رواية اختي رباعية الفصل الثالث 3 بقلم مجهول

رواية اختي رباعية الفصل الثالث 3 بقلم مجهول

رواية اختي رباعية البارت الثالث

رواية اختي رباعية الجزء الثالث

رواية اختي رباعية الحلقة الثالثة

مر اسبوعين حنين خرجت فيهم من المستشفى وحالتها اتحسنت وبقيت بتتفادى كلام امها و اختها واسامه فضل فيهم مستني مكالمتها ويئس من انها تتصل عليه وراح المستشفى بس عرف انها خرجت واصابه الحزن من تاني”
حنين بابتسامة : انا رايحة الكلية وبعدها خارجه على المكان اللي قولتلك عليه مع سلامة يا بابا
حسام بابتسامة : تحبي اروح معاكي ؟
حنين بابتسامة : لالا مفيش داعي وانا اصلا مش عارفه المحاضرة هتخلص على كام فمفيش داعي تستناني
عفاف بعصبية : كدابه حنان قالتلي مفيش محاضرات النهاردة انتي رايحة تقابلي مين يا حنين؟؟؟
حنين بتتنهد وبتبتسم : ابقي خليها تاخد بالها من محاضراتها احسن ما تسقط…. يلا مع سلامه يا بابا
حسام بابتسامة : مع سلامه يا حنين… وبتروح…بعدها بيلتفت لمراته بعصبية…. اياكي ثم اياكي اسمعك بتقوليلها كلام يسـ ـم البدن تاني بنتي وانا عارف بتروح فين اما انتي شوفي بنتك اللي نايمة على نفسها وبتسقط كل سنه لحد ما اختها الاصغر منها بقيت معاها في نفس السنة وبحذرك تاني مرة اسمعك انتي او بنتك بتقولي كلام لحنين والا والله لتكوني طالق سامعة!!!…. قال الاخيرة بزعيق لدرجة خلتها تتخض
عفاف بخوف : س س سامعة
بعد انتهاء المحاضرة حنين كانت خارجة استوقفها صوت بينده عليها
: انسة حنين!!!
حنين بتلتفت لمصدر الصوت بتلاقيه عمرو
عمرو وهو بيلهث من الجري : السلام عليكم
حنين : وعليكم السلام
عمرو : سمعت انك كنتي تعبانه في المستشفى الف سلامه عليكي عامله ايه؟؟
حنين وهي بتبص على الساعة بتاعتها باستعجال وهي بتفكر باسامة : الحمدلله يا عمرو
عمرو بتوتر : يعني عارف ان ده مش وقته وانك لسه تعبانه بس مردتيش عليا المرة اللي فاتت!!!
حنين بعدم فهم : مردتش عليك في ايه؟
عمرو :طلبت منك رقم الحج بعدها اختفيتي مرة واحدة !!
حنين بتذكر و ابتسامه : اه حقك عليا نسيت والله حتى نسيت اقولهم في البيت طب طلع تلفونك اديك النمرة
عمرو وهو بيبحث عنه في جيبه : ايه ده انا شكلي نسيته في البيت!!
حنين كانت شايله دفتر في ايدها كتبت عليه الرقم وعشان كانت مستعجله مركزتش وادتله الدفتر كله!!!
عمرو كان لسه هيقطع الورقة ويرجعلها الدفتر ويشكرها لقيها مشيت جري من قدامه لانها كانت مستعجله
عمرو وهو بيجري وراها : انسه حنين انسه حنين.. بس ماكانتش سامعاه وركبت التاكسي اللي قدامها ومشي !!
حنين اتصلت بالرقم بتاع اسامه كتير بس مكنش بيرد !!
حنين بيأس : خلاص هتصل اخر مره لو ماردش خلاص مش هتصل تاني!!
اتصلت وهي مقررة انها اخر مرة خلاص بس المرادي رد
اسامة بعصبيه : مين الحمار اللي بيتصل ده مردتش عليك من اول مرة يبقى مش عايز ارد ايه الناس اللي مش بتفهم دي!!
حنين بزعل وعينيها دمعت : انا متأسفة على الازعاج!
اسامة بصدمة وعرفها من صوتها : هوا انتي؟؟؟
كان لسه هيعتذر منها لقيها قفلت الخط
اسامه بعصبية من نفسه وهو بيخبط على الطربيزة : غبي!!
حاول يتصل عليها اكتر من مرة بس ما كانتش بترد عليه
اسامه بتفكير : منه منه اديلي تلفونك عايز اعمل مكالمه ضروري
منه : حلوة دي اديلي تلفونك اعمل مكالمه وبالنهاية انا اللي يخلص رصيدي وانت تكون طلعت بمصلحة
اسامة : بالله عليكي يامنه اعملي خير مرة واحدة في اخوكي
منه بشر : نو
اسامة بدموع : البت بتطير مننا بالله عليكي جيبي االتلفون
منه بفرحة : لو كده خد التلفون
اسامة بياخدوا بسرعة وبيتصل ثواني وبترد حنين
حنين بدموع : الو مين معايا
اسامة : انا دكتور اسامه ارجوكي اسمعيني انا مكنش قصدي
حنين بدموع : سمعت كل حاجه عندك خلاص!!
اسامة : انتي فهمتيني غلط انا كنت فاكرك حد من صحابي حقك عليا طب تعرفي انا طول الاسبوعين دول كنت مستني مكالمتك والله ولما لقيتك طولتي زعلت وكنت فاكرك مش هتتصلي حتى روحت للمستشفى من تاني بس قالولي انو خرجوكي
حنين بابتسامة ودموع : بجد
اسامه بابتسامة : اه والله بس مال صوتك عامل كده ليه انتي كنتي بتعيطي؟؟؟
حنين : لا لا مكنتش بعيط بس انا عايزه اقابلك بامارة ابدا معاك العلاج عايزه عنوان العيادة او المستشفى
اسامة بتوتر وتحجج : للاسف انا النهاردة كنت واخد اجازة بس مش مشكله نتقابل في مكان تاني
حنين : لا لا خلاص انا ممكن اجيلك يوم تاني
اسامه بخضة : لالا والله عليا الطلاق لا نتقابل في *****
حنين بدموع ويأس : ماشي وبتقفل الخط…. عليا الطلاق هو متجوز؟؟
اسامه وهو بيحط برفان قدام المرايا : شكلي عامل ازاي؟؟.. شعري حلو؟؟…. لبسي شكله كويس؟؟.
منه : يا بني انا عايزة افهم هو في دكتور نفسي بيروح لجلسه مع حد وهو لابس بدله بعدين حسستيني كانك رايح تخطب ولا تطلب ايدها كل شويه شعري لبسي شكلي
…ثم احممممم يعني انت مش دكتور نفساني اساسا رايح على اي اساس؟؟؟
اسامه بتفكير : انا فكرت في كل حاجه الا دي راحت عن بالي!!!
منه : مكنش لازم تكدب عليها يا اسامه عرفها الحقيقة!!
اسامه بزعل وخوف : لا هي مش لازم تعرف دلوقتي!!
منه : امال متى؟؟؟
اسامه بتهرب : لما يجي الوقت المناسب… وبيطلع بسرعة عشان يتفادى اخته ويقابل حنين
اسامة بابتسامة : السلام عليكم معلش اتاخرت عليكي وو…
حنين بدموع : هو سؤال واحد اذا انت بتكدب عليا ليه؟؟؟
اسامة بعدم فهم : كدبت عليكي في ايه؟؟!
حنين بدموع : انت مش دكتور نفساني!!!
فارس بصعبيه وزعيق : انت اتهبلت يا بني بتحبها ورايح تطلب ايد اختها؟؟؟
عمرو بدموع وهو حاضن دفتر حنين : اعمل ايه غصب عني!!
فارس باستغراب : غصب عنك ازاي يعني؟؟؟
عمرو :

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اختي رباعية)