رواية خادمتي البشعة الفصل الثلاثون 30 بقلم الكاتبة المجهولة
رواية خادمتي البشعة الفصل الثلاثون 30 بقلم الكاتبة المجهولة
رواية خادمتي البشعة البارت الثلاثون
رواية خادمتي البشعة الجزء الثلاثون
![خادمتي البشعة](https://darmsr.com/wp-content/uploads/2024/03/خادمتي-البشعة-300x172.jpg)
رواية خادمتي البشعة الحلقة الثلاثون
ياسين دخل فيلا جاسر وجد أمه بالحديقة، ذهب إليها و باس ايدها
ياسين بابتسامة: أخبارك يا ست الكل
مني: بخير حبيبي، انت عامل إيه و أخبار منار
ياسين: بخير الحمد لله ، أمال فين حياة
مني: جه ابن خالها خادها، خالها رجع من السفر.
ياسين بغضب: و هي متعرفش تروح لوحدها و لا تماحيك و خلاص
مني : عيب كدا يا ياسين، و انت عارف حياة أد إيه انسانه محترمة ، ولا انت اللي غيران.
ياسين بتوتر : بتقولي إيه يا أمي
مني: للأسف يا ياسين عيونك فضحاك ، حاول معاها يمكن
قاطعها ياسين : مينفعش يا أمي، هي مش شايفا حد غير جاسر و حتي لو رضيت، حيفضل جاسر بينا دايما، لأني شايفه في قلبها و عنيها، حياة من النوع اللي لما يحب يحب بجنون، لا يمكن ينسى حبيبه حتي لو بقي وجوده مستحيل ، أنا حعجل بجوازي من منار، عشان اقدر أشيلها خالص من دماغي
اللهم صل علي محمد
مني: أنا خايفة تظلم منار معاك
ياسين: متقلقيش يا أمي، أنا أعرف أتحكم في مشاعري كويس، و بعدين حياة بالنسبالي درس اتعلمت منه، لان أنا بتسرعي و ظنوني ضيعتها مني من البدايه، فمش حضيع منار كمان.
دخلت حياة بابتسامة: السلام عليكم
ردا السلام
مني: حمدالله علي سلامة خالك حبيبتي
ثم دخل خلفها ابراهيم و ضمها من كتفها: السلام عليكم
حياة بسرعة قبل ان تدور بهم الظنون: أقدملكم خالي ابراهيم، أول مرة ينزل مصر من حوالي ٢٥ سنة
مد ابراهيم يده و سلم علي مني و ياسين
ياسين: و خيلانك دول حيخلصوا امتي؟
ابراهيم بضحك: أوه كتير متعدش
نظرت له حياة باستغراب: ماما الله يرحمها مكلمتنيش غير عنكم
ضحك ابراهيم: لأنها متعرفش غيرنا ، لكن انت ناسية اخوات أمي و أولادهم.
حياة: واو،لا لا كفاية عليه ، انت و خالو علاء
ابراهيم: خالو مارك، أخو جدتك، يشتاق ان يراكي
حياة: و لكني لا أود رؤيته، هو من فرق بينكم و أمي و تسبب في موت جدي حزنا عليكم
ابراهيم بحزن: كلنا غلطنا حياة، و أولنا أمي الله يرحمها
أتي أحد الحراس: في واحد عاوزك يا هانم
حياة: مين
ظهر عاصم من البوابة
ياسين و هو ينظر لحياة: و مين دا كمان
حياة: دا عاصم أخو مراة بابا، ثم وجهت كلامها للحارس: خليه يتفضل
عاصم: السلام عليكم، آسف اني جتلكم من غير ميعاد
حياة: لا أبدا اتفضل، البيت بيتك، تشرف في أي وقت، حضرتك خال خواتي، أخبارهم إيه
عاصم و هو يحني رأسه: للأسف حبيبة و حنين تاهو، ومش عارفين ليهم أثر.
اللهم صل علي محمد
حياة بدموع: ازاي يعني، و كانوا فين
حكالهم عاصم اللي حصل.
ياسين: مبلغتش الشرطة
عاصم: الشرطة قالت، لما يمر ٤٨ ساعة نبقي نبلغ، و أنا طول النهار بلف عليهم، و مفيش أي أثر.
دخل فهد و جدهم واقفين و حياة تبكي: في إيه يا جماعة حصل إيه
مني: اخوات حياة من أبوها مختفيين و مش عارفين راحوا فين
فهد: متقلقوش حكلم الرائد عز الدين
في خلال نصف ساعة كان عندهم عزالدين: متقلقيش مدام حياة، ان شاء الله انهاردا يباتوا في حضنك
حياة ببكاء: يا رب يا رب
عزالدين حزن لحالها و استأذن و انصرف
دخل حازم: السلام عليكم و لكنه انصدم عندما رأي عاصم
أحس عاصم بالإحراج: استأذن أنا و اللي يوصل لحاجة يكلم التاني، ثم نظر لحياة ممكن تليفونك
ياسين طلع كارت، اتفضل، دا تليفوني، ثم اعطاله تليفونه : اكتب رقمك، كتبه عاصم و نظر لحياة و استأذن
حازم: إيه اللي جابه هنا دا
ياسين: هو انت تعرفه
حازم: دا أخو جوز أم حياة، و كان عاوز يتجوز حياة بالعافية
قبض ياسين علي يده ثم نظر لحياة: وراكي إيه تاني، ثم أخذ مفاتيحه من علي المنضدة و ذهب.
كل هذا و ابراهيم يتابع في صمت
مني: يعيني عليكي يا بنتي ، تطلعي من مصيبه لمصيبة، يالله يا حازم، عشان عندي ميعاد مع الدكتور، انت في بيتك و مطرحك يا ابراهيم بيه
وقف ابراهيم : متشكر أوي يا هانم ،
بقيت حياة و ابراهيم فقط
ابراهيم: انت جميلة أوي يا حياة
نظرت له حياة باستغراب و مازالت دموعها تنزل علي وجنتيها: هو دا وقته يا خالي
ابراهيم: المشكلة ان جمالك جواكي و براكي يخلي أي حد يتعامل معاكي، يتصاب بلعنتك
اللهم صل علي محمد
رن تليفون حياة وجدته ياسين: السلام عليكم
ياسين: حضرة الرائد رن و قال انهم لقوا اخواتك، وقفت حياة بفرحة : بتتكلم جد، رد ياسين: أنا لسه معرفتش تفاصيل حروح القسم و ارجعلك بيهم، و أغلق الخط، ثم وجدت الرائد عزالدين يدخل و معه البنتان
جريت عليهما حياة و أخذتهم في حضنها: لقتوهم فين
عز: يا دوب كنت لسه ماشي من عندكم و بعمل اتصالاتي ، لقيت في بلاغ من واحد وجد بنتين بعيطوا في الشارع
اللهم صل علي محمد
حياة: أنا بجد مش عارفة أقولك إيه، متشكرة أوي أوي
عز بابتسامة : دا واجبي يا هانم
ابراهيم: اتفضل يا حضرة الرائد
عز: لا أنا لازم ، أمشي، و أي حاجة تحتاجيها مني مدام حياة كلميني و دا الكارت بتاعي.
حياة: معلش أن كنت بتقل عليك، بس أختهم نرمين، عاوزين نطمن عليها،
عز: البحث جاري عنها، و ان شاء الله ترجع سالمة.
حياة أحست بخجل من نظراته: أنا عاجزة عن الشكر
عز: متقوليش كدا، عن إذنكم، و انصرف
كان ابراهيم ينظر بغموض.
حياة: لازم نتصل بأم البنات زمانها حتموت عليهم
ابراهيم : كلمي ياسين، يكلم عاصم.
كلمت حياة ياسين.
مر يومان و البنات بقوا مع حياة برجاء منها من عاصم، حيث أمهم في حالة نفسية لغياب ابنتها
أحضرت حياة الكثير من اللعب و اللبس لأخواتهاو كانت تجلس معهما تلاعبهما و حست بألم شديد مفاجئ، فوقفت و ندهت عزة
عزة: أيوة يا حياة(لم ترضي حياة ان ينادوها هانم)
حياة: ناديلي طنط وداد بسرعة و خلي بالك من البنات، عشان حسه بتعب و حروح المستشفى، هي ماما مني لسه مرجعتش من عند دكتر ياسين
عزه: لا لسه، تعالي اساعدك تغيري
حياة: لا روحي نادي طنط وداد و انا حقدر ألبس لوحدي.
جاءتها وداد مسرعة و ساعدتها في النزول و ذهبا المستشفي
دخلوها العمليات و جاءت مني و ياسين مهرولين و كذلك خلانها و كوزيت و منذر، وقفوا جميعا بالخارج يدعون لها
قليلا و خرجت الممرضة: ألف مبروك ولدين زي القمر
تفاجأ الجميع و بعد قليل نقلت لحجرة عادية و الاولاد بالحضانة
بدأت تفق حياة: و الكل حولها و تتحدث و هي في اللاوعي: جاسر ارجعلي، جاسر وحشتني، سيبيني ليه، جاسر الصغير محتاجك
جاءت الدكتورة: و فحصتها
مني ببكاء لذكر جاسر: هي مفقتش و بتخترف يا دكتورة
الدكتورة: متقلقيش طبيعي بسبب البنج.
،مر أسبوع و حياة بفيلتها و هي تنيم أطفالها و تقبلهم دخلا أخواتها حبيبة و حنين.
حبيبة: عاوزة أبوس النونو
حياة بحب: هما نامو دلواتي و
اللهم صل علي محمد
لما يصحوا حخليكو تبوسوهم
دخلت مني بابتسامة: اخبارحبايبي جاسر و جاد عاملين إيه
حياة: طلعوا روحي علي ما ناموا
مسكت حبيبة و حنين: يالله ننزل تحت ، عشان نسيبهم نايمين، بعد أن خرجا.
مني: مفيش جديد بخصوص أم البنات.
حياة بحزن : حضرة الرائد كلمني امبارح و قال البنت ملهاش أثر
و عاصم قال ان امهم حالتها صعبة و معتش بتتكلم بس تنده علي أنوار
مني: لا حول و لا قوة إلا بالله، ربنا يفك كربهم.، طب البنات دول المفروض يدخلوا حصانه
حياة: أنا ادمتلهم في حضانه، و من بكرة حيجيلهم الباس
و هم نازلين وجدت خالاها علاء و ابراهيم، جريت عليهم و احتضنتهم
علاء: أنا ضبطلك كل شئ بخصوص الحفلة.
ابراهيم: و أنا دعيت كبار رجال الأعمال اللي ليهم شغل ما بين مصر و فرنسا
علاء: دا غير الوزراء و رجال الأعمال المصريين
حياة: ربنا ما يحرمني منكم أبدا
ابراهيم: احنا في ضهرك و عاوزين نعوض فيكي، تقصيرنا مع أمك الله يرحمها
علاء: حتسمي الشركة الجديدة إيه
حياة: جاسر و أبناءه للإستيراد و التصدير
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية خادمتي البشعة)