رواية انتقام عاشق الفصل التاسع عشر 19 بقلم ميفو السلطان

رواية انتقام عاشق الفصل التاسع عشر 19 بقلم ميفو السلطان

رواية انتقام عاشق البارت التاسع عشر

رواية انتقام عاشق الجزء التاسع عشر

رواية انتقام عاشق الحلقة التاسعة عشر

جلست نيران وحيده فيونس اغلق عليها الباب واخبر عمها انها متعبه وانها لا تستطيع ان تاتي معه لم تعلم ماذا تفعل ولكنها ابدا لن تعيش معهم باي حال من الاحوال فتح الباب واحضر لها صينيه طعام ووضعها بجوارها وهي جالسه تنظر اليه اقترب منها وقبل يدها وهتف يلا حبيبي عشان تاكلي.
نظرت اليه ووجهها خالي من التعابير وهتفت بسخريه… انت بجد جايب لي اكل انت بجد متخيل ان انا ممكن اقبل بالوضع اللي انت حاططني فيه بتحبسني ايه هتربطني بسلسله جنبك .
اقترب منها وهتف.. حبيبي انا ما اقدرش اسيبك تمشي والله ما اقدر اموت ولا انك تخرجي من حياتي طب بصي اهدي شويه وانا مش هاجي جنبك بس فكري قد ايه انا وانت بنحب بعض انا عارف اني وجعتك وعارف اني عملت كل حاجه بس ما اقدرش اسيبك اموت ولا اني اسيبك.
شدت يدها وقامت …انت ظالم يا يونس انت زي ناظم بالضبط .ازاي واحد انظلم الظلم ده كله وعاش عيشه سواد بالشكل ده يظلم ويوجع كده انت .زيه ما تفرقش عنه حاجه انا حبيتك ولسه بحبك بس ما اقدرش اعيش معاك طلقني يونس وعيش حياتك بعيد عني وننسى قصه دي لازم اخرج من حياتك وانت تخرج من حياتي لان عمري ما هنسى .عمري ما هنسالك اللي انت عملته فيا بتقول بتحبني بعد ايه بعد ما عرفت ان انا مش بنت ناظم الوقت ابقى انفع قبل كده كنت ايه كنت هتجبرني ان انا اعيش معاك وتجيب مني عيال تربطني بيك وتكب علي فلوس ما انا رخيصه ساعتها في نظرك انت متخيل انت عملت ايه كسرت قلبي كسرت فرحتي انا بقيت ميته من جوايا يونس مش عايزه اعيش لان لو عشت قلبي هيوجعني
عشان انت بعيد.
اندفع ومسكها.. قولي نبعد يا قلبي ابعد شويه. ايه اللي انت عايزاه وانا هعمله انا تحت امرك اكتب لك روحي اكتب لك شركاتي اكتب لك القصر ده اعمل كل حاجه بس تفضلي لي يا قلبي املي عيني منك واحبك.
ابتعدت وقالت ما عادش ينفع يا يونس ما عادش ينفع خلاص كلم عمي يجي ياخدني يونس وطلقني وعيش حياتك وانسى حاجه اسمها نيران وانا كمان هنسى .
امسكها وشدها اليه وصرخ …..مين اللي ينسي مين انا انساك انت تنسيني احنا روحين احنا روحين والسلسله دي الدليل ده قلب يونس وده قلب نيران .
نظرت اليه ومدت يدها الى السلسله خلعتها من رقبتها ودموعها تسهيل ظلت تتلمسها بحنان اقترب منها ودمعت عيناه ومسكت نصف القلب الاخر وشدته احس بخلع في قلبه احس بوجع يمزق قلبه مسكت يده ووضعت فيها نصف القلب واغلقت عليه اليد وقالت خلصت قصتنا خلصت القلب بقى لوحده ولازم يبقى لوحده ما ينفعش انت تكون موجود فيه.
سالت دموع وهو يمسك القلب في يده وهتف … جالك قلب تبعديهم عن بعض انا حاسس ان قلبك انفلق نصين وضع يده على ذراعيها وشدها اليه وهتف….. العذاب اللي شفته في حياتي كوم وعذاب اللحظه دي كوم ثاني زي ما انت اتعذبتي انا تعذبت والله تعبت في بعدك تعذبت اني مش قادر تكوني ليا انت مش متخيله لما عرفت انك بنته قلبي انشق نصين ابويا وقع قدامي وعشت سنتين في الملجا بسببه عارف ان انت ما لكيش ذنب بس انا واحد كنت مريض انتقام بس عشقت عشقت يا نيران والله عشقت والاخر قلت خلاص هنسي انت مين وهاخدك واخدك في حضني بس ما لحقتش والله ما لحقت شدها يعتصرها بقوه ناظم كان السبب عذابي وعذابك.
ابتعدت عنه وهتفت ….لا يونس ناظم كان السبب عذابك وانت جيت كملت عذابي يا يونس ازاي تقول بتحبني ازاي قول فاكر لما ادهم قرر ياخدني منك وجرحك بالسكينه انا نسيت كل حد نسيت عذابي معاك نسيت كل حاجه غير انك انت ما حدش يقربلك نسيت لك ساعتها ازاي طعنتني وسبتني مرميه لوحدي في مكان لوحدي نسيت ذلي ليكم نسيت اهانه عمتك نسيت كل حاجه وقفت له عشان انت ما يجرالكش حاجه ولا حد يقدر يلمسك كان ممكن اموت ممكن اموت ما سبتكش ما سبتوش يلمسك ولا يقرب منك عارف ليه لان قلبي بيعشق والعاشق بينسى وبيسامح وبيخلي حبيبه ما حدش يمسه ولا يقدر يقرب منه بس انت مش عاشق انت مش عاشق العاشق مايشفش حبيبه كده ويسكت .
صرخ وهتف ….مين قال والله العظيم يمين اتحاسب عليه انت بدمي انا عاشقك لدرجه الجنون انا كنت حاسس انه هيجرى لي حاجه من بعدك واللي بيجرالك بس كان مسيطر علي انتقامي ما كنتش بقدر اكمل تعذيب فيك ما كنتش وبقدر اشوفك بتوجعي كل شويه عايز اخدك في حضني اه عاشق . ما تضيعيش كل اللي بينا ابوس ايدك طب طب حاولي حتى تهدي ونشوف هنوصل لحل ازاي انا هوافق على اي حاجه انت عايزاها هوافق ابقى موجود في حياتك باي طريقه بس ما تسيبنيش انا ممكن اموت انا اهون عليا اموت نفسي ولا انك تسيبيني.
احنت راسها بقهر وابتعدت كانت تريد ان تهرب من امامه حتي تكون قادره علي ان تواجهه وتبتعد ..هتفت انا عايزه اروح لعمي دا اللي عايزاه .
اقترب وهتف ..طب اجبهولك هنا يا قلبي .
هتفت ..انا ماعتش عايزه اقعد هنا حرام بقه ايه الوجع ده .
هتف بقهر ..طب هجيب فيلا تانيه نقعد فيها هنسيب دي خالص نيران موتيني ولا تبعديش
هتفت …انت بالنسبالي مت يا يونس لما بقيت مش بنت ناظم انت لو كنت بتحبني كنت صدقت اني غلبانه الحب بيشوف القلوب انت ماعرفتنيش لو كنت عرفتني كنت عرفت اني قلبي مابيعرفش لا غل ولا كره وانا مهما عملت مش هقدر اصفالك يا يونس.
صرخ ….انت بتحبيني ارحميني هعيش مذلول لامتي هعيش متعذب لامتي طول حياتي عايش قلبي ماشفش راحه عايزه تكملي عليا .
هتفت ..دا اختيارك يا يونس انت اختارت حياتك انت اخترت انتقامك يا يونس انا مش عايزه واحد ماحسش بخبي وصدقي اتصل بعمي يا يونس خليه يجي ياخدني .
صرخ…. مش هتصل يا تيران انت مراتي ومش هتمشي من هنا .
صرخت .،بالعرفي اللي قطعته هاه بالرخص مش انا مراتك الرخيصه اللي ماصرفتش عليها جنيه هتحبسني يا يونس .
اندفع ومسكها… عايزه ايه هعمله قولي غير انك تسيبيني عايزه ايه مهر هجبلك دنيا تحت رجلك فرح وفستان فاكره يا قلبي شدها لاحضانه فاكره اعملي فرح يا يونس وهاتلي فستان فاكره يا عمري هعملك احلي فرح في الدنيا فرح بسبع ليالي يتحاكي عليه الكل وهجبلك فستان ماحدش عرف يعمله هشتريلك كل اللي نفسك فيه هسعدك والله هسعدك كان يبكي وهيا منهاره فحلمها الذي حلمت به يصرخ كي يحققه كلبش فيها واجهش بالبكاء وصوته يعلو ظلا هكذا .
هتفت بقهر …. سيب سيب بقه .
صرخ …مش قادر اعمل ايه موتيني طيب استدار كالمجنون ولمح احد السكاكين فمسكها واندفع خدي حطيها في قلبي ريحيني والله هرتاح ماقدرش يا عمري والله ماقدر كان يغرز السكين وهيا تصرخ.
شدت يدها…. بطل بقه بتعذبني ليه ليه يا اخي انا خلاص خلاص قلبي انقفل مهما عملت مش هرجع انت ماعرفتش تحب .
اندفع وكلبش فيها …..ماعرفتش احب انت متخيله لما اسيب انتقامي واصدقك يبقي ماعرفتش نيران انا سامحت ناظم عشان ..نزلت دموعه طب قولي عايزه ايه هعمله عايزاني اركع هركع قولي شدها واجلسها ونزل علي ركبه ومسك وجهها قولي حسي بحبيبك مش بتقولي حاسه بوجعه مسك يدها ووضعها علي صدره حبيبك بيموت والله شوفي قلبي بيتمزع كانت تبكي كان يهذي امامها كالمجنون لينام علي قدميها هموت يا عمري هموت والله ماهتحمل مسك يدها واحتضنها وهيا تنتحب مدت يدها تضعها علي راسه ودموعها تسيل وهو يبكي بقهر اسف علي كل حاجه عملتها اسف والله اسف كنت غبي وحيوان بس والله بعشقك .
هتفت .،يونس .
رفع وجهه فهمس عيون يونس وروحه والله روحه .
هتفت قهر ..انا ماعتش مستحمله عذاب منك ابوس ايدك لو بتحبني سيبني شدت نفسها وقامت قام وكلبش فيها انت مش هتسيبيني فاهمه انت مش هتسيبيني هموتك واموت روحي .
همست…. كلملي عمي عايزاه .
صرخ… ليه عشان ياخدك مني صح عايزه تروحيلهم وتستقوي بيهم بعيد عني هو هيجي ياخدك انا عارف .انت عايزاه ليه انا اللي ليكي انا وانت روح واحده.
صرخت ….عايزه احس ان ليا عيله ليا سند ليا حد يقفلي انا غلبانه طول عمري ..سنين وانا متهانه من جاحد كنت بتعامل معامله الكلاب عمر ماحد حضني عايزاه يحضني يا يونس عايز احس ان ليا سند انت مش سند يوم مانمت في حضنك مت خلعت قلبي يا يونس قلبي اتمزع عايزه احس اخيرا اني بني ادمه مش كلبه مالهاش حد دا يمزع ودا يمزع ومانطقش ،،لو كان موجود ماكنش سابك تعمل فيا كده اللي ليه ضهر يا يونس ماينضربش علي وشه وانا ماعادش ليا ملامح من كتر الضرب انت ضربت وهو ضرب انتو اتلميتو تقطعو في واحده غلبانه عايزاه عايزاه .،نفسي احس ان ليا قيمه .
اندفع ومسكها صارخا….. انت عندي بالدنيا .
صرخت ….بعد ايه قولي بعد ايه يا يونس لو ماكناش عرفت كنت هتكمل ذل فيا هتقعدني وتعاملني زي الكلبه ارضي باللي تحدفهولي وتجيب عيال وتذلني لمزاجك ومانطقش فاكر لما قلتلي هغرقك فلوس وارضي بيكي فاكر اد ايه حسستني اني رخيصه لو كت قدرت تتخلص من حبك كنت رمتني اعتقني لوجه الله احنا خلاص دنيتنا خلصت .
نظر اليها ..لا ماخلصتش يا نيران ماخلصتش وانا ماهخلصهاش ولو قعدت عمري كله تحت رجلك ماهخلصهاش انا ظلمتك بس رجعت في الاخر رجعت وحبي خلاني ابعدك عن قصه انتقامي انا زيك ماعشتش ولازم اعيش وعشان اعيش لازم تكوني موجوده .
تنهدت وهتفت ..مافيش فايده انت اعمل مابدالك بس انا مش في دنيتك واتجهت للفراش ونامت من سكات .
ظل هو واقفا يشعر بالقهر اقترب وهمس طب قومي كلي ماكلتيش حاجه من الصبح .
همست بوجع…. سيبني في حالي .
الا انه قام واحضر الصينيه …انت حالي يا قلبي ماقدرش قومي بس حاولي وحياه اغلي حاجه .ظلت راكنه فهمس طب يا رب ياخدني لو ماكلتيش نظرت اليه بغضب ابتسم وهتف ،،حبيبي قلبه طيب عارف مش هيتحمل .ادارت وجهها وظلت نائمه فهمس يا رب لو حبيبي ما كل .،هنا هبت ماتبطل بقه ايه غلاستك دي .
ابتسم…مش انت مش عايزاني ابعد اهوه ماتكليش .تنهدت وجلست مرغمه وشرعت تاكل وهو ينظر اليها بعشق كانت متوتره فصرخت …..بطل تبصلي بقه .
تنهد…. بحبك والله بحبك ..
ازاحت الصينيه ونامت تنهد وشال الصينيه وجلس عالفراش هتفت بوعيد …..قوم يا يونس من عالسرير هاه قوم عشان والله انا كتير عليا كده ،
الا انه لم يستجيب والتصق بها وضمها اليه فصرخت ….ابعد بقلك .هتف…. .،ليله يا نيران ابوس ايدك ليله يا قلبي انام وانت في حضتي وقلبي مش محروق ليله يا عمري وشالله اموت بعديها نفسي انام والله نفسي انام ادارها وهمس بصيلي نظرت اليه وجدت دموعه تنهال همس نفسي انام ليله وحاسس اني بني ادم بيحب وبيعشق ومافيش اي غل في قلبه نفسي انام وحبيبي مابوجعوش عارف انك موجوعه من عمايلي السوده بس هموت واخد نيران حبيبتي في حضني نيران اللي عيونها كلها عشق اديلي الليله دي ابوس ايدك مش هعمل حاجه بس تكون في حضني لو ليا اي حاجه عندك سيبيلي الليله دي ابوس ايدك نفسي انام يا نيران سنين مابنامش سنين وبموت ارحمي واحد عاش عذاب وجفا وقسوه عارف قلبك حنين نظرت اليه اندفع وحاوطها وشدها اليه.
تنهدت بغلب فشكله يوجع قلبها ظلت صامته لا تنطق وهو ايضا وكل حين يشدد عليها ويتنهد بقوه رفع راسه واخرج القلب من جببه وشبكه في سلسلتها ونظر اليها بعشق وضمها اليه الي ان نام اخيرا احست به يرتخي علي الفور شعرت بالوجع عليه وعلي روحها سالت دموعها ظلت تراقبه وتشبع منه ظلت ساهمه فيه.
همست ….يا ريت قصتنا غير يا ريت كل اللي اقدر اعمله اني احاول ابعد وبس ماقدرش اعمل حاجه تانيه يا يونس ماقدرش لازم احس اني بني ادمه وعندي كرامه كرامتي هتتردلي اما اخرج من حياتك يا ريت عشقك كان كافي انت كنت عاشق بس انتقامك كان اقوي وانا حبيتك وعشقتك بس انت ماقدرتش الحب ده وماتستاهلش الحب ده لازم ابعد يا يونس عشان اعرف اعيش.،ظلت بجواره مسكت يديه وقبلتها همست لو فاكر اني لما هبعد هبطل احبك استحاله انت حبك متملك مني بس مش قادره افضل يا يونس يا ريت اقدر يا ريت اقدر علي روحي اقتربت وقبلت خده وهمست مع السلامه يا واخد قلبي .
قامت هيا من سكات ودموعها تسيل بقهر يا رب صبرني علي فراقه واستدارت من سكات واتجهت لبيت عمها .
نزلت هيا فقابلت عمته اتجهت عمته اليها ومسكتها سامحيني يا نيران انا ماكتش اعرف بالله عليكي سامحيني .
نظرت اليها نيران ..المسامح ربنا يا طنط انتو ظلمتوني وانا ماليش ذنب الذل اللي شفته علي ايديكو ماكنش قليل
هتفت شكريه ..يا بنتي الغل كان مالي قلوبنا ناظم خلع قلبي علي اخويا الوحيد اخويا كان ابني انا اللي ربيته كان اطيب واحن خلق الله لما عرفت كنت زي المجنونه رحت لقيته ميت وابنه ماعرفش طريقه قعدت ادور عالواد لما لقيته لقيته مهزوز وخواف كان بيقوم يصرخ من خوفه يونس قعد يتعالج سنين انا مليته غلي وانتقام ..اعذريه يا بنتي ناظم ملانا امراض نفسيه… يونس ماكانش بيسيبني أذيكي كان بيقعد يزعقلي ويقفلي ماكنتيش بتهوني عليه عشان بيحبك والله يوم الحفله كان مجنون وقعد يصرخ اني سيبتك مكشوفه ويوم السلم والله بهدلني كان ياخدك فوق اقله نزلها ابهدلها يقلي كفايه سيبيها واخرتها اتخلي عن انتقامه اللي كان ضربه لقلبي كنت حاسه انه اتجنن بيكي والله بيحبك سامحيه وسامحيني والله غصب عني انا حرقه قلبي مالهاش وصف.تابعونا علي حكايات ميفو كامله .
دمعت عيونها وهتفت ..الظلم صعب يا طنط والانتقام بتاعكو اقوي من الحب يا ريت تخليه يطلقني وخلعت سلسلتها واعطتها لها اديها ليونس وقوليله خلصت القصه واستدارت وخرجت من سكات .
نام يونس لاول مره يشعر بانه انسان وحبيبته بين يديه ،،كان ينوي ان يرويها من عشقه ان يكفر عن ظلمه الذي اجبرته حياته ان يخوض فيه مد يده بسعاده يبحث عنها انتفض مره واحده وهب يبحث عنها ..قام كالمجنون يصرخ باسمها نزل مسرعا فوجد عمته تجلس تبكي هتف نيران فين .
نظرت اليه بوجع واقتربت منه واخرجت السلسله فشعر بذبحه في صدره وضعتها في يده وهتفت مشت وسابتلك دي بتقولك خلصت القصه
صرخ باعلي صوته ،،لااا ماخلصتش روحي تخلص وقصتنا ماتخلصش لا يا عمتي مش هتحمل والله ماهتحمل دار مهتاجا يكسر ما حوله ليه ليه يتعمل فينا كده انا هموت يا عمتي صدري بيلسعني تهالك عالارض ينتحب بقهر وظل يخبط علي صدره وسالت دموعه ..
تنهدت العمه وقامت وجلست بجواره واخذته في احضانها كالطفل الصغير وهو يبكي ..همس بنحيب ..حاسس ان الزمن رجع بيا حاسس اني شايف ابويا بيموت قدامي الزمن رجع يا عمتي وبقيت يتيم غلبان حبيبي راخ ونتش قلبي انا لوحدي يا عمتي مرعوب هيا قوتي هيا يونس فاكره لما جيتيلي شفتيني عامل ازاي انا خايف قلبي بيقطعني حاسس اني ماهكملش الليله عايز حبيبي عايزه اول مره انام من سنين في حضنها ماكتش بنام الغل والحب كان بياكلو في قلبي بس انا سيبت غلي تحت رجليها رجعهالي يا عمتي انا هموت قوليلها يونس ساب غله عشانك يونس نسي انتقامه والنبي يا عمتي قوليلها اني كت هسيب كل حاجه عشانها انا ماهعرفش اعيش والله ماهعرف يا عمتي طب طب قوليلها تموتني انا موافق اني اموت بس اخدها اخر مره في حضني يا عمتي واموت راضي والله راضي حبيبي موجوع نفسي اسعده واشيل وجعه حد يقلها يا ناس ان يونس بيتقطع واليتم هري قلبه اااه قلبي يا عالم ..
هتفت العمه بنحيب..اهدي وسيبها تهدي نيران بتحبك ناظم عمل كل ده منه لله .
سهم يونهنا هب يونس ..ورحمه ابويا وعضق نيران اللي متملك جوايا لانهش قلبه واعرفه هو مين .يونس وهمس ناظم ..ظل يهذي .،ناظم الي ان تحولت نظراته للغل فهب مره واحده يمين اتحاسب عليه ان حق حبيبي هيجي يمين خدته علي روحي ان حبيبي هيشوف عذاب اللي عملو فيه كده ان ماخليته مذلول طول عمره ان ماخلعت قلبه علي حبايبه انا يونس اللي ماشفت فرح وحبيبي ماشفش يوم عدل عهد عليا يابن الجميل لادعك وشك تحت جزمتها انا يا رب كت هسامح عشانها بس لا النجاسه هتكلع واطلع غلبي وقهري كله هطلع مرطه نفس حبيبي وسنين وجعها كله حقك يا قلبي جاي كله تحت رجلك وربنا عالم انه عشانك مش عشاني لاني سامحت في حقي مره بس دلوقتي جه اجلك يابن الجميل انت وعيلتك النجسه لبس سلسلتها ومسد علي قلبه ..شد قلبك وهات قلبه واتمني حبيبك من ربنا وبس وقام مسرعا يقتص من ذلك الفاجر .
اهي البت طفشت شالله تكونو هديتو وانبطتشيتو تعشقو الحزن..خزان احزان يابن سليمان

يتبع…

لقراءة الفصل التالي : اصغط هنا

لقراءة باقي حلقات الرواية اضغط على : (رواية انتقام عاشق)