقي ربي الملاك بتاعتك..
أحمد بضيق: م أنا قولتلك متوديهمش هناك لما يكون ولاد علي هناك انتي عارفه اني مبحبوش..
ملك: دول عيال ي أحمد و بيلعبوا مع بعض..
أحمد: بهزر معاكي ي بنتي.. انا هتكـلم مع قمر و اعتذرنا ي ستي من جنة..
ملك: بجد والله ي احمد البنت صعبه أوي.. أخوها أعقل منها..
أحمد: هو سنها بس عندها نشاط.. نستحملها بنتنا بردو…
ملك: طيب…
أحمد: استني المعمل بعت تحاليل الأنيميا بتاعتنا احنا والعيال…
ملك: اكيد عمر عنده انيميا..
أحمد بصدمه: ااي دا..
ملك: اي!!
أحمد: ملك أنتي حامل..
ملك بصدمه: ااااااي!!!!!
أحمد بضحك: انتي حامل.. انا هبقي اب تاني..
ملك بصدمه: قصدك تالت…هو انا قادرة علي اتنين دا انا هروح مستشفي المجانين قريب…
أحمد بضحك: حد يزعل كدا بردو عشان هيجيلوا نونو قريب…
ملك: مهو لو أنت بتحمل و تولد و تربي مش هتقول كدا..
أحمد بضحك: هتعترضي يعني علي أمر ربنا.. ياتي يخراشي علي ام العيال..
ملك: ام العيـال!!! اراهن أنك مسميني ع التليفـون الحكومه ولا الجماعه.. وريني تليفونك كدا وريني..
أحمد: اتفضـلي…
ملك ب خجل : رفيقة القلب والروح..
أحمد: بحبك والله حتي وأنتي لاسعه كدا..
ملك: أنا لاسعه!!
أحمد: ي لهووووووووي…
________تمت______

لقراءة باقي حلقات الرواية اضغط على : (رواية الزواج الإجباري)