رواية بنت بنوت الفصل العاشر 10 بقلم نور محمد
رواية بنت بنوت الفصل العاشر 10 بقلم نور محمد
رواية بنت بنوت البارت العاشر
رواية بنت بنوت الجزء العاشر
رواية بنت بنوت الحلقة العاشرة
تحت في غرفه الضيوف**
محمود بتوتر:عامله ايه ياميرا
ميرا بدموع:الحمد لله اتفضل عاوز تقول ايه
محمود بحزن:ميرا انا بحبك وعاوزك
ميرا بصدمه:انت بتقول ايه انت اجننت يامحمود
محمود باصرار:لا مش اجننت انا بحبك بجد وعاوزك
ميرا بعدم فهم:ازاي كلامك ده وانت اخويا
قرب منها محمود بحب:علشان انا مش اخوكي ياميرا
ميرا بفرحه:بجد يامحمود
محمود ببتسامه:بجد ياقلب محمود بس مش عاوز حد هنا تاني يعرف ده غيرك انتي دلوقتي تمام
ميرا من فرحتها قربت وحضنته بحب: تمام انا بحبك اوي يامحمود
محمود دق قلبه بسرعه: وانا كمان بحبك اوي ياميرا
ومن فرحتهم فضلوا كده لوقت وفجأه اتفتح الباب بقوه ودخلت حنان
حنان بصدمه وغضب: انتو بتعملو ايه… ؟!
ميرا اتخضت منها:ماما مفيش انا…
قاطعها محمود بسخريه:ايه ياطنط اختي وبحضنها عادي مانا اخوها..وغمز لميرا فبتسمت له
حنان بحده:لا انت ابن حسام وبس.. ياله خلصت كلامك معاها
محمود ببرود:ايوه خلصت عن ازنك
وقرب من ميرا وهمس:هكلمك باليل كده علشان عاوزك اوك
ميرا ببسمه:اوك
حنان بشك:انت بتقولها ايه؟
محمود بمشاكسه:بقولها خدي بالك من نفسك كويس ياقلب اخوكي
حنان بغيظ:طيب خلصت محن ياخويا ياله بره بقى ومش عاوزه اشوفك هنا تاني
قرب منها محمود بخبث:مقدرش ياطنط و قلبي هنا معاكي
ضحكت ميرا عليه وحنان اتغاظت اوي منه ومحمود خرج وهو بيقول:مش هطول عليكي ياقلب اخوكي بكره هاجي اشوفك
حنان بضيق:ياله ياكلب من هنا صحيح الي خلف مامتش
ميرا بحزن:متقوليش عليه كده ياماما
حنان بغيظ:في ايه يابت هو ابن حسام عملك ايه؟ وشك نور كده فجأه
ميرا بكسوف:مفيش ياماما انا بقيت كويسه من نفسي
حنان بشك:عليا انا يابت حنان ماشي ياخبر النهاردا بفلوس بكره ببلاش ياختي
ميرا ببسمه:يووه ياماما بقى
ـــــــــــــــــــــــــــــــــــــــــــــــــــــــــــــ
وعند مريم في المطبخ بتحضر الغشاء للعيله وفجأه حضنها احمد جوزها بحب
احمد بحب:وحشتيني اوي ياقلبي
مريم بتوتر:احمد حد يدخل يشوفنا كده
احمد بغيظ:مايدخل الي يدخل يامريم ايه مراتي وعاوز استفر*د بيها شويه هو حرام
مريم بكسوف:احمد في اوضتنا الكلام ده ياحبيبي
احمد بخبث:طيب تعالي نطلع اوضتها احسن من هنا
مريم بحب:حاضر بس هحضر العشاء للعيله وبعدها نطلع
احمد بفرحه:طيب انا هساعدك علشان نخلص بسرعه
مريم:عمرك ماهتتغير يااحمد ابدأ
احمد بمغازله:كله من حبك ياجميل
مريم بكسوف:طيب خلص الي معاك ده بسرعه ياعم الرومانسي
احمد بغمزه:من عيون عمك انت ياعمهم
ـــــــــــــــــــــــــــــــــــــــــــــــــــــــــــــــ
وفي شقه حسام **
حسام بقلق:ها عملت ايه؟
محمود:متقلقش كل حاجه تمام
حسام براحه:يعني كلمتها ووافقه تساعدني
محمود:لا لسه بس قولتلها الحقيقه وبقت في صفي
حسام:طيب الحمد لله كلمها انت بقى زي مااتفقنا ماشي
محمود ببسمه:حاضر يابابا
خرج حسام من الاوضه ومحمود رن على ميرا بسرعه
محمود بمشاكسه:قلب محمود عامل ايه؟
ميرا بكسوف:كويسه الحمد لله وانت
محمود بحب:انا زي الفل وانتي معايا
ميرا:دايما ياحبيبي يارب
محمود بتوتر:ميرا انا عاوز اقولك حاجه مهمه لازم تعرفيها
ميرا بقلق:قول ياحبيبي خير
محمود بخوف:انا عاوز اقولك حقيقه الي حصل زمان كله اسمعي
بدأ محمود الكلام وقال كل حاجه سمعها من حسام من الاول للاخر
وبعدها كمل:بس هو ندمان اوي صدقيني وعاوز بس طنط حنان تسامحه وانتي كمان هو صحيح كان اناني اوي بس ربنا اخد حقكم منه لما حرمه من الخلفه تاني
ودلوقتي كل الي طالبه منك المساعده عاوز اجمع بين طنط حنان وبابا حسام علشان يعتزر منها ها قولتي ايه
ميرا بتوتر:انا مش عندي مانع بس خايفه من رد فعل ماما
محمود بأمل:لا متقلقيش.. انا بس عاوزك تقنعيها تطلع معاكي بره البيت علشان تقابل بابا حسام والباقي عليه هو ماشي
ميرا بقلق وتوتر:حاضر هحاول اعمل كده باذن الله
محمود بفرحه:تمام بكره الساعه خمسه في مول ال*** تجبيها عارفه مكانه
ميرا:ايوه اعرفه خلاص اعتمد على الله وعليا وان شاء الله خير
محمود بحب:ان شاء الله بحبك اوى ياميرتي
ميرا بكسوف:وانا كمان بحبك ياله تصبح على خير
محمود بمشاكسه:وانتي من اهلي وفي حضني قريب ياعمري
ـــــــــــــــــــــــــــــــــــــــــــــــــــــــــــــــ
وفي اليوم التالي في غرفه حنان
ميرا محايله:والنبي ياماما تاجي معايا والنبي بقى
حنان بتعب:بقولك يابت تعبانه خدي مريم معاكي وجيبي الي عاوزاك
ميرا بعند:لا انا عاوزاكي انتي تطلعي معايا نغير جو سوى ارجوكي بقى ياماما وحيااااتي عندك
حنان بستسلام:خلاص طالعه عنيده اوي زي امك تمام هجهز ونطلع سوى
ميرا بفرحه:هاااااي اخيرا تمام انا هجهز بسرعه وهستناكي تحت متتأخريش
وبعد وقت نزلت حنان لقت ميرا في انتظارها.
محمد بتسائل:رايحه فين ياحنان؟
حنان:رايحه المول مع ميرا تغير جو شويه يابابا
محمد براحه:تمام طيب خدي احمد معاكي احسن وو
ميرا بسرعه:لا ياجدو معلش انا عاوزه اطلع مع ماما لوحدنا نغير جو سوى
محمد ببرود:تمام براحتك بس لو حصل حاجه رني عليا او على احمد ماشي
حنان بطاعه:حاضر يابابا عن ازنك
ـــــــــــــــــــــــــــــــــــــــــــــــــــــــــــــــ
وبعد وقت وصلت حنان وميرا المول وميرا طول الطريق الفون في ايدها بتبعت رسايل لحد
حنان بشك:ميرا انتي بتعملي ايه من وقت ماطلعنا من البيت والفون في ايدك كده ليه؟
ميرا بتوتر:لا مفيش ياماما بعمل حاجه مهمه بس
حنان:تمام ياله علشان منتأخرش لان جدك بيقلق اوي علينا
ميرا بطاعه:حاضر ياماما
وبعد ساعه خلصوا وجابوا كل حاجه عاوزينها من المول
حنان بتعب:كفايه كده ياميرا انا تعبت يابنتي احنا جبنا كل حاجه نرجع بقى
ميرا بتوتر:حاضر بس عاوزه ارتاح شويه في الكافيه الي هناك ده ياماما وبعدها نرجع
حنان بتعب:تمام نرتاح شويه ونرجع بسرعه علشان جدك
ميرا بطاعه:حاضر ياماما
توجهوا للكافيه وميرا بعتت رساله لمحمود انها وصلت وبعد ماقعدو على الطاوله وطلبوا عصير حضر محمود
محمود بتمثيل:ايه ده طنط حنان وميرا هنا ايه الصدفه الحلوه دي
حنان بشك:امم ماهي باينه صدفه فعلا يابن حسام
وبصت على بنتها بغضب فقالت ميرا:والله ماعملت حاجه بتبصي عليا كده ليه
قعد محمود معاهم وقال:مش مهم انا بس فرحان علشان قابلتكم هنا عامله ايه ياطنط حنان
حنان بضيق:زفت بعد ماشوفتك قدامي
محمود تجاهلها وبص على ميرا وغمزلها وقال:وقلب محمود عامل ايه؟
ميرا بكسوف:كويسه الحمد لله وانت
حنان بحده:الله في ايه.. انت هتسبل للبنت وانا.قاعده قدامك.. كفايه محن ياخويا وامشي من هنا طريقك اخضر
محمود بتمثيل الحزن:انا مش هرد عليكي ياطنط حنان عارفه علشان ايه؟
حنان بسخريه: علشان ايه يابن حسام
كمل محمود بمغازله لميرا: علشان عيون الغزلان دول
ضحكت ميرا عليه وحنان اتغاظت منه وقامت مسكت ميرا وقالت: ياله يابت احنا مش هنخلص من مسلسل المحن ده
وقبل ماتتحرك من المكان شعرت بمن يمسك ايدها التفتت حنان تجاهه لقته حسام فبصت عليه بضيق وبصت على ايده وهي ماسكه ايدها بحده فبعد حسام بسرعه.
وقال بتوتر: انا اسف مقصدش اعمل كده بس
قاطعته حنان: والا تقصد ياحسام انا مبقاش فارق معايا ياله ياميرا يابنتي
وقف حسام قدامها بسرعه وقال: ممكن اتكلم معاكي خمس دقايق بس لو سمحتي
حنان بضيق: مش عندي وقت ليك ياحسام.. وكلامك دلوقتي اصلا مبقاش فارق معايا.. عارف ليه لانك كسرتني زمان مره بسبب غبائي وقلبي الابيض.. بس دلوقتي انا اتغيرت ومبقتش حنان بتاعه زمان.. فمتتعبش نفسك معايا
حسام بندم: انا عارف ان عندك حق واكتر كمان.. بس ممكن اخر فرصه عاوز احكيلك كل حاجه من اولها.. وبعدها اي طلب هتطلبيه هنفذه فورا والله
حنان كانت هترفض بس ميرا قالت برجاء: معلش ياماما علشان خاطري انا اسمعيه المره دي بس
محمود بدعم: ايوه ياطنط اخر مره اسمعي عاوز يقول ايه بس ارجوكي
حنان بستسلام: تمام موافقه علشان بنتي ميرا
حسام بفرحه: شكرا تعالوا بقى نقعد علشان ميصحش شكلنا كده قدام الناس
وفعلا قعدو وحسام بدأ يحكي كل حاجه لحنان من الاول للاخر وبعد ماخلص كلمه قال
:انا عارف ان مليش حق اطلب منك السماح.. لاني ظلمتك معايا اوي بدون زنب انتي وبنتي ميرا كمان.. بس صدقني انا اتعاقبت اوي من بعدك ربنا حرمني الخلفه تاني.. علشان احس بالنعمه الي كانت معايا.. وكمان اتحرمت من بنتي الوحيده عشرين سنه.. وكل ده حصل بسبب اني كونت اناني اوي وده تمن الانانيه بتاعتي.. وانا دلوقتي مش عاوز منك غير انك تسامحيني ياحنان.. واقدر اشوف بنتي ميرا بس
حنان بدموع وحسره على ماضيها الذي عاشته: مش انت بس الي غلطت ياحسام.. انا كمان غلطت اوي لما مسمعتش كلام بابا واخويا جلال.. وكمان خونت ثقتهم فيا لما اجوزتك بدون علمهم ودفعت تمن ده كسره قلب عشرين سنه.. ياريتني سمعت كلامهم زمان ومعملتش كده
حسام بتأثر:لا ياحنان الذنب كله زنبي انا السبب.. انتي بس حبتيني من قلبك.. وانا الي خونت ثقتك وحبك ليا اسف.. ياريت الزمن يرجع قبل عشرين سنه.. وانا كونت اتغيرت وبقيش ليكي احسن زوج ولبنتي احسن اب في الدنيا
حنان بدموع:خلاص الكلام ده مش هيغير حاجه دلوقتي ياحسام.. الزمن عدا وكل حاجه خلصت.. انا هسامحك بس بشرط واحد الاول
حسام بفرحه:اطلبي الي عاوزاه وانا هنفذ فورا
حنان بحزن على نفسها:طلقني ياحسام
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بنت بنوت)