رواية احتواء قلب الفصل الثالث عشر 13 بقلم عبير سليم

رواية احتواء قلب الفصل الثالث عشر 13 بقلم عبير سليم

رواية احتواء قلب البارت الثالث عشر

رواية احتواء قلب الجزء الثالث عشر

رواية احتواء قلب الحلقة الثالثة عشر

تطرق عليه الباب و تدخل فيجد نفسه يبتسم تلقائيا بمجرد وقوع نظره عليها فكم أصبح يسعد بوجودها معه و عملهما سويا و كم أصبح يشتاق للقياها تلقي عليه التحيه فيرد عليها بوجه بشوش و بسمه جميله على وجهه : صباح الخير يا همسه اتفضلي اقعدي عامله ايه
همسه : الحمد لله و الله بخير
عمرو : يارب دايما انتي كنتي فين اليومين اللي فاتوا مكنتيش باينه
همسه : معلش و الله كان عندي مذاكرة متأخرة و استئذنت أبيه هادي إني اخلص مذاكرتي و أرجع للشغل
عمرو : ألف حمد الله على السلامة
همسه : الله يسلمك
عمرو : تحبي تشربي إيه
همسه: أي حاجه
يطلب حاجه ليهم هما الاتنين و يبدءوا يشتغلوا و كل شويه يتكلموا مع بعض فأي موضوع بعيد عن الشغل
انتي ليكي صحاب في الجامعه
همسه : هو أنا لية زملا كتير بس لكن صحاب مفيش غير تلاته بس هما اللي صحابي أوي
عمرو : شباب و بنات طبعا
همسه : لاء بنات بس انا مبحبش الصداقه بين الولد و البنت
عمرو : ليه يا همسه ايه المشكله لما يكون ليكم صداقات ما دامت باحترام
همسه : لاء بصراحه من اللي بشوفه ادامي هما مبيجيش من وراهم غير المشا.. كل انا مبسوطه كده بقعد مع صحباتي البنات نضحك و نخرج و نقضي وقتنا سوا نتكلم في أي حاجه مع بعض براحتنا ايه اللي يدخل بيننا ولاد و نقع في بعض بسببهم
يبتسم لها عمرو و على طريقة تفكيرها.
همسه : طبعا انت اكيد بتقول علية دلوقتي اني متخ.. لفه مش كده
عمرو : أنا لا و الله ابدا بالعكس قوليلي بقى أسماءهم إيه صحابك
همسه : جودي و مريم و هنا
عمرو : بس أكيد في واحده فيهم هيا اللي مقربه ليكي اكتر
همسه : بصراحه آه جودي بحسها بتفهمني من غير ما اتكلم بتحس بية و دايما بتهتم بكل كبيرة و صغيره فحياتي ده غير اني لو غبت عنها تدور علية
عمرو : وطبعا بتحكيلها كل اللي جواكي مش كده
همسه : اه
عمرو : طب و انا مينفعش تحكيلي حاجه عن اسرارك
همسه : انا معنديش أسرار
عمرو : انتي فعلا معندكيش اسرار لأنك واضحه و صريحه
همسه بخجل: شكرا
عمرو : قوليلي يا همسه في حاجه نفسي أسألك فيها من فترة بس كنت محرج
همسه : خير اتفضل
عمرو : هو بعد يعني اقصد يعني بعد الانفصال اللي حصل بين
همسه : بين اختي و اييه هادي مش كده ازاي انا فضلت في الشركه و الأمور ماشيه عادي مش هو ده اللي عاوز تسألني فيه
عمرو : الصراحه اه فعلا الموضوع ده مكدبش عليكي مستغربه اوي
تحكيله همسه عن كل حاجه و إصرار هادي إنها تفضل في الشغل و
يقعدوا يحكوا مع بعض في حاجات كتير اوي لحد ما الوقت يجري و نستئذن و تمشي و هو يفضل يفمر فيها طول اليوم لحد ما يرجع البيت و مامته تاخد بالها : مالك ياعمور
عمرو :مفيش يا ماما
مامته : عمرو انت بتحب صح و مش المخفيه اللي اسمها ميار صح قول صح وغلاوتي عندك
عمرو : صح يا ماما
مامته : بجد بجد يا عمرو يعني انت خلاص مبقتش بتفكر في الزفته اللي اسمها ميار دي
عمرو : هههههه ايوة يا ماما خلاص مبقتش بفكر فيها انا خلاص شيلتها من حساباتي
مامته : امال مين فرحني بقى
عمرو : بصي يا ماما اصل في مشكله
مامته : مشكلة إيه تاني بردو مبتحبكش هيا كمان ده انت تبقى منحوس بقى
عمرو : هههههه يا ماما اصبري
مامته : طب اتفضل قول
عمرو : المشكله اني لسه مش قادر احدد مشاعري ناحيتها بالظبط
انا بحب اشوفها و برتاح جدا في الكلام معاها و بزعل لما تمشي و بتوحشني بس انا مش عارف هل كده ابقى بحبها و اللا لاء
مامته : و الله على حسب ما بسمع يبقى انت كده اكيد بتحبها
عمرو : على حسب ما بتسمعي ازاي يعني هو انتي و بابا
مامته : لا يا حبيبي انا و باباك حالنا حال نص الشعب اللي مستحملين بعض عشان البيت و الولاد و انا الصراحه مليش مزاج أروح محكمة الأسرة
عمرو : هههههههه عسل و ربنايا ماما
مامته : سيبك من العسل و السكر دلوقتي و قللي حنروح نتقدم لأهلها امتى
عمرو : قولي يارب
مامته : يارب يا حبيبي يا رب
……… …… ……………….
كل شويه تاخد ورقه من ادامه يرد عليها بعصبيه : سيبي الورق ده حطيه مكانه متلخبطيش الورق في بعضه مش كل شويه حساويه مش قاعد مع عيله في الروضه
نجلاء : روضه هيا حصلت و بعدين ده على أساس إنك بتعمل عمل و اللا إيه و خايف الخبطلك الشغل
فهد : عملك اسود و منيل انتي مش عاوزة تتهدي ليه
نجلاء : ربنا يهدك إن شاء الله انت إيه حكايتك بالظبط هاه
هو انا كل ما امسك ورقه تقوللي سيبي سيبي هو انت فاكر نفسك انت لوحدك اللي بتفهم و اللا إيه لا يا حبيبي ده انا فاهمه كل حاجه كويس أوي
فهد : الصبر من عندك يارب يا بنتي
نجلاء : انا مش بنتك
فهد : طب يا اختي
نجلاء : و مش اختك
فهد : يا همي الكبير يا بختي المنيل يا حظي المقندل يا عملي الأسود انتي حد زاقك علية هو انا عملت ايه يارب فحياتي عشان ابتلي بيكي انا في حد دعا علية و قاللي روح إلهي يبتليك بم. ص.. يبه
نجلاء : انت تقصد اني انا الم. صيبه دي
فهد : على أساس إنك مش عارفه يعني
نجلاء : خلاص شوف بقى انت عملت ايه فربنا رماني فطريقك أكيد هببت حاجه
فهد : و الله ما عملت حاجه انا طول عمري غلبان
نجلاء : انت آه ان شاء الله ده انت شكلك داهيه
فهد : داهيه تاخدك و تريحني منك أن شاء الله
نجلاء : لاء من فضلك متدعيش علية أنا ماما و بابا عاوزني
فهد : ماشي يا ستي ربنا يخليكي ليهم بس و حياة أبوكي و امك ابوس ايدك اهدي و اسكتي شويه ارحميني
نجلاء : حاضر أنا مؤدبه و حسمع الكلام
فهد : تمام شاطرة أوي ياريت بقى تفضلي عند موقفك و متتكلميش نهائي
نجلاء : ماشي بس ممكن اقولك حاجه
فهد: تاني
نجلاء :حاجه صغيره و الله
فهد :قولي
نجلاء :جعانه عاوزة اكل
فهد : يا عيني انتي مفطرتيش
نجلاء : لا و الله انا صحيت صليت و لبست و نزلت على طول
فهد : انتي بتصلي
نجلاء: على أساس إنك شايفني ماسكه الصاجات و اللا اكونش من الكفار يعني و اللا إيه
فهد : صاجات يا متعلمه يا بتاعة المدارس
نجلاء : مدارس لغات وحياتك
فهد : انتي متأكده
نجلاء : إيه هو مش باين علية
فهد : صراحه لاء
نجلاء : نعم إنت تقصد ايه قصدك إيه فهمني
فهد : خلاص أنا آسف حقك علية مقصدش حاجه اتسدي
نجلاء : طب خلصني بقى
فهد : اخلصك على أساس انك على زمتي
نجلاء :، أنا على زمتك انت اهو ده اللي كان ناقص
فهد : نعم هو إنتي تطولي
نجلاء : ده انا اطول و اطول أطول من كده كمان
فهد : يااختي اتنيلي ده انتي شبر و اقطع
المهم قولي عاوزة تفطري ايه و خلصيني
نجلاء : فول و فلافل
فهد : قصدك طعميه
نجلاء : و عاوزة معاها طماطم
فهد : قوطه قصدك
نجلاء : لاء طماطم و جبنه تركي
فهد : يا بنتي اسمها رومي
نجلاء : يا دي النيله يابني افهم في اختلاف في اللغات بين الاسكندرانيه و القاهريه انتوا بتقولوا طعميه و احنا بنقول فلافل انتوا بتقولوا قوطه و احنا عندنا اسمها طماطم انتوا بتقولوا رومي و احنا بنقول تركي
فهد : واحنا بنقول ميكروباص و انتوا بتقولوا مشروع صح كده
نجلاء : برافو عليك أديك أهوه بدأت تفهم
فهد : انتي قصدك اني مبفهمش و اللا إيه ده انتي يومك اسود
نجلاء : اسود عليك أن شاء الله بقولك ايه حتفطرني و اللا لاء يابني جعانه جعانه
فهد : ابنك ده مين ان شاء الله
نجلاء : انت تطول تبقى ابني و اللا إيه
فهد : طب انسدي حبعت اجيبلك عاوزة تفرشي و اللا اجيبلك سندوتشات و نخلص
نجلاء : هو الصراحه نفسي افرش بس عشان الوقت نخليها سندويتشات اطلع فلوس
فهد : تطلعي فلوس على اساس انك قاعده مع سوسن
نجلاء : ماشي شكرا يا كابتن نردهالك في الأفراح
فهد : خلاص ابقي اعزميني لما نطلع صاحبتك
نجلاء : ياااه اعزمك ده انا حعزم اسكندريه و القاهرة و كل المحافظات مع مراعاة فروق التوقيت تخرج هيا بس و انا حعمل عمايل
فهد : ان شاء الله
نجلاء : فهد
فهد : نعم يا نجلا
نجلاء : نجلا يااه وحشتني نجلا منها أوي ربنا يرجعك لينا بالسلامه يا حبيبتي يارب
فهد حنقدر نخرجها مش كده
فهد : ان شاء الله حتخرج
نجلاء : بس احنا لسه مجمعناش الخيوط ببعضها لسه في حاجات كتير ناقصه و معاد الجلسه قرب
فهد : ان شاء الله حنظبط كل حاجه قبل معاد الجلسه
بس انتي قولي يارب
نجلاء : يارب يارب بس انت متأكد إنك حتعرف تعمل حاجه و اللا يا خوفي لا في الآخر متعرفش تعمل حاجه و ربنا ده انا اطبق في زمارة رقبتك
فهد : و ربنا ده انا اللي حطبق في زمارة رقبتك هو مين ده اللي مبيعرفش انتي ايه عرفك اذا كنت بعرف و اللا مبعرفش يا بني آدمه انتي
نجلاء : هههههه لا وربنا انا مقصدش الق.. ذارة اللي جت في دماغك دي انا اقصد عالقضيه
فهد : يارب خلصني منها على خير قبل ما ارتكب فيها جنا.. يه
نجلاء : طلعلي صاحبتي و بعد كده ادخل انت مفيش مشكله
فهد : لاء أصيله الصراحه
نجلاء : طول عمري يا بابا
فهد : جتك بو الرحمه من عندك يارب
نجلاء : ربنا يرحمنا جميعا بس لما تخرج صاحبتي الأول
يمسكها من ياقة بلوزتها : بت انتي تعرفي تسكتي انا تعبت منك خلاص و جبت اخري ده إيه الشبكه المنيله دي ده كان يوم مطلعتلوش شمس لما ورطت نفسي في الورطة دي
نجلاء : طب انت اد المسكه دي و بعدين ورطة إيه ان شاء الله اللي ورطت نفسك فيها هو انت اصلا حد بيعبرك قعدوا يقولوا شاطر شاطر ده انا مشفتش ناموسه معديه من ادام المكتب دول شكلهم بيجاملوك
فهد : بقى كده طب بكرة تشوفي فهد الأحمدي حيعمل ايه
نجلاء : طب أديني حقعد اهوه افطر و اشرب الشاي و انت وريني انجازاتك
…………………… ……….
شهاب في مكتبه وهو قاعد مع زف.ت الط. ين اللا قوللي يا عزت هو انت ليه غيرت أقوالك في المحكمه
عزت: أمال كنت عاوزني أودي نفسي فد. اهيه
شهاب : داه. يه ليه و انت مالك هو انت اللي كنت عملتها
عزت: لا طبعا انا مليش اي علاقه بالموضوع ده و لا عندي فكرة مين اللي عملها سوى هيا او غيرها
شهاب : أمال ليه غيرت الكلام مش يمكن لو قلت الحقيقه ده كان ساعدها و قوى موقفها في القضيه
عزت : هو احنا حنينا و اللا إيه يا باشا بس الصراحه هيا تستاهل تحن ليها
شهاب : جنه لا خلاص فكك مبقتش تلزمني خليها فادبها و أخلاقها اهم ضيعوها لو كانت سهلت أمورها مكنش حصل ده كله بس هيا فقريه
عزت : ربنا معاها بقى إنما أنا لو قلت الحقيقه كنت ممكن اتحط فموضع شك خصوصا إننا مش متأكدين لسه إذا كانت هيا فعلا اللي عملتها و اللا لاء أقوم أنا بقى أقولهم اللي حصل و اني انا اللي ضغطت عليها عشان تروح له و مش بس كده لا ده و انها اتحايلت علية استناها و انا قلتلها لاء أنا ماشي عشان يقولولي يبقى انت شريك معاها مش كده
لا يا باشا انا مليش فيه شيلتها و تشيلها هيا
شهاب : واطي يا عزت
عزت : تلميذك يا باشا
شهاب : انت قصدك إيه يا بني آدم انت
عزت : انا آسف و الله مقصدش انا قصدي إني اتعلمت منك اننا ندور عالمصلحه و العواطف دي تبقى
شهاب : تبقى خالتك يا عزت ياللا وريني عرض قفاك
عزت : ماشي يا باشا أوامرك
يخرج عزت و يلاقي شهاب تليفونه بيرن : أهلا بالقمر
ذكرى : وحشتني
شهاب : طب إيه طيب مش حتيجي
ذكرى : أفكر
شهاب : انتي الخسرانه في عقد الماظ لو مجيتيش حيروح لغيرك
ذكرى : غيري هو في غيري
شهاب : دلوقتي لو عاوز و انتي وشوقك بقى
ذكرى : لا أنا حاجي مش عشان العقد و لا حاجه لكن عشان محدش ياخدك مني
شهاب : أيوة بقى هو ده الكلام مستنيكي بالليل يا مزة
…………………….
في المساء
منورنا و الله يا يابني
هادي : البيت منور بصحابه و الله يا أمي
جاسر : انا مش عارف أشكرك ازاي انت و البشمهندس يونس عاللي بتعملوه معانا و الله انا ما عارف من غيركم كنت عملت ايه
هادي : متقولش كده يا بشمهندس الناس لبعضها
جاسر : مفيش داعي للالقاب ربنا يعلم انت ايه بالنسبه لنا كفايه الكلام اللي قلته على اختي
هادي : انا مقلتش غير الحقيقه و إن شاء الله ربنا حيفك كربها و تخرج بألف سلامه
ناديه : يارب يا بني يارب
ييجي تليفون لجاسر يقوم يرد عليه و ناديه تكلمه : معلش يا هادي واخدين وقتك حقك علينا يابني
هادي : لا طبعا يا أمي متقوليش كده و بعدين انا مورييش حاجه غير الشركه و انا باجي اطمن على حضرتك بعد الشركه
ناديه : و بيتك و ولادك يابني
هادي : بيتي أنا معنديش بيت و لا ولاد
ناديه : يعني انت مش متجوز
هادي : كنت يا أمي و محصلش نصيب
ناديه : ربنا يجعل نصيبك انت و بنتي في الطيب و الخير يا رب و اكيد ربنا شايلكم الخير و حيعوضكم ان شاء الله
هادي : يارب يا أمي
بس مينفعش الكلام ده يا فادي مينفعش فادي اقفل دلوقتي الله يخليك
ناديه : مالك يا جاسر حصل ايه
جاسر : مشغل معايا شوية بها.. يم مش عارفين يشوفوا الشغل لحد ما ارجع
ناديه : سافر يا بني سافر شوف حالك و شغلك
جاسر : أسافر فين يا أمي و أختي
هادي : أختك أمانه معانا يا جاسر احنا كده كده مبنعملش حاجه نجلاء و فهد هما اللي ماسكين القض. يه
جاسر : لا مينفعش يا هادي مينفعش أنا مش ممكن يجيلي قلب اسافر و امي تعبانه و اختي لسه مخرجتش
هادي : إذا كان على والدتك متقلقش إحنا معاها و مش حنسيبها و حتابع الدكتور اللي بييجي يعملها الجلسات و جنه احنا معاها و تقدر تطمن عليها طول الوقت
ناديه : روح يابني عالأقل اطمن على شغلك و ابقى ارجع تاني
جاسر : حشوف يا ماما حشوف و أقرر ان شاء الله و اللي ربنا عاوزه هو إللي حيكون
هادي : ربنا يقدرلك الخير يا رب
جاسر : وقفت ليه يا هادي
هادي :حمشي عشان عندي شغل
جاسر : تمام و انا كمان حنزل معاك
ناديه : ماشي يا حبيبي
ينزلوا سوا و يتكلموا مع بعض
هادي : على فكرة انا عايش في الشقه لوحدي ممكن تيجي تبات معايا و الله حبقى مبسوط اوي
جاسر : ربنا يخليك يا هادي يارب بس انا اخدت الشقه دي عشان اكون جنبهم ماهو مينفعش افضل موجوده و نجلاء بتبات مع ماما
هادي : فعلا معاك حق بس هيا فين صحيح أنا قلت حاجي الاقيها
نجلاء : نزلت قبل انت ما توصل بشويه بتشتري حاجات
هادي : نجلاء دي جدعه اوي الصراحه
جاسر : فعلا هيا بنت ناس و محترمه اوي و هيا و جنه طول عمرهم صحاب
تعرف اني زمان كنت عاوز ارتبط بيها
هادي : و الله طب كويس ، و بعدين جاسر : رفضتني
هادي : ليه رفضتك مع انك ما شاء الله عليك
جاسر : أصل أنا كنت وقتها عصبي أوي و مكنتش بحب الضحك و الهزار و هي طبعا معجبهاش الكلام ده و خافت مني
هادي : يعني انت كنت بتحبها
جاسر : الفكرة مش كده هيا وقتها كانت مناسبه لية و لما رفضتني قلت خلاص و بعدها ربنا اكرمني بمرام بصراحه ارتحت معاها أوي و ربنا رزقنا بولدين و في بنوته ان شاء الله جايه في السكه
هادي : ربنا يخليهم لك يارب و تيجي البنوته بالف سلامه أن شاء الله
جاسر: يارب يا هادي و الدموع تجري فعنيه
هادي :طب ليه الدموع دي دلوقتي
جاسر :اصلي انا من وقت ما اتجوزت و انا نفسي أوي فبنوته و اسميها جنه و لما ربنا اكرمنا المرة دي قلت يارب تبقى بنت و لسه مرام مبلغاني النهارده ان الدكتور قاللها انها بنت
هادي : طب الحمد لله ربنا يكملها على خير
جاسر : يارب و تخرج جنه بالف سلامه يارب
هادي : ان شاء الله حتخرج بالف سلامه
……………………
بعد مرور يومين
يقبل يدها و رأسها و وجهها و يحتضنها بشده و يمسح لها دموعها التي تنساب على وجهها : عشان خاطري بقى
انا و الله ما حتاخر عليكم حظبط الشغل و حرجع على طول
جنه : ادعيلي يا جاسر
جاسر : و انا عندي مين أغلى منك عشان مدعيلكيش يا حبيبة اخوكي
يحضنوا بعض و يبكوا هما الاتنين بشده
بعدها بيومين
تجلس معها لتطمئن عليها : طمنيني على ماما يا نجلاء انا خايفه عليها أوي
نجلاء : اطمني عليها و الله العظيم هيا كويسه الحمد لله
جنه : من وقت ما جه جاسر و سلم علية و قاللي انه مضطر يسافر و انا خايفه عليها أوي
نجلاء : حبيبتي احنا كلنا حواليها انا و طنط اسماء و استاذ هادي
جنه :…… …….
نجلاء : جنه رحتي فين يا حبيبتي
جنه : تعرفي اني حلمت بيه يا نجلاء حلمت بهادي
نجلاء : سبحآن الله تصدقي أن فهد قاللي ان هادي هو كمان حلم بيكي
جنه : معقوله هو كمان حلم بية نجلاء : ايوة و الله سبحان الله القلوب عند بعضها
جنه : و هو بيروح لماما
نجلاء : ايوة و الله و هو امبارح اللي جاب دكتور العلاج الطبيعي بنفسه و فضل موجود لحد ما نزلوا سوا بصراحه هو إنسان فوق الوصف
تبتسم جنه تلقائيا للحديث عن هادي : نجلاء انا حخرج
نجلاء : حتخرجي ان شاء الله يا حبيبتي و الله حتخرجي
تسيبها عشان ترجع لفهد عالمكتب
و يستعد هادي للخروج من مكتبه فيلاقيها بتدخل ليه : صباح الخير
هادي : صباح النور يا ميار خير في حاجه
ميار : محتاجه أتكلم معاك شويه كل ما اجيلك يا اما بتكون مشغول او مستعجل
هادي : طب اتفضلي اتكلمي خير في مشكله في الشغل
ميار : لا ابدا أنا الشغل ماشي معايا كويس لكن أنا عاوزة أتكلم معاك انت اطمن عليك و على أخبارك
هادي : انا كويس و احسن من اي وقت عشته فحياتي
ميار بفرحه : بجد يعني انت نسيتها خلاص يعني هيا مبقتش موجوده فقلبك
هادي : اللي فقلبي ده حاجه تخصني أنا يا ميار
ميار : انساها زي ما هيا نسيتك و بص للي قلبه عليك بيخاف عليك من الهوا
هادي : اللي بيخاف علية اه ان شاء الله معلش يا ميار أنا مستعجل عن اذنك
يسيبها واقفه مكانها و يمشي و يروح ليونس عشان يبلغه بالاخبار : المشكله مش في شخص واحد يا بشمهندس واضح ان كان ليه اعد. اء كتير بس الفترة الأخيرة حصلت مشكله كبيرة بينه و بين صفوت عزام و اللي في الشركه عنده سمعوه و هو بيتوعده انه حينتقم منه خصوصا بعد الصفقه اللي ضيعها عليه و اداها لشركه تانيه
يونس : تمام أوي دي بدايه كويسه ياللا بينا نروح للشباب نشوفهم بيعملوا و وصلوا لأيه هما كمان و انا كمان اقول لفهد الجديد اللي عندي يوصلوا المكتب و يسمعوا صوت الخبط و الدوشه من برا : هو في ايه هو ايه اللي بيحصل هنا يا بسمه
بسمه : ههههههه هههههه
هادي : في ايه يا بسمه ما تتكلمي
بسمه : هههههه أصل أستاذ فهد و أستاذه نجلاء بيتخانقوا جوة بقالهم نص ساعه بالظبط من وقت ما جت و هما مفصلوش و الله يا أستاذ هادي انا خايفه الجيران يبلغوا عننا
يونس : لا حول ولا قوة الا بالله هما مفيش فايده فيهم
يدخلوا يلاقوهم عمالين يزعقوا فوش بعض : انت مش فاهم حاجة
فهد : بقى انا مش فاهم حاجه ده انتي اللي مبتفهميش تحت رجليكي
يونس : انتوا بتعملوا إيه هو إيه اللي بيحصل ده هو ده الشغل اللي بتشتغلوه
فهد و هو بيزيحها على جنب : بشمهندس يونس هو حضرتك هنا و انت كمان يا هادي ماشاء الله منورين و الله
يونس : بقى احنا اللي منورين و اللا انتوا و بعدين انتوا حتحسوا ازاي بوجودنا و انتوا بالمنظر ده هو انتوا مش حتعقلوا بقى عيب عليكم و الله
نجلاء و هيا بتضربه فكتفه : شايف عاجبك كده
فهد : اه جتك ضربه فقلبك يا شيخه ايدك تقيله جتك الهم
نجلاء : حضرتك و الله انا مليش دعوة هو اللي عطول مش طايقلي كلمه و دايما بيقلل من شغلي محسسني ان محدش، بيفهم غيره و ياريته بيفهم حاجه ده شكله حيغرقنا
فهد : بقى انا حغرقكم ده على اساس انك عويمه اوي يا اسكندرانيه جتك خيبه ده انتي بتغرقي فشبر مياه
نجلاء : نعم ده على أساس انك شفتني طب ده أنا بعوم عوم
فهد : اقطع دراعي لو كنتي بتعرفي
نجلاء : لاء، انت اللي بتعرف مش كده طب وريني مستنداتك يا عديم المستندات
يونس و هو بيهبد على المكتب: بس اسكتوا اسكتوا خالص مش عاوز اسمعلكم صوت انتوا ايه معندكمش احساس اقعدوا اتلقحوا هنا ادامي و شوفوا شغلكم و بلغوني وصلتوا لأيه
ياللا بسرعه
فهد : حاضر
يسحبها من ايدها : اقعدي اتلقحي جتك الهم جبتلنا الكلام و اشتغلي و انتي ساكته شايفاهم بيبصولنا إزاي
نجلاء : بس أنا مش حعرف أشتغل و انا حسه اني متراقبه بتوتر و مبعرفش
فهد : كفايه بقى مبعرفش و مبتعرفش و مبيعرفش دي اللي على لسانك علطول ده حتى فال مش كويس يخر.. ببيتك
ينظران إلى بعضهما وعينهما عليهما : هو احنا حنفضل قاعدين كده طول الليل ما تتكلموا و اللا انتم مش فالحين غير في الخن.. اق و بس ما تتكلم يا فهد
فهد : و هو احنا دلوقتي مش بنشتغل حضرتك
هادي : بتشتغلوا هو فين الشغل ده ده انتوا بتتخ.. انقوا اكتر ما بتشتغلوا انا مش فاهم انتم ازاي مسئولين عن أرو.. اح
نجلاء : عاجبك كده جبتلنا الكلام اهوه كل ده بسببك
فهد : بسببي أنا لا يا ماما
نجلاء : انا مش ماما يا حبيبي
فهد : يا اختي اتنيلي و انتي تطولي تبقي زي ماما
يونس يزعق لدرجة انها تتخض و تمسك في فهد : بس كفايه بقى الله يخرببيتكم و يخرببيت معرفتكم السوده انا اللي غلطان اني مشفتش محامي تاني للغلبانه دي حتضيعوها الله يخرببيتكم انا عقلي كان فين لما قلت انكم تمسكوا القض.. يه سوا
نجلاء : حضرتك بتقول إيه يا عمي
يونس : بلا عمك بلا زفت
فهد و هو بيبعد ايدها اللي متشعلقه في هدومه : سيبي كم الجاكيت حيتقطع في ايدك و بعدين انتي تسكتي خالص صوتك بيعصبه
نجلاء : و هو انا قلت حاجه هو انا نطقت
هادي : ههههههه ههههههه
فهد : بتضحك على ايه انت كمان
هادي : أصلها بتقول انها منطقتش حرام عليكي يا نجلاء ده محدش، بيتكلم غيرك اساسا انتي بجد ملكيش حل
يونس : اسمعوا انتوا الاتنين عشان انا خلاص حطيت صوابعي العشرة في الشق منكم و من عمايلكم البت مرميه في الحب.. س و انتوا ماس.. كين في بعض زي الديوك
نجلاء : و الله انا ماعملت حاجه هو اللي مش طايقلي كلمه تقولش متجوزه أبوه
فهد : هيا مين دي اللي متجوزه ابويا فشر يا حبيبتي ده انتي مشفتيش أمي دي قمر
نجلاء: و هو انا اللي وحشه يعني ده أنا عسل
فهد : عسل أسود و منيل
يونس: ده انا اللي اقسم بالله اللي حخللي يومكم اسود انتوا ا الاتنين
هادي احنا حنروح لمحامي تاني يمسك القضيه و دول خليهم هنا مش عاوزين من و شهم حاجه حيضيعوا الغلبانه
نجلاء : لاء الله يخليك و اودي وشي من جنه فين ده انا وعدتها اني حفضل جمبها
يونس : كانت فاكراكي حتقدري الموقف لكن انتوا للأسف
فهد : للأسف يا لهوي هيا وصلت لكده بص خدها و بيزقها ناحيته مش عاوزها و سيبني انا حشتغل لوحدي
نجلاء : نعم لهيا في الآخر حتيجي فية انا
باشمهندس بص حضرتك خدني معاك للمحامي التاني و انا حشتغل معاه
فهد : وا. طيه خسارة فيكي الأكل اللي باكلهولك كل يوم
لا يا بشمهندس و الله ما حد حيكمل القضيه غيري خلاص و الله آخر مرة أوعدك مش حنعمل حاجه تاني و حنشتغل و بس
يونس : و لو سمعتكلم صوت تاني
نجلاء : إعمل اللي حضرتك عاوزه
يفضلوا يعتذروا و يتخ. انقوا و يعتذروا و يونس يزعق لحد ما هدوا و بدءوا كلهم يتكلموا مع بعض
يا رب يا باشمهندس دي فعلا تبقى نجده و جاتلنا من السما
يونس : ان شاء الله يا فهد بس انتوا قولوا يارب
انا اتصلت بيه أكتر من مرة بس للأسف لسه مردش علية و بعتله رسايل و لسه بردو بس كلمت واحد معاه في نفس البلد اللي هو فيها و حيبلغه اتصالي بيه و وعدني انه حيخليه يرد علية و خصوصا انه عارف إن العلاقه اللي كانت بيننا كويسه الحمد لله
نجلاء : يارب يارب بس تفتكر يكون فعلا في أمل من ناحيته
فهد : ان شاء الله قلبي بيقوللي ايوة و بدل ما انتوا عمالين تتخانقوا كده ادعوا ربنا يقف معانا و نعرف نخرجها و اللا وربنا حعلقكم انتوا الاتنين انتوا فاهمين
فهد : لا و على إيه الطيب احسن اتوكل حضرتك بس على الله و ربنا يستر

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية احتواء قلب)