رواية ظلم بلا حدود الفصل السابع عشر 17 بقلم ريناد يوسف

رواية ظلم بلا حدود الفصل السابع عشر 17 بقلم ريناد يوسف

رواية ظلم بلا حدود البارت السابع عشر

رواية ظلم بلا حدود الجزء السابع عشر

رواية ظلم بلا حدود الحلقة السابعة عشر

مريم صاحيه الصبح كلها حيويه ونشاط ومبتديه يومه بفرحه شديده وحماس
حضرت الفطار فتحت باب الشقه
ابراهيم دخل قعد على السفره علطول
مريم :صباحو احلى هيمااا
ابراهيم :صباح الورد ياوردتى الحلوه
مريم :مش تفطر عند مراتك يارخم
ابراهيم :مش هفطر غير معاكى علطول عاجبها تيجى تفطر
معانا اهلا وسهلا مش عاجبها تفطر لوحدها
ساره :عاجبنى ياسيدى وجيت اهو صباح الخير
مريم :صباح الفل فين الولاد
ساره : اهم جايين ورايا
مريم :يلا ياعلي هتتأخر على مدرستك يلا ياولاد
حاضر جايين اهو
ابراهيم مسك ايدها ربنا يخليكى ليا يامريم وميحرمنيش منك ابدا ..
–
ولا يحرمنى منك ياهيمااا
ابراهيم :صاحيه مزقططه النهارده والفرحه باينه فى عنيكى
خيير فرحينى معاكى
مريم :لا ابدا ولا حاجه
ساره :ايييي طب على العموم ياخبر النهارده بفلوس
مريم وصلت الاولاد لباص المدرسه ورجعت لبست حاجه شيك جدا وسمبل وعملت ميكب وخرجت بخطوات سريعه متفائله وركبت تاكسى وشويه ووصلت عند بيت آدم طلعت خبطت اتأخرو فى فتح
الباب واول مااتفتح مريم لقت مامت آدم هى اللى فتحت
مريم :
ماما الحجه وحشتينى اوى اخبارك عامله ايه هى يارا مش هنا ولا ايه ؟
مامت آدم :لا ياحبيبتى راحت كليتها آخر سنه بقا ربنا معاها
مريم :يارب ياماما
مامت آدم :تعالى يامريم ادخلى اتفضلى يابنتى
دخلت مريم وقعدت شويه مع مامت آدم
مريم :اخبار يارا ايه واخبار آدم
مامت آدم :ألاتنين بخير والحمد لله اخبارك انتى بئا اييه
مريم حكتلها على كل اللى حصل معاها وكانت فرحانه وهى
بتتكلم والدنيا مش سايعاها
مامت آدم :ياحبيبتى اخيرا ربنا نصفك وفرح قلبك عقبال
ميرزقك بابن الحلال اللى يعوضك سنين الشقا والعذاب اللى شوفتيها دى ..
مريم اتكسفت وبصت للارض
مامت آدم :اه صحيح نسيت افرحك مش آدم ابنى خطب
وحده دكتوره زميلته وهيتجوزو قريب ..
مريم بصوت مخنوق والدموع رغرغت فعنيها
بجد ياماما الحجه !!!طب الف مبروك ربنا يسعده يارب… دكتور آدم ابن حلال ويستاهل كل خير
بعد اذنك ياماما عشان انا اتأخرت ولازم اروح
مامت آدم. لا خليكى معانا النهارده
مريم :معلش مره تانيه عشان اتأخرت
مريم خرجت وقفلت الباب وراها ونازله بسرعه لدرجه انها خبطت فى يارا ومشفتهاش من كتر الدموع والعياط
يارا :عليا ..عليا ..مريم …مريم مردتش عليها وكملت جرى
يارا طلعت لمامتها
ماما فيه ايه مريم مالها
مامت آدم :انا قلتلها ان آدم خطب وهيتجوز ….سيادتها جايه
تبشرنى ان جوزها مات وتعرفنى انها خلاص سكتها بقت خضرا وتقدر تتجوز آدم !!
يارا :حرام عليكى يأمى ليه تعملى كده دا آدم بيحبها وكان هيفرح اوى بالخبر ده ليه كده ؟!!!انا هكلمها واقولها الحقيقه
مامت آدم :
يارا لو اتكلمتى فى الموضوع ده لا تبقى بنتى ولا اعرفك
يارا :ليه بس بتعملى كده ليه ؟
مامت آدم :يعنى يابنتى عاوزه اخوكى اول فرحتى يتجوز
ارمله وكمان عندها عيل؟!! ليه يعنى هو شويه؟ دا دكتور اد الدنيا ومن حقه انه يبقا اول راجل فى حياة اللى هيتجوزها ..
يارا :ياماما بس…
مامت آدم :مبسش وتقفلى الموضوع ده ولو آدم سألك عليها تقوليله معرفش عنها حاجه ،،وخلاص ولا نص كلمه تانى..
وحركت الكرسى ودخلت اوضتها
يارا رمت نفسها على الكرسى بتفكر وهى محتاره… وفى الاخر
قررت انها مش هتقول لادم حاجه عشان خاطر مريم قبل آدم اصل طالما مامتها مش عاوزاها تبقا مرات ابنها يبقى مش هتتعامل معاها كويس ومريم مش ناقصه عذابها يتعاد من اول وجديد ..
مريم روحت البيت فى حاله فظيعه ساره اول مشافتها اتخضت عليه
فيه ايه يامريم مالك حصلك ايه
مريم اكتفت بس بالعياط بصوت عالى
مريم قعدت كام يوم حزينه وابراهيم وساره حزانه لحزنها
ابراهيم :لو بس تقوليلى مالك يامريم فيكى ايه انا مش مستحمل اشوفك كده والله العظيم ..
مريم :مفيش ياابراهيم انا هبقى كويسه ياحبيبي متخفش عليا ياما
دقت على الراس طبول ..
ابراهيم :فوقى يامريم لنفسك وكفايه حزن وعيشى حياتك كفايه اللى راح فى الحزن ..
مريم هزت دماغها بموافقه على كلام ابراهيم وهو اخدها فحضنه بحنان وباس جبينها وفضل يقرالها قرآن لحد ماحس انها استكانت فحضنه ..
مريم بعد كام يوم :ابراهيم
ابراهيم :نعم
-انا هقدم فى كليه مفتوحه واكمل تعليمى
ابراهيم :اللى يريحك ياحبيبتى اعمليه
مريم :خلاص السنه دى عدت هقدم السنه الجايه هشوف كليه خفيفه كده واقدم فيها وابتدى فى مشروع المستشفى اللى هعمله هشوف حد يقدر يفيدنى بخبرته فى الموضوع ده
ابراهيم :تمام ياقلبي ايوه بقا هى دى مريومتى القويه اللى اعرفها ..
*********
آدم :ايوه يايارا مفيش اخبار برضو عنها
يارا :لا مفيش انساها بقى ياآدم الظاهر انها استقرت مع جوزها وابنها
آدم :بيتنهد مش قادر يايارا حاولت كتير لكن صورتها وكلامها وكل تفاصيلها مش بتغيب عن بالى لحظه وحده ..
يارا :معلش ياحبيبي استحمل والايام كفيله انها تنسيك وبأذن الله نصيبك من السعاده متشال ..
آدم : انا بس مش قادر استوعب هى ازاى قادره تعيش مع ناس اتسببولها فكل الاذى والالم دا ..وازاى اصلا قدره تعيش مع جوزها بعد كل اللى شافته منه ..
يارا : الانسان ياادم احيانا بيضطر انه يضحى بسعادته فسبيل حبايبه ويتحمل فوق طاقته والظاهر مريم مكتوب عليها انها تفضل تضحى وتتحمل طول عمرها ..
ادم بتنهيده : ربنا يسعدها يارب ويكون معاها دايما ويحميها من اى حد عايز يأذيها ..
يارا :يارب ياحبيبي ..ويسعدك انت كمان ..
يارا قفلت السكه مع ادم وقعدت حزينه على اخوها اللى محروم من حبه…
عدو كام شهر مريم بدأت فى أجراءات المستشفى وقدمت فى كليه هندسه ديكور خاصه وابتدت دراسه ومعظم الكليه عرفت انها الفيس موديل لشركه شانيل
وده عمل لها شهره وشعبيه كبيره وسط الطلبه …
مريم كانت متحمسه جدا وحبت الكليه وكانت متفوقه
فيها لدرجه ان الدكاتره والمعيدين كانو عارفينها بالاسم
وبيتوقعولها مستقبل باهر
************************
-اعمليلى كبايه شاى بسرعه
سالى :متقومى تعملى لنفسك يختى
-وانتى شغلتك ايه مش كفايه انى بشتغل وبصرف عليكى وانتى قاعدالى بوشك المحروق ده محدش راضى يشغلك عنده
سالى قامت بانكسار تعمل الشاى وهى ساكته
كريمه :اءاءاءاءاء وبتشاور
-تعالى شوفى المتكسحه دى كمان عاوزه ايه
سالى :يوووه ياعمتى تانى انتى كل شويه كده انا تعبت اوووووف
-:يلا ياست سالى نزلى ابنك التانى الشغل كفايه كده عليه مش هفضل اشتغل واصرف عليكى انتى وعيالك انا ..
***************************
بعد مرور ٤ سنوات
يلا الفطار جاهز ياحلوين
يلا ياعلى انده ولاد خالك
-حاضر ياماما ثوانى
مريم:مفيش مره اقولك حاجه وتقوم تعملها علطول
علي :ياماما هروح اهو …اهم جم لوحدهم الحمد لله ايه ياعم انتا وهو بتتاخرو ليه لازم كل يوم اخد موشح بسببكم يعنى؟
محمد :صباح الخير ياعمتو
مريم :صباح الورد ياقلب عمتو
خالد :صباحو ياعمتو
مريم :احلى صباح على عيونك ياقلبى
ميمى :فين الفتار انا كحانه
مريم الكبيره :جاهز ياروح عمتو يلا تعالو
ساره :صباح الخير
الكل :صباح النور
خالد :ايوه ياست المدلعه انتى… عمتو مدلعاكى فى الفطار دايما تفطرى عالجاهز
ساره :ولد منا بعمل الغدا والعشا يبقا مين مدلع التانى اكتر؟
وبعدين انا بقولها كتير احضر انا الفطار مش بترضى
مريم :انا لازم افطر ولادى بأيدى واشوفكم كلكم الصبح
قبل مانزل والا يومى ميبقاش حلو
ابراهيم :صباح الخير ..الكل صباح النور …مالكم على الصبح
ساره :ولادك ياسيدى مستكترين عليا ان مريم بتحضر الفطار
وانا بفطر عالجاهز
ابراهيم :دلوقتى يجيلها ابن الحلال وتتجوز وتكرشنا كلنا من هنا ومنشوفش وشها بالأسبوع..
ساره :يااااريت بس هى توافق هما اللى جولها شويه
مريم :لسه مأنش الاوان يجماعه وبعدين انا مرتاحه كده
على بديق :هو انتو ليه كل ماتقعدو معكمش سيره غير انكم عاوزين تجوزوا امى
خالد :يبنى عشان يجيلك اخ وتدخل الجيش اشمعنا احنا!
علي :ياسلام
مريم الصغيره :متزعلوس انا هتجوز وابئا علوسه والبس الفستان وافضل الف بيه وهو يبقا كبيييييير
الكل ضحك
مريم :يلا هنزل اشغل العربيه خمس دقايق اللى مش هينزل
هسيبه وامشى
الكل :انا جاى معاكى اهو وانا كمان وانا قبلكم
*********************
قدام مبنى كبير وقفت عربيه مريم وطلعت فى دور مكتوب عليه يافطه
مكتب عليا لهندسه الديكور # وتنظيم حفلات الزواج
مريم :صباح الخير
الكل :صباح الخير يافندم
عليا :ريم تعالى ورايا
ريم :حاضر مدام عليا
عليا :هاه حد اتصل بيا ؟
ريم :اه يافندم فيه عندنا ٤ اوردارات واحد عاوز يعمل ديكور مطعم فايف ستار …وواحد عاوز يعمل ديكور شقه …
وواحد عاوز يعمل ديكور فيلا على الطابع العربى…. وواحده
عاوزه تعمل ديكور فيلا بس محددتش عايزاها ايه …
عليا :تمام خلى باش مهندس يوسف يستعد عشان هنطلع نعاين وابعتيلى مسئوله قسم تنظيم حفلات الزواج
الباب خبط
عليا :ادخل
-حضرتك طلبتينى يافندم
عليا :اه ادخلى فيه حفله جواز كبيره جدا وعاوزه تحضيرات
اسبشيل الحفله هيكون فيها ناس من الطبقه العليا فى المجتمع
المنظمه :والميزانيه ؟
عليا :مفتوحه…. قدامك ٣ ايام اتفضلى
****************************
مريم ويوسف لفو على كل المواقع واخدو المقاسات
واخيرا وصلو عند الفيلا
الفيلا كانت ضخمه ومصممه بطريقه جميله
استقبلتهم وحده شيك وجميله
هاى انا دكتوره نيفين وطلبت شركتكم مخصوص عشان
عرفت انها نمبر ون فى هندسه الديكور …
عليا : دا شرف لينا يافندم حضرتك ليكى طلبات معينه ولا هنعملها على زوقنا ؟!!
نيفين :لا كله على زوقكم… بس خطيبى يمكن يكون ليه طلبات معينه
هو هيوصل من المانيا الاسبوع الجاى وهاخد رأيه …
بس عموما هو قلى بيتك نظميه براحتك لو هيكون ليه طلبات فهيبقى فى مكتبه بس ..
عليا :بسيطه يافندم نسيبه للاخر
يوسف :عليا يلا نرجع على المكتب ورانا شغل كتييير
عليا :اوكى يلا بعد اذنك دكتور نيفين
نفين :اه شور اتفضلو بس مش هوصيكم على الفيلا عاوزاها
تخلص فى شهر مش اكتر ..
عليا :شهر؟!!! مستحيل طبعا … احنا حضرتك بنفصل الفورنتشر تفصيل
فى الورشه التابعه للشركه مش بنجيبها جاهزه ودا بياخد
وقت كبييير… انا ممكن لو ضغطتهم فى الشغل ناخد ٣ شهور
غير كده فيلا حضرتك متخلصش اقل من ٦ شهور !!
نيفين :اوووو كتييير يعنى مش ممكن اقل من كده ؟
عليا :اقل من كده مش هتطلع بالجوده ولا الفنشينج اللى
يرضيكى ويرضينى فأرجوكى جف مى ماى تايم ..
نيفين :اوك تيك يور تايم ..انا عاوزه حاجه مميزه
عليا :باذن الله حضرتك هتشوفى بنفسك
نستأذن احنا عشان قدامنا شغل كتير
نيفين :مع السلامه الله يكون فى عونكم وميرسى مقدما
يوسف :اه صحيح بالنسبه للميزانيه بتاعت الشغل
نيفين :اوبن
يوسف 👍
عليا ويوسف ركبو العربيه
يوسف :علفكره انتى مجنونه آخر حاجه وهتجننى كل الاستف بتاعك ومبدأئيا جبتيلنا كلنا الضغط
عليا : انا!!!… طب ليه ؟
يوسف :يعنى شغل يخلص فى ٦ شهور توعدى انك تخلصيه فى ٣ شهور لييه ..
حرام عليكى ياشيخه طب فيه ناس زى حلاتى عزاب واحنا عادى بنضغط نفسنا ليل نهار معاكى …
طب واللى عنده مراته واولاده يعمل ايه ؟…انتى ناويه تطلقى كل الاستف بتاعك عشان يفضولك صح ؟
عليا :ههههههههه لا والله مش هطلق حد بس انا الشغلانه اللى بحس انها هتسيب بصمه لينا فى عالم هندسه الديكور مش بسيبها والفيلا انتا شايف موقعها وتصميمها وهتبقى من
اشهر فيلل مصر اسيبها لغيرى يعنى ؟
يوسف :هو انتى ناقصه بصمات ياستى حرام عليكى انتى
عارفه مسميين شركتنا ايه
(شركه حمير الشغل )
عليا :هههههههههههههههه مش قادره هموت ايه دا بجد !!!
يوسف :تصورى
عليا :ولا يهمك دى ناس غيرانه منفسنه مننا
يوسف :اه منفسنه صح ….طب دوسى بنزين يلا خلينا نوصل ششششششى …
عليا :هههههههههههههه
يوسف :انا معاكى فى الفيلا ها مش هاخد شغل تانى
عليا :اساسى يبنى انتا بتتكلم ازاى !
وصلو المكتب واجتمعو المهندسين وعملو رسم للفيلا بالمقاسات وابتدو يدو اراء فى الطابع اللى المفروض تكون عليه الفيلا
امريكى ايطالى عربى تركى مصرى
عليا :انا هعمل كل مكان فيها بطابع مختلف هخليها تبقا مكس من كل الازواق هتبقا روعه..
واتفقو ايه هيتعمل فى كل مكان
وعليا راحت بالعربيه تشوف القاعه بتاعت الحفلات وتشوف
التجهيزات اللى هتتعمل والشكل الاخير للمكان هيكون ايه
واطمنت على كل حاجه بنفسها وبعد ما خلصت شغل روحت البيت :
السلام عليكم
ساره :وعليكم السلام ثوانى هحضرلك الاكل
عليا :الكل اتغدى ؟
ساره :اه الكل اتغدى واللى وراه درس راح واللى وراه تدريب فى النادى راح
وابراهيم مستنى ياكل معاكى كالعاده وانا طبعا مستنيه جوزى آكل معاه.. انا مش عارفه امته تتجوزى
عشان اشمت فى الراجل ده لما يلاقيكى دلقتيه وبتاكلى
مع حد غيره ويفضالى انا بقى ..
عليا :دا بعدك وبعد عريس الغفله.. انا طول عمرى هفضل آكل مع هيما شئتم ام ابيتم…
ابراهيم :ايون شئتى ام ابيتى ثكلتك امك
ساره ومريم :هههههههههه
ساره :حسنا سأئتى بالطعام خسئت يارجل
ابراهيم دخل اتشطف وخرج كانت ساره حضرت الاكل قعدو ياكلو
عليا :هيما اعصابك حديد
ابراهيم ساب اللقمه من ايده وشرب
عملتيها تانى صح ؟
مريم :المرادى بس وحياتى وحياتى
ابراهيم :هاه خدتى ايه المرادى ياسبب غلبى
اخدت فيلا ١٥ اوضه ٣ رسيبشن ٢ مطبخ وتخلص فييييى
ابراهيم.:
ارجوكى متقوليش قبل ٦ شهور عشان خاطرى
عليا : بصوت مبحوح تلاته احممم تلااااته
ابراهيم :٣ ايه
عليا :٣ شهور
ابراهيم :انتى اتجننتى صح هو انا لسه هسأل منتى مجنونه
من زمان وقربتى تجننينى معاكى
عليا :معلش زود عمال زود ساعات شغل زود فلوس اعمل اى حاجه
ابراهيم :يابنتى انتى بتطلبى تفاصيل فى الشغل تاخد شهور لوحدها مصنعيه !!
عليا :معلش ياهيما دى مش اول مره يعنى …
ابراهيم :مش اول مره بس هتكون آخر مره انا مش هضغط نفسى ولا عمال الورشه تانى… يابنتى انتى جبله متتعبيش طب احنا بنى آدمين وبنحس ونتعب حرام عليكى ..
عليا قامت وباسته ربنا يخليك ليا ياأحلى هيما فى الدنيا
ساره بغلب :اخ ٣ شهور مش هنشوفك تانى اه يالهوى يانى يامه ..
عليا :اخر مره اخر مره
ساره :عااااا كل مره بتقولى كده وبرضو بتعمليها تانى
عليا :معلش ياسرسوره اخر مره اخر مره
الكل خلص اكل ومريم قامت دخلت اوضة المكتب بتاعها
تكمل شغل
**************************
بعد اسبوع
يلا الفطار جاهز كلو يجمع معنديش وقت النداء الاخير للاقلاع
ابراهيم :ايه فيه ايه النهارده
عليا :هاروح اشوف الوانات الفيلا وهى بتتضرب عشان مش
عاوزه غلطه
ابراهيم :يادى الفيلا اللى هتجننك دى
عليا :متحمسه اوى ياهيما وحاسه انها بعد ماتخلص هتكون
احلى شغل عملته
ابراهيم :ربنا معاكى
الكل بيستعد عشان ينزل وعليا فى طريقها للباب سمعت
اهلا وعدنا من جديد مع صباح الخير يامصر ودلوقتى جه معادنا مع الفقره اللى كلنا منتظرينها
لقائنا الحصرى والاول مع الدكتور العالمى وخبير جراحات
تجميل الحروق
دكتور :آدم عبد الرحمن الغنى عن التعريف طبعأ …
دكتور آدم اهلا وسهلا بحضرتك نورتنا ونورت بلدك واحنا فخورين بيك جدا ونجاحك يعتبر نجاح لمصر كلها
آدم : اهلا بحضرتك يافندم ومتشكر جدا على الكلام الكبير دا ومصر منوره دايما بأهلها وناسها ..
عليا قلبها انتفض بعنف مع سماع صوت آدم اللى زلزل كيانها ورجعها لاجمل زكريات واحلى ايام عاشتها فقربه والتفتت للتلفزيون ومشيت بخطوات بطيئه وعيون مليانه دموع وقعدت على ركبها قدام التلفزيون…
وحطت ايدها على الشاشه بتلمس آدم وكأنها عايزه تدخل جوا
التلفزيون وتاخده فحضنها وهمست من بين دموعها ..
يااااه يا آدم زى منتا متغيرتش!!
بالعكس زدت جمال وجاذبيه
وحشتنى وحشنى صوتك اوووى
عليا غمضت عنيها وفضلت تسمع آدم وهو بيتكلم افتكرت ضحكته وهزاره افتكرت كل همسه وكل ابتسامه ..
ساره :مريم مالك ؟
عليا :ساره خلى ابراهيم يوصل الولاد انا مش نازله دلوقتى
ساره بصت لابراهيم من البلكونه ورمتله المفتاح وقالتله وهو استغرب
لان مريم كانت مستعجله جدا
ابراهيم :طب هو فيه حاجه ولا ايه
ساره :لا ابدا نسيت حاجه هتعملها وتنزل
ابراهيم :طيب… ركب العربيه وطلع يوصل الولاد
المذيعه :طيب دى انجازات الطب طيب وانجازات القلب اخبارها ايه؟
دكتور آدم :هههههههه تمام
المذيعه :يعنى افهم من كده ان دكتور آدم قابل الحب الحقيقى ؟
آدم :اكيد طبعا والحب احلى حاجه حصلت فى حياتى اجمل من النجاح كمان …
المذيعه :اممممم طيب ممكن نعرف هى معاك دلوقتى ولا لا
آدم سكت شويه :اه معايا هى خطيبتى ربنا يخليهالى
المذيعه :امين يارب
مريم فتحت عنيها ورجعت لورا بحزن… لسه متجوزتش ياآدم !!!
كل المده دى خاطب ولا اتجوزت وطلقت ودى تانى مره ولا ايه؟!!! نفسى اعرف اخبارك نفسى اشوفك تانى نفسى اتكلم معاك …
مريم بعد ماخلص اللقاء نزلت تروح الشغل لكنها كانت مهمومه وحزينه
عليا :يوسف انزل هعدى عليك اخدك ونروح الفيلا
يوسف :اوك انا جاهز ونازل اهو
مامت يوسف :يبنى اقعد افطر علطول متصربع كده بس الست دى تتصل بيك تبرجلك وتنزل على ملى وشك ؟!!
يوسف :ياماما حرام عليكى دا الشغل بيبقا مستعجل هى زنبها ايه بس؟!!
يوسف وهو نازل همس لنفسه :آه ياأمى لو تعرفى انا بحب عليا آد ايه
وببقا سعيد وانا جمبها أد ايه تعذرى لهفتى دى …
يوسف اول ماشاف عليا جيا من بعيد ابتسم …
يااااه ياعليا لما بشوفك الدنيا بتبقا ليها طعم تانى …
عليا :صباح الخير يوسف
يوسف :
احلى صباح على عيونك
وصلو الفيلا وابتدو الشغل
عليا اتصلت على دكتوره نيفين
الو دكتوره لو سمحتى كنت عاوزه آخد رأيك فى حاجه كده
ممكن لو تيجى نص ساعه اكون متشكره ليكى جدا
نيفين :اوك هاجى وكمان احتمال اجيب خطيبى عشان لو ليه
ملاحظات بخصوص مكتبه
عليا :عظيم انا فى انتظارك
نيفين :اوك ساعه واكون عندك

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ظلم بلا حدود)