رواية معشوقه الأسد الفصل الرابع والعشرون 24 بقلم ريحان الأمل

رواية معشوقه الأسد الفصل الرابع والعشرون 24 بقلم ريحان الأمل

رواية معشوقه الأسد البارت الرابع والعشرون

رواية معشوقه الأسد الجزء الرابع والعشرون

رواية معشوقه الأسد الحلقة الرابعة والعشرون

وصلنا لحد اما ندي كانت بتكلم ملك وبتقولها انها متوتره بسبب اللي حصل لكن هناك من كشف امرها
في مكان ما في الشركه تقف تلك الشمطاء وهي تجري محادثه ما
ندي بخوف وتوتر…. ايوه ي بنتي بقولك خطتنا نجحت وحصل زاي ما اتفقنا
لياتي صوت من خلفها يجلعها ترمي التلفون ارضا من توترها
ـــ زاي ما اتفقتي انتي ومين
لتقف تلك المتعطرسه في صدمتها عند رؤيته
ندي بتوتر ورعب… فهد بيه ما.. ف. ي. ش. حاجه حضرتك
فهد بشك اكبر….سؤال واحد ومش مكرره تاني زاي ما اتفقتي انتي ومين وعلي اي
ندي برعب كاد ان يقتلها…. مافيش حاجه حضرتك
فهد بغضب كبير امسكها من يديها… متقولي ي بت اتفقتي انتي ومين وعلي اي بدل ما وربنا اخلي اسد بقطعك حتت ويرميكي في الشارع انطقي
ندي وقد بدات تبكي…. انا معملتش حاجه والله انا كنت مأموره اني اعمل كده
فهد وهوا يتركها ويحاول ان يهدي اعصابه…. قولي انتي ومين وعملتي اي واوعي تقولي ان اللي في دماغي صح تكوني حكمتي علي نفسك بالموت
ندي ببكاء… والله ي فهد بيه انا ماليا علاقه خالص بمدام عشق وبحبها لانها قمر كده ومتستهلش مني اني اعمل فيها كده
فهد بشر…. ده انتي اسد هيولع فيكي انتي متعرفيش ان عشق دي عنده حاله تانيه خالص
ندي بتوسل وبكاء… بالله عليك ي فهد بيه متقولهوش حاجه انا معملتش حاجه
جاء فهد ليتحدث ولكن هناك من تحدث قبله ليصمت الجميع عند سماع وصوته ومنهم من اراد ان تنشق الارض لكي تبلعه خوفا من بطش ذاك الاسد
اسد بكل هدوء مرعب…. سؤال واحد بس لكل اللي واقفين مين المسؤل عن اللي عشق فيه دلوقتي؟
ليصمت الجميع ولا احد يجيب باي كلمه
ليعيد اسد حديثه مره اخري
اسد وبدا صوته يعلو… مش هكرر تاني بس وربنا لهعرف دلوقتي ولو جبته كده من وسطيكم ليكون عقابه اضعاف مما كنت ناوي اعمل فيه
ولم يسمع اسد احد بعد ذالك لانه قام بالصعود الي محل مكتبه وقام بفتح الكاميرا ووجدها معطله فابتسم بشر وقام بعمل شئ اخر ليتأگد من ذالك ثم بعدها بلحظات نزل مره اخري
اسد بابتسامه شر… طيب تمم ماشي انا دلوقتي كده مش عارف ان الناس اللي بتحاول تعمل نفسها ذكيه علي اسد المنشاوي دي عقابها ده لوحده والناس اللي بتحاول
تقرب من حد يخص اسد المنشاوي ده بيلعب كده في عداد عمره
وهنا ابتسم فهد بشر لانه عرف ما مدي بعد نظر صديقه وشده شكائه فهوا حقا كالاسد في كل ترتيبه
ليكمل اسد قائلاً… بالنسبه ليكي ي ندي
وعندما سمعت ندي اسمها كان من سكب فوق راسها ماء بارد تكاد ان يغمي عليها من هول الموقف
اسد بتكمله وبنظره تكبر…. مش عارف الصراحه اقولك اي انا اصلا كده كده كاره صنفك كله يعني سبحان من خلاني اقابل عشق واقول من بعد وعد اختي ان فعلا في بنات او نساء بعمني اصح طيبه وتستحق كده بس للاسف عمري ما انسي ان في ناس اكيد كيدهم عظيم وترتبهم اغبي منهم ما في اولا روحتي اتفقتي مع ملك علي انك انتي تورطي عشق في حاجات كتيره وده طبعا بعد ما كنت في مره طالع شركتي وبعدها سمعتك بالصدفه وانتي بتكلميها في التلفون من بعدها رقبت رقمك وكل حاجه معايا بس جيت اتشغلت بوقت الاجتماع علشان كده مجاش في بالي انك هتنفزي خططتك النهارده روحتي استغليتي فرصه اني في الحمام وروحتي قفلتي جميع كميرات الشركه ونسيتي تقفلي اهم واحده اصلا اللي هيا السحريه اللي في اوضه المكتب ودي هي اللي فضحكتك مافيش اي حاجه هتقدر تبرر موقفك معايا
خلص اسد كل هذا وقام بالنداء علي حراثه وامرهم باخذ ندي الي مخزنه وان ياتو له بملك
امر اسد جميع من في الشركه ان يخرجو لانه قد جاء موعد خروجهم منذ زمن
قام اسد بالخروج من الشركه ولكن اوقفه مراد
مراد… مدام عشق كويسه ي اسد
اسد بابتسامه…ايوه الحمدلله حالتها مستقره
مراد بابتسامه…طيب الحمدلله انها بخير وبدات تتحسن
اسد بتساؤل….اظن رهف متعرفش حاجه صح
مراد ليؤمي له….لا متعرفش حاجه
اسد….تمم كده احسن كأن مافيش حاجه
مراد…طيب انا هروح انا علشان اطمن الجماعه وانت تعالا ورايا
اسد بابتسامه….طيب تمم توصل بالسلامة
ليبتسم له مراد ثم ياخد سيارته ويتجهه الي قصره
اما اسد فاخذ سيارته ويتجهه بيها الي المستشفي
في المستشفي
عشق ببكاء….لااااااا انا عايزة اسد هاتولي اسد لااااا
وعد وهي تبكي وتحاول ان تهدي من وضعها ولكن دون جدوي قامت بالاتصال علي اسد
وعد ببكاء….ايوه ي ابيه انت فين
اسد بقلق علي عشق….جاي في الطريق في حاجه حصلت لعشق ولا اي
وعد ببكاء…هب فاقت وعماله تصوت وعيزاك
اسد بهدوء….خمسه بالظبط واكون عندك
ولم يمر وقت قصير حتي عاد اسد الي المستشفي
دخل اسد مسرعا الي غرفتها علي صوت صراخها باسمه
عشق عندما رات اسد بدات تبكي كالاطفال….انا مش هكلمك تاني ي اسدي انت سبتني هنا لوحدي ليه
ابتسم اسد رغما عنه علي جمالها وصفاء وجهها
فهي حقا جميله
وجهه اسد نظره الي وعد
اسد بابتسامه… وعد قومي يلا روحي الفيلا وانا شويه كده وهنيجي وراكي انا وعشق
وعد باعتراض… بس.. ل
لم تكمل كلامها حتي نظر لها اسد بمعني قومي فاومت له وخرجت متجهه الي قصرها
نظر اسد الي عشق وابتسم ثم قال
اسد بابتسامه حب… عامله اي ي عشقي دلوقتي
عشق بحب… انت سبتني ليه وليه البتاع ده ملفوف علي دماغي كده
اسد بحب…. متخفيش ي قلبي كول مانا معاكي محدش يقدر ياذيكي ولا حد يقدر يقرب منك
عشق بحب… بجد ي اسدي
اسد وهوا مغيب تماما عن الواقع بسبب اضافتها لياء الملكيه لاسمه
اسد وهوا يقترب منها…. بجد ي قلب اسدك
وهنا قد شعرت عشق بدوار في راسها فسقطت علي صدر اسد انفزع اسد بخوف ورعب شديد عليها وقام بمناديا للطبيب بسرعه
كشف الطبيب علي عشق واطمأن عليها
اسد بخوف… هي حصلها حاجه
الدكتور بإطمأنأن…. متخفش ي استاذ اسد هي رجعت لحالتها الطبيعيه وتقدر تخرج في اي وقت
اسد بفرحه… تمم شكرا ليك ي دكتور
اومي له الدكتور وخرج من الغرفه وظل اسد يراقب عشق لفتره حتي استيقظت وحملها وقام ليخرج بيها من المستشفي
عشق بكسوف…. نزلني ي اسد عيب كده
اسد بحب وضحك…. ي بنتي انتي مراتي يعني اعمل فيكي اللي عايزه براحتي محدش ليه حكم عليكي غيري
عشق بغضب طفولي…. يعني انا مثلا اتخلقت من غير رجل امشي عليها
اسد بضحك…. وحتي ولو اشيلك انا ي قلب الاسد وانا مستمتع الصراحه
لتضربه عشق بقبضه يديها الصغيره وهيا تتمتم… قليل الادب صحيح
اسد بضحك…. نروح بس واعرف ازاي انا قليل الاسد ي عشقي
عشق بابتسامه… حلو منه اووي كلمه عشقي دي
اسد باستغراب…. يعني مثلا اول مره تسمعيها مني
عشق… ايوه اول مره تقولها
اسد… ده انا ليس قيلهالك فوق
ثم صمت قليلا ليتذكر كلام الدكتور ان اي تذكير لها سوف يوثر عليها
اسد بضحك… متخديش في بالك اصلي بخرف
عشق بضحك… انا بقوول كده برده
اسد بابتسامه… لسانك طول عليا اووي ي عشقي
عشق وهي تمنع البرائه…. ليه بس ي اسدي ده انا حتي حتي كده بقا
ليضحك اسد عليها بكامل صوته مما احرجها وركبا معا واتجها الي قصرهم
في قصر المنشاويه
في جناح مراد
دخل مراد دون ان يطرق الباب فوجد رهف نائمه علي الفراش ولابسه برموده ورافعه شعرها فوق زيل حصان وكان شكلها تحفه اووي
مراد يريد ان يخضها ولكن لا يعرف كيف يفعل ذالك فقام بتغطيه وجهه بشال اسود وخبئ نفسه ورا السرير وقام باطلوع مره واحده فانفزعت رهف واخذت تصوت
رهف بصويت…. يلاهوووووووي عفريت عفريت في القصر ي ناس يلهوووووووي
يحاول مراد ان يكتم صوتها لانها يعتبر فضحتهم فقام بوضع يديه علي فمها ليمنعها من الصريخ
قامت رهف باذاحه الشال من علي وجهه مراد واخذت تضرب بيديها في صدره
رهف وهي علي وشك البكاء…. انت ازاي تعمل فيا كده جالك قلب تعمل فيا كده ازاي
مراد وهوا يحاول منعها من ضربه في صدره مسك يديها… بس بقي مش ده كله علشان فجعتك يعني عادي
اخذت رهف تبكي فهوا حقا افزعها
مراد في نفسه…. ي دي النيله السوده ما كانت قاعده حلوه وكيوت جيت انا نكدت عليها اما انا فقر صحيح الواحد بيدلع مراته علشان تدلعه لكن انا بخوف مراتي علشان تنكد عليا خيبه سوده
ثم انتبه مراد ان رهف ما زالت تبكي ليقوم مراد يضمها لصدره وهوا يرتب علي ظهرها لكي تهدي
سكتت رهف من فعلته هذه وقامت بالابتعاد عنه
رهف بغضب…. لاااا ي بااابا اصحي كده مش علشان عيطت تعمل فيها الباشا الرومانسي لا فوق لنفسك
مراد وهوا يقلب كفيه علي بعض بقله حيره…. في اي ي لمبي ما كنت حلو من شويه بس بقول اي الجمدان ده
قالها وهوا يغمز
لتنتبه تلك المجنونه وتاخذ بالها مما كانت ترتديه لتقوم جاريه الي الحمام وتغلق علي نفسها
مراد بضحك… افتحي ي هبله عادي انا شوفت كل حاجه خلاص
رهف من خلف الباب….اطلعبره ي قليل الادب وساكت ليه كل ده
ضحك مرادعليها بشده
مراد..طيب دي اوضتي يعني اطلع اروح فين
رهف بتفكير…. طيب اطلع شويه لحد ما البس اي حاجه تانيه
مراد بضحك علي خجلها منه…. حاضر بس متغبيش ولا اساعدك
رهف من خلف الباب…. قليل الادب صحيح
مراد بضحك… سمعتك لما تطلعي بس بكره توقعي تحت ايدي ومش هرحمك
رهف وهي تقلده بدندنه
وخرج مراد من الغرفه ليترك رهف علي راحتها
في جناح اسد
قام اسد بوضع عشق علي فراشها ثم نزل الي تحت لان عشق من تاثير البينج كانت في سبات عميق
اسد بنداء…. سعديه ي سعديه
سعديه بتلبيه…. نعم ي اسد بيه
اسد بسؤال… فين هانم وفين جدي سليم
سعديه…. كانو في الجنينه الخلفيه من شويه ي اسد بيه
اسد بابتسامه… تمم شوفي شغلك انتي
خرج اسد من القصر متجهها الي محل مخزنه في خلف القصر
دخل اسد الي المخزن ثم ابتسم بشر
اسد بابتسامه شر… اهلا اهلا والله المكان منور بيكم
ي تري بقي اسد هيعمل معاهم اي وهيكون عقابهم اي من اسد

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية معشوقه الأسد)