رواية ملاك الاسر الفصل العاشر 10 بقلم مي عبدو

رواية ملاك الاسر الفصل العاشر 10 بقلم مي عبدو

رواية ملاك الاسر البارت العاشر

رواية ملاك الاسر الجزء العاشر

رواية ملاك الاسر الحلقة العاشرة

ملاك ومريم اتخضو
كريمة : في اي يا بنات مالكم
مريم بتوتر : مفيش كنا بنتكلم عن حفلة امبارح
كريمة : لوكة متزعليش من ورد والله هي كانت غير كدا نهائي بس هي يعني ع
ملاك : عارفة يا ماما وعشان كدا ساكتة ليها ربنا يهديها
كريمة : فعلآ ربنا يهديها ويصلحلها حالها تعالو ننزل نقعد تحت شوية
مريم: يلا ونزلو سوا
________^-^______^-^____^-^_____
الجدة وصبا و ورد وسحر قاعدين كريمة وملاك ومريم قعدو ورد بصت لي ملاك بقرف
سحر :كل دا قعدين فوق بقالكم اربع ساعات
مريم: كنا بنتكلم عادي يا ماما والوقت اخدناه
سحر : طيب فيروز لسه قفلة معايا وعزمتنا بكرا عندها عل الغدا
كريمة : لي
سحر :مش عارفة وقالتلي اني اجيب ملاك معانا وان هي حبيتها اووي وعايزة تشوفها
كريمة : مش عارفة حاسة انو قطع كلامها الجدة: فيروز عايزة ملاك لي ابنها باينة اوووي
سحر: اي اللي بتقوليه دا يا ماما لا طبعآ
صبا : ولا ليه امبارح في الحفلة كانت عايزة تعرف ملاك عل زياد
مريم: بس يا عمتو متنسيش ان ملاك و اسر متجوزين
صبا : انا منستش انا بس بقول اللي انا شايفه
كريمة : وانا كمان بقول كدا بس لازم فيروز تعرف ان ملاك مكتوب كتابها عل اسر
سحر : لا عادي هي بس حبت ملاك مش اكتر
كريمة : يمكن
وبعد ساعات من الكلام دخل احمد واسر وادهم والجد
الجد: مساء الخير
الكل :مساء النور قعدو
سحر: اتأخرتو ليه
احمد: كان في شغل لازم يخلص
اسر : انا طالع اخد شاور واغير ونازل
ادهم :وانا كمان
سحر :ماشي وانا هقوم اجهز الاكل انا وكريمة مريم وملاك يلا معانا وقامو وقفو ودخلو المطبخ سوا
سحر شافت كل الاكل جاهز : ملاك ومريم حطو الاكل في الاطباق يلا
ملاك : حاضر وبدأو وبعد دقايق كان الاكل عل السفرة وكل حاجة جاهزة
كريمة : ادهم نزل اهو ملاك معلش اطلعي قولي لي اسر ان الاكل جهز
ملاك : حاضر وطلعت خبطت عل الباب مفيش رد خبطت تاني مفيش رد
ملاك لنفسها : ممكن مات لما افتح الباب فتحت الباب ودخلت :اسر اسر هو شكلو مش هنا ولفت تاني وصرخت بخضة
ملاك : ااااااااااااااااااا اسر حط ايدو عل بؤها
وكان خارج من الحمام لابس بنطلون بس
اسر: شششش اسكتي وشال ايدو
ملاك : انت خضتني وبعدين انتبهت ان اسر مش لابس تيشيرت وبصت لأرض :انت ازاي تخرج كدا كدا عيب
اسر : والله دي اوضتي يعني براحتي وكمان انا قولت انك مش هتطلعي وبعدين خلاص لبست تيشيرت
ملاك فتحت عينها كان لبس : طنط بتقولك الاكل جاهز
اسر: طيب يلا ننزل ونزلو سوا تحت وقاعدو
وبدأ اكل وبعد وقت قامو وملاك ومريم شالو الاطباق اسر: ماما هما المساعدين فين
سحر : ادتهم اجازة النهاردة
اسر: تمام
ادهم: ايوآ بس مريم وملاك لخمة مس بيعرفو يعملو حاجة
كريمة: متقولش كدا عليهم يا زفت
ادهم : يا كريمة انا ابنك مش هما
كريمة : ملكش دعوة
الجد : ها يا ادهم مش ناوي تفرحنا بيك
ادهم : ياريت بس ابوها بقا ادعيلو بي اي مش موافق غير لما تخلص السنة دي
الجد :مين دي
ادهم قرب وقعد جنب جد :دي البلد كلها عارفة ازاي انت مش عارف يعني
الجد : مريم
ادهم: هي القصيرة دي ام لسان طويل
الجدة :يارب تسمعك
ادهم: عادي المهم ها يا جدي قولت اي
الجد :انت يا احمد مش موافق ليه وبعد دي لسه في سنة تانية يعني السنة مش اخر سنة ليها ع تقول لما تخلص السنة دي
احمد : اللي تشوفو يا حاج
الجد :خلاص نقرأ فاتحة وخطوبة كمان اسبوع
احم
احمد :وانا موافق
سحر وكريمة وصبا :لولولولولولولولولي
ملاك ومريم جم بي الاقهوة
مريم : في اي
سحر :ادهم هيخطب
مريم بصدمة :ها
كريمة قربت وحضنتها : مبروك يا احلى عروسة
مريم بصدمة :ها
الجدة :يلهوي حد يفوق البت دي من الصدمة
ملاك : مبروك يا روما
مريم بفرحة : اللي يبارك فيكي
الجد: نقرأ الفاتحة مريم كانت هطير من الفرحة وقرأو الفاتحة وكانو كلهم فرحانين وعدا اليوم وكلهم طلعو اوضهم
___________”________”_______
في اوضة ملاك واسر
اسر قاعد عل الاب توب بيشتغل
ملاك : اسر
اسر: اممم
ملاك: اي اممم دي المهم انا زهقانة
اسر : اعمل اي يعني
ملاك :تعاله ننزل تحت نقعد في الجنينة شوية نخرج نتمشي شوية اي حاجة بدل الملل دا
اسر : دلوقتي ملاك الساعة 1بليل
ملاك : دا احسن وقت نخرج فيه
اسر : ملاك روحي نامي ربنا يهديكي
ملاك قفلت الاب وشدت ايد اسر: يلا يا اسر بقا
اسر :طيب طيب اللبسي
ملاك : حاضر بص اجهز انت عقبال ما اقول لي مريم ع تخرج معانا وبتجري
اسر بزعيق :خدي يا بت
ملاك وقفت بخوف : في اي
اسر مسك اسدال وحدفه في وشها
ملاك بمرح : تسلم يا رجولة لبستو وخرجت بسرعة عل اوضة مريم
اسر :والله دي مجنونة وهتجنني معاها
_________”______”________
عند مريم خبطت ودخلت
مريم :لسه صاحية
ملاك : قومي اجهزي بسرعة
مريم : ليه
ملاك : هنخرج
مريم : دلوقتي
ملاك : مش فاهمة اي مشكلتكم مع الوقت ها هتخرجي ولا لا
مريم :طيب هلبس اهوو
ملاك :اوك وانا هروح اجهز وخرجت ودخلت اوضتها تاني وكان اسر جهز
ملاك خدت هدوم ودخلت تغير بسرعة
بعد ربع ساعة خرجت وبتلف الطرحة
اسر :يلا
ملاك : يلا وخرجو سوا ملاك خبطت عل اوضة مريم : يلا جهزت اهوو
ملاك : طب يلا
مريم : هو احنا هنلاقي بقا اماكن فاتحة دلوقتي
ملاك : لما كنت بخرج انا واياد كنا بنروح كورنيش النيل ومكنش بيبقا في حد بقا والجو جميل جدآ
اسر :طب يلا انتي وهي ونزلو سوا
ادهم : كل دا
ملاك ومريم بصو لبعض وبعدين لي اسر
اسر :انا قولتلو يجي معانا
ملاك بمرح : عادي كدا كدا من العيلة برضو
اسر :طيب يلا وخرجو سوا وركبو عربية واحدة اسر وادهم قدام وملاك ومريم وراه
ادهم : هنروح فين
ملاك : كورنيش النيل
اسر :طيب وساق وطول الطريق ملاك ومريم وادهم بيهزرو ويتكلمو سوا بعد وقت وصلو ونزلو ومكنش في حد غير قليل جدآ نزلو من العربية ملاك :عايزة حمص بقا ونقعد وناكله وبعدين نتمشي شوية
اسر :انا اكتشفت حاجة
ملاك : اي هي
اسر :انك بقيتي رغاية اووي واتعودتي عليا اوي
ملاك : يعني اسكت مش عاجب اتكلم مش عاجب اولع في نفسي يعني
مريم :خلاص يلا نقعد وقعدو سوا عل الكراسي
ملاك : هاتلي حمص وقولو يكتر الشطة
اسر :بت اسكتي شوية
مريم :وانا زيها
اسر :طيب ومشي
ادهم :هتجننو والله
ملاك : احنا يا بني
ادهم بمرح :ايوا يا أمي
مريم : ديمآ كدا مظلومين هتروحو من ربنا فين
ادهم : بس بس انتي وهي في اي قاعد مع ريا وسكينة
اسر :خدو الحمص اهووو كل واحد خد كوباية
مريم :الجو جميل جدآ
ملاك :فعلآ انا واياد كنا ديمآ نيجي هنا
ادهم :غريبة
ملاك : ليه
ادهم :اياد اللي يتعامل معاه يقول ان طابعه غير كدا خالص ملوش في الهدؤ دا ولا في الفسح اصلآ يعني جدي جدآ في حياته
اسر: ديمآ التعامل مع الغرب او في الشغل غير تعاملك مع اهلك فهمت
ملاك :بظبط هو اياد كدا
مريم : بقولكم اي تعالو نتصور
ملاك : يلا وطلعت فونها اسر خد صورنا اسر فعلآ صور ملاك ومريم كتير
ملاك : حلوين صورة بقا لينا احنا الاربعة
اسر :لا مش عايز اتصور
ملاك: يلا بس وقامت وقفت جنبه ومريم وادهم قاعدين جنب بعض واتصورو سوا
ملاك :حلوين جدآ
مريم :وريني قطع كلامهم
….: مساء الخير
الكل بص عل الصوت : مساء النور
ادهم واسر وقفو وسلمو عليه
اسر :عامل اي يا زياد
زياد : بخير الحمدلله كنت قاعد هناك شوفتكم جيت اسلم عليكم
ادهم : طب تعالى اقعد معانا
زياد : طيب وجاب كرسي وقعد معاهم
زياد :عاملة اي يا مريم و يا ملاك
مريم ملاك: الحمدلله
زياد : انتو هتيجو عندنا بكرا
مريم : ايوآ طنط فيروز عزمتنا
زياد : وانتي يا ملاك
ملاك : هاجي معاهم
زياد : هتنوري
ملاك : شكرآ
اسر بغيرة :وانت عامل اي في شغلك
زياد : الحمدلله بقا عندي خبرة اكتر و بقيت المسؤل عن شركة بابا وكمان شركتي
ادهم بغيرة : ومش ناوي تتنيل عل عينك وتتجوز
زياد بص لي ملاك :قريب ان شاء الله فووز شفتلي عروسة زي الاقمر وكل شوية تتكلم عنها
اسر بغضب بيحاول يهدي : اه مبروك يلا يا ملاك يلا يا مريم
زياد :خليكم شوية
اسر :عندي اجتماع بكرا بدري
زياد : تمام نتقابل مرة تانية
اسر : بأذن الله وقام وقف واتحركو ركبو العربية اسر : ممكن اعرف انتو مقولتوش ليه انكم هتروحو عند طنط فيروووز
ملاك خافت من صوته ومردتش
مريم : عادي ما احنا ديمآ بنروح اي الجديد
اسر :لا ولا حاجة ملاك مفيش مرواح في مكان.
ملاك : بس انا عايزة اروح معاهم
اسر :وانا قولت لا وقفلي بقا
ادهم :اهدي يا اسر خلاص
اسر بزعيق : اهدي اي وزفت اي بس ملاااك اوعي تنسي اني جوزك ولحد ما اياد يرجع ياريت ابقا عارف عنك كل حاجة فاااهمة
ملاك : طنط سحر قالتلي انها هتقولك
مريم : ايوآ وعشان كدا هي مقالتش
اسر :تمام وانا اللي عندي قولتو
ملاك: اه ان شاء الله اقف بس عند اي سوبر ماركت عايزة اجيب ايس كريم
اسر بغضب:الصبر من عندك يارب
ادهم ضحك هو ومريم عل اسر
ملاك : خلاص يا اسر خلاص مش عايزة انت كل خروجة تنكد علينا كدا بعد كدا مش هخرج معاك تاني دا انت نكد فينك يا اياد
اسر : بس بس وقف قدام سوبر ماركت ونزل هو و ادهم واسر قفل العربية عليهم
ملاك : ليه كدا
اسر : امان ليكو اكتر ودخلو الاتنين السوبر ماركت ملاك: اخوكي دا بومة كل ما نخرج معاه ينكد علينا
مريم : متقوليش عل اخويا كدا
ملاك : لا بومة ونكدي ها
مريم :هقوله
ملاك : مش بخاف منو اصلآ
مريم بتمثيل : اسر ملاك بصت عل شباك العربية بخضة وملقتش حد واقف
ملاك :يا كلبة البحر كدا تخضيني وعل فكرة بقا انا فعلآ مش بخاف منه وعايزة تقولي لي عادي
مريم :اسر
ملاك : بس يا بت مش هصدقك تاني وبعدين حتى لو هو واقف ورايا عادي هو بومة ونكدي فعلآ هو انا جبت حاجة من عندي
مريم : اسر يا ملاك اسر
ملاك : ايوآ اسر
مريم :طب بصي وراكي كدا
ملاك بصت وراها كان اسر واقف جنب العربية
اسر :ها واي كمان يا ملاك
ملاك : دا هو بجد
مريم :: ايوآ
ملاك : باشا منور الدنيا كلها والله اتفضل اتفضل زي عربيتك يا باشا
اسر :لا والله
ملاك : اه والله
اسر وادهم ركبو العربية ومعاهم شنط
اسر : خدي يا ابله ملاك بقا انا نكدي وبومة
ملاك :مين قال عليك كدا
اسر ::واحدة اعرفها
ادهم : خدي يا روما
مريم : شكرآ
اسر كمل سواقة وكانت ملاك نامت وهما في الطريق مريم : ملاك نامت
ادهم: اسر بجد مش كل شوبة تزعق لأنها خافت بجد بس هزرت وضحكت لأنها عايزة تعدي الخروجة فهمت
مريم : هو انتو بعد ما يرجع اياد هطلقها
اسر : ايوآ
مريم : ليه
اسر : لأني متجوزها كا حماية ليها وبعدين انا اكبر منها بي كتير وهي اكيد هتحب حد من سنها فهمتي
مريم بعدم اقتناع : فهمت
اسر وقف العربية : يلا انزلو
ادهم ومريم نزلو اسر : ملاك ملاك
ملاك بنوم: نعم
اسر :يلا وصلنا انزلي
ملاك مردتش عليه مريم : اسر هي نايمة شيلها وخلاص خلينا ندخل
اسر بتنهيدة : طيب وشالها وطلعو كلهم كل واحد اوضته اسر :ملاك قومي غيري هدومك يلا ملاك
ملاك بنوم : ماشي ماشي ونامت تاني اسر قلعها الطرحة وعدلها نومتها وغطاها وخد هدوم لي ودخل الحمام غير وخرج نام عل الكنبة
اسر بصلها : لأسف حبيتك وشكل قلبي مكتوب عليه الوجع بعد ما تبعدي عني يارب ريح قلبي اللي حبها واكتبلها الخير ديمآ وغمض عينه وحاول ينام
__________”_______”_______
عند مريم كانت ماسكة الفون وبتكلم ادهم
مريم : انا حاسة ان اسر بيحب ملاك
ادهم : طب ما هو فعلآ حبها
مريم :طب ليه هيطلقها اي يعني فرق السن طب ما انت اكبر مني بي وبابا اكبر من ماما
ادهم : تقريبآ مفكر انها بعدين هتتظلم يعني هي صغيرة وهو كبير وانها اكيد هتندم بعدين انها مخدتش حد من سنها والهبل دا فهمتي
مريم : طب وبعدين
ادهم : مش عارف
مريم : بص احنا نحاول نقربهم من بعض اكتر
ادهم : وبعدين
مريم : يمكن ملاك كمان تحبو محبتوش خلاص احنا كدا كدا المفروض اننا هننزل سوا نجهز للخطوبتنا هنبقا نحاول ونشوف اي اللي هيحصل بعدين
ادهم : انا مش مطمنلك
مريم : ولا انا والله
ادهم: بذمتك اول مرة نكلم بعض واحنا مخطوبين نتكلم عن اسر وملاك
مريم : امشي يا ادهم امشي وقفلت
مريم : والله لطلع عينك يا ادهم انت كمان بس استني افوق من اسر وملاك الاول
_____________________________♡
تاني يوم ملاك صحيت
ملاك : اي دا انا جيت هنا امتا شكلي نمت وانا في الطريق يمكن وقامت وكان اسر نايم
ملاك :اسر ااااااااسر
اسر قام :مالك انتي كويسة فيكي حاجة
ملاك بضحك :لا مفيش حاجة انا صيحت بس
اسر مسك المخدة وحدفها في وشها : انتي هبلة يابت انا مالي صحيتي ولا لا وبعدين في حد يصحي حد كدا
ملاك: انا كنت ديمآ بصحي اياد كل يوم كدا المهم صباح الخير
اسر :صباح النور
ملاك :انا هقوم اخد شاور و اصلي ع ننزل
اسر :تمام وبعد وقت جهزو الاتنين ونزلو سوا وكانو كلهم قاعدين بيفطرو
ملاك /اسر :صباح الخير
الكل :صباح النور
اسر: اومال فين عمتي صفاء
الجدة :رجعت قنا من ساعة عشان حماتها تعبانة فا هتقعد معاها
اسر :تمام
ورد : خالو انا هنزل تدريب امتا
احمد : ممكن النهاردة لو تحبي عادي
ورد :ياريت
احمد : خلاص تعالي الشركة هتنور اساسآ بيكي
ورد : شكرآ
سحر :ملاك افطري واجهزي
اسر :عل فين
سحر :هتيجي معانا عند فيروز
اسر :ملاك مفيش خروج روحو انتو يا ماما
سحر :بس يا اسر مينفعش فيروز مأكدة عليا انها تيجي معانا هتبقا قلة زوق
الجد فهم ان اسر خايف عليها : خلاص يا سحر مراته وهو حر فيها
ملاك قامت :الحمدلله
كريمة :كملي اكلك يا ملاك
ملاك :كلت يا ماما الحمدلله وخرجت عل برا
اسر بضيق قام : سحر انت مكلتش ليه كمل اكل
اسر :شبعت وخرج
مريم بصوت واطي لأدهم : راح يشوف ملاك لأنها زعلت صح
ادهم :ايوآ ربنا يصلحلهم حالهم يارب
مريم :يارب
____________________________♡
اسر :ملاك
ملاك :نعم
اسر :قومتي ليه
ملاك :كلت
اسر :بلاش كدب انا عارف انك زعلتي اني رفضت انك تروحي معاهم بس اي رأيك تيجي معايا انا الشركة هخلص شوية شغل وبعدين نخرج اي مكان
ملاك :بجد
اسر : ايوآ
ملاك : مواافقة طبعآ
اسر :تمام اجهزي وهاخدك معايا يلا بسرعة بس
ملاك: ثواني وابقا هنا جريت ملاك عل اوضتها
اسر : مجنونة
مريم :ملاك فين
اسر :في اوضتها بتلبس
مريم :هتروح فين
اسر :هتروح معايا الشركة بدل ما تقعد هنا لوحدها وانتو مش هنا
مريم :وانا وانا وانا
اسر :اي الهبل دا
مريم :عايزة اروح معاكم
اسر :يعني هي جات عليكي تعالي
مريم :حبيبي هجهز وابقا عندك هواه وجريت
اسر :الاتنين مجانين
ادهم بضحك :معاك حق
احمد : انتو واقفين كدا ليه
اسر :ملاك ومريم نازلين اهوو وهنمشي
الجد :هما هيروحو معاكم
ادهم :ايوآ
الجدة :تعالو اشربو الشاي عقبال ما يجهزو
قعدو كلهم سوا وبعد نص ساعة ملاك ومريم نزلو سوا
اسر :اخيرآ كنت همشي والله
ملاك :قلبك ابيض احنا مخدناش وقت
اسر: طب يلا
الجد :خد ورد معاك يا اسر النهاردة هتبدأ تدريب واحمد مشي
اسر :حاضر يلا يا ورد وخرجو كلهم وركبو العربيات واتحركو
مريم : اسر هدي السرعة انت مش في سباق
اسر :عندي اجتماع مهم وبسببكم هتأخر
ملاك :عادي فدانا ولا ليك رأي تاني
اسر :لا طبعآ انا اقدر
ورد قاعدة بضيق ومش طايقة ملاك ولا مريم
وبعد وقت وصلو الشركة ونزلو من العربية واسر وادهم دخلو بكل هيبة والبنات معاهم
و لفته انظار الكل منهم بأعجاب ومنهم بتسغراب ومنهم بحقد وركبو الاسانسير
ملاك بهمس لمريم : هما الكل وقفو ليه اول ما اسر وادهم دخلو الشركة
مريم :عاملين نفسهم شخصية مهمة وكدا
ملاك :تمام فهمت الاسانسير وقف خرجو
اسر :ورد مكتب بابا هناك اهوو
ورد :تمام شكرآ واتجهت للمكتب
اسر :انتو تعالو عل مكتبي ودخلو مكتب اسر
اسر عل المكتب وملاك ومريم قعدو
اسر :عندي اجتماع كمان عشر دقايق وهخلص كام حاجة ونخرج سوا تمام
مريم وملاك :تمام الباب خبط و دخلت بنت لابسة بنطلون جينس ضيق جدآ وتيشيرت ابيض وحاطة مكياج كتير جدآ وسايبة شعرها عل ضهرها :اسر حبيبي واحشتيني وجريت حضنتو مريم وملاك اتصدمو :مين دي
اسر:….
ملاك بغيرة لأول مرة :نعععععم وووو

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملاك الاسر)