رواية نوبة حب الفصل الأول 1 بقلم نيرة وائل

رواية نوبة حب الفصل الأول 1 بقلم نيرة وائل

رواية نوبة حب البارت الأول

رواية نوبة حب الجزء الأول

رواية نوبة حب الحلقة الأولى

“خطيبك مخلف و عنده ولد ”
قريت المسدچ و انا بضحك
_ بتضحكي على ايه ضحكينا معاكي
قالها فريد خطيبي بابتسامة
سكتت شوية و انا براقبه بنظرات كلها شك
اتكلم باستغراب و هو بيشرب قهوته
_ في ايه يا حياة
_ انت عندك ولد؟
فجأة لقيته بخ القهوة اللي كان بيشربها
_اييييه؟!
مقدرتش امسك ضحكتي اكتر من كدا
_ بتضحكي على ايه
_ عليك انت مش شايف شكلك عامل ازاي
كملت و انا بضحك
_ المسدجات اللي بتجيلي على صراحة دي غريبة جداً
انا متأكدة انها ملك بنت خالك بس المرة دي وسعت منها اوي
_طيب ما تقفلي اكونت صراحة دا خالص
_ لا خليه ملك مسلياني بتخليني الاقي اسباب انكد بيها عليك
مسك ايدي و اتكلم برجاء
_حياة انا بحبك مش عايز اي حد مهما كان يوقع ما بينا انتي فاهمة
_ و انا عمري ما اسمح لحد يعمل كدا
انا واثقة فيك يا فريد
شدد على ايدي و هو بيبتسم
بادلته الابتسامة و انا بكمل
_ كلها شهر و نتجوز و نسافر
في البلد الغريبة دي هيبقى انت الوحيد اللي اعرفه
هتبقى اماني الوحيد هناك
انا سايبة بلدي و اهلي و كل حاجه ورايا عشانك
متخيل بثق فيك قد ايه
_ عارف لكن…
قاطعته و اتغيرت نبرتي لتحذير
_ لكن لو خونت ثقتي دي في يوم انا ممكن اقتـ’ـلك
ابتسمت و انا بطبطب على ايده اللي كانت ماسكة ايدي بقوة
____________________________________
_ يا ملك مش كل شويه تتفرجي على صورهم حرام عليكي نفسك
غمضت عنيها بألم كمحاولة منها انها تمنع دموعها من النزول
لكن منجحتش في دا
اتكلمت بصوت مبحوح
_ كنت ممكن ابقى مكانها صح؟
_ ملك…
كملت كلامها بانهيار
_كان هيحصل ايه لو حبني انا
انا عشت احلم بنظرة واحدة منه
لكن عمره ما لاحظني
_ بس احنا قلوبنا مش بإيدينا يا ملك
منقدرش نحاسب حد على اختياراته و مشاعره
لازم تفوقي لنفسك بقا
بعدين في ناس بتحبك متضيعيهاش من ايدك
_ هيفيدني بإيه لو كل الدنيا حبتني مادام اللي بحبه
مش حاسس بيا يا نجمة
_بس…
قاطعتها بعيا’ط و نبرة كلها حقـ’ـد
_ بس كان ممكن يحبني لو حياة مكنتش موجوده
_انتي مفيش فايدة من الكلام معاكي يا ملك
هوسك بفريد دا هيدمر’ك في يوم و افتكري كلامي
_ازيكم يا بنات
قاطعهم صوت زياد و هو بيسحب كرسي عشان يقعد
_ طيب انا هستأذن
قالتها ملك وهي بتمشي
_ هي مالها يا نجمة
_ ملهاش هي كانت ماشية اصلا
_ طيب فتحتي معاها موضوعي
_ زياد
_ اهااا… كملي
_ ملك لسه بتحب فريد و كلنا عارفين كدا
ياريت تبطل توهم نفسك بقا
_ حب ملك لفريد دا عمل مشاكل كتير قبل كدا
و دمر الشلة و فرقها…. هي مستنية تعمل ايه تاني
_ انا وحشني زمان لما كنا بنتلم كلنا
_ انتي غلطتي لما بعدتي عن حياة
_اناا اختارت ملك كنت شايفاها مظلومة وقتها
_ طيب و دلوقتي؟
_ لو رجع بيا الزمن كنت هختارها تاني لأنها مينفعش تبقى لوحدها
ملك محتاجة تتعالج يا زياد
تصرفاتها مش طبيعية و هتأذي نفسها
_____________________________________
” بعد مرور شهر ”
كنت في طريقي للميكب ارتست عمر اخويا كان بيوصلني بعربية بابا
اهم يوم في حياتي انا فيه لوحدي لا عندي اخت و لا صحاب
سندت راسي على الشباك و انا بتنهد بضيق
و بفتكر ازاي كنا شلة من 5
اتولدنا كلنا في نفس السنة اتربينا في نفس الشارع
دخلنا نفس المدرسة
كبرنا سوا اصحاب و حبابيب لحد ما…..
” قبل 4 سنين ”
_ طبعاً كلكم عارفين اني اتقبلت في المنحة و هكمل دراسه في استراليا
قالها فريد وهو بيفرك ايديه بتوتر
ردت نجمة بخفة
_بقالك ربع ساعة مقعدنا قدامك عشان تقول الكلمتين دول يعني
_ لا انا عايز اقول حاجه تانيه
ردينا كلنا بنفاذ صبر
_قوووووووووول
اخد نفس وهو بيغمض عينيه و اتكلم بسرعة
_ انا هخطب حياة قبل ما اسافر
كنت بشرب عصير وقتها شرقت لدرجة اني بخيته كله في وشه
انا و فريد بنحب بعض من واحنا اطفال لكن كان حب صامت
احنا الاتنين عارفين حقيقة مشاعرنا ناحية بعض لكن ولا مرة
صارحنا بعض بيها
حبنا كان نقي لأقصى حد
قطع الصمت دا زرغوطة نجمة اللي فجأتنا اكتر من كلام فريد نفسه
اصلها مش بتعرف تزرغط و كلنا عارفين
_ انا زرغطت… زرغطت بجد
قالتها و هي بتنطط من الفرحة و كنا بنضحك كلنا
الا ملك اللي كانت بتبص ليا بطريقة غريبة استغربتها
لكن استغرابي مدامش كتير
_ حياة انا كلمت والدك و اخدت منه معاد يوم الجمعة هنيجي نتقدم
_ لا
التفتنا كلنا لمصدر الصوت و اللي كان ملك
علامات الاستفهام كانت على وش كل واحد فينا
مستنين منها تبرير لكلمتها
_ ليه… ليه حياة
انا هنا…. انا بنت خالتك
مش كانوا دايما بيقولولنا ملك لفريد
قربت عليه حضنته و هي بتعيط
_ انا بحبك يا فريد
اعترفت بحبها اللي عمر ماحد مننا حس بيه و لا عمرها بينته قدامنا
كنت لسه همشي لكن فريد مسك ايدي و بعد ملك عنه
_ متمشيش يا حياة
هزيت راسي بـ لا و عنيا اتملت بالدموع
_مبقااش ينفع
كنت همشي لكن وقفني تاني وهو بيشدني لحضنه
لأول مرة كنا نبقى بالقرب دا
_ انا بحبك يا حياة
وقتها جن جنون ملك اللي شدتني من شعري ووقعتني في الارض
وتقريباً دي اول مره كانت تضرب حد في حياتها
نجمة وزياد بعدوها عني و فريد قومني وهو بيطمن عليا
مسك ايدي بقوة و مشينا خطوتين لكن وقفنا صر’خة زياد بأسمي
التفتت لكن ملحقتش استوعب فيه ايه لأن فريد كاان وقف قدامي و حضني بعدها الكل جري علينا و هما بيصر’خوا
كانت دماغ فريد بتنزف
و ملك واقفة مكانها مصدو’مة
ادركت اللي حصل وقتها و إن ملك كان قصدها تحدفني انا بقالب الطوب
لكن فريد اللي فداني
معرفش ازاي قدرت تعمل كدا
كانت حد تاني غريب تماماً
انا عمري ما اتخيلت منها الاذى
” الحاضر”
فوقت من الذكرى دي على صوت عمر
_وصلنا
_ ممكن تطلع معايا لحد فوق
هز راسه بابتسامة و طلعت انا و هو
عمر اخويا الكبير دايماً هادي
ناس كتير بتفتكره بارد
لكن انا عارفه انه مش بيعرف يعبر عن مشاعره
_ انتي هتسافري النهارده بجد
_ والله انا نفسي مش مصدقة اني هسافر النهارده
_ مودعتيش نجمة؟
هزيت راسي بنفي و عيوني دمعت
_ مش عايزة تودعيني يعني
التفتت لمصدر الصوت و انا مش مصدقة اني شايفاها قدامي
_نجمة؟
حضنتها و انا بعيط
قد ايه كانت واحشاني
مع انها اختارت ملك و فضلت جمبها
لكن انا مقدرة انها عملت الصح وقتها
رغم ان الصح دا وجعني انااا
_ مقدرتش اسيبك في يوم زي دا
مهمنيش اي حاجه و لقتني بجري
عليكي… وحشتيني اوي يا حياة
فضلنا حاضنين بعض حوالي خمس دقايق
كأننا بنعوض الـسنين اللي فاتت كلها
لكن ياريت اللي فات بيتعوض فعلاً
فضلت جمبي طول اليوم و مسابتنيش لحظة
قد ايه اتمنيت وجود ملك معانا
لكن للأسف مستحيل
و أخيراً جه الليل و الفرح بدأ
كل حاجه كانت ماشية تمام
كتبنا الكتاب و بقيت مرات فريد رسمي
حب طفولتي و مراهقتي و شبابي
بقى جوزي و اتحقق حلم عمري
لكن فجأة ظهرت ملك في الفرح و كأنها جاية
تقولي إني سرقت حلم حد تاني
وقفت قدامي و هي بتبتسم و قربت تسلم عليا
همست جنب وداني
_ انا بكرهك يا حياة
نفس الكلمة اللي قالتهالي من سنين
رغم اللي حصل منها زمان
و صد’متي فيها وقتها
الا اني رفضت فريد و قررت احافظ على علاقتنا
لكنها قالتلي انها طول عمرها بتكر’هني عشان قربي
من فريد و ان عمرها ما اعتبرتني صاحبتها
كسرتني و انا قررت اكمل مع فريد بعدها
و كسرتها اكتر لكن مندمتش على دا بعد الكره و الحقد اللي شوفته منها
نجمة لاحظت وجودها و جت تاخدها بعيد لكنها زقتها
وطلعت مسدس من شنطتها قدرت برصاصة واحدة تقلب الفرح كله

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية نوبة حب)